ရန်ကုန်မြို့၊ ဗဟန်းမြိံနယ်ရှိ ကမ္ဘောဇရိပ်သာ(ချင်းချောင်းနန်းတော်)နဲ့ ဗိုလ်ချုပ်အောင်ဆန်းပြတိုက်တိုတွင် ကြေးပြားကမ္ပည်းတပ်ဆင်
လိုက်ပြီဖြစ်ရာ ရန်ကုန်တိုင်း၌ ကြေးပြားကမ္ပည်းမော်ကွန်းတပ်ဆင်နိုင်ခဲ့တဲ့ ရှေးဟောင်းအဆောက်အအုံခြောက်ခုအထိရှိလာပြီလို့ ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန၊ပြည်ထောင်စုဝန်ကြီး ဦးမောင်မြင့် က ပြောကြားခဲ့ပါတယ်။

#Local_News
Published 30 July 2026
#ချင်းချောင်းနန်းတော် #ဗိုလ်ချုပ်ပြတိုက်
#YMG/NN #Yangon_Times

#Daily_News
Published 30 July 2026

၁။‌ ရွှေတိဂုံစေတီတော်မြတ်ကြီး၌ ဓမ္မစကြာအခါတော်နေ့ ရွှေကြာသင်္ကန်းဆက်ကပ်လှုဒါန်း

‌‎၂။ ‌FIFA/MFF Regional Training Center များအတွက် အသက်(၁၄)နှစ်အောက် ကစားသမားရွေးချယ်ပွဲများ ဒေသ(၈)ခု၌ကျင်းပမည်

၃။‌‌‎ ချင်းချောင်းနန်းတော်နှင့်ဗိုလ်ချုပ်ပြတိုက်အပါအဝင် ရန်ကုန်၌ကြေးပြားကမ္ပည်းမော်ကွန်းတပ်ဆင်နိုင်ခဲ့သည့် အဆောက်အအုံခြောက်ခုရှိလာ

၄။‎ ‌‌‌‌‌‌‌‌‌ရှန်ဟိုင်း၌ ကမ္ဘာ့ဉာဏ်ရည်တုဆိုင်ရာကျန်းမာရေးဆန်းသစ်တီထွင်မှုများမိတ်ဆက်ပြသ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 30 July 2026
 
■ မြန်မာ့မီးရထားအနေဖြင့် ရထားစီးခရီးသွားပြည်သူများ ပိုမိုစိတ်ချမ်းမြေ့စွာသွားလာနိုင်စေရေးအတွက် ခေတ်မီလေအေးပေးစက်ပါ DEMU တွဲဆိုင်းသစ်များဖြင့် လူစီးအမြန်ရထားများ ပြေးဆွဲပေးလျက်ရှိရာ ယမန်နေ့မွန်းလွဲ ၃ နာရီ ၅ မိနစ်တွင် အမှတ် (၃၂) အစုန် နေပြည်တော်-ရန်ကုန် DEMU လူစီးအမြန်ရထားသည် သင်္ဃန်းကျွန်းနှင့် မလွှကုန်းဘူတာအကြား မိုင်တိုင်အမှတ် ၃/၉-၁၀ သုဝဏ္ဏခုံးတံတားကိုဖြတ်သန်းစဉ် ရထား၏ညာဘက်မှ ခဲဖြင့်ပစ်ပေါက်ခံရမှုကြောင့် ရထားတွဲဆိုင်းပါ ပထမဆုံးတွဲအမှတ် DEMU F(C)-4029 ၏ ညာဘက်ခြမ်းခရီးသည် အတက်/ အဆင်းတံခါးပေါက် အောက်ဆုံးမှန်ထိမှန်၍ ကြေမွအက်ကွဲမှုဖြစ်ပွားပြီး ခရီးသည်များထိခိုက်မှုမရှိကြောင်း သိရသည်။
 
