#Local_News
Published 11 April 2025

▪️ ရန်ကုန်တိုင်းအပါအဝင် တိုင်းနှင့်ပြည်နယ်များ၌ ရက်ရှည်မိုးရွာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ထုတ်ပြန်သည့် ဧပြီလ (ဒုတိယ)ဆယ်ရက်ပတ်အတွင်း ဖြစ်ပေါ်နိုင်သော စိုက်ပျိုးရေးဆိုင်ရာ (ပျှမ်းမျှ)မိုးလေဝသအချက်အလက်ခန့်မှန်းချက်များအရသိရသည်။

▪️ အဆိုပါထုတ်ပြန်ချက်၌ ဘင်္ဂလားပင်လယ်အော်မြောက်ပိုင်းနှင့်အနောက်အလယ်ပိုင်းတို့တွင် တိမ်အနည်းငယ်ဖြစ်ထွန်းနိုင်ပြီး၊ ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နိုင်ကြောင်း သိရသည်။

▪️ မိုးရွာသွန်းမှုအခြေအနေမှာ- စစ်ကိုင်းတိုင်းဒေသကြီးအထက်ပိုင်း၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲထက်ပိုနိုင်ပြီး၊ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်း ဒေသကြီးအောက်ပိုင်း၊ ဧရာဝတီတိုင်းဒေသကြီးနှင့်  ရခိုင်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်မည်ဖြစ်သည်။
မိုးရွာရက်များ အနေဖြင့် ရန်ကုန်တိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်နှင့် ရှမ်း ပြည်နယ်တို့တွင် ၅ ရက်မှ ၈ ရက်ခန့်နှင့် နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်း ဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ရခိုင်ပြည်နယ်တို့တွင် ၁ ရက်မှ ၄ ရက်ခန့် မိုးထစ်ချုန်းရွာနိုင်မည်ဖြစ်ကြောင်း သိရသည်။

▪️ ထိုကာလအတွင်း နေ့အပူချိန်များမှာ ကချင်ပြည်နယ်နှင့်ရှမ်းပြည်နယ်(မြောက်ပိုင်း)တို့တွင် ဧပြီလပျမ်းမျှအပူချိန်၏ ၁.၅ ဒီဂရီဆဲလ်စီးယပ်အောက် (သို့မဟုတ်) ၃၅ ဒီဂရီဖာရင်ဟိုက်အောက်လျော့နည်းနိုင်ပြီး၊ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်း ဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ် (တောင်ပိုင်းနှင့်အရှေ့ပိုင်း)တို့တွင် ဧပြီလပျမ်းမျှအပူချိန်ခန့်သာ ရှိနိုင် မည်ဖြစ်ကြောင်းသိရသည်။

#YMG/NN #Yangon_Times

မြန်မာနိုင်ငံမှာ ငလျင်လှုပ်ခတ်ပြီးနောက် ကိုယ်ဝန်ဆောင်အမျိုးသမီး ၁၇၃,၈၅၅ ဦးထက်မနည်း အန္တရာယ်ရှိနေတယ်လို့ UNFPA ကထုတ်ပြန်ပါတယ်။
#Local_News
Published 11 Apirl 2025
#ကိုယ်ဝန်ဆောင်အမျိုးသမီး #အန္တရာယ်ရှိနေ
#YMG/SW #Yangon_Times

အင်းလေးရှိငလျင်ကြောင့် ပြိုကျခဲ့သည့် နေအိမ်များပြန်လည်ထူထောင်ရန်လိုအပ်နေ' အင်းလေးမှာ ဇရပ်ကြီးနဲ့ ကေလာရွာတွေက ရွာလုံးကျွတ်ပျက်စီးသွားတယ်၊ တချို့ရွာတွေက ၅၀ ရာခိုင်နှုန်းလောက်နဲ့တချို့အမိုးလန် ၊ယိုင်နဲ့သွားတာရှိတယ်၊ အိမ်နေမရသူတွေက သူများအိမ်သွားနေတာတွေ ကြာရှည်အားနာရတော့ လှေထဲပဲအိပ်နေရသူတွေရှိတယ်၊ အိမ်လိုသူတွေကို သွပ်သံသစ်ဝါးတွေလှူဒါန်းပေးဖို့ လိုအပ်နေပါတယ်၊'
#Local_News
Published 11 Apirl 2025
#အင်းလေး #ပြိုကျခဲ့သည့်နေအိမ်များ
#YMG/NN #Yangon_Times

