မြန်မာနိုင်ငံအထည်ချုပ်လုပ်ငန်းရှင်များအသင်း(MGMA)အနေနဲ့အပြည်ပြည်ဆိုင်ရာအလုပ်သမားအဖွဲ့ချုပ် (ILO) က ဆုံးဖြတ်တဲ့ Article 33 ရဲ့ အကြံပြုလုပ်ငန်းစဉ်တွေနဲ့ စပ်လျဉ်းပြီး အလုပ်ရှင်၊ အလုပ်သမား ဆက်ဆံရေးတိုးတက်မှုကို ရှေးရှုကာ ILO အပါအဝင်အလုပ်ရှင်၊ အလုပ်သမား၊ အစိုးရကိုယ်စားလှယ်တွေနဲ့ ဆက်လက်ပူးပေါင်းဆောင်ရွက်သွားမယ်လို့ MGMA က ထုတ်ပြန်လိုက်ပါတယ်။
#Local_News
‎Published 14 June 2025
#Article33 #မြန်မာနိုင်ငံအထည်ချုပ်လုပ်ငန်းရှင်များအသင်း
#YMG/NN #Yangon_Times

#Local_News
Published 14 June  2025

▪️ Sky Villa အဆောက်အဦ မှ  ရုပ်အ‌ေ-လာင်းတစ်‌ေ-လာင်း နှင့် လက်ဝတ်ရတနာများတွေ့ရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇွန်လ ၁၄ ရက်နေ့တွင် မြန်မာနိုင်ငံမီးသတ်တပ်ဖွဲ့ ရှာဖွေကယ်ဆယ်ရေးတပ်ဖွဲ့ဝင်များမှ ရုပ်အလောင်းကျန်ရှိနေသော မန္တလေးမြို့ Sky Villa အဆောက်အဦ(A)အဆောင်နှင့် (B)အဆောင်တို့အား ယာဉ်ယန္တရားများအသုံးပြု၍ ဖယ်ရှားရှင်းလင်းခြင်းနှင့် ရုပ်အလောင်းထုတ်ယူနိုင်ရေးဆောင်ရွက်လျက်ရှိရာမနက် ၁၁ နာရီ၅၅ မိနစ်နာရီအချိန်၌ B အဆောင် အခန်းအမှတ် G-4 မှ အမျိုးသား(၁)ဦး၏ ရုပ်အလောင်းအား ထုတ်ယူနိုင်ခဲ့ ကြောင်း သိရသည်။

▪️ ထို့အတူ ဇွန်၁၃ ရက်နေ့ကလည်း  မြန်မာနိုင်ငံမီးသတ်တပ်ဖွဲ့ ရှာဖွေကယ်ဆယ်ရေးတပ်ဖွဲ့ဝင်များမှ ရုပ်အလောင်းကျန်ရှိနေသော မန္တလေးမြို့ Sky Villa အဆောက်အဦ(A)အဆောင်နှင့် (B)အဆောင်တို့အား ယာဉ်ယန္တရားများအသုံးပြု၍ ဖယ်ရှားရှင်းလင်းခြင်းနှင့် ရုပ်အလောင်းထုတ်ယူနိုင်ရေးဆောင်ရွက်လျက်ရှိရာ မနက်၁၁ နာရီ ခွဲ အချိန်တွင် Bဆောင်၊ အခန်းအမှတ် H-7 ရှာဖွေတွေ့ရှိသော မီးခံသေတ္တာအတွင်းမှ  ရွှေ(၁၀)ကျပ်သား (၄)တုံး၊ ရွှေ(၅)ကျပ်သား(၁)တုံး၊ ရွှေ(၁)ကျပ်သား(၁)တုံး၊ ရွှေလက်ကောက်(၂)ကွင်း၊ ရွှေဆွဲကြိုး(၃)ကုံး၊ ရွှေနားကပ်(၃)ရံ၊ ရွှေလက်စွပ်(၂)ကွင်း၊ ရွှေဆွဲသီး (၁) ခု၊ ပယင်းဆွဲသီး(၂)ခု၊  ရွှေတုံးအစ(၂၀)သားနှင့် အရေးကြီးစာရွက်စာတမ်းများအား ပစ္စည်းလက်ခံလွှဲပြောင်းရေးအဖွဲ့မှတဆင့် ပိုင်ရှင်ထံသို့ လွှဲပြောင်းပေးအပ်ခဲ့ကြောင်း သိရသည်။

