မဟာသင်္ကြန်နှစ်သစ်ကူးရုံးပိတ်ရက်ကာလအတွင်း ခရီးသွားပြည်သူများနဲ့ ဌာနဆိုင်ရာဝန်ထမ်းများ အဆင်ပြေစွာခရီးသွားလာနိုင်ဖို့ အထူးရထားများ တိုးချဲ့ပြေးဆွဲပေးသွားမှာဖြစ်ပြီး အထူးရထားများရဲ့ လက်မှတ်ခနှုန်းထား တွေကိုတော့ ပုံမှန်လက်မှတ်နှုန်းထားများနဲ့ ပြေးဆွဲပေးသွားမယ်လို့ ပို့ဆောင်ရေးနှင့်ဆက်သွယ်ရေးဝန်ကြီးဌာန မြန်မာ့မီးရထားက သိရပါတယ်။

#Local_News
Published 08 April 2026
#အထူးရထား #မဟာသင်္ကြန်
#YMG/NN #Yangon_Times

မတ်လတစ်လတာအတွင်း ဒေါ်လာ သန်း၇၀ကျော်တန်ဖိုးရှိ ဆန်နှင့်ဆန်ကွဲ တန်ချိန် နှစ်သိန်းသုံးသောင်းကျော်တင်ပို့ထားတယ်လို့ မြန်မာနိုင်ငံဆန်စပါးအသင်း ချုပ်က သိရပါတယ်။

#Local_News
Published 08 April 2026
#ဆန် #ဆန်ကွဲ
#YMG/NN #Yangon_Times

#Daily_News
Published 08 April 2026

၁။‌ ဒေါ်လာသန်း(၇၀)ကျော်တန်ဖိုးရှိ ဆန်နှင့်ဆန်ကွဲ တန်ချိန်နှစ်သိန်းသုံးသောင်းကျော်တင်ပို့ထား

‌‎၂။ ‌‌‌‌‌‌‌‌‌‌‌အထူးရထားများအားပုံမှန်လက်မှတ်ခနှုန်းထားများဖြင့်ပြေးဆွဲပေးမည်

‎၃။‌‌‎ ‌‌‌‌‌‌‌‌‌ပုဂံသို့ သင်္ကြန်ကာလဘုရားဖူးရန်ကြိုတင်ဘိုကင်ယူထားသူများစာရင်းပယ်ဖျက်ခြင်းများရှိလာ

၄။‎ ဟော်မုဇ်ရေလက်ကြားကိုရှောင်လွှားသွားနိုင်မည့်ပိုက်လိုင်းသစ်အစီအစဉ်များ ပင်လယ်ကွေ့နိုင်ငံများပြန်လည်သုံးသပ်လာနိုင်သည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

စီမံကိန်းတန်ဖိုးကျပ် ဘီလျံ(၇၀)ကျော်ရှိအနီရောင်အဆင့် အဆောက်အဦးများပြုပြင်ခြင်း လုပ်ငန်းအပ်နှံစာချုပ်ချုပ်ဆိုပွဲအခမ်းအနားကို ယမန်နေ့၊နံနက်ပိုင်းက နေပြည်တော်ရှိ မင်္ဂလာသီရိဟိုတယ်မှာ ကျင်းပခဲ့တယ်လို့ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်မှ သိရပါတယ်။

#Local_News
Published 08 April 2026
#အနီရောင်အဆင့်အဆောက်အဦး #မြန်မာနိုင်ငံဆောက်လုပ်ရေး
#YMG/SW #Yangon_Times

#Local_News
Published 08 April 2026

■ ကျိုင်းတုံနှင့် တာချီလိတ်ခရိုင်အတွင်း မီးခိုးမြူငွေ့ဖြစ်ပေါ်မှု လျှော့ချရေးအတွက် Fire hotspot ဖြစ်ပွားမှုများနှင့် မြေအသုံးချမှုများအား ဝေဟင်မှ ကြည့်ရှုစစ်ဆေးခဲ့ကြောင်းသယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ သိရသည်။

■ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနအောက်ရှိ သစ်တောဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် မြေတိုင်းဦးစီးဌာနတို့မှ ညွှန်ကြားရေးမှူးချုပ်များ၊ စိုက်ပျိုးရေးဦးစီးဌာနမှ ညွှန်ကြားရေးမှူးချုပ်နှင့် တာဝန်ရှိသူများသည် ကျိုင်းတုံခရိုင်နှင့် တာချီလိတ်ခရိုင်အတွင်း Fire hotspot ဖြစ်ပွားလေ့ရှိသည့် နေရာများနှင့် မြေအသုံးချမှုပြောင်းလဲမှုများကို ဝေဟင်မှကြည့်ရှုစစ်ဆေးရန် ယမာန်နေ့ မနက်ပိုင်းက နေပြည်တော်လေဆိပ်မှ ချက်နိုင်ငံထုတ် Let L 410 အမျိုးအစား သယ်ယူပို့ဆောင်ရေးလေယာဉ်ဖြင့်ထွက်ခွာကြရာ ရှမ်းပြည်နယ်(အရှေ့ပိုင်း) ကျိုင်းတုံမြို့သို့ ရောက်ရှိကြသည်။

■ ထို့နောက် ညွှန်ကြားရေးမှူးချုပ်များနှင့်အဖွဲ့သည် ရှမ်းပြည်နယ်အစိုးရအဖွဲ့ခွဲ (ရှမ်းအရှေ့) ဥက္ကဋ္ဌ၊ ကျိုင်းတုံခရိုင် စီမံခန့်ခွဲရေးအဖွဲ့ဥက္ကဋ္ဌတို့နှင့်အတူ ကျိုင်းတုံခရိုင်နှင့် တာချီလိတ်ခရိုင်အတွင်း မြေ အသုံးချမှုများ၊ Fire hotspot ဖြစ်ပွားမှု များနှင့် မီးခိုးမြူငွေ့ဖြစ်ပေါ်မှု လျှော့ချနိုင် ရေးဝေဟင်မှ ကြည့်ရှုစစ်ဆေးသည်။

■ မွန်းလွဲပိုင်းတွင် ကျိုင်းတုံမြို့ မြို့တော်ခန်းမ၌ နယ်စပ်ဖြတ်ကျော်မီးခိုးမြူငွေ့ ညစ်ညမ်းမှု လျှော့ချရေးဆိုင်ရာ အသိ ပညာပေးရေးဟောပြောပွဲကို ကျင်းပရာ ပတ်ဝန်းကျင်ထိန်းသိမ်းရေးဦးစီးဌာန ညွှန်ကြားရေးမှူးချုပ် ဒေါက်တာဆန်းဦးက “နယ်စပ်ဖြတ်ကျော် မီးခိုးမြူငွေ့ ညစ်ညမ်းမှုထိန်းချုပ်ရေး အားလုံးပူးပေါင်း ပါဝင်ပေး” ခေါင်းစဉ်ဖြင့်လည်းကောင်း၊ သစ်တောဦးစီးဌာန ညွှန်ကြားရေးမှူးချုပ် ဒေါက်တာသောင်းနိုင်ဦးက “ရာသီဥတုပြောင်းလဲမှု၊ တောမီးနှင့် မီးခိုးမြူငွေ့တားဆီးကာကွယ်ရေး” ခေါင်းစဉ်ဖြင့် လည်းကောင်း၊ စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းက “မီးခိုးမြူငွေ့ကင်းစင်ဖို့ စိုက်နည်းစနစ်များပြောင်းကြစို့” ခေါင်းစဉ်ဖြင့်လည်းကောင်း အသိပညာပေးဟောပြောရာ ဌာနဆိုင်ရာဝန်ထမ်းများနှင့် ဒေသခံပြည်သူများတက်ရောက်ကြသည်။

