ဧရာဝတီတိုင်းဒေသကြီး၊ ဝါးခယ်မမြို့နယ်ရှိ ကျုံကပြင်–တက်ဆိပ် ဒေသခံသားငှက်ထိန်းသိမ်းရေးအဖွဲ့ (KT-CCA) ထိန်းသိမ်းရေးဧရိယာအတွင်း ၂၀၂၆ ခုနှစ်အတွက် ကြိုးကြာခေါင်းနီငှက်ရဲ့ ပထမဆုံး ဥသိုက်ကို ယခုလ ၈ ရက်မှာ စတင်မှတ်တမ်းတင်တွေ့ရှိခဲ့တယ်လို့အဆိုပါအဖွဲ့က ထုတ်ပြန်ထားပါတယ်။

#Local_News
Published 13 July 2026
#ကြိုးကြာခေါင်းနီငှက် #ဥသိုက်
#YMG/SW #Yangon_Times

၂၀၂၆-၂၀၂၇ ဘဏ္ဍာနှစ်သုံးလတာအတွင်း အမေရိကန်ဒေါ်လာ သန်း (၁၆၇) သန်းတန်ဖိုးရှိ ဆန်နဲ့ဆန်ကွဲတန်ချိန် ၅၂၉,၅၃၅ တန်
တင်ပို့ထားတယ်လို့ မြန်မာနိုင်ငံဆန်စပါးအသင်းချုပ်ကသိရပါတယ် ။

#Local_News
Published 13 July 2026
#ဆန် #ဆန်ကွဲ
#YMG/NN #Yangon_Times

#Daily_News
Published 13 July 2026

၁။‌ ပြည်တွင်းထုတ်ဖိနပ်များတိုးမြှင့်ထုတ်လုပ်နိုင်ရန်ကြိုးပမ်းနေ

‌‎၂။ ‌၂၀၂၆ ခုနှစ်အတွက် ကြိုးကြာခေါင်းနီငှက် ဥသိုက် ပထမဆုံးတွေ့ရှိ

၃။‌‌‎ သုံးလအတွင်း ဒေါ်လာ(၁၆၇)သန်းတန်ဖိုးရှိ ဆန်နှင့်ဆန်ကွဲတန်ချိန် ငါးသိန်းကျော်တင်ပို့ထား

၄။‎ ‌‌‌‌‌‌‌‌‌တရုတ်နိုင်ငံ၏Y-20အကြီးစားသယ်ယူပိုဆောင်ရေးလေယာဉ် စစ်ဘက်ဆိုင်ရာအသုံးပြုခြင်း(၁၀)နှစ်ပြည့်မြောက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 13 July 2026

■ ရန်ကုန်တိုင်းဒေသကြီး အစိုးရအဖွဲ့၏ ဦးဆောင်မှု၊ ရခိုင်တိုင်းရင်းသားလူမျိုးရေးရာဝန်ကြီး၏ လမ်းညွှန်မှုဖြင့် တိုင်းရင်းသားစာပေနှင့်ယဉ်ကျေးမှု ဦးစီးဌာနမှ ကြီးမှူးဖွင့်လှစ်သော ရခိုင်ရိုးရာဆီမီးခွက်အက၊ ဗျာလအကနှင့် စည်တော်တီးခတ်ခြင်းသင်တန်းများ ကို ယမန်နေ့ကစတင်ပြီဖွင့်လှစ်လိုက်ပြီဖြစ်ကြောင်းသိရသည်။

■ အဆိုပါ ရခိုင်ရိုးရာဆီမီးခွက်အက၊ ဗျာလအကနှင့် စည်တော်တီးခတ်ခြင်းသင်တန်းများကို ဇူလိုင် (၁၂) ရက်မှ ဩဂုတ် (၁၀) ရက်အထိ ဖွင့်လှစ်သင်ကြားပေးသွားမည်ဖြစ်သည်။

■ ယင်းသင်တန်းဖွင့်ပွဲအခမ်းအနားကို ယမန်နေ့ နံနက်ပိုင်းက ရွှေပြည်သာမြို့နယ်၊ (၆) ရပ်ကွက်၊ စုပေါင်းရုံးရှိ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးခန်းမတွင် ကျင်းပသည်။

