#Local_News
Published 27 August 2026

■ ကရင်ရိုးရာဝါခေါင်လချည်ဖြူဖွဲ့မင်္ဂလာ အခမ်းအနားကို ယမန်နေ့နံနက်ပိုင်းက တွံတေးခရိုင်၊ တွံတေးမြို့နယ်ရှိ သုံးအိမ်ကျေးရွာတွင်ကျင်းပပြုလုပ်ခဲ့ကြောင်း သိရသည်။

■ အဆိုပါအခမ်းအနားသို့ ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူး၊ ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း၊ ရန်ကုန်တိုင်းဒေသကြီး ကရင်စာပေနှင့်ယဉ်ကျေးမှုကော်မတီနာယက၊ ဥက္ကဌနှင့် အဖွဲ့ဝင်များ၊ ခရိုင်/မြို့နယ် ဌာနဆိုင်ရာအကြီးအကဲများ၊ ကရင်တိုင်းရင်းသားများ၊ အခြားတိုင်းရင်းသား ညီအစ်ကိုမောင်နှမများနှင့် ဖိတ်ကြားထားသော ဧည့်သည်တော်များ တက်ရောက်ကြပြီး ဦးစွာအခမ်းအနားကို ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူး၊ ရခိုင် တိုင်းရင်းသားလူမျိုးရေးရာဝန်ကြီး ဦးနေမင်းထွန်း၊ ရန်ကုန်တိုင်းဒေသကြီး ကရင်စာပေနှင့်ယဉ်ကျေးမှုကော်မတီနာယက ဦးစောမျိုးချစ်ဦး တို့က ဖားစည် (၉) ချက်တီးကာ ကရင်လူငယ် (၉) ဦး က ကျွဲချိုမှုတ်၍ ဖွင့်လှစ်ပေးသည်။

■ ထို့နောက် ရန်ကုန်တိုင်းဒေသကြီးအစိုးရအဖွဲ့ ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူး က နှုတ်ခွန်းဆက်အမှာစကား ပြောကြားခဲ့ပြီး တွံတေးမြို့နယ် ကရင်စာပေနှင့်ယဉ်ကျေးမှုကော်မတီ ဥက္ကဌ စောခင်ဇော် က ကရင်ရိုးရာ ဝါခေါင်လ ချည်ဖြူဖွဲ့မင်္ဂလာ အကြောင်းအရင်းအား ရှင်းလင်းပြောကြားသည်။

■ ယင်းနောက် ကော့မှူးမြို့နယ် ဆုံရှမ်းကျေးရွာမှ ကရင်ရိုးရာ ဒုံးအကဖြင့် ဖျော်ဖြေကြပြီး တွံတေးမြို့နယ် ဘုရားကျောင်းကျေးရွာမှ ကရင်ရိုးရာ ဒုံးအကဖြင့် ဆက်လက်ဖျော်ဖြေတင်ဆက်ကြပြီး ကရင်လူငယ်မောင်မယ်များမှ လက်ချည်ပွဲ အသုံးအဆောင် (၇) မျိုးပါဝင်သည့် စကောများသယ်ဆောင်လာပြီး ကရင်ဘိုးဘွားများက အခမ်းအနားသို့ တက်ရောက်လာကြသည့် ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူး၊ ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း၊ အထူးဖိတ်ကြားထားသော ဧည့်သည်တော်များနှင့် တိုင်းရင်းသားညီအစ်ကို မောင်နှမများအားကရင်ရိုးရာချည်ဖြူဖွဲ့ပေးကြသည်။

■ ယင်းနောက် ကရင်တိုင်းရင်းသားလူမျိုးရေးရာဝန်ကြီး ဦးစောဂျက်ကော့ထူး နှင့် ရခိုင်တိုင်းရင်းသားလူမျိုးရေးရာဝန်ကြီး ဦးနေမင်းထွန်း တို့က တိုင်းရင်းသားရိုးရာယဉ်ကျေးမှု အကအဖွဲ့များအား ဂုဏ်ပြုချီးမြှင့်ငွေများပေးအပ်ကြကြောင်းသိရသည်။

