၂၀၂၅-၂၀၂၆ ထောပတ်သီးရာသီချိန်မှာပြည်ပသို့ ထောပတ်သီး တန်ချိန် ၁၂,၀၀၀ ခန့်တင်ပို့ထားတယ်လို့ မြန်မာနိုင်ငံသစ်သီးဝလံ၊ပန်းမန်နှင့်ဟင်းသီးဟင်းရွက်စိုက်ပျိုးထုတ်လုပ်တင်ပို့ရောင်းချသူများအသင်းမှသိရပါတယ်။

#Local_News
Published 15 July 2026
#ထောပတ်သီး
#YMG/SW #Yangon_Times

ဝါမျိုးစေ့ထုတ်လုပ်ရောင်းချသူတွေ ၊ ဝါစိုက်တောင်သူတွေအနေနဲ့ စပ်မျိုးဝါ F 2 မျိုးစေ့တွေကို ဖြန့်ဖြူးရောင်းချတာနဲ့အသုံးပြုစိုက်ပျိုးတာတွေမပြုလုပ်ကြဖို့ စိုက်ပျိုးရေး ၊ မွေးမြူရေးနှင့်ဆည်မြောင်းဝန်ကြီးဌာနက သတိပေးထုတ်ပြန်ထားပါတယ်။

#Local_News
Published 15 July 2026
#ဝါ
#YMG/NN #Yangon_Times

အပြည်ပြည်ဆိုင်ရာလေဆိပ်တွေကနေ မြန်မာနိုင်ငံကိုဝင်ရောက်လာတဲ့ ခရီးသည်တွေ သယ်ဆောင်လာတဲ့ မိုဘိုင်းလက်ကိုင်ဖုန်းတွေနဲ့ပတ်သက်ပြီး CEIR စနစ်မှာ မှတ်ပုံတင်ဆောင်ရွက်နိုင်မယ့် လုပ်ငန်းစဉ်ကို CEIR နှင့် EIR စနစ်စီမံကိန်းဦးစီးကော်မတီက အသိပေးထုတ်ပြန်လိုက်ပါတယ်။

#Local_News
Published 15 July 2026
#CEIR #မိုဘိုင်းလက်ကိုင်ဖုန်း
#YMG/SW #Yangon_Times

#Daily_News
Published 15 July 2026

၁။‌ ပြည်ပသို့ထောပတ်သီးတန်ချိန် ၁၂,၀၀၀ ခန့်တင်ပို့ထား

‌‎၂။ ‌စပ်မျိုးဝါ F 2 မျိုးစေ့များ ဖြန့်ဖြူးရောင်းချခြင်းနှင့်စိုက်ပျိုးခြင်းမပြုရန်သတိပေး

၃။‌‌‎ လေဆိပ်အဝင်ခရီးသည်များ သယ်ဆောင်လာသည့် မိုဘိုင်းဖုန်း ၂ လုံးအထိသာ CEIR မှတ်ပုံတင်ဆောင်ရွက်ပေးမည်

၄။‎ ‌‌‌‌‌‌‌‌‌နည်းပညာကုမ္ပဏီကြီးMicrosoft ကမ္ဘာတဝှမ်းမှအလုပ်အကိုင်နေရာပေါင်း(၄,၈၀၀)လျှော့ချမည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 15 July 2026

■ မန္တလေးတိုင်းဒေသကြီး၊မြင်းခြံမြို့နယ်၌ ယနေ့မနက်အစောပိုင်း၌ မီးလောင်မှုတစ်ခုဖြစ်ပွား
ခဲ့ကြောင်းသိရသည်။

■ ဇူလိုင်၁၅ ရက်နေ့၊ မနက်၂ နာရီ ၂၁ မိနစ်အချိန်ခန့်က မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့နယ်၊ အမှတ်(၁၉)ရပ်ကွက်တွင် မီးလောင်မှုဖြစ်ပွားကြောင်း သိရသည်။

■ အဆိုပါသတင်းရရှိသဖြင့် မြင်းခြံမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက် ၃နာရီ ၇မိနစ် အချိန်၌မီးငြိမ်းခဲ့ကြောင်းသိရသည်။

■ မီးလောင်မှုဖြစ်စဉ်နှင့်ဆုံးရှုံးမှုတန်ဖိုးများအားဆက်လက်စုံစမ်းလျှက်ရှိကြောင်းသိရသည်။

YMG/NN #Yangon_Times

#Local_News
Published 15 July 2026

■ သာကေတမြို့နယ်၊ (၁၀) မြောက်ဈေးအနီးတွင် လိုက်ထရပ်တစ်စီး မီးလောင်မှုတစ်ခု ယနေ့မနက်ပိုင်း တွင်ဖြစ်ပွားခဲ့ကြောင်းသိရသည်။

