#Local_News
Published 13 November 2024

▪️ ရန်ကုန်-မန္တလေးလမ်းဟောင်း၌ ယမာန်နေ့ ညနေပိုင်းက ဆီဘောက်ဆာယာဉ်(၁)စီး တိမ်းမှောက်ပြီး အမျိုးသား တစ်ဦး‌သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ နိုဝင်ဘာ ၁၂ရက်နေ့၊ ညနေ ၃နာရီခွဲ အချိန်ခန့်က  ပဲခူးတိုင်းဒေသကြီး၊ ကျောက်တံခါးမြို့နယ်၊ သာယာကုန်းကျေးရွာအနီး ရန်ကုန်- မန္တလေးလမ်းဟောင်း၊ မိုင်တိုင်အမှတ်(၉၄/၂)နှင့်(၉၄/၃)ကြားတွင် ဆီဘောက်ဆာယာဉ်(၁)စီး တိမ်းမှောက်ပြီး မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် ကျောက်တံခါးမြို့နယ်မီးသတ်စခန်း၊ ညောင်လေးပင်မြို့နယ်မီးသတ်စခန်း၊ ပိန်းဇလုပ်နယ်မြေမီးသတ်စခန်း၊ ပြွန်တန်ဆာနယ်မြေမီးသတ်စခန်း၊ ဖဒိုနယ်မြေမီးသတ်စခန်းနှင့်ပဲနွယ်ကုန်းနယ်မြေမီးသတ်စခန်းများမှ မီးငြှိမ်းသတ်ယာဉ်(၇)စီး၊ ရေသယ်ယာဉ်(၅)စီး၊ အထောက်အကူပြုယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ကြောင်းသိရသည်။

▪️ ထိုမီးလောင်မှုကြောင့် ယာဉ်ပေါ်ပါ ကျား(၁)ဦး သေဆုံးအား ကျောက်တံခါးသွေးလှူရှင် ပရဟိတအသင်းယာဉ်ဖြင့် ကျောက်တံခါးပြည်သူ့ဆေးရုံသို့ ပို့ဆောင်ပေးခဲ့‌ ကြောင်း သိရသည်။

#YMG/NN #Yangon_Times

#Local_News
Published 13 November 2024

▪️ မိသားစု လွှဲပို့ငွေအထောက်အထား မပေးပို့နိုင်သည့် အေဂျင်စီများကို ဒဏ်ကြေးကောက်ယူမည့်အပြင် အလုပ်ခေါ်စာအသစ်တင်ခွင့် ဆိုင်းငံ့အရေးယူမည်ဖြစ်ကြောင်းအလုပ်သမားဝန်ကြီးဌာနက အသိပေးထုတ်ပြန်ထားသည်။

▪️ ပြည်ပတွင် လုပ်ကိုင်နေသည့်  မြန်မာအလုပ်သမားများအနေဖြင့်  မိမိ၏  လုပ်ခလစာ ၂၅ ရာခိုင်နှုန်းကို တရားဝင် ဘဏ်စနစ်မှတစ်ဆင့် ပြည်တွင်းရှိ မိသားစုဝင်များထံ ပေးပို့ရမည်ဖြစ်ရာ လတ်တလောတွင် ပြည်ပရောက် အလုပ်သမားများ၏  မိသားစုထံ လွှဲပို့ငွေအထောက်အထား မတင်ပြနိုင်သည့် အေဂျင်စီ ၃၀၀ ခန့် ရှိနေကြောင်း သိရသည်။

▪️ အဆိုပါ  ထုတ်ပြန်ချက်အရ အောက်တိုဘာလအတွက် မိသားစုထံလွှဲပို့ငွေအထောက်အထား မတင်ပြသည့်  ပြည်ပ အလုပ်အကိုင်အေဂျင်စီ ၂၉၂ ခုရှိပြီး စေလွှတ်ခဲ့သည့်  လုပ်သားဦးရေ ၅,၆၀၀ နီးပါးရှိကြောင်း၊ ယင်းအေဂျင်စီများအနေဖြင့်  နိုဝင်ဘာလ ၁၁ ရက် နောက်ဆုံးထားပြီး လွှဲပို့ငွေအထောက်အထားပေးပို့ရန်လိုအပ်ပြီး မပေးပို့နိုင်သည့် အေဂျင်စီများကို ဒဏ်ကြေးကောက်ယူမည့် အပြင် အလုပ်ခေါ်စာအသစ်တင်ခွင့် ဆိုင်းငံ့ အရေးယူမည် ဖြစ်ကြောင်းသိရသည်။

