#World_Health
Published 06 May 2026

■ တစ်ခါမှ လက်မထပ်ဖူးတဲ့လူတွေဟာ ကင်ဆာဖြစ်နိုင်ခြေ သိသိသာသာ ပိုများတယ်လို့ မိုင်ယာမီတက္ကသိုလ် သုတေသနမှာ ဖော်ပြထားပါတယ်။

■ အမေရိကန်ပြည်နယ် ၁၂ ခုမှ လူပေါင်း ၄ သန်းကျော်ကို လေ့လာခဲ့တာဖြစ်ပြီး အဓိကကင်ဆာရောဂါ အားလုံးနီးပါး ဖြစ်နိုင်ခြေ များနေပါတယ်။

■ အိမ်ထောင်မပြုဖူးတဲ့ အမျိုးသားတွေက အိမ်ထောင်ပြုဖူးတဲ့ အမျိုးသားတွေထက် ကင်ဆာဖြစ်နိုင်ခြေ ၇၀ ရာခိုင်နှုန်းလောက် ပိုများပြီး အမျိုးသမီးတွေမှာ ၈၅ ရာခိုင်နှုန်း ပိုများလို့နေပါတယ်။

■ သုတေသနရလဒ်များအရ အိမ်ထောင်ရှိမရှိလိုမျိုး လူမှုရေးအကြောင်းအရင်းတွေက ကင်ဆာဖြစ်နိုင်ခြေ အနေအထားတွေ ဖြစ်နေနိုင်တယ်လို့ မိုင်ယာမီမေလာဆေးတက္ကသိုလ်မှ သုတေသနပရော်ဖက်ဆာ ပေါ်လိုပင်ဟေရိုက ပြောပါတယ်။

■ လက်မထပ်ဖူးတဲ့ အမျိုးသားတွေက အိမ်ထောင်သည်အမျိုးသားတွေထက် စအိုကင်ဆာဖြစ်နိုင်ခြေ ၅ ဆခန့် ပိုများပါတယ်။

■ အိမ်ထောင်မပြုဖူးတဲ့ အမျိုးသမီးတွေက အိမ်ထောင်သည်အမျိုးသမီးတွေနဲ့ယှဉ်ရင် သားအိမ်ခေါင်းကင်ဆာ ဖြစ်နိုင်ခြေ ၃ ဆနီးပါး ပိုများပါတယ်။

■ အမျိုးသမီးတွေ အိမ်ထောင်ရှိတဲ့အပြင် ကလေးတွေပါ ရှိတယ်ဆိုရင် သားဥအိမ်နဲ့ သားအိမ်ခေါင်းကင်ဆာ ဖြစ်နိုင်ခြေ ပိုနည်းသွားပါတယ်။

■ ဒါဟာ အိမ်ထောင်မပြုသူတွေအနေနဲ့ ကင်ဆာဖြစ်နိုင်ခြေ အကြောင်းအရင်းတွေကို ပိုမိုသတိထားသင့်ပြီး ဆေးစစ်မှုတွေ၊ ကျန်းမာရေးစောင့်ရှောက်မှုတွေ အစဉ်မပြတ် ပြုလုပ်သင့်ပါတယ်။

■ ဆေးလိပ်၊ အရက်အသောက်နည်းပြီး ကိုယ့်ကိုယ်ကို စောင့်ရှောက်တတ်သူတွေဟာ အိမ်ထောင်ကျနိုင်ခြေ ပိုများတာကလည်း ယခုတွေ့ရှိချက်တွေကို သက်ရောက်နေနိုင်ပါတယ်။

Source: AOL.

#World_Health
Published 06 May 2026

■ ဗိုက်တာမင်-ဒီက ရေရှည်ဦးနှောက်ကျန်းမာရေးအတွက် မရှိမဖြစ် အရေးပါပါတယ်။

■ အသက် ၃၀ - ၄၀ ဝန်းကျင် သက်လတ်ပိုင်းရောက်တဲ့အချိန် ဗိုက်တာမင်-ဒီ ပမာဏက အသက် ၆၀ - ၇၀ ဝန်းကျင်မှာ ဦးနှောက်အသိဉာဏ် စွမ်းဆောင်ရည်ကို ညွှန်ပြနိုင်ပါတယ်။

■ ဗိုက်တာမင်-ဒီ ချို့တဲ့သူတွေမှာ ဖြည့်စွက်အားဆေး အသုံးပြုခြင်းက အထိရောက်ဆုံးဖြစ်သလို အနာဂတ်မှာ ဦးနှောက်ဖွဲ့စည်းပုံနဲ့ အာဟာရဓာတ် ပုံမှန်စုပ်ယူခြင်းတို့အတွက်လည်း ဗိုက်တာမင်-ဒီ လုံလောက်စွာရှိဖို့ အရေးကြီးပါတယ်။

