#Local_News
Published 14 January 2025

■ မြန်မာအမျိုးသားလေကြောင်း(MNA)သည် ART 72- 600 လေယာဉ်နှစ်စင်းကို အငှားစနစ်(Charter)ဖြင့် ပြည်တွင်းခရီးစဉ်များကိုငှားရမ်းလုပ်ကိုင်ခွင့်ပေးသွားမည်ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာအမျိုးသားလေကြောင်း MNA တင်ဒါကော်မတီမှ သိရသည်။

■ အဆိုပါ လေယာဉ်နှစ်စင်းကို အငှားစနစ်ဖြင့် ပြည်တွင်းခရီးစဉ်များငှားရမ်းကာ လုပ်ငန်းဆောင်ရွက်ချင်သည့် ပြည်တွင်းမှ လေကြောင်းခရီးသွားလုပ်ငန်းအတွေ့အကြုံရှိသည့် လုပ်ငန်းရှင်များကို လုပ်ကိုင်ခွင့်ပြုရန် မြန်မာအမျိုးသားလေကြောင်း တင်ဒါကော်မတီမှ အိတ်ဖွင့်တင်ဒါခေါ်ယူထားခြင်းဖြစ်သည်။

■ ထို့အပြင် တင်ဒါပုံစံများကို ဇန်နဝါရီလ ၁၄ ရက် မနက် ၁၀ နာရီမှ ညနေ ၄ နာရီအထိ ရောင်းချမည် ဖြစ်ပြီး ဖေဖော်ဝါရီလ ၆ ရက် မနက် ၁၀ နာရီမှ ညနေ ၄ နာရီအတွင်း တင်ဒါများကို နောက်ဆုံးထားတင်ရမည်ဖြစ်ကာ တင်ဒါဖွင့်လှစ်မည့်ရက်များမှာ မတ်လ ၆ ရက် မနက် ၁၀ နာရီမှ ညနေ ၄ နာရီအထိ ဖြစ်ကြောင်းသိရသည်။

#YMG/NN #Yangon_Times

#Local_News
Published_14 Jan 2026

■ မြို့တော်ခန်းမရှေ့ ဝင်ပေါက်အနီး၌ "Reject the illegal election” ဟု ရေးသားထားသည့် အဖြူရောင် ကတ္တူစက္ကူ ကိုင်ဆောင်ဆန္ဒပြနေသူအပါအဝင်ရွေးကောက်ပွဲများကို နှောင့်ယှက် သူများအား အရေးယူထားကြောင်း သိရသည်။

■ ရွေးကောက်ပွဲ အပိုင်း(၂)ပြုလုပ်သည့် ဇန်နဝါရီလ ၁၁ ရက်နံနက် ၉ နာရီ ၁၀ မိနစ်အချိန်တွင် ရန်ကုန်တိုင်း ဒေသကြီး၊ ကျောက်တံတားမြို့ နယ်၊ အမှတ်(၁)ရပ်ကွက်ရှိ မြို့တော်ခန်းမရှေ့၌ အမျိုးသားတစ်ဦး ဆန္ဒပြနေကြောင်း သတင်းအရ လုံခြုံရေး တပ်ဖွဲ့ဝင်များက သွားရောက်စစ်ဆေး ခဲ့ရာ တာမွေမြို့နယ်၊ နတ်မောက်ရပ်ကွက်နေ မင်းထက်(ခ) ကိုမင်း (၂၂)နှစ်သည် မြို့တော်ခန်းမရှေ့ ဝင်ပေါက်အနီး၌ "Reject the illegal election” ဟု ရေးသားထားသည့် အဖြူရောင်ကတ္တူစက္ကူကိုကိုင်ဆောင်ကာ ဆန္ဒပြနေသည်ကိုတွေ့ရှိရသဖြင့် ၎င်းအား ကျောက်တံတား မြို့မရဲစခန်း (ပ)၅/၂၀၂၆၊ ပါတီစုံဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်း မှ ကာကွယ်ပေးရေးဥပဒေပုဒ်မ ၂၃(က)ဖြင့်အရေးယူထားခြင်းဖြစ်ကြောင်း သိရသည်။

