နေပြည်တော်-ဧပြီ၁၈၊၂၀၂၆

ရုရှားနိုင်ငံမှ မြန်မာနိုင်ငံသို့ သဘာဝဓာတ်ငွေ့ရည် (LNG)၊ ရေနံဓာတ်ငွေ့ရည် (LPG)၊ ဓာတ်မြေဩဇာနှင့် ရေနံစိမ်းကုန်ကြမ်းများကို သက်သာသော ဈေးနှုန်းဖြင့် ရရှိရေး၊ အရည်အသွေးနှင့် လမ်းခရီးလုံခြုံမှု အာမခံချက်ရှိစေရေး ရည်ရွယ်ချက်ဖြင့် မြန်မာနိုင်ငံ လျှပ်စစ်နှင့် စွမ်းအင်ဝန်ကြီးဌာနနှင့် ရုရှားနိုင်ငံ Investment Development Fund “RC Investments” တို့အကြား စီးပွားရေးနှင့် နည်းပညာဆိုင်ရာ ပူးပေါင်းဆောင်ရွက်မှုစာချွန်လွှာ (Memorandum Of Cooperation - MOC) ကို ၂၀၂၆ ခုနှစ်၊ ဧပြီလ ၁၆ ရက်နေ့တွင် ရုရှားနိုင်ငံ၌ လက်မှတ်ရေးထိုးခဲ့သည်။

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင် ဦးဆောင်သော မြန်မာကိုယ်စားလှယ်  အဖွဲ့သည် ရုရှားခရီးစဉ်အတွင်း ရုရှားစွမ်းအင်ဝန်ကြီးဌာန၏ ကူညီပံ့ပိုးစီမံမှုဖြင့် ရုရှားအခြေစိုက် ကုမ္ပဏီ  တာဝန်ရှိသူများနှင့် တွေ့ဆုံခဲ့ပြီး ယခုကဲ့သို့ စဉ်ဆက်မပြတ် ရေရှည်ထောက်ပံ့နိုင်မည့် အစီအမံများကို နှစ်နိုင်ငံ ချစ်ကြည်ရင်းနှီးမှုကို အခြေခံ၍ ချမှတ်နိုင်ခဲ့ခြင်းဖြစ်သည်။

ထို့ပြင် ထိုနေ့မွန်းလွဲပိုင်းတွင် ရုရှားနိုင်ငံ Inter RAO ကုမ္ပဏီနှင့် တွေ့ဆုံကာ ထားဝယ်ရေနက်ဆိပ်ကမ်း၌ ကျောက်မီးသွေးသုံး လျှပ်စစ်ဓာတ်အားပေးစက်ရုံ၊ ရေနံချက်စက်ရုံနှင့် LNG ဆိပ်ကမ်းတည်ဆောက်ရေး ကိစ္စရပ်များကိုပါ အသေးစိတ် ဆွေးနွေးခဲ့ကြသည်။

နိုင်ငံအတွင်း စွမ်းအင်ကဏ္ဍ လည်ပတ်မှု ပိုမိုအားကောင်းစေရန်အတွက် တွေ့ဆုံဆွေးနွေးမှုများအတွင်း မြန်မာနိုင်ငံတွင် လက်ရှိအသုံးပြုနေသည့် သဘာဝဓာတ်ငွေ့သုံး တာဘိုင်များ၊ အင်ဂျင်များ၏ စွမ်းအား  မြှင့်တင်ရေး၊ ပုံမှန်ထိန်းသိမ်းပြုပြင်ရေးနှင့် တာဘိုင်စက်များနှင့် ပတ်သက်သည့် နည်းပညာပိုင်းဆိုင်ရာများကို လက်တွေ့လေ့ကျင့်သင်ကြားပေးရေး စသည့် အခြေအနေများကိုလည်း ထည့်သွင်းညှိနှိုင်းခဲ့ကြသည်။