#YMG/NN #Yangon_Times

#Local_News
Published 27 August 2026

■ ကမ္ဘာ့ဘောလုံးအဖွဲ့ချုပ် FIFAe Football (Mobile) အာရှအဆင့် ပတ်လည်ပွဲစဉ်များအား တက်ရောက် ကစားခွင့်ရရှိခဲ့သည့် မြန်မာအသင်းသည် ပွဲစဉ်များအားလုံးအပြီးတွင် အဆင့်(၇)နေရာ၌ ရပ်တည်နိုင်ခဲ့ကြောင်းသိရသည်။

■ မလေးရှားနိုင်ငံ ကွာလာလမ်ပူမြို့မှာ ဩဂုတ် ၁၉ ရက်ကကျင်းပခဲ့သည့် FIFAe World Cup 2026™ ft. eFootball™ Mobile ပြိုင်ပွဲရဲ့ Continental Championship - Asia အဆင့်မှာ မြန်မာက ဂျပန်၊ ထိုင်း၊ အင်ဒိုနီးရှား၊ ဥဇဘတ်ကစ္စတန်၊ ဂျော်ဒန်၊ မလေးရှား၊ အိန္ဒိယ တို့နှင့်ယှဉ်ပြိုင်ခဲ့ရပြီး ထိုင်းကို အနိုင်၊ ဥဇဘတ်ကစ္စတန်နှင့်ဂျော်ဒန် တို့ကိုသရေ၊ ဂျပန်၊ မလေးရှား၊ အင်ဒိုနီးရှား၊ အိန္ဒိယတို့ကိုအရေးနိမ့်ခဲ့ကြောင်းသိရသည်။

■ ယခုနှစ်တွင် မြန်မာနိုင်ငံဘောလုံးအဖွဲ့ချုပ်နှင့် မြန်မာအီလက်ထရောနစ်အားကစား အဖွဲ့ချုပ်တို့အတူတကွ ပူးပေါင်းပြီး ကမ္ဘာ့ဘောလုံးအဖွဲ့ချုပ် (ဖီဖာ)က ကျင်းပသည့် FIFAe Football (Console and Mobile) ပွဲစဉ်များကို Nations League အဆင့်မှစတင်ကာ ပါဝင်ယှဉ်ပြိုင်ခဲ့ခြင်း ဖြစ်သည်။

■ ထိုသို့ယှဉ်ပြိုင်ကြရာတွင် Console အသင်းမှာ Nations League အဆင့်၌ကျေနပ်ခဲ့ရပြီး Mobile အသင်းမှာမူ Consistency Ranking အရ နောက်တဆင့်ဖြစ်သည့် Continental Championship ကိုတက်ရောက်ကစားခွင့်ရခဲ့ခြင်းဖြစ်သည်။

■ ၂၀၂၇ ခုနှစ် ဖီဖာပြိုင်ပွဲများအတွက် မြန်မာနိုင်ငံဘောလုံးအဖွဲ့ချုပ်နှင့် မြန်မာအီလက်ထရောနစ်အားကစား အဖွဲ့ချုပ်တို့ဆက်လက်ပြီး ကြိုတင်ပြင်ဆင်သွားမည်ဖြစ်ကြောင်းသိရသည် ။

#YMG/NN #Yangon_Times

#World_News
Published 27 August 2026

■ ဗုဒ္ဓဟူးနေ့က ဟိမဝန္တာတောင်တန်းဒေသ နီပေါနဲ့ တရုတ်နယ်စပ်အနီး ဖြစ်ပွားခဲ့တဲ့ ရုတ်တရက် ရေကြီးရေလျှံမှုကြောင့် အနည်းဆုံး လူ ၁၆၀ သေဆုံးခဲ့ပြီး ခရီးသွားများ၊ အလုပ်သမားများ၊ အခြားဒေသခံ အများအပြား ပျောက်ဆုံးနေကာ အချို့ဒေသတွေမှာ လမ်းပန်းဆက်သွယ်ရေးလည်း ပြတ်တောက်သွားခဲ့ပါတယ်။