■ အလားတူ ယင်း နေ့ နံနက် ၇ နာရီ ၄၅ မိနစ်အချိန်တွင် မွန်ပြည်နယ်၊ ပေါင်မြို့နယ်၊ ကျုံကကျေးရွာနေ ကိုမျိုး (၄၇)နှစ်သည် အရက်သေစာသောက်စားမူးယစ်၍ ရွေးကောက်ပွဲမဲရုံအဖြစ်ဖွင့်လှစ်ထားရှိသည့် အခြေခံပညာ မူလ တန်းကျောင်းရှေ့သို့ ရောက်ရှိလာပြီး မဲပေးရန်လာရောက်ကြသူများအား ဆန္ဒမဲမပေးနိုင်စေရန် ပြောဆိုဟန့်တားနှောင့်ယှက်ခြင်းများ ပြုလုပ်ခဲ့သဖြင့် ၎င်းအား မုတ္တမနယ်မြေရဲစခန်း (ပ)၄/၂၀၂၆၊ ပါတီစုံ ဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေး ဥပဒေပုဒ်မ ၂၄(က) ဖြင့် အမှုဖွင့်ဖမ်းဆီးခဲ့ကြောင်း သိရသည်။

■ ပြီးခဲ့သည့် ၂၀၂၅ ခုနှစ် နိုဝင်ဘာလ ၂၇ ရက်ကလည်း ဧရာဝတီတိုင်းဒေသကြီး၊ ကန်ကြီးထောင့်မြို့နယ်၊ မြဝတီရပ်ကွက်နေ ဦးခင်မောင်မောင်သွင် (၄၂)နှစ်သည် ၎င်းအသုံးပြုသည့် "Khin Mg Mg Thwin" Facebook အကောင့်ဖြင့် လူမှုကွန်ရက် စာမျက်နှာ၌ ပါတီစုံဒီမိုကရေစီ အထွေထွေရွေးကောက်ပွဲကိုအများပြည်သူအ ထင်အမြင်လွဲမှားစေသည့် စာသားများအား ပြန်လည် မျှဝေထားသည်ကို စိစစ်တွေ့ရှိရသဖြင့် ယင်းကို ၂၀၂၆ ခုနှစ် ဇန်နဝါရီလ ၉ ရက်က ကန်ကြီးထောင့်မြို့မရဲစခန်း(ပ)၇/၂၀၂၆၊ ပါတီစုံဒီမိုကရေစီ အထွေထွေရွေးကောက်ပွဲ များကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေပုဒ်မ ၂၃(က)/၂၈ ဖြင့်အရေးယူခဲ့ကြောင်း သိရသည်။

■ ၂၀၂၅ ခုနှစ် ဒီဇင်ဘာလ ၄ ရက်ကလည်း ဟင်္သာတမြို့နယ်၊ ကနောင်စုရပ်ကွက်နေ ဒေါ်မြသီတာ (၄၁)နှစ်သည် ၎င်းအသုံးပြုသည့် "Mya Thida” Facebook အကောင့်ဖြင့် လူမှုကွန်ရက်စာမျက်နှာ၌ ပါတီစုံဒီမိုကရေစီ အထွေထွေရွေးကောက်ပွဲအား အများပြည်သူအထင်အမြင်လွဲမှားစေသည့် စာသား များပြန်လည်မျှဝေထားသည်ကို စိစစ်တွေ့ရှိရသဖြင့် ယင်းကို၂၀၂၆ ခုနှစ်၊ ဇန်နဝါရီလ ၉ ရက်တွင် ဟင်္သာတမြို့မရဲစခန်း (ပ)၁၀/ ၂၀၂၆၊ ပါတီစုံဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေပုဒ်မ ၂၃(က)/၂၈ ဖြင့် အမှုဖွင့်အရေးယူကြောင်းသိရသည်။