ယခု ချုပ်ဆိုခဲ့သော စီးပွားရေးနှင့် နည်းပညာဆိုင်ရာ MOC အပြင် မြန်မာနိုင်ငံ လျှပ်စစ်နှင့် စွမ်းအင်ဝန်ကြီး  ဌာနနှင့် ရုရှားဖက်ဒရေးရှင်းနိုင်ငံ စွမ်းအင်ဝန်ကြီးဌာနတို့အကြား လျှပ်စစ်နှင့် စွမ်းအင်ကဏ္ဍ တစ်ရပ်လုံးတွင် ရင်းနှီးမြှုပ်နှံမှုများ တိုးမြှင့်ရန်နှင့် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် လေ့ကျင့်သင်ကြား  ပေးခြင်းများပါဝင်မည့် နားလည်မှုစာချွန်လွှာ (Memorandum Of Understanding - MOU) တစ်ရပ်ကိုလည်း မကြာမီ အချိန်အတွင်း ထပ်မံရေးထိုးသွားမည်ဖြစ်ကြောင်း သတင်းရရှိသည်။

NAYPYITAW, April 17, 2026 — Myanmar's Union Minister for Electric Power and Energy, U Ko Ko Lwin, concluded strategic visits to the Russian Federation and the People's Republic of China this week, aiming to secure the nation's energy supply and position Myanmar as a pivotal "Energy Hub" in Southeast Asia.

Russia Agrees to Oil MOU and Tripartite Committee During high-level meetings in Moscow on April 15, U Ko Ko Lwin met with Russian Presidential Advisor Anton Kobyakov and Energy Minister Sergei Tsivilev. The delegations agreed to expedite a Memorandum of Understanding (MOU) to facilitate the export of Russian oil and petroleum products to Myanmar.

Discussions expanded significantly beyond bilateral trade, focusing on Myanmar's potential as a regional transit hub. Key proposed initiatives include:

• Exporting Liquefied Natural Gas (LNG) through Myanmar to China and Thailand via pipelines.
• Russian investments in Myanmar's offshore blocks.
• Development of the Dawei deep-sea port project.

Crucially, the Russian Energy Minister announced plans to form steering committees to spearhead a new Myanmar-Russia-China tripartite energy cooperation initiative.

Later that evening, the Union Minister met with Sholban Kara-ool, Deputy Chairman of the Russian State Duma. Negotiations centered on securing long-term agreements for crude oil purchases and acquiring low-interest loans for capital-intensive energy infrastructure. Kara-ool welcomed the impending MOU and pledged his support, emphasizing the geopolitical importance of the Russia-Myanmar-China alliance.

Background: Infrastructure Talks in Beijing Preceding his Russian engagements, U Ko Ko Lwin visited Beijing on April 13 and 14. He held operational talks with key Chinese corporations, including China Railway Beijing Engineering Group, MEIGE Joint Energy Holding, and Yunnan-Irrawaddy Supply Chain Company.

The Beijing discussions focused on modernizing Myanmar's domestic infrastructure, specifically:

• Drilling deep wells in mature oil fields.
• Constructing new oil refineries.
• Advancing renewable energy projects.
• Collaborating along the entire crude oil supply chain.

Strategic Pivot for Regional Integration To conclude the initial phases of these talks, the Union Minister extended formal invitations to the Chinese energy firms to conduct on-the-ground surveys in Myanmar for detailed technical negotiations.

These consecutive diplomatic missions underscore Myanmar's strategic efforts to partner with Beijing and Moscow. By building robust new supply routes, the government seeks not only to guarantee domestic energy security but also to establish a strategic geopolitical foothold as an energy conduit for the broader Southeast Asian region.

-END-

၂၀၂၆  ဧပြီ ၁၇

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် နိုင်ငံတော်၏ လျှပ်စစ်နှင့် စွမ်းအင်ကဏ္ဍ အရှိန်အဟုန်ဖြင့် ဖွံ့ဖြိုးတိုးတက်စေရေးနှင့် စွမ်းအင်ဖူလုံရေးတို့အတွက် ရုရှားဖက်ဒရေး ရှင်းနိုင်ငံနှင့် တရုတ်ပြည်သူ့သမ္မတနိုင်ငံများသို့ သွားရောက်၍ နှစ်နိုင်ငံပူးပေါင်းဆောင်ရွက်မှု  မြှင့်တင်ရေး   ကိစ္စရပ်များကို တွေ့ဆုံဆွေးနွေးခဲ့သည်။ 

