#World_News
Published 08 August 2026

■ တောင်ဆူဒန်နဲ့ မြန်မာနိုင်ငံတို့မှ လူပေါင်းများစွာကို အမေရိကန်မှာ နေထိုင်ခွင့်နဲ့ အလုပ်လုပ်ကိုင်ခွင့်ပေးထားတဲ့ ယာယီပြည်နှင်ဒဏ် ကင်းလွတ်ခွင့်ကို သမ္မတဒေါ်နယ်ထရမ့် အစိုးရအုပ်ချုပ်ရေးအဖွဲ့ ရပ်ဆိုင်းနိုင်ရန် ဖက်ဒရယ်တရားသူကြီးနှစ်ဦးက သောကြာနေ့မှာ လမ်းဖွင့်ပေးလိုက်ပါတယ်။

■ ဟေတီနဲ့ ဆီးရီးယားတို့မှ လူထောင်ပေါင်းများစွာအတွက် အလားတူ ကာကွယ်ပေးမှုများကို အစိုးရအဖွဲ့က ရပ်ဆိုင်းခွင့်ပြုလိုက်ပြီးနောက် ယာယီကာကွယ်စောင့်ရှောက်ခွင့် အဆင့်အတန်း ဆက်လက်ထိန်းသိမ်းထားရန် နောက်ဆုံးကြိုးပမ်းမှုများကို ဇွန်လကလည်း ပယ်ချခဲ့ပါတယ်။

■ ထရမ့်လက်ထက်မှာ ယာယီကာကွယ်စောင့်ရှောက်ခွင့်တွေကို နိုင်ငံပေါင်း ၁၂ ခုအတွက် ရပ်ဆိုင်းရန် အောက်ခြေတရားရုံး တရားသူကြီးများ ပြန်လည်သုံးသပ်နိုင်တဲ့ အခွင့်အာဏာ ကန့်သတ်လိုက်ခြင်း ဖြစ်ပါတယ်။

■ ဒီကာကွယ်ခွင့်ဟာ သဘာဝဘေး၊ ပဋိပက္ခများ၊ ဆိုးရွားသောဖြစ်ရပ်များမှ ကြုံတွေ့နေရတဲ့ နိုင်ငံသားများကို ပြည်နှင်ဒဏ်မှ ယာယီကာကွယ်ပေးခြင်း၊ အလုပ်ပါမစ်များ ပေးအပ်ခြင်းတို့ ပါဝင်ပါတယ်။

■ ယခုဆောင်ရွက်ချက်ကြောင့် တောင်ဆူဒန်နိုင်ငံသား ၂၃၂ ဦးခန့်နဲ့ မြန်မာနိုင်ငံသား ၄ ထောင်ခန့်ဟာ ကာကွယ်စောင့်ရှောက်ခံရရှိမှု ပြီးဆုံးသွားမှာ ဖြစ်ပါတယ်။

■ ပြည်ထဲရေးလုံခြုံရေး အခွင့်အာဏာသာမက ကာလရှည်ကြာ အခွင့်အာဏာကပါ မေးခွန်းထုတ်စရာ ဖြစ်လာပါတယ်။

■ ကလင်တန်ခန့်အပ်ခဲ့တဲ့ တရားသူကြီး ကင်နယ်လီကလည်း မြန်မာအမှုမှာ အလားတူကောက်ချက်မျိုး ပြောခဲ့ပါတယ်။

■ အုပ်ချုပ်ရေးဆိုင်ရာ ရပ်ဆိုင်းအမိန့်များ အသက်ဝင်နေတဲ့ နေ့တိုင်းဟာ အမေရိကန်ပြည်သူတွေ မဲပေးရွေးချယ်တဲ့ ရလဒ်ကို ငြင်းပယ်တဲ့နေ့ပဲလို့ ပြည်ထဲရေး ဥပဒေအကြံပေး ဂျိမ်းစ်ပါဆီဗယ်က ပြောသွားပါတယ်။

