#Daily_News
Published 1 Sept 2025

၁။‌‎ ‎ရှားပါးမျိုးစိတ် ပန်ဒါနီ(၄)ကောင်တိရစ္ဆာန်ဥယျာဉ် (ရန်ကုန်)သို့ထပ်မံရောက်ရှိလာ
‎
‌‎၂။‎ အသက်(၁၄)နှစ်အောက် အမျိုးသား/အမျိုးသမီး ကစားသမားရွေးချယ်ပွဲများ ကျင်းပမည်
‎
၃။‌‎ ‎အွန်လိုင်းရွှေရောင်းသူများလိုင်စင် ပြုလုပ်ရန်ထပ်မံသတိပေး

‎၄။ ‎‎‎‎ဆိုက်ဘေးရီးယားကျားစုံတွဲ၏နှစ်(၂၀)ပြည့်အထိမ်းအမှတ်ပွဲ ယူနန်တောရိုင်းတိရိစ္ဆာန်ဥယျာဉ်၌ကျင်းပ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသို လှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီက အပတ်စဉ်ထုတ်ပြန်ပေးနေတဲ့ စားအုန်းဆီအခြေခံလက်ကားရည်ညွှန်းဈေးနှုန်းတွေ ဆက်တိုက်မြင့်တက်လာတယ်လို့ သိရပါတယ်။

#Local_News
Published 1 Sept 2025
#စားအုန်းဆီ #စီးပွားရေးနှင့်ကူးသန်းရောင်းဝယ်ရေးဝန်ကြီးဌာန
#YMG/SW #Yangon_Times

#Local_News
Published 1 Sept 2025

▪️ YBS ယာဉ်များနှင့် အငှားယာဉ် (Taxi) များကို ဦးစားပေး၍ သက်သာသည့်ဈေးနှုန်းဖြင့် CNG များစိုက်ထုတ်ရောင်းချပေးနေကြောင်းစွမ်းအင်ဝန်ကြီးဌာန ပြည်ထောင်စုဝန်ကြီးဦးကိုကိုလွင်ကပြောသည်။

▪️ ယမာန်နေ့ကရန်ကုန်တိုင်းဒေသကြီးအတွင်းရှိ စွမ်းအင်ဝန်ကြီးဌာန မြန်မာ့ရေနံနှင့် သဘာဝဓာတ်ငွေ့လုပ်ငန်း၊ အောက်မြန်မာပြည်ရုံးခွဲ (စိမ်းလဲ့မေ) ၌ ကျင်းပသည့် နိုင်ငံ့စီးပွားဖွံ့ဖြိုးတိုးတက်ရေးအတွက် ပြည်တွင်းသဘာဝဓာတ်ငွေ့သုံးစွဲမှု အကျိုးရှိထိရောက်စွာ အသုံးပြုနိုင်ရေးညှိနှိုင်းအစည်းအဝေး၌ စွမ်းအင်ဝန်ကြီးဌာနပြည်ထောင်စုဝန်ကြီး ဦးကိုကိုလွင် က ထည့်သွင်းပြောကြားခဲ့ခြင်းဖြစ်သည်။

▪️ ထိုသို့ပြောကြားရာတွင် ပြည်ထောင်စုဝန်ကြီးက နိုင်ငံ့စီးပွားဖွံ့ဖြိုးတိုးတက်ရေးအတွက် စွမ်းအင်ကဏ္ဍသည် လွန်စွာအရေးကြီးပါကြောင်း၊ စွမ်းအင်လုံခြုံရေးနှင့် စွမ်းအင်ဖူလုံရေးအတွက်အဓိကတာဝန်ရှိသည့် စွမ်းအင်ဝန်ကြီးဌာနအနေဖြင့်နိုင်ငံအတွက်လိုအပ်သော ရေနံနှင့်သဘာဝဓာတ်ငွေ့များ တိုးတက်ထုတ်လုပ်နိုင်ရေးနည်းလမ်းမျိုးစုံဖြင့်ကြိုးပမ်းဆောင်ရွက်နေသကဲ့သို့ထွက်ရှိလာသည့် သဘာဝဓာတ်ငွေ့ကို ပြည်ပသို့တင်ပို့ဖြန့်ဖြူးရောင်းချခြင်းအပြင် ပြည်တွင်းတွင်လျှပ်စစ်ဓာတ်အားထုတ်လုပ်နိုင်ရေးနှင့် စက်ရုံအလုပ်ရုံများ၏ ကုန်ထုတ်လုပ်မှုလုပ်ငန်းများဆောင်ရွက်နိုင်ရန် ဖြန့်ဖြူးပေးခြင်း၊ အများပြည်သူသယ်ယူပို့ဆောင်ရေးကဏ္ဍ အဆင်ပြေချောမွေ့စေရေးအတွက် ဖိအားမြှင့်သဘာဝဓာတ်ငွေ့ (Compressed Natural Gas–CNG) ဖြန့်ဖြူးပေးခြင်းတို့ကို ဆောင်ရွက်ပေးလျက်ရှိ ကြောင်းပြောကြားခဲ့သည်။