■ လက်ရှိတွင် ကျူးလွန်သူများအား ပါတီစုံဒီမို ကရေစီအထွေထွေရွေးကောက်ပွဲများကို နှောင့်ယှက်ဟန့် တားဖျက်ဆီးခြင်းမှ ကာကွယ်ပေးရေး ဥပဒေနှင့်အညီ ထိရောက်စွာ အရေးယူနိုင်ရေး ဆောင်ရွက်လျက်ရှိကြောင်းသိရသည်။

Yangon_Times/PP

#World_Health
Published 14 January 2026

■ အိန္ဒိယနိုင်ငံ ဥတ္တာပရာဒက်ရှ်မှာ အသက် ၁၆ နှစ်အရွယ် အဟာနာလို့ခေါ်တဲ့ မိန်းကလေးငယ်ဟာ အူလမ်းကြောင်းပြဿနာ ပြင်းထန်စွာဖြစ်ပြီး အသက်ဆုံးပါးသွားခဲ့ပါတယ်။

■ ဒါနဲ့ပတ်သက်ပြီး လမ်းဘေးစာတွေနဲ့ အူလမ်းကြောင်းကျန်းမာရေးတို့အကြောင်း ပြောစရာတွေဖြစ်လာပါတယ်။

■ မိန်းကလေးဟာ ပီဇာ၊ ဘာဂါတို့လို အသင့်စာ အဆင့်ဆင့်ထုတ်လုပ်စားစရာတွေကို ခဏခဏစားလေ့ရှိပြီး လနဲ့ချီအောင် ဝမ်းဗိုက်အောင့်ခဲ့ပြီးနောက် ဒေလီမှ All India ဆေးသိပ္ပံဆေးရုံသို့ ပို့ဆောင်ခဲ့ရပါတယ်။

■ ဆေးမှတ်တမ်းများအရ အူအပေါက်ငယ်ဖြစ်ခြင်း၊ ရောဂါကူးစက်ခြင်းတို့ ဖြစ်ပွားခဲ့ကာ ဆိုရှယ်မီဒီယာတွေမှာ ပီဇာတွေစားပြီး အသက်ဆုံးပါးခဲ့ရတယ်လို့ ဖော်ပြနေကြပေမယ့် ဆရာဝန်တွေက တကယ်တမ်းမှာ အကျယ်ချဲ့နေတာ ဖြစ်တယ်လို့ သတိပေးလိုက်ပါတယ်။

■ ပီဇာတွေ၊ ခေါက်ဆွဲထုပ်တွေစားလို့ အူတွေ အပေါက်ဖြစ်ပေါ်တယ်ဆိုတဲ့ အထောက်အထားမရှိပေမယ့် အမျှင်ဓာတ်နည်းပြီး အဆင့်ဆင့်ထုပ်ပိုးပစ္စည်းများ ပါဝင်မှုများတဲ့ စားစရာတွေကသာ အူလမ်းကြောင်းညီမျှမှုကို နှောင့်ယှက်ပြီး အူရောင်ခြင်း၊ ဝမ်းလည်ပတ်မှုမမှန်ခြင်း၊ အာဟာရချို့တဲ့ခြင်းတို့ ဖြစ်လာစေတယ်လို့ နယူးဒေလီမှ ဒေါက်တာ မီရာဂူ့ပ်တာက ပြောပါတယ်။

■ အဆင့်ဆင့်ထုတ်လုပ် စားစရာတွေနဲ့ အသင့်စားမုန့်တွေက အူလမ်းကြောင်းပိုးမွှားစနစ်ကို ပြောင်းလဲစေသလို အစာအိမ်အူလမ်းကြောင်း ပုံမှန်မဖြစ်ခြင်းတို့ ဖြစ်နိုင်ခြေများစေပါတယ်။