Source: Reuters

#Local_News
Published 8 August 2026

■ ဆော်ဒီအာရေဗျနိုင်ငံ၊ ရီယာဒ်မြို့၌ ကျင်းပမည့် Esports Nations Cup 2026 ပြိုင်ပွဲတွင် မြန်မာနိုင်ငံကိုယ်စားပြု Team Myanmar MLBB အသင်း ပါဝင်ယှဉ်ပြိုင်သွားမည်ဖြစ်ကြောင်း မြန်မာနိုင်ငံ အီလက်ထရောနစ်အားကစားအဖွဲ့ချုပ် (MESF) ထံမှ သိရသည်။

■ Team Myanmar MLBB အသင်းသည် ပြည်တွင်း Mobile Legends: Bang Bang (MLBB) ပြိုင်ပွဲများတွင် ရရှိခဲ့သည့် စွမ်းဆောင်ရည်များနှင့် နိုင်ငံတကာပြိုင်ပွဲများမှ ရရှိထားသည့် ENC Ranking Points များအပေါ် အခြေခံ၍ Esports Nations Cup 2026 ပြိုင်ပွဲသို့ တိုက်ရိုက်ဖိတ်ကြားမှု (Direct Invitation) ဖြင့် ဝင်ရောက်ယှဉ်ပြိုင်ခွင့် ရရှိခဲ့ခြင်းဖြစ်‌ကြောင်း သိရသည်။

■ အဆိုပါ Esports Nations Cup 2026 ပြိုင်ပွဲကို နိုဝင်ဘာ ၂၅ ရက်မှ ၂၉ ရက်အထိ ဆော်ဒီအာရေဗျနိုင်ငံ၊ ရီယာဒ်မြို့၌ ကျင်းပသွားမည်ဖြစ်ပြီး ကမ္ဘာတစ်ဝန်းမှ နိုင်ငံပေါင်း ၃၂ နိုင်ငံ ပါဝင်ယှဉ်ပြိုင်ကြမည်ဖြစ်သည်။

■ ပြိုင်ပွဲတွင် စုစုပေါင်းဆုကြေးငွေ အမေရိကန်ဒေါ်လာ ၁ ဒသမ ၅ သန်း သတ်မှတ်ထားပြီး ကမ္ဘာ့အဆင့် ထိပ်တန်း Mobile Esports ပြိုင်ပွဲကြီးတစ်ရပ်အဖြစ် ကျင်းပသွားမည်ဖြစ်သည်။

■ မြန်မာနိုင်ငံအနေဖြင့် ENC MLBB Ranking System တွင် ရမှတ် ၇,၆၀၀ ရရှိထားပြီး ကမ္ဘာ့အဆင့် တတိယနေရာတွင် ရပ်တည်နိုင်ခဲ့ခြင်းကြောင့် ယခုကဲ့သို့ Esports Nations Cup 2026 ပြိုင်ပွဲသို့ တိုက်ရိုက်ဖိတ်ကြားခံခဲ့ရခြင်းဖြစ်ကြောင်း သိရသည်။

■ Esports Nations Cup သည် နိုင်ငံအလိုက် အသင်းများ ပါဝင်ယှဉ်ပြိုင်သည့် ကမ္ဘာ့အဆင့် Esports ပြိုင်ပွဲကြီးတစ်ခုဖြစ်ပြီး Team Myanmar MLBB အသင်းအနေဖြင့် မြန်မာနိုင်ငံကိုယ်စားပြုအဖြစ် ဝင်ရောက်ယှဉ်ပြိုင်မည်ဖြစ်သဖြင့် နိုင်ငံတကာစင်မြင့်တွင် မြန်မာ့ Esports အားကစားသမားများ၏ စွမ်းဆောင်ရည်ကို ပြသနိုင်မည့်အခွင့်အရေးတစ်ရပ်လည်း ဖြစ်လာမည်ဖြစ်‌ကြောင်းသိရသည်။

