#Local_News
Published 31 October 2024
▪️ တန်ဆောင်တိုင်အကြို ပြည်တွင်းဖြစ် ပဲဆီနှင့်နှမ်းဆီ ဈေးရောင်းပွဲတော်
မန္တလေး၌ ကျင်းပသွားမည်ဖြစ်ကြောင်း မြန်မာနိုင်ငံဆီစက်ပိုင်ရှင်များအသင်းမှ သိရသည်။

▪️ အဆိုပါ  ဈေးရောင်းပွဲတော်ကို  နိုဝင်ဘာ ၂ ရက်နှင့် ၃ ရက်တို့တွင် မန္တလေးမြို့၊ ၇၈ လမ်းရှိ ရတနာပုံစူပါစင်တာ ပရိုမိုးရှင်းဧရိယာတွင် ပြုလုပ်သွားမည်ဖြစ်သည်။

▪️ ယင်းဈေး‌ရောင်းပွဲ၌ FDA လက်မှတ်ရရှိပြီးသား ပြည်တွင်းထုတ်လုပ်သည့်ဆီများအား  တစ်ပိဿာလျှင် ၁၆,၀၀၀ ကျပ်ဖြင့် လိုသလောက်ရောင်းချပေးသွားမည်ဖြစ်ကြောင်း သိရသည်။

▪️ ထို့ပြင် မန္တလေးမြို့တွင်းကို  ၁၀ ပိဿာအထက် ဝယ်ယူလျှင် ပို့ဆောင်ခအခမဲ့ဖြင့် အိမ်အရောက်ပို့ပေးသွားမည်ဖြစ်ကြောင်း ၊ ငွေပေးချေမှုကိုလည်း ငွေသားအပြင် K-Pay ဖြင့် ဝယ်ယူနိုင်ရန်  စီစဉ်ဆောင်ရွက်ပေးထားကြောင်း သိရသည်။

#YMG/NN #Yangon_Times

"အန်တီ့တိုက်ခန်းကို  လာဝယ်နေတာနှစ်ကြိမ်ရှိပြီ။‌ ရောင်းမယ်လို့လည်း အကျိုး‌ဆောင်၊ ပွဲစားအပ်ထားတာလည်းမရှိဘဲ လာဝယ်နေကြတာ။ ရပ်ကွက်ထဲမှာလည်းစစ်ရှောင်လာတဲ့သူတွေလည်းများလာတော့ တိုက်ခန်းလိုက်ဝယ်သူတွေများနေတယ်"လို့ တာမွေ၊ကျောက်မြောင်းမြို့နယ်တွင်းရှိ တိုက်ခန်းပိုင်ရှင်က ပြောပြပါတယ်။
#Local_News
Published 31 October 2024
#တိုက်ခန်းများ #တိုက်ခန်းပိုင်ရှင်
#YMG/tthl #Yangon_Times

တောင်တွင်းကြီးမြို့ တောရဗိမာန်ကျောင်းမှာ ချမ်းမြေ့ဆရာတော်ဘုရားကြီးမှ မတည်လှူဒါန်းတဲ့ ကထိန်သင်္ကန်းလှူဒါန်းဆက်ကပ်ပွဲကျင်းပခဲ့ပြီး စာရေးတံမဲပွဲဆက်လက်ကျင်းပဖို့ရှိတယ်လို့ သိရပါတယ်။
#Local_News
Published 31 October 2024
#တောင်တွင်းကြီး #စာရေးတံမဲပွဲများကျင်းပ
#YMG/tthl #Yangon_Times

အခုဘဏ္ဍာနှစ်အတွင်း ပြည်ပနိုင်ငံ‌တွေကို ရော်ဘာတန်ချိန် တစ်သိန်းကျော်တင်ပို့ထားပြီး ရှေ့ဈေးကွက်အလားအလာလည်းကောင်းနိုင်တယ်လို့  မြန်မာ့သဘာဝ ရော်ဘာ ရေရှည်တည်တံ့မှု ဖော်ဆောင်ရေး အသင်းကသိရပါတယ်။