■ အဆိုပါ ဖြစ်ပွားရာနေရာသို့ သင်္ဃန်းကျွန်းရထားရဲစခန်းနှင့် တိုးကြောင်ကလေးရထားရဲစခန်း တာဝန်ရှိသူ များသွားရောက်၍ တရားခံဖမ်းဆီးရမိရေးဆောင်ရွက်လျက်ရှိပြီး ရထားပို့ဆောင်ရေးလုပ်ငန်း ဥပဒေနှင့်အညီ အရေးယူနိုင်ရေး သက်ဆိုင်ရာနယ်မြေရဲစခန်းတွင် အမှုဖွင့်ဆောင်ရွက်သွားမည်ဖြစ်ကြောင်း ၊ယင်းဖြစ်စဉ်ကြောင့် ရထားကြန့်ကြာမှု ငါးမိနစ်ဖြစ်ပေါ်ခဲ့ပြီး အခြားရထားများ ကြန့်ကြာမှုမရှိဘဲပုံမှန်အတိုင်းပြေးဆွဲခဲ့ကြကြောင်း သိရသည်။
 
■ ၂၀၁၆ ခုနှစ် ဇန်နဝါရီ ၅ ရက်တွင် ထုတ်ပြန်ပြီးဖြစ်သည့် ရထားပို့ဆောင်ရေးလုပ်ငန်းဥပဒေ၊ အခန်း ၁၈၊ ပုဒ်မ ၇၉ (ခ) အရ ရထားကို တစ်စုံတစ်ရာဖြင့် ပစ်ပေါက်ခြင်း သို့မဟုတ် တစ်စုံတစ်ရာ ပြုလုပ်ခြင်းအတွက် ပြစ်ဒဏ်အနေဖြင့် ပုဒ်မ (၈၄) အရ ထိုသူကို အနည်းဆုံး ၅ နှစ်မှ နှစ် ၂၀ အထိ မပိုသော ထောင်ဒဏ်ချမှတ်ရမည့်အပြင် ငွေဒဏ်ကိုလည်း ချမှတ်နိုင်ကြောင်းသိရှိရပြီး ဥပဒေနှင့်အညီ ဆက်လက်အရေးယူသွားမည်ဖြစ်ကြောင်းနှင့် နိုင်ငံတော်အစိုးရအနေဖြင့် အများပြည်သူများ အဆင်ပြေကောင်းမွန်စွာ ခရီးသွားလာနိုင်ရေးအတွက် အဆင့်မြှင့်တင် ဆောင်ရွက်ပေးလျက်ရှိရာ ပြည်သူများအနေဖြင့် ဝိုင်းဝန်းပူးပေါင်းထိန်းသိမ်းသွားရန်လိုအပ်ကြောင်း မြန်မာ့မီးရထားမှ သိရသည်။
 
#YMG/NN #Yangon_Times

#Local_News
Published 30 July 2026
 
■ ကလေးသူငယ်များအား ဆေးများတိုက်ကျွေးပြီး အသိစိတ်ကင်းမဲ့ချိန်တွင် လိင်တူဆက်ဆံခိုင်းကာ Telegram တွင် ငွေကြေးအကျိုးအမြတ်ရယူ၍ ရောင်းစားခဲ့သူအား လူကုန်ကူးမှုဖြင့် အလုပ်နှင့်ထောင်ဒဏ်များချမှတ်ခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။
 
■ ဖြစ်စဉ်မှာ ရန်ကုန်တိုင်းဒေသကြီး အင်းစိန်မြို့နယ်နေ မောင်----၊ ၁၁ နှစ်သည် ကျောင်းဆင်းပြီး အိမ်ပြန်လာချိန် ကျောင်းအတူတက်ခဲ့ဖူးသည့် သူငယ်ချင်းဖြစ်သူကိုတွေ့ရှိပြီး သူငယ်ချင်းဖြစ်သူနှင့်အတူလာသည့် ရန်ကုန်တိုင်းဒေသကြီး အင်းစိန်မြို့နယ် ဖော့ကန်ရပ်ကွက်နေမျိုးမင်းထွန်း (ခ) ဖိုးသားက နေအိမ်သို့အလည်လိုက်ခဲ့ရန် ခေါ်ဆောင်သဖြင့် ညီဖြစ်သူကိုအတူခေါ်ပြီးလိုက်ပါသွားခဲ့ကြောင်း၊ မျိုးမင်းထွန်း (ခ) ဖိုးသား၏ နေအိမ်သို့ရောက်သောအခါ အားဆေးသောက်ရမည်ဟုပြောကာ ၎င်းသောက်သုံးနေသည့် စိတ်ငြိမ်ဆေးလုံး ၁၀ လုံးစီနှင့် ဆန်ချိုအရက်အား အချိုရည်ဟုပြောဆိုပြီး လိမ်လည်တိုက်ကျွေးခဲ့ကြောင်း စိစစ်သိရှိရသည်။
 
