ဧရာမ ‘အပူလှိုင်းမုန်တိုင်းကြီးများ’ က ကမ္ဘာမြေကို ပူပြင်းလောင်ကျွမ်းစေလျက်ရှိသည်။ ဤသည်မှာ သမိုင်းတစ်လျှောက် စံချိန်တင် အကြီးမားဆုံး အပူလှိုင်းမုန်တိုင်းကြီးအကြောင်း ဖြစ်သည်။
၂၀ အောက်တိုဘာ၊၂၀၂၆-
ရိုက်တာ (Reuters) သတင်းဌာန၏ လေ့လာဆန်းစစ်ချက်အရ ယခင်က သီးခြားဖြစ်ပေါ်လေ့ရှိသော သာမန် "အပူလှိုင်း (Heat waves)" များသည် ယခုအခါ ကမ္ဘာ့မျက်နှာပြင် ကျယ်ပြန့်စွာကို လပေါင်းများစွာ သို့မဟုတ် နှစ်ချီ၍ ဖုံးလွှမ်းနိုင်သည့် ဧရာမ "အပူလှိုင်းမုန်တိုင်းများ (Heat storms)" အဖြစ် အသွင်ကူးပြောင်းလာပြီဖြစ်ကြောင်းဖော်ပြထားသည်။
အပူလှိုင်းမုန်တိုင်း (Heat Storm) သတ်မှတ်ချက်နှင့် စိုးရိမ်ဖွယ် ကိန်းဂဏန်းများ
Heat Storm Vera ၏ ကမ္ဘာလုံးဆိုင်ရာ အဖျက်စွမ်းအား (၂၀၂၃ ဇူလိုင် - ၂၀၂၄ ဇူလိုင်)
ရက်ပေါင်း ၃၆၇ ရက်ကြာ တိုက်ခတ်ခဲ့ပြီး ကမ္ဘာ့မျက်နှာပြင် ၈၅ ရာခိုင်နှုန်းအထိ ဖုံးလွှမ်းခဲ့သော ဆိုးရွားသည့် မုန်တိုင်းကြီးဖြစ်သည်။ အီရန်နိုင်ငံ Lut သဲကန္တာရတွင် ၅၃.၃ ဒီဂရီဆဲလ်စီးယပ်စ်အထိ စံချိန်တင်မြင့်တက်ခဲ့ပြီး ကမ္ဘာတစ်ဝန်း အောက်ပါ ဘေးအန္တရာယ်များကို ဆက်တိုက်ဖြစ်ပေါ်စေခဲ့သည် -
စံချိန်သစ်တင်ခဲ့သည့် Heat Storm Raimundo (၂၀၂၆)
Heat Storm Vera သည် ၎င်း၏သက်တမ်းတစ်လျှောက် ကမ္ဘာ့မျက်နှာပြင်၏ ၈၅ ရာခိုင်နှုန်းနီးပါးကို ဖြတ်သန်းခဲ့ပြီး စံချိန်တင်ခဲ့သည့်အပြင်၊ ၂၀၂၄ ခုနှစ် ဇန်နဝါရီလ ၅ ရက်နေ့တွင် ၎င်း၏အမြင့်ဆုံးအခြေအနေ၌ ကမ္ဘာ့မျက်နှာပြင်၏ ၃၁.၃ ရာခိုင်နှုန်းအထိ ဖုံးလွှမ်းနိုင်ခဲ့ကာ အကြီးမားဆုံးစံချိန်ကို တင်နိုင်ခဲ့သည်။ သို့သော် ယခုနှစ် (၂၀၂၆) နွေရာသီတွင် ထိုစံချိန်များကို Heat Storm Raimundo က ချိုးဖျက်သွားခဲ့သည်။
Heat Storm Raimundo အပူလှိုင်းမုန်တိုင်းကြီးသည် ဥရောပတစ်ခွင်ကို အလွန်အမင်း ပူပြင်းစေခဲ့ပြီး စပိန်နှင့် ပြင်သစ်နိုင်ငံတို့တွင် ဧရာမ တောမီးလောင်ကျွမ်းမှုကြီးများကို ဖြစ်ပေါ်စေခဲ့သည်။ ဩဂုတ်လ ၂၈ ရက်နေ့တွင် Raimundo သည် ကမ္ဘာ့မျက်နှာပြင်၏ ၃၃.၈ ရာခိုင်နှုန်းအထိ ကျယ်ပြန့်စွာ ဖုံးလွှမ်းနိုင်ခဲ့ပြီး Vera ၏ အမြင့်ဆုံးလွှမ်းခြုံနိုင်မှုစံချိန်ကို ကျော်လွန်သွားခဲ့သည်။ ၂၀၂၆ ခုနှစ် ဖေဖော်ဝါရီလ ၂၈ ရက်နေ့တွင် စတင်ဖြစ်ပေါ်ခဲ့သော ဤမုန်တိုင်းသည် လက်ရှိအချိန်အထိ ကမ္ဘာ့မျက်နှာပြင်၏ ၇၅ ရာခိုင်နှုန်းနီးပါး (လေးပုံ သုံးပုံခန့်) ကို ထိတွေ့ဖြတ်သန်းခဲ့ပြီးဖြစ်သည်။