■ ပူနွေးလာခြင်းကြောင့် ဟိမဝန္တာဒေသရှိ ရေခဲတောင်ပြိုကျမှုကြောင့် ယခုကဲ့သို့ ဖြစ်ပွားရတာ ဖြစ်နိုင်ကြောင်း သုံးသပ်ထားပါတယ်။

■ နှစ်ဖက်စလုံးမှာ လူပေါင်းရာနဲ့ချီ ပျောက်ဆုံးနေဆဲဖြစ်ပြီး ယင်းတို့အနက် ဒေသတွင်း သွားလာလည်ပတ်နေတဲ့ နိုင်ငံခြားသား ၃၄၀ ကျော် ပါဝင်ပါတယ်။

■ ပျောက်ဆုံးနေတဲ့ နိုင်ငံခြားသားအများစုဟာ ကိုင်လက်ရှ်တောင်သို့ သွားရောက်သူများနဲ့ ဂိုဆိုင်ကွန်ဒါကန်အနီး တောင်တက်သူများ ဖြစ်ကြပါတယ်။

■ ရေတိုးလာခြင်းကြောင့် ကျေးရွာအများအပြား ပျက်စီးခဲ့ရပြီး ရေအားလျှပ်စစ်စီမံကိန်းများ ထိခိုက်ခဲ့ကာ တံတား ၁၉ စင်းနဲ့ လမ်း ကီလိုမီတာ ၄၀ ခန့် ရေထဲပါသွားခဲ့ပါတယ်။

■ အမေရိကန် မြေတိုင်းစစ်ဆေးရေးအဖွဲ့က နယ်စပ်အနီးမှာ ပြင်းအား ၄.၄ အဆင့်ရှိ ငလျင်လှုပ်ခတ်မှုအဖြစ် သတ်မှတ်ခဲ့ပေမယ့် နောက်ပိုင်းမှာ ၅.၂ အဆင့်ရှိ မြေပြိုမှုကြီးအဖြစ် ပြန်လည်သတ်မှတ်ခဲ့ပါတယ်။

■ နီပေါအစိုးရက အိမ်နီးချင်းအိန္ဒိယနဲ့ တရုတ်နိုင်ငံတို့ထံမှ အရေးပေါ်ကယ်ဆယ်ရေးနဲ့ အကူအညီများကို တောင်းခံခဲ့ပါတယ်။

■ ထိခိုက်ပျက်စီးရတဲ့ နိုင်ငံများနဲ့ကုလသမဂ္ဂလိုမျိုး နိုင်ငံတကာအဖွဲ့အစည်းများက အရေးပေါ် လူသားချင်းစာနာမှု အကူအညီများ ပူးပေါင်းညှိနှိုင်းဆောင်ရွက်နေကြပြီး ပျောက်ဆုံးနေသူများကို လိုက်လံစုံစမ်းလျက် ရှိကြပါတယ်။

Source: AP News

#World_Health
Published 27 August 2026

■ နံနက်ခင်းကော်ဖီထဲမှာ သံလွင်ဆီ ထည့်သောက်ခြင်းက ဝိတ်ကျခြင်း၊ ဇီဝကမ္မဖြစ်စဉ် မြှင့်တင်ပေးခြင်းနဲ့ မီးယပ်သွေးဆုံးချိန် ဟော်မုန်းများ မျှတစေခြင်းတို့အတွက် ကူညီပေးတယ်လို့ ဆိုရှယ်မီဒီယာပေါ်မှာ ခေတ်စားနေပါတယ်။

■ ဒီခေတ်စားမှုဟာ ကော်ဖီထဲ ထောပတ် ဒါမှမဟုတ် MCT ဆီ ထည့်သောက်တဲ့ Bulletproof coffee နဲ့ Starbucks ရဲ့ Oleato အဖျော်ယမကာများမှတဆင့် စတင်ခဲ့ပြီး အယူအဆတစ်ခုကနေ ကျန်းမာရေးကြော်ငြာများအဖြစ် ပြောင်းလဲသွားခဲ့ပါတယ်။

