ပြည်နှင့်ပုပ္ပါးဘက်ကလာတဲ့ သြဇာသီးတွေ ဈေးကွက်ထဲကို အများပြား ဝင်ရောက် လာပေမယ့် ဝယ်လိုအားမရှိတာကြောင့် အချို့ကုန်သည်တွေဟာ သယ်ယူစရိတ် အရှုံးခံကာ ကုန်ဖိုးပြန်ရနိုင်ဖို့အတွက် ဈေးလျော့ရောင်းနေရတယ်လို့ ဆိုပါတယ်။

Published_ 25 September 2023
#Local_News
#သြဇာသီးဈေးကွက် #သယ်ယူစရိတ်အရှုံးခံ
#YMG/LW #Yangon_Times

‘အခုရက်ပိုင်းအတွင်း လေပွေလှိုင်းနဲ့ လေဖိအားနည်းရပ်ဝန်းအရှိန်ကြောင့် ရန်ကုန်တိုင်း၊ ပဲခူးတိုင်း၊ ဧရာဝတီတိုင်း ၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ မိုးထစ်ချုန်းတာ၊ မိုးကြီးတာနဲ့ လေပြင်းတိုက်ခတ်တာတွေဖြစ်ပေါ်နိုင်တယ်’ ဦးလှထွန်း(ညွှန်ကြားရေးမှူး၊ မိုးလေဝသနှင့်ဇလဗေဒညွှန်ကြားမှုဦးစီးဌာန)

Published_ 25 September 2023
#လေပွေလှိုင်းနှင့်လေဖိအားနည်းရပ်ဝန်း #မိုးထစ်ချုန်း #လေပြင်းတိုက်ခတ်
#tthl #Yangon_Times

‘စားအုန်းဆီတွေ ဝယ်မရဘူးဆိုတာ မရှိလို့ ရှားပါးလို့မဟုတ်ပါဘူး စားအုန်းဆီတွေကအလုံအလောက်ရှိပါတယ်။ နေရာဒေသအပေါ်မူတည်ပြီး အဲဒီ့ဒေသကိုမရောက်သေးတာနဲ့ မလိုအပ်ဘဲ စားအုန်းဆီတွေ ဝယ်ထားတဲ့သူတွေကြောင့်ဖြစ်တာဖြစ်တယ်’ ဘုရင့်နောင် စားအုန်းဆီလက်ကားဒိုင်မှ တာဝန်ရှိသူတစ်ဦး

Published_ 25 September 2023
#Local_News
#စားအုန်းဆီရည်ညွှန်းဈေး #ဆီရှားပါးခြင်းမရှိ
#tthl #Yangon_Times

ပြောင်းလဲပြင်ဆင်ထားတဲ့ဥပဒေမှာ ပြည်ပရောက် မြန်မာနိုင်ငံသားများကို လစာ မဟုတ်တဲ့ဝင်ငွေများက ၁၀ရာခိုင်နှုန်း အခွန်ကောက်ခံမှုကို မပြောင်းလဲဘဲ ယခင်အတိုင်း သတ်မှတ်ထားပေမယ့်လဲ အခုခါမှာလစာနဲ့လုပ်ကိုင်သူတွေကိုပါ စတင်အခွန်ကောက်ခံမှာ ဖြစ်တယ်လို့ နိုင်ငံပိုင်သတင်းစာများကနေ အသိပေးကြေညာခဲ့ပါတယ်။

Published_ 25 September 2023
#YMG/LW #Yangon_Times
#လစာအပေါ်အခွန်ကောက်ခံ #နိုင်ငံပိုင်သတင်းစာ

‘ဖူးကြီးရေလှောင်ကန်ထိခိုက်ပျက်စီးမှုမရှိပေမယ့် ပန်းတစ်ပွင့်တောင်ရှိသာသနိကအဆောက်အဦးတွေ ထိခိုက်ပျက်စီးခဲ့ပြီး ယခင်တန်ဖိုးကျပ်သိန်း ၃၀၀ခန့် အဆောက်အဦးများထိခိုက်ပျက်စီးခဲ့ရတယ်။ ကျောင်းတွေက ကလေးငယ်တွေကို ငလျင်နဲ့ပတ်သက်လို့ဇာတ်တိုက်လေ့ကျင့်ပေးနေတယ်” တိုက်ကြီးမြို့နယ်၊ ဒေသခံတစ်ဦး

