အာဖရိကနိုင်ငံ ၅၃ နိုင်ငံအတွက် တရုတ်ရဲ့ အခွန်ကင်းလွတ်ပေါ်လစီကို တောင်အာဖရိကနဲ့ ကင်ညာတိုမှ တာဝန်ရှိသူများနဲ့ စီးပွားရေးခေါင်းဆောင်များကြိုဆိုလိုက်ပါတယ်။

#World_Politics
Published 06 May 2026
#တရုတ် #အာဖရိက
#YMG #Yangon_Times #Yangon_Media_Group

#Local_News
Published 06 May 2026
#လျှပ်စစ်ဓာတ်အား #မိုးရာသီ
#YMG/NN #Yangon_Times

#Local_News
Published 06 May 2026
#ရေငန် #မြန်မာနိုင်ငံငါးလုပ်ငန်း
#YMG/NN #Yangon_Times

#Local_News
Published 06 May 2026
#မန္တလေးတိုင်း
#YMG/NN #Yangon_Times

မြန်မာနိုင်ငံတော်ဗဟိုဘဏ်အနေနဲ့ နိုင်ငံခြားငွေကြေးဈေးကွက်မှာ စက်သုံးဆီလုပ်ငန်းရှင်များအတွက် အမေရိကန်ဒေါ်လာ ၁၃၅.၃၁ သန်းအား ရောင်းချပေးသွားမယ်လို့ သိရပါတယ်။

#Local_News
Published 06 May 2026
#စက်သုံးဆီ
#YMG/SW #Yangon_Times

#Daily_News
Published 06 May 2026

၁။‌ မိုးရာသီအတွင်းလျှပ်စစ်ဓာတ်အား ထုတ်လုပ်၊ ပို့လွှတ်၊ ဖြန့်ဖြူးမှုနှင့်ပတ်သက်၍ ဆွေးနွေးနေ

‌‎၂။ ‌‌‌‌ရေငန်ထွက်ပစ္စည်း(၇၀)ရာခိုင်နှုန်းကို ပြည်ပသို့တင်ပို့နေဟုဆို

‎၃။‌‌‎ မန္တလေးနှင့်တိုင်း၊ပြည်နယ်လေးခုရှိ မိုးတိမ်တောင်ဖြစ်ပေါ်ရာဒေသများ၌ မိုးကြီးလေထန်မှုများဖြစ်ပေါ်နိုင်

၄။‎ ‌‌‌‌‌‌‌‌‌တရုတ်၏အခွန်ကင်းလွတ်ခွင့်ပေါ်လစီအား အာဖရိက(၅၃)နိုင်ငံကြိုဆို... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 06 May 2026

■ တိုင်းဒေသကြီး ခြောက်ခုတွင် Smart School နှင့် Football for school အဖြစ် Pilot Project စတင်ဆောင်ရွက်မည်ဖြစ်ကြောင်း ပညာရေးဝန်ကြီးဌာနမှ သိရသည်။

■ Smart School နှင့် Football for School Program အကောင်အထည်ဖော်ဆောင်ရွက်နိုင်ရေး ညှိနှိုင်းအစည်းအဝေးကို ယမာန်နေ့မွန်းလွဲပိုင်းတွင် နေပြည်တော်ရှိပညာရေးဝန်ကြီးဌာန အစည်းအဝေးခန်းမ၌ ကျင်းပသည်။

■ ဒုတိယဝန်ကြီး ဦးနေမျိုးလှိုင်က နိုင်ငံတော်၏ ရက် (၁၀၀) စီမံချက်တွင်ပါဝင်သည့် Smart School နှင့် Football for School Program အကောင် အထည်ဖော်ဆောင်မည့် အခြေ အနေများကို စံနှုန်းများသတ်မှတ် ၍ ဆောင်ရွက်ရမည်ဖြစ်ကြောင်း၊ ကနဦးအနေဖြင့် တိုင်းဒေသကြီး ခြောက်ခုတွင် Smart School နှင့် Football for school အဖြစ် Pilot Project စတင်ဆောင်ရွက်မည်ဖြစ်ပြီး လာမည့်နှစ်များတွင် တိုးချဲ့ဆောင်ရွက်နိုင်ရေးအစီအမံများ တိကျစွာ ရေးဆွဲအကောင်အထည်ဖော်ဆောင်ရွက်ရမည်ဖြစ်ကြောင်း၊ ရလဒ်များပေါ်တွင် အခြေခံ၍ လုပ်ငန်းများ၏ တိုးတက်မှုကို အမြဲမပြတ်လေ့လာဆန်းစစ်ပြီး ရေရှည်တည်တံ့သော စီမံကိန်းဖြစ်လာစေရန် ဆောင်ရွက်ရမည် ဖြစ်ကြောင်း၊ သို့ဖြစ်၍ Smart School နှင့် Football for School Program အကောင်အထည်ဖော်ဆောင်ရွက်နိုင်ရေး အကြံပြုဆွေးနွေးကြစေလိုကြောင်း ပြောကြားသည်။