■ အစားအစာကြောင့် ကူးစက်တဲ့ရောဂါတွေကနေ အူနံရံအပေါက်ဖြစ်နိုင်ကာ အာဟာရဓာတ် မမျှပါက ပိုမိုဆိုးရွားနိုင်ပေမယ့် ပီဇာလိုမုန့်ကြောင့်ပဲ အသက်ဆုံးပါးတယ်ဆိုတာကတော့ အထောက်အထား မရှိဘူးလို့ ရှင်းပြပါတယ်။

■ ဒါကြောင့် အသီးအရွက်နဲ့ ဆန်ပြောင်းဂျုံတို့လို အမျှင်ဓာတ်များတဲ့ စားစရာတွေ ပိုစားသင့်ပြီး ရေဓာတ်ပြည့်ဝအောင်နေဖို့ အကြံပြုထားပါတယ်။

Source: India Today

စက်ရုပ်ယာဉ်ထိန်းရဲအသစ်ဟာ တရုတ်ပြည်အန်ဟွေ့ပြည်နယ် ဝူဟူးမြို့ကလမ်းတွေမှာ စနေနေ့ကစပြီး တာဝန်ထမ်းဆောင်နေပြီဖြစ်ပါတယ်။

#Asia_Technology
Published 13 January 2026
#တရုတ်ပြည်ဝူဟူမြို့ #စက်ရုပ်ယာဉ်ထိန်းရဲ
#YMG #Yangon_Times #Yangon_Media_Group

မြန်မာ့ရွှေပြင်ပပေါက်‌စျေးဆက်တိုက်မြင့်တက်နေပြီး တစ်ကျပ်သားကို ကျပ်(၉၇)သိန်းခန့်သို့ စံချိန်တင်‌ရောက်ရှိလာတယ်လို့ ရွှေဈေးကွက်အသိုင်းအဝိုင်းမှ သိရပါတယ်။

#Local_News
Published 13 January 2026
#ရွှေ
#YMG/SW #Yangon_Times

အခုလအတွင်း ရွေးကောက်ပွဲ အပိုင်း(၃)ကို ကျင်းပပြီးနောက် လာမယ့် မတ်လမှာ လွှတ်တော်ခေါ်ယူသွားမယ်လို့ သိရပါတယ်။

#Local_News
Published 13 January 2026
#ရွေးကောက်ပွဲ #လွှတ်တော်
#YMG/NN #Yangon_Times

ပြည်ပသို့ဆန်နဲ့ ဆန်ကွဲ နှစ်သန်းကျော်ကို အခုဘဏ္ဍာနှစ် ကိုးလတာ အတွင်းတင်ပို့ထားပြီးပို့ကုန်ဝင်ငွေ အမေရိကန်ဒေါ်လာ သန်းပေါင်း (၆၇၀)ကျော်ရရှိထားတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။

#Local_News
Published 13 January 2026
#ဆန်_ဆန်ကွဲ
#YMG/NN #Yangon_Times

#Local_News
Published 13 January 2026

▪️ အပြည်ပြည်ဆိုင်ရာတရားရုံး(ICJ)မှ မြန်မာ့အရေးနှင့်ပတ်သက်၍ ဆောင်ရွက်ရာတွင်နိုင်ငံတကာဥပဒေနှင့် မြေပြင်တွင်အမှန်တကယ်ဖြစ်ပျက်နေသည့်အခြေအနေများအပေါ်အပြန်အလှန်လေးစားလိုက်နာမှုရှိသော အ‌ေဖြတစ်ခုထွက်ပေါ်လာရေးအတွက် အဖြစ်မှန်များကို မျှတစွာ သုံးသပ်ဆုံးဖြတ်ရန်မှာအရေးကြီးကြောင်းမြန်မာ့ပုံရိပ်ဖော်ညွှန်းရေးအဖွဲ့ က ယနေ့ထုတ်ပြန်လိုက်သည်။