#YMG/NN #Yangon_Times

#World_Health
Published 13 November 2024

▪️ အဆင့်ဆင့် ထုတ်လုပ်ထုပ်ပိုးတဲ့ အစားအစာတွေဖြစ်တဲ့ မုန့်ထုပ်များ၊ အချိုရည်များ၊ စက်ရုံထုတ်ပေါင်မုန့်များ၊ အသီးဒိန်ချဉ်၊ အချို့သော နံနက်စာကွေကာများ၊ အသားတုများဟာ ခန္ဓာကိုယ် ဇီဝဖြစ်စဉ်တွေ အိုမင်းရင့်ရော်ခြင်းကို မြန်ဆန်စေတယ်လို့ တွေ့ရှိထားပါတယ်။

▪️ ခန္ဓာကိုယ်ထဲက ဆဲလ်တွေ တစ်ရှူးတွေရဲ့ သက်တမ်းကို ဇီဝဖြစ်စဉ်အိုမင်းခြင်းလို့ သတ်မှတ်ပြီး အစားအစာ၊ လေ့ကျင့်ခန်းစတဲ့ စားသောက်နေထိုင်မှုပုံစံနဲ့ မျိုးဗီဇတို့က လွှမ်းမိုးထားပါတယ်။

▪️ အဆင့်ဆင့်ထုပ်ပိုးသော အစားအစာတွေကနေ နေ့စဉ် ကယ်လိုရီ ၁၄ ရာခိုင်နှုန်းကျော် စားသုံးသူတွေဟာ ယင်းတို့ရဲ့ လက်ရှိသက်တမ်းထက် ဇီဝဖြစ်စဉ်အရ ပိုမိုအိုမင်းလာတယ်လို့ သက်လတ်ပိုင်းနဲ့ သက်ကြီးပိုင်း အီတလီလူမျိုး စမ်းသပ်ခံသူတွေမှာ တွေ့ရပါတယ်။

▪️ ထိုကဲ့သို့ အစားအစာတွေဟာ ကယ်လိုရီ၊ သကြား၊ အဆီ၊ ဆားတို့ အများအပြား ပါဝင်နေပါတယ်။

▪️ ဒါ့အပြင် အာဟာရဓာတ်တွေနဲ့ အမျှင်ဓာတ်လည်း ဆုံးရှုံးစေတယ်လို့ သုတေသနပြုစုသူ မယ်ရီယာလော်ရာဘိုနာစီယိုက ရှင်းပြပါတယ်။

▪️ ဇီဝကမ္မဖြစ်စဉ်၊ အူလမ်းကြောင်း အဏုဇီဝပိုးမွှားများရဲ့ လုပ်ဆောင်ချက်နဲ့ ဖွဲ့စည်းပုံတို့မှာလည်း ထိခိုက်လာပြီး ပလတ်စတစ်တွေလည်း ဝင်နိုင်တာကြောင့် ခန္ဓာကိုယ်ကို အဆိပ်အတောက် ဖြစ်စေပါတယ်။

▪️ သွေးတွင်းမှာ သကြားဓာတ်များပြားပါက ဆဲလ်များ ထိခိုက်စေပြီး ရောင်ရမ်းခြင်းဖြစ်စေကာ အဝလွန်ခြင်း၊ နှလုံးရောဂါ၊ ဆီးချို, အသည်းရောဂါနဲ့ ကင်ဆာအမျိုးမျိုး ဖြစ်စေပါတယ်။

▪️ အမေရိကန်တွေရဲ့ နေ့စဉ်ကယ်လိုရီ စားသုံးမှုတွေထဲမှာ အဆင့်ဆင့်ထုပ်ပိုးထားတဲ့ အစားအစာတွေက ၆၀ ရာခိုင်နှုန်းလောက် ပါဝင်နေတယ်လို့ မကြာသေးမီက တွေ့ရှိထားပါတယ်။

Source: New York Post.