▪️ ထို့အပြင်လက်ရှိတွင် မိမိတို့နိုင်ငံ၌ပြည်တွင်းသုံးသဘာဝဓာတ်ငွေ့၏ ၈၅ ရာခိုင်နှုန်းကို လျှပ်စစ်ဓာတ်အားကဏ္ဍနှင့် ၈ ရာခိုင်နှုန်းကို စက်မှု/ကုန် ထုတ်လုပ်မှုကဏ္ဍတို့တွင် အသုံးပြုနေပြီးသယ်ယူပို့ဆောင်ရေးကဏ္ဍ၌ ၇ ရာခိုင်နှုန်းခန့် သုံးစွဲလျက်ရှိကြောင်း၊ မော်တော်ယာဉ်များတွင် CNG သုံးစွဲခြင်းသည် ဓာတ်ဆီ၊ ဒီဇယ်ဆီများ သုံးစွဲခြင်းထက်ကုန်ကျစရိတ်များစွာသက်သာပြီး ကာဗွန်ထုတ်လွှတ်မှုလျော့နည်းသောကြောင့် သယ်ယူပို့ဆောင်ရေးကဏ္ဍတွင် CNG သုံးစွဲမှုကို မြှင့်တင်နိုင်ရေးဆောင်ရွက် ရှိကြောင်း ၎င်းကဆိုသည်။

▪️ နိုင်ငံတော်အနေဖြင့် ပြည်သူများ ခရီးသွားလာရာတွင် ဈေးနှုန်းသက်သာစေရန် CNG ကို YBS ယာဉ်များနှင့် အငှားယာဉ် (Taxi) များအားဦးစားပေး၍ အထူးသက်သာသော ဈေးနှုန်းဖြင့်စိုက်ထုတ်ရောင်းချပေးလျက်ရှိပါကြောင်း ဆက်လက် ပြောကြားသည်။

▪️ ထို့နောက် သာကေတကမ်းလွန်ရေနံအခြေစိုက်စခန်း အထွေထွေမန်နေဂျာက ရေနံနှင့်သဘာဝဓာတ်ငွေ့ရှာဖွေတူးဖော်ထုတ်လုပ်ခြင်းလုပ်ငန်းများအတွက် အထောက်အကူပြုလုပ်ငန်းများဆောင်ရွက်ပေးနေမှုနှင့် ပစ္စည်းများ ထိန်းသိမ်းဖြန့်ဖြူးပေးနေမှု အခြေအနေများကိုလည်းကောင်း၊ မော်တော်ယာဉ်သုံးသဘာဝဓာတ်ငွေ့ဌာန အထွေထွေမန်နေဂျာက မော်တော်ယာဉ်သုံးသဘာဝဓာတ်ငွေ့များအား ဖြန့်ဖြူးရောင်းချပေးနေမှု အခြေအနေများနှင့် ပြုပြင်ပြောင်းလဲဆောင်ရွက်သွားမည့် အစီအမံများကိုလည်းကောင်း၊ မြန်မာ့ရေနံနှင့် သဘာဝဓာတ်ငွေ့လုပ်ငန်း ဒုတိယညွှန်ကြားရေးမှူး (ထုတ်လုပ်ရေး) က သဘာဝဓာတ်ငွေ့များ လေလွင့်ဆုံးရှုံးမှုလျော့နည်း သက်သာစေရေးသဘာဝဓာတ်ငွေ့ ထိန်း/ဖြန့်စခန်းများမှ Metering စနစ်အသုံးပြု၍ ဖြန့်ဖြူးဆောင်ရွက်သွားမည့် အခြေအနေများကိုလည်းကောင်း၊ အသုံးချသုတေသနဌာန (ထောက်ကြန့်) မှ သုတေသနအရာရှိချုပ်က ဓာတ်ခွဲခန်းများနှင့် စက်ပစ္စည်းများအဆင့် မြှင့်တင်ရေးအစီအစဉ်များကိုလည်းကောင်း၊ အမှတ် (၂) နှင့် အမှတ် (၃) ရေနံဓာတ်ငွေ့ရည်စက်ရုံ (ညောင်တုန်း) စက်ရုံမှူးများက ရေနံဓာတ်ငွေ့ရည် (ပရိုပိန်း၊ ဗြူတိန်း) နှင့် နက်ဖ်သာထုတ်လုပ်ဖြန့်ဖြူးရောင်းချမှု အခြေအနေများကိုလည်းကောင်း ရှင်းလင်းတင်ပြကြပြီး ပြည်ထောင်စုဝန်ကြီးရုံး ညွှန်ကြားရေးမှူးချုပ်နှင့် မြန်မာ့ရေနံဓာတုဗေဒလုပ်ငန်းဦးဆောင်ညွှန်ကြားရေးမှူးနှင့် တာဝန်ရှိသူများကလိုအပ်သည်များကို ဖြည့်စွက်ရှင်းလင်းတင်ပြကြရာ ပြည်ထောင်စုဝန်ကြီးက လိုအပ်သည်များကို မှာကြားခဲ့ကြောင်းသိရသည်။