Published_ 25 September 2023
#Local_News #ပန်းတစ်ပွင့်တောင် #ဖူးကြီးရေလှောင်ကန်
#tthl
#Yangon_Times

#Local_News
Published 25 Setember 2023

ရန်ကုန်တိုင်းဒေသကြီး သာကေတမြို့နယ် ဧရာဝဏ်လမ်းမကြီး ကျောက်တိုင်မှတ်တိုင်အနီး Max ဆီဆိုင်အရှေ့တွင် Taxi တစ်စီးမှ အရှိန်လွန်၍ လမ်းဘေးဆိုင်းဘုတ်တိုင်အား ဝင်တိုက်မှုဖြစ်ခဲ့ကြောင်း သာကေတမြို့နယ် လူမှုကူညီရေး အသင်းထံက သိရသည်။

အဆိုပါယာဉ်တိုက်မှုမှာ စက်တင်ဘာ ၂၄ရက် ည ၁၁နာရီ ခွဲ အချိန်ခန့် ဖြစ်ခဲ့တာဖြစ်ပြီး ကားထဲ တွင် အသက် ၃၅ခန့် အမျိုးသားတစ်ဦး ညပ်နေတာကြောင့် သာကေတမြို့နယ်လူမှုကူညီရေးအဖွဲ့၊ Emergency Medical Service တို့မှမြေပြင်ကို ကယ်ထုတ်ပေးကာ မနောဖြူလူမှုကူညီရေးအသင်းက လူနာတင်ယာဉ်ဖြင့် ရန်ကုန်ဆေးရုံကြီးကို ပို့ဆောင်ပေးခဲ့ကြောင်း သိရသည်။

ယင်းအမျိုးသားမှာ ရင်ဘတ်နှင့်ဒူးခေါင်းထိခိုက်ဒဏ်ရာရရှိပြီး ဆေးရုံသို့ရောက်ရှိပြီးနောက်၂၅ ရက်နံနက်၂နာရီခွဲတွင် သေဆုံးသွားခဲ့ကြောင်း သိရသည်။

#YMG/LW #Local_News #အမျိုးသားတစ်ဦးသေဆုံး #အရှိန်လွန်၍လမ်းဘေးဆိုင်းဘုတ်ကိုဝင်တိုက် #Yangon_Times

#World_News
Published 25 September 2023

ပြင်သစ်ဟာ ဇူလိုင်လက စစ်အာဏာသိမ်းမှု ဖြစ်ပွားခဲ့တဲ့ နိုင်ဂျာနိုင်ငံနဲ့ စစ်ရေးပူးပေါင်းဆောင်ရွက်မှုကို အဆုံးသတ်ပြီး ယခုနှစ်ကုန်မှာ နိုင်ဂျာရှိ ယင်းတို့ရဲ့ တပ်သား ၁,၅၀၀ ကို ပြန်လည်ဆုတ်ခွာတော့မှာ ဖြစ်ကြောင်း ပြင်သစ်သမ္မတ အီမန်နျူယယ်မက်ခရွန်က တနင်္ဂနွေနေ့မှာ ပြောကြားလိုက်ပါတယ်။

ဒီလိုတပ်ဆုတ်ရတာဟာ ဆာဟယ်ဒေသရှိ ပြင်သစ်တို့ရဲ့ အကြမ်းဖက်နှိမ်နင်းရေး လုပ်ငန်းစဥ်များနဲ့ ပြင်သစ်လွှမ်းမိုးမှုတို့မှာ အထိနာစရာ ဖြစ်ရပေမယ့် အာဏာသိမ်းသူတွေ လက်အောက်မှာ ဓားစာခံအဖြစ်မခံနိုင်ဘူးလို့ မက်ခရွန်က ဆိုပါတယ်။

‘’နိုင်ဂျာရှိ ပြင်သစ်သံအမတ်ကို ပြန်ခေါ်ပြီး နိုင်ဂျာနဲ့ စစ်ရေးပူးပေါင်းဆောင်ရွက်မှု အဆုံးသတ်ရန် ဆုံးဖြတ်လိုက်ပါပြီ’’ လို့ TF1 ၊ France 2 တီဗီရုပ်သံတို့နဲ့ အင်တာဗျူးမှာ မက်ခရွန်က ပြောပြခဲ့ပါတယ်။