■ ၁၆ နှစ်တာ လေ့လာချက်တစ်ခုမှာ သက်လတ်ပိုင်းရောက်တဲ့အချိန် ဗိုက်တာမင်-ဒီ ပမာဏ မြင့်မားခြင်းက ဘဝနောက်ပိုင်းမှာ tau ပရိုတိန်းစုပြုံမှုကို သိသိသာသာ လျော့ကျစေတယ်လို့ တွေ့ရှိထားပါတယ်။

■ tau ပရိုတိန်းဆိုတာက ဦးနှောက်ထဲမှာ ရှုပ်ထွေးမှုတွေ ဖြစ်စေပြီး အယ်ဇိုင်းမားနဲ့ ဒီမန်ရှာရောဂါမျိုးတွေ ဖြစ်စေနိုင်ပါတယ်။

■ ဒီဖြစ်စဉ်တွေကို ကာကွယ်ပေးခြင်းဖြင့် ဗိုက်တာမင်-ဒီဟာ ဦးနှောက်အသိဉာဏ် ကျဆင်းခြင်းကနေ ရေရှည်ကာကွယ်ပေးနိုင်တာ ဖြစ်ပါတယ်။

■ အိန္ဒိယ ဟိုက်ဒရာဘက်မှ အမျိုးသားအာဟာရအဖွဲ့အစည်းရဲ့ လေ့လာချက်ထဲမှာ ဗိုက်တာမင်-ဒီ နည်းပါးခြင်းက သက်လတ်ပိုင်း အိန္ဒိယတွေမှာ ဦးနှောက်အသိဉာဏ်လုပ်ဆောင်ချက် ကျဆင်းခြင်းနဲ့ ဆက်စပ်နေတယ်လို့ အတည်ပြုထားပါတယ်။

■ ဗိုက်တာမင်-ဒီပမာဏ အမြင့်ဆုံးဖြစ်နေစေမယ့် အကောင်းဆုံးအချိန်က အသက် ၃၀ မှ ၄၀ ဝန်းကျင်ဖြစ်ပြီး ရေရှည်ဦးနှောက်ကျန်းမာရေးကို သက်ရောက်စေပါတယ်။

■ ဗိုက်တာမင်-ဒီ ပမာဏ လုံလောက်ဖို့အတွက် ပုံမှန်စစ်ဆေးခြင်း၊ နေ့ဘက် ၁၅-၂၀ မိနစ်ခန့် နေရောင်ခြည်နဲ့ ထိတွေ့ပေးခြင်း၊ လိုအပ်လျှင် ဖြည့်စွက်ဆေး အသုံးပြုခြင်းတို့ ပြုလုပ်နိုင်ပါတယ်။

Source: NDTV.

မေ၅၊၂၀၂၆

မြန်မာနိုင်ငံခြားရေးဝန်ကြီးကို အာဆီယံနိုင်ငံခြားရေးဝန်ကြီးများနှင့် တွေ့ဆုံပေးမည့် အစီအစဉ်တစ်ခု ကြိုးစားနေကြောင်း ထိုင်းနိုင်ငံခြားရေးဝန်ကြီး ဆီဟာဆက်ဖွမ်ကစ်ကေအိုက ထုတ်ဖော်ပြောကြားသည်။

မေ ၅ရက်က ထုတ်ပြန်သည့် ရိုက်တာသတင်းဌာန၏ သတင်းတွင် ထိုင်းနိုင်ငံခြားရေးဝန်ကြီး၏ အင်တာ ဗျူးကို ကိုးကားပြီး ယင်းကဲ့သို့ဖော်ပြထားခြင်းဖြစ်သည်။

မြန်မာအစိုးရသစ်နှင့် ပိုမိုထိတွေ့ဆက်ဆံနိုင်ရေးအတွက်  အာဆီယံအဖွဲ့အတွင်း တူညီသဘောဆန္ဒ ရယူရန် ရည်ရွယ်လျက် မြန်မာနိုင်ငံခြားရေးဝန်ကြီးကို ဒေသတွင်း ထိပ်တန်းသံတမန်များနှင့် တွေ့ဆုံရန် ဖိတ်ကြားဖို့အစီအစဉ်ရှိကြောင်း ထိုင်းနိုင်ငံခြားရေးဝန်ကြီးက ရိုက်တာကို ပြောကြားခဲ့သည်။

လွန်ခဲ့သည့် နှစ်ပတ်ခန့်က နိုင်ငံတော်သမ္မတဦးမင်းအောင်လှိုင်နှင့် တွေ့ဆုံခဲ့သော ထိုင်းနိုင်ငံခြားရေး  ဝန်ကြီး ဆီဟာဆက် က မြန်မာခေါင်းဆောင်ပိုင်းနှင့် နိုင်ငံခြားရေးဝန်ကြီးအဆင့် အပါအဝင် ပြန်လည်  ထိတွေ့ဆက်ဆံနိုင်ရန် တွန်းအားပေး လုပ်ဆောင်နေကြောင်း ရိုက်တာနှင့် အင်တာဗျူးတွင် ပြောကြား   ခဲ့သည်။