■ ထို့နောက် ဆက်စပ်ဝန်ကြီးဌာနများမှ ညွှန်ကြားရေးမှူးချုပ်များနှင့် မြန်မာနိုင်ငံဘောလုံး အဖွဲ့ချုပ်မှ တာဝန်ရှိသူက Smart School နှင့် Football for School Program အကောင်အထည်ဖော်နိုင်ရေး ဆောင်ရွက်နိုင်မည့်အ‌ခြေအနေများနှင့်စပ်လျဉ်း၍ ရှင်းလင်းတင်ပြကြသည်။

■ ယင်းနောက် တက်ရောက် လာသူများက Smart School နှင့် Football for School Program ဆောင်ရွက်မည့် ကျောင်းများနှင့်စပ်လျဉ်း၍ ဆွေးနွေးတင်ပြကြပြီး ဒုတိယဝန်ကြီးက နိဂုံးချုပ်အမှာစကားပြောကြားခဲ့ကြောင်း သိရသည်။

#YMG/NN #Yangon_Times

#World_News
Published 06 May 2026

■ အမေရိကန်သမ္မတ ဒေါ်နယ်ထရမ့် အီရန်စစ်ပွဲအဆုံးသတ်ရေးအတွက် ငြိမ်းချမ်းရေးသဘောတူညီချက် ရရှိနိုင်ဖွယ် မြင်တွေ့ရတာကြောင့် ဗုဒ္ဓဟူးနေ့မှာ ဒုတိယမြောက်နေ့အဖြစ် ရေနံဈေးနှုန်း ကျဆင်းလာပါတယ်။

■ Brent ရေနံစိမ်းတွေ ပြီးခဲ့တဲ့တစ်ခေါက်က ၄ ရာခိုင်နှုန်း ကျဆင်းခဲ့ရာကနေ ဇူလိုင်လအတွက် ၁.၃၈ ရာခိုင်နှုန်း၊ တစ်စည်ကို ၁.၅၂ ဒေါ်လာ ကျဆင်းလာနိုင်ပါတယ်။

■ အမေရိကန် West Texas Intermediate ရေနံစိမ်းကတော့ ယခင်နေ့က ၃.၉ ရာခိုင်နှုန်း ကျဆင်းရာကနေ ဇွန်လအတွက် ၁.၄၇ ရာခိုင်နှုန်း ကျဆင်းလာနိုင်ပါတယ်။

■ အင်္ဂါနေ့မှာ ထရမ့်က ဟော်မုဇ်ရေလက်ကြားမှာ သင်္ဘောတွေ ပို့ဆောင်ကူညီရေးလုပ်ငန်း ယာယီရပ်ဆိုင်းမယ်လို့ ဆိုပြီး အီရန်နဲ့ သဘောတူညီချက်တစ်ရပ်ဆီသို့ ဦးတည်နေပါတယ်။

■ ဗုဒ္ဓဟူးနေ့နံနက်အစောပိုင်းအထိ အီရန်ဘက်ကတော့ ဘာအသံမှ မကြားရသေးပါဘူး။

■ အမေရိကန်ရေတပ်က အီရန်ဆိပ်ကမ်းတွေကို ဆက်လက်ပိတ်ဆို့ထားဖွယ် ရှိပါတယ်။

■ ကမ္ဘာ့ရေနံနဲ့ ဓာတ်ငွေ့ ၅ ပုံ ၁ ပုံခန့်ဖြတ်သန်းရာ ဟော်မုဇ်ရေလက်ကြားဟာ အမေရိကန်-အစ္စရေးလ်နဲ့ အီရန်စစ်ပွဲဖြစ်ကတည်းက ဖြတ်တောက်ခံထားရပါတယ်။

■ ဒါကြောင့် ကမ္ဘာ့ရေနံဈေးကွက် မြင့်တက်လာခဲ့ကာ Brent ရေနံဆိုရင် ၂၀၂၂ မတ်လနောက်ပိုင်း အမြင့်ဆုံးဖြစ်ခဲ့ပါတယ်။