Vera နှင့် Raimundo အပူလှိုင်းမုန်တိုင်းကြီး နှစ်ခုစလုံးသည် အရည်ပျော်နေသော နီပေါရေခဲမြစ်ပေါ်တွင် အချိန်အတိုင်းအတာတစ်ခုအထိ ဖုံးလွှမ်းတိုက်ခတ်ခဲ့ကြသည်။ ဩဂုတ်လ ၂၆ ရက်နေ့တွင် အဆိုပါရေခဲမြစ်ကြီး ပြိုကျပျက်စီးခဲ့ပြီး၊ ဆိုးရွားပြင်းထန်သော ရုတ်တရက် ရေကြီးရေလျှံမှုများနှင့် ရွှံ့နွံများပြိုကျမှု (နီပေါနိုင်ငံ၊ Devighat ဒေသ) တို့ ဆက်တိုက်ဖြစ်ပေါ်ခဲ့ကာ လူထောင်ပေါင်းများစွာ အသက်ဆုံးရှုံးခဲ့ရသည်။ ကနဦး လေ့လာတွေ့ရှိချက်များအရ အပူချိန်မြင့်တက်လာမှုများသည် ရေခဲမြစ်နှင့် ၎င်း၏အောက်ခံကျောက်လွှာများကို အားနည်းကာ ပြိုကျစေရန် အဓိက တွန်းအားပေးခဲ့ကြောင်း သိရသည်။
အဆိုပါရေခဲမြစ်ကြီး မပြိုကျမီအချိန်အထိ ၎င်းဧရိယာသည် ယခုဆယ်စုနှစ်အတွင်း အချိန်၏ ၅၈ ရာခိုင်နှုန်းခန့်ကို အပူလှိုင်း သို့မဟုတ် အပူလှိုင်းမုန်တိုင်းများအောက်တွင် ဖြတ်သန်းခဲ့ရသည်။ (၁၉၆၀ ပြည့်လွန်နှစ်များက ၇ ရာခိုင်နှုန်းသာ ရှိခဲ့သည်။) ပိုမိုဆိုးရွားသည့်အချက်မှာ ရေခဲမြစ်ကြီး မပြိုကျမီ ခြောက်ရက်တိတိ အဆိုပါနေရာကို Heat Storm Raimundo က အပြည့်အဝ ဖုံးလွှမ်းထားခဲ့ခြင်းဖြစ်သည်။
Raimundo ၏ အဖျက်စွမ်းအားသည် ယခုအချိန်အထိ ပြီးဆုံးမသွားသေးပေ။ မုန်တိုင်းသက်တမ်းမှာ ရက်ပေါင်း ၂၃၅ ရက်ရှိနေပြီဖြစ်ကာ ကမ္ဘာကြီးကို ဆက်လက် အပူလောင်မြိုက်နေဆဲဖြစ်သည်။
(Source: ရိုက်တာသတင်းဌာနက သုတေသနပြုရေးသားထားသည့် Giant ‘heat storms’ are scorching the Earth. This is the story of the biggest one on record.ဆောင်းပါးကို ကောက်နှုတ်ဖော်ပြပေးပါသည်။)
ဂျပန်နိုင်ငံမှာ အောက်တိုဘာလအတွင်း စားသောက်ကုန်နဲ့ အဖျော်ယမကာ အမျိုးပေါင်း ၃,၁၅၃ ဈေးတက်ဖို့ရှိနေပါတယ်။ ထုတ်ပိုးမှုကုန်ကျစရိတ်တွေ မြင့်တက်လာတာနဲ့ ဂျပန်ယန်းငွေတန်ဖိုးကျဆင်းနေတာတွေကြောင့် ကုမ္ပဏီတွေကတိုးလာတဲ့စရိတ်တွေကို စားသုံးသူတွေဆီ ထပ်ဆင့်လွှဲပြောင်းလိုက်ရတာဖြစ်တယ်လို့ သုတေသနကုမ္ပဏီတစ်ခုရဲ့ စာရင်းအင်းတွေအရ သိရပါတယ်။