#Local_News
Published 31 October 2024
#ရော်ဘာတန်ချိန် #ဈေးကွက်ကောင်း
#YMG/NN #Yangon_Times

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေနဲ့ နိုဝင်ဘာလအတွက် ရောင်းချရမယ့်  ဆန်ရည်ညွှန်းဈေးနှုန်းတွေကို

သတ်မှတ်ခဲ့ရာ ပြည်ပတင်ပို့တဲ့ ဆန်အချို့နဲ့  ပြည်တွင်းစားသုံးတဲ့ ဆန်အချို့ဈေးနှုန်းကျဆင်းလာတယ်လို့ ထုတ်ပြန်ချက်အရသိရပါတယ်။
#Local_News
Published 31 October 2024
#ပြည်တွင်းစားဆန် #ဆန်အချို့ဈေးကျဆင်း
#YMG/NN #Yangon_Times

#World_News
Published 31 October 2024
▪️ အနောက်နိုင်ငံတွေ ယူကရိန်းကို ကူညီခွင့်ရှိတယ်ဆိုပါက မြောက်ကိုရီးယားလို မဟာမိတ်တွေကလည်း ရုရှားကို ဘာလို့ကူညီခွင့် မရှိရမှာလဲလို့ ကုလသမဂ္ဂဆိုင်ရာ ရုရှားသံတမန်က ဗုဒ္ဓဟူးနေ့မှာ မေးခွန်းထုတ်လိုက်ပါတယ်။

▪️ ရုရှားသံတမန် ဗက်ဆလီနေဘန်ဇီယာက လုံခြုံရေးကောင်စီ အစည်းအဝေးမှာ အမေရိကန်၊ ဗြိတိန်၊ တောင်ကိုရီးယား၊ ယူကရိန်းနဲ့ အခြားနိုင်ငံများမှ ဝေဖန်မှုများကို ရင်ဆိုင်နေရပါတယ်။

▪️ ရုရှားဟာ မြောက်ကိုရီးယားမှ တပ်သားများကို နေရာချကူညီစေခြင်းဖြင့် ကုလသမဂ္ဂစည်းမျဉ်းများနဲ့ ကုလပဋိဉာဉ်တို့ကို ချိုးဖောက်နေတယ်လို့ ယင်းတို့က စွပ်စွဲကြတာ ဖြစ်ပါတယ်။

▪️ "ရန်လိုတိုက်ခိုက်ခြင်းကို ထောက်ပံ့တဲ့လုပ်ရပ်ဟာ တရားမဝင်သလို ကုလပဋိဉာဉ်စည်းမျဉ်းများကို လုံးဝချိုးဖောက်ရာကျပါတယ်။ ရုရှားသို့ မြောက်ကိုရီးယားတပ်များ စေလွှတ်တဲ့ အပြုအမူမျိုးဟာ ကုလလုံခြုံရေးကောင်စီ စည်းမျဉ်းအများအပြားကို ထင်ထင်ရှားရှား ချိုးဖောက်တာ ဖြစ်ပါတယ်" လို့ ကုလသမဂ္ဂဆိုင်ရာ တောင်ကိုရီးယားသံအမတ် ဂျွန်ကုဟွမ်က ပြောသွားပါတယ်။

▪️ မြောက်ကိုရီးယားတပ်သား ၁ သောင်းခန့်ဟာ ရုရှားအရှေ့ပိုင်းမှာ ရောက်နေပြီဖြစ်ပြီး ယူကရိန်းနယ်စပ်အနီး ရုရှား ခါ့စ်ဒေသရှိ တိုက်ခိုက်စစ်ဆင်ရေးတွေမှာ ထောက်ပံ့ကူညီသွားဖွယ် ရှိတယ်လို့ အမေရိကန် ကာကွယ်ရေးဝန်ကြီး လွိုက်အော်စတင်က ဗုဒ္ဓဟူးနေ့မှာ ပြောပါတယ်။