#YMG/NN #Yangon_Times

#Local_News
Published 14 June 2025

▪️ ရန်ကုန်တိုင်းဒေသကြီး၊ ဗဟန်းမြို့နယ်၊ ဗိုလ်ချို (၁)ရပ်ကွက်၊ ဗိုလ်ချုပ်ပြတိုက်လမ်း၊ အမှတ်(၂၅)ရှိ ဗိုလ်ချုပ်အောင်ဆန်းပြတိုက်(ရန်ကုန်)အား ခေတ္တပိတ်ထားမည်ဖြစ်ကြောင်း သတင်းထုတ်ပြန်ထားသည်။

▪️ ဗိုလ်ချုပ်အောင်ဆန်းပြတိုက်(ရန်ကုန်)အား ယခုလ ၁၇ ရက်မှ ဇူလိုင်လ၁၈ရက်အထိ ခေတ္တပိတ်ထားမည်ဖြစ်ပြီး ဇူလိုင်လ ၁၉ ရက် အာဇာနည်နေ့တွင် ပြန်လည်ဖွင့်လှစ်ကာ ယခင်နှစ်များအတိုင်း အခမဲ့လာရောက်လေ့လာခွင့်ပြုသွားမည်ဖြစ်ကြောင်း သိရသည်။

▪️ ယခုကဲ့သို့ ခေတ္တပိတ်ထားခြင်းမှာ ၇၈ နှစ်မြောက် အာဇာနည်နေ့အထိမ်းအမှတ် အထူးပြပွဲခင်းကျင်းပြသရန် ကြိုတင်ပြင်ဆင်မှုလုပ်ငန်းများ ဆောင်ရွက်ရန်အတွက်ဖြစ်ကြောင်း သိရသည်။

#YMG/SW #Yangon_Times

#Local_News
Published 14 June 2025

▪️ အမေရိကန်နိုင်ငံ၊ လော့စ်အိန်ဂျယ်လိစ်မြို့ရှိ  မြန်မာကောင်စစ်ဝန်ချုပ်ရုံးတွင်မြန်မာနိုင်ငံသားအများအတွက်ကောင်စစ်ဆိုင်ရာဝန်ဆောင်မှုလုပ်ငန်းများအား အွန်လိုင်းမှတစ်ဆင့် လျှောက်လွှာစိစစ်လက်ခံမည့်စနစ်ကို စတင်အသုံးပြုနိုင်ပြီဖြစ်ကြောင်း သိရသည်။
 
▪️ ကောင်စစ်ဆိုင်ရာဝန်ဆောင်မှုလုပ်ငန်းများတွင် မြန်မာနိုင်ငံကူးလက်မှတ်သက်တမ်းတိုးခြင်း၊ ထောက်ခံစာလျှောက်ထားခြင်းနှင့် ပြည်ဝင်ဗီဇာလျှောက်ထားခြင်းစသည့် ကောင်စစ်ဆိုင်ရာဝန်ဆောင်မှုများ ကို အွန်လိုင်းမှတစ်ဆင့် လျှောက်လွှာ‌ဖြည့်စွက်၍ တိုက်ရိုက်လျှောက်ထားနိုင်သည့်စနစ်အား https://consularservicesmyanmarcgla.org/အင်တာနက်စာမျက်နှာမှတစ်ဆင့် စတင်အသုံးပြုနိုင်ပြီဖြစ်ကြောင်း လော့စ်အိန်ဂျယ်လိစ်မြို့ရှိ  မြန်မာကောင်စစ်ဝန်ချုပ်ရုံးက ထုတ်ပြန်ထားသည်။

▪️ အွန်လိုင်းကောင်စစ်ဝန်ဆောင်မှု ရယူလိုသူများအနေဖြင့် သက်ဆိုင်ရာလျှောက်လွှာများအလိုက် အွန်လိုင်း ဖောင်တွင်ဖြည့်စွက်၍ ကောင်စစ်ဝန်ချုပ်ရုံးသို့ တိုက်ရိုက်လျှောက်ထားနိုင်မည်ဖြစ်ပြီး သတ်မှတ်ချက်များနှင့် ပြည့်စုံသည့် လျှောက်လွှာများအား ကောင်စစ်ဝန်ချုပ်ရုံးမှ အတည်ပြုကြောင်း လျှောက်ထားသူများထံသို့ အဆိုပါစနစ်မှတစ်ဆင့်ပြန်လည် အကြောင်းပြန်ကြားသွားမည်ဖြစ်ကြောင်း၊ စိစစ်အတည်ပြုချက်ရရှိပြီးသော လျှောက်လွှာရှင်များအနေဖြင့် လိုအပ်သည့်နိုင်ငံကူးလက်မှတ်၊ ဓါတ်ပုံ၊ Money Order နှင့် Return Envelope များအား ကောင်စစ်ဝန်ချုပ်ရုံးသို့ ပေးပို့ရမည်ဖြစ်‌ကြောင်း သိရသည်။