#World_Health
Published 13 November 2024

▪️ လေ့လာချက်အသစ်အရ နေ့စဉ် လေ့ကျင့်ခန်း ၅ မိနစ်ခန့် ပိုလုပ်ခြင်းဖြင့် သွေးဖိအားသိသိသာသာ လျော့ကျစေပြီး နှလုံးသွေးကြောရောဂါ ဖြစ်နိုင်ခြေ လျှော့ချနိုင်ပါတယ်။

▪️ ကိုယ်လက်လှုပ်ရှား အချိန်အနည်းငယ်မျှ ပြုလုပ်ခြင်းဖြင့် ကျန်းမာရေးအကျိုးကျေးဇူး ရနိုင်ပုံကို ProPASS အဖွဲ့အစည်းမှ သုတေသီများ တွေ့ရှိခဲ့ကြပါတယ်။

▪️ စမ်းသပ်ရာမှာ နိုင်ငံ ၅ နိုင်ငံမှ ဆန္ဒရှိသူ ၁၄၇၆၁ ဦးရဲ့ ကျန်းမာရေးအချက်အလက်များကို ဆန်းစစ်ခဲ့ပါတယ်။

▪️ ယင်းတို့ရဲ့ လှုပ်ရှားမှုကို တိုင်းတာဖို့ ကိရိယာကို ပေါင်မှာတပ်ဆင်ထားပြီး တစ်နေ့လုံး လှုပ်ရှားမှုတွေနဲ့ သွေးဖိအားတို့ကို တိုင်းတာခဲ့ပါတယ်။

▪️ နေ့စဉ်လှုပ်ရှားမှုကို ကဏ္ဍ ၆ ခုခွဲခြားထားကာ အိပ်စက်ခြင်း၊ သက်သက်သာသာနေခြင်း၊ မတ်တပ်ရပ်ခြင်း၊ ဖြည်းဖြည်းလမ်းလျှောက်ခြင်း၊ မြန်မြန်လမ်းလျှောက်ခြင်း၊ ပြင်းထန်တဲ့ လှုပ်ရှားမှုတို့ ဖြစ်ပါတယ်။

▪️ သိပ်ပြီးလှုပ်ရှားမှု မရှိတဲ့ အလေ့အထကို ၅ မိနစ်စာမျှ လေ့ကျင့်ခန်း ပိုလုပ်ခြင်းဖြင့် အပေါ်သွေးကို ၀.၆၈ မီလီမီတာမာကျူရီ၊ အောက်သွေးကို ၀.၅၄ မီလီမီတာမာကျူရီ လျှော့ချပေးနိုင်တာ တွေ့ခဲ့ကြပါတယ်။

▪️ နှလုံးခုန်နှုန်းကို မြင့်တက်စေကာ နှလုံးသွေးကြောရောဂါ ဖြစ်နိုင်ခြေကို ၁၀ ရာခိုင်နှုန်း လျှော့ချပေးပါတယ်။

▪️ သွေးပေါင်ချိန်မြင့်တက်ခြင်းက တစ်ကမ္ဘာလုံးမှာ ကျန်းမာရေးပြဿနာကြီးတစ်ခု ဖြစ်နေပေမယ့် လေ့ကျင့်ခန်း ၅ မိနစ်မျှ ပြုလုပ်ခြင်းဖြင့် သွေးပေါင်ချိန် ကျစေနိုင်တယ်လို့ ProPASS မှ ညွှန်ကြားရေးမှူး ပရော်ဖက်ဆာ အီမန်နျူယယ်စတာမာတာကစ်က ပြောသွားပါတယ်။

▪️ ကိုယ်လက်လှုပ်ရှား ပြုလုပ်ခြင်းဟာ သွေးပေါင်ချိန် တိုးတက်စေဖို့ အချိန်အများကြီး မလိုအပ်ဘူးလို့ ဆိုပါတယ်။

▪️ လေ့ကျင့်ခန်း သိပ်ပြီးမလုပ်တဲ့ သူတွေမှာတောင် လမ်းလျှောက်ခြင်းဖြင့် သွေးပေါင်ချိန်အတွက် အကျိုးရှိစေပါတယ်။

▪️ တစ်နေ့ကို လှုပ်ရှားမှု ဖြည်းဖြည်းချင်း တိုးမြှင့်လုပ်ဆောင်သွားပါက ကျန်းမာရေးအကျိုးကျေးဇူး ရရှိလာလိမ့်မယ်လို့ သုတေသနတွေမှာ တွေ့ထားပါတယ်။

Source: The Jerusalem Post.