တရုတ်အစိုးရအနေနဲ့ မြန်မာနိုင်ငံအတွက် ယွမ်ငွေ ၁ ဘီလီယံကို အရေးပေါ်လူသားချင်းစာနာထောက်ထားမှုဆိုင်ရာ ကယ်ဆယ်ရေးအကူအညီအဖြစ် ထပ်မံပံ့ပိုးပေးဖို့ ဆုံးဖြတ်လိုက်တယ်လို့ ယမန်နေ့ကထုတ်ပြန်ကြေညာလိုက်ပါတယ်။
#Local_News
Published 11 Apirl 2025
#ကယ်ဆယ်ရေးအကူအညီ #ယွမ်ငွေ ၁ ဘီလီယံထပ်မံကူညီ
#YMG/SW #Yangon_Times

ရွှေတိဂုံစေတီတော်မှာ တတိယအကြိမ်မြောက် အခြေခံဗုဒ္ဓဘာသာ ယဉ်ကျေးလိမ္မာသင်တန်းကို တစ်ပတ်ကြာဖွင့်လှစ်ခဲ့တယ်လို့
ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က သိရပါတယ်။
#Local_News
Published 11 Apirl 2025
#ရွှေတိဂုံစေတီတော် #ယဉ်ကျေးလိမ္မာသင်တန်း
#YMG/NN #Yangon_Times

#Local_News
Published 11 April 2025

▪️ စွမ်းအင်ဝန်ကြီးဌာန မြန်မာ့ရေနံနှင့်သဘာဝဓာတ်ငွေ့လုပ်ငန်းနှင့် PTTEP International Ltd. တို့အကြား ရတနာကမ်းလွန်စီမံကိန်း အထွက်တိုးရေးပူးပေါင်းဆောင်ရွက်ရန် သဘောတူညီချက် လက်မှတ်ရေးထိုးပွဲအခမ်းအနားကို ဧပြီလ၉ ရက်နံနက်ပိုင်းက စွမ်းအင်ဝန်ကြီးဌာန၌ ကျင်းပခဲ့‌ကြောင်း သိရသည်။

▪️ အခမ်းအနားတွင်ပြည်ထောင်စုဝန်ကြီး ဦးကိုကိုလွင်က ယနေ့ချုပ်ဆိုသည့် စာချုပ်အရ ပိုမိုတိုးမြှင့်ထွက်ရှိလာမည့် သဘာဝဓာတ်ငွေ့များကို မြန်မာနိုင်ငံပြည်သူများသာမက ထိုင်းနိုင်ငံပြည်သူများအနေဖြင့်လည်း မျှဝေသုံးစွဲခွင့်ရရှိမည့်အပေါ် ဝမ်းမြောက်မုဒိတာပွားမိပါကြောင်း၊ မိမိတို့စွမ်းအင်ဝန်ကြီးဌာနအနေဖြင့် အတတ်နိုင်ဆုံးဖြည့်ဆည်း၍ ပူးပေါင်းဆောင်ရွက်သွားမည်ဖြစ်ကြောင်း၊ ယနေ့လက်မှတ်ရေးထိုးခဲ့သည့် သဘောတူညီချက်အတိုင်း သတ်မှတ်ချိန်အတွင်း သဘာဝဓာတ်ငွေ့များ တိုးမြှင့်ထွက်ရှိလာမည်ဟု ယုံကြည်ပါကြောင်း ပြောကြားခဲ့သည်။