■ ညနေပိုင်းတွင် ကျိုင်းတုံမြို့နယ် လွိုင်မွေမြို့ နယ်စပ်ဒေသတိုင်းရင်းသား လူငယ်များဖွံ့ဖြိုးရေးသင်တန်းကျောင်းခန်းမ၌ နယ်စပ်ဖြတ်ကျော် မီးခိုးမြူငွေ့ ညစ်ညမ်းမှုလျှော့ချရေးဆိုင်ရာ အသိပညာပေးရေးဟောပြောပွဲကိုကျင်းပရာ ဌာနဆိုင်ရာဝန်ထမ်းများနှင့် ဒေသခံပြည်သူများတက်ရောက်ကြကြောင်းသိရသည်။

#YMG/NN #Yangon_Times

#World_News
Published 08 April 2026

■ အမေရိကန်နဲ့ အီရန် ယာယီအပစ်အခတ်ရပ်စဲရေး သဘောတူညီမှုရပြီးနောက် ဧပြီ ၇ ရက်နေ့မှာ ရေနံဈေး သိသိသာသာ ကျဆင်းသွားပြီး အီရန်စစ်ပွဲ ၃၈ ရက်မြောက်နေ့မှာ အားလုံးအတွက် စိတ်သက်သာရာ ရခဲ့ပါတယ်။

■ အမေရိကန် ရေနံစိမ်းအမှတ်တံဆပ်ကြီး West Texas Intermediate က တစ်စည်ကို ၉၃ ဒေါ်လာခန့်သို့ ၁၇ ရာခိုင်နှုန်းကျော် ကျဆင်းသွားပါတယ်။

■ Brent Crude ဆိုရင်လည်း ၉၃.၃၈ ဒေါ်လာဖြင့် ၁၆ ရာခိုင်နှုန်းနီးပါး ကျဆင်းသွားပါတယ်။
အီရန်က ဟော်မုဇ်ရေလက်ကြားကို နှစ်ပတ်တိုင်အောင် လုံခြုံစွာဖြတ်သန်းခွင့် ပေးလိုက်တာကြောင့် ဖြစ်ပါတယ်။

■ ရှယ်ယာဈေးကွက်မှာ ဂျပန်ရဲ့ Nikkei 225 က ၄.၃၈ ရာခိုင်နှုန်း၊ တောင်ကိုရီးယားရဲ့ Kospi က ၅.၇၁ ရာခိုင်နှုန်း မြင့်တက်လာကြောင်း Tokai Tokyo Securities က ဖော်ပြထားပါတယ်။

■ ရေနံတစ်စည်ကို ဒေါ်လာ ၁၀၀ ကျော် တက်ခဲ့ပြီးနောက် အာရှနိုင်ငံတွေမှာ စက်သုံးဆီခွဲတမ်းချခဲ့ရကာ ဟော်မုဇ်ရေလက်ကြား ယာယီပြန်ဖွင့်ဖို့ အီရန်နိုင်ငံခြားရေးဝန်ကြီး ကြေညာခဲ့ပါတယ်။

Source: WION.

#World_Health
Published 08 April 2026

■ ကိုဗစ်-၁၉ နောက်ဆက်တွဲလက္ခဏာတွေဖြစ်တဲ့ နွမ်းနယ်ခြင်း၊ အသက်ရှူမဝခြင်း၊ ဦးနှောက်ထိုင်းမှိုင်းခြင်းတို့နဲ့ ပတ်သက်ပြီး ဗိုက်တာမင်-ဒီ ဖြည့်စွက်ဆေးတွေက ဒီလက္ခဏာတွေအပေါ် သက်ရောက်နိုင်မလားဆိုတာကို မတ်စ်ဂျင်နရယ်ဘရစ်ဂမ်မှ သုတေသီများ ဆန်းစစ်ခဲ့ကြပါတယ်။

■ ကိုဗစ်-၁၉ ရောဂါကို မကြာသေးမီက ကူးစက်ထားတဲ့ ၁,၇၄၇ ဦးကို ဗိုက်တာမင်-ဒီ၃ ဖြည့်စွက်ဆေး ပေးတဲ့အဖွဲ့နဲ့ အာနိသင်မရှိတဲ့ဆေး ပေးတဲ့အဖွဲ့ခွဲကာ ရက်သတ္တပတ် ၄ ပတ်ကြာအောင် သုံးစွဲစေခဲ့ပါတယ်။