▪️ မြန်မာနိုင်ငံသည် ရွေးကောက်ပွဲအပြီးတွင် နိုင်ငံတော်သစ်တည်ဆောက်ရေး လုပ်ငန်းစဉ်များကိုစတင်ဖော်ဆောင်တော့မည့်အချိန်ဖြစ်ရာ ထိုသို့ နိုင်ငံသစ်ကို အောင်မြင်စွာတည်ဆောက်နိုင်ရန်အတွက် နိုင်ငံတကာအသိုက်အဝန်း၏ အပြုသဘောဆောင်သော အားပေးကူညီမှုများနှင့် ပူးပေါင်းဆောင်ရွက်မှုများသည် အထူးလိုအပ်လျှက်ရှိကြောင်း၊လက်ရှိတွင်ICJ၌ တရားရင်ဆိုင်နေရသောအမှုသည် မြန်မာနိုင်ငံကို ကိုယ်စားပြုသည့်အပြင် မြန်မာပြည်သူအားလုံး၏ အကျိုးစီးပွားနှင့် တိုက်ရိုက်သက်ဆိုက်သည့်ကိစ္စရပ်တစ်ခုဖြစ်ကြောင်း ထုတ်ပြန်ချက်တွင်ဖော်ပြထားသည်။

▪️ ဂမ်ဘီယာနိုင်ငံမှ တရားစွဲဆိုထားသောအမှုတွင်နိုင်ငံတော်သမ္မတရုံးဝန်ကြီးဌာန(၂)ပြည်ထောင်စုဝန်ကြီးဦးကိုကိုလှိုင်နှင့် ဥပဒေရေးရာဝန်ကြီးဌာန ပြည်ထောင်စုဝန်ကြီးနှင့် ပြည်ထောင်စုရှေ့နေချုပ် ဒေါ်သီတာဦးတို့ဦးဆောင်သောအဖွဲ့သည် နယ်သာလန်နိုင်ငံ၊သည်ဟိတ်ဂ်မြို့သို့သွားရောက်ကာ တရားမျှတမှုနှင့်အမှန်တရားကို လက်ကိုင်ထားကာ မြန်မာနိုင်ငံအတွက်အစွမ်းကုန်လျှောက်လဲချက်‌ပေးသွားမည်ဖြစ်ကြောင်း၊အဆိုပါကိုယ်စားလှယ်အဖွဲ့၏ ကြိုးပမ်းမှုများကိုမြန်မာ့ပုံရိပ်ဖော်ညွှန်းရေးအဖွဲ့မှ အပြည့်အဝထောက်ခံအား‌ပေးကြောင်းလည်း ဖော်ပြထားသည်။

▪️ ထို့အပြင် ICJမှ ဂုဏ်သရေရှိတရားသူကြီးများအနေဖြင့်လည်း တရားစီရင်ရေးဆိုင်ရာ ကျင့်ဝတ်သိက္ခာကို ထိမ်းသိမ်းလျှက် မည်သည့်အစွဲအလန်းမျှ မပါဘဲ အခြေအနေမှန်နှင့် ဖြစ်ရပ်မှန်များကို ဘက်လိုက်မှုကင်းစွာဖြင့် ဝေဖန်ဆန်းစစ်သုံးသပ် နိုင်လိမ့်မည်ဟု ယုံကြည်မျှော်လင့်ကြောင်း မြန်မာ့ပုံရိပ်ဖော်ညွှန်းရေးအဖွဲ့ကအသိပေးထုတ်ပြန်ထားသည်။