▪️ ယခုလက်မှတ်‌ရေးထိုးခြင်းသည် နိုင်ငံတော်၏ အားထားရသည့် ကမ်းလွန်စီမံကိန်းတစ်ခုဖြစ်သည့် ရတနာကမ်းလွန် သဘာဝဓာတ်ငွေ့မြေတွင် အထွက်နှုန်းကျဆင်းလာခြင်းကို ကုစားနိုင်ရန်အတွက် စွမ်းအင်ဝန်ကြီးဌာနနှင့် PTTEP International Ltd. တို့ အထွက်နှုန်းတိုးမြှင့်ရေး ပူးပေါင်းဆောင်ရွက်ရန် စီမံဆောင်ရွက်ခဲ့ခြင်းဖြစ်ကြောင်း သိရသည်။

#YMG/SW #Yangon_Times

#World_News
Published 11 April 2025

▪️ ဒေါ်နယ်ထရမ့်အစိုးရအဖွဲ့က တရားဝင်နေထိုင်ခွင့် မရှိတဲ့ ရွှေ့ပြောင်းနေထိုင်သူအချို့ကို ကွယ်လွန်ဆုံးပါးသူ အချက်အလက်စာရင်းထဲသို့ ထည့်သွင်းကာ နေရပ်ပြန်ရတဲ့ အခြေအနေဖြစ်လာအောင် ကြံရွယ်နေပြီး သူတို့ရဲ့ လူမှုဖူလုံရေးနံပါတ် (Social Security numbers)များ အသုံးပြုလို့မရအောင် လုပ်ဆောင်နေတယ်လို့ အစိုးရအရာရှိတစ်ဦးက ရိုက်တာသတင်းဌာနကို ပြောသွားပါတယ်။

▪️ ဘိုင်ဒင်အစိုးရလက်ထက်က အမေရိကန်သို့ တရားဝင် ဝင်ရောက်ခွင့်ရခဲ့တဲ့ ရွှေ့ပြောင်းနေထိုင်သူတွေဟာ ယာယီနေထိုင်ခွင့် ရုပ်သိမ်းခံရပြီးနောက် လူမှုဖူလုံရေးကွပ်ကဲရေးရဲ့ ကွယ်လွန်ဆုံးပါးသူစာရင်းထဲ ထည့်သွင်းခံလာရမှာ ဖြစ်ပါတယ်။

▪️ ဒါဟာ ပုံမှန်အားဖြင့် သေဆုံးပြီးနောက် လူမှုဖူလုံရေး ခံစားခွင့်များ ဆက်လက်မရရှိသင့်တော့တဲ့ သေဆုံးသူများကို ရှာဖွေသတ်မှတ်တာ ဖြစ်ပါတယ်။

▪️ လူမှုဖူလုံရေးနံပါတ်တွေဟာ အမေရိကန်မှာ အခွန်အသိအမှတ်ပြု နံပါတ်များအဖြစ် အသုံးပြုပြီး အစိုးရမှသတ်မှတ်တဲ့ ခံစားခွင့်များရရှိဖို့ လိုအပ်ပါတယ်။

▪️ ဒါ့အပြင် ဘဏ်အကောင့်ဖွင့်ခြင်း၊ ခရက်ဒစ်ကတ်လုပ်ခြင်း စတဲ့ ပုဂ္ဂလိကငွေကြေး လုပ်ဆောင်မှုတွေမှာလည်း အသုံးပြုပါတယ်။

▪️ ယခုလိုလုပ်ရတာဟာ ယင်းတို့ရဲ့ လူမှုဖူလုံရေးနံပါတ်များကို ဖျက်သိမ်းပြီး ငွေကြေးဝန်ဆောင်မှုတွေကနေ ဖြတ်တောက်ပြီးတော့ နေရပ်ပြန်သွားရအောင် ဖိအားပေးချင်တာ ဖြစ်တယ်လို့ New York Timesမှာ ဖော်ပြထားပါတယ်။

