စစ်ကိုင်းတိုင်းဒေသကြီးအတွင်း မိုးသည်းထန်စွာရွာသွန်းမှုကြောင့် ရေကြီးရေလျှံမှုတွေဖြစ်ပွားပြီး စိုက်ပျိုးမြေဧက ငါးသောင်းကျော် ရေကြီးနစ်မြုပ်ခဲ့တယ်လိုစစ်ကိုင်းတိုင်းဒေသကြီး၊ စိုက်ပျိုးရေးဦးစီးဌာနက ဩဂုတ်(၁၂)ရက်နေ့က ထုတ်ပြန်ထားပါတယ်။

#Local_News
Published 14 August 2026
#စစ်ကိုင်းတိုင်းဒေသကြီး #ရေကြီးရေလျှံ
#YMG/NN #Yangon_Times

အသေးစား၊ အငယ်စားနဲ့ အလတ်စား စီးပွားရေးလုပ်ငန်းတွေ ဖွံဖြိုးတိုးတက်လာစေဖိုအတွက် MSME လုပ်ငန်းရှင်တွေကို ချေးငွေတွေထုတ်ချေးပေးသွားမယ်လို့ နိုင်ငံပိုင်သတင်းစာကတဆင့် ယမန်နေ့ကအသိပေးထုတ်ပြန်ထားပါတယ်။

#Local_News
Published 14 August 2026
#MSME #ချေးငွေ
#YMG/SW #Yangon_Times

ရန်ကုန်ဆေးရုံကြီး၌ ဝမ်းပျက်ဝမ်းလျှောအတွက် သတ်မှတ်ထားတဲ့ စံနှုန်းအတိုင်း ပြင်ဆင်ကုသပေးနေတယ်လို့ရန်ကုန်ပြည်သူ့ဆေးရုံကြီးမှ ဒုတိယဆေးရုံအုပ်ကြီး ဒေါက်တာအောင်လင်းအေးကပြောပါတယ်။

#Local_News
Published 14 August 2026
#ရန်ကုန်ဆေးရုံကြီး #ဝမ်းပျက်ဝမ်းလျှော
#YMG/NN #Yangon_Times

#Local_News
Published 14 August 2026

■ ရန်ကုန်တိုင်းဒေသကြီး၊ လမ်းမတော်မြို့နယ်မှ ပြန်လာသည့် မွန်ပြည်နယ်၊ သံဖြူဇရပ်မြို့နယ်၊ ကျိုက္ခမီမြို့တွင် နေထိုင်သည့် အမျိုးသမီးတစ်ဦးထံမှ ပြင်းထန်းဝမ်းပျက်ဝမ်းလျောရောဂါပိုးတွေ့ရှိခဲ့ရာ ၎င်းနှင့်ထိတွေ့ခဲ့သည့် ကျိုက္ခမီမြို့နေ အမျိုးသား ၂ ဦးနှင့် အမျိုးသမီး ၇ ဦး စုစုပေါင်း ၉ ဦးကို ကျန်းမာရေးဌာနမှ ကျိုက္ခမီတိုက်နယ်ဆေးရုံ၌ Quarantine ထားရှိကြောင်း သိရသည်။

■ ဩဂုတ်လ ၁၃ ရက်နေ့ ည ၇ နာရီခွဲအချိန်ခန့်က ကျိုက္ခမီမြို့၊ ရန်အောင်မြေရပ်ကွက်၊ ရွှေကျင်ကျောင်းလမ်းနေ အသက် ၅၉ နှစ်အရွယ် ဒေါ်ဌေးမွန်သည် မကြာခဏ ဝမ်းသွားနေသဖြင့် ကျိုက္ခမီတိုက်နယ်ဆေးရုံသို့ သွားရောက်ပြသခဲ့ရာ ဆေးရုံတွင် စမ်းသပ်စစ်ဆေးချက်အရ Cholera test kit positive(ပြင်းထန်ဝမ်းပျက်ဝမ်းလျော)ဖြစ်ပွားနေကြောင်း စမ်းသပ်တွေ့ရှိခဲ့ကြောင်း သိရသည်။