■ ဗိုက်တာမင်-ဒီ ဖြည့်စွက်ဆေးက ကိုဗစ်နောက်ဆက်တွဲ လက္ခဏာတွေ ဖြစ်နိုင်ခြေကို လျှော့ချနိုင်ပေမယ့် ရောဂါကူးစက်ပြင်းထန်မှုကိုတော့ သက်ရောက်နိုင်ခြေ မရှိကြောင်း ထိုဆေးရုံမှ ဒေါက်တာ ဂျိုအန်မန်ဆန်က ပြောပါတယ်။

■ လက္ခဏာပြင်းထန်ခြင်း၊ ဆေးရုံတက်ရောက်ရခြင်း၊ အရေးပေါ်ကုသမှုခံယူခြင်းတို့လို ရေတိုသက်ရောက်မှုတွေကိုတော့ သိပ်ပြီးမပြောင်းလဲပေးနိုင်ပါဘူး။

■ ဗိုက်တာမင်-ဒီ သုံးစွဲသူတွေထဲက ၂၁ ရာခိုင်နှဒန်းက ရောဂါကူးစက်ပြီး ၈ ပတ်ကြာတဲ့အခါ လက္ခဏာတစ်ခု အနည်းဆုံးဖြစ်ပေါ်ပြီး အခြားအဖွဲ့ကတော့ ၂၅ ရာခိုင်နှုန်းက လက္ခဏာခံစားခဲ့ရပါတယ်။

■ ဒါ့အပြင် ခန္ဓာကိုယ်ထဲက ရောင်ရမ်းခြင်းကို ထိန်းညှိပေးနိုင်တာကြောင့်လည်း ရေရှည်ပြဿနာတွေအပေါ် သက်ရောက်ကောင်း သက်ရောက်နိုင်ပါတယ်။

■ ရောဂါမကူးစက်ခင် ဒါမှမဟုတ် ရောဂါတွေ့ပြီးနောက်ချက်ချင်း ဗိုက်တာမင်-ဒီ စသောက်သင့်ပါတယ်။

■ ဗိုက်တာမင်-ဒီက ကိုဗစ်နောက်ဆက်တွဲလက္ခဏာတွေရဲ့ ပြင်းထန်မှု၊ ဖြစ်နိုင်ခြေတို့ကို လျှော့ချနိုင်လား ဆိုတာကိုတော့ လေ့လာမှုကြီးတွေ ပြုလုပ်ရဦးမှာ ဖြစ်ပါတယ်။

Source: Fox News.

#World_Health
Published 08 April 2026

■ အချိန် ၂ နှစ်ကြာအောင် ဗိုက်တာမင်ဖြည့်စွက်ဆေး နေ့စဉ်သုံးစွဲသူတွေဟာ ကိုယ်တွင်းဇီဝသက်တမ်းအိုမင်းခြင်း ၄ လစာလောက် နှေးသွားခဲ့ပြီး ၂၄ လအတွင်းမှာ လ ၂၀ သာ အိုမင်းသွားခဲ့တာ ဖြစ်ပါတယ်။

■ ကိုယ်တွင်းဇီဝသက်တမ်း အိုမင်းရင့်ရော်ခြင်းဆိုတာက ဆဲလ်အဆင့် ယိုယွင်းဆုတ်ယုတ်လာတာကို ညွှန်ပြပါတယ်။

■ ဒါကြောင့် မျိုးရိုးဗီဇ၊ နေထိုင်စားသောက်မှုပုံစံ၊ ဆေးမှတ်တမ်းတို့အပေါ် မူတည်ပြီး လူတစ်ယောက်ရဲ့ ပြင်ပအသက်နဲ့ ကိုယ်တွင်းဇီဝသက်တမ်း အနည်းငယ် ကွာခြားနိုင်ပါတယ်။