▪️ သမ္မတ ဒေါ်နယ်ထရမ့်က အရေးကြီးတဲ့ ပုဂ္ဂိုလ်ရေးအချက်အလက်များ ကျယ်ပြန့်စွာ အသုံးပြုလာကာ အမေရိကန်မှာ နေထိုင်တဲ့ ရွှေ့ပြောင်းသူအရေအတွက် လျှော့ချဖို့ ဦးတည်လုပ်ဆောင်နေရာမှာ ယခုလို ကွယ်လွန်ဆုံးပါးသူစာရင်းထဲ ထည့်သွင်းခြင်းလည်း ပါဝင်လာပါတယ်။

▪️ ဘဏ္ဍာရေးဝန်ကြီးဌာန၊ ပြည်တွင်းအခွန်ဌာနဲ့ တိုင်းပြည်လုံခြုံရေးဌာနတို့က အခွန်ပေးဆောင်သူ အချက်အလက်များကို ဖက်ဒရယ်လူဝင်မှုကြီးကြပ်ရေး အာဏာပိုင်များထံသို့ ပေးအပ်ကာ ရွှေ့ပြောင်းနေထိုင်သူများကို ရှာဖွေနိုင်မယ့် သဘောတူညီချက်တစ်ခုကို တနင်္လာနေ့က အပြီးသတ်ခဲ့ကြပါတယ်။

#Source: Reuters

#World_Science
Published 11 April 2025

▪️ နာဆာအဖွဲ့ရဲ့ Perseverance Mars အာကာသယာဉ် အကူအညီဖြင့် သိပ္ပံပညာရှင်များဟာ မားစ်ဂြိုဟ်(အင်္ဂါဂြိုဟ်)ပေါ်မှာ ထူးဆန်းတဲ့အရာတစ်ခု တွေ့ရှိခဲ့ကြပါတယ်။

▪️ ထိုအရာက ပင့်ကူဥအစုအပြုံကြီးတစ်ခုကဲ့သို့ ဖြစ်နေတဲ့ ကျောက်တုံးတစ်ခုဖြစ်ပြီး မီလီမီတာ အရွယ်အစားရှိတဲ့ အလုံးလေးတွေ ရာနဲ့ချီပါဝင်နေပါတယ်။

▪️ မားစ်ဂြိုဟ်ပေါ်က Broom Pointဆိုတဲ့နေရာကို Perseveranceယာဉ် ရောက်ရှိပြီး ၂ ပတ်အကြာလောက်မှာ တွေ့ရှိတယ်လို့ နာဆာက ဖော်ပြပါတယ်။

▪️ ထိုဒေသရှိ ပတ်လမ်းကြောင်းကနေ အရောင်လင်းသလို မှိန်သလို ကျောက်တွေကိုမြင်ရပြီး Perseveranceက အနီးနားက ကျောက်တုံးတစ်ခုရဲ့ ထူးဆန်းတဲ့ အသွင်ပြင်ကို တွေ့ရှိခဲ့ပါတယ်။

▪️ ဒီကျောက်တုံးကို St. Pauls Bayလို့ နာမည်ပေးထားကြကာ မီလီမီတာ အရွယ်အစားရှိ မီးခိုးရောင်အလုံးလေးတွေ ရာနဲ့ချီ ပါဝင်ဖွဲ့စည်းထားပါတယ်။

▪️ အချို့အလုံးတွေက ရှည်မျောသလို အချို့က လုံးဝိုင်း၊ အချို့က အလုံးပဲ့ပုံသဏ္ဍာန်၊ အချို့က အပေါက်ငယ်လေးတွေရှိကာ ဘယ်လိုဘူမိဖြစ်စဉ်တွေကြောင့် ဒီလိုပုံသဏ္ဍာန်ဖြစ်ကြလဲဆိုတာကို သိပ္ပံပညာရှင်များ အံ့ဩနေကြပါတယ်။