■ ဆေးသောက်ပြီး ကလေးများ အသိစိတ်ကင်းမဲ့နေချိန်တွင် ကလေးတစ်ဦးအား ၎င်းမှလိင်တူဆက်ဆံခဲ့ပြီး ကျန်ကလေးနှစ်ဦးအား ကလေးအချင်းချင်း လိင်တူဆက်ဆံခိုင်းကာ ဗီဒီယိုဖိုင်များ ရိုက်ကူးခဲ့ကြောင်း၊ ကလေးများက မျိုးမင်းထွန်း (ခ) ဖိုးသား၏ အိမ်သို့ ကျောင်းပိတ်ရက်များတွင် သွားရောက်ညအိပ်ခဲ့ရာ ရက်ပေါင်း ၂၀ ခန့် ညအိပ်ခဲ့ဖူးကြောင်း၊ ထိုအချိန်တိုင်းတွင် မျိုးမင်းထွန်း (ခ) ဖိုးသားက အလားတူဆောင်ရွက်ခဲ့ပြီး ဗီဒီယိုဖိုင်များ အကြိမ်ကြိမ်ရိုက်ကူးကာ Telegram အကောင့်ဖွင့်၍ Member ဝင်များထံမှ အခကြေးငွေများရယူ၍ ရောင်းချခဲ့ကြောင်း စိစစ်သိရှိရသည့်အတွက် ကလေးသူငယ်ကာကွယ်စောင့်ရှောက်ရေးတပ်ဖွဲ့စု (ရန်ကုန်) မှ တရားလိုပြုလုပ်တိုင်တန်းခဲ့ရာ အင်းစိန်မြို့မရဲစခန်း (ပ) ၁၆၉/၂၀၂၆ နှင့် (ပ) ၁၇၀/ ၂၀၂၆၊ လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅ တို့ဖြင့် အမှုရေးဖွင့်တရားစွဲတင်ခဲ့ပြီး ဇူလိုင် ၂၇ ရက်တွင် အင်းစိန်ခရိုင်တရားရုံးမှ တရားခံ မျိုးမင်းထွန်း (ခ) ဖိုးသားအား လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၅ အရ အမှုတစ်မှုချင်းစီအတွက် အလုပ်နှင့်ထောင်ဒဏ် (၂၀) နှစ်စီ သီးခြားကျခံစေရန် အမိန့်ချမှတ်ခဲ့ကြောင်းသိရသည်။
 
#YMG/NN #Yangon_Times

#World_News
Published 30 July 2026

■ အမေရိကန်က ဇူလိုင် ၂၉ ရက်နေ့ ဗုဒ္ဓဟူးနေ့မှာ အီရန်ကို နောက်ထပ်တိုက်ခိုက်မှုအသစ်တွေ ပြုလုပ်ခဲ့ပါတယ်။

■ အမေရိကန် အလယ်ပိုင်းစစ်ဌာနချုပ် (US CENTCOM)က X ဆိုရှယ်မီဒီယာပေါ် ရေးသားဖော်ပြချက်တစ်ခုထဲမှာ အရှေ့အလယ်ပိုင်းအခြေစိုက် အမေရိကန်တပ်ဖွဲ့များကို အီရန်က တိုက်ခိုက်ရန် ကြိုးပမ်းခဲ့တဲ့အပေါ် ပြင်းပြင်းထန်ထန် တုံ့ပြန်တဲ့အနေဖြင့် အရှေ့ပိုင်းဒေသ စံတော်ချိန်ည ၈ နာရီမှာ အဆိုပါတိုက်ခိုက်မှုများ စတင်ခဲ့ခြင်းဖြစ်ကြောင်း ပြောခဲ့ပါတယ်။

■ ဂျော်ဒန်နိုင်ငံမှ အမေရိကန်စစ်စခန်းများကို အီရန်တိုက်ခိုက်ခဲ့တဲ့အပေါ် လက်စားချေတဲ့အနေဖြင့် အီရန်ကို အပြင်းအထန် ပြန်လည်တိုက်ခိုက်မယ်လို့ အမေရိကန်သမ္မတ ဒေါ်နယ်ထရမ့် အခိုင်အမာဆိုခဲ့ပြီးနောက် နာရီပိုင်းအကြာမှာ ယင်းတိုက်ခိုက်မှုများ ထွက်ပေါ်လာခြင်း ဖြစ်ပါတယ်။