■ သံလွင်ဆီမှာ ကျန်းမာရေးအတွက် ကောင်းမွန်တဲ့ အဆီဓာတ်နဲ့ အောက်ဆီဂျင် ဓာတ်တိုးဆန့်ကျင်ပစ္စည်းများ ကြွယ်ဝစွာ ပါဝင်ပေမယ့် ဒီအကျိုးကျေးဇူးများဟာ ကော်ဖီထဲ ထည့်သောက်ခြင်းကြောင့် ရတာမဟုတ်ပါဘူး။

■ ကော်ဖီထဲ သံလွင်ဆီ ထည့်သောက်ခြင်းက ရင်ပူခြင်း၊ မီးယပ်သွေးဆုံးချိန် စိတ်အပြောင်းအလဲဖြစ်ခြင်း၊ အီစထရိုဂျင်ဟော်မုန်းပမာဏ မျှတစေကြောင်း ပြသနိုင်တဲ့ သိပ္ပံနည်းကျအထောက်အထား၊ ဇီဝလုပ်ဆောင်ချက် အထောက်အထား မရှိပါဘူး။

■ သံလွင်ဆီတစ်ဇွန်းမှာ ကယ်လိုရီ ၄၅ မှ ၁၂၀ အထိ ပါဝင်ပြီး နေ့စဉ်ကယ်လိုရီစားသုံးမှုကို ထိန်းညှိခြင်း မရှိပါက အဝလွန်ခြင်းသာ ဖြစ်စေနိုင်ပါတယ်။

■ အစာအိမ်ထဲမှာ အစာမရှိချိန် သံလွင်ဆီသောက်ခြင်းဟာ အချို့သူတွေမှာ အစာမကြေခြင်း၊ ပျို့အန်ချင်ခြင်း၊ ဗိုက်လေးခြင်း ဒါမှမဟုတ် ဝမ်းလျှောခြင်းတို့ကို ဖြစ်စေနိုင်ပါတယ်။

■ သံလွင်ဆီကို ကော်ဖီထဲ ထည့်သောက်ခြင်းထက် အာဟာရဓာတ် စုပ်ယူမှုကို ပိုမိုအားကောင်းစေတဲ့ အသုပ်များ ဒါမှမဟုတ် ဟင်းသီးဟင်းရွက် အစားအစာများနဲ့အတူ တွဲဖက်စားသုံးခြင်းက အကောင်းဆုံး ဖြစ်ပါတယ်။

Source: The Jerusalem Post

#World_Health
Published 27 August 2026

■ အသက်ရှည်ရှည်နေရဖို့ထက် ရုပ်ပိုင်း၊ စိတ်ပိုင်းဆိုင်ရာ စိန်ခေါ်မှုတွေနဲ့ ပိုမိုကောင်းမွန်တဲ့ဘဝ ဖြတ်သန်းဖို့ကို အဓိကထားသင့်ပါတယ်။

■ ဒီအတွက် စိတ်ဖိစီးမှုလျှော့ချရန်နဲ့ အာရုံစူးစိုက်မှု တိုးတက်စေရန်အတွက် ဖုန်း၊ ကွန်ပျူတာ ဖန်သားပြင်ကြည့်ချိန်တွေ လျှော့ချရပါမယ်။

■ ဖုန်းရဲ့ အသိပေးချက်တွေ ပိတ်ထားပြီး ညဘက်မှာ "Do Not Disturb" စနစ် အသုံးပြုသင့်ပါတယ်။

■ ကောင်းစွာအိပ်ပျော်စေရန်အတွက် ဖုန်းကြည့်မယ့်အစား စိတ်လက်အပန်းဖြေနည်းများ အသုံးပြုကာ အေးမြမှိန်မှောင်တဲ့ အခန်းထဲမှာ တစ်ညကို ၆ နာရီထက်ပိုပြီး အိပ်စက်နိုင်အောင် ကြိုးစားရပါမယ်။