■ ဇူလိုင်၁၅ ရက်နေ့၊ မနက်၈ နာရီ၅၀မိနစ် အချိန်က ရန်ကုန်တိုင်းဒေသကြီး၊ သာကေတမြို့နယ်၊ ၁၀ မြောက်ရပ်ကွက်၊ ၁၀ မြောက်ဈေးအနီးတွင် Light Truck (၁)စီး မီးလောင်မှုဖြစ်ပွားခဲ့ကြောင်း သိရသည်။

■ အဆိုပါသတင်းရရှိသဖြင့် သာကေတမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သာကေတနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ကြောင်းသိရသည်။

■ ထို့နောက် မနက်၈ နာရီ ၅၂ မိနစ်အချိန်က မီးထိန်းနိုင်ခဲ့ပြီး ၈ နာရီ ၅၇မိနစ် အချိန်၌ မီးငြိမ်းနိုင်ခဲ့ကြောင်းသိရသည်။

YMG/NN #Yangon_Times

#World_News
Published 15 July 2026

■ အမျိုးသမီးတစ်ဦးဟာ လောင်းကစားစွဲလမ်းမှုကြောင့် ငွေကြေးရရန် ရည်ရွယ်ချက်ဖြင့် လက်စ်ဗေးဂတ်စ်မှာ အမျိုးသား ၅ ဦးနဲ့ လက်ထပ်ခဲ့ပါတယ်။

■ အသက် ၃၃ နှစ်အရွယ် ကျာယင်ချန်ဟာ အမျိုးသားများနဲ့ လက်ထပ်ပြီး ယင်းတို့ထံမှ ဒေါ်လာသောင်းချီ ယူသွားပြီးနောက် ပျောက်ကွယ်သွားတယ်လို့ သတင်းတွေမှာ ဖော်ပြထားပါတယ်။

■ တိုင်ကြားချက်အရ ယခုနှစ် ဧပြီလမှ ဇွန်လကြား အမျိုးသား ၅ ဦးနဲ့ လက်ထပ်ခဲ့ပြီး ဇွန်လမှာ ဖမ်းဆီးခြင်းခံခဲ့ရပါတယ်။

■ အွန်လိုင်းမှတ်တမ်းများအရ သူမဟာ ၂၀၁၉ မတ်လနဲ့ ၂၀၂၄ မေလကြား ကလာ့ခ်ခရိုင် အိမ်ထောင်ရေးလိုင်စင်ဗျူရိုသို့ အိမ်ထောင်ပြုခွင့်လျှောက်လွှာ ၁၅ စောင် တင်သွင်းခဲ့ကြောင်း သိရပါတယ်။

■ ၂၀၂၄ တုန်းကလည်း လင်ပြိုင်ထားမှုဖြင့် ထိန်းသိမ်းခံခဲ့ရဖူးပါတယ်။

■ ဗစ်ကီလန်ဆိုတဲ့ အမည်ပွားကို အသုံးပြုပြီး နီဗာဒါးပြည်နယ် ယာဉ်မောင်းလိုင်စင်နဲ့ အမေရိကန်နိုင်ငံကူးလက်မှတ်တို့ အတုပြုလုပ်ခဲ့ကြောင်း News 3 သတင်းက ဖော်ပြထားပါတယ်။

■ ယခုအခါ လင်ပြိုင်ထားမှုအတွက် ထောင်ဒဏ် ၂၄ နှစ် ကျခံရမယ့်အရေး ကြုံနေရပါတယ်။

■ အမျိုးသားများနဲ့ အာဏာပိုင်များကို လှည့်ဖြားရန်အတွက် စာရွက်စာတမ်းအတုများ ပြုလုပ်ခြင်းနဲ့ အမည်ပွားများ အသုံးပြုခြင်းတို့ လုပ်ဆောင်ခဲ့ပါတယ်။

■ ကျာယင်ချန်ဟာ လင်ရှိလျက်နဲ့ ထပ်မံအိမ်ထောင်ပြုမှု၊ လိမ်လည်လှည့်ဖြားကာ ငွေကြေးရယူမှုတို့အတွက် ပြစ်မှုကျူးလွန်ကြောင်း တရားရုံးမှာ ဝန်ခံခဲ့ပါတယ်။

■ သူမဟာ Wynn ကာစီနိုမှာ ဒေါ်လာ ၃ သိန်း ဆုံးရှုံးခဲ့ပြီး အနည်းဆုံး အမျိုးသား ၃ ဦးထံမှ ဒေါ်လာ ၁၃၈,၀၀၀ ခန့် ခိုးယူခဲ့ပါတယ်။

Source: WION

#World_Health
Published 15 July 2026

■ ကျောက်ကပ်ကင်ဆာဆိုတာက ရောဂါလက္ခဏာတွေ သိသာစွာမပြဘဲ လတွေနှစ်တွေကြာအောင် ဆိုးရွားလာတတ်ပါတယ်။