■ အဆိုပါ ဒေါ်ဌေးမွန်ကို မေးမြန်းရာ ဩဂုတ်လ ၉ ရက်နေ့က ရန်ကုန်တိုင်းဒေသကြီး၊ လမ်းမတော်မြို့နယ်၊ ဗိုလ်ချုပ်လမ်းရှိ သရက်တောဘုန်းကြီးကျောင်းမှ တူမဖြစ်သူ အသက် ၄၀ အရွယ် ဒေါ်အိအိဖြိုးနှင့် အတူ ကျိုက္ခမီမြို့သို့ ပြန်ရောက်လာခဲ့ခြင်းဖြစ်ကာ လက်ရှိတွင် ဝမ်းပျက်ဝမ်းလျောဖြစ်ပွားသူ ဒေါ်ဌေးမွန် ကို ကျိုက္ခမီတိုက်နယ်ဆေးရုံတွင် ဆေးကုသမှုပေးနေပြီး ၎င်းနှင့်ထိတွေ့သူ ကိုးဦးကိုလည်း ကျိုက္ခမီတိုက်နယ်ဆေးရုံ၌ Quarantine ထားရှိကြောင်းသိရသည်။

#YMG/NN #Yangon_Times

#Local_News
Published 14 August 2026

■ ဧရာဝတီတိုင်းဒေသကြီး၊ လေးမျက်နှာမြို့နယ်၊ ငဝန်တာ၏ အောက်ခံမြစ်ကျိုးအင်းသဲကြောမှ ထူးပေါက်၍ ရေဖြတ်သန်းစီးဆင်းမှုကြောင့် တာတမံနိမ့်ကျမှုဖြစ်ပွားခဲ့သည့်နေရာတွင် မြန်မာနိုင်ငံမီးသတ်တပ်ဖွဲ့ဌာနချုပ်၊ ရန်ကုန်တိုင်းဒေသကြီးမီးသတ်ဦးစီးမှူးရုံးနှင့် ဧရာဝတီတိုင်းဒေသကြီးမီးသတ်ဦးစီးမှူးရုံးတို့မှ မီးသတ်တပ်ဖွဲ့ဝင်များက ရေဘေးကာကွယ်ရေးနှင့် ကယ်ဆယ်ရေးလုပ်ငန်းများ ဆောင်ရွက်လျက်ရှိကြောင်း သိရသည်။

■ တာတမံနိမ့်ကျသည့်နေရာတွင် ရေအောက်ချထားသည့် Geo bag များပေါ်သို့ သဲအိတ်များဖို့ခြင်း၊ သဲအိတ်များဖြည့်ခြင်းနှင့် Sheet pile များ၏ နောက်ဘက်တွင် လူအင်အားဖြင့် သဲအိတ်များဖို့ခြင်း၊ ဖြည့်ခြင်းလုပ်ငန်းများကို ဆောင်ရွက်လျက်ရှိသည်။

■ ထို့အပြင် ရေဘေးရှောင်စခန်းများနှင့် ရေဝင်ရောက်သည့် ကျေးရွာများသို့ စားရေရိက္ခာနှင့် သောက်သုံးရေများ ပို့ဆောင်ပေးခြင်း၊ ဌာနဆိုင်ရာများ၊ အဖွဲ့အစည်းများနှင့် အလှူရှင်များအား ရေဘေးရှောင်စခန်းများ၊ ရေဝင်ရောက်သည့်ကျေးရွာများနှင့် တာတမံနိမ့်ကျသည့်နေရာများသို့ ပို့ဆောင်ပေးခြင်းတို့ကိုလည်း ဆောင်ရွက်ပေးလျက်ရှိသည်။

■ အလားတူ ဒေသခံပြည်သူများ ကျန်းမာရေးနှင့် လူမှုရေးကိစ္စများအတွက် သွားလာရန်လိုအပ်ပါကလည်း မီးသတ်တပ်ဖွဲ့ဝင်များက ကူညီပို့ဆောင်ပေးခြင်းများ ဆောင်ရွက်လျက်ရှိကြောင်း သိရသည်။

#YMG/SW #Yangon_Times

#World_News
Published 14 August 2026

■ လေယာဉ်တင်သင်္ဘော USS George Washington ဟာ USS Abraham Lincoln နေရာမှာ အစားထိုးရန်အတွက် အာရှ-ပစိဖိတ်ဒေသမှ အရှေ့အလယ်ပိုင်းသို့ ဦးတည်ထွက်ခွာနေပါတယ်။