▪️ နေဘန်ဇီယာ ပြောကြားရာမှာတော့ ရုရှားနဲ့ မြောက်ကိုရီးယား စစ်ရေးဆောင်ရွက်တာဟာ နိုင်ငံတကာ ဥပဒေကို မချိုးဖောက်ဘူးလို့ ဆိုပါတယ်။
စစ်ပွဲမှာ မြောက်ကိုရီးယားတပ်တွေ ပါဝင်ပတ်သက်တာကို ရုရှားက မငြင်းထားပါဘူး။

▪️ အနောက်နိုင်ငံတွေ ပြောနေကြတဲ့အတိုင်း ရုရှားနဲ့ မြောက်ကိုရီးယားတို့ ပူးပေါင်းဆောင်ရွက်နေကြတာ မှန်တယ်ဆိုရင်တောင် အမေရိကန်နဲ့ မဟာမိတ်တွေကျတော့ ယူကရိန်းကို ကူညီခွင့်ရှိပြီး ရုရှားမဟာမိတ်တွေကျတော့ ကူညီခွင့် မရှိဘူးဆိုတဲ့ အယူအဆမျိုး ဖြန့်နေတာလဲလို့ နေဘန်ဇီယာက ပြောပါတယ်။

▪️ ယူကရိန်းကို အထောက်အပံ့ပေးနေတဲ့ နိုင်ငံအားလုံးဟာ လုံခြုံရေးကောင်စီ ဒဏ်ခတ်ပိတ်ဆို့မှုအောက် မရှိကြဘူးလို့ ကုလသမဂ္ဂဆိုင်ရာ ယူကရိန်းသံအမတ် ဆာဂျီကီစ်လစ္စယာက တုန့်ပြန်လိုက်ပါတယ်။

▪️ လုံးဝဒဏ်ခတ်ပိတ်ဆို့ထားတဲ့ မြောက်ကိုရီးယားထံမှ အကူအညီရယူခြင်းဟာ ကုလပဋိဉာဉ်စည်းမျဉ်းကို ချိုးဖောက်ရာကျပြီး ယူကရိန်းကို ရုရှားကျူးကျော်ခြင်းကို ထောက်ပံ့ဖို့ မြောက်ကိုရီးယားတပ်များ စေလွှတ်တာဟာ နိုင်ငံတကာဥပဒေကို သိသိသာသာ ချိုးဖောက်ရာကျတယ်လို့ ပြောပါတယ်။

▪️ ၂၀၀၆ ခုနှစ်တည်းက မြောက်ကိုရီးယားကို ကုလလုံခြုံရေးကောင်စီက ဒဏ်ခတ်ပိတ်ဆို့မှုများ ချမှတ်ခဲ့ပြီး မြောက်ကိုရီးယားရဲ့ နျူကလီးယား လက်နက်များနဲ့ ပဲ့ထိန်းဒုံးကျည်များ ထုတ်လုပ်မှုကို ရပ်တန့်ရန်ရည်ရွယ်ကာ ပိတ်ဆို့မှုများ ပိုမိုတင်းကြပ်လာခဲ့ပါတယ်။

▪️ အမေရိကန်နဲ့ အနောက်တိုင်းတို့မှ ရုရှားအချုပ်အခြာအာဏာနဲ့ လုံခြုံရေးအကျိုးစီးပွားတို့ အဆက်မပြတ် ခြိမ်းခြောက်လာပါက လိုအပ်တဲ့တုန့်ပြန်မှု ပြုလုပ်သင့်တယ်လို့ ကုလသမဂ္ဂဆိုင်ရာ မြောက်ကိုရီးယားသံအမတ် ဆောင်းကင်မ်က ကောင်စီမှာ ပြောပါတယ်။

