ဧရာဝတီတိုင်းရဲ့ ဆန်စပါးဈေးကွက်မှာ မေလ နောက်ဆုံးပတ်အတွင်းက ဆန်၊ စပါး အမျိုးအစားအများစု ဈေးပြန်ကျလာတယ်လို့ မြန်မာနိုင်ငံဆန်စပါးကုန်သည်များအသင်းခွဲ (ဧရာဝတီ) က ထုတ်ပြန်တဲ့ဈေးကွက်အရောင်းအဝယ်အခြေအနေများအရ သိရပါတယ်။

#Local_News
Published 02 June 2026
#ဆန်စပါးဈေးကွက်
#YMG/SW #Yangon_Times

🇲🇲🇮🇳 မြန်မာ-အိန္ဒိယ ပူးတွဲကြေညာချက် အနှစ်ချုပ်

နိုင်ငံတော်သမ္မတ၏ အိန္ဒိယနိုင်ငံ တရားဝင်ခရီးစဉ် - ၂၀၂၆ ခုနှစ် မေ ၃၀ မှ ဇွန် ၃ ရက်အထိ

🔹 သမိုင်းဝင် ပထမဆုံး တရားဝင်ခရီးစဉ်

▪️နိုင်ငံတော်သမ္မတ ဦးမင်းအောင်လှိုင်၏ အိန္ဒိယနိုင်ငံသို့ ပထမဆုံး တရားဝင်ခရီးစဉ် ဖြစ်သည်။

🔹ထိပ်သီးခေါင်းဆောင်များ တွေ့ဆုံ

▪️အိန္ဒိယဝန်ကြီးချုပ် နာရန်ဒရာ မိုဒီနှင့် တွေ့ဆုံ၍ နှစ်နိုင်ငံဆက်ဆံရေး၊ ဒေသတွင်းနှင့် ကမ္ဘာလုံးဆိုင်ရာ အရေးကိစ္စများ ဆွေးနွေး။
▪️အိန္ဒိယသမ္မတ ဒရောပါတီ မာမူ၊ နိုင်ငံခြားရေးဝန်ကြီး အက်စ် ဂျိုင်ရှန်ကာနှင့် အမျိုးသားလုံခြုံရေးအကြံပေး အာဂျစ် ဒိုဗယ်တို့နှင့်လည်း တွေ့ဆုံ။

🔹 ဗုဒ္ဓဘာသာနှင့် ယဉ်ကျေးမှုဆက်နွယ်မှု အားကောင်းစေခြင်း

▪️ဗုဒ္ဓဂါယာ မဟာဗောဓိစေတီတော်နှင့် မြန်မာဘုန်းတော်ကြီးကျောင်းများသို့ ဖူးမြော်ကြည်ညို။
▪️နှစ်နိုင်ငံအကြား ရှေးဟောင်း ဘာသာရေးနှင့် ယဉ်ကျေးမှုဆက်နွယ်မှုများကို ထပ်မံအတည်ပြု။

🔹 စီးပွားရေးနှင့် ကုန်သွယ်ရေး ပူးပေါင်းဆောင်ရွက်မှု တိုးမြှင့်မည်

▪️မြန်မာ-အိန္ဒိယ စီးပွားရေးဖိုရမ် ကျင်းပ။
▪️ကုန်သွယ်ရေး၊ ရင်းနှီးမြှုပ်နှံမှုနှင့် စီးပွားရေးအခွင့်အလမ်းများ ချဲ့ထွင်ရေး ဆွေးနွေး။
▪️စိုက်ပျိုးရေး၊ စွမ်းအင်၊ သတ္တုတွင်းနှင့် ထုတ်လုပ်ရေးကဏ္ဍများတွင် ပူးပေါင်းဆောင်ရွက်မှု တိုးမြှင့်ရန် သဘောတူ။

🔹 ရူပီး-ကျပ် ငွေပေးချေမှုစနစ် တိုးတက်အောင်မြင်

▪️၂၀၂၄ ခုနှစ်တွင် စတင်ခဲ့သည့် Rupee-Kyat Payment Mechanism မှတစ်ဆင့် ငွေလွှဲပြောင်းမှုပမာဏ ဆက်လက်တိုးတက်လာကြောင်း အသိအမှတ်ပြု။

🔹ဒေသတွင်း ချိတ်ဆက်မှုစီမံကိန်းများ အရှိန်မြှင့်မည်

▪️ကုလားတန် ဘက်စုံသုံး သယ်ယူပို့ဆောင်ရေးစီမံကိန်း (Kaladan Project) ကို အမြန်ပြီးစီးရေး။
▪️အိန္ဒိယ-မြန်မာ-ထိုင်း သုံးနိုင်ငံ အဝေးပြေးလမ်းမကြီး (Trilateral Highway) ကို အပြီးသတ်ရေးအတွက် နီးကပ်စွာ ပူးပေါင်းဆောင်ရွက်မည်။

🔹ပညာရေးကဏ္ဍ ပံ့ပိုးမှု တိုးချဲ့

▪️မြန်မာကျောင်းသားများအတွက် Mekong-Ganga ICCR ပညာသင်ဆုများကို ၃၆ ဆုမှ ၁၀၀ ဆုအထိ တိုးမြှင့်ပေးမည်။