■ ရေလက်ကြားမှာ ပိတ်မိနေတဲ့ ရေနံတင်သင်္ဘောတွေကို ပို့ဆောင်ဖို့ ကြိုးပမ်းမှုတွေအကြောင်း အမေရိကန် နိုင်ငံခြားရေးဝန်ကြီး မာကိုရူဘီယို သတင်းထောက်တွေကို ပြောကြားပြီးနောက် နာရီပိုင်းအကြာမှာပဲ ထရမ့်ကြေညာလိုက်တာ ဖြစ်ပါတယ်။

■ အမေရိကန်မှာ ရေနံစိမ်းပမာဏ တတိယမြောက်သီတင်းပတ်အထိ ကျဆင်းနေပြီး လောင်စာဆီသိုလှောင်မှုတွေလည်း ကျဆင်းနေပါတယ်။

Source: Reuters

#World_Health
Published 06 May 2026

■ တစ်ခါမှ လက်မထပ်ဖူးတဲ့လူတွေဟာ ကင်ဆာဖြစ်နိုင်ခြေ သိသိသာသာ ပိုများတယ်လို့ မိုင်ယာမီတက္ကသိုလ် သုတေသနမှာ ဖော်ပြထားပါတယ်။

■ အမေရိကန်ပြည်နယ် ၁၂ ခုမှ လူပေါင်း ၄ သန်းကျော်ကို လေ့လာခဲ့တာဖြစ်ပြီး အဓိကကင်ဆာရောဂါ အားလုံးနီးပါး ဖြစ်နိုင်ခြေ များနေပါတယ်။

■ အိမ်ထောင်မပြုဖူးတဲ့ အမျိုးသားတွေက အိမ်ထောင်ပြုဖူးတဲ့ အမျိုးသားတွေထက် ကင်ဆာဖြစ်နိုင်ခြေ ၇၀ ရာခိုင်နှုန်းလောက် ပိုများပြီး အမျိုးသမီးတွေမှာ ၈၅ ရာခိုင်နှုန်း ပိုများလို့နေပါတယ်။

■ သုတေသနရလဒ်များအရ အိမ်ထောင်ရှိမရှိလိုမျိုး လူမှုရေးအကြောင်းအရင်းတွေက ကင်ဆာဖြစ်နိုင်ခြေ အနေအထားတွေ ဖြစ်နေနိုင်တယ်လို့ မိုင်ယာမီမေလာဆေးတက္ကသိုလ်မှ သုတေသနပရော်ဖက်ဆာ ပေါ်လိုပင်ဟေရိုက ပြောပါတယ်။

■ လက်မထပ်ဖူးတဲ့ အမျိုးသားတွေက အိမ်ထောင်သည်အမျိုးသားတွေထက် စအိုကင်ဆာဖြစ်နိုင်ခြေ ၅ ဆခန့် ပိုများပါတယ်။

■ အိမ်ထောင်မပြုဖူးတဲ့ အမျိုးသမီးတွေက အိမ်ထောင်သည်အမျိုးသမီးတွေနဲ့ယှဉ်ရင် သားအိမ်ခေါင်းကင်ဆာ ဖြစ်နိုင်ခြေ ၃ ဆနီးပါး ပိုများပါတယ်။

■ အမျိုးသမီးတွေ အိမ်ထောင်ရှိတဲ့အပြင် ကလေးတွေပါ ရှိတယ်ဆိုရင် သားဥအိမ်နဲ့ သားအိမ်ခေါင်းကင်ဆာ ဖြစ်နိုင်ခြေ ပိုနည်းသွားပါတယ်။

■ ဒါဟာ အိမ်ထောင်မပြုသူတွေအနေနဲ့ ကင်ဆာဖြစ်နိုင်ခြေ အကြောင်းအရင်းတွေကို ပိုမိုသတိထားသင့်ပြီး ဆေးစစ်မှုတွေ၊ ကျန်းမာရေးစောင့်ရှောက်မှုတွေ အစဉ်မပြတ် ပြုလုပ်သင့်ပါတယ်။

■ ဆေးလိပ်၊ အရက်အသောက်နည်းပြီး ကိုယ့်ကိုယ်ကို စောင့်ရှောက်တတ်သူတွေဟာ အိမ်ထောင်ကျနိုင်ခြေ ပိုများတာကလည်း ယခုတွေ့ရှိချက်တွေကို သက်ရောက်နေနိုင်ပါတယ်။

Source: AOL.