နိုင်ဂျာခေါင်းဆောင်ကလည်း ထိုကြေညာချက်ကို ကြိုဆိုလိုက်ကာ တိုင်းပြည်အချုပ်အခြာအာဏာ တည်မြဲရန် ခြေလှမ်းသစ်တစ်ခု ဖြစ်တယ်လို့ ဆိုလိုက်ပါတယ်။

‘’နယ်ချဲ့ဝါဒီတွေနဲ့ ကိုလိုနီလက်သစ်တွေရဲ့ တပ်တွေကို ဒီတိုင်းပြည်ကနေ မကြိုဆိုတော့ပါဘူး။ အပြန်အလှန် လေးစားမှုနဲ့ အချုပ်အခြာအာဏာ တည်မြဲရေးတို့ကို အခြေခံတဲ့ ခေတ်သစ်ဆီသို့ လျှောက်လှမ်းနေပါပြီ’’ လို့ ကြေညာခဲ့ပါတယ်။

တပ်ဆုတ်တာကို ငြိမ်းချမ်းစွာ လုပ်ဆောင်ချင်တာကြောင့် လာမယ့် ရက်သတ္တပတ်များအတွင်း အာဏာသိမ်းသူများနဲ့ တိုင်ပင်ဆွေးနွေးသွားမှာဖြစ်ကြောင်း မက်ခရွန်က ဆိုပါတယ်။

ပြင်သစ်ဟာ နိုင်ဂျာနိုင်ငံ ဆာဟယ်ဒေသမှာ ဂျီဟတ်ဒ်ဆန့်ကျင်ရေး တပ်နေရာချထားခြင်းအဖြစ် တပ်သား ၁,၅၀၀ ခန့် ထားရှိထားတာဖြစ်ပါတယ်။

ဇူလိုင် ၂၆ ရက်နေ့မှာ သမ္မတ မိုဟာမက်ဘာဇွန်းမ်ကို အာဏာဖြုတ်ချပြီးနောက် ပြင်သစ်သံအမတ် ဆယ်လ်ဗိန်းအစ်ထယ်ကို နိုင်ဂျာစစ်ခေါင်းဆောင်များက တိုင်းပြည်မှ ထွက်ခွာခိုင်းခဲ့ပါတယ်။

၄၈ နာရီအတွင်းထွက်ခွာရန် ဩဂုတ်လအတွင်း ရာဇသံထုတ်ပြန်ခဲ့ပေမယ့် ပြင်သစ်အစိုးရက နိုင်ဂျာစစ်ခေါင်းဆောင်များကို တရားဝင်အသိအမှတ် မပြုတာကြောင့် သံအမတ်ကို ဆက်လက်ထားရှိခဲ့ပါတယ်။

ဘာဇွန်းမ်ကို စစ်ခေါင်းဆောင်များက ဖမ်းဆီးထိန်းသိမ်းထားကာ ဒီမိုကရေစီနည်းအရ ရွေးကောက်တင်မြှောက်ထားတဲ့ သူ့ကိုပဲ မက်ခရွန်က တရားဝင်ခေါင်းဆောင်အဖြစ် သတ်မှတ်တယ်လို့ ဆိုပါတယ်။

ဆာဟယ်ဒေသမှာ နိုင်ဂျာအာဏာသိမ်းမှုအပြင် မာလီ၊ ဘာကီနာဖာဆို၊ ဂီနီယာတို့မှာလည်း မကြာသေးမီနှစ်များအတွင်း အလားတူဖြစ်ရပ်များ ဖြစ်ပေါ်ခဲ့ပါတယ်။

#World_News #နိုင်ဂျာနိုင်ငံ #ပြန်လည်ဆုတ်ခွာ #ပြင်သစ်သမ္မတဆုံးဖြတ်
Source: DW

#Local_News
Published-25 September 2023

ရန်ကုန်တိုင်း၊ သာကေတမြို့နယ်တွင် ကားနှင့်စက်ဘီးတိုက် မိ၍ အသက်(၁၂)နှစ်ဝန်းကျင်ခန့်ကျောင်းသားတစ်ဦး ထိခိုက်ဒဏ်ရာရရှိမှု စက်တင်ဘာလ၂၅ရက်(ယနေ့)နံနက်ပိုင်းကဖြစ်ခဲ့ကြောင်းသိရသည်။