အထူးသဖြင့် ရုရှားနိုင်ငံခရီးစဉ်အတွင်း ရုရှားနိုင်ငံသမ္မတ၏ အကြံပေးပုဂ္ဂိုလ်၊ စွမ်းအင်ဝန်ကြီး၊ ဒူးမား  လွှတ်တော် ဒုတိယဥက္ကဋ္ဌတို့နှင့် တွေ့ဆုံခဲ့ပြီး မြန်မာနိုင်ငံအား စွမ်းအင်ဗဟိုချက် (Energy Hub) အဖြစ် အသုံးပြုရေးကို အဓိကထား ဆွေးနွေးခဲ့သည်။

ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် ဧပြီလ ၁၅ ရက်နေ့တွင် ရုရှားနိုင်ငံသမ္မတ၏ အကြံပေးပုဂ္ဂိုလ် Mr. Anton Kobyakov၊ ရုရှားစွမ်းအင်ဝန်ကြီး Mr. Sergei Tsivilev တို့နှင့်တွေ့ဆုံ၍ မြန်မာ-ရုရှား ရေနံနှင့် ရေနံထွက်ပစ္စည်းများ တင်ပို့ရေးအတွက် နားလည်မှုစာချွန်လွှာ (MOU) အမြန်ဆုံးရေးထိုးရန် သဘောတူညီခဲ့ကြသည်။ 

ထို့အပြင် သဘာဝဓာတ်ငွေ့ရည် (LNG) ကို မြန်မာနိုင်ငံမှတစ်ဆင့် တရုတ်နှင့် ထိုင်းနိုင်ငံများသို့ ပိုက်လိုင်း ဖြင့် တင်ပို့ရေး၊ ကမ်းလွန်လုပ်ကွက်များတွင် ရင်းနှီးမြှုပ်နှံရေးနှင့် ထားဝယ်ရေနက်ဆိပ်ကမ်း စီမံကိန်းများ ကို ဆွေးနွေးခဲ့ပြီး ရုရှားစွမ်းအင်ဝန်ကြီးက မြန်မာ-ရုရှား-တရုတ် သုံးနိုင်ငံ စွမ်းအင်ကဏ္ဍ ပူးပေါင်း   ဆောင်ရွက်ရန် ဦးဆောင်ကော်မတီများ ဖွဲ့စည်းသွားမည်ဖြစ်ကြောင်း ပြောကြားခဲ့သည်။

ယင်းနေ့ညနေပိုင်းတွင် ရုရှားဖက်ဒရေးရှင်းနိုင်ငံ ဒူးမားလွှတ်တော် ဒုတိယဥက္ကဋ္ဌ H.E. Mr. Sholban KARA-OOL နှင့် ဆက်လက်တွေ့ဆုံခဲ့ပြီး မြန်မာနိုင်ငံအတွက် လိုအပ်သော ရေနံစိမ်းနှင့် ရေနံထွက် ပစ္စည်း  များကို ရေရှည်သဘောတူညီချက်ဖြင့် ဝယ်ယူရေးနှင့် အရင်းအနှီးကြီးမားသည့် စီမံကိန်းများအတွက် သက်သာသော အတိုးနှုန်းဖြင့် ချေးငွေရယူရေးတို့ကို ဆွေးနွေးခဲ့ပါသည်။ ဒူးမားလွှတ်တော် ဒုတိယ   ဥက္ကဋ္ဌက ဤသို့ MOU ရေးထိုးနိုင်မည့်အပေါ် ဝမ်းသာဂုဏ်ယူကြောင်းနှင့် ရုရှား-မြန်မာ-တရုတ် သုံးနိုင်ငံ ပူးပေါင်းဆောင်ရွက်ရေးသည် အလွန်အရေးကြီးသဖြင့် လိုအပ်သော အကူအညီများ ပေးအပ်သွားမည်  ဖြစ်ကြောင်း ကတိပြုပြောကြားခဲ့ပါသည်။