🔹လုံခြုံရေးနှင့် နယ်စပ်ပူးပေါင်းဆောင်ရွက်မှု ခိုင်မာစေခြင်း

▪️အကြမ်းဖက်မှု၊ နယ်စပ်ဖြတ်ကျော်ရာဇဝတ်မှုများ တိုက်ဖျက်ရေးနှင့် လုံခြုံရေးပူးပေါင်းဆောင်ရွက်မှု နက်ရှိုင်းစေရန် သဘောတူ။
▪️မြန်မာနိုင်ငံ၏ အချုပ်အခြာအာဏာနှင့် နယ်မြေတည်တံ့ခိုင်မြဲမှုအပေါ် အိန္ဒိယက ထောက်ခံကြောင်း ထပ်လောင်းအတည်ပြု။

🔹မြန်မာဦးဆောင်သော ငြိမ်းချမ်းရေးလုပ်ငန်းစဉ်များအား ထောက်ခံ

▪️ငြိမ်းချမ်းရေး၊ တည်ငြိမ်ရေး၊ အမျိုးသားပြန်လည်သင့်မြတ်ရေးနှင့် လူမှုစီးပွားဖွံ့ဖြိုးတိုးတက်ရေး ကြိုးပမ်းမှုများကို အိန္ဒိယက ထောက်ခံကြောင်း ဖော်ပြ။

🔹စွမ်းအင်နှင့် နည်းပညာပူးပေါင်းဆောင်ရွက်မှု

▪️စွမ်းအင်နည်းပညာ သုတေသနဌာန NETRA သို့ သွားရောက်လေ့လာ။
▪️ပြန်လည်ပြည့်ဖြိုးမြဲစွမ်းအင်၊ လျှပ်စစ်ဓာတ်အားစနစ် ခေတ်မီဖွံ့ဖြိုးရေးနှင့် သုတေသနလုပ်ငန်းများတွင် ပူးပေါင်းဆောင်ရွက်နိုင်မည့် အခွင့်အလမ်းများ ဆွေးနွေး။

🔹မဟာဗျူဟာမြောက် မိတ်ဖက်ဆက်ဆံရေး ထပ်မံအတည်ပြု

▪️နှစ်နိုင်ငံသည် ရေရှည်တည်တံ့သော မိတ်ဖက်ဆက်ဆံရေးကို ဆက်လက်မြှင့်တင်ရန်နှင့် အဆင့်တိုင်းတွင် နီးကပ်စွာ ထိတွေ့ဆောင်ရွက်သွားရန် သဘောတူညီ။

အဓိကရလဒ် (Key Takeaway)

▪️မြန်မာ-အိန္ဒိယ ဆက်ဆံရေးကို စီးပွားရေး၊ လုံခြုံရေး၊ ပညာရေး၊ ချိတ်ဆက်ရေးနှင့် ယဉ်ကျေးမှုကဏ္ဍများတွင် ပိုမိုနက်ရှိုင်းစေရန် နှစ်နိုင်ငံက ကတိကဝတ်ပြုခဲ့သည်။
▪️Kaladan Project၊ Trilateral Highway၊ Rupee-Kyat Payment System နှင့် ပညာသင်ဆုတိုးမြှင့်ရေးတို့သည် ခရီးစဉ်၏ အထင်ရှားဆုံး ရလဒ်များဖြစ်သည်။

ကိုးကား- မြန်မာ-အိန္ဒိယပူးတွဲကြေညာချက်

#Local_News
Published 02 June 2026

■ ၂၀၂၅ခုနှစ်ဒီဇင်ဘာလူထုအားကစားလှုပ်ရှားမှု အထိမ်းအမှတ် (ဝတ္ထုတို၊ ဆောင်းပါး၊ ကဗျာနှင့် ဓာတ်ပုံ) ပြိုင်ပွဲဆုရရှိသူများအား ဆုချီးမြှင့်ပွဲအခမ်းအနား ကျင်းပမည်
ဖြစ်ကြောင်း သိရသည်။

■ အဆိုပါ ၂၀၂၅ ခုနှစ်၊ ဒီဇင်ဘာလူထုအားကစားလှုပ်ရှားမှု အထိမ်းအမှတ် (ဝတ္ထုတို၊ ဆောင်းပါး၊ ကဗျာနှင့် ဓာတ်ပုံပြိုင်ပွဲ) များ ဖိတ်ခေါ်ယှဉ်ပြိုင်ခဲ့ရာ ပြိုင်ပွဲဝင်များမှ ဝတ္ထုတို (၂၆) ပုဒ်၊ ဆောင်းပါး (၅၂) ပုဒ်၊ ကဗျာ (၄၅) ပုဒ်နှင့် ဓာတ်ပုံ (၁၁၅) ပုံတို့ ဝင်ရောက်ယှဉ်ပြိုင်ခဲ့ကြသည်။