#World_Health
Published 06 May 2026

■ ဗိုက်တာမင်-ဒီက ရေရှည်ဦးနှောက်ကျန်းမာရေးအတွက် မရှိမဖြစ် အရေးပါပါတယ်။

■ အသက် ၃၀ - ၄၀ ဝန်းကျင် သက်လတ်ပိုင်းရောက်တဲ့အချိန် ဗိုက်တာမင်-ဒီ ပမာဏက အသက် ၆၀ - ၇၀ ဝန်းကျင်မှာ ဦးနှောက်အသိဉာဏ် စွမ်းဆောင်ရည်ကို ညွှန်ပြနိုင်ပါတယ်။

■ ဗိုက်တာမင်-ဒီ ချို့တဲ့သူတွေမှာ ဖြည့်စွက်အားဆေး အသုံးပြုခြင်းက အထိရောက်ဆုံးဖြစ်သလို အနာဂတ်မှာ ဦးနှောက်ဖွဲ့စည်းပုံနဲ့ အာဟာရဓာတ် ပုံမှန်စုပ်ယူခြင်းတို့အတွက်လည်း ဗိုက်တာမင်-ဒီ လုံလောက်စွာရှိဖို့ အရေးကြီးပါတယ်။

■ ၁၆ နှစ်တာ လေ့လာချက်တစ်ခုမှာ သက်လတ်ပိုင်းရောက်တဲ့အချိန် ဗိုက်တာမင်-ဒီ ပမာဏ မြင့်မားခြင်းက ဘဝနောက်ပိုင်းမှာ tau ပရိုတိန်းစုပြုံမှုကို သိသိသာသာ လျော့ကျစေတယ်လို့ တွေ့ရှိထားပါတယ်။

■ tau ပရိုတိန်းဆိုတာက ဦးနှောက်ထဲမှာ ရှုပ်ထွေးမှုတွေ ဖြစ်စေပြီး အယ်ဇိုင်းမားနဲ့ ဒီမန်ရှာရောဂါမျိုးတွေ ဖြစ်စေနိုင်ပါတယ်။

■ ဒီဖြစ်စဉ်တွေကို ကာကွယ်ပေးခြင်းဖြင့် ဗိုက်တာမင်-ဒီဟာ ဦးနှောက်အသိဉာဏ် ကျဆင်းခြင်းကနေ ရေရှည်ကာကွယ်ပေးနိုင်တာ ဖြစ်ပါတယ်။

■ အိန္ဒိယ ဟိုက်ဒရာဘက်မှ အမျိုးသားအာဟာရအဖွဲ့အစည်းရဲ့ လေ့လာချက်ထဲမှာ ဗိုက်တာမင်-ဒီ နည်းပါးခြင်းက သက်လတ်ပိုင်း အိန္ဒိယတွေမှာ ဦးနှောက်အသိဉာဏ်လုပ်ဆောင်ချက် ကျဆင်းခြင်းနဲ့ ဆက်စပ်နေတယ်လို့ အတည်ပြုထားပါတယ်။

■ ဗိုက်တာမင်-ဒီပမာဏ အမြင့်ဆုံးဖြစ်နေစေမယ့် အကောင်းဆုံးအချိန်က အသက် ၃၀ မှ ၄၀ ဝန်းကျင်ဖြစ်ပြီး ရေရှည်ဦးနှောက်ကျန်းမာရေးကို သက်ရောက်စေပါတယ်။

■ ဗိုက်တာမင်-ဒီ ပမာဏ လုံလောက်ဖို့အတွက် ပုံမှန်စစ်ဆေးခြင်း၊ နေ့ဘက် ၁၅-၂၀ မိနစ်ခန့် နေရောင်ခြည်နဲ့ ထိတွေ့ပေးခြင်း၊ လိုအပ်လျှင် ဖြည့်စွက်ဆေး အသုံးပြုခြင်းတို့ ပြုလုပ်နိုင်ပါတယ်။

Source: NDTV.