▪️ မားစ်ဂြိုဟ်ပေါ်မှာ ထူးဆန်းပစ္စည်းတွေတွေ့ရတာ ဒါပထမဆုံးတော့ မဟုတ်ပါဘူး။

▪️ Perseverance Marsအာကာသယာဉ်ဟာ ၂၀၂၁ ဖေဖော်ဝါရီ ၁၈ ရက်တည်းက မားစ်ဂြိုဟ်ပေါ် ရောက်ရှိခဲ့ပြီး စူးစမ်းရှာဖွေမှုများ ပြုလုပ်နေတာ ဖြစ်ပါတယ်။

▪️ ယာဉ်ပေါ်မှာ RIMFAXလို့ခေါ်တဲ့ ရေဒါစနစ်အပါအဝင် ကိရိယာပေါင်း ၇ မျိုး တပ်ဆင်ထားပါတယ်။

#Source: WION

#Local_News
Published 11 April 2025

▪️ ရုပ်ရှင်သရုပ်ဆောင် ကျော်ကျော်ဗိုလ်က အင်းလေးဒေသရှိ ပြိုကျပျက်စီးသွားခဲ့သောနေအိမ်များပြန်လည်တည်ဆောက်လှူဒါန်းပေးနိုင်ရန်အတွက် လေလံပွဲတစ်ခုပြုလုပ်လျှက်ရှိကြောင်း သိရသည်။

▪️ အဆိုပါလေလံပွဲနှင့် ပတ်သက်ပြီး ကျော်ကျော်ဗိုလ်က "ငလျင်ဘေးကြောင့် အင်းလေး ဒေသရှိပြိုကျပျက်စီးသွားခဲ့သောနေအိမ်များပြန်လည်တည်ဆောက်လှူဒါန်းပေးနိင်ရန်အတွက်အများစုပေါင်းပါဝင်နိင်သောအလှူလေလံတစ်ခုကိုပြုလုပ်ပါရစေခင်ဗျာ။ အင်းလေး ဒေသနေအိမ်အလှူအတွက်လေလံတင်မည့်အရာမှာ ကျွန်တော် ပဲဖြစ်ပါတယ်။ လေလံယှဉ်ပြိုင်ရမည့်ပုံစံမှာ လီဗာပူးလ် အသင်း၏အခိုင်အမာပရိတ်သတ်တစ်ယောက်ဖြစ်သော ကျွန်တော့်အား၊အခြားသောဘောလုံးအသင်းများ၏ပရိတ်သတ်များမှမိမိအားပေးသောဘောလုံးအသင်းရဲ့ပရိတ်သတ်တစ်ယောက်အဖြစ်သို့ ( 2025/2026 ဘောလုံးရာသီအတွက်)ပြောင်းလဲအားပေးရန် လေလံကြမ်းခင်းသတ်မှတ်စျေးမှစတင်၍စျေးပြိုင်စနစ်ဖြင့်လေလံဆွဲကြရမှာဖြစ်ပါတယ်။ဥပမာ။ ။ဘောလုံးသမားတွေ တစ်ရာသီ အသင်းပြောင်း(သို့)အဌားသွားကစားသလိုပေါ့ခင်ဗျာ။ လီဗာပူးလ် ပရိတ်သတ်ဖြစ်တဲ့ကျွန်တော့်ကို မန်ယူပရိတ်သတ်ကလေလံဆွဲပြီးမန်ယူအသင်းကိုပြောင်းအားပေးစေတာမျိုးပါ။တဘက်က လီဗာပူးလ် ပရိတ်သတ်ကလည်းကျွန်တော့်ကို မန်ယူ အသင်းထံမရောက်စေဖို့ စျေးပြိုင်ပေးလေလံဆွဲပြီးကာကွယ်ပေးနိုင်ပါတယ်။ အာဆယ်နယ်၊ချယ်ဆီး၊မန်းစီးတီး၊စပါး၊ဘာစီ၊ရီးရဲလ်….စသည်အသင်းပရိတ်သတ်များလည်းဝင်ရောက်လေလံဆွဲနိင်ပါတယ်ခင်ဗျာ။" ဟု ၎င်း၏ လူမှုကွန်ရက်စာမျက်နှာတွင် ရေးသားဖော်ပြထားသည်။