■ အဆိုပါ သင်တန်းဖွင့်ပွဲအခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း၊ သင်တန်းနည်းပြများ၊ သင်တန်းသား/သူများနှင့် တာဝန်ရှိသူများ တက်ရောက်ကြသည်။

■ ဦးစွာ ရန်ကုန်တိုင်းဒေသကြီးအစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း က အဖွင့်အမှာစကားပြောကြားသည်။

■ ဆက်လက်၍ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးသိန်းနိုင် မှ အမှာစကားပြောကြားပြီး တိုင်းရင်းသားစာပေနှင့်ယဉ်ကျေးမှု ဦးစီးဌာန ညွှန်ကြားရေးမှူး ဦးကျော်အောင်ဝင်း မှ သင်တန်းများဖွင့်လှစ်ရခြင်းနှင့် စပ်လျဉ်း၍ရှင်းလင်းပြောကြားသည်။

■ ထို့နောက် ရခိုင်တိုင်းရင်းသားစာပေနှင့်ယဉ်ကျေးမှုဦးစီးဌာနမှ တိုင်းရင်းသား/သူများမှ ရခိုင်ရိုးရာအကများဖြင့် ဖျော်ဖြေတင်ဆက်ကြသည်။

■ ယင်းနောက် ရန်ကုန်တိုင်းဒေသကြီးအစိုးရအဖွဲ့ ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း မှ ဖျော်ဖြေရေးအဖွဲ့များအား ဂုဏ်ပြုချီးမြှင့်ငွေများ ပေးအပ်ကာ စုပေါင်းမှတ်တမ်းတင်ဓာတ်ပုံရိုက်ကူးကြကြောင်း သိရသည်။

#YMG/NN #Yangon_Times

#World_News
Published 13 July 2026

■ ထိုင်းနိုင်ငံ ဘန်ကောက်မြို့ရှိ နာမည်ကြီးအရက်ဆိုင်တစ်ခုမှာ မီးလောင်မှုဖြစ်ပွားသဖြင့် လူ ၂၇ ဦးသေဆုံးပြီး နောက်ထပ် ၂၂ ဦးမှာ အခြေအနေစိုးရိမ်ရတဲ့ ဒဏ်ရာရရှိခဲ့ကြောင်း အာဏာပိုင်များက တနင်္လာနေ့မှာ ထုတ်ပြန်ခဲ့ပါတယ်။

■ ကမ္ဘာလှည့်ခရီးသွားလုပ်ငန်း ဗဟိုချက်တွေထဲမှာ အသက်ေ-သဆုံးမှုအများဆုံး မတော်တဆမှုတွေထဲက တစ်ခုဖြစ်လာပါတယ်။

■ ဝန်ကြီးချုပ် အနူတင်ချာန်ဗီရာကူးလ်က တနင်္ဂနွေနေ့ည ၁၁း၅၇ မှာ မီးလောင်မှုဖြစ်ပွားတဲ့ နေရာသို့ သွားရောက်ကြည့်ရှုခဲ့ပြီး အလောင်း ၂၇ ခု ပြန်လည်ဆယ်ယူထားကြောင်း၊ ကျန်တဲ့သူတွေကို ဆေးရုံပို့ဆောင်ထားကြောင်း ပြောကြားခဲ့ပါတယ်။

■ အသက်ရှင်ကျန်သူများ ပြောပုံအရ အရက်ဆိုင်ထဲမှာ မီးလောင်ပြီးနောက် မီးခိုးတွေ ချက်ချင်းပြည့်နှက်သွားပြီး မီးတွေကြားကနေ ထွက်ပြေးဖို့နေရာမရှိခဲ့ဘူးလို့ဆိုပါတယ်။

■ နောက်ထပ်ဒဏ်ရာရသူ ၆၃ ဦးကို ဆေးရုံတင်ထားတယ်လို့ ဘန်ကောက်မြို့ပြစီမံကွပ်ကဲရေးရဲ့ ကပ်ဘေးကာကွယ်လျှော့ချရေးဌာနမှ ညွှန်ကြားရေးမှူး ဆူရီယာချိုင်ရာဝီဝမ်က ပြောပါတယ်။