#YMG/SW #Yangon_Times

#World_News
Published 14 June 2025

▪️ အီရန် အစ္စလာမ်ရီပတ်ဘလစ်အဖွဲ့က သောကြာနေ့ညမှာ အစ္စရေးလ် တဲလ်အဗစ်မြို့လယ်ကို ဒုံးကျည်အများအပြား ပစ်ခွင်းခဲ့ရာ အစ္စရေးလ်စစ်ဌာနရုံးချုပ်တွေ ထိမှန်ခဲ့ပြီး ပျက်စီးမှုပြင်းထန်ခဲ့ပါတယ်။

▪️ ဆိုရှယ်မီဒီယာတွေပေါ် ဗီဒီယိုတွေမှာ အစ္စရေးလ်ကာကွယ်ရေးတပ်ဖွဲ့ကြီး (IDF)ရဲ့ ပင်မဌာနကြီးအပါအဝင် စစ်ဘက်ဆိုင်ရာ နေရာအများအပြားရှိနေတဲ့ ဒေသ တိုက်ခိုက်ခံခဲ့ရပါတယ်။

▪️ ကြားဖြတ်ဒုံးကျည်တွေ တက်သွားပြီးနောက် ထိပ်ဖူးတပ်ဒုံးကျည် ပေါက်ကွဲသံကြီး ပေါ်ပေါက်ခဲ့ပါတယ်။

▪️ ဗီဒီယိုတွေအရ အီရန်ဒုံးကျည် အနည်းဆုံးတစ်စင်းက အစ္စရေးလ်လေကြောင်းကာကွယ်ရေးတွေကို ထိုးဖောက်ဝင်ရောက်ခဲ့ပြီး တဲလ်အဗစ်အလယ်ရှိ အရေးပါတဲ့ ပင်မနေရာတစ်ခုကို ထိမှန်ခဲ့ပုံပေါ်ပါတယ်။

▪️ အီရန်က ပဲ့ထိန်းဒုံးကျည် ၁၅၀ ခန့်ဖြင့် လူနေအိမ်နေရာများနဲ့ တဲလ်အဗစ်တဝိုက် စစ်ရေးနေရာများကို ပစ်မှတ်ခဲ့တာဖြစ်တယ်လို့ Fox News နိုင်ငံခြားသတင်းထောက်ချုပ် ထရေးယင့်စ်က ပြောပါတယ်။

▪️ IDF ကတော့ ယင်းတို့ရဲ့ဌာနချုပ် ထိမှန်ခြင်းရှိမရှိကို အတည်ပြုသေးပေမယ့် ဗီဒီယိုတွေအရတော့ အီရန်ဟာ အစ္စရေးလ်ကို နာရီနဲ့ကြာအောင် ဒုံးကျည်များ ပစ်ခတ်နေခဲ့ပါတယ်။

▪️ အစ္စရေးလ်စစ်တပ်အေဂျင်စီက X ဆိုရှယ်မီဒီယာပေါ်မှာ "IDF အနေနဲ့ အရပ်သားတွေကို အီရန်တိုက်ခိုက်တာမျိုး ခွင့်မပြုနိုင်ဘူး" လို့ တင်ထားပါတယ်။

▪️ သောကြာနေ့ကပဲ အစ္စရေးလ်တို့က အီရန်နျူကလီးယားနဲ့ စစ်ရေးအဆောက်အအုံများကို လေကြောင်းတိုက်ခိုက်မှုများ ပြုလုပ်ခဲ့ရာ အီရန်ထိပ်သီးတပ်မှူးအနည်းဆုံး ၂၀ သေဆုံးခဲ့ပြီး တော်လှန်ရေးအစောင့်တပ် အကြီးအကဲလည်း ပါဝင်တယ်လို့ သိရပါတယ်။