အဆိုပါ ရုရှားနိုင်ငံခရီးစဉ်မတိုင်မီ ပြည်ထောင်စုဝန်ကြီးသည် ဧပြီလ ၁၃ ရက်နှင့် ၁၄ ရက်နေ့များတွင် တရုတ်ပြည်သူ့သမ္မတနိုင်ငံ၊ ပေကျင်းမြို့သို့လည်း သွားရောက်ခဲ့ပြီး  China Railway Beijing Engineering Group၊ MEIGE Joint Energy Holding နှင့် Yunnan-Irrawaddy Supply Chain ကုမ္ပဏီ  တို့မှတာဝန်ရှိသူများနှင့် တွေ့ဆုံခဲ့ပါသည်။  ထိုသို့တွေ့ဆုံစဉ် သက်တမ်းရင့်ရေနံမြေများတွင် ပေနက်တွင်း  များ တူးဖော်ရေး၊ ရေနံချက်စက်ရုံတည်ဆောက်ရေး၊ ပြန်ပြည့်မြဲစွမ်းအင် စီမံကိန်းများနှင့် ရေနံစိမ်း တင်သွင်းမှု ကွင်းဆက် (Supply Chain) တစ်လျှောက် ပူးပေါင်းဆောင်ရွက်ရေးတို့ကို ဆွေးနွေးခဲ့ကြ  ပါသည်။

တရုတ်ကုမ္ပဏီများ၏ စိတ်ဝင်စားမှုများအပေါ် မြေပြင်အခြေအနေကို လာရောက်ကြည့်ရှုရန်နှင့် အသေးစိတ် ဆက်လက်ဆွေးနွေးရန် ဝန်ကြီးကဖိတ်ခေါ်ခဲ့သည်။ ယခု ရုရှားနှင့် တရုတ်နိုင်ငံများသို့ သွားရောက်နေသော ပြည်ထောင်စုဝန်ကြီး၏ ခရီးစဉ်များသည် မြန်မာနိုင်ငံ၏ စွမ်းအင်လုံခြုံရေးအတွက် ခိုင်မာသော ထောက်ပံ့ရေးလမ်းကြောင်းသစ်များ တည်ဆောက်နိုင်ရန်နှင့် အရှေ့တောင်အာရှဒေသတွင် စွမ်းအင်ဗဟိုချက် (Energy Hub) တစ်ခုအဖြစ် ရပ်တည်နိုင်ရန်စသည့် တရုတ်နှင့်ရုရှားနိုင်ငံတို့နှင့် လက်တွဲကာမဟာဗျူဟာမြောက်စွမ်းအင်စီမံကိန်းများလုပ်ဆောင်ရန်ပါဝင်ကြောင်းသိရှိရသည်။

-END-

၁၃ ဧပြီ၊၂၀၂၆

လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် တရုတ်နိုင်ငံ China Southern Power Grid မှတာဝန်ရှိသူများနှင့် ကူမင်းမြို့တွင်တွေ့ဆုံကာ လာအို-မြန်မာ ဖြတ်ကျော် ဓာတ်အားလိုင်းတည်ဆောက်ရေးလုပ်ငန်းတွင် ပါဝင်ဆောင်ရွက်နိုင်မည့်အခြေအနေ များအပါအဝင် လျှပ်စစ်နှင့်စွမ်းအင်ကဏ္ဍပူးပေါင်းဆောင်ရွက်ရေးကိစ္စများ ဆွေးနွေးခဲ့ကြောင်း သိရသည်။

ဝန်ကြီးဦးကိုကိုလွင်သည် ရုရှားဖက်ဒရေရှင်းနိုင်ငံသို့အသွား တရုတ်ပြည်သူ့သမ္မတနိုင်ငံ ယူနန် ပြည်နယ် ကူမင်းမြို့တွင် ခရီးတစ်ထောက်နားပြီး အစိုးရပိုင်ကုမ္ပဏီများဖြစ်သည့် China Southern Power Gridနှင့် ဧပြီ၁၂ရက်ကတွေ့ဆုံဆွေးနွေးခဲ့ခြင်းဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာန  က သတင်းထုတ်ပြန်ခြင်းဖြစ်သည်။

China Southern Power Grid နှင့် တွေဆုံဆွေးနွေးရာတွင် တရုတ်-မြန်မာ နယ်စပ်ဖြတ်ကျော် ဓာတ်အားလိုင်းဆောင်ရွက်နေမှုအခြေအနေများ၊ မဲခေါင်မြစ်ကြောင်းတလျောက် မြန်မာ-လာအို နယ်စပ်တွင် ရေအားလျှပ်စစ်စီမံကိန်းများ စူးစမ်းလေ့လာမှု လုပ်ငန်းဆောင်ရွက်ရန်  စီမံထားရှိမှု အခြေအနေများ၊ လာအို-မြန်မာ ဖြတ်ကျော် ဓာတ်အားလိုင်း တည်ဆောက်ရေးလုပ်ငန်းတွင် ပါဝင်ဆောင်ရွက်နိုင်မည့်အခြေအနေများကိုဆွေးနွေးခဲ့သည်။