ဖြစ်စဥ်မှာ စက်တင်ဘာလ ၂၅ရက်၊ နံနက် ၈နာရီ ၃၀မိနစ်အချိန်ခန့်က ရန်ကုန်တိုင်းဒေသကြီး သာကေတမြို့နယ် မြင်တော်သာလမ်းမကြီး ကျောင်းကွေ့မှတ်တိုင်အနီးတွင် စက်ဘီးနှင့်ကား တိုက်မှုဖြစ်ပွါး၍ အသက်(၁၂)နှစ်ဝန်းကျင်ခန့် ကလေးလူနာ(ဦးခေါင်းထိခိုက်ဒါဏ်ရာ)ရရှိခဲ့ကြောင်းသာကေတမြို့နယ် လူမှုကူညီရေးအဖွဲ့က သိရသည်။

"ကားတိုက် မှုလို့ပြည်သူတွေက အကြောင်းကြားလာတာကြောင့် သာကေတမြို့နယ်လူမှုကူညီရေးအဖွဲ့ မှ အချိန်နှင့်တပြေးညီထွက်ခွါ ကူညီခဲ့တယ်။ အသက်(၁၂)နှစ်ဝန်းကျင်ခန့် ကလေးလူနာ(ဦးခေါင်းထိခိုက်ဒါဏ်ရာ)ရခဲ့တယ်"ဟုသာကေတမြို့နယ်လူမှုကူညီရေးအဖွဲ့မှသိရသည်။

ဖြစ်စဥ်ကြောင့် ထိခိုက်ဒဏ်ရာရရှိသူကလေးအားမြေပြင်ကုသမှုပေးပြီး လူမှုစေတနာလူမှုကူညီရေးအသင်းလူနာတင်ယာဉ်ဖြင့် ရန်ကုန်ပြည်သူဆေးရုံကြီးသို့ ပို့ဆောင်ကူညီပေးခဲ့ကြောင်းသိရသည်။

#Local_News #ကားနှင့်ဆိုင်ကယ်တိုက် #ကျောင်းသားတစ်ဦးထိခိုက်ဒဏ်ရာရ
#Yangon_Times/PP

#Local_Sport
Published_ 25 September 2023

တရုတ်နိုင်ငံ ဟန်ကျိုးမြို့တွင် ကျင်းပလျက်ရှိသည့် ၁၉ ကြိမ်မြောက် အာရှအားကစားပွဲတော် အမျိုးသားဘောလုံးပြိုင်ပွဲတွင် အကောင်းဆုံး တတိယနေရာမှ ဒုတိယအဆင့် ၁၆ သင်းရှုံးထွက်သို့တက်လှမ်းနိုင်ခဲ့သည့် မြန်မာ ယူ၂၄ အသင်းအား နိုင်ငံတော် စီမံအုပ်ချုပ်ရေး ကောင်စီ ဥက္ကဋ္ဌမှ ဒေါ်လာ ၅၀၀၀ နှင့် မြန်မာနိုင်ငံဘောလုံးအဖွဲ့ချုပ်၊ မြန်မာနေရှင်နယ်လိဂ် ကလပ်အသင်းပိုင်ရှင်များမှ ကျပ်သိန်း ၅၀၀ ဆုကြေးငွေ ချီးမြှင့်ခဲ့သည်။

မြန်မာယူ၂၄ အသင်းသည် အဆိုပါပြိုင်ပွဲ၏ အုပ်စု(က)တွင် အိမ်ရှင် တရုတ်၊ အိန္ဒိယ၊ ဘဂ်လားဒေရှ့်တို့နှင့် အတူကျရောက်ခဲ့ပြီး (၁)ပွဲနိုင်၊ (၁)ပွဲသရေ၊ (၁)ပွဲရှုံး ရမှတ်(၄)မှတ်ဖြင့် အကောင်းဆုံး အုပ်စုတတိယနေရာမှ ဒုတိယအဆင့်သို့ တက်လှမ်းနိုင်ခဲ့ခြင်းဖြစ်သည်။