▪️ နျူကလီးယားသိပ္ပံပညာရှင် ၆ ဦးလည်း တိုက်ခိုက်မှုအတွင်း သေဆုံးခဲ့တယ်လို့ သိရပါတယ်။

▪️ အီရန်လက်တုံ့ပြန် တိုက်ခိုက်မှုအတွင်း အစ္စရေးလ်ဘက်မှ အမျိုးသမီးတစ်ဦး သေဆုံးခဲ့တယ်လို့ ရဲတပ်ဖွဲ့မှ ပြောရေးဆိုခွင့်ရှိသူတစ်ဦးက ဆိုပါတယ်။

▪️ အီရန်မှ နျူကလီးယားပရိုဂရမ် သဘောတူညီချက် ဆွေးနွေးမှု မအောင်မြင်တဲ့နောက် အစ္စရေးလ်ဘက်မှ တိုက်ခိုက်ခဲ့တာဖြစ်ပြီး သိပ်မကြာခင်မှာပဲ အီရန်က အလျင်အမြန် လက်တုံ့ပြန်ခဲ့တာ ဖြစ်ပါတယ်။

#Source: New York Post

#Local_News
Published_14 June 2025

▪️ ကရင်ပြည်နယ်၊ ကော့ကရိတ်မြို့နယ်၊ ကျုံဒိုးမြို့၊ကော့ဘော်ကျေးရွာ အတွင်းသို့ KNLA အဖွဲ့ နှင့် PDF များက လက်နက်ကြီးဖြင့် ပစ်ခတ်ခဲ့မှုကြောင့် အသက် ၄ နှစ် နှင့် ၉ နှစ်အရွယ် ကလေးငယ် ၂ ဦးအပါအဝင် ၆ ဦး သေဆုံးခဲ့ကြောင်း သိရသည်။

▪️ ယမန်နေ့ ဇွန်လ ၁၂ ရက် ညနေ ၅ နာရီခွဲခန့်တွင် ကော့ဘော်ကျေးရွာ၏ အရှေ့မြောက်ဘက် မီတာ ၂၇၀၀ ခန့်အကွာမှ လက်နက်ကြီးဖြင့် ရောက်ပစ်ခတ်ခဲ့ရာ ကျေးရွာအတွင်းသို့ လက်နက်ကြီး ကျည်ကျရောက် ပေါက်ကွဲခဲ့သဖြင့် အသက် ၄ နှစ်အရွယ်ကလေးငယ် ၁ ဦးအပါအဝင် အပြစ်မဲ့ အရပ်သားပြည်သူ ၃ ဦးသေဆုံးပြီး အသက် ၉ နှစ်အရွယ် ကလေးငယ် ၁ ဦး အပါအဝင် အပြစ်မဲ့ပြည်သူ ၃ ဦး လက်နက်ကြီးစ ထိမှန်ဒဏ်ရာများ ရရှိခဲ့ကြောင်း၊အဆိုပါထိခိုက် ဒဏ်ရာရရှိသူ ၃ ဦးအား ဘားအံမြို့ ပြည်သူ့ဆေးရုံသို့ တာဝန်ရှိသူများက ပို့ဆောင်စဉ် ရရှိသောဒဏ်ရာများဖြင့် ထပ်မံသေဆုံးသွားခဲ့ကြောင်း သိရသည်။

▪️ ယခုအခါ လုံခြုံရေးတပ်ဖွဲ့ဝင်များက လိုအပ်သည့် နယ်မြေလုံခြုံရေး လုပ်ငန်းများကို ဒေသခံပြည်သူများနှင့် ပူးပေါင်း၍ ဆက်လက်ဆောင်ရွက်လျက်ရှိကြောင်း နစက သတင်းထုတ်ပြန်ရေးအဖွဲ့က သိရသည်။

#Yangon_Times/PP

‎#World_Health
‎Published 14 June 2025

▪️ ရယ်မောခြင်းက အကောင်းဆုံး ဆေးတစ်ခွက်လို့ပြောကြတာ အကြောင်းမဲ့သက်သက် မဟုတ်ပါဘူး။

▪️ ရုပ်ပိုင်းဆိုင်ရာရော စိတ်ပိုင်းဆိုင်ရာကိုပါ အကျိုးပြုစေတယ်လို့ သိပ္ပံနည်းကျ တွေ့ရှိထားကြပါတယ်။