■ ပြိုင်ပွဲဝင်များ၏ ဝတ္ထုတိုပြိုင်ပွဲတွင် နီလင်းနွယ်က “နှင်းပွင့်ကြားက ရွှေရောင်အိပ်မက်များ” ခေါင်းစဉ်ဖြင့် ပထမ၊ အင်ကြင်းသူ (မြန်မာစာ) က “ကောင်းမြတ်တဲ့အလှူ” ခေါင်းစဉ်ဖြင့် ဒုတိယ၊ မောင်ငြိမ်းမွန် (ချောင်းဦး) က “ကိုယ်စိုက်တဲ့အပင်” ခေါင်းစဉ်ဖြင့် တတိယ၊ စုသက်မှူး (မရမ်းကုန်း) က နှစ်သိမ့်ဆု၊ ဆောင်းပါးပြိုင်ပွဲ တွင် ပြည့်ထူး(မင်းဘူး)က “အောင်မြင်သော ကမ္ဘာ့အားကစားဇာတ်ခုံဆီသို့ တက်ကြွသောလူထုကြံ့ခိုင်သောလူငယ်ဖြင့် လှမ်းချီစို့” ခေါင်းစဉ်ဖြင့် ပထမ၊ မောင်ကျော်ဇော (ရှင်မတောင်နံ့သာမြေ) က “တစ်မျိုးသားလုံးသက်ရှည်ကျန်းမာကြံ့ခိုင်ရေးမှသည် အားကစားကဏ္ဍ စဉ်ဆက်မပြတ် ဖွံ့ဖြိုးတိုးတက်ရေးသို့” ခေါင်းစဉ်ဖြင့် ဒုတိယ၊ တင်ဝင်း (အား/ကာ-ငြိမ်း) က “မြန်မာနိုင်ငံ၏ အားကစားကဏ္ဍလက်ရှိအခြေအနေအဆင့်နှင့် ပိုမိုတိုးတက်အောင်မြင်လာစေရန် သုံးသပ်အကြံပြုတင်ပြချက်များ” ခေါင်းစဉ်ဖြင့် တတိယ၊ အောင်ချမ်းမြေ့က နှစ်သိမ့်ဆု၊ ကဗျာပြိုင်ပွဲတွင် မင်းယဉ်စုက “အားကစားဖြင့် နိုင်ငံမြှင့်လော့” ခေါင်းစဉ်ဖြင့် ပထမ၊ မင်းသွေးနွယ် (ဇီးကုန်း) က “အားကစားစွမ်းဖြင့် လူ့ဘောင်ကျန်းမာပြည်ကျိုးမြှင့် နိုင်ငံလူမျိုးဂုဏ်ရောင်တင့်” ခေါင်းစဉ်ဖြင့် ဒုတိယ၊ အညာသားဗထူး (ကျားတက်မြေ) က “သက်ရှည်ကျန်းမာကြံ့ခိုင်ရာပြုပါအားကစား” ခေါင်းစဉ်ဖြင့် တတိယ၊ ကြည်သိန်းဇော်က နှစ်သိမ့်ဆု၊ ဓာတ်ပုံပြိုင်ပွဲတွင် အောင်ကျော်ထွန်း (ပံသုကျီ) က ပထမ၊ မိုးဟိန်းထွန်း (မွန်ဆွန်း၊ ရှမ်း/တောင်) က ဒုတိယ၊ မောင်ရ (ခ) စိုးလွင်-ရွှေဓနုက တတိယနှင့် နှစ်သိမ့်ဆု (၁)၊ အောင်နိုင်ဝင်း (အား/ကာ) က နှစ်သိမ့်ဆု (၂)၊ ကျော်ဆန်းမြင့်က နှစ်သိမ့်ဆု (၃)၊ ဘိုသင်း (မန်းတက္ကသိုလ်) က နှစ်သိမ့်ဆု (၄)၊ မျိုးမင်းထိုက် (The Eagle) က နှစ်သိမ့်ဆု (၅) တို့က အသီးသီးဆွတ်ခူးရရှိခဲ့ရာ ဆုပေးပွဲကျင်းပမည့်ရက်အား ဆုရရှိသူများထံ ဆက်သွယ်အကြောင်းကြားသွားမည်ဖြစ်ပြီး အသေးစိတ်သိရှိလိုပါက တယ်လီဖုန်းနံပါတ်၊ ၀၉-၄၂၈၇၁၀၇၀၀၊ ၀၉-၂၅၀၈၄၈၅၁၂ တို့သို့ ဆက်သွယ်မေးမြန်းစုံစမ်းနိုင်သည်။

#YMG/NN #Yangon_Times

#Local_News
Published 2 June 2026
 
■ ၂၀၂၆ - ၂၀၂၇ ပညာသင်နှစ်အတွက် အကြားအာရုံချို့ယွင်းအားနည်းသည့် ကျောင်းသား/ သူများအား လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန လက်အောက်ရှိ နားမကြားသော ကလေးများကျောင်း (ရန်ကုန်)၌ ကျောင်းအပ်လက်ခံခြင်းများ ဆောင်ရွက်ပေးလျက်ရှိကြောင်းသိရသည်။
 
■ အကြားအာရုံချို့ယွင်းအားနည်းသည့် ကျောင်းသား/ သူလေးများအား ကျောင်းအပ်လက်ခံခြင်းများ ဆောင်ရွက်ပေးရာတွင် လာ‌ရောက်အပ်နှံကြသည့် ကျောင်းသား/ သူများအနေဖြင့် အကြားအာရုံချို့ယွင်းအားနည်းသူ ဖြစ်ရမည်ဖြစ်ပြီး အသက်အားဖြင့် အသက် (၆) နှစ်မှ (၁၈)နှစ်အတွင်း ရှိသူဖြစ်ရမည်ဖြစ်ကြောင်း၊ အကြားအာရုံချို့ယွင်းအားနည်းမှုမှလွဲ၍ ကျန်းမာရေးကောင်းမွန်သူ ဖြစ်ရမည်ဖြစ်ကြောင်း၊ စာပေနှင့် အသက်မွေးဝမ်းကျောင်းပညာများကို သင်ယူလိုစိတ်ရှိသူ ဖြစ်ရမည်ဖြစ်ကြောင်း၊ အိမ်ထောင်မရှိဖူးသူ (လူပျို/ အပျို) ဖြစ်ရမည်ဖြစ်ကြောင်း၊ ကျား/ မ၊ လူမျိုးနှင့် ကိုးကွယ်ရာဘာသာမရွေး လျှောက်ထားနိုင်သည်ဖြစ်ပြီး ကျောင်းအပ်နှံပါက မိဘ (သို့မဟုတ်) အုပ်ထိန်းသူကိုယ်တိုင် လာရောက်အပ်နှံရမည်ဖြစ်ကြောင်း စသည့်သတ်မှတ်ချက်များနှင့်အညီ ကျောင်းအပ်လက်ခံဆောင်ရွက်ပေးလျက်ရှိကြောင်း သိရသည်။
 