#YMG/NN #Yangon_Times

အွန်လိုင်းရွှေရောင်းသူတွေကို လိုင်စင်ပြုလုပ်ကြဖို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်း(YGEA)ကဒီကနေ့မှာ ထပ်မံသတိပေးတိုက်တွန်း လိုက်ပါတယ်။

#Local_News
Published 1 Sept 2025
#အွန်လိုင်းရွှေရောင်းသူ #ရွှေလုပ်ငန်းရှင်များအသင်း
#YMG/NN #Yangon_Times

FIFA/MFF Regional Training Center ကိုဒေသအလိုက်ဖွင့်လှစ်နိုင်ဖို့အတွက်အသက် (၁၄) နှစ်အောက် အမျိုးသား/အမျိုးသမီး ကစားသမား ရွေးချယ်ပွဲတွေကျင်းပနေပြီလို့ မြန်မာနိုင်ငံဘောလုံးအဖွဲ့ချုပ်(MFF)က သိရပါတယ်။

#Local_News
Published 1 Sept 2025
#FIFA_MFF_Regional_Training_Center #မြန်မာနိုင်ငံဘောလုံးအဖွဲ့ချုပ်
#YMG/SW #Yangon_Times

ရှားပါးမျိုးစိတ်ဖြစ်ပြီး အလွန်ချစ်စဖွယ်ကောင်းတဲ့ ပန်ဒါနီ(၄)ကောင် yangon zoo သို့ထပ်မံရောက်ရှိလာပြီလို့ တိရစ္ဆာန်ဥယျာဉ် (ရန်ကုန်)

ကသိရပါတယ်။

#Local_News
Published 1 Sept 2025
#ရှားပါးမျိုးစိတ်ပန်ဒါနီ(၄)ကောင် #တိရစ္ဆာန်ဥယျာဉ် (ရန်ကုန်)
#YMG/NN #Yangon_Times

#Local_News
Published 1 September 2025

▪️ ဩဂုတ်(၃၁)ရက်က ဩစတြေးလျနိုင်ငံတွင်ပြုလုပ်ခဲ့သည့် ဆစ်ဒနီမာရသွန် ပြိုင်ပွဲတွင် မြန်မာရိုးရာဝတ်စုံဖြင့်ပါဝင်ယှဥ်ပြိုင်ခဲ့သည့် မြန်မာအမျိုးသမီးတစ်ဦး ဂင်းနစ်စံချိန်တင်ခဲ့ကြောင်း သိရသည်။

