တရုတ်သမ္မတရှီကျင့်ဖျင်နှင့်ရုရှားသမ္မတပူတင်တို့ ဗီဒီယိုဖြင့် တွေ့ဆုံဆွေးနွေး

၂၂ ဇန်နဝါရီ ၂၀၂၅

တရုတ်သမ္မတ ရှီကျင့်ဖျင်နှင့်  ရုရှားသမ္မတပူတင်တို့ဟာ  ဗီဒီယိုမှတစ်ဆင့် အင်္ဂါနေ့က တွေ့ဆုံဆွေးနွေးစကားပြောဆိုခဲ့ကြပါတယ်။  တရုတ်နှင့်ရုရှားတို့ရဲ့ဆက်ဆံရေးဟာ ၂၀၂၅ခုနှစ်မှာ နောက်တပ်အမြင့်တစ်ခုတက်လှမ်းဖို့ အတူတကွပူးပေါင်းဆောင်ရွက်ရေး ပူတင်ကို တိုက်တွန်းခဲ့ပါတယ်။

Source CCTV+

ထရမ့်က နိုင်ငံခြားအကူအညီအစီအစဉ်များ ရက် ၉၀ဆိုင်းငံ့အမိန့်ထုတ်ပြန် အကူအညီများမှာ ကမ္ဘာ့ငြိမ်းချမ်းရေးကိုမတည်ငြိမ်ဖြစ်စေနေဟုဆို

၂၂ ဇန်နဝါရီ ၊၂၀၂၅

အမေရိကန်သမ္မတဒေါ်နယ်ထရမ့်က အမေရိကန်ရဲ့ နိုင်ငံခြားအကူအညီပေးရေး အစီအစဉ်တွေအားလုံးကို ရက်ပေါင်း ၉၀ တိတိ ဆိုင်းငံ့လိုက်တဲ့ သမ္မတအမိန့်ကို လက်မှတ်ရေးထိုး လိုက်ပါတယ်။ သူ့အနေနှင့်အဲဒီရက်ပေါင်း ၉၀ အတွင်း အဲဒီအကူအညီတွေဟာ သူ့ရဲ့ နိုင်ငံရေးရည်မှန်းချက်တွေနှင့်ကိုက်ညီမှု ရှိမရှိ သုံးသပ်မယ်လို့ဆိုပါတယ်။

ဘာဖြစ်လို့သူအဲသလိုလုပ်ရသလဲ

-အမေရိကန်ရဲ့ နိုင်ငံခြားအကူအညီတွေဟာ အမေရိကန်ရဲ့အကျိုးစီးပွားနှင့် ကိုက်ညီမှုမရှိ၊  အမေရိကန်တန်ဖိုးတွေနှင့် ဖြောင့်ဖြောင်းကြီးဆန့်ကျင်နေလို့ဖြစ်တယ်လို့ အမိန့်မှာပါရှိပါတယ်။

-အဲဒီအစီအစဉ်တွေဟာ နိုင်ငံခြားတိုင်းပြည်တွေမှာ  နိုင်ငံတွင်းနှင့်နိုင်ငံအကြားရှိ သဟဇာတနှင့် တည်ငြိမ်သော ဆက်ဆံရေးများအပေါ်  တိုက်ရိုက်ဆန့်ကျင်နေသော အိုင်ဒီယာများကို မြှင့်တင် ကာ ကမ္ဘာ့ငြိမ်းချမ်းရေးကို မတည်ငြိမ်ဖြစ်အောင်လုပ်ဆောင်နေခြင်းကြောင့်ဟုဆိုပါတယ်။

ဘာတွေဖြစ်မလဲ

-အမေရိကန်ရဲ့ နိုင်ငံခြားအကူအညီအစီအစဉ်များ ချက်ခြင်းရပ်ဆိုင်းရတော့မည်။

နောက်လာမည့် အမေရိကန်၏ နိုင်ငံခြားရေးအကူအညီများသည် သမ္မတထရမ့်၏ နိုင်ငံခြားရေးမူဝါဒ နှင့် ကိုက်ညီရမည်။

-လက်ရှိအကူအညီများကို ရပ်ဆိုင်းပြီး ရက်ပေါင်း ၉၀ အတွင်းသုံးသပ်မည်။

ယင်းနောက်ဘာတွေဖြစ်မလဲ

- ပြန်လည်သုံးသပ်ပေးပြီးနောက် အကူအညီပေးရေးအစီအစဉ်များ ပြန်လည်စတင်မည်။

- နိုင်ငံခြားအကူအညီအသစ် များကို နိုင်ငံခြားရေးဝန်ကြီးက အတည်ပြုရမည်။ နိုင်ငံခြားရေးဝန်ကြီးက အစီအစဉ်များကို ရပ်ဆိုင်းခွင့်ရှိသည်။

အမေရိကန်တွင် TikTok ပိတ်သွားပြီးနောက် အသုံးပြုသူများ ဝေဖန်၊ ထရမ့်က သူသမ္မတဖြစ်ဖြစ်ချင်း နောက်ထပ် သုံးလ ပြန်တိုးပေးဖွယ်ရှိဟုပြော

၁၉ ဇန်နဝါရီ ၂၀၂၅
▪️စနေနေ့ညနှောင်းပိုင်းက စပြီး TikTok တစ်တော့ခ်ဟာ အမေရိကန်ပြည်ထောင်စုမှာ စတင်အသုံးပြုလို့မရတော့ပါဘူး။
▪️အက်ပ်ပဲလ်နှင့် ဂူဂယ်လ် အက်ပလီကေးရှင်းစတိုးတွေကနေလည်း တစ်တော့ကိုဖယ်ရှားလိုက်ပါပြီ။ ▪️အမေရိကန်မှာ အသုံးပြုသူ သန်း၁၇၀ကျော်ရှိနေတဲ့ တစ်တော့ခ်ဟာ ဥပဒေအရ ပိတ်ပစ်ခံလိုက်ရပြီဖြစ်ပါတယ်။
▪️အဲဒီအတွက် အမေရိကန်မှာ တစ်တော့ခ်အသုံးပြုသူတွေက ဝေဖန်နေကြပါတယ်။
▪️ထရမ့်ကတော့ သူသမ္မတဖြစ်ဖြစ်ချင်း တစ်တော့ကို နောက်ထပ်သုံးလအသုံးပြုခွင့်တိုးသွားဖို့ရှိနေတယ်လို့ ပြောထားပါတယ်။
Source : Reuters/ CCTV+