■ ဒီလိုပြန်လည်နေရာချထားမှုကြောင့် ပစိဖိတ်ဒေသမှာ ကာလတစ်ခုအထိ အမေရိကန် လေယာဉ်တင်သင်္ဘော အခြေစိုက်မရှိတော့ဘဲ လစ်ဟာသွားမှာ ဖြစ်ပါတယ်။

■ USS Abraham Lincoln ဟာ အီရန်အပေါ် အမေရိကန်စစ်ရေးလှုပ်ရှားမှုများကို ပံ့ပိုးရန် ဇန်နဝါရီလတည်းက အရှေ့အလယ်ပိုင်းမှာ တာဝန်ထမ်းဆောင်နေခဲ့ခြင်း ဖြစ်ပါတယ်။

■ Lincoln သင်္ဘောဟာ မူလပြန်ရမယ့် မေလထက် အချိန်များစွာ ကျော်လွန်ပြီး ပင်လယ်ပြင်မှာ ရက်ပေါင်း ၂၄၀ ကျော် ဆက်တိုက်တာဝန်ထမ်းဆောင်ကာ စံချိန်သစ် တင်ခဲ့ပါတယ်။

■ Lincoln သင်္ဘောပေါ်မှာ စိတ်ကျန်းမာရေးထိခိုက်မှုများ၊ ထောက်ပံ့ရေးပစ္စည်း လိုအပ်ချက်များ၊ အစားအစာပြဿနာများ၊ စာပို့စနစ် အဆက်အသွယ် ပြတ်တောက်မှု အပါအဝင် ပြင်းထန်တဲ့ အခြေအနေတွေနဲ့ ရင်ဆိုင်နေရကြောင်း သတင်းများ ထွက်ပေါ်ခဲ့ပါတယ်။

■ အရှေ့အလယ်ပိုင်း ထောက်ပံ့ရေးစခန်းများဟာ တိုက်ပွဲများကြောင့် ခေါင်းဆောင်ပိုင်းအနေဖြင့် စာပို့စနစ်ထက် အစားအစာနဲ့ တစ်ကိုယ်ရေသန့်ရှင်းရေးပစ္စည်းများကို ဦးစားပေးခဲ့ရကြောင်း အမေရိကန်ရေတပ်က ဝန်ခံခဲ့ပါတယ်။

■ ဒီမိုကရက်တစ်အမတ်များက သင်္ဘောပေါ်ရှိ ရေတပ်သားများရဲ့ အခြေအနေနဲ့ ဆက်ဆံခံရမှုများအပေါ် စုံစမ်းစစ်ဆေးရန်၊ လွှတ်တော်မှ စောင့်ကြည့်စစ်ဆေးမှုများ ပြုလုပ်ရန် တောင်းဆိုနေကြပါတယ်။

■ ကာကွယ်ရေးဝန်ကြီး ပီ့ဟက်ဆက်က သင်္ဘောပေါ်မှ အခြေအနေများကို ကာကွယ်ပြောဆိုခဲ့ကာ တာဝန်ထမ်းဆောင်ချိန် ကြာမြင့်ခက်ခဲခဲ့ပေမယ့် ရေတပ်သားများ အပြည့်အဝ အထောက်အပံ့ ရရှိနေကြောင်း တုံ့ပြန်ခဲ့ပါတယ်။

Source: AP News

#World_Health
Published 14 August 2026

■ ကာဗွန်ဒိုင်အောက်ဆိုဒ် ဓာတ်ငွေ့ပမာဏအများအပြားကို နာရီဝက်ကြာတိုင်း ရှူသွင်းခြင်းဖြင့် အယ်ဇိုင်းမားရောဂါနဲ့ ဆက်စပ်နေတဲ့ ပရိုတိန်းများကို ဦးနှောက်အတွင်းမှ ဖယ်ရှားပေးနိုင်ကြောင်း လေ့လာမှုအသေးစားတစ်ခုမှာ တွေ့ရှိခဲ့ပါတယ်။

■ ဒီဓာတ်ငွေ့နဲ့ ထိတွေ့ခြင်းက ဦးနှောက်ရှိ သွေးကြောများ ကျုံ့နိုင်ဆန့်နိုင်စွမ်းကို ပြောင်းလဲပေးပါတယ်။

■ ထိုကနေ ဦးနှောက်အတွင်း စွန့်ပစ်ပစ္စည်းများ စုပြုံလာခြင်းကို ဖယ်ရှားပေးတဲ့ ဦးနှောက်ရှင်းလင်းရေးစနစ် ပိုမိုမြန်ဆန်အားကောင်းလာစေပါတယ်။