#World_News
#ဂျပန်
Published 19 October 2026
#YMG #Yangon_Times #Yangon_Media_Group
#Local_News
Published 20 October 2026
■ ထားဝယ်ဒေသကိုအခြေပြု၍ မြန်မာ–ထိုင်း–ရုရှား သုံးနိုင်ငံပူးပေါင်း စွမ်းအင်ကုန်သွယ်မှုလုပ်ငန်းများဆောင်ရွက်နိုင်ရေးနှင့် မြန်မာနိုင်ငံ၏လျှပ်စစ်နှင့်စွမ်းအင်ကဏ္ဍတွင် ထိုင်းကုမ္ပဏီများ ရင်းနှီးမြှုပ်နှံရေးတို့ကို ပြည်ထောင်စုဝန်ကြီး ဦးကိုကိုလွင်နှင့် ထိုင်းနိုင်ငံ စွမ်းအင်ဝန်ကြီး Mr. Akanat Promphan ဦးဆောင်သည့် ကိုယ်စားလှယ်အဖွဲ့တို့ ယမန်နေ့နံနက်ပိုင်းက လျှပ်စစ်နှင့်စွမ်းအင်ဝန်ကြီးဌာန ရေနံ့သာခန်းမ၌ တွေ့ဆုံဆွေးနွေးခဲ့ကြသည်။
■ နှစ်နိုင်ငံအကြား လျှပ်စစ်နှင့်စွမ်းအင်ကဏ္ဍတွင် ပိုမိုနီးကပ်စွာ ပူးပေါင်းဆောင်ရွက်နိုင်ရန် နားလည်မှုစာချွန်လွှာ (MOU) ရေးထိုးမည့်ကိစ္စ၊ ပူးပေါင်းဆောင်ရွက်လျက်ရှိသည့် သဘာဝဓာတ်ငွေ့စီမံကိန်းများ၏ အထွက်နှုန်းတိုးမြှင့်ရေးနှင့် စီမံကိန်းအသစ်များတွင် ထပ်မံရင်းနှီးမြှုပ်နှံလိုသည့် ကိစ္စရပ်များကိုဆွေးနွေးခဲ့ကြသည်။
■ ထို့ပြင် ထိုင်းနိုင်ငံသို့ သွယ်တန်းထားသည့် ပိုက်လိုင်းများ၏ စွမ်းဆောင်ရည်ကို အပြည့်အဝအသုံးချနိုင်ရေးပူးပေါင်းဆောင်ရွက်မည့် အခြေအနေများကိုလည်း ဆွေးနွေးခဲ့ကြသည်။
■ လျှပ်စစ်ကဏ္ဍတွင် သံလွင်မြစ်ဝှမ်းနှင့် တနင်္သာရီမြစ်ဝှမ်းရှိ ရေအားလျှပ်စစ်စီမံကိန်းများ၌ ထိုင်းကုမ္ပဏီများ ပူးပေါင်းဆောင်ရွက်လိုမှု၊ နိုင်ငံဖြတ်ကျော်ဓာတ်အားလိုင်းစီမံကိန်းများအပါအဝင် လျှပ်စစ်ဓာတ်အား ပို့လွှတ်ရေးနှင့် ဖြန့်ဖြူးရေးလုပ်ငန်းများတွင် ပါဝင်ရင်းနှီးမြှုပ်နှံလိုမှုတို့ကို ဆွေးနွေးခဲ့ကြသည်။
■ တွေ့ဆုံပွဲသို့ လျှပ်စစ်နှင့်စွမ်းအင်ဝန်ကြီးဌာနမှ ဒုတိယဝန်ကြီး၊ အမြဲတမ်းအတွင်းဝန်၊ ညွှန်ကြားရေးမှူးချုပ်များနှင့် တာဝန်ရှိသူများ၊ မြန်မာနိုင်ငံဆိုင်ရာ ထိုင်းသံအမတ်ကြီး၊ ထိုင်းနိုင်ငံမှ PTT၊ PTTEP ကုမ္ပဏီများနှင့် လျှပ်စစ်ဓာတ်အားထုတ်လုပ်ရေးအာဏာပိုင်အဖွဲ့ (EGAT) တို့မှ တာဝန်ရှိသူများ တက်ရောက်ခဲ့ကြသည်။