■ ပေါက်ကွဲမှုဖြစ်ပြီးနောက် မီးပြတ်တောက်သွားခဲ့ပြီး ရုတ်တရက် မီးခိုးတွေ ပျံ့နှံ့သွားခဲ့တယ်လို့ မျက်မြင်သက်သေတွေ တင်ပြထားပါတယ်။

■ ကယ်ဆယ်ရေးလုပ်သားတွေ ရောက်ရှိလာချိန်မှာ ဆိုင်ရဲ့အရှေ့ဘက်ခြမ်း လောင်ကျွမ်းသွားခဲ့ပြီ ဖြစ်ပါတယ်။

■ သင့်လျော်တဲ့ ခွင့်ပြုချက်ပါမစ်တွေ၊ အရေးပေါ်ထွက်ပေါက်တွေရှိပေမယ့် မီးခိုးတွေလျင်မြန်စွာပျံ့နှံ့ခဲ့တာကြောင့် ထွက်ပြေးလွတ်မြောက်ဖို့ ကြိုးစားရာမှာအခက်အခဲတွေရှိခဲ့ပါတယ်။

Source: Reuters

#Local_News
Published 13 July 2026

■ ဘားအံ မြို့တွင် သံလွင်မြစ်ရေ၊ ဟုမ္မလင်းမြို့တွင် ချင်းတွင်းမြစ်ရေနှင့် မဒေါက်မြို့တွင် စစ်တောင်းမြစ် ရေတို့သည် စိုးရိမ်ရေမှတ်ကို ရောက်ရှိ နေပြီဖြစ် ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာန၏ ဇူလိုင်လ(၁၃)ရက်၊ မနက် (၈)နာရီအချိန်ထုတ်ပြန်ချက်အရသိရသည်။

■ အဆိုပါ ထုတ်ပြန်ချက်တွင် သံလွင်မြစ်ရေသည် ဘားအံမြို့၏ စိုးရိမ်ရေမှတ်ကိုရောက်ရှိနေပြီး နောက်(၁)ရက်အတွင်း၌ ပေဝက်ခန့်မြင့်တက်လာနိုင်ကာ စိုးရိမ်ရေမှတ်အထက်မှာ ဆက်လက် တည်ရှိနိုင်ကြောင်း ဆိုထားသည်။

■ ထို့အပြင် ချင်းတွင်းမြစ်ရေသည် ဟုမ္မလင်းမြို့တွင်၎င်းမြို့၏ စိုးရိမ်ရေမှတ်ကိုရောက်ရှိနေပြီး နောက်(၁)ရက်အတွင်း (၁)ပေခန့်ဆက်လက် မြင့်တက်လာနိုင်ကာ စိုးရိမ်ရေမှတ်အထက်၌ ဆက်လက်တည်ရှိနိုင်ကြောင်း ဖော်ပြထားသည်။

■ ၎င်းအပြင် စစ်တောင်းမြစ်ရေသည် မဒေါက်မြို့တွင်၎င်း မြို့၏ စိုးရိမ်ရေမှတ်ကိုရောက်ရှိနေပြီး နောက်(၁)ရက်အတွင်း (၁)ပေခွဲခန့်ဆက်လက် မြင့်တက်လာနိုင်ကာ စိုးရိမ်ရေမှတ်အထက်၌ ဆက်လက် တည်ရှိနိုင်ကြောင်း ဖော်ပြထားသည်။

■ ထို့ကြောင့် ဘားအံမြို့နယ်၊ ဟုမ္မလင်းမြို့နယ် နှင့် မဒေါက်မြို့နယ် အတွင်းရှိ မြစ်ကမ်းအနီးနှင့် မြေနိမ့်ပိုင်းတွင် နေထိုင်ကြသူများအနေဖြင့် သတိပြုနေထိုင်ကြဖို့ကိုလည်း သတိပေးနှိုးဆော်ထားကြောင်းသိရသည်။

#YMG/NN #Yangon_Times

#World_Health
Published 13 July 2026

■ မိန်းကလေးငယ်အများစုဟာ အသက် ၉ နှစ်မတိုင်မီ ပထမဆုံးရာသီသွေး စတင်ပေါ်လာကြပြီး အပျိုဖော်ဝင်တဲ့ ပျမ်းမျှအသက်အရွယ် သိသိသာသာ စောလာကြောင်း ပြသနေပါတယ်။

