ပေကျင်းမြို့မှာ ဗုဒ္ဓဟူးနေ့ကကျင်းပတဲ့ V-Day စစ်ရေးပြအခမ်းအနားမှာ ပျံသန်းပြခဲ့တဲ့ တရုတ်ပြည်ထုတ် တိုက်လေယာဉ်တွေဟာ တရုတ်လေတပ်ရဲ့ တိုက်ခိုက်စွမ်းရည်တွေကို ထင်ထင်ရှားရှားမြင်စေပါတယ်။

#Asia_Military
Published 08 September 2025
#ပေကျင်းမြို့ #တရုတ်လေတပ်_တိုက်လေယာဉ်
#YMG #Yangon_Times #Yangon_Media_Group

ဂျပန်ကျူးကျော်မှုကို ဆန့်ကျင်တဲ့ တရုတ်ပြည်သူ့တော်လှန်ရေးနဲ့ ကမ္ဘာလုံးဆိုင်ရာ ဖက်ဆစ်ဆန့်ကျင်ရေးစစ်ပွဲ အောင်ပွဲခံတဲ့ နှစ် ၈၀ မြောက်အခမ်းအနားကြီးမှာ တရုတ်ပြည်သူတိုရဲ့ ရုန်းကန်မှုနဲ့ တိုက်ပွဲဝင်စိတ်ဓာတ်ကို ပြသခဲ့ပါတယ်။

#Asia_Event
Published 06 September 2025
#တရုတ်ပြည်သူ့တော်လှန်ရေး #ဂျပန်ကျူးကျော်မှု
#YMG #Yangon_Times #Yangon_Media_Group

ဗုဒ္ဓဟူးနေ့က ပေကျင်းမှာကျင်းပတဲ့ စစ်ရေးပြပွဲကြီးမှာ တရုတ်ကမောင်းသူမဲ့စစ်လက်နက်တွေကို မိတ်ဆက်ခဲ့ပြီး တရုတ်ပြည်သူ့လွတ်မြောက်ရေး တပ်မတော်ရဲ့ အနာဂတ်ဦးစားပေး တိုက်ခိုက်ရေးစိတ်ကူးစိတ်သန်းတွေကို ပြသခဲ့ပါတယ်။

#Asia_Military
Published 05 September 2025
#မောင်းသူမဲ့စစ်လက်နက်စွမ်းရည် #တရုတ်ပြည်သူ့လွတ်မြောက်ရေး တပ်မတော်
#YMG #Yangon_Times #Yangon_Media_Group

ဒုတိယကမ္ဘာစစ်အတွင်း တရုတ်-မြန်မာ-အိန္ဒိယ(CBI) စစ်ဇာတ်ခုံနေရာမှာ အဓိကပါဝင်ခဲ့တဲ့ အမေရိကန်ဗိုလ်ချုပ် ဂျိုဆက်စတီဝယ်ရဲ့ ဇာတ်ကြောင်းက အမေရိကန်-တရုတ် ဖက်ဆစ်ဆန့်ကျင်ရေးမဟာမိတ်ရဲ့ ပြယုဂ်ဖြစ်ပြီး ယနေ့ထက်တိုင် အမွေအနှစ်ခိုင်မြဲနေဆဲဖြစ်ပါတယ်။

#World_History
Published 04 September 2025
#တရုတ်မြန်မာအိန္ဒိယ #အမေရိကန်ဗိုလ်ချုပ်ဂျိုဆက်စတီဝယ်
#YMG #Yangon_Times #Yangon_Media_Group

စက်တင်ဘာ၃၊၂၀၂၅ (ဘေဂျင်း)-

တရုတ်နှင့်မြန်မာ နှစ်နိုင်ငံခေါင်းဆောင်များ ရရှိထားသည့် အရေးကြီးသော ဘုံသဘောတူညီချက်များကို အကောင်အထည်ဖော်ရန် အသင့်ရှိတယ်လို့ တရုတ်ပြည်သူ့သမ္မတနိုင်ငံ ဒုတိယသမ္မတ မစ္စတာ  ဟန်ကျန့် က မြန်မာနိုင်ငံ ယာယီသမ္မတ ဗိုလ်ချုပ်မှူးကြီးမင်းအောင်လှိုင်ကို ပြောကြားခဲ့တယ်လို့ ဆင်ဟွာ  သတင်းဌာနက သတင်းရေးသားပါတယ်။