■ လေ့လာချက်အစပိုင်းမှာ ကိုယ်တွင်းဇီဝသက်တမ်း အိုမင်းမြန်ဆန်သူတွေက ဗိုက်တာမင်အားဆေး အသုံးပြုခြင်းကနေ အကျိုးကျေးဇူးများစွာ ရရှိခဲ့ပါတယ်။

■ COSMOS စမ်းသပ်ချက်ရဲ့ တစ်စိတ်တစ်ပိုင်းထဲမှာ အသက် ၆၀ အထက် အမျိုးသားတွေနဲ့ ၆၅ နှစ်အထက် အမျိုးသမီးတွေ ၉၅၈ ဦး ပါဝင်ခဲ့ပါတယ်။

■ ဗိုက်တာမင်မျိုးစုံ ဖြည့်စွက်ဆေးတွေက မျိုးဗီဇစက်ဝန်း ၅ ခုထဲက ၂ ခုဖြင့် တိုင်းတာရာမှာ ကိုယ်တွင်းဇီဝအိုမင်းခြင်းအပေါ် အကျိုးအာနိသင် ရရှိစေတာ တွေ့ရပါတယ်။

■ ဗိုက်တာမင်အာဆေးတွေက လူ့အသက်ကို တိုက်ရိုက်ဆွဲဆန့်ပေးတာ မဟုတ်ဘဲ ကျန်းမာရေးနဲ့ ညီညွတ်စွာ အိုမင်းရင့်ရော်လာစေတဲ့သဘော ဖြစ်ပါတယ်။

■ ရေရှည်သက်ရောက်မှုတွေကို အတည်ပြုနိုင်ဖို့ နောက်ထပ်သုတေသနတွေ ပြုလုပ်ဖို့ လိုအပ်ပါသေးတယ်။

■ ဗိုက်တာမင်အားဆေးတွေရဲ့ ဘယ်လိုပါဝင်ပစ္စည်းတွေက ကိုယ်တွင်းဇီဝသက်တမ်းအပေါ် သက်ရောက်လဲဆိုတာကိုတော့ သေချာမသိရသေးပါဘူး။

Source: NBC News

၈ ဧပြီ၊၂၀၂၆

တရုတ် ဝင်ပါလာပြီးနောက် ပါကစ္စတန်က ကြားခံပေးတဲ့ အပစ်အခတ်ရပ်စဲရေးကို အီရန်က လက်ခံလိုက်  ပြီလို့ သိရပါတယ်။ တီဟီရန်ဘက်က အချက် ၁၀ ချက်ပါ အစီအစဉ်ကို တောင်းဆိုနေချိန်မှာပဲ ဧပြီလ ၁၀ ရက်နေ့မှာ ပါကစ္စတန်နိုင်ငံ အစ္စလမ်မာဘတ်မြို့တွင် မေရိကန်နဲ့ ဆွေးနွေးပွဲတွေ လုပ်ဖို့ စီစဉ်ထား  ပါတယ်။ နှစ်ဖက်စလုံးက သဘောတူတယ်ဆိုရင် ၁၅ ရက်ထက်လည်း ကျော်လွန်သွားနိုင်တယ်လို့ အီရန်   အရာရှိတွေက ပြောပါ တယ်။ ဆွေးနွေးပွဲတွေရဲ့ အဓိကရည်ရွယ်ချက်ကတော့ အီရန်ရဲ့ စစ်မြေပြင်က အောင်ပွဲတွေကို သတ်မှတ်  ထားတဲ့ အချိန်ကာလတစ်ခုအတွင်းမှာ နိုင်ငံရေးရလဒ်တွေဖြစ်လာအောင် ပြောင်းလဲဖို့ပဲ ဖြစ်ပါတယ်။