■ ကျောက်ကပ်ထဲမှာ အကျိတ်ဖြစ်နေတာကို မသိကြဘဲ လက္ခဏာပေါ်လာတော့မှ ကင်ဆာနောက်ပိုင်းအဆင့်တွေ ရောက်ရှိနေကြကာ ကုသရခက်ခဲစေပါတယ်။

■ ဒီထဲမှာ အစောဆုံးနဲ့ အရေးအကြီးဆုံး လက္ခဏာတစ်ခုက ဆီးထဲသွေးပါခြင်း ဖြစ်ပါတယ်။

■ ဆီးထဲသွေးပါတိုင်း ကင်ဆာမဟုတ်နိုင်ပေမယ့် မနာမကျင်ဘဲ သွေးပါရင်တောင် လစ်လျူမရှုသင့်ပါဘူး။

■ ရောဂါကို စောစီးစွာ သိရှိရင်တော့ ကုသမှုပိုင်းမှာ အောင်မြင်မှု ရနိုင်မှာပါ။

■ ကျောက်ကပ်ရဲ့ ဆီးစုဆောင်းခြင်းစနစ်မှာ အကျိတ်စတင်သက်ရောက်တဲ့အခါ ဆီးထဲမှာ သွေးပါလာနိုင်ကြောင်း ဒေလီမြို့ CK Birla ဆေးရုံမှ ဒေါက်တာ ရီရှီရာဂျ်ဗိုဟရာက ပြောပါတယ်။

■ အချိန်ရက်ပိုင်းအကြာ သွေးမပါတော့ပေမယ့် ရောဂါပြဿနာ ပျောက်သွားတာမဟုတ်တာကို သတိပြုသင့်ပါတယ်။

■ ဘယ်သူမဆို ကျောက်ကပ်ကင်ဆာ ဖြစ်နိုင်ပေမယ့် အသက် ၅၀ အထက်တွေ၊ ဆေးလိပ်သမားတွေ၊ အဝလွန်သူတွေ၊ သွေးဖိအားများသူတွေ၊ ကျောက်ကပ်ကင်ဆာမျိုးရိုး ရှိသူတွေကတော့ ပိုပြီးဖြစ်နိုင်ခြေ များပါတယ်။

■ ဆီးထဲသွေးပါတာဟာ ရောဂါဖြစ်လို့လား၊ ကျောက်တည်လို့လား၊ ကျောက်ကပ်ကင်ဆာလားဆိုတာကို ဆရာဝန်တွေက ဆီးစစ်ဆေးမှုတွေ၊ ဓာတ်မှန်ရိုက်ခြင်းတို့ဖြင့် ဆုံးဖြတ်ကြပါတယ်။

■ အစောပိုင်း ကျောက်ကပ်ကင်ဆာက လက္ခဏာမပြတတ်ပေမယ့် ကုသလို့ရနိုင်ပြီး ဆီးထဲသွေးပါရင် ချက်ချင်းအထူးကုနဲ့ ပြသဖို့ လိုအပ်ပါတယ်။

■ စောစီးစွာ ရောဂါတွေ့ရှိမှသာ ကုသရွေးချယ်စရာ ပိုမိုများပြားတာကြောင့် သတိပေးလက္ခဏာတွေကို လစ်လျူမရှုသင့်ပါဘူး။

Source: India Today

#World_Science
Published 15 July 2026

■ မျိုးဆက်သစ်တွေဟာ ဇီဝဖြစ်စဉ်အရ လျင်မြန်စွာ အိုမင်းလာကြပြီး ကင်ဆာအဖြစ်များလာစေတယ်လို့ လေ့လာချက်တစ်ခုမှာ တွေ့ရှိထားပါတယ်။

■ ရောဂါဆိုတာ သက်ကြီးရွယ်အိုတွေနဲ့ ဆက်စပ်ပေမယ့် အသက် ၂၀၊ ၃၀ ၊ ၄၀ ဝန်းကျင်တွေမှာလည်း အဖြစ်များလာပါတယ်။

■ ပြောရရင်တော့ နေထိုင်မှုပုံစံနဲ့ စားသောက်ပုံစံတို့ကြောင့်လို့ ဆိုနိုင်ပါတယ်။

■ ဒါပေမဲ့ ဆန်းစစ်ချက်များအရ အခြေခံအကြောင်းအရင်းတွေက ဒီထက်ပိုနက်ရှိုင်းနေပါတယ်။

■ လူတစ်ယောက်ရဲ့ သက္ကရာဇ်အသက်နဲ့ ဇီဝအသက်တို့ ကွဲပြားကာ ခန္ဓာကိုယ်တွင်း တစ်ရှူးများ၊ အင်္ဂါများ၊ စနစ်များအပေါ် အခြေခံတဲ့ ဇီဝအသက်က မျိုးဗီဇ၊ နေထိုင်စားသောက်မှုပုံစံ၊ ပတ်ဝန်းကျင်ထိတွေ့မှုများနဲ့ အခြားအကြောင်းအရာတွေအပေါ် မူတည်ပါတယ်။