ထို့အပြင် မြန်မာ နိုင်ငံမြောက်ပိုင်း ရေအားလျှပ်စစ်စီမံကိန်းများပြီးစီးပါက  တောင်ပိုင်းဓာတ်အား သုံးစွဲသည့်ဒေသများသို့ ဓာတ်အားပေးပို့နိုင်ရေးအတွက် ဓာတ်အားလိုင်းကွန်ယက်တည်ဆောက်  ရန် ကြိုတင် အစီအမံပြုလုပ်၍စီမံချက်ရေးဆွဲသွားရန် လိုအပ်မှုအခြေအနေများ၊ ရန်ကုန်မြို့တွင်း ဓာတ်အား ဖြန့်ဖြူးရေးတွင် ဓာတ်အားပျောက်ဆုံးမှုလျော့ကျစေရေး ဦးစားပေး ဆောင်ရွက်လို  သည့် အခြေအနေများကိုလည်းဆွေးနွေးခဲ့သည်။

စက်သုံးဆီသုံးစွဲမှု လျော့ကျစေရေးအတွက် EV Charging Stations များကို ဆိုလာနှင့်ပေါင်းစပ်၍ မြန်မာဓာတ်အားစနစ်နှင့်ကိုက်ညီသည့် လက်တွေ့ကျသည့် System Design တစ်ခုကို ဆောင်ရွက်သွားလိုသည့် အခြေအနေများကိုပါ ထည့်သွင်းဆွေးနွေးခဲ့သည်ဟု လျှပ်စစ်နှင့် စွမ်းအင် ဝန်ကြီးဌာနက သတင်းထုတ်ပြန်သည်။

ပြည်ထောင်စုဝန်ကြီးနှင့် ကိုယ်စားလှယ်အဖွဲ့သည် ယူနန်ပြည်နယ်၊ ဒုတိယအုပ်ချုပ်ရေးမှူး Mr. Liu Yong ဦးဆောင်သောအဖွဲ့က အလုပ် သဘောညစာစားပွဲဖြင့် တည်ခင်းဧည့်ခံခဲ့ပြီး လျှပ်စစ်နှင့်  စွမ်းအင်ကဏ္ဍဆိုင်ရာပူးပေါင်း ဆောင်ရွက်ရေး ကိစ္စရပ်များအား အမြင်ချင်းဖလှယ်ဆွေးနွေးခဲ့ကြ သည်ဟုလည်းသိရသည်။

#ymg/knl

Nay Pyi Taw, April 10 - To resolve the crisis of importing 97 percent of domestic fuel consumption and to increase crude oil production from the mature Htaukshabin-Kanni oil field, the Ministry of Electricity and Energy today signed an Enhanced Oil Recovery Contract with the People's Republic of China-based North Petro-Chem Corporation (Myanmar) Limited (NPCM).

The Union Minister, alongside senior ministry officials and company representatives, attended the signing ceremony held at the Park Royal Hotel in Nay Pyi Taw on April 10.

"It is a matter of pride to be able to sign an agreement to increase the production of crude oil, which is highly needed by the state and the people," Union Minister U Ko Ko Lwin stated at the ceremony. The minister further noted that increased crude oil yields will enable a boost in domestic fuel refining, delivering immediate benefits to the public.

Mature Oil Fields and Technological Needs

Most of Myanmar's oil fields are approximately a century old, and the Htaukshabin-Kanni field, subject to this newly signed contract, has been active for about 50 years. Consequently, boosting production necessitates modern technology, appropriate machinery, and substantial capital. The ministry indicated that NPCM was thoroughly vetted and selected as the most suitable organization capable of fulfilling these requirements harmoniously.

Fuel Crisis and the Government's Solution

Amid global fuel shortages, Myanmar is actively striving to refine its extracted crude oil domestically. As part of this initiative, new oil refineries are slated for construction, and the Thanbayakan oil refinery, originally built in 1982, will undergo upgrades to operate at full capacity.