နယူးယောက်တိုင်းမ်စ်မှာ ဖော်ပြထားတဲ့ အီရန်အရာရှိသုံးဦးရဲ့ ပြောစကားအရ၊ တရုတ်နိုင်ငံက နောက် ဆုံးအချိန်မှ ဝင်ပါလာပြီး သံတမန်ရေးအရ အပြင်းအထန် ကြိုးပမ်းပြီးတဲ့နောက်မှာ ပါကစ္စတန်က ကြား   ဝင်စေ့စပ်ပေးတဲ့ နှစ်ပတ်ကြာ အပစ်အခတ်ရပ်စဲရေး အဆိုပြုချက်ကို အီရန်က လက်ခံလိုက်ပြီလို့ သိရ    ပါတယ်။ အဓိက အခြေခံအဆောက်အအုံတွေ တိုက်ခိုက်ခံရလို့ စီးပွားရေးထိခိုက်နစ်နာမှုတွေအတွက် စိုးရိမ်ပူပန်မှုတွေ မြင့်တက်လာချိန်မှာ အခုလို ဆုံးဖြတ်လိုက်တာလို့ အရာရှိတွေက ပြောပါတယ်။ ဒီအပစ်  အခတ်ရပ်စဲရေးကို အီရန်ရဲ့ အမြင့်ဆုံးခေါင်းဆောင်သစ် အယာတိုလာ မိုဂျ်တာဘာ ခါမေနီက အတည်ပြုပေးခဲ့တာလို့ သိရပါတယ်။

အီရန် အမျိုးသားလုံခြုံရေးကောင်စီရဲ့ ထုတ်ပြန်ချက်ထဲမှာတော့ ဒီရလဒ်ကို “အောင်ပွဲ” လို့ ကြေညာခဲ့ပြီး အမေရိကန်၊ အစ္စရေးတို့နဲ့ ၅ ပတ်ကြာ ဖြစ်ပွားခဲ့တဲ့ ပဋိပက္ခအတွင်းမှာ တောင့်ခံခဲ့ကြတဲ့ အီရန် ပြည်သူတွေကို ဂုဏ်ပြုကြောင်း ဖော်ပြထားပါတယ်။ “ဒီအောင်ပွဲအတွက် အီရန်ပြည်သူတွေကို ဂုဏ်ပြု   ပါတယ်။ အောင်ပွဲရဲ့ နောက်ဆုံးအသေးစိတ်တွေကို အပြီးမသတ်ရသေးခင်အချိန်အထိ အရာရှိတွေနဲ့ ပြည်သူတွေအနေနဲ့ စည်းလုံးညီညွတ်စွာနဲ့ ကြံ့ကြံ့ခံ ရပ်တည်သွားကြဖို့ ထပ်လောင်းတိုက်တွန်းပါတယ်” လို့ ကောင်စီက ပြောခဲ့ပါတယ်။ ဒါ့အပြင် နောက်ထပ်တိုက်ခိုက်မှုတွေမလာအောင် ကာကွယ်ပေးမယ့် အာမခံချက်တွေ၊ ဟော်မုဇ်ရေလက်ကြားကို အီရန်က ကြီးကြပ်ခွင့်နဲ့ စစ်ပွဲကြောင့် ဆုံးရှုံးသွားတာတွေ   အတွက် လျော်ကြေးပေးရေးတွေ ပါဝင်တဲ့ အီရန်ရဲ့ အချက် ၁၀ ချက်ပါ ငြိမ်းချမ်းရေးမူဘောင်ကို အမေ   ရိကန်ဘက်က အခြေခံအားဖြင့် သဘောတူထားတယ်လို့လည်း အဲဒီထုတ်ပြန်ချက်မှာ ဆိုထားပါ  တယ်။ ဒါပေမယ့် အမေရိကန်သမ္မတ ဒေါ်နယ်ထရမ့်ကတော့ Truth Social က ပို့စ်တစ်ခုမှာ ဝါရှင်တန်အနေနဲ့ ဒီအဆိုပြုချက်ကို ဆွေးနွေးဖို့လောက်ပဲ ဆန္ဒရှိတယ်လို့ ပြောပြီး သတိထားတဲ့လေသံနဲ့ တုံ့ပြန်ခဲ့ပါတယ်။