#YMG/SW #Yangon_Times

အိန္ဒိယအစိုးရထောက်ပံ့မှုနဲ့ ဆောင်ရွက်နေတဲ့ပုဂံ‌​ေဒသရှိရှေးဟောင်းအဆောက်အအုံများ ကြံ့ခိုင်မှုထိန်းသိမ်းခြင်းဒုတိယအဆင့်
မှာ အဆောက်အုံ(၅၀)ကိုဆောင်ရွက်သွားမယ်လို့ရပါတယ်။

#Local_News
Published 13 January 2026
#ပုဂံ #အိန္ဒိယ
#YMG/SW #Yangon_Times

#Daily_News
Published 13 January 2026

၁။‌‎ ‎‎‎ပြည်ပသို့ဆန်နှင့်ဆန်ကွဲ နှစ်သန်းကျော်တင်ပို့ထားပြီးပို့ကုန်ဝင်ငွေ
သန်းပေါင်း(၆၇၀)ကျော်ရရှိထား
‎
‎‌‎၂။ ‌‌‌‌‌‌‌‌‌‌‌‎‎‎‎‎‎‎‎‎‎ရွေးကောက်ပွဲ အပိုင်း(၃) ကျင်းပပြီးနောက် မတ်လတွင်လွှတ်တော်ခေါ်ယူမည်
‎
‎၃။‌‌‎ ‌‌‌‌‌‌‌‌‌‎ရွှေဈေးဆက်တိုက်မြင့်တက်နေပြီးတစ်ကျပ်သား(၉၇)သိန်းခန့်သို့ စံချိန်တင်‌ရောက်ရှိ

‎၄။‎ ‌‌‌‌‌‌‌‌‌‎တရုတ်ပြည် ဝူဟူမြို့၌ စက်ရုပ်ယာဉ်ထိန်းရဲ စတင်တာဝန်ထမ်းဆောင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 13 January 2026

■ ယနေ့ဇန်နဝါရီလ၁၃ရက် နံနက်ပိုင်းကမအူပင်မြို့နယ်အတွင်းမြစ်ကမ်းပါးပြိုကျမှုဖြစ်ပွားခဲ့ကြောင်း သိရသည်။

■ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်၊ တလုပ်လပ်အနောက်ကျေးရွာအုပ်စု၊ အောက်ပိုင်းကျေးရွာ၌ ယနေ့နံနက်ပိုင်းက တိုးမြစ်ရေတိုက်စားမှုကြောင့် အလျား (၅၀) ပေ၊ အနံ (၂၀)ပေခန့် မြစ်ကမ်းပါးပြိုကျမှုဖြစ်ပွားခဲ့ပြီး မြစ်ကမ်းပါးပြိုကျမှုနှင့်နီးကပ်သည့် ဓနိမျုး၊ ဓနိကာ၊ ပျဉ်ခင်းနေအိမ် (၃)လုံး ကြိုတင်ဖျက်သိမ်းပြောင်းရွှေ့ခဲ့ရကြောင်း သိရသည်။

■ အဆိုပါမြစ်ကမ်းပါးပြိုကျမှုကြောင့် ငွေကျပ်(၆၀၀၀၀ဝိ/) (ခြောက်သိန်းကျပ်)ခန့် ဆုံးရှုံးခဲ့ရပြီး ကြိုတင်ဖျက်သိမ်းခဲ့သည့် နေအိမ်ရှိမိသားစုဝင်များအား နီးစပ်ရာဆွေမျိုးများနေအိမ်တွင် ခေတ္တ ပြောင်းရွေ့နေထိုင်စေပြီး ကျေးရွာအုပ်ချုပ်ရေးအဖွဲ့များဝင်များမှဘေးလွတ်ရာမြစ်ကမ်းနှင့်ဝေးကွာသည့်နေရာတွင် နေအိမ်များပြန်လည်ဆောက်လုပ်နေထိုင်နိုင်ရေးအတွက် စီစဉ်ဆောင်ရွက်လျက်ရှိကြောင်း၊ အဆိုပါဖြစ်စဉ်ကြောင့် လူနှင့်တိရစ္ဆာန်များ ထိခိုက်သေဆုံးမှုမရှိကြောင်း သိရသည်။