▪️ လေလံကြမ်းခင်းစျေးမှာ ငွေကျပ် ၁၀၀,၀၀၀/ မှစတင်မည်ဖြစ်ပြီးလေလံဆွဲရာတွင်တစ်ဦးတစ်ယောက်ချင်းဖြစ်စေ၊ အသင်းအဖွဲ့ဖြင့်ဖြစ်စေပါဝင်နိုင်ကြောင်း၊ လေလံပွဲပြီးမြှောက်သွားပါကလေလံအောင်မြင်သွားသောအသင်းထံသို့ဂုဏ်ယူပျော်ရွှင်ကျေနပ်စွာဖြင့်(2025/2026)ဘောလုံးရာသီ
အတွက်ပြောင်းလဲအားပေးသွားမည်ဖြစ်ကြောင်း၊ ထိုသို့ပြောင်းလဲအားပေးရာတွင်လေလံအောင်သောအသင်းအတွက်

▪️ ၁။ လေလံအောင်သောအသင်း၏ဘောလုံးဂျာစီတွင် Kyaw Kyaw Bo အမည်ရိုက်၍( 2025/2026 ) ဘောလုံးရာသီအတွက်တရားဝင်ပရိတ်သတ်တစ်ယောက်ဖြစ်ကြောင်း ၎င်း၏ ( Facebook,YouTube,TikTok စသည့် ) Social Media များမှတဆင့်တရားဝင်ကြေငြာပေးခြင်း

▪️ ၂။ ( 2025/2026 ) ဘောလုံးရာသီတလျှောက်လုံးအပါတ်စဉ်လေလံအောင်သောအသင်း၏ဘောလုံးပွဲစဉ်တိုင်းအား ပွဲမစတင်မှီအားပေးသော Facebook Post တင်ပေးခြင်း ဥပမာ။( Go Go MU/Manchester United , We Are Gunner/Arsenal , London Is Blue/Chelsea … စသည်ဖြင့် ) ၊ ပြိုင်ပွဲတွင်မိမိအသင်းအနိင်ရရှိပါကဂုဏ်ပြု့သော Post တင်ပေး၍ရှုံးနှိမ့်ခဲ့ပါကစိတ်မကောင်းသော Post များတင်ပေးခြင်း၊

▪️ ၃။ ( 2025/2026) ဘောလုံးရာသီတလျှောက်လုံးလေလံအောင်သောအသင်း၏ အကြောင်းအရာများမှလွှဲ၍ တခြားအသင်းများ၏ အကြောင်းအရာများကို ၎င်း၏ Social Media များ ( Facebook,YouTube,TikTok စသည့် ) တို့တွင်ရေးသားခြင်း၊ မျှဝေခြင်းမပြုလုပ်ခြင်း၊( 2025/2026 ) ဘောလုံးရာသီအတွင်း တစ်လလျှင်တစ်ကြိမ် လေလံအောင်သောအသင်း၏ Logo ပါသော ဂျာစီ(သို့)အင်္ကျီဖြင့်အလှဓာတ်ပုံရိုက်၍၎င်း၏ Facebook စာမျက်နှာတွင်တင်၍ဂုဏ်ပြုပေးခြင်း၊

▪️ ၄။ လေလံအောင်သောအသင်း၏ပရိတ်သတ်အဖြစ်သတ်မှတ်ကာလအတွင်းအသင်းကိုအားပေးရာတွင်အပေါ်ယံဟန်ဆောင်အားပေးမည်မဟုတ်ပဲ၊အသင်းနှင့်တသွေးတသားထဲစိတ်လိုက်မာန်ပါအားပေးခြင်းနှင့်