■ ဒီအခြေအနေဟာ ကလေးဘဝအဝလွန်ခြင်း၊ ပြုပြင်ထားတဲ့ အစားအစာများစားခြင်း၊ အိပ်ရေးပျက်ခြင်းနဲ့ ဟော်မုန်းစနစ် ထိခိုက်စေတဲ့ ဓာတုပစ္စည်းများနဲ့ ထိတွေ့မိခြင်းတို့ကြောင့် ဖြစ်နိုင်ပါတယ်။

■ အသက် ၈ နှစ်မတိုင်မီ ရင်သားဖွံ့ဖြိုးလာခြင်း၊ အရပ်အမောင်း အလျင်အမြန် ထွားကျိုင်းလာခြင်း၊ လူပျိုဖော်အပျိုဖော်ဝင်စကဲ့သို့ ကိုယ်နံ့ထွက်ခြင်း ဒါမှမဟုတ် ဝက်ခြံထွက်ခြင်းတို့ဟာ စောစီးစွာ အပျိုဖော်ဝင်ခြင်းရဲ့ လက္ခဏာများ ဖြစ်ပါတယ်။

■ ရေရှည်မှာ ကြုံတွေ့ရနိုင်တဲ့ ကျန်းမာရေးဆိုးကျိုးများမှာ အရွယ်ရောက်ချိန် အရပ်ပုခြင်း၊ သားအိမ်အကျိတ်ရောဂါဖြစ်ခြင်း၊ ဆီးချိုရောဂါဖြစ်ခြင်း၊ နှလုံးရောဂါဖြစ်ခြင်းနဲ့ ဟော်မုန်းနဲ့ဆက်စပ်တဲ့ ကင်ဆာရောဂါများ ဖြစ်ပွားနိုင်ခြင်းတို့ ဖြစ်နိုင်ပါတယ်။

■ စောစီးစွာ အပျိုဖော်ဝင်တဲ့ မိန်းကလေးငယ်များဟာ ရှက်ရွံ့ခြင်း၊ ကျောင်းမှာ စနောက်ခံရခြင်း၊ သောကရောက်ခြင်းနဲ့ စိတ်ရှုပ်ထွေးခြင်းစတဲ့ စိတ်ပိုင်းဆိုင်ရာ စိန်ခေါ်မှုများကိုလည်း ရင်ဆိုင်ရတတ်ပါတယ်။

■ စောစီးစွာ အပျိုဖော်ဝင်တဲ့ လက္ခဏာများတွေ့ပါက မိဘများအနေဖြင့် ဆရာဝန်များနဲ့ တိုင်ပင်ဆွေးနွေးသင့်ပါတယ်။

■ ဘာကြောင့်လဲဆိုတော့ ဆေးဝါးကုသမှုများက ခန္ဓာကိုယ်ဖွံ့ဖြိုးမှုကို ကာကွယ်ပေးနိုင်ရန် အပျိုဖော်ဝင်ခြင်းကို ဘေးကင်းစွာ နှောင့်နှေးပေးနိုင်သောကြောင့် ဖြစ်ပါတယ်။

Source: India Today

#Local_News
Published 13 July 2026

■ နိုင်ငံတော်သမ္မတ ဦးမင်းအောင်လှိုင်သည် မကွေးတိုင်းဒေသကြီး၊ မင်းဘူးမြို့ရှိ မြို့မိမြို့ဖများနှင့် ဇူလိုင်လ ၁၂ ရက်နေ့တွင် တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများကို ဆွေးနွေးပြောကြားခဲ့သည်။

■ အဆိုပါ တွေ့ဆုံပွဲတွင် မင်းဘူးမြို့၏ သမိုင်းကြောင်းနှင့် မြို့ပြဖွံ့ဖြိုးရေး၊ ဒေသတွင်း ပညာရေးနှင့် စိုက်ပျိုးရေးအခြေခံ စီးပွားရေးလုပ်ငန်းများ တိုးတက်စေရေးအတွက် အကျယ်တဝင့် လမ်းညွှန်မှာကြားခဲ့သည်။