Furthermore, hand-dug oil well operations have been suspended to promote standard domestic production and mitigate environmental impacts. In their place, 36 local business organizations have received authorization to drill standard wells. With these operations commencing shortly, domestic crude oil production is projected to see significant improvement.

At the ceremony, the NPCM Chairman pledged to expedite efforts to achieve positive results in alignment with the contract's commitments. The Ministry of Electricity and Energy also announced that international tenders are being actively called and evaluated to prevent any financial or strategic loss to the State.

Situated in Minbu Township, Minbu District, Magway Region, the Htaukshabin oil field was discovered around 1969, with the Kanni field developed shortly after in the 1970s. Following peak production around 1985, crude oil output from the site has experienced a steady decline.

#ymg/knl

နေပြည်တော်၊ ဧပြီ ၁၀ - ပြည်တွင်းစက်သုံးဆီသုံးစွဲမှု၏ ၉၇ ရာခိုင်နှုန်းကို ပြည်ပမှ တင်သွင်းနေရသည့် အကျပ်အတည်းကို ဖြေရှင်းရန်နှင့် သက်တမ်းရင့် ထောက်ရှာပင်-ကမ်းနီ ရေနံမြေမှ ရေနံစိမ်းထုတ်လုပ်မှု တိုးမြှင့်နိုင်ရန်အတွက် လျှပ်စစ်နှင့်စွမ်းအင်ဝန်ကြီးဌာနသည် တရုတ်ပြည်သူ့သမ္မတနိုင်ငံ အခြေစိုက် North Petro-Chem Corporation (Myanmar) Limited (NPCM) နှင့် ရေနံတိုးတက်ထုတ်ယူရေးစာချုပ်ကို ယနေ့ လက်မှတ်ရေးထိုးလိုက်သည်။

ဧပြီလ ၁၀ ရက်နေ့က နေပြည်တော်ရှိ Park Royal Hotel တွင် ကျင်းပသော အဆိုပါ လက်မှတ်ရေး ထိုးပွဲသို့ ပြည်ထောင်စုဝန်ကြီး အပါအဝင် ဝန်ကြီးဌာနမှ အဆင့်မြင့်အရာရှိများနှင့် ကုမ္ပဏီ တာဝန်ရှိသူများ တက်ရောက်ခဲ့ကြသည်။

"နိုင်ငံတော်နှင့် ပြည်သူများအတွက် အထူးလိုအပ်နေသော ရေနံစိမ်းတိုးမြှင့်ထုတ်လုပ်နိုင်ရန် သဘော  တူစာချုပ် ချုပ်ဆိုနိုင်ခြင်းမှာ ဂုဏ်ယူဖွယ်ဖြစ်ကြောင်း" ပြည်ထောင်စုဝန်ကြီးဦးကိုကိုလွင်က အခမ်းအနားတွင် ပြောကြားခဲ့သည်။ ထို့ပြင် ရေနံစိမ်းများ ပိုမိုထွက်ရှိလာပါက ပြည်တွင်း၌ စက်သုံးဆီများ တိုးမြှင့်ချက်လုပ်နိုင် မည်ဖြစ်၍ ပြည်သူများအတွက် လက်ငင်းအကျိုးကျေးဇူးများ ရရှိလာမည်ဖြစ်ကြောင်း ဝန်ကြီးက ထည့်သွင်း  ပြောကြားသည်။

သက်တမ်းရင့် ရေနံမြေများနှင့် နည်းပညာလိုအပ်ချက်

မြန်မာနိုင်ငံရှိ ရေနံမြေအများစုမှာ သက်တမ်း နှစ် (၁၀၀) ဝန်းကျင်ရှိနေပြီဖြစ်ပြီး၊ ယခုစာချုပ်ချုပ်ဆို  သည့် ထောက်ရှာပင်-ကမ်းနီ ရေနံမြေသည်လည်း သက်တမ်း နှစ် (၅၀) ခန့်ရှိပြီဖြစ်သည်။  ထို့ကြောင့် ထုတ်လုပ်မှုတိုးတက်စေရန် ခေတ်မီနည်းပညာ၊ သင့်လျော်သော စက်ပစ္စည်းနှင့် အရင်းအနှီးများစွာ လိုအပ်  လျက်ရှိရာ ယင်းအချက်များကို ဟန်ချက်ညီ ဖြည့်ဆည်းပေးနိုင်မည့် အသင့်လျော်ဆုံး အဖွဲ့အစည်းအဖြစ် NPCM ကို စိစစ်ရွေးချယ်ခဲ့ခြင်းဖြစ်ကြောင်း ဝန်ကြီးဌာနက ပြောသည်။