■ မက်ဒီတာရေးနီးယန်း စားသောက်ပုံစံ ကျင့်သုံးပြီး ညနက်မှ အစာစားခြင်းမျိုး ရှောင်ကြဉ်ရပါမယ်။

■ အမှန်တကယ် ဆာလောင်ခြင်းနဲ့ စိတ်ခံစားချက်ကြောင့် အစာစားခြင်းတို့ကို ခြားနားသိရှိရပါမယ်။

■ ကိုယ်လက်လှုပ်ရှားမှု ရှိနေစေရန်၊ စိုးရိမ်စိတ်လျှော့ချရန်တို့အတွက် ပုံမှန်လေး ပေါ့ပါးလေ့ကျင့်ခန်းလုပ်ခြင်းနဲ့ ပြင်ပသဘာဝမှာ အချိန်ကုန်ဆုံးစေခြင်းတို့ ပြုလုပ်သင့်ပါတယ်။

■ စိတ်ဖိစီးမှု ထိန်းချုပ်ရန်၊ အာရုံစူးစိုက်မှုရှိစေရန်၊ ဦးနှောက်ဝန်ပိခြင်းမှ ကာကွယ်ရန် အိမ်တွင်းရှုပ်ပွနေတာများကို နေ့စဉ်ရှင်းလင်းပေးပြီး လုပ်ရမယ့်စာရင်းများ ပြုစုသင့်ပါတယ်။

■ ရေရှည်စိတ်ကျန်းမာရေး အထောက်အကူပြုတဲ့ အပြန်အလှန် ပံ့ပိုးမှုများ တည်ဆောက်နိုင်ဖို့ မိသားစု၊ သူငယ်ချင်းများနဲ့ ဆက်ဆံရေး ပိုမိုနက်ရှိုင်းအောင် လုပ်ဆောင်ပါ။

■ ဘဝရဲ့ နေ့စဉ်စိန်ခေါ်မှုများကို သင်ယူပြီး တိုးတက်မယ့် အခွင့်အရေးများအဖြစ် သဘောထားကာ ကျေးဇူးသိတတ်မှု၊ အကောင်းမြင်စိတ်နဲ့ စူးစမ်းလိုစိတ်တို့ မွေးမြူရပါမယ်။

Source: The Jerusalem Post

NAY PYI TAW, Aug. 26 — The Vietnamese President has invited Myanmar President U Min Aung Hlaing to pay an official visit to Vietnam, as the two countries discussed ways to deepen bilateral cooperation, including trade, investment and regional affairs, during a meeting in Nay Pyi Taw on August 26.

The invitation was conveyed by Vietnamese Foreign Minister H.E. Le Hoal Trung during his meeting with President U Min Aung Hlaing at the Presidential Guest House in Nay Pyi Taw. The Vietnamese foreign minister said he was carrying a message from the Vietnamese leadership inviting the Myanmar President to visit Vietnam and expressing their readiness to welcome him.

The Vietnamese foreign minister said the upcoming visit could open a new chapter in bilateral relations, building on the longstanding ties between the two countries and expanding cooperation in areas of mutual interest. He also said Vietnam respects Myanmar’s sovereignty, territorial integrity and right to independent decision-making, describing Vietnam as a reliable friend of Myanmar.

President U Min Aung Hlaing said Myanmar and Vietnam have maintained longstanding diplomatic relations, which marked their 50th anniversary in 2025. He noted similarities between the two countries in religion, culture and their historical struggles for independence, while highlighting cooperation between their governments and defence sectors.

During the talks, the two sides discussed strengthening government-to-government, parliamentary, military-to-military and people-to-people relations. They also exchanged views on expanding cooperation into new economic sectors and increasing bilateral trade and investment.

The discussions also covered Myanmar’s participation in the upcoming Cambodia-Laos-Myanmar-Vietnam (CLMV) Cooperation Summit and the Ayeyawady-Chao Phraya-Mekong Economic Cooperation Strategy (ACMECS) Summit to be held in Vietnam, as well as continued mutual support between Myanmar and Vietnam on the international stage.