▪️ ဒေါက်တာမြင့်မိုရ်ဦးအမည်ရှိ အဆိုပါအမျိုးသမီးသည် ၂၀၂၅ ခုနှစ်၊ ဆစ်ဒနီ မာရသွန်ပြိုင်ပွဲတွင် ၄၂.၂ ကီလိုမီတာ( ၂၆ မိုင်ကျော်)အထိ အကွာအဝေးကို မြန်မာ့ရိုးရာဝတ်စုံဝတ်ဆင်ပြီး ပါဝင်ယှဉ်ပြိုင်ခဲ့ခြင်းဖြစ်ကာ ၄ နာရီ၊ ၁၂ မိနစ်နှင့် ၁၉ စက္ကန့်အကြာတွင် ပန်းဝင်နိုင်ခဲ့ခြင်းဖြစ်ကြောင်း၊ ဂင်းနစ်ကမ္ဘာ့စံချိန်မှတ်တမ်းစာအုပ်၌ မြန်မာဝတ်စုံဝတ်ပြီး အမြန်ဆုံ မာရသွန်ပြေးသူ၊ မြင်းမိုရ်ဦး ၄:၁၂:၁၉ ဟု မှတ်တမ်းတင်ထားကြောင်း သိရသည်။

▪️ “မြန်မာဝတ်စုံနဲ့ဆိုတော့ ပြေးရတာနည်းနည်းတော့ခက်တာပေါ့။ ပြေးရတာကလည်း ၄၂ ဒသမ ၂ ကီလိုမီတာ (၂၆ မိုင်) လောက်ကြီး ပြေးရတာဆိုတော့ ပန်းတော့ ဝင်နိုင်ခဲ့တယ်။ Range ဘယ်လောက်ဝင်တယ်ဆိုတာတော့ မသိသေးပေမဲ့ ၄ နာရီ ၁၂ မိနစ်မှာ ပန်းဝင်နိုင်ခဲ့ပါတယ်။ အရင်တုန်းက ပြေးနေကျ စံချိန်ထက်တော့ပိုသွားတာပေါ့။ ဒါကလည်း မြန်မာဝတ်စုံနဲ့မလို ထင်ပါတယ်။ ပြေးနေစဉ်မှာလည်း လူတွေကလာလာမေးကြတယ်။ ဘာဝတ်စုံလဲ၊ ဘာကြောင့်လဲဆိုတာတွေကို လမ်းတလျှောက်လုံးမှာ ဖြေနေရတာက နှေးသွားရတဲ့အကြောင်းပေါ့” ဟု ကမ္ဘာ့ဂင်းနစ်မှတ်တမ်းဝင်ခဲ့သူ မမြင့်မိုရ်ဦးက ဆိုသည်။

▪️ အဆိုပါမာရသွန်ပြေးပွဲကို ဩစတြေးလျ အလုပ်အကိုင်နှင့်ခရီးသွားရေး ဝန်ကြီးကိုယ်တိုင် တက်ရောက်အားပေးခဲ့ပြီး ပြိုင်ပွဲ၌ပန်းတိုင်ရောက်အောင်ပြေးပြီး သူများကို Six Star Medal ဆုများချီးမြှင့်ပေးခဲ့ကြောင်း သိရသည်။

#YMG/SW #Yangon_Times

#Local_News
Published 1 Sept 2025

▪️ မန္တလေးမြို့ ၊အမရပူရမြို့နယ်ရှိ ကျောက်စိမ်းဘုရားအနီး၌ စားသောက်ဆိုင်ကို ဆီဘောက်ဆာယာဥ်ဝင်တိုက်၍ သုံးဦး ‌ေ-သဆုံးမှုတစ်ခု ယနေ့မနက်က ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့နှင့်ဒေသခံများထံမှ သိရသည်။

▪️ 'ဆီဘောက်ဆာက အရှိန်နဲ့ဝင်တိုက်မိတာ ၊ ဆီကားဆိုတော့ ပေါက်ကွဲလောင်ကျွမ်းလို့ ‌သုံးဦး ‌ေ-သဆုံးတယ် ၊ ဘယ်သူတွေလည်း ဆိုတာ အတိအကျတော့မသိသေးဘူး ၊ မီးငြိမ်း‌မှ အ ‌ေ- လာင်းသုံး ‌ေ-လာင်း တွေ့တာ ဆေးရုံပို့လိုက်ကြတယ်၊ဒဏ်ရာရသူတွေလည်းများတယ် ' ဟု ဒေသခံတစ်ဦးကပြောသည် ။