စက်သုံးဆီအကျပ်အတည်းနှင့် အစိုးရ၏ ဖြေရှင်းမှု

ကမ္ဘာတစ်ဝှမ်း စက်သုံးဆီအခက်အခဲများ ကြုံတွေ့နေရချိန်တွင် မြန်မာနိုင်ငံအနေဖြင့် ထွက်ရှိလာမည့် ရေနံစိမ်းများကို ပြည်တွင်း၌ပင် ကိုယ်တိုင်ချက်လုပ်နိုင်ရန် ကြိုးပမ်းလျက်ရှိသည်။  ယင်းအစီအစဉ်၏ တစ်စိတ် တစ်ပိုင်းအဖြစ် ရေနံချက်စက်ရုံအသစ်များ တည်ဆောက်ရန် စီမံနေသကဲ့သို့၊ ၁၉၈၂ ခုနှစ်က တည်ဆောက်ခဲ့  သော သံပရာကန် ရေနံချက်စက်ရုံကိုလည်း စွမ်းအားပြည့် လည်ပတ်နိုင်ရန် အဆင့်မြှင့်တင်မှုများ ပြုလုပ်သွား   မည်ဖြစ်သည်။

ထို့အပြင် ပြည်တွင်းထုတ်လုပ်မှု မြှင့်တင်ရေးနှင့် သဘာဝပတ်ဝန်းကျင် ထိခိုက်မှုလျှော့ချရေးအတွက် ရေနံလက်ယက်တွင်း တူးဖော်မှုများကို ပိတ်သိမ်းခဲ့သည်။ ယင်းအစား ပြည်တွင်းလုပ်ငန်းရှင်အဖွဲ့အစည်း (၃၆) ခုကို စံချိန်စံညွှန်းမီ နည်းစနစ်ကျတွင်း (Standard Well) များ တူးဖော်ခွင့်ပြုထားပြီး မကြာမီ စတင် လုပ်ငန်း များစတင်ဆောင်ရွက်တော့မည်ဖြစ်ရာ ပြည်တွင်းရေနံစိမ်းထွက်ရှိမှု ပိုမိုတိုးတက်လာမည်ဟု ခန့်မှန်းရသည်။

စာချုပ်ပါ ကတိကဝတ်များအတိုင်း ရလဒ်ကောင်းများ အမြန်ဆုံးပေါ်ထွက်လာစေရန် ကြိုးပမ်းသွား   မည်ဖြစ်ကြောင်း NPCM ဥက္ကဋ္ဌက အခမ်းအနားတွင် ကတိပြုပြောကြားခဲ့သည်။ နိုင်ငံတော်အတွက် နစ်နာမှု မရှိစေရေးအတွက် အပြည်ပြည်ဆိုင်ရာ တင်ဒါများခေါ်ယူကာ စိစစ်ဆောင်ရွက်နေခြင်းဖြစ်ကြောင်း လျှပ်စစ် နှင့်စွမ်းအင်ဝန်ကြီးဌာနက သတင်းထုတ်ပြန်ထားသည်။

မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်အတွင်း တည်ရှိသော ထောက်ရှာပင်-ကမ်းနီ ရေနံမြေတွင် ထောက်ရှာပင်ရေနံမြေကို ၁၉၆၉ ခုနှစ်ဝန်းကျင်တွင် စတင်တွေ့ရှိခဲ့ပြီး ကမ်းနီရေနံမြေကို ၁၉၇၀ ပြည့်လွန်နှစ်များတွင် ဆက်လက်ဖော်ထုတ်ခဲ့သည်ဟုသိရသည်။ ၁၉၈၅ခုနှစ်ခန့်တွင် ထုတ်လုပ်မှု အမြင့်မားဆုံ  းဖြစ်ခဲ့ပြီး နောက်ပိုင်းတွင် ရေနံစိမ်းထွက်ရှိမှုများဆက်တိုက်ကျဆင်းခဲ့ခြင်းဖြစ်သည်။

#ymg/knl