Myanmar officials attending the meeting included Union Minister for the President’s Office U Khin Maung Yi, Union Minister for Foreign Affairs U Tin Maung Swe and other officials. The Vietnamese delegation included Ambassador of Vietnam to Myanmar H.E. Mr. Nguyen Anh Duc and senior officials.

The invitation comes as President U Min Aung Hlaing has undertaken a series of official overseas visits since assuming the presidency, reflecting Myanmar’s efforts to expand bilateral and regional diplomatic engagement.

ထိုင်းနိုင်ငံမှာ သေနတ်ပစ်ခတ်မှု ဖြစ်ပွားခဲ့ပြီး လူ ၉ ဦးသေဆုံးခဲ့ပြီးနောက် တစ်နိုင်ငံလုံး အတိုင်းအတာဖြင့် လက်နက်ကိုင်ဆောင်မှု ထိန်းချုပ်ရေးစီမံချက်များကို ထုတ်ပြန်ကြေညာလိုက်ပါတယ်။

#Asia_Crime
Published 26 August 2026
#ထိုင်းနိုင်ငံ
#YMG #Yangon_Times #Yangon_Media_Group

နေပြည်တော်၊ ဩဂုတ် ၂၆

ဗီယက်နမ်နိုင်ငံသို့ တရားဝင်ချစ်ကြည်ရေးခရီး လာရောက်ရန် နိုင်ငံတော်သမ္မတ ဦးမင်းအောင်လှိုင်ကို ဗီယက်နမ်သမ္မတက ဖိတ်ကြားလိုက်ပြီး နှစ်နိုင်ငံ ကုန်သွယ်ရေးနှင့် ရင်းနှီးမြှုပ်နှံမှုအပါအဝင် ပူးပေါင်း ဆောင်ရွက်ရေးကဏ္ဍများ တိုးမြှင့်ရန် မြန်မာနှင့် ဗီယက်နမ်တို့ ဩဂုတ် ၂၆ ရက်တွင် နေပြည်တော်၌ ဆွေးနွေးခဲ့ကြသည်။

အဆိုပါဖိတ်ကြားချက်ကို မြန်မာနိုင်ငံသို့ရောက်ရှိနေသည့် ဗီယက်နမ်နိုင်ငံခြားရေးဝန်ကြီး H.E. Le Hoal Trung က နိုင်ငံတော်သမ္မတ ဦးမင်းအောင်လှိုင်နှင့် နေပြည်တော်ရှိ နိုင်ငံတော်သမ္မတ၏ ဧည့်ဆောင် တော်၌ တွေ့ဆုံစဉ် ဗီယက်နမ်နိုင်ငံသမ္မတနှင့် ကွန်မြူနစ်ပါတီ အထွေထွေအတွင်းရေးမှူးချုပ် မစ္စတာ တိုလမ်၏ သတင်းစကားအဖြစ် ပြောကြားခဲ့ခြင်းဖြစ်သည်။

နိုင်ငံတော်သမ္မတ၏ လာမည့်ဗီယက်နမ်ခရီးစဉ်အတွင်း နှစ်နိုင်ငံအကြား နှစ်ပေါင်းများစွာ တည်ဆောက် ထားသည့် ဆက်ဆံရေးအပေါ် အခြေခံကာ ဘုံအကျိုးစီးပွားအတွက် ပူးပေါင်းဆောင်ရွက်မှုကဏ္ဍသစ်များ ဖော်ဆောင်နိုင်မည်ဟု ယုံကြည်ကြောင်း ဗီယက်နမ်နိုင်ငံခြားရေးဝန်ကြီးက ပြောကြားခဲ့သည်။ ဗီယက်နမ် အနေဖြင့် မြန်မာနိုင်ငံ၏ အချုပ်အခြာအာဏာ၊ နယ်မြေပိုင်ဆိုင်မှုနှင့် လွတ်လပ်စွာဆုံးဖြတ်ပိုင်ခွင့်တို့ကို လေးစားကြောင်းနှင့် ယုံကြည်စိတ်ချရသည့် မိတ်ဆွေနိုင်ငံအဖြစ် ဆက်လက်ရပ်တည် မည်ဖြစ်ကြောင်းလည်း ၎င်းက ပြောသည်။