#YMG/SW #Yangon_Times

#Local_News
Published 08 August 2026

■ ဧရာဝတီတိုင်းဒေသကြီး လေးမျက်နှာမြိုနယ်၌ ငဝန်ရေကာတာ တာတမံနိမ့်ကျပျက်စီးမှုကြောင့် ဖြစ်ပေါ်ခဲ့ သည့် ရေဘေးအခြေအနေတွင် မြိုပေါ်ရပ်ကွက်များ၌ ရေပြန်လည်ကျဆင်းလာနေပြီး ဆက်သွယ်ရေး ကွန်ရက်များကိုလည်း အရှိန်မြှင့် ပြန်လည်ထူထောင်လျက်ရှိရာ လက်ရှိတွင် ဆက်သွယ်ရေးဝန်ဆောင်မှု ၃၅ ရာခိုင်နှုန်းခန့် ပြန်လည်ရရှိနေပြီ ဖြစ်ကြောင်း အစိုးရသတင်းထုတ်ပြန်ချက်အရ သိရသည် ။

■ လက်ရှိတွင် လေးမျက်နှာမြိုနယ်၌ မိုဘိုင်းစခန်း ၁၃ ခုအနက် ရေဘေးကြောင့် ယာယီဖြုတ်သိမ်းထားသည့် စခန်း ၆ ခုနှင့် Hub Site များ ထိခိုက်မှုကြောင့် ဆက်သွယ်မှုပြတ်တောက်နေသည့် စခန်း ၆ ခုရှိခဲ့သော်လည်း နင်းကြမ်း၊ ကျတ်ကွင်းနှင့် ယင်းဆယ်ကျေးရွာရှိ စခန်း ၃ ခုကို ပြန်လည်ချိတ်ဆက်နိုင်ခဲ့ပြီး ခမောက်စု ကျေးရွာစခန်းမှာလည်း ပုံမှန်ဝန်ဆောင်မှုပေးလျက်ရှိကြောင်း ၊ စာရေးကွင်းကျေးရွာ ရေဘေးကွပ်ကဲရေးရုံး၌Cell on Wheel (COW) မိုဘိုင်းစခန်းတပ်ဆင်ထားပြီး B2B Satellite Terminal တစ်စုံစီကို စာရေးကွင်းကျေးရွာနှင့် ဆိတ်နိုကုန်းကျေးရွာ ရေဘေးကယ်ဆယ်ရေး စခန်းများတွင် တပ်ဆင်ထားကာ အရေးပေါ်ဆက်သွယ်ရေးဝန်ဆောင်မှုများ ဆောင်ရွက်ပေးလျက်ရှိကြောင်း သတင်းထုတ်ပြန်ချက်တွင်ဖော်ပြထားသည်။

■ ထို့အပြင် ရေဘေးအခြေအနေအရ လေးမျက်နှာမြို့ရှိ အနိမ့်ပိုင်းနှင့် အမြင့်ပိုင်းရပ်ကွက်များတွင် ရေပြန်လည်ကျဆင်းလျက်ရှိပြီး ဩဂုတ် ၆ ရက် ညနေ ၆ နာရီမှ ဩဂုတ် ၇ ရက် နံနက် ၆ နာရီအထိ ၁၂ နာရီအတွင်း အနိမ့်ပိုင်း ရပ်ကွက် (၅) နှင့် အမြင့်ပိုင်းရပ်ကွက် (၃) တို၌ ရေမှတ် ၀ ဒသမ ၂ ပေစီ လျော့ကျခဲ့ကြောင်း သိရှိရသည်။

■ အဆိုပါ ဧရာဝတီတိုင်းဒေသကြီး၊ လေးမျက်နှာမြိုနယ်၌ ငဝန်ရေကာတာ တာတမံနိမ့်ကျမှုကြောင့် ဖြစ်ပေါ်ခဲ့သည့် ရေဘေးအခြေအနေတွင် ရေဘေးသင့်ပြည်သူများအား အခြေခံစားသောက်ကုန်များနှင့် ဆန်ရိက္ခာများ ဆက်လက်ထောက်ပံ့ပေးလျက်ရှိပြီး ဩဂုတ် ၇ ရက်အထိ လူဦးရေ ၄၀,၀၀၀ ကျော်အတွက် စုစုပေါင်း ကျပ် ၁၄၆ ဒသမ ၆၇၆ သန်းကျော် ထောက်ပံ့ပေးခဲ့ပြီးကြောင်းနှင့် မြိုအုပ်ချုပ်ရေးမှူးများနှင့် ရပ်ကွက်အုပ်ချုပ်ရေးမှူးများက ရေဝင်ရောက်မှုနှင့် ဘေးအန္တရာယ်အခြေအနေများကို အနီးကပ်စောင့်ကြည့်လျက်ရှိပြီး ရေဘေးစိုးရိမ်ရမှု အခြေအနေများလည်း တဖြည်းဖြည်းလျော့နည်းလာပြီဖြစ်ကြောင်း အဆိုပါသတင်းထုတ် ပြန်ချက်တွင်ဖော်ပြထားသည်။