■ စမ်းသပ်ပါဝင်သူများကို သာမန်လေနဲ့ ၅ ရာခိုင်နှုန်း CO2 ပါဝင်တဲ့ ဓာတ်ငွေ့အရောအနှောကို ၃၅ စက္ကန့်စီ တစ်လှည့်စီ ရှူသွင်းခဲ့ကြပါတယ်။

■ ဒါက ဦးနှောက်သွေးကြောများကို ကျယ်လာလိုက် ကျုံ့သွားလိုက် ဖြစ်စေကာ ညှစ်ထုတ်တဲ့လှုပ်ရှားမှု ဖြစ်စေပါတယ်။

■ ဒီလှုပ်ရှားမှုက အိပ်စက်နေတဲ့အချိန်မှာ ဦးနှောက်စွန့်ပစ်ပစ္စည်း ရှင်းလင်းရေးစနစ် လုပ်စေတဲ့ စည်းချက်ကျ လှိုင်းနှေးများကို တုပဖန်တီးပေးပါတယ်။

■ ကုသမှုအပြီး ၁၅ မိနစ်အကြာမှာ Amyloid-beta နဲ့ Tau ပရိုတိန်းပမာဏ ပိုမိုမြင့်မားလာတာကို တွေ့ရှိရပါတယ်။

■ အလားတူ အကျိုးသက်ရောက်မှုများကို ပါကင်ဆန်ရောဂါရှင်များ ပါဝင်တဲ့ လေ့လာဆန်းစစ်ချက်တစ်ခုမှာလည်း အစောပိုင်းက သက်သေပြခဲ့ဖူးကာ ဒီနည်းလမ်းဖြင့် အဆိပ်အတောက်ဖြစ်စေတဲ့ ပရိုတိန်းအမျိုးအစား အများအပြားကို ရှင်းလင်းပေးနိုင်တာ တွေ့ရပါတယ်။

■ ဒါပေမဲ့ ဆေးဘက်ဆိုင်ရာ ကျွမ်းကျင်သူများ မရှိဘဲနဲ့ CO2 ကို ကိုယ်တိုင်စမ်းသပ်ကြည့်ဖို့ကတော့ အလွန်အန္တရာယ်များကြောင်း သုတေသီတွေ သတိပေးထားပါတယ်။

Source: NewScientist

#World_Health
Published 14 August 2026

■ နှလုံးရောဂါ ဆိုးဆိုးရွားရွား ခံစားရသူတွေဟာ အခြားသော နှလုံးပြဿနာရှိသူတွေထက်စာရင် သွေးထဲမှာ ပလတ်စတစ်အမှုန်ငယ်များ ပိုများနေကြောင်း တွေ့ရှိထားပါတယ်။

■ ဥရောပနှလုံးဂျာနယ်မှာ ဖော်ပြချက်အရ ဆေးလိပ်သောက်သူများနဲ့ လေထုညစ်ညမ်းမှု ထိတွေ့မှုများသူတွေဟာ သွေးထဲမှာ ပလတ်စတစ်အမှုန် ရှိနိုင်ခြေ ပိုများပါတယ်။

■ နှလုံးရောဂါ ပြင်းထန်သူလူနာ ၈၄ ရာခိုင်နှုန်းရဲ့ သွေးအတွင်း ပလတ်စတစ်အမှုန်များ တွေ့ရပြီး နာတာရှည် နှလုံးရောဂါရှိသူ ၄၀ ရာခိုင်နှုန်းနဲ့ သွေးလွှတ်ကြော ကောင်းမွန်သူတွေမှာ ၃၂ ရာခိုင်နှုန်းသာ တွေ့ရပါတယ်။

■ ပလတ်စတစ်ပုလင်းများနဲ့ အစားအသောက် ထုပ်ပိုးရာမှာ အဓိကသုံးတဲ့ ပိုလီအက်သလင်းတို့က အတွေ့အများဆုံး ပလတ်စတစ်တွေ ဖြစ်ပါတယ်။

■ ဆေးလိပ်သောက်သူတွေရဲ့ သွေးကြောအတွင်း မိုက်ခရိုပလတ်စတစ် ပါဝင်နိုင်ခြေက ၆ ဆပိုများနေပါတယ်။