■ ယခင်က ဧရာဝတီမြစ် ခြားနေသဖြင့် သွားလာရေး ခက်ခဲခဲ့သော မင်းဘူးမြို့သည် ယခုအခါ တံတားများ တည်ဆောက်နိုင်မှုကြောင့် ဖွံ့ဖြိုးတိုးတက်လာခဲ့ပြီး စနစ်ကျသော မြို့ပြစီမံကိန်း (Master Plan) ဖြင့် ဆက်လက်တည်ဆောက်ရန် လိုအပ်ကြောင်း နိုင်ငံတော်သမ္မတက ထည့်သွင်းပြောကြားခဲ့သည်။

■ ဒေသခံ မြို့မိမြို့ဖများက ဧရာဝတီမြစ်ရေ တိုက်စားမှု ကာကွယ်ရေး၊ မင်းဘူး-အမ်း လမ်းပိုင်း အဆင့်မြှင့်တင်ရေး၊ ဆေးရုံအဆင့်မြှင့်တင်ရေးနှင့် လျှပ်စစ်မီး လိုအပ်ချက်အတွက် နေရောင်ခြည်စွမ်းအင်သုံး စီမံကိန်းများ ဆောင်ရွက်ပေးရန် တင်ပြခဲ့ကြသည်။

■ တင်ပြချက်များနှင့် ပတ်သက်၍ နိုင်ငံတော်သမ္မတက လိုအပ်သည်များကို ပေါင်းစပ်ညှိနှိုင်းပေးခဲ့ပြီး နေရောင်ခြည်စွမ်းအင်သုံး စီမံကိန်းများအတွက် စိုက်ပျိုးမြေများကို အလွန်အကျွံ အသုံးပြုခြင်းမပြုရန်နှင့် စနစ်တကျ တွက်ချက်ဆောင်ရွက်ရန် ပြန်လည်ဆွေးနွေးခဲ့သည်။

■ ထို့ပြင် ပြည်ပမှ စားသုံးဆီတင်သွင်းမှုကို လျှော့ချနိုင်ရန်နှင့် ဒေသခံများ၏ လူမှုစီးပွားဘဝ တိုးတက်စေရန် မင်းဘူးဒေသတွင် စိုက်ပျိုးသည့် နှမ်းများကို တစ်ဧကလျှင် ပန်းတိုင်ရည်မှန်းချက် တင်း ၂၀ ထွက်ရှိအောင် ကြိုးပမ်းကြရန်နှင့် ဝါ၊ စပါး စသည့် စိုက်ပျိုးရေးလုပ်ငန်းများကို အောင်မြင်အောင် ဆောင်ရွက်ကြရန် တိုက်တွန်းခဲ့သည်။

■ ပညာရေးကဏ္ဍနှင့် ပတ်သက်၍ မင်းဘူးမြို့သည် ပညာရေးအခြေခံကောင်းမွန်သော မြို့ဖြစ်ပြီး နိုင်ငံတော်အနေဖြင့် KG+9 အထိ မသင်မနေရ ပညာရေးစနစ်ကို အကောင်အထည်ဖော် ဆောင်ရွက်လျက်ရှိကြောင်း ပြောကြားခဲ့သည်။

■ အသိပညာ အားနည်းမှုများကြောင့် နိုင်ငံရေးမတည်ငြိမ်မှုနှင့် အကြမ်းဖက်မှုများ ဖြစ်ပေါ်ရသဖြင့် အနာဂတ် ခေါင်းဆောင်များဖြစ်လာမည့် လူငယ်များကို အတွေးအခေါ်မှန်ကန်စေရန်နှင့် ပညာရေးကို အထူးအလေးပေး ပြုစုပျိုးထောင်ရန် လိုအပ်ကြောင်း သမ္မတက အလေးအနက်ထား ပြောကြားခဲ့ကာ မြို့မိမြို့ဖများထံသို့ စာအုပ်စာစောင်များ ပေးအပ်လှူဒါန်းခဲ့သည်။

■ တွေ့ဆုံပွဲအပြီးတွင် နိုင်ငံတော်သမ္မတနှင့် အဖွဲ့ဝင်များသည် မင်းဘူးခရိုင် အားကစားကွင်း အဆင့်မြှင့်တင်နေမှု အခြေအနေများကို သွားရောက်ကြည့်ရှုခဲ့ပြီးနောက် မကွေးတက္ကသိုလ်နှင့် နည်းပညာတက္ကသိုလ်(မကွေး) တို့သို့ သွားရောက်ကာ တက္ကသိုလ်များ၏ လိုအပ်ချက်များကို ဖြည့်ဆည်းပေးခဲ့ကြောင်း သတင်းရရှိသည်။