■ ထို့ပြင်ကျောင်းအပ်နှံရာတွင်လည်း မိဘ (သို့မဟုတ်) အုပ်ထိန်းသူများအနေဖြင့် ကလေး၏ ပတ်စ်ပို့ဓာတ်ပုံ (၄) ပုံ ၊ မွေးစာရင်းမူရင်းနှင့်မိတ္တူ၊ မိဘနှစ်ဦး မှတ်ပုံတင်မူရင်းနှင့် မိတ္တူ၊ အိမ်ထောင်စုဇယား မူရင်းနှင့် မိတ္တူ၊ သက်ဆိုင်ရာရပ်ကွက်အုပ်ချုပ်ရေးမှူး၏ ရပ်ကွက်တွင်နေထိုင်ကြောင်း ထောက်ခံချက်၊ သက်ဆိုင်ရာမြို့နယ်ကျန်းမာရေးဌာန၏ ကူးစက်ရောဂါကင်းရှင်းကြောင်း ထောက်ခံချက်နှင့် အကြားအာရုံချို့ယွင်းမှု တိုင်းတာစစ်ဆေးပြီးသည့် နားကြားနှုန်း (Audiograph dB) စာရွက်စာတမ်းတို့ လိုအပ်မည်ဖြစ်ကြောင်းနှင့် ကျောင်းအပ်နှံမည့်သူများအနေဖြင့် လှူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၊ နားမကြားသော ကလေးများကျောင်း ၊ အမှတ်-၃၄ ၊ F, G၊ အိုးစု (၃) လမ်း၊ မေတ္တာညွန့်ရပ်ကွက်၊ တာမွေမြို့နယ်၊ ရန်ကုန်မြို့သို့လည်းကောင်း တိုက်ရိုက်ဖြစ်စေ၊ တိုင်းဒေသကြီး/ ပြည်နယ်များရှိ လူမှုဝန်ထမ်းရုံးများမှတစ်ဆင့်ဖြစ်စေ စုံစမ်းမေးမြန်းနိုင်ပြီး စာပေပညာနှင့် အသက်မွေးဝမ်းကျောင်း ပညာရပ်တက်ရောက်ခွင့်ရရှိပါက သွားလာရေးခက်ခဲသော ဒေသများမှ နားမကြားသော ကျောင်းသား/ သူများအတွက် စားသောက်နေထိုင်ရေးကို နိုင်ငံတော်က တာဝန်ယူမည်ဖြစ်ပြီး ကျောင်းဝင်ကြေးနှင့် ကျောင်းလခပေးရန်မလိုအပ်ကြောင်း သိရသည်။

■ အဆိုပါ ကျောင်းအပ်လက်ခံခြင်းနှင့်ပတ်သက်၍ အသေးစိတ်သိလိုပါက လူမှုဝန်ထမ်းဦးစီးဌာန၊ မသန်စွမ်းသူများ ဖွံ့ဖြိုးတိုးတက်ရေးဌာနခွဲ၊ ဖုန်းနံပါတ် ၀၆၇-၄၀၄၂၅၂၊ နားမကြားသောကလေး များကျောင်း (ရန်ကုန်) ဖုန်းနံပါတ် ၀၁-၉၅၄၈၈၇၂၊ ၀၉-၂၅၀၀၇၇၂၆၈ တို့ကို (ရုံးချိန်အတွင်း) ဆက်သွယ်စုံစမ်းမေးမြန်းနိုင်ကြောင်း သိရသည်။

#YMG/SW #Yangon_Times

#Local_News
၂ ဇွန်၊နယူးဒေလီ-

■ နိုင်ငံတော်သမ္မတ ဦးမင်းအောင်လှိုင်သည် အိန္ဒိယနိုင်ငံသမ္မတ H.E. Smt. Droupadi Murmu၊ အိန္ဒိယနိုင်ငံဝန်ကြီးချုပ် နာရင်ဒရာမိုဒီတို့နှင့် ဇွန် ၂ရက်က နယူးဒေလီမြို့တွင် တွေ့ဆုံဆွေးနွေးခဲ့ပြီးနောက် ယနေ့ ဇွန် ၂ရက်နေ့တွင် မွမ်ဘိုင်းမြို့သို့ ဆက်လက်ထွက်ခွာသွားကြောင်း သိရသည်။

■ နိုင်ငံတော်သမ္မတသည် ၂-၆-၂၀၂၆ ရက်နှင့် ၃-၆-၂၀၂၆ ရက်တို့တွင် မဟာရက်ရှ်ထရာ ပြည်နယ် အုပ်ချုပ်ရေးမှူး၊ ပြည်နယ်ဝန်ကြီးချုပ်တို့နှင့် တွေ့ဆုံမည်ဖြစ်သကဲ့သို့ မွမ်ဘိုင်းမြို့ခရီးစဉ်အတွင်း စီးပွားရေးဆိုင်ရာတွေ့ဆုံဆွေးနွေးမှုများ ဆောင်ရွက်မည်ဖြစ်သည်။

■ နိုင်ငံတော်သမ္မတသည် နယူးဒေလီတွင်ရှိနေစဉ်အတွင်း အိန္ဒိယနိုင်ငံသမ္မတနှင့်အတူ သမ္မတအိမ်တော် ဧည့်ခန်းမ၌ နှစ်နိုင်ငံအကြား ချစ်ကြည်ရင်းနှီးမှုနှင့်ပူးပေါင်းဆောင်ရွက်မှု မြှင့်တင်ရေးကိစ္စများကို ရင်းနှီးပွင့်လင်းစွာဆွေးနွေးခဲ့ကြ သည်။