■ လေထုညစ်ညမ်းမှုနှုန်း PM2.5 နဲ့ ပိုမိုထိတွေ့ရခြင်းကလည်း သွေးအတွင်း ပလတ်စတစ်အမှုန် ပါဝင်မှုနှုန်း မြင့်မားခြင်းနဲ့ တိုက်ရိုက်ဆက်စပ်နေပါတယ်။

■ ဆေးလိပ်လည်းသောက် လေထုညစ်ညမ်းမှု မြင့်မားတဲ့ ဒေသမှာလည်း နေထိုင်တဲ့ ပါဝင်စမ်းသပ်သူတိုင်းဟာ သွေးအတွင်း ပလတ်စတစ်အမှုန်များ တွေ့ရှိရပါတယ်။

■ ဒီလေ့လာမှုက တိုက်ရိုက်ဖြစ်ပွားစေတဲ့ အကြောင်းအရင်းဆိုတာထက် ဆက်စပ်မှုကိုသာ ဖော်ပြခြင်းဖြစ်ပေမယ့် နှလုံးနဲ့ သွေးကြောကျန်းမာရေး ကာကွယ်ရန် ဆေးလိပ်သောက်ခြင်းနဲ့ လေထုညစ်ညမ်းမှု ထိတွေ့ခြင်းတို့ကို လျှော့ချရန် သုတေသီများ အကြံပြုထားပါတယ်။

Source: India Today

#World_Health
Published 13 August 2026

■ သကြားအစားထိုးပစ္စည်းများ စားသုံးခြင်းက မှတ်ဉာဏ်နဲ့ တွေးခေါ်နိုင်စွမ်း အမြန်အဆန် ကျဆင်းခြင်းနဲ့ ဆက်စပ်မှုရှိနိုင်ကြောင်း သုတေသနသစ်တစ်ခုအရ သိရပါတယ်။

■ ချိုမြိန်တဲ့အရာများ စားသုံးခြင်းနဲ့ အသိဉာဏ်စွမ်းရည် ကျဆင်းတို့ကြား ဆက်စပ်မှုရှိတာကို တွေ့ရှိခဲ့ရပါတယ်။

■ ကျန်းမာရေးနဲ့ ပိုညီညွတ်အောင် သကြားအစား ကယ်လိုရီနည်းတဲ့ အချိုဓာတ်အတုတွေကို ရွေးချယ်လာကြပေမယ့် တွေ့ရှိချက်များအရ အချိန်ကြာလာတာနဲ့အမျှ ဦးနှောက်ကျန်းမာရေး ဆိုးကျိုးပေးနိုင်တယ်လို့ ဆောင်းပါးရှင် ဒေါက်တာ ကလော်ဒီယာကင်မီဆူမိုတိုက ပြောပါတယ်။

■ သုတေသီများက ကယ်လိုရီအနည်းငယ်သာ ပါဝင်တဲ့ aspartame ၊ saccharin ၊ acesulfame K ၊ erythritol ၊ xylitol နဲ့ tagatose စတဲ့ အချိုဓာတ်ပစ္စည်း ၇ မျိုးကို စစ်ဆေးခဲ့ကြပါတယ်။

■ ဒီလိုအချိုဓာတ်ပစ္စည်းတွေကို ပိုမိုစားသုံးသူတွေဟာ အသိဉာဏ်စွမ်းရည်ကျဆင်းမှုနှုန်း ၆၂ ရာခိုင်နှုန်း ပိုမိုမြန်ဆန်တာကို တွေ့ရှိခဲ့ရပါတယ်။

■ အချိုဓာတ်ကို အသင့်အတင့် စားသုံးသူတွေဟာ အနည်းဆုံးစားသုံးသူတွေထက် ကျဆင်းမှု ၃၅ ရာခိုင်နှုန်း ပိုမိုမြန်ဆန်ခဲ့ပါတယ်။

■ ဆီးချိုရောဂါ ရှိသူရော မရှိသူတွေပါ အသိဉာဏ်စွမ်းရည် ကျဆင်းမှုနဲ့ ဆက်စပ်တာ တွေ့ရှိရပေမယ့် ဆီးချိုရှိသူတွေက သကြားအတုတွေကို ပိုမိုသုံးစွဲနိုင်ခြေ များနေပါတယ်။

■ အချိုဓာတ်ပစ္စည်းတွေကို ကော်ဖီ၊ လက်ဖက်ရည်များ၊ ချက်ပြုတ်စရာများ၊ မုန့်ဖုတ်ခြင်းတို့မှာ ထည့်သွင်းအသုံးပြုလေ့ ရှိကြပါတယ်။