■ အီရန်ရဲ့ ကက်ရှ်မ်ကျွန်းနဲ့ အဘာဒန်မြို့ဝန်းကျင်တို့မှာ တိုက်ခိုက်မှုများ ရှိခဲ့ကြောင်း အီရန်မီဒီယာများ သတင်းဖော်ပြထားပါတယ်။

■ ဒီနေရာနှစ်ခုစလုံးဟာ အီရန်အတွက် အလွန်အရေးပါတဲ့ နေရာများ ဖြစ်ပါတယ်။

■ ကက်ရှ်မ်ကျွန်းဟာ စစ်ရေးအရ အခိုင်အမာတပ်စွဲထားတဲ့ စစ်စခန်းတစ်ခုအဖြစ် အရေးပါတဲ့ ဟော်မုဇ်ရေလက်ကြား ရေနံသယ်ယူပို့ဆောင်ရေးလမ်းကြောင်းများကို ထိန်းချုပ်ထားကာ အဘာဒန်မြို့က ခူဇက်စတန်ပြည်နယ်ရှိ သမိုင်းဝင်ရေနံနဲ့ ရေနံချက်လုပ်ရေး ဗဟိုချက်နေရာတစ်ခု ဖြစ်ပါတယ်။

Source: WION

#Local_News
Published 30 July 2026

■ ငလျင်အန္တရာယ်ဆိုင်ရာ အသိပညာများ တိုးမြှင့်ရရှိစေရန်နှင့် အရေးပေါ်အခြေအနေများတွင် ထိရောက်မှန်ကန်စွာ တုံ့ပြန်ဆောင်ရွက်နိုင်စေရန် ရည်ရွယ်၍ Earthquake Bootcamp 2026 ကို လာမည့် ဩဂုတ်လအတွင်း မြန်မာနိုင်ငံ ငလျင်ကော်မတီက စီစဉ်ကျင်းပသွားမည်ဖြစ်ကြောင်း သိရသည်။

■ သင်တန်းကို ဩဂုတ် ၈ ရက်၊ ၁၅ ရက်၊ ၂၂ ရက်နှင့် ၂၉ ရက်တို့တွင် ရန်ကုန်မြို့ လှိုင်တက္ကသိုလ်နယ်မြေအတွင်းရှိ မြန်မာနိုင်ငံအင်ဂျင်နီယာအသင်းချုပ်၌ ကျင်းပမည်ဖြစ်ပြီး ငလျင်ဆိုင်ရာ အခြေခံသဘောတရားများ၊ သဘာဝဘေးအန္တရာယ်လျော့ပါးရေးနည်းလမ်းများနှင့် အရေးပေါ်တုံ့ပြန်ရေးဆိုင်ရာ လက်တွေ့လေ့ကျင့်မှုများကို ထည့်သွင်းသင်ကြားပို့ချပေးသွားမည်ဖြစ်ကြောင်း သိရသည်။

■ ထို့ပြင် သဘာဝဘေးအန္တရာယ်စီမံခန့်ခွဲရေး၊ လူမှုအသိုင်းအဝိုင်းဖွံ့ဖြိုးတိုးတက်ရေးကဏ္ဍများကို စိတ်ဝင်စားသူများ၊ သက်ဆိုင်ရာကျွမ်းကျင်ပညာရှင်များနှင့် အတွေ့အကြုံနှင့် အသိပညာများ အပြန်အလှန်ဖလှယ်လိုသူများလည်းပါဝင်တက်ရောက်နိုင်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

■ အဆိုပါ Bootcamp သို့ လျှောက်ထားသူများအတွက် အသက်အရွယ်ကန့်သတ်ချက် သတ်မှတ်ထားခြင်းမရှိသည့်အပြင် ယခင်က ငလျင် သို့မဟုတ် သဘာဝဘေးအန္တရာယ်ဆိုင်ရာ အတွေ့အကြုံရှိထားရန်လည်း မလိုအပ်ကြောင်း မြန်မာနိုင်ငံငလျင်ကော်မတီက အသိပေးထားသည်။