#YMG #Yangon_Times #Yangon_Media_Group
အမှတ် (၂) သံမဏိစက်ရုံ (ပင်းပက်) မှာ ရိုမက်နည်းပညာသုံး သံရည်ကျိုမီးဖိုအလုပ်ရုံ လည်ပတ်နိုင်ရေးလုပ်ငန်းတွေကို ရုရှားနိုင်ငံရဲ့အကူအညီနဲ့ဆောင်ရွက်သွားမှာဖြစ်ပါတယ်။
#Local_News
Published 20 October 2026
#ပင်းပက်သံမဏိစက်ရုံ
#YMG/SW #Yangon_Times
ပြည်တွင်းထုတ် မြေပဲဆီ၊ နှမ်းဆီနဲ့နေကြာဆီများကိုရောင်းချပေးမယ့် သီတင်းကျွတ်ဈေးရောင်းပွဲတော်ကို ရန်ကုန်မြို့ရှိနေရာနှစ်ခုတွင်ကျင်းပရောင်းချသွားမယ်လို့ မြန်မာနိုင်ငံဆီစက်ပိုင်ရှင်များအသင်းကသိရပါတယ်။
#Local_News
Published 20 October 2026
#မြေပဲဆီ_နှမ်းဆီ_နေကြာဆီ
#YMG/NN #Yangon_Times
ငွေကြေးခဝါချမှုနဲ့ အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးဆိုင်ရာ အသိပညာမြှင့်တင်ရေးသင်တန်းကို ရန်ကုန်မြိုရှိ UMFCCI မင်္ဂလာခန်းမမှာ အောက်တိုဘာ ၁၈ ရက်က ကျင်းပခဲ့ပါတယ်။
#Local_News
Published 20 October 2026
#ငွေကြေးခဝါချမှုတိုက်ဖျက်ရေး #UMFCCI
#YMG/SW #Yangon_Times
#Local_News
Published 20 October 2026
#ပဲခူးတိုင်း #ကမ္ပည်းမော်ကွန်းကြေးပြား
#YMG/NN #Yangon_Times
#Daily_News
Published 20 October 2026
၁။ ပင်းပက်သံမဏိစက်ရုံ သံရည်ကျိုမီးဖိုလည်ပတ်နိုင်ရေး ရုရှားကူညီမည်
၂။ မြေပဲဆီ၊ နှမ်းဆီနှင့်နေကြာဆီသီတင်းကျွတ်ဈေးရောင်းပွဲတော် ရန်ကုန်၌ကျင်းပမည်
၃။ ငွေကြေးခဝါချမှုတိုက်ဖျက်ရေး အသိပညာပေးမှုများလုပ်ဆောင်နေ
၄။ ယခုလ ဂျပန်တွင်စားသောက်ကုန်အမျိုးပေါင်း ၃,၀၀၀ ကျော်ဈေးတက်မည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
#Local_News
Published 20 October 2026
■ ပြည်ပပို့ကုန် သီးနှံထွက်ကုန်များတွင် ပိုးသတ်ဆေးဓာတ်ကြွင်း ကျန်ရှိမှုကြောင့် ပို့ကုန်လုပ်ငန်းများ ထိခိုက်နိုင်သဖြင့် တောင်သူများနှင့် လုပ်ငန်းရှင်များအနေဖြင့် ဓာတ်ကြွင်းကင်းရှင်းရေးကို အမျိုးသားရေးတာဝန်တစ်ရပ်အဖြစ် ပူးပေါင်းဆောင်ရွက်ကြရန် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာရဲတင့်ထွန်းက တိုက်တွန်းပြောကြားသည်။