Source: The Hill

#World_Health
Published 13 August 2026

■ နေ့အလင်းရောင် ပိုမိုထိတွေ့ခြင်းဖြင့် ညဘက်ကျရင် စောစောစီးစီး နှစ်ခြိုက်စွာ အိပ်မောကျစေတယ်လို့ သုတေသန တွေ့ရှိထားပါတယ်။

■ လူပေါင်း ၈၉ ဦးကို အလင်းအာရုံခံကိရိယာများနဲ့ အိပ်စက်မှုမှတ်တမ်းများ အသုံးပြုကာ ရက်ပေါင်း ၅၀၀ ကျော်ကြာ စောင့်ကြည့်လေ့လာခဲ့ကြပါတယ်။

■ နေ့ဘက်မှာ အလင်းရောင်နဲ့ ပိုမိုထိတွေ့မှုရှိခြင်းက ပါဝင်သူများကို စောစောအိပ်ပျော်စေရန်နဲ့ ညဦးပိုင်း ပိုမိုနှစ်ခြိုက်စွာ အိပ်ပျော်စေရန် ကူညီပေးပါတယ်။

■ သဘာဝအလင်းရောင်က မျက်စိအတွင်း မြင်လွှာဆဲလ်များကို လှုံ့ဆော်ပေးပြီး နေ့ဘက်မှာ နိုးကြားတက်ကြွစေဖို့ ဦးနှောက်ကို အချက်ပြပေးပါတယ်။

■ နံနက်ခင်း အစောပိုင်း နေရောင်ခြည်ဟာ နေ့စဉ်ခန္ဓာကိုယ် ပုံမှန်အိပ်စက်မှုစက်ဝန်း မှန်ကန်စေရန်အတွက် အထူးပင် ထိရောက်မှုရှိပါတယ်။

■ ကျွမ်းကျင်သူများက အိပ်ရာမဝင်မီ နောက်ဆုံး ၂ နာရီအတွင်း အလင်းရောင်တောက်တောက်တွေ မထိတွေ့ဖို့တော့ အကြံပြုထားပါတယ်။

■ အိပ်ရာထချိန် ပုံမှန်အတိုင်း ထိန်းသိမ်းခြင်းဖြင့် အိပ်စက်မှု အနှောင့်အယှက်ဖြစ်ခြင်းနဲ့ ခန္ဓာကိုယ်ဇီဝစက်ဝန်း ကမောက်ကမဖြစ်ခြင်းတို့ကို ကာကွယ်ပေးပါတယ်။

■ ဒီသုတေသနက အလင်းရောင်နဲ့ အိပ်စက်မှုကြား ဆက်စပ်နေမှုကိုသာ မီးမောင်းထိုးပြနေပြီး အကြောင်းကျိုး တိုက်ရိုက်ဖြစ်တဲ့ပုံတော့ သက်သေမပြနိုင်သေးကြောင်း သုတေသီများ ထောက်ပြထားပါတယ်။

Source: Fox News

တရုတ်ရဲ့ AI စမတ်မျက်မှန်များဟာ ကမ္ဘာ့ဈေးကွက်သို ထိုးဖောက်ဝင်ရောက်လာနေပြီး နည်းပညာ hardware ပိုင်းမှာ တိုးတက်လာတာ မြင်တွေ့နေရပါတယ်။

#Asia_Technology
Published 12 August 2026
#AI
#YMG #Yangon_Times #Yangon_Media_Group

ပဲခူးတိုင်းဒေသကြီးအတွင်းမှ ထုတ်လုပ်တဲ့ MSME ထုတ်ကုန်များကို (၂၃) ကြိမ်မြောက် တရုတ်-အာဆီယံကုန်စည်ပြပွဲမှာ သွားရောက်ပြသနိုင်ရေး လုပ်ငန်းညှိနှိင်းအစည်းအဝေးကို ယမန်နေ့နံနက်ပိုင်းက ပဲခူးတိုင်းဒေသကြီးအစိုးရအဖွဲ့ရုံး တော်ဝင်ဟံသာအစည်းအဝေးခန်းမ၌ကျင်းပခဲ့ပါတယ်။

#Local_News
Published 12 August 2026
#ပဲခူးတိုင်းဒေသကြီး #MSME
#YMG/SW #Yangon_Times