▪️ စက်တင်ဘာ(၁) ရက်နေ့၊မနက် ၆နာရီ ၄၄ မိနစ်အချိန်ခန့်က၊ မန္တလေးတိုင်းဒေသကြီး၊ အမရပူရမြို့နယ်၊ ဥယျာတော်ကျေးရွာ၊ စစ်ကိုင်း-မြစ်ငယ်ကားလမ်းရှိ ကောင်းကောင်းနန်းတော် စားဥယျာဉ်ကိုဆီဘောက်ဆာယာဉ်(၁)စီး အရှိန်မထိန်းနိုင်ဘဲဝင်တိုက်မိပြီး မီးလောင်မှုဖြစ်ပွားခဲ့ကြောင်းသိရသည်။

▪️ အဆိုပါ သတင်းရရှိသဖြင့် မန္တလေးတိုင်းဒေသကြီးမီးသတ်ဦးစီးမှူးရုံးနှင့် အမရပူရမြို့နယ်မီးသတ်စခန်းတို့မှ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက်၇နာရီ ၂၄မိနစ် အချိန်၌ မီးငြိမ်းနိုင်ခဲ့ကြောင်းသိရသည်။

#YMG/NN #Yangon_Times

#World_News
Published 01 September 2025

▪️ အိန္ဒိယနဲ့ တရုတ်တို့ဟာ တိုးတက်ဖွံ့ဖြိုးရေးပိုင်းမှာ ပြိုင်ဘက်တွေမဟုတ်ဘဲ မိတ်ဖက်တွေဖြစ်တယ်လို့ အိန္ဒိယဝန်ကြီးချုပ် နရန်ဒရာမိုဒီနဲ့ တရုတ်သမ္မတ ရှီကျင့်ဖျင်တို့ တနင်္ဂနွေနေ့မှာ သဘောတူညီခဲ့ကြကာ ကုန်သွယ်မှုဆက်ဆံရေးတိုးတက်ဖို့ ဆွေးနွေးနေကြပါတယ်။

▪️ ရှန်ဟိုင်းပူးပေါင်းဆောင်ရွက်ရေးအဖွဲ့အစည်းရဲ့ ၂ ရက်တာအစည်းအဝေးကို တက်ရောက်ဖို့ မိုဒီက တရုတ်ပြည်ကို ၇ နှစ်အတွင်း ပထမဆုံးရောက်ရှိခဲ့ပြီး ရုရှားသမ္မတ ဗလာဒီမာပူတင်၊ အီရန် ပါကစ္စတန် အာရှအလယ်ပိုင်း ၄ နိုင်ငံတို့မှ ခေါင်းဆောင်များလည်း တွေ့ရပါတယ်။

▪️ အမေရိကန်သမ္မတ ဒေါ်နယ်ထရမ့်မှ အိန္ဒိယတင်သွင်းကုန်များအပေါ် အခွန် ၅၀ ရာခိုင်နှုန်းစည်းကြပ်ဖို့ ဆုံးဖြတ်အပြီးမှာ ရှီကျင့်ဖျင်နဲ့ မိုဒီတို့ လက်တွဲဖို့ကြိုးစားနေကြကြောင်း သုံးသပ်နေကြပါတယ်။

▪️ ထရမ့်ရဲ့ လှုပ်ရှားမှုတွေက ဆယ်စုနှစ်တွေကြာအောင် လက်တွဲလာတဲ့ အိန္ဒိယနဲ့ ဆက်ဆံရေးထိခိုက်လာပါတယ်။

▪️ အိန္ဒိယဟာ တရုတ်နဲ့ ဆက်ဆံရေးတိုးတက်ဖို့ ကတိပြုထားကာ နယ်စပ်ပဋိပက္ခကိစ္စအတွက် တည်ငြိမ်အေးချမ်းရေးရရှိရန် လိုအပ်ကြောင်း မိုဒီက ရှီကျင့်ဖျင်ကို ပြောပါတယ်။

▪️ အပြန်အလှန်လေးစားမှု၊ ယုံကြည်မှုတို့အပေါ် အခြေခံကာ ဆက်ဆံရေးတိုးတက်လာဖို့ ကတိပြုထားကြောင်း၊ နှစ်နိုင်ငံစလုံး လူဦးရေ ၂.၈ ဘီလီယံရဲ့ အကျိုးစီးပွားအတွက် ပူးပေါင်းဆောင်ရွက်လိုကြောင်း ပြောသွားပါတယ်။