ရုရှားသမ္မတ ဗလာဒီမာပူတင်ဟာ မြောက်ကိုရီးယားနိုင်ငံနဲ့ ဘက်စုံမဟာဗျူဟာမြောက် ပူးပေါင်းဆောင်ရွက်မှုဆိုင်ရာ သဘောတူစာချုပ်ကို ဥပဒေသတ်မှတ်ဖို့ စနေနေ့က လက်မှတ်ရေးထိုးခဲ့ပါတယ်။

#World_News
Published 12 November 2024
#မြောက်ကိုရီးယားနှင့်ရုရှားသမ္မတပူတင် #ဘက်စုံမဟာဗျူဟာမြောက်လက်မှတ်ရေးထိုး

၁၂ နိုဝင်ဘာ ၂၀၂၄

တရုတ်လေတပ်က တည်ထောင်ခြင်း ၇၅နှစ်ပြည့်ရောက်ရှိချိန်တွင် J-35A ကဲ့သို့သော  တိုက်လေယာဉ် များဖြင့် ယင်းရဲ့လေတပ်ကို မြှင့်တင်အားဖြည့်နေတယ်လို့ တရုတ်မီဒီယာတွေက သတင်း ရေးသား  ပါတယ်။

Source CCTV+

#Daily_News
Published 12 November 2024

၁။မြန်မာ့လက်ရွေးစင်အသင်းသည် စင်ကာပူအသင်း၊လက်ဘနွန်အသင်းနှင့်ခြေစမ်းပွဲကန်မည်

၂။ခုနှစ်လတာအတွင်း ပြည်ပနိုင်ငံများသို့ ကန်ဒေါ်လာ သန်းပေါင်း၆၄၀ ကျော် တန်ဖိုးရှိ ဆန်နှင့်ဆန်ကွဲ တန်ချိန်တစ်သန်းကျော်တင်ပို့ထား

၃။ဆောင်းတွင်းပုံမှန်ထက်အေးမည့်ဒေသ(၃)ခုရှိ၊ဒေသ(၅)ခုမြူကျရက်များမည်

၄။ မြောက်ကိုရီးယားနှင့်ဘက်စုံမဟာဗျူဟာမြောက်ပူးပေါင်းဆောင်ရွက်ရေးသဘောတူစာချုပ်၌ ရုရှားသမ္မတပူတင်လက်မှတ်ရေးထိုး... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

၁၂ နိုဝင်ဘာ ၂၀၂၄

▪️ရန်ကုန်မြို့အခြေစိုက် အိန္ဒိယသံရုံး ယဉ်ကျေးမှုဌာန၊ အိန္ဒိယစင်တာက ကျင်းပတဲ့ “ ရာမယဏပန်းချီပြပွဲ" ကို ရန်ကုန်မြို့ရှိ အမျိုးသားပြတိုက်တွင် နိုဝင်ဘာ ၈ ရက်မှ ၁၅ ရက်နေ့အထိဖွင့်လှစ်ပြသနေပါတယ်။
▪️ဖွင့်ပွဲအခမ်းအနားကို ယနေ့ နိုဝင်ဘာ ၁၂ ရက် ညနေ (၄)နာရီက အဆိုပါ အမျိုးသားပြတိုက်ခန်းမတွင်ကျင်းပခဲ့ရာ အိန္ဒိယံသံအမတ်ကြီး Mr. Abhay Thakur နှင့်ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းတို့က အခမ်းအနားကို ဖွင့်လှစ်ပေးခဲ့ပါတယ်။အဲဒီနောက်ပြပွဲဖြစ်မြောက်ရေးတာဝန်ရှိသူများကလည်းဆက်လက်ပြီးနှုတ်ခွန်းဆက်စကားများပြောကြားခဲ့ကြပါတယ်။
▪️အိန္ဒိယနိုင်ငံ ယဉ်ကျေးမှုဆိုင်ရာဆက်ဆံရေးကောင်စီ (ICCR) ၏ ကမကထပြုမှုဖြင့် အိန္ဒိယစင်တာကပြသတဲ့" ရာမယဏပန်းချီပြပွဲ"တွင် အိန္ဒိယနိုင်ငံ၏ နာမည်ကျော် ပန်းချီဆရာများရဲ့ ပန်းချီလက်ရာများကို ခင်းကျင်း ပြသထားပါတယ်။
▪️အိန္ဒိယနိုင်ငံ၏ အရေးပါသော စာပေကျမ်းဂန်ဖြစ်သည့် ရာမယဏ သည် အိန္ဒိယနှင့် မြန်မာနိုင်ငံရှိ ပြည်သူများ၏ စံနှုန်းတန်ဖိုးများနှင့် အတွေးအခေါ်များကို တူညီစွာ ထင်ဟပ်စေပါတယ်လို့ အိန္ဒိယသံရုံးက သတင်းထုတ် ပြန်ပါတယ်။
▪️အဆိုပါပြပွဲကို ပန်းချီချစ်မြတ်နိုးသူများနှင့် သုတေသီများ ပြည်သူများ မည်သူမဆို နိုဝင်ဘာ ၁၅ ရက်နေ့အထိ အမျိုးသားပြတိုက်တွင် သွားရောက်ကြည့်ရှုလေ့လာနိုင်ကြောင်းသိရှိရပါတယ်။