▪️ ရယ်တဲ့အခါ ခန္ဓာကိုယ်ရဲ့ စနစ်အများအပြားကို လှုံ့ဆော်ပေးပြီး အောက်ဆီဂျင်ရရှိစေကာ နှလုံး အဆုတ်တို့ကို လှုံ့ဆော်ပေးတဲ့အပြင် အင်ဒေါ်ဖင်းဟော်မုန်းတွေ ထွက်စေပါတယ်။

▪️ ရယ်မောခြင်းက ကျန်းမာရေးအတွက် ကောင်းကျိုးတွေ ဘယ်လိုပေးလဲဆိုတာ ဖော်ပြသွားပါမယ်။

▪️ (၁) ဖိစီးမှုကိုဖြစ်စေတဲ့ ကော်တီဆော၊ အက်ဒရီနယ်လင်ဟော်မုန်းတို့ကို လျော့နည်းစေသဖြင့် ပုံမှန်ရယ်မောတဲ့သူတွေဟာ ဖိစီးမှုပမာဏ လျော့ကျစေပါတယ်။

▪️ (၂) ရယ်မောတဲ့အခါ နှလုံးခုန်နှုန်းနဲ့ သွေးလည်ပတ်မှုကို ကောင်းမွန်စေကာ သွေးကြောလုပ်ဆောင်ချက်များ တိုးတက်စေပြီး နှလုံးရောဂါဖြစ်နိုင်ခြေ လျော့ကျစေပါတယ်။

▪️ (၃) တိုက်ခိုက်ရေးဆဲလ်များ၊ ပဋိပစ္စည်းများ ထွက်ရှိစေကာ ရောဂါဘယတွေကို ကင်းဝေးစေပြီး ကိုယ်ခံအားမြှင့်တင်ပေးပါတယ်။

▪️ (၄) ရယ်မောစဉ်ထွက်လာတဲ့ အင်ဒေါ်ဖင်းဟော်မုန်းက နာကျင်ကိုက်ခဲမှုတွေကို သဘာဝအတိုင်း သက်သာစေကာ သည်းခံနိုင်စွမ်း တိုးတက်စေပါတယ်။

▪️ (၅) စိုးရိမ်ပူပန်စိတ်၊ စိတ်ဓာတ်ကျခြင်းတို့ကို လျော့ကျစေကာ စိတ်ခံစားချက် ကြံ့ခိုင်စေသဖြင့် စိတ်ပိုင်းဆိုင်ရာ ကျန်းမာရေးမြှင့်တင်ပေးပါတယ်။

▪️ (၆) လူအများနဲ့အတူ ရယ်မောနေရင် တစ်ဦးအပေါ်တစ်ဦး ယုံကြည်မှုတွေ မြင့်မားလာစေကာ ဆက်ဆံရေးခိုင်မာစေပါတယ်။

▪️ (၇) ညမအိပ်ခင် ရယ်မောတဲ့အခါ ကြွက်သားတွေ ဖိစီးမှုတွေ ပြေလျော့စေပြီး နှစ်ခြိုက်စွာ အိပ်ပျော်စေတယ်လို့ လေ့လာချက်အချို့မှာ တွေ့ရပါတယ်။

▪️ (၈) ရယ်မောခြင်းဖြင့် စိတ်ကိုတည်ငြိမ်စေကာ အလွန်အကျွံ မတွေးတောမိတော့ဘဲ လက်ရှိအချိန်ကို ပျော်ရွှင်ခံစားမိစေမှာ ဖြစ်ပါတယ်။

#Source: DoctorNDTV
‎

#World_Science
Published 14 June 2025

▪️ ကမ္ဘာ့ဗဟိုချက်မှာ ရွှေတွေအပြည့်ရှိနေပြီး ကမ္ဘာ့ကြားလွှာကနေ အပေါ်ယံလွှာအထိ စိမ့်ထွက်နေတယ်လို့ သုတေသနအသစ်မှာ တွေ့ရှိထားပါတယ်။

▪️ မြေအနက်ပိုင်းမှ ထွက်လာတဲ့ မီးတောင်ကျောက်တုံးတွေမှာ တွေ့ရတဲ့ အိုင်ဆိုတုပ်တွေမှာ ရွှေအပါအဝင် အဖိုးတန်သတ္တုများ ပါဝင်တာကို တွေ့ရှိလာပါတယ်။