အာဆီယံ နိုင်ငံခြားရေးဝန်ကြီးများ အစည်းအဝေး၏ ဘေးတိုက်ဆွေးနွေးပွဲတစ်ခုအဖြစ် ကျင်းပမည့် အဆို  ပါတွေ့ဆုံမှုတွင် မြန်မာနိုင်ငံ၏ လက်ရှိအခြေအနေများနှင့် အနာဂတ်အစီအစဉ်များကို မြန်မာနိုင်ငံခြား ရေးဝန်ကြီးက ရှင်းလင်းပြောကြားမည်ဖြစ်ပြီး ယင်းမှတစ်ဆင့် အဆင့်ဆင့် ဆက်လက်ဆောင်ရွက်သွား  မည်ဟုလည်း ထိုင်းနိုင်ငံခြားရေးဝန်ကြီးက ပြောသည်။

ယခုအပတ် ဖိလစ်ပိုင်နိုင်ငံတွင် ကျင်းပမည့် ထိပ်သီးအစည်းအဝေး၌ အခြားသော အာဆီယံ   နိုင်ငံခြားရေးဝန်ကြီးများနှင့် မိမိ၏အစီအစဉ်ကို ဆွေးနွေးသွားမည်ဖြစ်ကြောင်း ဆီဟာဆက်က ဆိုသည်။ အာဆီယံအနေဖြင့် စုပေါင်းလုပ်ဆောင်ရန် လိုအပ်ကြောင်းနှင့် ယင်းလုပ်ရပ်သည် ထိုင်းနိုင်ငံက တစ်ဖက် သတ် အတင်းအကျပ် ပြုလုပ်လိုခြင်းမဟုတ်ကြောင်း သူက ဖြည့်စွက်ပြောကြားသည်။

တရုတ်ပြည် ယန်ဇီမြစ်ဒယ်တာမှ ဟွာလုံ-၁ ပထမဆုံး နျူကလီးယားဓာတ်အားပေးစက်ရုံဟာ ၁၆၈ နာရီကြာ စမ်းသပ်ချက်အပြီး ဗုဒ္ဓဟူးနေ့ကစပြီး စတင်ဓာတ်အားပေးဝေပြီ ဖြစ်ပါတယ်။

#Asia_Industry
Published 05 May 2026
#တရုတ်ပြည်ယန်ဇီမြစ်ဒယ်တာ
#YMG #Yangon_Times #Yangon_Media_Group

မန္တလေးမြို့ရှိ KBZ Center Mandalay မှာ ကျောက်ကပ်သွေးသန့်စင်ခြင်း အခမဲ့ပြုလုပ်ပေးနိုင်ရန် လျှောက်လွှာများထုတ်ယူနိုင်တယ်လို့ ယင်းစင်တာကနေသိရပါတယ်။

#Local_News
Published 05 May 2026
#ကျောက်ကပ်သွေးသန့်စင် #KBZ_Center_Mandalay
#YMG/NN #Yangon_Times

ယခုလတွင်ယခင်လကထပ် ကုန်သေတ္တာတင်သင်္ဘောစီး‌ရေပိုမိုပြေးဆွဲရန်ရှိတယ်လို့ မြန်မာ့ဆိပ်ကမ်းအာဏာပိုင်အဖွဲ့အစည်းမှ သိရပါတယ်။

#Local_News
Published 05 May 2026
#ကုန်သေတ္တာတင်သင်္ဘော
#YMG/SW #Yangon_Times

ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် မဟာမင်္ဂလာအထိမ်းအမှတ် အထူးပြပွဲကို ရန်ကုန်မြို့ မရမ်းကုန်းမြို့နယ် သီရိမင်္ဂလာကမ္ဘာအေးကုန်းမြေ မဟာပါသာဏလိုဏ်ဂူတော်ပရိဝုဏ်အတွင်းမှာ မေလ ၁၀ ရက်‌နေ့အထိ ပြသသွားမှာဖြစ်တာကြောင့် စိတ်ပါဝင်စားသူမည်သူမဆို နေ့စဉ်နံနက် ၉ နာရီကနေ ညနေ ၅ နာရီအထိ အခမဲ့ဝင်ရောက်ကြည့်ရှုလေ့လာနိုင်တယ်လို့ သိရပါတယ် ။

#Local_News
Published 05 May 2026
#ဆဋ္ဌသင်္ဂါယနာတင်အောင်ပွဲ
#YMG/NN #Yangon_Times

ရန်ကုန်တိုင်းဒေသကြီး အားကစားနှင့်ကာယပညာဦးစီးဌာနမှ Pilot Project အစီအစဉ်ဖြင့် Football For School Program ကို သင်တန်းသား၊ သင်တန်းသူ (၂၀၀၀) ဦးဖြင့်စတင်ဖွင့်လှစ်သင်ကြားနေပြီဖြစ်တယ်လို့ သိရပါတယ်။

#Local_News
Published 05 May 2026
#Football_For_School_Program
#YMG/SW #Yangon_Times