#YMG/SW #Yangon_Times

#World_News
Published 13 January 2026

■ အီရန်အစိုးရအပေါ် အမေရိကန်စစ်ရေးတုံ့ပြန်မှု ဆောင်ရွက်ရန်သင့်မသင့် သမ္မတဒေါ်နယ်ထရမ့် ချင့်ချိန်စဉ်းစားနေရပါတယ်။

■ အီရန်အစိုးရ ဆန္ဒပြပွဲများကို အကြမ်းဖက်နှိမ်နင်းခဲ့ရာမှာ လူ ၆၀၀ နီးပါးသေဆုံးခဲ့ပြီး ထောင်နဲ့ချီ ဖမ်းဆီးခံခဲ့ရပါတယ်။

■ အီရန်အနေနဲ့ အစိုးရဆန့်ကျင်ရေးဆန္ဒပြသူများကို အင်အားသုံးဖြိုခွဲကြောင်း တွေ့ရှိပါက စစ်ရေးဆောင်ရွက်မှု ပြုလုပ်မယ်လို့ ထရမ့်က အီရန်ကို အကြိမ်ကြိမ်သတိပေးထားပါတယ်။

■ အခုအခါ အီရန်က ဒါကိုကျော်လွန်လာပြီဖြစ်သဖြင့် နိုင်ငံတော်လုံခြုံရေးအဖွဲ့နဲ့ အရေးတကြီး စဉ်းစားနေရပြီလို့ ထရမ့်က ပြောပါတယ်။

■ လောလောဆယ်တော့ အမေရိကန်စစ်ရေးလှုပ်ရှားမှု အသင့်အနေအထားမှာပဲ ရှိနေသေးပြီး အီရန်အရာရှိပိုင်းတွေက အိမ်ဖြူတော်နဲ့ ဆွေးနွေးလိုတယ်လို့ ဆိုထားပါတယ်။

■ အီရန်အစိုးရဆီကနေ ကြားရတာက အကြောင်းတွေက သီးသန့်ရရှိတဲ့ သတင်းစကားတွေနဲ့ ကွဲလွဲနေပြီး သမ္မတက ဒါတွေကို စစ်ဆေးလိုတယ်လို့ အိမ်ဖြူတော် မီဒီယာဝန်ကြီး ကယ်ရိုလင်းလီဗစ်က သတင်းထောက်တွေကို ပြောခဲ့ပါတယ်။

■ အီရန်အစိုးရရဲ့ လုပ်ရပ်တွေကို အပြစ်ပေးတဲ့အနေနဲ့ အီရန်နဲ့ စီးပွားရေးလုပ်နေတဲ့ နိုင်ငံတွေကို ထရမ့်က ၂၅ ရာခိုင်နှုန်းအခွန်စည်းကြပ်ဖို့ ထုတ်ပြန်ခဲ့ပါတယ်။

■ မဟာမိတ်တွေကတော့ ထရမ့်ကို ပြတ်ပြတ်သားသား ဆောင်ရွက်ဖို့ တိုက်တွန်းနေပြီး အစိုးရက သံတမန်ရေးကစလို့ စစ်ရေးတိုက်ခိုက်မှုတွေအထိ အမျိုးမျိုးသောတုံ့ပြန်မှုတွေ ပြင်ဆင်နေပါတယ်။

■ ဆန္ဒပြပွဲတွေက အီရန်အစိုးရကို အားနည်းအောင် ပြုလုပ်နိုင်မယ့် အခွင့်အရေးလို့ မြင်နေကြသလို နောက်ဆက်တွဲဖြစ်ရပ်တွေလည်း စိုးရိမ်နေရတယ်လို့ မြင်နေကြပါတယ်။

Source: AP News