▪️ ဂျာမနီ ဂေါ့တင်ဂျန်တက္ကသိုလ်မှ ဘူမိဓာတုပညာရှင် နီလ်မက်စ်လင်က သူတို့ရဲ့ အချက်အလက်တွေထဲမှာ ရွှေနဲ့ အခြားအဖိုးတန်သတ္တုတွေဟာ ကမ္ဘာကြားလွှာအပေါ်ဘက်အထိ စိမ့်ထွက်နေတယ်ဆိုတာ သေချာတယ်လို့ ဆိုပါတယ်။

▪️ ကမ္ဘာ့အပေါ်ယံလွှာကနေ ရွှေရနိုင်တယ်ဆိုပေမယ့် တကယ်တမ်း ကမ္ဘာမှာရှိတဲ့ စုစုပေါင်းပမာဏနဲ့ယှဉ်ရင် အသေးအဖွဲ့လောက်သာ ရှိပါတယ်။

▪️ ကမ္ဘာ့ဗဟိုချက်ကနေ ဟီလီယံနဲ့ သံအိုင်ဆိုတုပ်ကြီးတွေ ထွက်တယ်ဆိုတဲ့ အထောက်အထားကောင်း ရှိပေမယ့် မျက်နှာပြင်ကနေ သတ္တုကြီးတွေ ဘယ်လောက်ရရှိတယ်၊ အာကာသကနေ ဘယ်လောက်ရရှိတယ်ဆိုတာ မသဲကွဲပါဘူး။

▪️ ကမ္ဘာ့ဗဟိုချက်ကနေ ထွက်တဲ့ သတ္တုတွေထဲမှာ ရုသနီယံ၊ ရွှေတို့အပြင် ဒြပ်စင်များဖြစ်တဲ့ ပယ်လာဒီယံ၊ ရိုဒီယံ၊ ပလက်တီနမ်တို့လည်း ပါဝင်ပါတယ်။

▪️ ဒါပေမဲ့ ဒါမျိုးတွေတွေ့ရှိဖို့ ၂,၉၀၀ ကီလိုမီတာလောက်အထိ တူးဖို့ကလည်း မလွယ်ကူပါဘူး။

▪️ ကမ္ဘာ့ဗဟိုချက်က ယခင်ထင်ထားသလောက် ကွဲထွက်နေတာ မဟုတ်တာကို တွေ့ထားတဲ့အပြင် တန်ချိန်များစွာရှိတဲ့ ကျောက်တုံးတွေဟာ ဗဟိုချက်-ကြားလွှာနယ်နိမိတ်ကနေ အစပြုကာ ကမ္ဘာ့မျက်နှာပြင်အထိ မြင့်တက်လာတာလည်း သက်သေပြနိုင်တယ်လို့ ဂေါ့တင်ဂျန်တက္ကသိုလ်မှ မက်သီယပ်စ်ဝီလ်ဘိုးက ပြောသွားပါတယ်။

#Source: ScienceAlert

တရုတ်အရှေ့ပိုင်း အန်ဟွေ့ပြည်နယ်မြို့တော်ဟယ်ဖေမှာ အင်္ဂါနေ့က အင်တာနက်အစည်းအဝေးပွဲ ပြုလုပ်ခဲ့ပြီး တရုတ် AI ပညာရှင်များက AI စနစ်ဖြင့် ဒေတာစုစည်းခြင်းနဲ့ ပတ်သက်လို့ အန္တရာယ်များအကြောင်း ဆွေးနွေးခဲ့ကြပြီး အသုံးပြုသူရဲ့ ပုဂ္ဂိုလ်ရေးအချက်အလက်များ ပိုမိုကာကွယ်နိုင်ဖို့ တောင်းဆိုနေကြပါတယ်။
#World_Technology
Published 13 June 2025
#တရုတ် AI ပညာရှင် #ပုဂ္ဂိုလ်ရေးအချက်အလက်
#YMG #Yangon_Times #Yangon_Media_Group

#Daily_News

Published 13 June 2025

၁။ ‌‎‎‎စက်သုံးဆီဈေးအားလုံးတက်ရိပ်ပြ

၂။ ‌‎‎‎အွန်လိုင်းရွှေရောင်းသူများကို ငွေစုစာအုပ်အပြင် ကံစမ်းမဲဖောက်ရောင်းချခြင်းမပြုရန်အသိပေး