#Local_News
Published 13 July 2026

နိုင်ငံတော်သမ္မတ ဦးမင်းအောင်လှိုင်သည် မကွေးမြို့၌ ကျင်းပပြုလုပ်ခဲ့သည့် “ဝါစိုက်ပျိုးမှုမှသည် အထည်အလိပ်စက်မှုလုပ်ငန်းဆီသို့” ဆွေးနွေးပွဲသို့ တက်ရောက်ခဲ့ပြီး ပြည်တွင်း ဝါစိုက်ပျိုးမှုနှင့် ထုတ်လုပ်မှု ဖွံ့ဖြိုးတိုးတက်ရေးအတွက် လမ်းညွှန်အမှာစကား ပြောကြားခဲ့သည်။

ဆွေးနွေးပွဲ၏ အဓိကအချက်အလက်များ

◾️စီးပွားရေးနှင့် ရည်မှန်းချက်ပန်းတိုင်

✔️မကွေးတိုင်းဒေသကြီးသည် ဝါစိုက်ပျိုးမှုများပြားသည့် ဒေသဖြစ်သောကြောင့် ယခုဆွေးနွေးပွဲကို မကွေးမြို့၌ ရွေးချယ်ကျင်းပခြင်းဖြစ်သည်။

✔️ဝါသီးနှံသည် လူသားတို့၏ အခြေခံလိုအပ်ချက်ဖြစ်သော အဝတ်အထည်အတွက်သာမက စားဆီနှင့် တိရစ္ဆာန်အစာ (ဝါစေ့ဖတ်) တို့ကိုပါ ထုတ်လုပ်နိုင်သည့် အရေးကြီးသော သီးနှံဖြစ်သည်။

✔️လက်ရှိတွင် ဝါတစ်ဧကလျှင် ပန်းတိုင်ရည်မှန်းချက် အထွက်နှုန်း ပိဿာ (၇၀၀) ရရှိအောင် ဆောင်ရွက်နိုင်မည်ဆိုပါက တောင်သူများအနေဖြင့် ဝင်ငွေများစွာ ပိုမိုရရှိနိုင်မည်ဖြစ်သည်။

✔️စိုက်ပျိုးရေးကို အခြေခံသည့် စက်မှုလုပ်ငန်းများ (Agro-based Industries) ကို အောင်မြင်အောင် ဆောင်ရွက်ခြင်းဖြင့် အလုပ်အကိုင် အခွင့်အလမ်းသစ်များ ရရှိလာမည်ဖြစ်ပြီး နိုင်ငံ၏ ဂျီဒီပီ (GDP) ကိုလည်း သိသာစွာ တိုးတက်လာစေမည်ဖြစ်သည်။

▪️နည်းပညာနှင့် သုတေသန ဖွံ့ဖြိုးရေး

✔️ဝါအထွက်နှုန်းနှင့် အရည်အသွေး ကောင်းမွန်ရေးအတွက် အဓိကအချက် (၄) ချက်ဖြစ်သော မျိုး၊ မြေ၊ ရေ၊ နည်းစနစ် တို့ ပြည့်စုံမှန်ကန်ရန် လိုအပ်ကြောင်း ထည့်သွင်းပြောကြားခဲ့သည်။

ဆွေးနွေးပွဲအပြီးတွင် နိုင်ငံတော်သမ္မတနှင့် အဖွဲ့ဝင်များသည် မကွေးမြို့ရှိ ဒေသသုတေသနဗဟိုဌာနသို့ သွားရောက်ကာ စိုက်ပျိုးရေးဆိုင်ရာ သုတေသနနှင့် မျိုးစေ့ထုတ်လုပ်မှု အခြေအနေများကို ကြည့်ရှုစစ်ဆေးခဲ့သည်။

ထိုသို့ စစ်ဆေးရာတွင် အရည်အသွေးပြည့်မီသည့် မျိုးစေ့များ ထုတ်လုပ်နိုင်ရန်အတွက် Nano Technology၊ Cold Plasma စက်၊ UV စက်စသည်တို့ အသုံးပြု၍ စမ်းသပ်သုတေသနပြုနေမှုများကို တာဝန်ရှိသူများက ရှင်းလင်းတင်ပြခဲ့သည်။