မြန်မာ အမျိုးသားအသင်းသည် အာရှအားကစားပွဲတော် ဘောလုံးပြိုင်ပွဲသမိုင်းတွင် ချန်ပီယ ၂ ကြိမ်၊ တတိယ ၁ ကြိမ်ရရှိခဲ့ပြီး ၁၉၇၄ ခုနှစ်နောက်ပိုင်းမှ စတင်ကာ အုပ်စုမှ မတက်နိုင်ခဲ့ဘဲ ယခုနှစ်ပြိုင်ပွဲမှသာ ဒုတိယအဆင့်သို့ ပြန်လည် ရောက်ရှိလာနိုင်ခဲ့ခြင်းဖြစ်သည်။ မြန်မာ ယူ၂၄ အသင်း အနေဖြင့် ဒုတိယအဆင့်တွင် အာရှအင်အားကြီး ဂျပန်အသင်းနှင့် လာမည့် စက်တင်ဘာ ၂၈ ရက်တွင် ယှဉ်ပြိုင် ကစားရမည် ဖြစ်သည်။

#Local_Sport #ဒုတိယအဆင့်တက်လှမ်းနိုင်ခဲ့ #မြန်မာယူ၂၄အသင်းအားဆုချီးမြှင့်
#Yangon_Times #Daily_News #YMG

‘ဆိုလာတပ်ဆင်လိုတဲ့ စက်ရုံအလုပ်ရုံတွေအနေနဲ့ Power Light Solar ကုမ္ပဏီကနေ ဆိုလာဝယ်ယူရင် ဆိုလာတန်ဖိုး၂၀မှ ၃၀ ရာခိုင်နှုန်းကို ကုမ္ပဏီကိုဘဏ်မှ တစ်ဆင့်ငွေပေးချေပြီးပြီဆိုရင် ကျန်တဲ့ ၇၀ မှ ၈၀ ရာခိုင်နှုန်းကို ဘဏ်ကနေ ဆိုလာချေးငွေအဖြစ်ထောက်ပံ့ပေးသွားမှာဖြစ်တယ်။ ဘဏ်ကနေSolar Loanရရှိမှု နည်းပါးနေရင် လည်းလိုအပ်နေတဲ့ပမာဏရဲ့တစ်စိတ်တစ်ပိုင်းကို အဖွဲ့အစည်းတွေနဲ့ချိတ်ဆက်ပြီး ကူညီပံ့ပိုးပေးသွားမယ်’ ဒေါ်ဖြူဖြူသန့် (Power Light Solar Co.,Ltd ၏ Managing Director)

Published_ 25 September 2023
#ဒေါ်ဖြူဖြူသန့်
#(Power Light Solar Co.,Ltd ၏ Managing Director)
#ဆိုလာ #Power Light Solar
#Yangon_Times #Daily_News #YMG

#Local_News
Published 25 Setember 2023

ရန်ကုန်တိုင်းဒေသကြီး လှိုင်သာယာအရှေ့ပိုင်းမြို့နယ် တပင်ရွှေထီးတာဝါအနီး တွင် ယနေ့နံနက်ပိုင်းကမီးလောင်မှုဖြစ်ခဲ့ကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်မှုအရသိရသည်။

စက်တင်ဘာ၂၅ရက် နံနက် ၅နာရီ အချိန်ခန့်က လောင်ကျွမ်းတာဖြစ်ပြီး တပင်ရွှေထီးတာဝါဘေးရှိ လူနေအဆောင် တစ်ခု မီးလောင်ခြင်းဖြစ်ကြောင်း ဒေသခံပြည်သူတို့၏ ပြောကြားချက်အရသိရသည်။

မီးလောင်မှုဖြစ်ပွားကြောင်း သတင်းရရှိသဖြင့် လှိုင်သာယာ(အရှေ့ပိုင်း) မြို့နယ်မီးသတ်စခန်းမှ မီးသတ်ယာဉ်(၃)စီး၊ အင်းစိန်မြို့နယ်မီးသတ်စခန်းမှ မီးသတ်ယာဉ်(၂)စီး ၊ မရမ်းကုန်းမြို့နယ်မီးသတ်စခန်းမှ မီးသတ်ယာဉ်(၂)စီးထွက်ခွာငြှိမ်းသတ်ခဲ့ကာ ၀၅ ၂၀ အချိန် မီးထိန်းနိုင်ခဲ့ပြီး ၀၅ ၂၂အချိန် မီးငြိမ်းခဲ့ကြောင်း သိရသည်။