မေ၅၊၂၀၂၆

မြန်မာနိုင်ငံခြားရေးဝန်ကြီးကို အာဆီယံနိုင်ငံခြားရေးဝန်ကြီးများနှင့် တွေ့ဆုံပေးမည့် အစီအစဉ်တစ်ခု ကြိုးစားနေကြောင်း ထိုင်းနိုင်ငံခြားရေးဝန်ကြီး ဆီဟာဆက်ဖွမ်ကစ်ကေအိုက ထုတ်ဖော်ပြောကြားသည်။

မေ ၅ရက်က ထုတ်ပြန်သည့် ရိုက်တာသတင်းဌာန၏ သတင်းတွင် ထိုင်းနိုင်ငံခြားရေးဝန်ကြီး၏ အင်တာ ဗျူးကို ကိုးကားပြီး ယင်းကဲ့သို့ဖော်ပြထားခြင်းဖြစ်သည်။

မြန်မာအစိုးရသစ်နှင့် ပိုမိုထိတွေ့ဆက်ဆံနိုင်ရေးအတွက်  အာဆီယံအဖွဲ့အတွင်း တူညီသဘောဆန္ဒ ရယူရန် ရည်ရွယ်လျက် မြန်မာနိုင်ငံခြားရေးဝန်ကြီးကို ဒေသတွင်း ထိပ်တန်းသံတမန်များနှင့် တွေ့ဆုံရန် ဖိတ်ကြားဖို့အစီအစဉ်ရှိကြောင်း ထိုင်းနိုင်ငံခြားရေးဝန်ကြီးက ရိုက်တာကို ပြောကြားခဲ့သည်။

လွန်ခဲ့သည့် နှစ်ပတ်ခန့်က နိုင်ငံတော်သမ္မတဦးမင်းအောင်လှိုင်နှင့် တွေ့ဆုံခဲ့သော ထိုင်းနိုင်ငံခြားရေး  ဝန်ကြီး ဆီဟာဆက် က မြန်မာခေါင်းဆောင်ပိုင်းနှင့် နိုင်ငံခြားရေးဝန်ကြီးအဆင့် အပါအဝင် ပြန်လည်  ထိတွေ့ဆက်ဆံနိုင်ရန် တွန်းအားပေး လုပ်ဆောင်နေကြောင်း ရိုက်တာနှင့် အင်တာဗျူးတွင် ပြောကြား   ခဲ့သည်။

အာဆီယံ နိုင်ငံခြားရေးဝန်ကြီးများ အစည်းအဝေး၏ ဘေးတိုက်ဆွေးနွေးပွဲတစ်ခုအဖြစ် ကျင်းပမည့် အဆို  ပါတွေ့ဆုံမှုတွင် မြန်မာနိုင်ငံ၏ လက်ရှိအခြေအနေများနှင့် အနာဂတ်အစီအစဉ်များကို မြန်မာနိုင်ငံခြား ရေးဝန်ကြီးက ရှင်းလင်းပြောကြားမည်ဖြစ်ပြီး ယင်းမှတစ်ဆင့် အဆင့်ဆင့် ဆက်လက်ဆောင်ရွက်သွား  မည်ဟုလည်း ထိုင်းနိုင်ငံခြားရေးဝန်ကြီးက ပြောသည်။

ယခုအပတ် ဖိလစ်ပိုင်နိုင်ငံတွင် ကျင်းပမည့် ထိပ်သီးအစည်းအဝေး၌ အခြားသော အာဆီယံ   နိုင်ငံခြားရေးဝန်ကြီးများနှင့် မိမိ၏အစီအစဉ်ကို ဆွေးနွေးသွားမည်ဖြစ်ကြောင်း ဆီဟာဆက်က ဆိုသည်။ အာဆီယံအနေဖြင့် စုပေါင်းလုပ်ဆောင်ရန် လိုအပ်ကြောင်းနှင့် ယင်းလုပ်ရပ်သည် ထိုင်းနိုင်ငံက တစ်ဖက် သတ် အတင်းအကျပ် ပြုလုပ်လိုခြင်းမဟုတ်ကြောင်း သူက ဖြည့်စွက်ပြောကြားသည်။

တရုတ်ပြည် ယန်ဇီမြစ်ဒယ်တာမှ ဟွာလုံ-၁ ပထမဆုံး နျူကလီးယားဓာတ်အားပေးစက်ရုံဟာ ၁၆၈ နာရီကြာ စမ်းသပ်ချက်အပြီး ဗုဒ္ဓဟူးနေ့ကစပြီး စတင်ဓာတ်အားပေးဝေပြီ ဖြစ်ပါတယ်။

#Asia_Industry
Published 05 May 2026
#တရုတ်ပြည်ယန်ဇီမြစ်ဒယ်တာ
#YMG #Yangon_Times #Yangon_Media_Group