■ ပြည်ပပို့ကုန် သီးနှံထွက်ကုန်များ၌ ပိုးသတ်ဆေးဓာတ်ကြွင်း ကင်းရှင်းရေးဆွေးနွေးပွဲကို အောက်တိုဘာ ၁၆ ရက် နံနက်ပိုင်းတွင် ရန်ကုန်မြို့ရှိ ကုန်သည်စက်မှုအသင်းချုပ် (UMFCCI) မင်္ဂလာခန်းမ၌ ကျင်းပခဲ့စဉ် ၎င်းက အထက်ပါအတိုင်း ပြောကြားခဲ့ခြင်းဖြစ်သည်။
■ မြန်မာနိုင်ငံထွက် ကုန်ပစ္စည်းများတွင် ပိုးသတ်ဆေးဓာတ်ကြွင်းကြောင့် အန္တရာယ်ရှိကြောင်း သတ်မှတ်ခံရပါက နိုင်ငံ၏အကျိုးစီးပွားနှင့် နိုင်ငံခြားဝင်ငွေရရှိမှုအပြင် လုပ်ငန်းရှင်များ၏ အကျိုးစီးပွားကိုပါထိခိုက်နိုင်ကြောင်း၊ ထို့ကြောင့် သီးနှံစိုက်ပျိုးထုတ်လုပ်မှုမှစ၍ ပိုးသတ်ဆေးဓာတ်ကြွင်း မကျန်ရှိစေရေး ဂရုတစိုက်ဆောင်ရွက်ရန် လိုအပ်ကြောင်း ၎င်းက ပြောကြားသည်။
■ အလားတူ UMFCCI ဒုတိယဥက္ကဋ္ဌ ဦးရဲမင်းအောင်ကလည်း ပြည်ပပို့ကုန်မြှင့်တင်ရေးအတွက် ထုတ်ကုန်အရည်အသွေး စစ်ဆေးမှုများကို အကောင်းဆုံးဆောင်ရွက်ရန်နှင့် နိုင်ငံတကာဈေးကွက်သို့ ထိုးဖောက်ဝင်ရောက်နိုင်ရေး အသင်းအဖွဲ့များ၊ ကုမ္ပဏီများအကြား ပူးပေါင်းဆောင်ရွက်မှုနှင့် ကောင်းမွန်သော ဆက်ဆံရေးများ တည်ဆောက်ထားရန် လိုအပ်ကြောင်း ပြောကြားခဲ့သည်။
■ ဆွေးနွေးပွဲတွင် ပြည်ပပို့ကုန် သီးနှံထွက်ကုန်များ၌ ပိုးသတ်ဆေးဓာတ်ကြွင်း ကင်းရှင်းစေရေး လိုက်နာဆောင်ရွက်ရမည့် လမ်းညွှန်ချက်များကို သီးနှံကာကွယ်ရေးဌာနခွဲမှ တာဝန်ရှိသူက ရှင်းလင်းဆွေးနွေးခဲ့ပြီး တက်ရောက်လာသည့် အသင်းအဖွဲ့များမှ တာဝန်ရှိသူများက သိရှိလိုသည်များကို မေးမြန်းဆွေးနွေးခဲ့ကြကြောင်း သိရသည်။
#YMG/SW #Yangon_Times
#Local_News
Published 20 October 2026
■ လုပ်ငန်းခွင်အတွင်း ဒစ်ဂျစ်တယ်အသွင်ကူးပြောင်းရေးကို ထိရောက်စွာ ဆောင်ရွက်နိုင်ရေးနှင့် လုပ်ငန်းလိုအပ်ချက်နှင့် ကိုက်ညီသည့် နည်းပညာဖြေရှင်းချက်များ ရွေးချယ်အသုံးပြုနိုင်ရေးအတွက် Enterprise Solution for Digital Transformation Seminar ကို အောက်တိုဘာ ၂၃ ရက်တွင် ကျင်းပမည်ဖြစ်ကြောင်း ကုန်သည်စက်မှုအသင်းချုပ် (UMFCCI) က သိရသည်။