နိုင်ငံတော်သမ္မတက မြန်မာနှင့် ဗီယက်နမ်တို့၏ သံတမန်ဆက်ဆံရေးသည် ၂၀၂၅ ခုနှစ်တွင် နှစ် ၅၀ ပြည့် ကျော်လွန်ခဲ့ပြီဖြစ်ပြီး ဘာသာရေး၊ ယဉ်ကျေးမှုနှင့် လွတ်လပ်ရေးကြိုးပမ်းမှု သမိုင်းကြောင်းများတွင် တူညီမှုများရှိကြောင်း ပြောကြားခဲ့သည်။ နှစ်နိုင်ငံခေါင်းဆောင်များအကြား ဆက်ဆံရေးနှင့် ပူးပေါင်း  ဆောင်ရွက်မှုများအပြင် ကာကွယ်ရေးဆိုင်ရာ ပူးပေါင်းဆောင်ရွက်မှုများလည်း ကောင်းမွန်နေကြောင်း ပြောကြားသည်။

နှစ်ဖက်ဆွေးနွေးမှုတွင် အစိုးရ၊ လွှတ်တော်၊ တပ်မတော်နှင့် ပြည်သူအချင်းချင်း ဆက်ဆံရေး တိုးမြှင့်ရေး၊ စီးပွားရေးပူးပေါင်းဆောင်ရွက်မှု နယ်ပယ်သစ်များ တိုးချဲ့ရေး၊ နှစ်နိုင်ငံကုန်သွယ်မှုနှင့် ရင်းနှီးမြှုပ်နှံမှု တိုးမြှင့်ရေးတို့ကို အဓိကထား ဆွေးနွေးခဲ့ကြသည်။

ထို့ပြင် ဗီယက်နမ်နိုင်ငံ၌ ကျင်းပမည့် ကမ္ဘောဒီးယား-လာအို-မြန်မာ-ဗီယက်နမ် (CLMV) ပူးပေါင်း ဆောင်ရွက်မှု ထိပ်သီးအစည်းအဝေးနှင့် ဧရာဝတီ-ကျောက်ဖရား-မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ (ACMECS) ထိပ်သီးအစည်းအဝေးများတွင် မြန်မာနိုင်ငံ ပါဝင်တက်ရောက်ရေးအပြင် နိုင်ငံတကာမျက်နှာစာ၌ နှစ်နိုင်ငံ အပြန်အလှန်ထောက်ခံရေးတို့ကိုလည်း ဆွေးနွေးခဲ့ကြသည်။

တွေ့ဆုံပွဲသို့ မြန်မာဘက်မှ နိုင်ငံတော်သမ္မတရုံး ပြည်ထောင်စုဝန်ကြီး ဦးခင်မောင်ရီ၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေနှင့် တာဝန်ရှိသူများ၊ ဗီယက်နမ်ဘက်မှ မြန်မာနိုင်ငံဆိုင်ရာ ဗီယက်နမ်သံအမတ်ကြီး H.E. Mr. Nguyen Anh Duc နှင့် အဆင့်မြင့်အရာရှိများ တက်ရောက်ခဲ့ကြသည်။