■ ယခင်ခေတ်က လူတွေရဲ့ ဇီဝအသက်ထက် ယနေ့ခေတ် လူတွေရဲ့ ဇီဝအသက်က ပိုမိုလျင်မြန်စွာ အိုမင်းလာကြောင်း တွေ့ရတယ်လို့ သုတေသီတွေ တွေ့ရှိထားပါတယ်။

■ ကင်ဆာတစ်မျိုးချင်းစီအလိုက် ကာကွယ်ရေးနည်းလမ်းများ ဖော်ထုတ်နိုင်ဖို့အတွက် သုတေသီတွေက ကင်ဆာဖြစ်နိုင်ခြေအပေါ် ပတ်ဝန်းကျင် အကြောင်းအရာတွေ ဘယ်လိုသက်ရောက်လဲဆိုတာ နားလည်ဖို့ ရည်မှန်းထားပါတယ်။

■ အဝလွန်ခြင်း၊ အာဟာရနည်းတဲ့ အစားအစာ၊ အထိုင်များတဲ့ နေထိုင်မှုပုံစံတို့လို အကြောင်းအရာတွေက ထည့်သွင်းစဉ်းစားစရာ ဖြစ်ပေမယ့် ငယ်ရွယ်သူတွေမှာ ကင်ဆာအဖြစ်များတာ အတွက်ကတော့ ဒီကိစ္စတွေကြောင့်တင် မဟုတ်ပါဘူး။

■ ဇီဝအသက် စောစီးစွာအိုမင်းလာခြင်းကြောင့် နှလုံးရောဂါ၊ ဆီးချို၊ အသိစိတ်ကျဆင်းမှုတို့ ဖြစ်လာစေနိုင်ပါတယ်။

Source: WION

တရုတ်အရှေ့ပိုင်း ဖူကျန့်ပြည်နယ်၊ ကျိန်းကျန်းမြို့ ဖိနပ်စက်ရုံမီးလောင်ကျွမ်းမှုဖြစ်ပွားရာနေရာသို့ အရေးပေါ်စီမံခန့်ခွဲမှုဝန်ကြီးဌာနမှ အဖွဲဝင် ၈ ဦးပါဝင်တဲ့ ကျွမ်းကျင်သူများအဖွဲ့ဟာ သောကြာနေ့မှာ ရောက်ရှိလာခဲ့ကြောင်း၊ ကုမ္ပဏီပိုင်ရှင်အပါအဝင် အခြားတာဝန်ရှိသူများထိန်းသိမ်းထားကြောင်း အာဏာပိုင်များအတည်ပြုပြောကြားခဲ့ပါတယ်။

#Asia_News
Published 14 July 2026
#တရုတ်ဖိနပ်စက်ရုံ
#YMG #Yangon_Times #Yangon_Media_Group

မုတ်သုံလေအားကောင်းနေတာကြောင့် ဒေသအချို့၌မိုးကြီးလေထန်၍ရုတ်တရက်ရေကြီးခြင်းနှင့်မြေပြိုခြင်းများဖြစ်ပေါ်နိုင်တာကြောင့် သတိထားနေထိုင်ကြဖို့ မိုးလေဝသနှင့်ဇလဗေဒညွှန်ကြားမှုဦးစီးဌာနက မိုးကြီးမယ့်သတိပေးချက် အမှတ်စဉ်(၁၅/၂၀၂၆)ကို ဒီကနေ့ 'ထုတ်ပြန်ပြီး အသိပေးထားပါတယ်။

#Local_News
Published 14 July 2026
#မိုးကြီးလေထန် #မုတ်သုံလေ
#YMG/NN #Yangon_Times

ယာဉ်မောင်းလိုင်စင်ဝန်ဆောင်မှုလုပ်ငန်းများ၏ ကျသင့်ငွေများကို Digital Payment စနစ်ဖြင့်ပေးချေခြင်းနဲ့ အွန်လိုင်းစနစ်ဖြင့် လိုင်စင်သက်တမ်းတိုးခြင်းလုပ်ငန်းများကို လာမယ့် ဇူလိုင်လ ၁၇ ရက် မှစတင်ပြီး အကောင်အထည်ဖော်ဆောင်ရွက်ပေးသွားမယ်လို့ ပိုဆောင်ရေးနှင့်ဆက်သွယ်ရေးဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာနကအသိပေးထုတ်ပြန်ထားပါတယ်။

#Local_News
Published 14 July 2026
#ယာဉ်မောင်းလိုင်စင်
#YMG/NN #Yangon_Times