▪️ တစ်ဖက်နှင့်တစ်ဖက် မိတ်ဖက်တွေအဖြစ် ရှုမြင်ပါက အိန္ဒိယ-တရုတ်ဆက်ဆံရေးဟာ တည်ငြိမ်မှုရှိပြီး အခွင့်အလမ်းကောင်းတွေ ရှိလာမှာဖြစ်ကြောင်း ရှီကျင့်ဖျင်ကပြောပါတယ်။

▪️ အမေရိကန်အခွန်စည်းကြပ်မှုတွေနဲ့ ပတ်သက်ပြီး နှစ်နိုင်ငံနားလည်မှုကောင်း တည်ဆောက်ကာ စီးပွားရေးလုပ်ငန်းကဏ္ဍတွေမှာ ရှေ့ဆက်လုပ်ဆောင်သွားဖို့ ကြိုးစားသွားရမယ်လို့ ပြောသွားပါတယ်။

Source: Reuters.

#World_Science
Published 1 Sept 2025

▪️ လွန်ခဲ့တဲ့နှစ် ၃၀ ခန့်က အေးခဲထားခဲ့တဲ့ သန္ဓေသားဟာ အိုဟိုင်ယိုမှ စုံတွဲတစ်တွဲထံမှာ မွေးဖွားခဲ့ပြီး ကမ္ဘာ့စံချိန်သစ်တင်ခဲ့ပါတယ်။

▪️ ဒါဟာ အချိန်ကာလအကြာရှည်ဆုံး အေးခဲထားတဲ့ သန္ဓေသားကနေ ကလေးတစ်ယောက် မွေးဖွားနိုင်ခဲ့တာ ဖြစ်ပါတယ်။

▪️ သားယောက်ျားလေးကို သဲဒီးယပ်စ်ဒန်နီယယ်ပီယာ့စ်လို့ နာမည်ပေးထားပြီး အသက် ၃၅ နှစ်အရွယ်မိခင် လင်ဆေးနဲ့ အသက် ၃၄ နှစ်အရွယ်ဖခင် တင်မ်ပီယာ့စ်တို့မှ မွေးဖွားခဲ့တာပါ။

▪️ သိပ္ပံစိတ်ကူးယဉ်ဇာတ်ကားထဲကလိုမျိုး ခံစားရတယ်လို့ လင်ဆေးက ပြောပြသွားပါတယ်။

▪️ ဒါဟာ ၁၉၉၂ မှာ အေးခဲထားခဲ့တဲ့ သန္ဓေသားတွေကနေ ၂၀၂၂ မှာ အမွှားမွေးဖွားခဲ့တဲ့စံချိန်ကို ချိုးနိုင်ခဲ့တာ ဖြစ်ပါတယ်။

▪️ အသက် ၆၂ နှစ်ရှိ လင်ဒါအာချတ်ဒ်နဲ့ ခင်ပွန်းဟောင်းတို့က ၁၉၉၄ မှာ ဖန်ပြွန်သန္ဓေနည်းလမ်းဖြင့် သန္ဓေသား ၄ ခု အေးခဲထားခဲ့ရာမှာ သဲဒီးယပ်စ်က ထိုတစ်ခုထဲကနေ မွေးလာတာဖြစ်ပါတယ်။

▪️ အာချတ်ဒ်က ခရစ်ယာန်သန္ဓေမွေးစားအေဂျင်စီကို သန္ဓေသားတွေပေးခဲ့ပြီး သန္ဓေသားပိုင်ရှင်တွေက လိုချင်သူများကို ရွေးချယ်ခွင့်ပေးထားပါတယ်။
ထိုအခါမှာ အာချတ်ဒ်က လူဖြူလူမျိုး၊ အမေရိကန်မှာနေထိုင်တဲ့ ခရစ်ယာန်စုံတွဲတစ်တွဲကို ရွေးချယ်ခဲ့တယ်လို့ သိရပါတယ်။

Source: The Jerusalem Post.