နိုင်ငံတကာဈေးကွက်သို့ တင်ပို့နိုင်သည့် အဆင့်မီထုတ်ကုန်များ ရရှိစေရေးနှင့် ပြည်တွင်းမျိုးစေ့ လုံလောက်စွာထုတ်လုပ်နိုင်ရေးကို စဉ်ဆက်မပြတ် ကြိုးပမ်းဆောင်ရွက်ကြရန် သမ္မတက လမ်းညွှန်မှာကြားခဲ့သည်။

#Local_News
Published 13 July 2026

■ မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့နယ်၊ မေမြို့၊ ထင်းကြိုးဝိုင်း၊ အကွက်အမှတ် b (၂) ၌ ကျင်းပသည့် ၂၀၂၆ ခုနှစ်၊ မိုးရာသီ နိုင်ငံတော်အဆင့် သစ်ပင်စိုက်ပျိုးပွဲတော် အခမ်းအနားသို့ နိုင်ငံတော်သမ္မတ ဦးမင်းအောင်လှိုင် တက်ရောက်၍ စိန်ပန်းပြာပင်ကို ဦးဆောင်စိုက်ပျိုးပေးခဲ့သည်။ အဆိုပါ အခမ်းအနားသို့ နိုင်ငံတော်သမ္မတနှင့်အတူ ခရီးစဉ်တွင် လိုက်ပါလာသည့် အဖွဲ့ဝင်များ၊ မန္တလေးတိုင်းဒေသကြီး ဝန်ကြီးချုပ်၊ တိုင်းမှူး၊ ဌာနဆိုင်ရာ တာဝန်ရှိသူများ၊ လူမှုရေးအသင်းအဖွဲ့များနှင့် ကျောင်းသား၊ ကျောင်းသူများ တက်ရောက်ခဲ့ကြပြီး သစ်ပင်များကို တစ်ပျော်တစ်ပါး စုပေါင်းစိုက်ပျိုးခဲ့ကြသည်။

■ နိုင်ငံတော်သမ္မတက အမှာစကား ပြောကြားရာတွင် ပတ်ဝန်းကျင်စိမ်းလန်းစိုပြည်ရေး၊ သစ်တောဖုံးလွှမ်းမှု တိုးတက်လာစေရေးနှင့် သဘာဝဘေးအန္တရာယ်များမှ ကာကွယ်နိုင်ရေးတို့အတွက် ယခုကဲ့သို့ မိုးရာသီသစ်ပင်စိုက်ပွဲများကို နှစ်စဉ်ကျင်းပခြင်းဖြစ်ကြောင်း ထည့်သွင်းပြောကြားခဲ့သည်။

■ နေပြည်တော်၌ ပထမအကြိမ်နှင့်ဒုတိယအကြိမ် နိုင်ငံတော်အဆင့် သစ်ပင်စိုက်ပျိုးပွဲများကို အောင်မြင်စွာကျင်းပခဲ့ပြီးဖြစ်ကာ ယခုပြင်ဦးလွင်မြို့တွင် ကျင်းပသည့် စုပေါင်းသစ်ပင်စိုက်ပျိုးပွဲတွင်လည်း ချယ်ရီ၊ ခရေ၊ စိန်ပန်းပြာ၊ စိန်ပန်းနီအပါအဝင် သစ်မျိုး ၈ မျိုး၊ အပင်ပေါင်း ၃,၀၀၀ ကို စိုက်ပျိုးခဲ့ကြောင်းသိရသည်။

■ ထို့ပြင် ပြင်ဦးလွင်မြို့ကို နောင်မျိုးဆက်သစ်များအတွက် စိမ်းလန်းစိုပြည်ပြီး သန့်ရှင်းကောင်းမွန်သော စံပြမြို့ပြဖြစ်စေရန် "ပြင်ဦးလွင် စိမ်းလန်းစိုပြည်ရေးစီမံကိန်း" ကို စတင်အကောင်အထည်ဖော် ဆောင်ရွက်နေကြောင်းနှင့် ရာသီဥတုပြောင်းလဲမှု ပြဿနာများကို ဖြေရှင်းရန် သစ်ပင်စိုက်ပျိုးထိန်းသိမ်းခြင်းသည် အထိရောက်ဆုံးဖြစ်၍ ပြည်သူတစ်ရပ်လုံး ပူးပေါင်းပါဝင်ကြရန် နိုင်ငံတော်သမ္မတက တိုက်တွန်းခဲ့သည်။