▪️ မြောက်နဲ့ ရုရှားတို့ဟာ အပြန်အလှန် လုံခြုံရေး၊ အခြေအနေ တိုးတက်ရေးတို့အတွက် ရှေ့ဆက်ပြီး အနီးကပ်ဆက်ဆံနေကြမှာ ဖြစ်တယ်လို့ ဆိုပါတယ်။

▪️ မြောက်ကိုရီးယားတပ်တွေ ရုရှားကို ကူညီတဲ့အနေနဲ့ ယူကရိန်းကို ဝင်ရောက်လာပါက အလောင်းအိတ်တွေထဲ သေချာပေါက် ပြန်သွားရမှာဖြစ်ပြီး ခေါင်းဆောင် ကင်မ်ဂျုံအန်းအနေနဲ့ အဆင်အခြင်မဲ့ မလုပ်မိဖို့ ပြန်စဉ်းစားသင့်တယ်လို့ လက်ထောက် အမေရိကန်သံအမတ် ရောဘတ်ဝုဒ်ဝါ့ဒ်က ကင်မ်ဂျုံအန်းကို သတိပေးလိုက်ပါတယ်။

#Source: Reuters

#Local_New
Published 31 October 2024
▪️ တရုတ်-မြန်မာ ဇီဝမျိုးစုံမျိုးကွဲမှုဆိုင်ရာပူးပေါင်းဆောင်ရွက်ခြင်း(၁၀) နှစ်ပြည့်အခမ်းအနားကိုအောက်တိုဘာလ ၂၉ ရက်ကကျင်းပခဲ့ကြောင်း သိရသည်။

▪️ အခမ်းအနားတွင်သံမှူးကြီး Dr. Zheng Zhihong က "၁၀ နှစ်တာအတွင်း တရုတ်-မြန်မာ ဇီဝမျိုးစုံမျိုးကွဲမှုဆိုင်ရာ ပူးပေါင်းဆောင်ရွက်ခြင်းလုပ်ငန်းသည် ရလဒ်များစွာဆွတ်ခူးရရှိခဲ့ကြောင်း၊ 

▪️ တရုတ်သိပ္ပံအကယ်ဒမီသည် မြန်မာနိုင်ငံ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနနှင့်အတူ အရှေ့တောင်အာရှ ဇီဝမျိုးစုံမျိုးကွဲမှု သုတေသနစင်တာကို တည်ဆောက်ခဲ့ပြီး အကြီးစားပူးတွဲသိပ္ပံသုတေသနပြုလုပ်မှု ၉ ကြိမ် လုပ်ဆောင်ခဲ့ကြောင်း၊ 

▪️ နှစ်ဦးနှစ်ဖက်က ပူးပေါင်းဆောင်ရွက်မှုကို ဆက်လက်နက်ရှိုင်းစေပြီး နှစ်နိုင်ငံ
စဉ်ဆက်မပြတ်ဖွံ့ဖြိုးတိုးတက်မှု၊ ချစ်ကြည်ရင်းနှီးစွာ ကူးလူးဖလှယ် ပူးပေါင်းဆောင်ရွက်မှု၊ တစ်ကမ္ဘာလုံးတွင် ဇီဝမျိုးစုံမျိုးကွဲမှုများ ပြည့်ဝစေမှုအတွက် ပိုမိုကြီးမားသည့်အကျိုးထမ်းဆောင်မှုများ လုပ်ဆောင်သွားမည်ဟု ယုံကြည်ကြောင်း "ပြောကြားခဲ့သည်။

▪️ မြန်မာနိုင်ငံ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာနဒုတိယဝန်ကြီး ဦးမင်းသူကလည်း" တရုတ်သိပ္ပံအကယ်ဒမီက မြန်မာနိုင်ငံဇီဝမျိုးစုံမျိုးကွဲမှုဆိုင်ရာ ထိန်းသိမ်းခြင်းနှင့် သုတေသနပြုလုပ်မှုအတွက် အရင်းအနှီးနှင့် နည်းပညာထောက်ပံ့ပေးမှုအပေါ် ကျေးဇူးတင်ရှိပါကြောင်း၊