#World_Health
Published 1 Sept 2025

▪️ အသည်းပြည်တည်နာဆိုတာက အသည်းထဲမှာ ပြည်တွေစုလာတာဖြစ်ပြီး ရောဂါပိုးကူးစက်ခြင်းကြောင့် ဖြစ်တတ်ပါတယ်။

▪️ အသည်းမှာ ထိခိုက်ဒဏ်ရာဖြစ်ခြင်း၊ သွေးထဲကနေ ရောဂါပိုးဝင်ခြင်းတို့ဖြစ်ပြီးနောက် အနာဖြစ်လာနိုင်ပါတယ်။

▪️ အဖြစ်အများဆုံး အမျိုးအစားက ပိုင်ယိုဂျင်းနစ် ဘက်တီးရီးယားကြောင့်နဲ့ အမီးဘစ်ကပ်ပါးကြောင့်ဖြစ်တဲ့ အသည်းအနာတွေ ဖြစ်ပါတယ်။

▪️ မဏိပေါဆေးရုံမှ အစာအိမ်အူလမ်းကြောင်း ခွဲစိတ်ဆရာဝန်ကြီး ဆန်ဂျီရိုဟတ်ဂီနဲ့ ဆွေးနွေးရာမှာ အသည်းအနာဆိုတာက အသည်းရောင်၊ အသည်းခြောက်ရောဂါတို့လိုပဲ အန္တရာယ်ရှိကြောင်း၊ ရောဂါလက္ခဏာ မသိလိုက်မသိဘာသာ ဖြစ်တတ်ကြောင်း ရှင်းပြပါတယ်။

▪️ ဖြစ်နိုင်ခြေရှားပါးတယ်ဆိုပေမယ့် အသည်းပြည်တည်နာတွေက မကုသဘဲထားရင် အသက်အန္တရာယ် ရှိနိုင်ပါတယ်။

▪️ ဆီးချိုဝေဒနာရှင်၊ အမျိုးသားများ၊ အသက် ၄၀ မှ ၆၀ ကြား၊ ကိုယ်ခံအားနည်းလူနာ၊ အသည်းရောဂါရှိသူများမှာ ဖြစ်တတ်ပါတယ်။

▪️ ဖျားနာချမ်းတုန်ခြင်း၊ ဝမ်းဗိုက်ညာဘက်အပေါ် အောင့်ခြင်း၊ အသက်ရှူကြပ်ခြင်း၊ မူးဝေအော့အန်ခြင်း၊ အသားဝါခြင်း၊ ကိုယ်အလေးချိန်ကျခြင်းတို့ လက္ခဏာပြတတ်ပါတယ်။

▪️ အသည်းပြည်တည်နာဖြစ်လာရင် ပိုက်ပြွန်၊ အပ်တို့ဖြင့် စုပ်ထုတ်ခြင်း၊ ပဋိဇီဝဆေးပေးခြင်း၊ ခွဲစိတ်ခြင်း၊ ကပ်ပါးပိုးကုသဆေးပေးခြင်းတို့ဖြင့် ကုသနိုင်ပါတယ်။

▪️ ကာကွယ်ရေးနည်းလမ်းများအနေဖြင့် တစ်ကိုယ်ရည်သန့်ရှင်းစွာနေခြင်း၊ သန့်ရှင်းသောရေသောက်သုံးခြင်း၊ ဝမ်းဗိုက်ရောဂါပိုးကူးစက်ခြင်းများကို ချက်ချင်းကုသခြင်း၊ နာတာရှည်ရောဂါများမဖြစ်အောင်နေခြင်း၊ တိရိစ္ဆာန်အညစ်အကြေးများမှ ရှောင်ရှားခြင်း၊ စောစီးစွာ ဆေးကုသမှုခံယူခြင်းတို့ လုပ်နိုင်ပါတယ်။

Source: India Today.

မြန်မာ့ဒူးရင်းသီးစိုက်ပျိုးရာမှာ လိုအပ်တဲ့နည်းပညာပိုင်းဆိုင်ရာတွေနဲ့ လက်တွေ့စိုက်ပျိုးနည်းစနစ်ပိုင်းဆိုင်ရာတွေအတွက် ဆွေးနွေးပွဲကိုလာမယ့်လအတွင်း ရန်ကုန်မြို့မှာပြုလုပ်သွားမယ်လို့ သိရပါတယ်။

#Local_News
Published 30 August 2025
#မြန်မာ့ဒူးရင်းသီး #လက်တွေ့စိုက်ပျိုးနည်းစနစ်ပိုင်းဆိုင်ရာ
#YMG/NN #Yangon_Times