Source:WION

၇ဧပြီ၊၂၀၂၆
အီရန်သမ္မတ မာဆွတ်ဒ် ပီဇက်ရှ်ကီယန်က တိုင်းပြည်အတွက် သူကိုယ်တိုင် အသက်စွန့်မယ်လို့ ကတိ ပေးခဲ့သလို အီရန်ပြည်သူတွေကလည်း နိုင်ငံကို ကာကွယ်ဖို့ အသင့်ရှိနေတယ်လို့ ပြောခဲ့ပါတယ်။

အမေရိကန်သမ္မတ ဒေါ်နယ်ထရမ့်က အင်္ဂါနေ့မှာ အီရန်ကို ထပ်ပြီး ခြိမ်းခြောက်ခဲ့ပါတယ်။ အမေရိကန်ရဲ့ တောင်းဆိုချက်တွေကို လက်ခံဖို့ သူပေးထားတဲ့ နောက်ဆုံးရာဇသံကိုသာ အီရန်ဘက်က မလိုက်နာဘူး ဆိုရင် "ယဉ်ကျေးမှုတစ်ရပ်လုံး ပျက်သုဉ်းသွားမယ်" လို့ သတိပေးခဲ့တာပါ။ "ဒီနေ့ညမှာတင် ယဉ်ကျေး မှုတစ်ရပ်လုံး ပျက်သုဉ်းသွားလိမ့်မယ်၊ ဘယ်တော့မှ ပြန်လည်ရှင်သန်နိုင်တော့မှာ မဟုတ်ဘူး။ အဲဒီလို မဖြစ်စေချင်ပေမယ့် ဖြစ်လာဖို့တော့ သေချာသလောက်ပါပဲ" လို့ ထရမ့်က သူ့ရဲ့ Truth Social ပလက် ဖောင်းမှာ ရေးသားခဲ့ပါတယ်။ "ဘယ်သူ သိနိုင်မှာလဲ" လို့လည်း သူက ဆိုပါတယ်။

တနင်္လာနေ့တုန်းကလည်း အပစ်အခတ်ရပ်စဲရေးသာ မရဘူးဆိုရင် အီရန်ရဲ့ အခြေခံအဆောက် အအုံတွေ ကို ဖျက်ဆီးပစ်မယ့် အစီအစဉ် အမေရိကန်မှာ ရှိတယ်လို့ ထရမ့်က ထပ်လောင်း ခြိမ်းခြောက်ခဲ့ပါသေး တယ်။ "အရှေ့ပိုင်းစံတော်ချိန် ည ၈ နာရီအရောက်မှာ အီရန်က တံတားတိုင်း၊ ဓာတ်အားပေးစက်ရုံတိုင်း အပြီးတိုင် ပြိုကျပျက်စီးသွားမယ့် အစီအစဉ်တစ်ခု ကျွန်တော်တို့ဆီမှာ ရှိတယ်" လို့ သူက ပြောခဲ့ပြီး သူ ကိုယ်တိုင်လည်း ဒါကို ဆက်မလုပ်ချင်ပါဘူးလို့ ဆိုခဲ့ပါတယ်။ ဒီလိုသာ လုပ်လိုက်ရင် အီရန်အနေနဲ့ ပြန်လည်တည်ဆောက်ဖို့ "နှစ် ၁၀၀ လောက်" အချိန်ယူရနိုင်တယ်လို့လည်း သူက မှတ်ချက်ပေးခဲ့ပါ တယ်။