#Daily_News
Published 05 May 2026

၁။‌ ကျောက်ကပ်သွေးသန့်စင်ခြင်း အခမဲ့ပြုလုပ်ပေးနိုင်ရန် လျှောက်လွှာများထုတ်ယူနိုင်

‌‎၂။ ‌‌‌‌ယခုလတွင်ကုန်သေတ္တာတင်သင်္ဘောစီး‌ရေပိုမိုပြေးဆွဲရန်ရှိ

‎၃။‌‌‎ ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့် မဟာမင်္ဂလာအထိမ်းအမှတ် အထူးပြပွဲပြသနေ

၄။‎ ‌‌‌‌‌‌‌‌‌တရုတ်ပြည်၏ဟွာလုံ(၁)ပထမဆုံးနျူကလီးယားဓာတ်အားပေးစက်ရုံ စတင်ဓာတ်အားထုတ်လုပ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 05 May 2026

■ စက်သုံးဆီတင်သွင်းဖြန့်ဖြူးသည့် စနစ်တစ်ခုလုံးအား Digital စနစ်ဖြင့် ထိန်းချုပ်နိုင် တော့ မည်ဖြစ်ကြောင်း မေလ ၄ ရက်နေ့ ညနေပိုင်း၌ လျှပ်စစ်နှင့်စွမ်းအင်ဝန်ကြီးဌာန၊ ရုံးအမှတ် (၆) တွင်ပြုလုပ်သည့်အများပြည်သူသယ်ယူပို့ဆောင်ရေးလုပ်ငန်းများသို့ စက်သုံးဆီများအဆင်ပြေချောမွေ့စွာဖြန့်ဖြူးပေး နိုင်ရေးနှင့် ပြည်တွင်းစက်သုံးဆီတင်သွင်းသိုလှောင်ဖြန့်ဖြူးရောင်းချမှုအခြေအနေများဆိုင်ရာ လုပ်ငန်းညှိနှိုင်းအစည်းအဝေးမှသိရသည်။

■ လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီး ဦးကိုကိုလွင်က နိုင်ငံအလိုက် စက်သုံးဆီအခက်အခဲများကို ရင်ဆိုင်ဖြေရှင်းနေသကဲ့သို့ မိမိတို့နိုင်ငံတွင်လည်း နိုင်ငံတော်အစိုးရ၏ ဦးဆောင်မှု၊ သက်ဆိုင်ရာအဖွဲ့အစည်းများနှင့် ပြည်သူလူထု၏ ပူးပေါင်းဆောင်ရွက်မှုတို့ကြောင့် စက်သုံးဆီတင်သွင်းဖြန့်ဖြူးရေးလုပ်ငန်းစဉ်များသည် တည်ငြိမ်လာ ခဲ့ပြီး ဈေးနှုန်းများကိုလည်း မျှတစွာစီမံဆောင်ရွက်ပေးနိုင်လျက်ရှိပါကြောင်း၊ ယနေ့အစည်းအဝေးတွင် အများပြည်သူသုံးသယ်ယူပို့ဆောင်ရေးအခန်းကဏ္ဍများအတွက် စက်သုံးဆီများကို စနစ်တကျ စီမံ ခန့် ခွဲ သွားမည့်အစီအမံများကို ဆွေးနွေးပြောကြားမည်ဖြစ်ကြောင်း၊ အများပြည်သူသယ်ယူပို့ဆောင်ရေး ကဏ္ဍအတွက် အရေးပါသည့် YBS ယာဉ်များနှင့် Taxi ယာဉ်များသို့ သဘာဝဓာတ်ငွေ့(CNG)များကို ၁ ကီလိုဂရမ်လျှင် ၂၇၃  ကျပ် ၂၅ ပြားနှုန်းဖြင့် ၂၀၀၇ ခုနှစ်မှစ၍ ဈေးနှုန်းမပြောင်းလဲဘဲ ရောင်းချပေး နေပါ ကြောင်း၊ ယင်းဈေးနှုန်းသည် နိုင်ငံတကာဈေးနှုန်းနှင့် နှိုင်းယှဉ်ပါက လွန်စွာသက်သာမှုရှိသည့် အပြင် အာဆီယံနိုင်ငံများထဲတွင် အချိုသာဆုံးဖြစ်ပါကြောင်း၊ CNG သုံး Taxi ယာဉ်များကို သုံးစွဲခြင်းဖြင့် လောင်စာဆီကုန်ကျမှုမှာ သက်သာမှုရှိသည့်အတွက် CNG သုံး Taxi ယာဉ် များအနေဖြင့် နိုင်ငံတော်မှ စိုက်ထုတ်ပေးထားသည့် အခွင့်အရေးကို ပြည်သူများ ခံစားခွင့်ရရှိစေရန် ပူးပေါင်းဆောင်ရွက်ကြစေ လို ပါကြောင်း၊ YBS ယာဉ်များအနေဖြင့်လည်း အများပြည်သူသယ်ယူပို့ဆောင်ရေးအတွက် ခွင့်ပြု ထားသည့် လမ်းကြောင်းများအတွင်း၌သာ မောင်းနှင်၍ ဝန်ဆောင်မှုပေးနိုင်ရေး တာဝန်ရှိသူများမှ ကြပ်မတ်ဆောင်ရွက်ရန်လိုအပ်ပါကြောင်းဖြင့် ပြောကြားခဲ့သည်။