■ သမ္မတနှစ်ဦးသည် မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုများနှင့် လက်ရှိရွေးကောက်ခံအစိုးရ၏ နိုင်ငံဖွံ့ဖြိုးတိုးတက်ရေးအပေါ် အိန္ဒိယနိုင်ငံအနေဖြင့် အပြည့်အဝထောက်ခံအားပေးလျက်ရှိမှု၊ နှစ်နိုင်ငံအကြား ပူးပေါင်းဆောင်ရွက်လျက်ရှိသည့် စီမံကိန်းများ သတ်မှတ်ကာလအတွင်းပြီးစီးရေး ဆောင်ရွက်သွားမည့်အခြေအနေများ၊ နှစ်နိုင်ငံ ကုန်သွယ်မှုနှင့် ရင်းနှီးမြှုပ်နှံမှုများတိုးတက်စေရေး ဆက်လက်ဆောင်ရွက်သွားမည့် အခြေအနေများကိုဆွေးနွေးခဲ့ကြကြောင်းသတင်းထုတ်ပြန်ချက်တွင် ဖော်ပြထားသည်။

■ ထို့အပြင် နှစ်နိုင်ငံအကြား ယဉ်ကျေးမှုအမွေအနှစ်များ အပြန်အလှန်ထိန်းသိမ်းရေး၊ ခရီးသွား ကဏ္ဍမြှင့်တင်ရေး ဆက်လက်ဆောင်ရွက်သွားမည့် အခြေအနေများ၊ နှစ်နိုင်ငံအကြား မိတ်ဆွေရင်း၊ မိတ်ဆွေကောင်းနိုင်ငံများဖြစ်မှုအခြေအနေများ၊နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်း ဆောင်ရွက်မှုများ ဆက်လက်တိုးမြှင့် ဆောင်ရွက်သွားမည့် အခြေအနေများနှင့်ပတ်သက်၍ ရင်းနှီးပွင့်လင်းစွာဖြင့် အမြင်ချင်းဖလှယ်ဆွေးနွေးခဲ့ကြကြောင်းသိရှိရသည်။

■ ထို့အပြင်နိုင်ငံတော်သမ္မတသည် အိန္ဒိယဝန်ကြီးချုပ်မိုဒီနှင့်လည်းတွေ့ဆုံဆွေးနွေးခဲ့သည်။ (သီးခြား သတင်းထုတ်ပြန်ပြီး)

■ ကုလားတန်မြစ်ကြောင်းဘက်စုံသုံး ဖြတ်သန်းသယ်ယူပို့ဆောင်ရေးစီမံကိန်းနှင့် အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီး တို့ကို အပြီးသတ်နိုင်ရေးအတွက် နီးကပ်စွာ ပူးပေါင်းဆောင်ရွက်သွားရေးသည်အရေးကြီးကြောင်း နှစ်နိုင်ငံလုံးက တူညီသော သဘောထားရှိကြသည်ဟု ပူးတွဲသတင်းထုတ်ပြန်ချက်တွင်ဖော်ပြထားသည်။

#World_News
Published 02 June 2026

■ မလေးရှားဟာ လူငယ်များအတွက် အွန်လိုင်းဘေးကင်းလုံခြုံရေး အကာအကွယ်များ တင်းကျပ်ရေးနဲ့ ပတ်သက်ပြီး ကမ္ဘာလုံးဆိုင်ရာ ကြိုးပမ်းမှုမှာ ပူးပေါင်းပါဝင်လာကာ အသက် ၁၆ နှစ်အောက် ကလေးငယ် သန်းပေါင်းများစွာကို လူမှုကွန်ရက်အကောင့်များ သုံးစွဲခွင့် ပိတ်ပင်တဲ့ စည်းမျဉ်းများကို တနင်္လာနေ့ကစပြီး အကောင်အထည်ဖော် ဆောင်ရွက်ခဲ့ပါတယ်။

■ အဆိုပါ စည်းမျဉ်းများအရ လူမှုကွန်ရက် ပလက်ဖောင်းများဟာ အသက်အရွယ် စိစစ်သည့်စနစ်များ ထည့်သွင်းရန်နဲ့ အသက် ၁၆ နှစ်အောက် အသုံးပြုသူများ အကောင့်အသစ်မဖွင့်နိုင်အောင် တားဆီးပိတ်ပင်ရန် လိုအပ်ပါတယ်။

■ ယင်းစည်းမျဉ်းများဟာ Facebook၊ Instagram၊ TikTok နဲ့ YouTube အပါအဝင် အသုံးပြုသူ အနည်းဆုံး ၈ သန်းရှိတဲ့ ပလက်ဖောင်းများနဲ့ သက်ဆိုင်မှာဖြစ်ပါတယ်။

■ အွန်လိုင်းအန္တရာယ်များမှ အရွယ်မရောက်သေးသူများကို ကာကွယ်ရန်အတွက် နိုင်ငံအမြောက်အမြားဟာ အသက်အရွယ်အပေါ်အခြေခံတဲ့ လူမှုကွန်ရက်ကန့်သတ်ချက်များကို ပြဋ္ဌာန်းဖော်ထုတ်ခြင်းများ ပြုလုပ်နေကြပါတယ်။

■ ဒီလိုမျိုး တင်းကျပ်တဲ့ပိတ်ပင်မှု‌တွေက ဆယ်ကျော်သက်တွေအနေနဲ့ အထိန်းအကွပ် မရှိတဲ့ ပလက်ဖောင်းတွေဆီ တွန်းပို့ရာ ရောက်နိုင်တယ်လို့ သတိပေးနေကြပါတယ်။