■ ငလျင်နှင့် သဘာဝဘေးအန္တရာယ်ဆိုင်ရာ အသိပညာများ၊ ကြိုတင်ပြင်ဆင်နိုင်စွမ်းများနှင့် အရေးပေါ်တုံ့ပြန်ဆောင်ရွက်နိုင်စွမ်းများကို မြှင့်တင်လိုသည့် လူငယ်များအနေဖြင့် Earthquake Bootcamp 2026 တွင် ပါဝင်လျှောက်ထားနိုင်ပြီး စိတ်ဝင်စားသူများသည် မြန်မာနိုင်ငံငလျင်ကော်မတီ ထုတ်ပြန်ထားသည့် Registration Link မှတစ်ဆင့် စာရင်းပေးသွင်းနိုင်ကြောင်း သိရသည်။

#YMG/SW #Yangon_Times

#Local_News
Published 30 July 2026

■ ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ စံပြဈေးအနီးရှိ ပြည်ထောင်စုဂုံးတံတားပေါ်တွင် ယနေ့ ဇူလိုင် ၃၀ ရက် နံနက် ၆ နာရီ ၄၈ မိနစ်ခန့်က YBS ယာဉ်တစ်စီး မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ထုတ်ပြန်ချက်အရ သိရသည်။

■ အဆိုပါ မီးလောင်မှုဖြစ်စဉ်သို့ သင်္ဃန်းကျွန်းမြို့နယ်မီးသတ်စခန်းမှ မီးငြှိမ်းသတ်ယာဉ် (၂) စီးနှင့် သန္ဓေမီးသတ်တပ်ဖွဲ့ဝင်များ အမြန်ထွက်ခွာငြှိမ်းသတ်ခဲ့ရာ နံနက် ၆ နာရီ ၅၇ မိနစ်တွင် မီးကို အောင်မြင်စွာ ငြှိမ်းသတ်နိုင်ခဲ့ကြောင်း သိရသည်။

■ အဆိုပါ မီးလောင်မှုကြောင့် ထိခိုက်ဒဏ်ရာရရှိမှုနှင့် ပျက်စီးဆုံးရှုံးမှုအခြေအနေ၊ မီးလောင်ရသည့်အကြောင်းရင်းတို့ကို သက်ဆိုင်ရာတာဝန်ရှိသူများက ဆက်လက်စစ်ဆေးလျက်ရှိကြောင်း သိရသည်။

#YMG/SW #Yangon_Times

#World_Health
Published 30 July 2026

■ ရေခဲသေတ္တာတွေက ဘက်တီးရီးယားကြီးထွားမှုကို နှေးစေနိုင်ပေမယ့် လုံးဝတော့ မဖျက်ဆီးနိုင်ဘဲ ကျန်နေတဲ့ အစားအစာအချို့ဆိုရင် ၄၈ နာရီကျော်ပါက ဘေးအန္တရာယ် ဖြစ်လာနိုင်ပါတယ်။

■ အသားနဲ့ ငါးတွေကို မကျက်တကျက်ထားပါက ဆယ်မွန်နဲလားနဲ့ အီးကိုလိုင်တို့လို ရောဂါပိုးမွှားတွေ သေဆုံးမသွားဘဲ ရေခဲသေတ္တာထဲမှာ ဆက်လက်ပွားလာနိုင်ပါတယ်။

■ ဟင်းရွက်များကို လှီးဖြတ်လိုက်တဲ့အခါ ဟင်းသီးဟင်းရွက် အမျှင်ဓာတ်များ ပျက်စီးပြီး အရည်များထွက်လာကာ ဘက်တီးရီးယားများ လျင်မြန်စွာပွားများရန် အကောင်းဆုံးပတ်ဝန်းကျင် ဖြစ်သွားနိုင်ပါတယ်။

■ ချက်ပြုတ်ထားတဲ့ ထမင်းနဲ့ ခေါက်ဆွဲတို့မှာ အပူဒဏ်ခံနိုင်တဲ့ ဘက်တီးရီးယားပိုးများ မသေဘဲကျန်ရစ်နိုင်ကာ အဖုံးအကာဖြင့် မထားပါက ကြာလာရင် အန္တရာယ်ရှိတဲ့ အဆိပ်အတောက်များ ထုတ်လွှတ်နိုင်ပါတယ်။

■ ဟင်းရည်နဲ့ စွပ်ပြုတ်အိုးကြီးတွေထဲမှာ ပူနွေးမှုကို ကြာရှည်ထိန်းထားသဖြင့် ဗဟိုချက်နေရာဟာ အချိန်အတော်ကြာ ပူနွေးနေပြီး ဘက်တီးရီးယားများ ပွားများနိုင်ပါတယ်။