နိုင်ငံတော်သမ္မတသည် နိုင်ငံတော်သမ္မတအဖြစ်ရွေးကောက်တင်မြှောက်ခံရပြီးနောက် ပထမဆုံး တရားဝင် ပြည်ပခရီးစဉ်အဖြစ် မေလကုန်တွင် အိန္ဒိယနိုင်ငံသို့ သွားရောက်ခဲ့ပြီး၊ ဇွန်လတွင် တရုတ် နိုင်ငံသို့ နိုင်ငံတော်အဆင့် ချစ်ကြည်ရေးခရီး သွားရောက်ခဲ့သည်။ ထို့နောက် ဩဂုတ် ၆ ရက်မှ ၇ ရက်အထိ ထိုင်းနိုင်ငံသို့ တရားဝင်ခရီး သွားရောက်ခဲ့ပြီး ဩဂုတ်လနှောင်းပိုင်းတွင် ရုရှားနှင့် ဘယ်လာရုစ်နိုင်ငံတို့သို့လည်း တရားဝင်ခရီးစဉ်များ သွားရောက်ခဲ့သည်။ ကမ္ဘောဒီးယားနိုင်ငံကလည်း နိုင်ငံတော်သမ္မတကို တရားဝင်ခရီးလာရောက်ရန်ဖိတ်ကြားထားပြီး ယခု ဗီယက်နမ်၏ ဖိတ်ကြားမှုသည် သမ္မတ  တာဝန်ယူပြီးနောက် ဦးမင်းအောင်လှိုင်၏ နိုင်ငံရပ်ခြား တရားဝင်ခရီးစဉ်များ ဆက်တိုက်ပြုလုပ်  နေသည့်  ကာလအတွင်း ထွက်ပေါ်လာခြင်းဖြစ်သည်။

ရွှေတိဂုံစေတီတော်မြတ်ကြီး၌  အသံမစဲမဟာပဋ္ဌာန်းပူဇော်ပွဲကို ငါးရက်တိုင်တိုင်ကျင်းပနေတယ်လို့သိရပါတယ်။

#Local_News
Published 26 August 2026
#ရွှေတိဂုံစေတီတော်
#YMG/NN #Yangon_Times

၂၀၂၇ ခုနှစ် ဇန်နဝါရီ (၄)ရက်မှာကျရောက်မယ့် (၇၉) နှစ်မြောက် လွတ်လပ်ရေးနေ့ကို ဂုဏ်ပြုကြိုဆိုတဲ့အနေနဲ့ “လှပသာယာ ပြည်မြန်မာ” ခေါင်းစဉ်နဲ့ ရောင်စုံဓာတ်ပုံပြိုင်ပွဲကိုကျင်းပသွားမယ်လို့သိရပါတယ်။

#Local_News
Published 26 August 2026
#ဓာတ်ပုံပြိုင်ပွဲ #
#YMG/SW #Yangon_Times

အစားအသောက်နှင့်ဆေးဝါးကွပ်ကဲရေးဦးစီးဌာနအနေနဲ့ ဆေးဝါးများ ဘေးအန္တရာယ်ကင်းရှင်းရေးနဲ့အရည်အသွေးပြည့်မီရေးအတွက် ဆေးဆိုင်များကို လစဉ်စီမံချက်ရေးဆွဲကာစစ်ဆေးနေပြီး ဆေးကုမ္ပဏီတွေရဲ့ ဆေးဝါးသိုလှောင်ရုံများကိုလည်းပုံမှန်စစ်ဆေးနေတယ်လို့ ရန်ကုန်တိုင်းဒေသကြီးအစိုးရအဖွဲ့၊လူမှုရေးရာဝန်ကြီးဦးဗိုလ်ဌေးက ပြောပါတယ်။

#Local_News
Published 26 August 2026
#ဆေးဆိုင် #ဆေးဝါးသိုလှောင်ရုံ
#YMG/NN #Yangon_Times

မြန်မာနဲ့ ဗီယက်နမ်နိုင်ငံတိုအကြား ခရီးသွားလုပ်ငန်း ပူးပေါင်းဆောင်ရွက်မှုတွေ တိုးမြှင့်နိုင်ရေးနဲ့ဈေးကွက်သစ်တွေ ဖော်ဆောင်နိုင်ရေးအတွက် B2B Mini Workshop နဲ့ Famtrip ခရီးစဉ်ကို ဗီယက်နမ်နိုင်ငံမှာ ကျင်းပခဲ့တယ်လို့ မြန်မာနိုင်ငံခရီးသွားလုပ်ငန်းရှင်များအသင်းမှသိရပါတယ်။

#Local_News
Published 26 August 2026
#B2B_Workshop
#YMG/SW #Yangon_Times