▪️ နှစ်ဦးနှစ်ဖက် ပူးပေါင်းဆောင်ရွက်မှုသည် မြန်မာဘက်၏ ပညာရပ်ဆိုင်ရာအဆင့်အတန်းကို မြှင့်တင်ပေးလိုက်ရုံသာမက ဒေသတွင်းလူမှုရေးနှင့်စီးပွားရေးဖွံ့ဖြိုးတိုးတက်မှုအတွက်လည်း အကျိုးထမ်းဆောင်ပေးလိုက်ကြောင်း"ပြောကြားခဲ့သည်။

#YMG/tthl #Yangon_Times

၃၁ အောက်တိုဘာ ၂၀၂၄

သမ္မတဟောင်း ဒေါ်နယ်ထရမ့်က သူ့ထောက်ခံသူတွေကို အမေရိကန်နိုင်ငံရဲ့ နှလုံးသားဝိညာဉ်တွေလို့ ခေါ်လိုက်ပြီး ချီးကျူးလိုက်ပါတယ်။ သမ္မတဘိုင်ဒင်က ထရမ့်ထောက်ခံသူတွေကို  ပေါလောမျောနေတဲ့ အမှိုက်သရိုက်တွေနှင့် တူတယ်လို့ ပြောဆိုခဲ့ပြီး တစ်ရက်အကြာမှာ ထရမ့်က အဲသလိုပြောလိုက်တာပါ။

“ ကာမာလာ(ဟာရစ်) နှင့် ဂျိုး( ဘိုင်ဒင်) တို့က ကျွန်တော်တို့ကို အမှိုက်သရိုက်တွေတဲ့။ ကျွန်တော်က ခင်ဗျားတို့ကို အမေရိကန်ရဲ့ နှလုံးသားဝိညာဉ်တွေလို့ခေါ်မယ်”  “ ခင်ဗျားတို့ဟာ နှလုံးသားဝိညာဉ်တွေ ဖြစ်တယ်။ ခင်ဗျားတို့က ကျွန်တော်တို့နိုင်ငံကိုတည်ဆောက်နေတယ်။ သူတို့တည်ဆောက်တာထက် အများကြီးကွာတယ်” လို့ ထရမ့်ကပြောပါတယ်။

“ အမေရိကန်တွေကို ခင်ဗျားတို့မချစ်ရင် အမေရိကန်နိုင်ငံကို ခင်ဗျားတို့ ဦးဆောင်လို့မရနိုင်ဘူး” လို့လည်း ထရမ့်ကပြောပါတယ်။

ထရမ့်ဟာ  အကြိတ်အနယ်ပြိုင်ရမယ့် ဝစ်ကိုစင်ပြည်နယ်ရဲ့ မဲဆွယ်ပွဲမှာ ပြောခဲ့တာဖြစ်ပါတယ်။

ထရမ့်ဟာ ဂျိုဘိုင်ဒင်ပြောတဲ့ အမှိုက်သရိုက်တွေ ဆိုတဲ့စကားကို တုန့်ပြန်တဲ့အနေနှင့် သန့်ရှင်းရေး လုပ်သားတစ်ဦးလိုဝတ်ဆင်ပြီး အမှိုက်သယ်ထရပ်ကားတစ်စီးကိုလည်း ကိုယ်တိုင်မောင်းကာ မဲဆွယ်ပွဲ ကိုလာခဲ့ပါတယ်။

“ ကျွန်တော့်လူတစ်ယောက်က လာပြီးပြောတယ်။ အခု “အမှိုက်” ဆိုတဲ့ စကားလုံးက ဟော့တ်ဖြစ် နေတယ်။ အမှိုက်ကား တစ်စီး မောင်းမလားဆရာ” လို့ မေးတယ်” လို့ ထရမ့်ကပြောပါတယ်။