■ ID အချက်အလက်များ တောင်းခံတဲ့အပေါ် လုံခြုံရေးစိုးရိမ်ပူပန်မှုများ မြင့်တက်နေပါတယ်။

■ လူငယ်အသုံးပြုသူများ ထိခိုက်နစ်နာစေမှုအတွက် Meta နှင့် YouTube တို့ နစ်နာကြေးပေးဆောင်ရန် အမိန့်ချမှတ်ခဲ့တဲ့ ဖြစ်စဉ်များအတိုင်း နည်းပညာကုမ္ပဏီများအပေါ် ဥပဒေအရနဲ့ ဘဏ္ဍာရေးဆိုင်ရာ ဖိအားများပိုမိုတိုးမြင့်လာနေပါတယ်။

Source: NDTV

နယူးဒေလီ (ဇွန် ၂)-မြန်မာနိုင်ငံနှင့် အိန္ဒိယနိုင်ငံအကြား နယ်စပ်ဒေသ တည်ငြိမ်အေးချမ်းရေး၊ မူးယစ်   ဆေးဝါး တားဆီးနှိမ်နင်းရေးနှင့် အွန်လိုင်းလိမ်လည်မှု (ကျားဖြန့်) တိုက်ဖျက်ရေး အပါအဝင် သတင်း  အချက်အလက်နှင့် ဉာဏ်ရည်တု (AI) နည်းပညာကဏ္ဍများတွင် ပူးပေါင်းဆောင်ရွက်မှု တိုးမြှင့်ရန် မြန်မာ  နိုင်ငံတော်သမ္မတ ဦးမင်းအောင်လှိုင်နှင့် အိန္ဒိယဝန်ကြီးချုပ် နာရင်ဒရာမိုဒီတို့ ယမန်နေ့က နယူးဒေလီမြို့ရှိ ဝန်ကြီးချုပ်ရုံး (Hyderabad House) ၌ ထိပ်သီးတွေ့ဆုံ ဆွေးနွေးခဲ့ကြသည်။

အဆိုပါ သီးခြားတွေ့ဆုံဆွေးနွေးပွဲတွင် နှစ်နိုင်ငံခေါင်းဆောင်များသည် ငြိမ်းချမ်းစွာ အတူယှဉ်တွဲနေထိုင်  ရေး မူကြီး (၅) ရပ်နှင့်အညီ အိမ်နီးချင်းကောင်း ပီသစွာ ပူးပေါင်းဆောင်ရွက်သွားရန် သဘောတူညီခဲ့ကြ  သည်။

ဆွေးနွေးပွဲ၌ မြန်မာနိုင်ငံအတွက် လိုအပ်လျက်ရှိသော ဆောက်လုပ်ရေးလုပ်ငန်းသုံးပစ္စည်းများ၊ စိုက်ပျိုးရေးသုံး ဓာတ်မြေဩဇာ၊ ဆေးဝါးနှင့် ရေနံထွက်ပစ္စည်းများကို အိန္ဒိယနိုင်ငံမှ တိုးမြှင့်တင်သွင်း  နိုင်ရေးအပြင် ပညာရေး၊ ကျန်းမာရေး၊ ကာကွယ်ရေး၊ ကုန်သွယ်ရေးနှင့် ခရီးသွားလာရေး ကဏ္ဍများကို မြှင့်တင်ရန် အမြင်ချင်းဖလှယ်ခဲ့ကြသည်။ ထို့ပြင် အနာဂတ်ပူးပေါင်းဆောင်ရွက်မှုအဖြစ် အာကာသနည်း ပညာနှင့် AI ကဏ္ဍများကိုပါ ထည့်သွင်းဆွေးနွေးခဲ့ကြသည်။

အဆိုပါ ဆွေးနွေးပွဲသို့ မြန်မာနိုင်ငံဘက်မှ ပြည်ထောင်စုဝန်ကြီးများဖြစ်ကြသည့် ဦးခင်မောင်ရီ၊ ဦးတင်မောင်ဆွေ၊ ဒေါက်တာကံဇော်၊ ဦးမင်းနောင်နှင့် ဒေါက်တာချာလီသန်းတို့ တက်ရောက်ခဲ့ကြပြီး၊ အိန္ဒိယနိုင်ငံဘက်မှ ပြည်ပရေးရာဝန်ကြီး ဒေါက်တာ ဂျိုင်ရှန်ကာ၊ အမျိုးသားလုံခြုံရေးဆိုင်ရာ အကြံပေး ပုဂ္ဂိုလ် မစ္စတာ အဂျစ်ဒိုဗယ် အပါအဝင် အဆင့်မြင့်အရာရှိကြီးများ တက်ရောက်ခဲ့ကြသည်။

ယခုခရီးစဉ်သည် သမ္မတ ဦးမင်းအောင်လှိုင် အနေဖြင့် သမ္မတတာဝန် စတင်ထမ်းဆောင်ပြီးနောက်ပိုင်း ပထမဆုံးအကြိမ် သွားရောက်သည့် ပြည်ပခရီးစဉ်ဖြစ်သည်။ ဝန်ကြီးချုပ် မိုဒီက မြန်မာသမ္မတသစ်၏ ပထမဆုံးပြည်ပခရီးစဉ်အဖြစ် အိန္ဒိယနိုင်ငံကို ရွေးချယ်ခဲ့မှုအပေါ် ဂုဏ်ယူဝမ်းမြောက်ကြောင်းနှင့် သူတို့နှစ်ဦးအကြား ယခုတွေ့ဆုံမှုသည် (၆) ကြိမ်မြောက် ရှိခဲ့ပြီဖြစ်ကြောင်း ပြောကြားခဲ့သည်။