■ ဆက်လက်ပြီး စက်သုံးဆီသယ်ယူဖြန့်ဖြူးမှု ပိုမိုစနစ်တကျဖြစ်စေရေး မျှောစာထုတ်ပေးရာ တွင် Application ရေးဆွဲပြီး QR Code စနစ် အသုံးပြုနိုင်ပြီဖြစ်သဖြင့် စစ်ဆေးရေးဂိတ်များတွင် Scan ဖတ်၍ စစ်ဆေးနေပြီဖြစ်ပါကြောင်း၊ ဆက်လက်၍ ဆိပ်ကမ်းရှိ သိုလှောင်ကန်စခန်းများတွင် Auto Tank Gauging စနစ်တပ်ဆင်စေပြီး ဆီသယ်ယာဉ်များတွင် GPS တပ်ဆင်စေလျက်ရှိခြင်းတို့ ပြီးစီးပါက စက်သုံးဆီတင်သွင်းဖြန့်ဖြူးသည့် စနစ်တစ်ခုလုံးအား Digital စနစ်ဖြင့် ထိန်းချုပ်နိုင် တော့ မည်ဖြစ်ရာ နိုင်ငံတော်အနေဖြင့်  စက်သုံးဆီ ဝယ်ယူတင်သွင်းရမှုများစွာ လျော့ နည်းသွားမည် ဖြစ် ပါ ကြောင်း၊ ဆက်လက်ပြီး မြစ်တွင်းသွားရေယာဉ်များအတွက် စက်သုံးဆီဖြန့်ဖြူးပေးရန်အတွက်လည်း စံလုပ်ထုံးလုပ်နည်းများရေးဆွဲပြီးဖြစ်၍ မကြာမီထုတ်ပြန်ဆောင်ရွက်သွားမည်ဖြစ်ပါကြောင်း၊ နိုင်ငံတော်ဖွံ့ဖြိုးတိုးတက်ရေးအတွက် ပြည်သူလူထု၏ ပူးပေါင်းပါဝင်ဆောင်ရွက်မှုသည် အဓိကဖြစ်ရာပြည်သူလူထုကို အကျိုးဖြစ်ထွန်းမှသာ ပြည်သူလူထု လေးစားအားကိုးယုံကြည်မှုရရှိမည်ဖြစ်သည့်အတွက် နိုင်ငံတော်အတွက် တစ်ထောင့်တစ်နေရာမှ အကျိုးပြုနေသည့် ဝန်ထမ်းများ၊ Stakeholder များအနေဖြင့် စေတနာထားဆောင်ရွက်ကြရန်ဖြစ်ပါကြောင်း ပြောကြားခဲ့သည်။

■ ထို့နောက် နေပြည်တော်ကောင်စီဝင်နှင့် တိုင်းဒေသကြီး/ပြည်နယ်အစိုးရအဖွဲ့များမှ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီးများက တိုင်းဒေသကြီး/ ပြည်နယ်များအလိုက် စက်သုံးဆီသုံးစွဲမှုစနစ်အား ကြပ်မတ်ထိန်းကျောင်းပေးနေမှု၊ မလိုလားအပ်သောနေရာများသို့ စက်သုံးဆီများ ရောက်ရှိမှုမရှိစေရေး ဝိုင်းဝန်းဆောင်ရွက်ပေးနေမှုအခြေအနေများအားလည်းကောင်း၊ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ(YRTC)၊ ရန်ကုန်စီးတီးတက္ကစီ အသင်း (YCTA) နှင့် YBS ခရီးသည်တင်ယာဉ်လိုင်းကုမ္ပဏီတို့မှ တာဝန်ရှိသူများမှ အများပြည်သူသယ်ယူပို့ဆောင်ရေးကဏ္ဍအဆင်ပြေချောမွေ့စေရေး ဆောင်ရွက်သွားမည့် အခြေအနေများကိုလည်းကောင်း၊ ကမ်းရိုးတန်းသွားသင်္ဘောပိုင်ရှင်များအသင်း၊ ပင်လယ်ကမ်းဝေးငါးဖမ်းလုပ်ငန်းရှင်များအသင်း၊ ပြည်တွင်းရေကြောင်းသွားရေယာဉ်ပိုင်ရှင်များအသင်းမှ တာဝန်ရှိသူများမှ လုပ်ငန်းဆောင်ရွက်မှုအခြေအနေများကိုလည်းကောင်း ဆွေးနွေးတင်ပြကြပြီး ဒုတိယဝန်ကြီး ဦးကျော်နိုင်ဝင်း က စက်သုံးဆီတင်သွင်းသိုလှောင်ဖြန့်ဖြူးရောင်းချမှုအခြေအနေများကို ဖြည့်စွက် ရှင်းလင်းတင်ပြပြီး တင်ပြမှုများအပေါ် ပြည်ထောင်စုဝန်ကြီးက လိုအပ်သည်များပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရ သည်။