“ သူတို့ဟာ အမှိုက်ကားတစ်စီး ဆွဲလာတော့တာပဲ။ သူတို့ အဲသလောက်မြန်မြန်ကြီး ဘယ်လိုလုပ်ချ လိုက်သလဲမသိဘူး”လို့ ထရမ့်က ဆက်ပြောပါတယ်။

“ ကျွန်တော့်ထောက်ခံသူတွေဟာ  လူလိမ်လူညစ်ဂျိုး(ဘိုင်ဒင်) ဒါမှမဟုတ် လူလိမ်ကာမာလာ(ဟားရစ်) တို့ထက် အရည်အချင်းအများကြီးသာတယ်” လို့ ထရမ့်က ပြောပါတယ်။

Source NYPost

#World_Health
Published 31 October 2024

▪️ လူ ၅ ဦးလျှင် ၁ ဦးနှုန်းက ကင်ဆာဖြစ်ပွားကြပြီး အသက်အရွယ်၊ မိသားစုမျိုးရိုးတို့က အဓိကပတ်သက်နေပါတယ်။

▪️ ဒါပေမဲ့ ကျန်းမာရေးနဲ့ ညီညွတ်တဲ့ စားစရာများက ကင်ဆာဖြစ်နိုင်ခြေကို လျှော့ချပေးပြီး အထူးသဖြင့် ဓာတ်တိုးဆန့်ကျင်ပစ္စည်းများက ခန္ဓာကိုယ်ထဲမှာ ဓာတ်တိုးဖိစီးမှုများမှ ကာကွယ်ပေးပါတယ်။

(၁) လိုင်ကိုပင်း
▪️ ခရမ်းချဉ်သီးမှာပါတဲ့ ဓာတ်တိုးဆန့်ကျင်ပစ္စည်း ဖြစ်ပြီး ဆဲလ်ထိခိုက်ခြင်းကို ကာကွယ်ပေးကာ ခန္ဓာကိုယ်ကို အကျိုးကျေးဇူးများ ပေးစွမ်းနိုင်ပါတယ်။
အကျိတ်ကြီးထွားမှုနဲ့ ရောဂါဆိုးရွားလာခြင်းတို့ကို တားဆီးပေးပါတယ်။

▪️ လိုင်ကိုပင်းက ကယ်ရိုတီနွိုက် မျိုးနွယ်ဝင်ဖြစ်ပြီး လိမ္မော်ရောင်၊ အနီရောင်၊ အဝါရောင်များ ဖြစ်စေကာ မျက်လုံးကျန်းမာရေးကို ထောက်ကူပေးပြီး အူမကြီး၊ ရင်သားနဲ့ ဆီးကျိတ်ကင်ဆာတို့မှ ကာကွယ်ပေးပါတယ်။

(၂) ရက်စ်ဗရာထရိုလ်
▪️ ဘယ်ရီသီးများ၊ စပျစ်သီး၊ ဝိုင်နီ၊ မြေပဲတို့မှာ တွေ့ရတဲ့ ရက်စ်ဗရာထရိုလ်က ကင်ဆာ၊ နှလုံးရောဂါ၊ လေဖြတ်ခြင်းတို့မှ ကာကွယ်ပေးပါတယ်။

▪️ ဒါ့အပြင် သုတေသနများအရ ကင်ဆာဆဲလ်များကို တိုက်ဖျက်ပေးပါတယ်။

(၃) လူတိန်းနဲ့ ဇီဇန်သင်း
▪️ ကယ်ရိုတီနွိုက်များဖြစ်တဲ့ လူတိန်းနဲ့ ဇီဇန်သင်းတို့ကို ကြက်ဥအနှစ်မှာ တွေ့ရပြီး မျက်လုံးရေတိမ်၊ အမြင်အာရုံ ချို့ယွင်းခြင်းတို့ ဖြစ်နိုင်ခြေနည်းစေပါတယ်။
၂၀၁၉ လေ့လာချက်အရ ထိုဓာတ်တိုးဆန့်ကျင်ပစ္စည်းဟာ အူမကြီးကင်ဆာ ဖြစ်နိုင်ခြေ လျော့နည်းစေပါတယ်။