■ အဆိုပါဆွေးနွေးပွဲကို UMFCCI ၏ နည်းပညာနှင့် စမ်းသပ်တီထွင်မှု ဖွံ့ဖြိုးတိုးတက်ရေးကော်မတီက စီစဉ်ခြင်းဖြစ်ပြီး ရန်ကုန်မြို့ရှိ UMFCCI မင်္ဂလာခန်းမတွင် နံနက် ၁၀ နာရီမှ မွန်းတည့် ၁၂ နာရီအထိ ကျင်းပမည်ဖြစ်သည်။
■ ဆွေးနွေးပွဲတွင် စီးပွားရေးလုပ်ငန်းရှင်များနှင့် စီမံခန့်ခွဲသူများအနေဖြင့် မိမိတို့၏ လုပ်ငန်းလိုအပ်ချက်များနှင့် ကိုက်ညီသည့် နည်းပညာဖြေရှင်းချက်များကို မှန်ကန်စွာ ရွေးချယ်အသုံးပြုနိုင်ရေးနှင့် နည်းပညာအသုံးပြုမှုမှတစ်ဆင့် လုပ်ငန်းအကျိုးရလဒ်များ လက်တွေ့ဖော်ဆောင်နိုင်ရေးတို့ကို ရည်ရွယ်ထားသည်။
■ ဆွေးနွေးပွဲသို့တက်ရောက်လိုသူများအနေဖြင့် အွန်လိုင်း မှတစ်ဆင့် စာရင်းပေးသွင်းနိုင်ကြောင်း သိရသည်။
#YMG/SW #Yangon_Times
#Local_News
Published 20 October 2026
■ စက်ရုံမှထွက်ရှိသော အထည်များကို Made in Myanmar ဖြင့် Export တင်ပို့ပြီး နိုင်ငံခြားဝင်ငွေရရှိရေးသည် အရေးကြီးသည့်အတွက် အရည်အသွေးကောင်းမွန်မှုရှိစေရေး စနစ်တကျ စစ်ဆေးဆောင်ရွက်သွားရန် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးမျိုးဇော်သိမ်းက ပြောသည်။
■ ယမန်နေ့နံနက်ပိုင်းက အင်းစိန်မြို့နယ် သီရိစန္ဒာအထည်ချုပ်နှင့် အထွေထွေရောင်းဝယ်ရေး သမဝါယမအသင်းလီမိတက်၏ အထည်ချုပ်စက်ရုံကို သွားရောက်ကြည့်ရှုစစ်ဆေးစဉ် စက်ရုံတာဝန်ရှိသူများအား မှာကြားခဲ့ခြင်းဖြစ်သည်။
■ ထို့ပြင် နိုင်ငံတော်အစိုးရအနေဖြင့် ပြည်ပမှ ချည်ဝယ်ယူတင်သွင်းမှုကို လျှော့ချနိုင်ရေး၊ နိုင်ငံခြားငွေ သုံးစွဲမှုလျှော့ချနိုင်ရေး စီစဉ်ဆောင်ရွက်လျက်ရှိကြောင်း၊ အထည်ချုပ်စက်ရုံများအတွက် လိုအပ်သောချည်ထည်နှင့် ကုန်ကြမ်းများရရှိရေးနှင့် ဝါစက်ရုံ၊ ချည်စက်ရုံများနှင့် ချိတ်ဆက်ဆောင်ရွက်ပေးမည်ဖြစ်ကြောင်း၊ အထည်ချုပ်လုပ်ငန်းများ ပုံမှန်လည်ပတ်နိုင်မှသာ စက်ရုံအပေါ် မှီခိုနေသည့်အလုပ်သမား ၇၀၀ ကျော် အလုပ်အကိုင်များ ရရှိမည်ဖြစ်သကဲ့သို့ ကုန်ထုတ်လုပ်မှုများလည်း အဆင်ပြေမည်ဖြစ်ကြောင်းပြောကြားသည်။