#YMG/NN #Yangon_Times

#Local_News
၈ ဩဂုတ်၊၂၀၂၆(ဘန်ကောက်)

■ ထိုင်းနိုင်ငံရောက် မြန်မာနိုင်ငံသားများ အခက်အခဲများနှင့် ရင်ဆိုင်ကြုံတွေ့ရပါက မည်သည့်အခက်အခဲပင်ဖြစ်စေ သံရုံး၊ စစ်သံရုံးများသို့ အချိန်မရွေး အကူအညီတောင်းခံသွားကြရန်လိုကြောင်း နိုင်ငံတော်သမ္မတ ဦးမင်းအောင်လှိုင်က ထိုင်းနိုင်ငံရောက်မြန်မာနိုင်ငံသားများကို ပြောကြားသည်။

■ ထိုင်းဝန်ကြီးချုပ်၏ဖိတ်ကြားချက်အရ ထိုင်းနိုင်ငံသို့ တရားဝင်ခရီးရောက်ရှိခဲ့သည့် နိုင်ငံတော် သမ္မတ ဦးမင်းအောင်လှိုင်သည် ဩဂုတ် ၇ ရက်က ဘန်ကောက်မြို့ရှိမြန်မာသံရုံးသို့ စာရွက်စာတမ်း အထောက်အထားဆိုင်ရာကိစ္စရပ်များလာရောက်ဆောင်ရွက်နေကြသည့် ထိုင်းနိုင်ငံရောက် မြန်မာနိုင်ငံသားများကို ရင်းရင်းနှီးနှီးတွေ့ဆုံခဲ့စဉ်ပြောကြားခဲ့ခြင်းဖြစ်ကြောင်း အစိုးရ၏ သတင်းထုတ်ပြန်ချက်အရသိရသည်။

■ ထို့အပြင် နိုင်ငံတော်သမ္မတက ထုတ်ပြန်ထားသည့် ဥပဒေနှင့် စည်းကမ်းများနှင့်အညီ ဖြစ်စေရေးအတွက်လည်း စနစ်တကျ နေထိုင်လုပ်ကိုင်သွားကြရန်လိုကြောင်း မှာကြားခဲ့သည့်အပြင် မိမိတို့နိုင်ငံသားများ၏ အခွင့်အရေးများ နစ်နာဆုံးရှုံးမှုမရှိစေရေး ဥပဒေများနှင့်အညီ နိုင်ငံတော်က ကာကွယ်စောင့်ရှောက်ပေးသွားမည်ဖြစ်ကြောင်းလည်းပြောကြးခဲ့သည်။

■ ထို့နောက် နိုင်ငံတော်သမ္မတသည် သံရုံးဝန်ထမ်းများ၏ လုပ်ငန်းဆောင်ရွက်နေမှုများအား လိုက်လံကြည့်ရှုကာ ထိုင်းနိုင်ငံသို့ အကြောင်းအမျိုးမျိုးဖြင့် ရောက်ရှိနေကြသည့် မြန်မာနိုင်ငံသားများ၊ မြန်မာ အလုပ်သမားများအား ဥပဒေများနှင့်အညီ ကာကွယ်စောင့်ရှောက်ပေးသွားရန်လိုကြောင်း၊ သံရုံးဆိုင်ရာ စာရွက်စာတမ်းအထောက်အထားများ ဆောင်ရွက်ပေးရာတွင်လည်း စေတနာထားပြီး ကိုယ်ချင်းစာစိတ်ဖြင့် စိတ်ရှည်ရှည်ထားကာ ဆောင်ရွက်ပေးသွားရန်လိုကြောင်းလည်း သံရုံးဝန်ထမ်းများကိုမှာကြားခဲ့ကြောင်းသတင်းထုတ်ပြန်ချက်တွင်ဖော်ပြထားသည်။