▪️ ၅။ ( 2025/2026 ) ဘောလုံးရာသီအတွင်းလေလံအောင်သောအသင်းပရိတ်သတ်တစ်ယောက်အဖြစ်နှင့်အသင်းအားပေးသူပရိတ်သတ်(သတ်မှတ်အရည်အတွက်)များနှင့်အတူအသင်းကန်မည့်ပွဲကြီးပွဲကောင်း ၂ ပွဲတိတိအား(သတ်မှတ်ထားသောနေရာ)တွင် Live ကြည့်ရှု့အားပေးခြင်းများကို ပြုလုပ်ပေးသွားမည်ဖြစ်ကြောင်း သိရသည်။

▪️ သတ်မှတ်စျေနှုန်းအတိုင်းလေလံအောင်ခဲ့ပါက၊လေလံအောင်သောငွေကြေးအားအင်းလေးငလျင်ဘေးအိမ်အလှူအတွက်အိမ်တစ်လုံးဆောက်လုပ်လှူဒါန်းပေးသွားမည်ဖြစ်ပြီး၊ ထိုအိမ်၏အလှူရှင်အမည်တွင် (______________)အသင်းပရိတ်သတ်များမှဆောက်လုပ်လှူဒါန်းသည်”ဟု ရေးထိုးပေးသွားပါမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 11 April 2025

▪️ အူလမ်းကြောင်းနဲ့ ဦးနှောက်တို့ဟာ ထဲထဲဝင်ဝင် ချိတ်ဆက်နေကြပြီး အူလမ်းကြောင်းကျန်းမာရေး မကောင်းရင် အိပ်စက်မှုအနှောင့်အယှက် ဖြစ်စေနိုင်တယ်လို့ How to Win in Modern Wellnessစာအုပ်ရေးသားသူ ဆမ်တယ်ဂျာဒါက ပြောပါတယ်။

▪️ အက်ဆစ်လျှံတက်ခြင်း၊ လေပွခြင်းတို့လို အစာချေပြဿနာတွေအပြင် မူးဝေအော့အန်ခြင်းတို့လို လက္ခဏာတွေထက် ပိုပြီးဖြစ်နိုင်တယ်လို့ ရှင်းပြပါတယ်။

▪️ မယ်လတိုနင်သို့ ပြောင်းလဲပေးတဲ့ ဆယ်ရိုတိုနင် ၉၀ ရာခိုင်နှုန်းလောက်က အူလမ်းကြောင်းထဲမှာ ထုတ်လုပ်ပြီး ထိုထဲမှာ အလုပ်ကောင်းကောင်း မလုပ်နိုင်ရင် အစားအစာတွေကရတဲ့ အာဟာရဓာတ်တွေကို စုပ်ယူဖို့ ခက်ခဲစေပါတယ်။

▪️ အူလမ်းကြောင်းထဲက ပိုးမွှားသက်ရှိတွေက ကိုယ်တွင်းနေ့ညစက်ဝန်း ထိန်းညှိရာမှာ ပါဝင်ပြီး နှစ်ခြိုက်စွာ အိပ်စက်မှုကို ထောက်ကူပေးပါတယ်။
အူလမ်းကြောင်းမကောင်းလို့ အိပ်စက်မှုထိခိုက်လာတဲ့အခါ ကျန်းမာရေးပြဿနာအမျိုးမျိုး ဝင်ရောက်လာပြီး နာတာရှည်ရောဂါများ ဖြစ်လာနိုင်ပါတယ်။

▪️ အူလမ်းကြောင်းကျန်းမာရေး ကောင်းစေပြီး ကောင်းစွာအိပ်စက်စေနိုင်မယ့် နည်းလမ်းတွေကို တယ်ဂျာဒါက ပြောပြသွားပါတယ်။

▪️ (၁) အသီးအနှံနဲ့ ဟင်းသီးဟင်းရွက်တို့မှ အမျှင်ဓာတ်တွေ စားသုံးခြင်းဖြင့် အူလမ်းကြောင်း အကျိုးပြုဘက်တီးရီးယားများ တိုးများစေပြီး အစာခြေခြင်းကို ထောက်ပံ့ပေးပါတယ်။