ထို့ပြင် ပြီးခဲ့သည့်နှစ်အတွင်း မြန်မာနိုင်ငံတွင် ဖြစ်ပွားခဲ့သည့် မန္တလေးငလျင်ဘေးအန္တရာယ် ကာလ အတွင်း အိန္ဒိယနိုင်ငံက ကူညီပံ့ပိုးပေးခဲ့မှုများနှင့် ပတ်သက်၍ သမ္မတ ဦးမင်းအောင်လှိုင်က ကျေးဇူး   တင်ရှိကြောင်း ပြန်လည်ပြောကြားခဲ့ပြီး၊ မြန်မာနိုင်ငံအနေဖြင့် မကြာမီက ရွေးကောက်ပွဲကို အောင်မြင်စွာ ကျင်းပနိုင်ခဲ့ကာ ဒီမိုကရေစီလမ်းကြောင်းပေါ်တွင် ခိုင်ခိုင်မာမာ ဆက်လက်လျှောက်လှမ်းနေသည့် အခြေ အနေများကိုလည်း ရှင်းလင်းပြောကြားခဲ့သည်။

ထိပ်သီးဆွေးနွေးပွဲအပြီးတွင် ဝန်ကြီးချုပ် မိုဒီက မြန်မာအဆင့်မြင့်ကိုယ်စားလှယ်အဖွဲ့အား ဂုဏ်ပြု  နေ့လည်စာစားပွဲဖြင့် တည်ခင်းဧည့်ခံခဲ့ပြီး နှစ်နိုင်ငံရိုးရာတေးသီချင်းများဖြင့် ဖျော်ဖြေခဲ့သည်။ ထို့နောက် သမ္မတ ဦးမင်းအောင်လှိုင်သည် Hyderabad House ဧည့်သည်တော်မှတ်တမ်းစာအုပ်တွင် မှတ်တမ်းတင် လက်မှတ်ရေးထိုးခဲ့ပြီး အိန္ဒိယဝန်ကြီးချုပ်၏ လိုက်လံပို့ဆောင်မှုဖြင့် ပြန်လည်ထွက်ခွာခဲ့ကြောင်း သိရသည်။

#World_Health
Published 02 June 2026

■ ကျွမ်းကျင်သူများ ပြောကြားချက်အရ ည ၉ နာရီနောက်ပိုင်းမှ ပုံမှန်ညစာစားခြင်းဟာ ခန္ဓာကိုယ် ဇီဝလည်ပတ်မှုပုံစံ ပျက်စီးစေပြီး ညဘက်သဘာဝအတိုင်း ပြန်လည်စုဖွဲ့‌‌ေပးတဲ့ဖြစ်စဉ်ကို အနှောင့်အယှက်ဖြစ်စေကာ ရေရှည်မှာနှလုံးသွေးကြောရောဂါဖြစ်နိုင်ခြေ
မြင့်တက်စေပါတယ်။

■ ည ၉ နာရီနောက်ပိုင်း ညစာစားခြင်းက ခန္ဓာကိုယ်ရဲ့ သဘာဝအတိုင်း အနားယူမှုစနစ်ကို ထိခိုက်စေပြီး သွေးတိုး၊ ဇီဝကမ္မဖြစ်စဉ်ဆိုင်ရာ ပြဿနာများနဲ့ လေဖြတ်နိုင်ခြေတို့ကို ပိုမိုမြင့်မားစေပါတယ်။

■ ညဉ့်နက်မှ အစာစားခြင်းကြောင့် ဖြစ်ပေါ်လာတဲ့ ညပိုင်းဂလူးကို့စ်ခံနိုင်ရည်စွမ်းရည် ကျဆင်းခြင်းနဲ့ သွေးဖိအားမြင့်တက်ခြင်းတို့ဟာ ဆီးချိုအပါအဝင် ရေရှည်ကျန်းမာရေးဆိုင်ရာ ဘေးထွက်ဆိုးကျိုးများကို ဖြစ်စေနိုင်ပါတယ်။

■ စားပြီးနောက် လှဲနေမယ်ဆိုရင် အက်ဆစ်လျှံတက်ခြင်း၊ အစာမကြေခြင်းတို့ ဖြစ်နိုင်ကာ အိပ်စက်မှု ထိခိုက်စေနိုင်ပါတယ်။

■ ရေရှည်အိပ်ရေးပျက်တဲ့အခါ နှလုံးရောဂါ၊ ဆီးချို၊ အဝလွန်ခြင်းတို့ ဖြစ်လာနိုင်ပါတယ်။

■ ည ၇ နာရီမှ ၈ နာရီအတွင်း ညစာစားသင့်ကာ အိပ်ချိန်နဲ့ ၃ နာရီလောက် ခြားသင့်ပါတယ်။

■ ဒီလိုမျိုး အချိန်မှန်လေး စားတဲ့အခါ နှလုံးသွေးကြောကျန်းမာရေးကို ကာကွယ်ပေးမှာ ဖြစ်ပါတယ်။

Source: NDTV

#World_Health
Published 02 June 2026

■ ဗိုက်တာမင် B12 ဟာ ပုံမှန်အားဖြင့် သွေးနီဥဆဲလ်များ၊ အာရုံကြောကျန်းမာရေးတို့နဲ့သာ ဆက်စပ်လေ့ ရှိကြပေမယ့် ကော်နယ်တက္ကသိုလ်မှ သုတေသနအသစ်များအရ ခန္ဓာကိုယ်မှ စွမ်းအင်ထုတ်လုပ်ပုံနဲ့ ကြွက်သားများ ထိန်းသိမ်းပုံတို့အပေါ်မှာ ပိုမိုသက်ရောက်မှုရှိကြောင်း ဖော်ပြနေပါတယ်။