အခုရက်ပိုင်းအတွင်း ရွှေရည်ညွှန်းဈေး ကျပ်ငါး‌သောင်းအထိကျဆင်းလာပြီး အခေါက်ရွှေတစ်ကျပ်သားကို ကျပ် ၅၄သိန်းကျော်အထိရှိလာတယ်လို့

ရန်ကုန်တိုင်းဒေသကြီး ရွှေလုပ်ငန်းရှင်များအသင်းကသိရပါတယ်။
#Local_News
Published 12 November 2024
#ရွှေရည်ညွှန်းဈေးငါး‌သောင်းကျဆင်း #အခေါက်ရွှေကျပ်၅၄သိန်းကျော်
#YMG/NN #Yangon_Times

ကချင်ပြည်နယ်၊ ရှမ်းပြည်နယ်(မြောက်ပိုင်းနှင့်အရှေ့ပိုင်း)နဲ့ ချင်းပြည်နယ်တို့မှာ နိုဝင်ဘာလရဲ့ပျမ်းမျှအပူချိန်ထက်(၁.၅) ဒီဂရီစင်တီဂရိတ်အောက် လျော့နည်းနိုင်တယ်လို့ဆိုပါတယ်။

#Local_News
Published 12 November 2024
#ဆောင်းတွင်းပုံမှန်ထက်အေး #ဒေသ(၅)ခုမြူကျရက်များ
#YMG/tthl #Yangon_Times

#Local_News
Published 12 November 2024

▪️ Miss Universe Myanmar အလှမယ်သက်စံ၏ Project ဖြစ်သည့်လူငယ်များ၏ ပညာရေးနှင့်ဖွံံ့ဖြိုးရေးအတွက် အကျိုးပြု Project (Voice for Change Project) သည်အခုဆိုရင် Top (10) စာရင်းထဲကို ဝင်ရောက်ခဲ့ပြီဖြစ်ကြောင်း သိရသည်။

▪️ Top (10) Project ထဲမှာမြန်မာသည် Top(6)ထဲတွင် ဝင်ရောက်နေဝာာဖြစ်သည်။

▪️ Top (10) Project စာရင်းမှာ
(1)Eritiea၊
(2)Cambodia
(3)Cayman Islands
(4)Thailand
(5)Bolivia
(6)Myanmar
(7)Celinee Santos, Dominican Republic
(8)Martinique
(9)Chile
(10)Mexicoတို့ပါဝင်ခြင်းဖြစ်သည်။

▪️ MUM ၏ မိတ်ဖက် လုပ်ငန်းရှင်များ၊ အလှမယ်များ၊ ဒီဇိုင်နာများ၊ City Director များ ၊ မိတ်ဆွေများနှင့် သက်စံကိုချစ်ခင်စွာဖြင့် မိမိတတ်နိုင်သည့်ဘက်မှ နေ့စဉ်မပြတ် Vote ပေးခဲ့ကြသည့်မိဘပြည်သူများ အားလုံးကို သက်စံကိုယ်စား MUM Org မှကျေးဇူးတင်စကားဆိုထားကြောင်း သိရသည်။

#YMG/tthl #Yangon_Times

၂၀၂၄_၂၀၂၅ ဘဏ္ဍာနှစ် ခုနှစ်လတာအတွင်း ပြည်ပနိုင်ငံတွေကို အမေရိကန်ဒေါ်လာသန်းပေါင်း၆၄၀ ကျော် တန်ဖိုးရှိ ဆန်နဲ့ဆန်ကွဲ တန်ချိန်တစ်သန်းကျော်တင်ပို့ထားတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။

#Local_News
Published 12 November 2024
#ဆန်နှင့်ဆန်ကွဲတန်ချိန်တစ်သန်း #ကန်ဒေါ်လာသန်းပေါင်း၆၄၀
#YMG/NN #Yangon_Times