တစ်ချိန်တည်းမှာပဲ အီရန်သမ္မတ မာဆွတ်ဒ် ပီဇက်ရှ်ကီယန်က တိုင်းပြည်အတွက် သူကိုယ်တိုင် အသက် စွန့်မယ်လို့ ကတိပေးခဲ့ပြီး အီရန်ပြည်သူတွေကလည်း နိုင်ငံကို ကာကွယ်ဖို့ အသင့်ရှိနေတယ်လို့ ပြောခဲ့ ပါတယ်။ "အခုချိန်အထိ ဂုဏ်ယူစရာကောင်းတဲ့ အီရန်ပြည်သူ ၁၄ သန်းကျော်က အီရန်နိုင်ငံကို ကာကွယ် ဖို့အတွက် သူတို့အသက်တွေကို စွန့်လွှတ်ဖို့ အဆင်သင့်ရှိကြောင်း ကြေညာထားကြပါတယ်။ ကျွန်တော် ကိုယ်တိုင်လည်း အီရန်နိုင်ငံအတွက် အသက်စွန့်ခဲ့သူ၊ စွန့်နေသူဖြစ်သလို ရှေ့ဆက်ပြီးတော့လည်း အသက်စွန့်သွားမယ့်သူ ဖြစ်ပါတယ်" လို့ X မှာ သူက ရေးသားခဲ့ပါတယ်။

အီရန် အားကစားဒုတိယဝန်ကြီး အလီရီဇာ ရာဟီမီက နိုင်ငံက အားကစားသမားတွေနဲ့ အနုပညာရှင် တွေကို လျှပ်စစ်ဓာတ်အားပေးစက်ရုံတွေ ပတ်လည်မှာ "လူသားကွင်းဆက်တွေ" ဖွဲ့ကြဖို့ သီးသန့် တိုက်တွန်းခဲ့ပါတယ်။ ဒါဟာ ဖြစ်လာနိုင်တဲ့ လေကြောင်းတိုက်ခိုက်မှုတွေကို ဟန့်တားဖို့အတွက် ပြယုဂ် တစ်ခုအနေနဲ့ရော လက်တွေ့လုပ်ရပ်အနေနဲ့ပါ ကြိုးပမ်းမှုတစ်ခု ဖြစ်ပါတယ်။ ဗီဒီယိုမက်ဆေ့ချ် တစ်ခု ကနေ သူက လူငယ်တွေ၊ အားကစားသမားတွေ၊ အနုပညာရှင်တွေ၊ ကျောင်းသားတွေနဲ့ ဆရာ၊ ဆရာမ တွေကို အင်္ဂါနေ့ ဒေသစံတော်ချိန် နေ့လယ် ၂ နာရီမှာ လျှပ်စစ်ဓာတ်အားပေးစက်ရုံတွေနား လာစုကြဖို့ ဖိတ်ခေါ်ခဲ့ပါတယ်။ "ဒါတွေဟာ ကျွန်တော်တို့ရဲ့ ကြွယ်ဝချမ်းသာမှုတွေနဲ့ ပိုင်ဆိုင်မှုတွေပါပဲ" လို့ သူက ပြောခဲ့ပါတယ်။
Source WION

လောင်စာဆီဈေးနှုန်း မြင့်တက်နေခြင်းက ဖိလစ်ပိုင်မှာ အများပြည်သူဘဝတွေကို ခက်ခဲစေပြီး သွားလာပိုဆောင်ရေး လုပ်ကိုင်သူတွေ အကြပ်အတည်းဖြစ်လာကာ အစိုးရက တရုတ်နဲ့အခြားနိုင်ငံတွေကနေ လောင်စာများ အစားထိုးရယူဖို့ ကြိုးပမ်းလာရပါတယ်။

#Asia_Crisis
Published 07 April 2026
#ဖိလစ်ပိုင် #တရုတ်
#YMG #Yangon_Times #Yangon_Media_Group

ရန်ကုန်မြို့ရှိ ရွှေတိဂုံစေတီတော်မှာ နှစ်သစ်မင်္ဂလာအခမ်းအနားကို ဧပြီလ(၁၇) ရက်နေ့ မြန်မာနှစ်ဆန်း ၁ ရက်နေ့မှာ ကျင်းပသွားမယ်လို့ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့ကနေ သိရပါတယ်။

#Local_News
Published 07 April 2026
#ရွှေတိဂုံစေတီတော်
#YMG/NN #Yangon_Times