#YMG/SW #Yangon_Times

#Local_News
Published 05 May 2026

■ PJ စာအုပ်ကိုင်ဆောင်ထားသော မြန်မာနိုင်ငံသားများ ခွင့်ဖြင့်မြန်မာနိုင်ငံသို့ ပြန်လည်ဝင်ရောက်ရာတွင်သတ်မှတ်ချက်များလိုက်နာရမည်ဖြစ်ကြောင်း အလုပ်သမားညွှန်ကြားရေးဦးစီးဌာနကအသိပေးထုတ်ပြန်ထားသည်။

■ အဆိုပါထုတ်ပြန်ချက်၌ ၂၀၂၆ ခုနှစ်၊ မေလ (၁) ရက်နေ့မှစတင်၍ မြန်မာနိုင်ငံသို့ ခွင့်ဖြင့် ပြန်လည်ဝင်ရောက်မည့် အလုပ်သမားများသည် အလုပ်ရှင်ထံမှခွင့်စာ (Letter of Permission for Leave) နှင့် သက်ဆိုင်ရာ မြန်မာသံရုံး၊ အဖွဲ့ရုံး၊ ကောင်စစ်ဝန်ချုပ်ရုံးတို့မှ မှန်ကန်ကြောင်း စိစစ်ထောက်ခံချက်ရယူပြီး သတ်မှတ်စာရွက်စာတမ်းများနှင့်အတူ သက်ဆိုင်ရာမှ ထုတ်ပေးသော ထောက်ခံချက်ပူးတွဲ၍ ပြည်ပသို့ ပြန်လည်ထွက်ခွာခွင့် တင်ပြလျှောက်ထားရမည်ဖြစ် ကြောင်း ဖော်ပြထားသည်။

■ ထို့အပြင် မေလ (၁) ရက်နေ့မတိုင်မီကာလအတွင်း မြန်မာနိုင်ငံသို့ ပြန်လည်ရောက်ရှိနေကြသည့် အလုပ်သမားများတွင် ခွင့်ကာလ (၁) လအထက်ကျော်သူများ၊ OWIC တွင် ဖော်ပြထားသော နိုင်ငံနှင့် လုပ်ငန်းခွင်ကွဲလွဲသူများသည် ခွင့်ကာလတစ်လကျော်ယူရသည့် အကြောင်းပြချက်နှင့် အထောက်အထားခိုင်လုံစွာဖြင့် တင်ပြရမည်ဖြစ်ကြောင်းသိရသည်။

■ ၎င်းအပြင် မြန်မာနိုင်ငံသားများ အလုပ်သွားရောက်လုပ်ကိုင်နေသော နိုင်ငံအများစုတွင် သတ်မှတ်ထားသော ခွင့်အမျိုးအစားများအနက် မီးဖွားခွင့်၊ မိသားစုစောင့်ရှောက်ခွင့်၊ နာမကျန်းခွင့် စသည်တို့မှအပ နှစ်ပတ်လည် ခွင့်အပါအဝင် သာမန်ခွင့်များကို အများဆုံး (၁) လသာ ခွင့်ပြုထားသည်ဟု သိရှိထားရသဖြင့် အမှန်တကယ် ခွင့်တင်ပြရယူထားသော ခွင့်ပြန် အလုပ်သမားဖြစ်ကြောင်း သေချာစေရန် စိစစ်ရခြင်းဖြစ်ပြီး မြန်မာနိုင်ငံသား အလုပ်သမားများ အမှန်တကယ်အလုပ်လုပ်ကိုင်နေသော OWIC ပါ အလုပ်ရှင်နှင့်လုပ်ငန်းခွင်တို့တွင် အခက်အခဲတစ်စုံတစ်ရာကြုံတွေ့ရပါက သက်ဆိုင်ရာနိုင်ငံ၏ ဥပဒေနှင့်အညီ ကာကွယ်စောင့်ရှောက်မှုပေးနိုင်ရန်ရည်ရွယ်၍ လက်ရှိအလုပ်လုပ်နေသော အလုပ်ရှင်/ လုပ်ငန်းခွင်အမှန်ကိုသိရှိနိုင်ရေး ဆောင်ရွက်ပေးခြင်းဖြစ်‌ကြောင်း သိရသည်။