(၄) ဗိုက်တာမင်-အေ
▪️ အရေပြားနဲ့ မျက်လုံးကျန်းမာရေးကို ထောက်ပံ့ပေးကာ ဆဲလ်များပျက်စီးခြင်းမှ ကာကွယ်ပေးပါတယ်။

▪️ ဒါ့အပြင် ဗိုက်တာမင်-အေ အမျိုးအစားက ကင်ဆာအကျိတ်ကို ဓာတ်ရောင်ခြည်ဖြင့် ကုသခြင်းကို ထောက်ပံ့ပေးတယ်လို့ တွေ့ရှိထားပါတယ်။

▪️ ဗိုက်တာမင်-အေကို ငါး၊ အမဲသားအသည်း၊ နို့ထွက်ပစ္စည်းများနဲ့ ကြက်ဥတို့မှာ တွေ့ရပါတယ်။

#Source: New York Post

#World_Health
Published 31 October 2024

▪️ မက်ဒေါ်နယ်ဆိုင်မှ ဘာဂါများနဲ့ ဆက်စပ်ပြီး အီးကိုလိုင်(E. coli) ရောဂါကူးစက်မှုများ ဖြစ်ပွားနေသဖြင့် အမေရိကန်တဝှမ်း စိုးရိမ်ပူပန်လာရကာ ပြင်းထန်စွာ နေမကောင်းဖြစ်ခြင်း၊ အသက်သေဆုံးခြင်းတို့ပင် ရှိနေတယ်လို့ ကျန်းမာရေး တာဝန်ရှိသူများ တင်ပြလာပါတယ်။

▪️ ဒီရောဂါကြောင့် အစားအစာ ဘေးကင်းရေးအလေ့အကျင့်များ လိုက်နာကျင့်သုံးဖို့ တောင်းဆိုလာကြပါတယ်။

▪️ အီးကိုလိုင်က လူသားတွေနဲ့ တိရိစ္ဆာန်များရဲ့ အူတွေထဲမှာ တွေ့ရတတ်တဲ့ ဘက်တီးရီးယားမျိုး ဖြစ်ပါတယ်။

▪️ မျိုးနွယ်အများစုက အန္တရာယ်မရှိပေမယ့် အချို့ကတော့ အပြင်းအထန် နေမကောင်း ဖြစ်တတ်ပါတယ်။

▪️ ထိုထဲကမှ ရှီဂါအဆိပ်ထုတ် အီးကိုလိုင်(STEC)ဟာ ရောဂါလက္ခဏာ ပြင်းထန်ပြီး အသက်အန္တရာယ် ခြိမ်းခြောက်နိုင်ပါတယ်။

▪️ အီးကိုလိုင်က ရောဂါပိုးထိတွေ့ပြီးနောက် ၃-၄ ရက်အတွင်း လက္ခဏာပေါ်တတ်ပြီး အပြင်းအထန် ဗိုက်အောင့်ခြင်း၊ ဝမ်းလျှောခြင်း၊ အော့အန်ခြင်းတို့ ဖြစ်တတ်ပါတယ်။

▪️ အချို့ကတော့ သာမန်ဖျားနာတာလောက်သာ ဖြစ်ကြပေမယ့် ကလေးငယ်တွေနဲ့ သက်ကြီးရွယ်အိုတွေမှာတော့ ပြင်းထန်တတ်ပါတယ်။