▪️ (၂) ပရိုဘိုင်အိုတစ်တွေက အစားအစာနဲ့ ဖြည့်စွက်စာတို့မှ အကျိုးပြုဘက်တီးရီးယားများဖြစ်ပြီး အာဟာရဓာတ်နဲ့ စွမ်းအင်တို့ကို ထုတ်ယူကူညီပေးပါတယ်။

▪️ (၃) အဆင့်ဆင့်ထုပ်ပိုး စားစရာများနဲ့ သကြားတို့က ဆိုးကျိုးပြု ဘက်တီးရီးယားများကို တိုးများစေပြီး အူလမ်းကြောင်းရောင်ရမ်းစေကာ အိပ်စက်မှုကို နှောင့်ယှက်ပါတယ်။

▪️ (၄) ကျန်းမာရေးစစ်ဆေးပေးခြင်းဖြင့် အရေးကြီးတဲ့ ဇီဝဓာတုပုံစံတွေ လိုအပ်ချက်တွေကို သိရှိနိုင်ပြီး အူလမ်းကြောင်း မညီမျှခြင်း အကြောင်းအရင်းနဲ့ ပြုပြင်ဖို့အကြောင်းတွေကို သိလာစေနိုင်ပါတယ်။

▪️ (၅) အစာကြေဖို့အတွက် ညဘက်မှာ ရေဓာတ်ပြည့်ဝအောင်နေပြီး အီလက်ထရိုလိုက်များ သောက်သုံးသင့်သလို တစ်နေ့ကို ရေ ၈ ခွက်သောက်သင့်တယ်လို့ ပညာရှင်များ အကြံပြုထားပါတယ်။

▪️ (၆) အိပ်ခါနီး ညဉ့်နက်မှ စားသောက်ခြင်းက အိပ်စက်မှုကို နှောင့်ယှက်နိုင်ကာ အဝလွန်ခြင်း ဖြစ်နိုင်တာကြောင့် နောက်အကျဆုံး ည ၇ နာရီမှာ စားသင့်တယ်လို့ အကြံပြုထားပါတယ်။

#Source: New York Post

မြန်မာပြည်အလယ်ပိုင်းမှာ ပြင်းအား ၇.၉ အဆင့်ရှိတဲ့ မြေငလျင်ကြီးလှုပ်ခတ်ပြီး ၁ ပတ်ကျော်အကြာမှာ အထိခိုက်ခံရဆုံး မန္တလေးမြိုမှာ နာလံထစပြုတဲ့ အရိပ်အယောင်များ မြင်လာရပြီး စီးပွားရေးလုပ်ငန်းများ ပြန်လည်ဖွင့်လှစ်လာကာ ငလျင်ဒဏ်သင့်ဒေသခံများ နေရာချထားခြင်းများ တွေ့လာရပါတယ်။
#Asia_Crisis
Published 10 Apirl 2025
#မန္တလေးတွင်လုပ်ငန်းများနာလံထစပြုလာ #ငလျင်ဒဏ်သင့်ဒေသခံများ
#YMG #Yangon_Times #Yangon_Media_Group

#Daily_News

Published 10 Apirl 2025

၁။ အထူးရထား ခရီးစဉ်များကို ဧပြီ ၁၁ ရက်တွင် စတင်ပြေးဆွဲပေးမည်

၂။ အမျိုးသမီးများအတွက် ပန်းရံသင်တန်းအခမဲ့ဖွင့်မည်

၃။ ငလျင်ဘေးသင့်ဒေသများအတွက် စက်ရုံအထိုင်ဈေးဖြင့် ဘိလပ်မြေများရောင်းချပေး

၄။ ငလျင်လှုပ်ခတ်ပြီး တစ်ပတ်ကျော်လာသည့်အချိန်၌ မန္တလေးတွင်လုပ်ငန်းများ နာလံထစပြုလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group