■ ဒါတွေကို ဘယ်လိုမျိုး အကောင်းဆုံး သိမ်းဆည်းနိုင်လဲဆိုတော့ ပူနေတဲ့ အစားအစာတွေကို ဇလုံထဲ ခွဲထည့်ကာ ရေခဲသေတ္တာအပူချိန်ကို ၃၉ ဒီဂရီဖာရင်ဟိုက်ထက် လျှော့ထားပြီး လေလုံအောင် အဖုံးဖုံထားရပါမယ်။

■ ဘေးအန္တရာယ်ရှိတဲ့ ဘက်တီးရီးယားတွေဟာ မကြာခဏဆိုသလို အနံ့အရသာ ပြောင်းလဲခြင်းမရှိတာကြောင့် ၄၈ နာရီကျော်သွားလို့ မသေချာဘူးဆိုရင် ထိုအစားအစာကို လွှင့်ပစ်သင့်ပါတယ်။

Source: The Jerusalem Post

#World_Health
Published 30 July 2026

■ ၂၅ နှစ်ကြာ လေ့လာမှုတစ်ခုကို Circulation ဂျာနယ်မှာ ဖော်ပြခဲ့ရာမှာ ငယ်စဉ်က အချိုရည်သောက်သုံးတဲ့ အလေ့အထတွေက သွေးတိုးရောဂါ ဖြစ်နိုင်ခြေနဲ့ ဆက်စပ်နေကြောင်း တွေ့ရှိရပါတယ်။

■ သကြားပါတဲ့ အချိုရည်တွေကို တစ်နေ့လျှင် ၂ ခွက်ထက်ပိုသောက်သုံးခြင်းဟာ အသက်အရွယ်ရလာတဲ့ အချိန်မှာ သွေးတိုးရောဂါဖြစ်နိုင်ခြေကို ၅၂ ရာခိုင်နှုန်းအထိ တိုးမြင့်စေပါတယ်။

■ အမြှုပ်ထွက်တဲ့ အချိုရည် တစ်နေ့တစ်ခွက်သောက်တိုင်း သွေးတိုးရောဂါဖြစ်နိုင်ခြေ ၂၃ ရာခိုင်နှုန်း ပိုမြင့်တက်စေပြီး အားဖြည့်အချိုရည်တွေဆိုရင် ၃၆ ရာခိုင်နှုန်း ပိုမိုမြင့်တက်စေပါတယ်။

■ သစ်သီးဖျော်ရည်များကို တစ်နေ့လျှင် ၁ ခွက်ခွဲထက် ပိုပြီးသောက်သုံးပါကလည်း အသက်ကြီးလာတဲ့အခါ သွေးတိုးရောဂါဖြစ်နိုင်ခြေကို ၃၅ ရာခိုင်နှုန်း ပိုမိုမြင့်တက်စေကြောင်း ဆက်စပ်တွေ့ရှိထားပါတယ်။

■ အချိုဓာတ်ပါတဲ့ အရည်တွေက အသီးအနှံတွေမှာ ပါဝင်သလိုမျိုး အမျှင်ဓာတ်များ မပါတာကြောင့် သွေးတွင်းသကြားဓာတ် ရုတ်တရက် မြင့်တက်စေပြီး အချိန်ကြာလာတာနဲ့အမျှ သွေးကြောလုပ်ဆောင်ချက်များ ထိခိုက်စေပါတယ်။

■ တစ်နေ့ကို အချိုရည် ဒါမှမဟုတ် သစ်သီးဖျော်ရည် သောက်မယ့်အစား အသီးစစ်စစ် စားသုံးပေးခြင်းဖြင့် သွေးတိုးရောဂါဖြစ်နိုင်ခြေ ၁၉ မှ ၂၂ ရာခိုင်နှုန်းအထိ လျှော့ချပေးနိုင်ပါတယ်။

■ အချိုပါတဲ့ အဖျော်ယမကာများအစာ ရိုးရိုးရေ ဒါမှမဟုတ် နို့ကို အစားထိုးသောက်သုံးခြင်းဟာ သွေးတိုးရောဂါဖြစ်နိုင်ခြေကို ၁၃ ရာခိုင်နှုန်းအထိ လျှော့ချပေးနိုင်ကြောင်း ဆက်စပ်တွေ့ရှိရပါတယ်။