ဗိုလ်ချုပ်မှူးကြီးနှင့် မစ္စတာ ဟန်ကျန့်တို့သည်  စက်တင်ဘာ ၂ ရက် အင်္ဂါနေ့က တရုတ်ပြည်သူ့သမ္မတ နိုင်ငံ ဘေဂျင်းမြို့တော်တွင်တွေ့ဆုံစဉ် တရုတ်ဒုတိယသမ္မတက ယင်းကဲ့သို့ပြောကြားခဲ့တာဖြစ်ပါတယ်။

တရုတ်-မြန်မာ နှစ်နိုင်ငံဆက်ဆံရေး ကောင်းမွန်တည်ငြိမ်စွာ ဆက်လက်တိုးတက်စေရန် မြန်မာနိုင်ငံနှင့် ပူးပေါင်းဆောင်ရွက်ရန်လည်း အသင့်ရှိတယ်လို့ မစ္စတာဟန်ကျန့်က ဆက်လက်ပြောဆိုပါတယ်။

ဗိုလ်ချုပ်မှူးကြီးက မြန်မာနိုင်ငံ ငလျင်ဒဏ်ခံရပြီးနောက် ချက်ချင်းအကူအညီပေးခဲ့သည့်အတွက် တရုတ် နိုင်ငံကို မင်းအောင်လှိုင်က ကျေးဇူးတင်ကြောင်း ပြောကြားခဲ့ပါတယ်။ အဲဒီအပြင် သမ္မတရှီက အဆိုပြုခဲ့သည့် ကမ္ဘာလုံးဆိုင်ရာ စီမံခန့်ခွဲမှုအစီအမံ Global Governance Initiative  (GGI) ကို မြန်မာ နိုင်ငံက ထောက်ခံကြောင်းနှင့် မြန်မာ-တရုတ် အေးအတူပူမျှ အသိုက်အဝန်း တည်ဆောက်ရေးကို ရှေ့ဆက်မြှင့်တင်ရန် ကဏ္ဍအသီးသီးတွင် တရုတ်နိုင်ငံနှင့် ပူးပေါင်းဆောင်ရွက်မှုများ ပိုမိုခိုင်မာစေရန် ဆန္ဒရှိကြောင်းလည်း ပြောကြားခဲ့တယ်လို့ ဆင်ဟွာသတင်းမှာဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်သည် ရှန်ဟိုင်းပူးပေါင်းဆောင်ရွက်ရေးအဖွဲ့ SCO ထိပ်သီးအစည်းအဝေး နှင့် ၈၀နှစ်မြောက် ဖက်စစ်ဆန့်ကျင်ရေးစစ်ပွဲအောင်နိုင်ခြင်း စစ်ရေးပြအခမ်းအနားများသို့ တက်ရောက်ရန် တရုတ်ပြည်သူ့သမ္မတနိုင်ငံသို့ ဩဂုတ်၃၀ရက်ကတည်းက ရောက်ရှိနေခြင်း ဖြစ်ပါတယ်။

#ymg #Xinhua

တရုတ်သမ္မတရှီကျင့်ဖျင်က တနင်္လာနေ့မှာ တီယန်ကျင်မှာပြုလုပ်တဲ့ ရှန်ဟိုင်းပူးပေါင်းဆောင်ရွက်ရေးအဖွဲအစည်းPlus အစည်းအဝေးမှာ ကမ္ဘာလုံးဆိုင်ရာ အုပ်ချုပ်ရေးအစီအစဉ်(GGI)ကို အဆိုပြုခဲ့ပါတယ်။

#Asia_Politics
Published 03 Sept 2025
#တရုတ်သမ္မတရှီကျင့်ဖျင် #ကမ္ဘာလုံးဆိုင်ရာအုပ်ချုပ်ရေး
#YMG #Yangon_Times #Yangon_Media_Group