▪️ အစိုးရိမ်ရဆုံးက ကျောက်ကပ်ပျက်ပြီး အသက်သေဆုံးသည်အထိ ဖြစ်တတ်တဲ့ HUS ရောဂါဖြစ်ပါတယ်။

▪️ ရောဂါလက္ခဏာ ပြင်းထန်ပါက ဆေးကုသမှု လာရောက်ခံယူဖို့ ကျန်းမာရေး တာဝန်ရှိသူများ တိုက်တွန်းနေကြပါတယ်။

▪️ အစားအစာ ကိုင်တွယ်ခြင်းနဲ့ ချက်ပြုတ်ခြင်းတို့မှာ သေချာသန့်ရှင်းစွာ ပြုလုပ်ကြဖို့လည်း အလေးပေး ဖော်ပြထားပါတယ်။

▪️ မက်ဒေါ်နယ်ကတော့ ရောဂါပျံ့ပွားမှုကို ထိန်းချုပ်ဖို့အတွက် စားသောက်ဆိုင်များကို ယာယီပိတ်ထားကာ ကျန်းမာရေး အာဏာပိုင်များနဲ့ ပူးပေါင်းစစ်ဆေးနေပါတယ်။

▪️ ကုမ္ပဏီကတော့ ယင်းတို့ရဲ့ အစားအစာ ဘေးကင်းရေး လုပ်ငန်းစဉ်များနဲ့ အလေ့အကျင့်များကို ပြန်လည်သုံးသပ်နေပါတယ်။

▪️ ဒါ့အပြင် ကျန်းမာရေး တာဝန်ရှိသူများက ရောဂါကူးစက်ရာ ရင်းမြစ်ကို ခြေရာခံနေပြီး နောက်ထပ်ပျံ့ပွားမှု မဖြစ်ရန် လုပ်ဆောင်နေကြပါတယ်။

#Source: India Today

ရှန်ဟိုင်းပူးပေါင်းဆောင်ရွက်ရေးအဖွဲ့ (SCO)ရဲ့ စိုက်ပျိုးမွေးမြူရေးစခန်းဟာ အဖွဲ့ဝင်နိုင်ငံများအတွက် ပိုမိုနက်ရှိုင်းစွာ ပူးပေါင်းဆောင်ရွက်ရေးအတွက် လမ်းကြောင်းဖွင့်ထားပေးသလို ပိုမိုနီးစပ်စွာ ဆက်ဆံရေးထူထောင်ဖို့လည်း ကူညီပေးနေကြောင်း SCO လက်ထောက်အထွေထွေအတွင်းရေးမှူး နျူရန်နီယာဇာလီယက်ဗ်က ပြောပါတယ်။
#World_Event
Published 30 October 2024
#စိုက်ပျိုးမွေးမြူရေးပြပွဲ #ရှန်ဟိုင်း
#YMG #Yangon_Times #Yangon_Media_Group

#Daily_News
Published 30 October 2024

၁။ ရွှေတိဂုံစေတီ‌တော်တွင် တန်ဆောင်မုန်းလပြည့်‌နေ့၊ မသိုးရွှေကြာသင်္ကန်းရက်လုပ်ကပ်လှူပူဇော်ပွဲကျင်းပမည်

၂။ ‌ပြည်တွင်းသို့ ၁၁ လတာအတွင်း နိုင်ငံတကာကုန်သေတ္တာတင်ယာဉ် (၅၇၀) ကျော် ဝင်ရောက်ဆိုက်ကပ်

၃။ ခြောက်လအတွင်း ဒေါ်လာတစ်သန်းကျော်တန်ဖိုးရှိ ပျားရည်များတင်ပို့ထားပြီး ဂျပန်သို့အများဆုံးတင်ပို့

၄။ ရှန်ဟိုင်းပူးပေါင်းဆောင်ရွက်ရေးအဖွဲ့ဝင်နိုင်ငံများ စိုက်ပျိုးမွေးမြူရေးပြပွဲကြီး ဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group