■ ယင်းအပြင် သစ်တောဦးစီးဌာနအနေဖြင့်လည်း စိမ်းလန်းစိုပြည်ရေးနယ်မြေ (Green Zone) များ တိုးပွားလာစေရန်အတွက် လမ်းဘေးဝဲယာနှင့် မြို့ပြသစ်တောများ တည်ထောင်ရန် ပျိုးပင်ပေါင်း ၁၀ သန်းကျော်ကို ပြည်သူလူထုထံ ဖြန့်ဝေပေးသွားမည်ဖြစ်ကြောင်း သတင်းရရှိသည်။

#World_Health
Published 13 July 2026

■ အသက် ၄၀ ကျော် အမျိုးသမီးများဟာ ဟော်မုန်းအပြောင်းအလဲများကြောင့် စိတ်ခံစားချက် အတက်အကျ ပြင်းထန်ခြင်းကို မကြာခဏ ခံစားရလေ့ရှိပါတယ်။

■ ဒီလိုမျိုး စိတ်ခံစားမှုဆိုင်ရာ ပြောင်းလဲမှုများဟာ သွေးဆုံးခါနီးကာလ ဒါမှမဟုတ် သိုင်းရွိုက်ဂလင်း ချို့ယွင်းခြင်းတို့ကြောင့် ဖြစ်ပွားလေ့ရှိပါတယ်။

■ အဆိုပါ ရောဂါလက္ခဏာ နှစ်ခုစလုံးမှာ နုံးခွေခြင်း၊ ဝေခွဲမရဖြစ်ခြင်းနဲ့ အိပ်စက်မှုဆိုင်ရာ ပြဿနာများလိုမျိုး ထပ်တူကျတဲ့ လက္ခဏာများ ရှိတတ်ကြပါတယ်။

■ သွေးဆုံးခါနီးကာလဟာ ရာသီသွေးမမှန်ခြင်း၊ ရုတ်တရက် အပူအအေး မမျှတခြင်း၊ ရုတ်တရက် ထိတ်လန့်ပူပန်ခြင်းတို့ အထူးသဖြင့် ဖြစ်ပေါ်စေပါတယ်။

■ သိုင်းရွိုက် မမျှတမှုများဟာ သိသာထင်ရှားတဲ့ ကိုယ်အလေးချိန် အပြောင်းအလဲများ၊ စိတ်ဓာတ်ကျခြင်း သို့မဟုတ် နှလုံးတုန်ခြင်းတို့ကို ဖြစ်‌‌ေစပါတယ်။

■ မှန်ကန်တဲ့ ဆေးဘက်ဆိုင်ရာ ရောဂါရှာဖွေမှုအတွက် TSH၊ T3၊ T4၊ FSH နဲ့ အီစထရိုဂျင်တို့ကို တိုင်းတာတဲ့ သွေးစစ်ဆေးမှုများ ပြုလုပ်ရန် လိုအပ်ပါတယ်။

■ သဘာဝအတိုင်း ထိန်းသိမ်းစီမံနိုင်တဲ့ နည်းလမ်းများမှာ အိပ်စက်ခြင်းဆိုင်ရာ အလေ့အထကောင်းများ ဦးစားပေးခြင်း၊ မျှတသော အာဟာရ စားသုံးခြင်းနဲ့ ပုံမှန် လေ့ကျင့်ခန်းလုပ်ခြင်းတို့ ပါဝင်ပါတယ်။

Source: NDTV

အခု ဇူလိုင်လဒုတိယ(၁၀)ရက်ပတ်အတွင်း လေဖိအားနည်းတစ်ကြိမ်ဖြစ်ပေါ်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီကနေ့မနက်ထုတ်ပြန်ချက်အရသိရပါတယ်။

#Local_News
Published 12 July 2026
#လေဖိအားနည်း #မိုးလေဝသနှင့်ဇလဗေဒ
#YMG/NN #Yangon_Times