■ ထို့ကြောင့် ပြည်ပနိုင်ငံများတွင် အလုပ်လုပ်ကိုင်နေသည့် PJ စာအုပ်ကိုင်ဆောင်ထားသော မြန်မာနိုင်ငံသားများ ခွင့်ဖြင့် မြန်မာနိုင်ငံသို့ ပြန်လည်ဝင်ရောက်လာပြီး ၎င်းတို့အလုပ်လုပ်ကိုင်ရာ သက်ဆိုင်ရာနိုင်ငံရှိ လုပ်ငန်းခွင်များသို့ အချိန်မီပြန်လည်ဝင်ရောက်နိုင်ရေးနှင့် အလုပ်အကိုင်အခွင့်အလမ်းများ ဆုံးရှုံးမှုမရှိစေရေးအတွက် အထောက်အထားများကို မှန်ကန်ပြည့်စုံစွာ တင်ပြနိုင်သည့် လျှောက်လွှာများကို ရက်သတ္တပတ်တစ်ပတ် (ရုံးပိတ်ရက်အပါအဝင်) အတွင်း ပြည်ပထွက်ခွာခွင့်နှင့် OWIC အသစ်လဲလှယ်နိုင်ရေးတို့ကို စနစ်တကျနှင့်အမြန်ဆုံးစိစစ်ခွင့်ပြုဆောင်ရွက်ပေးသွားမည်ဖြစ်ကြောင်း အသိပေးကြေညာထားကြောင်းသိရသည်။

#YMG/NN #Yangon_Times

#Local_News
Published 05 May 2026

■ တပ်မတော် (ရေ) ရေကြောင်းလူငယ်သင်တန်းစခန်း ၁၃ ခု၌သင်တန်းသူ၊ သင်တန်းသား ၈၀၀ ဦးနှင့်ကာကွယ်ရေးဦးစီးချုပ်ရုံး (လေ) ၏ ကြီးကြပ်ကွပ်ကဲမှုဖြင့် သင်တန်းစခန်း ၂၀ ခုတွင် စုစုပေါင်း သင်တန်းသား ၁၀၄၄ ဦးတို့ကို လေ့ကျင့်သင်ကြားပေးလျက်ရှိကြောင်းသိရသည်။

■ ထိုသို့လေ့ကျင့်ပေးရာတွင်ကျောင်းသား၊ ကျောင်းသူ မျိုးဆက်သစ်လူငယ်မောင်မယ်များကို နွေရာသီကျောင်းပိတ်ရက်ကာလအတွင်း အသိပညာများဖွံ့ဖြိုးတိုးတက်စေရန်၊ အားလပ်ရက်များ အကျိုးရှိစေရန်၊ မိမိဝါသနာပါသည့်ပညာရပ်များကို လေ့လာဆည်းပူးနိုင်စေရန်နှင့် နိုင်ငံတော်အတွက် ရေကြောင်းပညာ၊ လေကြောင်းပညာကျွမ်းကျင်သော အနာဂတ်မျိုးဆက်သစ်လူငယ်များ ပေါ်ထွန်းလာစေရန်ရည်ရွယ်၍ တပ်မတော် (ရေ) က ရေကြောင်းလူငယ်အခြေခံနှင့် တန်းမြင့်သင်တန်းများ၊ တပ်မတော် (လေ) က အခြေခံလေကြောင်းလူငယ်သင်တန်းနှင့် တန်းမြင့်လေကြောင်း လူငယ်သင်တန်းဖွင့်ပွဲများကို ဧပြီ ၂၇ ရက်တွင် သက်ဆိုင်ရာမြို့နယ်အသီးသီးရှိ သင်တန်းစခန်းများ၌ တစ်ပြိုင်တည်း စတင်ဖွင့်လှစ်ခဲ့ပြီး လေ့ကျင့်သင်ကြားပေးလျက်ရှိခြင်းဖြစ်သည်။

■ အဆိုပါကဲ့သို့လေ့ကျင့်သင်ကြားလျက်ရှိရာ ယမာန်နေ့တွင် အခြေခံစစ်ရေးပြ၊ တပ်မတော် (ရေ) သမိုင်းဘာသာရပ်နှင့် ရေကြောင်းလမ်းညွှန်ဘာသာရပ်၊ နက္ခတ္တဗေဒသင်ခန်းစာ၊ ညွှန်းထောင့်နှင့် Compass သင်ခန်းစာများကို နေပြည်တော်ကောင်စီနယ်မြေရှိ နေပြည်တော်စခန်းတန်းခွဲ (၁) ရေကြောင်းလူငယ်စခန်းမှ သင်တန်းသား၊ သင်တန်းသူ ၄၅ ဦး၊ နေပြည်တော်စခန်းတန်းခွဲ (၂) ရေကြောင်းလူငယ်စခန်းမှ သင်တန်းသား၊ သင်တန်းသူ ၅၀ ဦး၊ ရန်ကုန်တိုင်းဒေသကြီး၊ ရန်ကုန်မြို့ရှိ အင်းယားရေကြောင်းလူငယ်စခန်းမှ သင်တန်းသား၊ သင်တန်းသူ ၁၀၀ ဦး၊ ကိုကိုးကျွန်းမြို့ရှိရေကြောင်းလူငယ်စခန်းမှ သင်တန်းသား၊ သင်တန်းသူ ၃၅ ဦး၊ ကရင်ပြည်နယ်၊ ဘားအံမြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၁၂၀ ဦး၊ ရှမ်းပြည်နယ်၊ ကျိုင်းတုံမြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၆၀ ဦး၊ ဧရာဝတီတိုင်းဒေသကြီး၊ ဟိုင်းကြီးကျွန်းမြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၅၀ ဦး၊ ပုသိမ်မြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၆၅ ဦး၊ မွန်ပြည်နယ်၊ မော်လမြိုင်မြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၆၀ ဦး၊ တနင်္သာရီတိုင်းဒေသကြီး၊ ဟိန်းဇဲဒေသရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၄၀ ဦး၊ မြိတ်မြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၅၀ ဦး၊ ကျွန်းစုမြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၅၀ ဦးနှင့် မန္တလေးတိုင်းဒေသကြီး၊ မန္တလေးမြို့ရှိ ရေကြောင်းလူငယ်စခန်းမှ သင်တန်းသား၊ သင်တန်းသူ ၇၅ ဦးတို့ကို သက်ဆိုင်ရာနယ်မြေအသီးသီးမှ တာဝန်ရှိသူနည်းပြများက လေ့ကျင့်သင်ကြားပေးလျက်ရှိပြီး တပ်မတော် (ရေ) ရေကြောင်းလူငယ်သင်တန်းစခန်း ၁၃ ခု၌ သင်တန်းသား၊ သင်တန်းသူစုစုပေါင်း ၈၀၀ ဦးတို့ကို လေ့ကျင့်သင်ကြားပေးလျက်ရှိသည်။