■ ထိုသို့သွားရောက်စဉ် စက်ရုံတာဝန်ရှိသူများက စက်ရုံအနေဖြင့် အထည်ချုပ်အလုပ်သမားဦးရေ ၇၀၀ ကျော်ဖြင့် နေ့စဉ်လည်ပတ်ထုတ်လုပ်နိုင်မှု၊ ဂျပန်နိုင်ငံနှင့် ဥရောပနိုင်ငံများသို့ Export တင်ပို့နိုင်မှုအခြေအနေကို ရှင်းလင်းတင်ပြမှုအပေါ် ပြည်ထောင်စုဝန်ကြီးက လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။
#YMG/NN #Yangon_Times
#World_News
Published 20 October 2026
■ အမေရိကန်နိုင်ငံတစ်ဝန်းမှာ နိုဝင်ဘာ ၃ ရက် ကျင်းပမယ့် ၂၀၂၆ ကြားဖြတ်ရွေးကောက်ပွဲအတွက် ကြိုတင်မဲပေးမှုတွေ တဖြည်းဖြည်းအရှိန်မြင့်လာနေပါတယ်။
■ ဒီနှစ်မှာ မဲဆန္ဒရှင် သန်း ၁၀၀ ကျော် မဲပေးဖို့ မျှော်မှန်းထားကြပြီး အောက်တိုဘာ ၁၂ ရက်အထိ နိုင်ငံရေးကြော်ငြာတွေအတွက် အသုံးပြုထားတဲ့ ငွေပမာဏဟာ ဒေါ်လာ ၃.၈ ဘီလီယံအထိ ရှိလာပါတယ်။
■ အမေရိကန်နိုင်ငံတစ်ဝန်းမှာ ၂၀၂၆ ကြားဖြတ်ရွေးကောက်ပွဲအတွက် ကြိုတင်မဲပေးမှုတွေ စတင်နေပြီဖြစ်ပါတယ်။
■ နိုဝင်ဘာ ၃ ရက်မှာ ကျင်းပမယ့် ဒီရွေးကောက်ပွဲမှာ အောက်လွှတ်တော်နဲ့ အထက်လွှတ်တော်အမတ်တွေကို ရွေးချယ်ကြမှာဖြစ်သလို ပြည်နယ်အချို့မှာလည်း ပြည်နယ်အုပ်ချုပ်ရေးမှူးတွေကို ရွေးကောက်တင်မြှောက်ကြမှာ ဖြစ်ပါတယ်။
■ ကြားဖြတ်ရွေးကောက်ပွဲဆိုတာ သမ္မတတစ်ဦးရဲ့ လေးနှစ်သက်တမ်းအလယ်မှာ ကျင်းပတဲ့ ရွေးကောက်ပွဲဖြစ်ပါတယ်။ ဒီရွေးကောက်ပွဲရလဒ်တွေက အမေရိကန်ကွန်ဂရက်မှာ ဘယ်ပါတီက အင်အားပိုများမလဲဆိုတာကို သိသိသာသာ သက်ရောက်စေနိုင်ပါတယ်။
■ ၂၀၂၂ ခုနှစ် ကြားဖြတ်ရွေးကောက်ပွဲမှာ မဲပေးခဲ့ကြတဲ့ အရေအတွက်ကို အခြေခံပြီး ခန့်မှန်းထားရာမှာ ဒီနှစ် မဲဆန္ဒရှင် သန်း ၁၀၀ ကျော် မဲပေးနိုင်တယ်လို့ မျှော်လင့်ထားကြပါတယ်။
■ ဒီနှစ်ရွေးကောက်ပွဲမှာ နိုင်ငံရေးမဲဆွယ်စည်းရုံးရေး အသုံးစရိတ်တွေလည်း စံချိန်တင် မြင့်တက်လာပါတယ်။ နိုင်ငံရေးကြော်ငြာအသုံးစရိတ်တွေကို စောင့်ကြည့်လေ့လာတဲ့ AdImpact ရဲ့ အချက်အလက်တွေအရ အောက်တိုဘာ ၁၂ ရက်အထိ ကြော်ငြာအသုံးစရိတ်ဟာ ဒေါ်လာ ၃.၈ ဘီလီယံအထိ ရှိလာခဲ့ပါတယ်။
■ အထူးသဖြင့် အနိုင်အရှုံး မသေချာသေးတဲ့ အထက်လွှတ်တော်ရွေးကောက်ပွဲတွေရှိတဲ့ တက္ကဆက်၊ အိုဟိုင်းယိုးနဲ့ မစ်ရှီဂန်ပြည်နယ်တွေမှာ ကြော်ငြာအသုံးစရိတ် အများအပြား သုံးစွဲထားကြပါတယ်။
Source-Wion
Page 1 of 2098
