#World_News
Published 30 October 2026

■ မြောက်ကိုရီးယားခေါင်းဆောင် ကင်ဂျုံအွန်းက ဒရုန်းနည်းပညာကဏ္ဍမှာ နိုင်ငံအနေနဲ့ “အပြတ်အသတ် အသာစီးရရှိရေး” ကို ရည်မှန်းကြိုးပမ်းဖို့ တိုက်တွန်းလိုက်ကြောင်း နိုင်ငံပိုင် KCNA သတင်းဌာနက အောက်တိုဘာ ၃၀ ရက်နေ့မှာဖော်ပြပါတယ်။

■ ကင်ဂျုံအွန်းဟာ မောင်းသူမဲ့လေယာဉ်နည်းပညာပြပွဲနဲ့ လက်နက်စမ်းသပ်ပစ်ခတ်မှုကို တက်ရောက်ကြည့်ရှုရင်း အခုလိုပြောကြားခဲ့တာပါ။

■ အဲဒီနောက် ပြုလုပ်ခဲ့တဲ့ စစ်ရေးပြပစ်ခတ်မှုမှာတော့ အသေခံတိုက်ခိုက်ရေး ဒရုန်းတွေ၊ နည်းဗျူဟာမြောက် ခရုဇ်ဒုံးကျည်တွေ၊ ဘက်စုံသုံးဒရုန်းတွေနဲ့ ၆၀၀ မီလီမီတာ အရွယ်အစားရှိ ဒုံးပျံအမြောက်စနစ် တပ်ရင်းတစ်ရင်းတို့ ပါဝင်ခဲ့တယ်လို့ KCNA က ဆိုပါတယ်။

■ တစ်ဖက်မှာလည်း တောင်ကိုရီးယားစစ်တပ်က မြောက်ကိုရီးယားဟာ တာတိုပစ် ပဲ့ထိန်းဒုံးကျည်တွေအပါအဝင် ဒုံးကျည်နဲ့ ပစ်ခတ်ရေးပစ္စည်း ၁၀ ခုခန့် ပစ်လွှတ်ခဲ့တယ်လို့ ထုတ်ပြန်ထားပါတယ်။

■ ကင်ဂျုံအွန်းကတော့ ခေတ်သစ်စစ်ပွဲတွေရဲ့ ပုံစံဟာ ပြောင်းလဲလာနေတဲ့အတွက် ဒရုန်းနည်းပညာမှာ အသာစီးရရှိဖို့ ကြိုးပမ်းခြင်းဟာ မဖြစ်မနေ လုပ်ဆောင်ရမယ့် ရွေးချယ်မှုတစ်ခုဖြစ်တယ်လို့ ပြောကြားခဲ့ပါတယ်။

■ ဒါ့အပြင် မောင်းသူမဲ့လက်နက်စနစ်တွေမှာ အဆင့်မြင့် AI နည်းပညာကို အသုံးပြုနိုင်ရေးဟာ ခေတ်မီစစ်တပ်တစ်ရပ် တည်ဆောက်ရာမှာ ဦးစားပေးလုပ်ဆောင်ရမယ့် ကိစ္စဖြစ်တယ်လို့လည်း သူက ပြောဆိုခဲ့ပါတယ်။

■ မြောက်ကိုရီးယားခေါင်းဆောင်ဟာ ဒရုန်းနဲ့ AI နည်းပညာတွေကို စစ်တပ်မှာ ပိုမိုအသုံးချနိုင်ရေးအတွက် အရင်ကလည်း အကြိမ်ကြိမ် တိုက်တွန်းခဲ့ဖူးပါတယ်။

Source-Reuters