#World_Health
Published 08 August 2026

■ အပေါ်ယံအရေပြားမှာ လက္ခဏာတွေ ပြတယ်ဆိုတာဟာ ခန္ဓာကိုယ်အတွင်းထဲမှာလည်း ပြဿနာတွေ ရှိတယ်ဆိုတဲ့သဘော ဖြစ်ပါတယ်။

■ ခြေထောက်နဲ့ ခြေဖဝါးဖောရောင်ခြင်းလက္ခဏာက နှလုံးကနေ သွေးကို ထိရောက်စွာ မညှစ်ထုတ်နိုင်ခြင်းကြောင့် အရည်များစုပြုံလာတဲ့လက္ခဏာ ဖြစ်နိုင်ပါတယ်။

■ အသားအရေနဲ့ ခြေချောင်းများ ခရမ်းရောင်သန်းတာဟာ သွေးကြောပိတ်ဆို့မှုကြောင့် သွေးလှည့်ပတ်မှု မကောင်းခြင်း၊ အောက်ဆီဂျင်ချို့တဲ့ခြင်းကို ညွှန်ပြနေပါတယ်။

■ မျက်လုံး၊ အဆစ်များပတ်လည်မှာ အဝါရောင်အဖုများ ပေါ်လာခြင်းက ကိုလက်စထရောပမာဏ အန္တရာယ်ရှိလောက်အောင် မြင့်မားနေခြင်းကို ဖော်ပြပါတယ်။

■ လက်သည်းအောက်မှာ အနီရောင်၊ အညိုရောင် လိုင်းသေးသေးလေးများ ပေါ်ခြင်းက နှလုံးအမြှေးပါး ရောဂါပိုးဝင်ခြင်းလိုမျိုး နှလုံးကူးစက်ရောဂါများကို ညွှန်ပြနေပါတယ်။

■ လက်ချောင်း၊ ခြေချောင်းများမှာ နာကျင်တဲ့ အဖုငယ်များ ဖြစ်ခြင်းက နှလုံးအဆို့ရှင် ရောဂါပိုးဝင်ခြင်းရဲ့ နောက်ထပ်သတိပေးလက္ခဏာတစ်ခု ဖြစ်နိုင်ပါတယ်။

■ လက်သည်းကွေးလာပြီး ထိပ်ပိုင်းရောင်ရမ်းလာခြင်းဟာ သွေးတွင်းအောက်ဆီဂျင်ရရှိမှု ရေရှည်နည်းပါးနေခြင်းရဲ့ လက္ခဏာတစ်ခု ဖြစ်ပါတယ်။

■ ကွန်ရက်ပုံစံ ခရမ်းရောင်အရေပြားကွက်များကတော့ သွေးကြောငယ်လေးများ ပိတ်ဆို့ခြင်းကြောင့် ဖြစ်ပေါ်နိုင်ပါတယ်။

■ အကြောင်းအရင်းမရှိဘဲ အသားအရေပြောင်းလဲမှုများ ဖြစ်ပေါ်ပါက ဆရာဝန်တွေနဲ့ ပြသပြီး နှလုံးရောဂါများကို စောစီးစွာ သိရှိနိုင်မှာ ဖြစ်ပါတယ်။

Source: Today

#World_Science
Published 08 August 2026

■ p-tau217 ပရိုတိန်းကို တိုင်းတာတဲ့ သွေးစစ်ဆေးမှုတစ်ခုဟာ ကျန်းမာရေးကောင်းမွန်တဲ့ လူကြီးတွေမှာ ရောဂါလက္ခဏာများ မပြမီ ၁၀ နှစ်အလိုတည်းက အယ်ဇိုင်းမားရောဂါ ဖြစ်ပွားနိုင်ခြေကို ကြိုတင်ခန့်မှန်းပေးနိုင်ပါတယ်။