Source: Eating Well

#World_Science
Published 28 July 2026

■ ဘာမင်ဂမ်တက္ကသိုလ်မှ ဓာတုဗေဒနဲ့ ရူပဗေဒပညာရှင် ဂျီယိုဗန်နီဘာရွန်တီနီက အလွန်အမင်းအေးခဲထားတဲ့ ဘို့စ်-အိုင်းစတိုင်းကွန်ဒန်စိတ်အက်တမ်များ အသုံးပြုပြီး ကွမ်တမ်စကြဝဠာငယ်တစ်ခု ဖန်တီးခဲ့ပါတယ်။

■ သီးခြားခွဲထွက်နေတဲ့ စကြဝဠာသဘောတရားကို မှတ်ယူဖို့အတွက် လေဆာအလင်းဖြင့် နှစ်ပိုင်းခွဲလိုက်ပြီး တဝက်တောက်ပတဲ့အပိုင်းကိုသာ စောင့်ကြည့်ကာ ကျန်တဝက်ကို လျစ်လျူရှုထားခဲ့ပါတယ်။

■ အက်တမ်များရဲ့ လှုပ်ရှားမှုဟာ ဘစ်ဘန်းနဲ့ ဘစ်ခရန့်ချ်တို့လိုမျိုး စကြဝဠာဆိုင်ရာ ဖြစ်စဉ်များကို အတုယူဖန်တီးပေးခဲ့ပါတယ်။

■ ပြင်ပနာရီများ အသုံးပြုမယ့်အစား အချိန်ကို အပိုင်းနှစ်ခုကြားရှိ ရှုပ်ထွေးမှုနဲ့ သတင်းအချက်အလက် စီးဆင်းမှုဆိုင်ရာ အန်ထရိုပစ်အချိန်မှတဆင့် စနစ်အတွင်းပိုင်းမှာပင် တိုင်းတာခဲ့ပါတယ်။

■ စနစ်အတွင်းပိုင်း အက်တမ်များ လှုပ်ရှားတဲ့နှုန်းထားအပေါ် မူတည်ကာ အချိန်ကုန်ဆုံးသွားတဲ့ နာရီနှုန်းဟာ အရှိန်မြန်လာခြင်း၊ နှေးသွားခြင်း၊ လုံးဝရပ်တန့်သွားခြင်းတို့ ပြောင်းလဲဖြစ်ပေါ်ခဲ့ပါတယ်။

■ လေ့လာစောင့်ကြည့်သူအနေဖြင့် စနစ်ရဲ့ ကျန်ရှိတဲ့ အစိတ်အပိုင်းများနဲ့ ပတ်သက်ပြီး အချက်အလက်များ ပြည့်စုံစွာ မသိရှိနိုင်တဲ့အခါမျိုးမှာ ရှေ့သို့ရွေ့လျားနေတဲ့ အချိန်ဆိုတဲ့ ထင်ယောင်ထင်မှားဖြစ်မှု စတင်ပေါ်ပေါက်လာကြောင်း ဒီစမ်းသပ်ချက်က သက်သေပြခဲ့ပါတယ်။

■ အချိန်ဆိုတာဟာ ရူပဗေဒရဲ့ မရှိမဖြစ် အခြေခံဥပဒေတစ်ခု မဟုတ်ဘဲ စနစ်တစ်ခုအတွင်းရှိ အပြန်အလှန် သက်ရောက်မှုများမှတဆင့် ပေါ်ထွက်လာတဲ့ ရလဒ်တစ်ခုသာဖြစ်ကြောင်း ဒီသုတေသနက ကောက်ချက်ချထားပါတယ်။

Source: WION

#World_Health
Published 29 July 2026

■ ယနေ့ခေတ် လူအတော်များများက အလုပ်ခွင်မှာ အလုပ်ချိန်များခြင်း၊ ညဘက်အလုပ်လုပ်ရခြင်းတို့အပြင် ကွန်ပျူတာ၊ ဖုန်းမျက်နှာပြင်ရှေ့မှာ အချိန်ကြာမြင့်စွာ ထိုင်နေကြရတာကြောင့် စိတ်ပိုင်းဆိုင်ရာရော ရုပ်ပိုင်းဆိုင်ရာပါ ကျဆင်းလာကြပါတယ်။