■ အလားတူ အခြေခံလေကြောင်းလူငယ်သင်တန်းအမှတ်စဉ် (၁၀) နှင့် တန်းမြင့်လေကြောင်း လူငယ်သင်တန်း အမှတ်စဉ် (၉) သင်တန်းများကို ကာကွယ်ရေးဦးစီးချုပ်ရုံး (လေ) ၏ ကြီးကြပ်ကွပ်ကဲမှုဖြင့် သင်တန်းစခန်း ၂၀ ခုတွင် စုစုပေါင်း သင်တန်းသား ၁၀၄၄ ဦးဖြင့် ၂၀၂၆ ခုနှစ်၊ ဧပြီလ ၂၇ ရက်နေ့မှစတင်၍ ဖွင့်လှစ်လျက်ရှိရာ ပြည်မြို့ရှိ ပြည်သင်တန်းစခန်းမှ အခြေခံလေကြောင်းလူငယ် သင်တန်းသား ၅၄ ဦးအားလည်းကောင်း၊ မော်လမြိုင်မြို့ရှိ မော်လမြိုင်သင်တန်းစခန်းမှ အခြေခံလေကြောင်း လူငယ်သင်တန်းသား ၅၀ ဦးအားလည်းကောင်း၊ တောင်ကြီးမြို့ရှိတောင်ကြီးသင်တန်းစခန်းမှ အခြေခံလေကြောင်းလူငယ်သင်တန်းသား ၆၀ ဦးအားလည်းကောင်း၊ မကွေးမြို့ရှိ မကွေးသင်တန်းစခန်းမှ အခြေခံလေကြောင်း လူငယ်သင်တန်းသား ၅၀ ဦးအားလည်းကောင်း၊ ဟုမ္မလင်းမြို့ရှိ ဟုမ္မလင်းသင်တန်းစခန်းမှ အခြေခံလေကြောင်း လူငယ်သင်တန်းသား ၅၀ ဦးအားလည်းကောင်း၊ နေပြည်တော်မြို့ရှိ နေပြည်တော်သင်တန်းစခန်းမှ အခြေခံလေကြောင်းလူငယ် သင်တန်းသား ၆၅ ဦးအားလည်းကောင်း၊ ကျိုင်းတုံမြို့ရှိ ကျိုင်းတုံ သင်တန်းစခန်းမှ အခြေခံလေကြောင်းလူငယ်သင်တန်းသား ၅၀ ဦးအားလည်းကောင်း အခြေခံစစ်ရေးပြဘာသာရပ်၊ လေကြောင်းလူငယ်သမိုင်းဘာသာရပ်၊ လေကြောင်းပညာသမိုင်းဘာသာရပ်၊ လေယာဉ်ပျံသန်းမှုအခြေခံ သဘောတရားဘာသာရပ်၊ လေကြောင်းဆိုင်ရာ အခြေခံဗဟုသုတများဘာသာရပ်၊ Airfield Procedure ဘာသာရပ်၊ လွတ်လပ်ရေးကြိုးပမ်းမှုသမိုင်းနှင့် ဇာတိသွေးဇာတိမာန်ဘာသာရပ်၊ RC လေယာဉ်/ရဟတ်ယာဉ် မောင်းနှင်ခြင်းဘာသာရပ်၊ RC Simulator နှင့် Flight Simulator မောင်းနှင်ခြင်းဘာသာရပ်များကို တာဝန်ရှိသူနည်းပြများက လေ့ကျင့်သင်ကြားပေးလျက်ရှိပြီး ကျန်သင်တန်းစခန်းအသီးသီးတွင်လည်း ဆက်လက်လေ့ကျင့် သင်ကြားပို့ချပေးလျက်ရှိကြောင်း သိရသည်။

#YMG/NN #Yangon_Times