■ ပါဝင်စမ်းသပ်ခံသူ ၂,၇၀၀ ကို လေ့လာဆန်းစစ်ထားရာမှာ p-tau217 အလွန်မြင့်မားသူတွေဟာ ၁၀ နှစ်အတွင်း မှတ်ဉာဏ်နဲ့ စဉ်းစားဆင်ခြင်နိုင်စွမ်း လျော့ကျလာနိုင်ခြေ ၇၈ ရာခိုင်နှုန်း ရှိပါတယ်။

■ p-tau217 ဟာ tau tangles နဲ့ amyloid beta ပရိုတိန်းစုပြုံမှု နှစ်ခုစလုံးကို ဖော်ပြပေးနိုင်သဖြင့် ပုံမှန်ဦးနှောက်ဓာတ်မှန်ရိုက်ခြင်းနဲ့ မျိုးရိုးဗီဇစစ်ဆေးခြင်းများထက် ပိုမိုထိရောက်တဲ့ ကြိုတင်ခန့်မှန်းမှု ပေးနိုင်ပါတယ်။

■ FDA ခွင့်ပြုချက်ရရှိထားတဲ့ ဒီစစ်ဆေးနည်းဟာ ရောဂါဖြစ်နိုင်ခြေ ဆန်းစစ်မှုကို ဆေးခန်းများထ့ ပြောင်းလဲပေးနိုင်တဲ့အပြင် ဆေးဝါးစမ်းသပ်မှုများအတွက် စေတနာ့ဝန်ထမ်း စုဆောင်းခြင်းကိုလည်း ပိုမိုမြန်ဆန်စေမယ်လို့ ကျွမ်းကျင်သူများဆိုပါတယ်။

■ စောစီးစွာ သိရှိခြင်းကြောင့် သွေးတိုးခြင်း၊ အိပ်စက်ခြင်း၊ လှုပ်ရှားအားကစားပြုလုပ်ခြင်း စတဲ့နေထိုင်မှုပုံစံများကို စောစီးစွာ ပြုပြင်ပြောင်းလဲစောင့်ရှောက်နိုင်မှာ ဖြစ်ပါတယ်။

■ သေချာတဲ့ ပျောက်ကင်းကုသဆေး မရှိသေးသမျှ ကာလပတ်လုံး ရောဂါလက္ခဏာမရှိဘဲ ကျန်းမာနေသူများကို ပုံမှန်စစ်ဆေးခြင်းမပြုလုပ်ရန် ဦးဆောင်သုတေသီ ဒေါက်တာ ရေချယ်ဘက်ကလေက သတိပေးပါတယ်။

■ အသက်အရွယ်၊ မျိုးရိုးဗီဇ၊ လူမျိုးစု သီးခြားကွဲပြားမှု စတဲ့အကြောင်းအရင်းများဟာ ရလဒ်များအပေါ် သက်ရောက်မှုရှိသဖြင့် ပိုမိုကျယ်ပြန့်တဲ့ လူများအပေါ် သုတေသနများ ပြုလုပ်ရန်လိုအပ်ကြောင်း အလေးပေးပြောထားပါတယ်။

Source: Newsweek

EngineAI ကုမ္ပဏီရဲ့ စီအီးအို ကျောက်တုံယန် ယင်းတို့ကုမ္ပဏီမှ ပြုလုပ်ထားတဲ့ လူသားပုံသဏ္ဍာန်စက်ရုပ်ရဲ့ အလဲထိုးခြင်းကို ခံရတဲ့ဗီဒီယို အွန်လိုင်းမှာ ပျံ့နှံသွားပါတယ်။

#Asia_Technology
Published 07 August 2026
#စက်ရုပ် #EngineAI
#YMG #Yangon_Times #Yangon_Media_Group