■ Journal of Nutrition မှာ ဖော်ပြခဲ့တာဖြစ်ပြီး ဗိုက်တာမင် B12 က ဆဲလ်တွင်း ဇီဝကမ္မဖြစ်စဉ်ကို ယခင်က သတိမပြုမိခဲ့တဲ့ နည်းလမ်းများဖြင့် ထောက်ပံ့ပေးပုံကို ဖော်ပြထားပါတယ်။

■ ဒါ့အပြင် ဗိုက်တာမင်ချို့တဲ့မှု လက္ခဏာများ မပေါ်လာခင်ကတည်းက ကြိုတင်သိရှိနိုင်မယ့် အစောပိုင်း သတိပေးအချက်ပြမှုများကိုလည်း ရှာဖွေဖော်ထုတ်ထားပါတယ်။

■ B12 ချို့တဲ့မှုက အရိုးငြမ်းကြွက်သား မိုင်တိုကွန်ဒရီယယ် စွမ်းအင်ထုတ်လုပ်ခြင်းအပေါ် သက်ရောက်မှု ရှိတယ်ဆိုတာကို ပထမဆုံး လေ့လာတွေ့ရှိတာပဲလို့ သုတေသနပြုစုသူ မာသာဖီးလ်က ပြောပါတယ်။

■ သုတေသနပြုချက်အရ ဗိုက်တာမင် B12 ဟာ အဆီဓာတ်ချေဖျက်မှု၊ ဆဲလ်တွင်းအင်္ဂါစုများ ဖိစီးမှုဖြစ်စဉ်နဲ့ မျိုးရိုးဗီဇဆိုင်ရာ ပြင်ပလွှမ်းမိုးမှု ထိန်းညှိခြင်းတို့နဲ့ ဘယ်လိုပတ်သက်နေလဲဆိုတာကို ဖော်ထုတ်နိုင်ခဲ့ပြီး အပြန်အလှန် ချိတ်ဆက်နေတဲ့ ဇီဝကမ္မစနစ် အများအပြားမှာ အဓိကကျတဲ့ ထိန်းညှိမှုအခန်းကဏ္ဍကနေ ပါဝင်နေကြောင်း ပြသနေကာ B12 အနည်းငယ်မျှ လျော့နည်းရုံဖြင့် ခန္ဓာကိုယ်အနှံ့အပြားမှာ ကျယ်ပြန့်တဲ့ သက်ရောက်မှုတွေ ရှိလာနိုင်ကြောင်း ဖော်ပြနေပါတယ်။

■ ကြွက်နဲ့ ဆဲလ်ပုံစံငယ် စမ်းသပ်ချက်များထဲမှာ ဗိုက်တာမင် B12 ချို့တဲ့ခြင်းက ကြွက်သားထုထည်နဲ့ ကြွက်သားခွန်အား လျော့နည်းခြင်းတို့နဲ့ ဆက်စပ်နေကြောင်း ဖော်ပြနေပါတယ်။

■ ဗိုက်တာမင် B12 လုံလောက်စွာမရှိခြင်းက ခန္ဓာကိုယ် ဇီဝကမ္မဖြစ်စဉ်ဆိုင်ရာ ဖိစီးမှုများနဲ့ အိုမင်းရင့်ရော်မှု ရင်ဆိုင်နိုင်စွမ်းကို ကျဆင်းစေကြောင်း ညွှန်ပြနေပါတယ်။

Source: SciTechDaily

ငြိမ်းချမ်းရေးလိုလားတဲ့ ဖွဲစည်းပုံအခြေခံဥပဒေကို ဂျပန်အစိုးရ ပြင်ဆင်ရန်ကြိုးပမ်းမှုများနဲ့ စစ်ရေးချဲ့ထွင်မှုမူဝါဒများကို ဂျပန်ပြည်သူတွေ တိုကျိုမြို့မှာ အင်္ဂါနေ့ကစုဝေးဆန္ဒပြခဲ့ကြပါတယ်။

#Asia_News
Published 01 June 2026
#ဂျပန်
#YMG #Yangon_Times #Yangon_Media_Group

အသက် ၇ နှစ်က ၁၆ နှစ် အတွင်းရှိ ကျောင်းသားကျောင်းသူများပါဝင်ယှဥ်ပြိုင်ကြတဲ့ ကမ္ဘာ့စက်ရုပ်ပြိုင်ပွဲ World Robot Contest (WRC 2026)ကို ရန်ကုန်မြို့ရှိ Rose Garden Hotel မှာ မေလ ၃၀ရက်နဲ့ ၃၁ရက်တွေမှာပြုလုပ်ခဲ့ပါတယ်။

#Local_News
Published 01 June 2026
#World_Robot_Contest
#YMG/SW #Yangon_Times

ရန်ကုန်အပြည်ပြည်ဆိုင်ရာဆိပ်ကမ်းများသို့ ယခုဇွန်လအတွင်း ကုန်သေတ္တာတင်သင်္ဘော(၅၅)စင်းဝင်ရောက်ဆိုက်ကပ်မယ်လို့ မြန်မာ့ဆိပ်ကမ်းအာဏာပိုင်အဖွဲ့အစည်းမှ အသိပေးထုတ်ပြန်ထားပါတယ်။

#Local_News
Published 01 June 2026
#ကုန်သေတ္တာတင်သင်္ဘော
#YMG/SW #Yangon_Times