မီးလောင်မှု ဖြစ်စဉ်နှင့်ဆုံးရှုံးမှုတန်ဖိုးများကို သက်ဆိုင်ရာကစိစစ်လျက်ရှိကြောင်းသိရသည်။

#YMG/LW #Local_News #လှိုင်သာယာအရှေ့ပိုင်း #မီးလောင်မှုဖြစ်
#Yangon_Times

Published 25 September 2023

ဦးနှောက်ဆဲလ် အစိတ်အပိုင်းတွေက လွန်ခဲ့တဲ့ နှစ်သန်းပေါင်း ၈၀၀ ခန့်က ပင်လယ်တိမ်တွေမှာ စတင်ဖြစ်ပေါ်ခဲ့တယ်လို့ လေ့လာတွေ့ရှိထားပါတယ်။

စပိန်နဲ့ ဂျာမနီတို့မှ ပညာရှင်တွေက ပလေကိုဇိုအန်လို့ ခေါ်တဲ့ အထူးဆဲလ်တွေရဲ့ စရိုက်လက္ခဏာများကို တွေ့ရှိခဲ့ပါတယ်။

ထိုဆဲလ်တွေက အတွင်းအင်္ဂါမရှိဘဲ သဲမှုန်တစ်မှုန်မျှ အရွယ်အစားသာ ရှိပါတယ်။

ပလေကိုဇိုအန်တွေက လွန်ခဲ့တဲ့ နှစ်သန်းပေါင်း ၈၀၀ ခန့်က အဏုဇီဝပိုးမွှားတွေကို လိုက်ဖမ်းကာ  ပူနွေးတဲ့ပင်လယ်တိမ်တွေမှာ ရေညှိတွေ ရှာဖွေခဲ့ကြပါတယ်။

ဂျီနုန်းကွပ်ကဲရေးစင်တာမှ ဇီဝပညာရှင် ဆီဘက်ရှန်နဂျယ်နဲ့ အဖွဲ့က ပပ်တိုက်ဒါဂျစ်ဆဲလ်များဟာ ယခုလူသားတွေရဲ့ အာရုံကြောဆဲလ်များနဲ့ အလားသဏ္ဍာန်တူကြောင်း တွေ့ရှိခဲ့ပါတယ်။

အဆိုပါ ပပ်တိုက်ဒါဂျစ် ပလေကိုဇိုအန်ဆဲလ်တွေက ရှေးဦးအာရုံကြောဆဲလ်များနဲ့ တူညီမှု အများအပြားရှိနေကာ ဆင့်ကဲပြောင်းလဲရာ အစလို့ ပြောရမလိုပါပဲ။

မျိုးရိုးဗီဇ ဆန်းစစ်မှုများ ပြုလုပ်ပြီးနောက် ထိုဆဲလ်တွေက နျူရွန်တွေလိုမျိုး ပပ်တိုက်များထုတ်လွှတ်ကာ အပြုအမူများကို ထိန်းချုပ်ပေးပါတယ်။

ပလေကိုဇိုအာဆဲလ် ၄ မျိုးကို အစောပိုင်းသတ္တဝါများနဲ့ နှိုင်းယှဥ်ကြည့်ရာမှာ ထိုဆဲလ်တွေမှာ လူသားတွေရဲ့ နျူရွန်တွေလိုမျိုး မျိုးရိုးဗီဇတူတာတွေ တွေ့ရှိခဲ့တယ်လို့ ဆိုပါတယ်။

ဆဲလ်တွေဟာ သက်ရှိတွေရဲ့ အခြေခံကျတဲ့ အရာတွေဖြစ်ပြီး အချိန်နဲ့အမျှ ပြောင်းလဲလာတာကို လေ့လာခြင်းဖြင့် သတ္တဝါတွေ ဆင့်ကဲပြောင်းလဲရခြင်းကို သိရှိလာနိုင်ပါတယ်။
Source: WION.
#World_Science
#YMG #Yangon_Times