တောင်ကိုရီးယားနိုင်ငံမှာ သွားရောက်အလုပ်လုပ်ကိုင်နိုင်မယ့် မြန်မာလုပ်သားများအတွက် စိုက်ပျိုးရေး၊ မွေးမြူရေး လုပ်ငန်း၊ ဆောက်လုပ်ရေးလုပ်ငန်းနဲ့ သစ်တောလုပ်ငန်းတိုအတွက် အရည်အချင်းစစ်စာမေးပွဲတွေကို ဩဂုတ်လ ၃၁ ရက် ကနေ နိုဝင်ဘာလ ၁၄ ရက်အထိ ကျင်းပသွားမယ်လို့ အစိုးရပြည်ပအလုပ်အကိုင်အေဂျင်စီက အသိပေးထုတ်ပြန်ထားပါတယ်။

#Local_News
Published 07 August 2026
#တောင်ကိုရီးယားနိုင်ငံ
#YMG/NN #Yangon_Times

မြန်မာ MMA ဖိုက်တာ ဂျော့ရှုဝါဗန်နဲ့ ဘရာဇီးလ်ဖိုက်တာ အလက်ဇန္ဒား ပန်တိုဂျာတိုရဲ့ မကျေပွဲကို UFC က တရားဝင်အတည်ပြုလိုက်ပြီဖြစ်တယ်လို့သိရပါတယ်။

#Local_News
Published 07 August 2026
#ဂျော့ရှုဝါဗန် #အလက်ဇန္ဒားပန်တိုဂျာ #UFC_331
#YMG/SW #Yangon_Times

ဧရာဝတီတိုင်းဒေသကြီး လေးမျက်နှာမြို့နယ်က ရေဘေးသင့်ပြည်သူတွေကို ကူညီထောက်ပံ့နိုင်ဖို့ မြန်မာနိုင်ငံဂီတအစည်းအရုံး (ဗဟို) ရဲ့ လမ်းညွှန်မှုနဲ့ ဂီတအစည်းအရုံးအသီးသီ့ပူးပေါင်းပြီး စားသောက်ကုန်နဲ့ ရေသန့်တွေကို အိမ်ထောင်စု ၁,၀၀၀ ကျော်အတွက် စီစဉ်ထုပ်ပိုးကာ သွားရောက်လှူဒါန်းသွားမှာဖြစ်တယ်လို့ သိရပါတယ်။

#Local_News
Published 07 August 2026
#လေးမျက်နှာမြို့နယ် # မြန်မာနိုင်ငံဂီတအစည်းအရုံး
#YMG/SW #Yangon_Times

ပဉ္စမအကြိမ်မြောက် ရန်ကုန်အပြည်ပြည်ဆိုင်ရာ ကျောက်မျက်နှင့် လက်ဝတ်ရတနာ အချောထည်အရောင်းပြပွဲကို ရန်ကုန်မြို့၊ ပြည်လမ်းရှိ Lotte Hotel တွင် ဩဂုတ်(၆)ရက်ကစတင်ပြီး လေးရက်ကြာကျင်းပပြုလုပ်နေ တယ်လို့သိရပါတယ်။

#Local_News
Published 07 August 2026
#ကျောက်မျက် #လက်ဝတ်ရတနာ
#YMG/NN #Yangon_Times

#Daily_News
Published 07 August 2026

၁။‌ ရန်ကုန်အပြည်ပြည်ဆိုင်ရာ ကျောက်မျက်နှင့်လက်ဝတ်ရတနာအချောထည်အရောင်းပြပွဲ လေးရက်ကြာပြုလုပ်နေ

‌‎၂။ ‌လေးမျက်နှာမြို့နယ် ရေဘေးသင့်ပြည်သူများအတွက် မြန်မာနိုင်ငံဂီတအစည်းအရုံးက စားသောက်ကုန်နှင့်ရေသန့်များသွားရောက်လှူဒါန်းမည်

၃။‌‌‎ (၁၇) ကြိမ်မြောက် ကိုရီးယားဘာသာအရည်အချင်းစစ် စာမေးပွဲယခုလကုန်စတင်ကျင်းပမည်

၄။‎ ‌‌‌‌‌‌‌‌‌ကုမ္ပဏီမှထုတ်လုပ်သည့်စက်ရုပ်၏အလဲထိုးခြင်းခံလိုက်ရသည့် ကုမ္ပဏီစီအီးအို... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group