၃။ ‎‎တရားဝင်လိုင်စင်မရှိဘဲ နိုင်ငံခြားငွေဝယ်/ ရောင်း/ လဲလှယ်ခြင်းများကို အရေးယူရန် အရှိန်မြှင့်လုပ်‌ဆောင်မည်

၄။ ‎၂၀၂၅ တရုတ် အင်တာနက်အစည်းအဝေးညီလာခံ၌ AI စနစ်၏ ပုဂ္ဂိုလ်ရေးအချက်အလက်ပေါက်ကြားနိုင်သည့်အန္တရာယ်အကြောင်းစိုးရိမ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published_13 June 2025

▪️ KNU အဖွဲ့မှအချို့နှင့် PDF များက အရပ်ဘက်မော်တော်ယာဉ်တစ်စီးကို မိုင်းထောင်ဖောက်ခွဲမှု ကျိုက်ထိုမြို့နယ်တွင် ဖြစ်ပွားခဲ့၍ ၄ ဦးဒဏ်ရာရခဲ့ကြောင်း သိရသည်။

▪️ ယမန်နေ့ ဇွန်လ ၁၂ ရက် နံနက် ၉ နာရီခွဲခန့်တွင် မွန်ပြည်နယ်၊ သိမ်ဇရပ်မြို့မှ ကျိုက်ထိုမြို့ဘက်သို့ ထွက်ခွာလာသည့် ယာဉ်မောင်းမျိုးမင်းခန့် မောင်းနှင်ပြီး ခရီးသွားပြည်သူအမျိုးသား ၁ ဦးနှင့် အမျိုးသမီး ၂ ဦးတို့ စီးနင်းလိုက်ပါလာသော WISH အမျိုးအစား မော်တော်ယာဉ်ကိုဘိုက္ကားကျေးရွာအနီး ရန်ကုန်-မော်လမြိုင် ကား လမ်း၌ KNU အဖွဲ့မှ အကြမ်းဖက်မှုကိုလိုလားသူများနှင့် PDF အမည်ခံအကြမ်းဖက်သမားများက မိုင်းဆွဲတိုက် ခိုက်ခဲ့ရာ မိုင်းပေါက်ကွဲမှုကြောင့် ယာဉ်ပေါ်တွင် လိုက်ပါလာသည့် အပြစ်မဲ့ပြည်သူ ၄ ဦး မိုင်းစထိမှန်ဒဏ်ရာများ ရရှိခဲ့ကြောင်း သိရသည်။

▪️ ယင်းကြောင့် ထိခိုက်ဒဏ်ရာရရှိခဲ့သူများအား တာဝန်ရှိသူများက ကျိုက်ထိုပြည်သူ့ဆေးရုံသို့ ပို့ဆောင်၍ လိုအပ်သည့်ဆေးဝါးကုသမှုများ ခံယူစေလျက်ရှိကြောင်း သိရသည်။

▪️ ယင်းဖြစ်စဉ်အပေါ် အွန်လိုင်းမီဒီယာအချို့က တပ်မတော်ယာဉ် တန်းကို မိုင်းဆွဲတိုက်ခိုက်စဉ် အရပ်သားများ လိုက်ပါလာသည့် မော်တော်ယာဉ် ၁ စီး မိုင်းစထိမှန်ခဲ့ပြီး အရပ်သားပြည်သူများ ထိခိုက်ဒဏ်ရာရရှိခဲ့ကြောင်း ဝါဒဖြန့် သတင်းမှားထုတ်ပြန်လျက်ရှိကြောင်းလည်း သိရသည်။

#Yangon_Times/PP

ကမ္ဘာ့ကျန်းမာရေးအဖွဲ့ (WHO) အနေနဲ့မုတ်သုံမိုးရာသီ ရောက်ရှိလာတာနဲ့အမျှ ဖြစ်ပေါ်လာနိုင်တဲ့ ကျန်းမာရေးအန္တရာယ်‌တွေအတွက် ရောဂါကြိုတင်ကာကွယ်ရေးလုပ်ငန်း‌တွေကို တိုးမြှင့်ဆောင်ရွက်လျက်ရှိတယ်လို့ သိရပါတယ်။
#Local_News
Published 13 June 2025
‎#ကမ္ဘာ့ကျန်းမာရေးအဖွဲ့ #ကြိုတင်ကာကွယ်ရေးများတိုးမြှင့်ဆောင်ရွက်
#YMG/SW #Yangon_Times