■ ဒါပေမဲ့ နေထိုင်စားသောက်မှုပုံစံ အနည်းငယ် ပြောင်းလဲရုံဖြင့် ပင်ပန်နွမ်းနယ်မှုတွေကို လျော့ကျစေနိုင်မယ့် အလေ့အကျင့်ကောင်းတွေ ရှိပါတယ်။

■ ပထမဆုံးနည်းလမ်းက ကွန်ပျူတာ၊ ဖုန်းကြည့်ရတဲ့အခါ မိနစ် ၂၀ ကြာတိုင်း ပေ ၂၀ အကွာအဝေးသို့ စက္ကန့် ၂၀ ကြာအောင် အကြည့်လွှဲပေးရတဲ့ အလေ့အကျင့်ဖြစ်ပါတယ်။

■ နောက်တစ်ချက်က တစ်နေ့တာလုံး ရေဓာတ်ပြည့်ဝအောင်နေပြီး ဦးနှောက်လုပ်ဆောင်ချက် ထောက်ပံ့ပေးခြင်း၊ အာရုံစူးစိုက်နိုင်ခြင်း၊ ခွန်အားမြှင့်တင်ခြင်းတို့ ပေးစွမ်းနိုင်ပါတယ်။

■ တစ်နာရီကြာတိုင်း ခဏတာလှုပ်ရှားမှုပြုလုပ်ပေးကာ အကြောပြေ အညောင်းဆန့်စေပြီး သွေးလှည့်ပတ်မှု ကောင်းစေတဲ့အပြင် ခန္ဓာကိုယ်တောင့်တင်းမှု လျော့ကျစေနိုင်ပါတယ်။

■ မိမိရဲ့ လုပ်ငန်းခွင်နေရာကို သန့်ရှင်းအောင်ထားပြီး အစီအစဉ်တကျ ပြင်ဆင်ထားပါက အာရုံလွင့်တာတွေနဲ့ နေ့စဉ်ဖိစီးမှုတွေကို လျော့ကျစေနိုင်ပါတယ်။

■ တစ်နေ့တာ လုပ်ငန်းတာဝန်တွေကို မပိုင်းခြားခင်မှာ နံနက်တိုင်း ၅ မိနစ်ကနေ ၁၀ မိနစ်အထိ အရေးအကြီးဆုံး ဦးစားပေးအလုပ်တွေကို စီစဉ်ရပါမယ်။

■ ထိုအလေ့အကျင့်ကောင်းတွေကို နေ့စဉ်ဖြည်းဖြည်းမှန်မှန် ကျင့်ကြံသွားမယ်ဆိုရင် ဘက်စုံကျန်းမာရေး၊ အာရုံစူးစိုက်မှု၊ လုပ်ကိုင်နိုင်စွမ်းတို့ကို သိသိသာသာ မြှင့်တင်ပေးနိုင်မှာ ဖြစ်ပါတယ်။

Source: India Today

YANGON, July 28, 2026 — Myanmar President Min Aung Hlaing stated that Myanmar consistently welcomes investments from Japanese entrepreneurs and will provide all possible support to facilitate their businesses.

The President made the remarks during his keynote address at the Myanmar-Japan Business Forum held at the Myanmar Convention Centre (MCC) in Yangon.

He extended a warm invitation to Japanese investors, encouraging them to confidently participate and invest in Myanmar’s long-term sustainable development.

The President further assured the Japanese delegation that the Myanmar government is continuously striving to create a clearer, more robust, and transparent business environment. Efforts are also underway to streamline procedures and implement supportive policy frameworks.

The Myanmar-Japan Business Forum was jointly organized by the Ministry of Foreign Affairs of Myanmar, the Myanmar-Japan Social and Economic Development Cooperation Association, and Japan’s Ingo Peace. According to Dr. Daw Khine Khine Soe, spokesperson for the President's Office, the forum was attended by 94 Japanese business executives and over 300 Myanmar entrepreneurs.

Mr. Nakazawa Hiroyuki, Chairman of Ingo Peace, expressed his delight as a Japanese citizen for the opportunity to discuss future bilateral cooperation under the framework of the Myanmar-Japan partnership.

Bilateral trade between Myanmar and Japan reached $1,334.795 million in the 2023–2024 fiscal year, $1,194.394 million in 2024–2025, and $1,343.665 million in 2025–2026. Myanmar's primary exports to Japan include garments, footwear, pulses, pearls, and electrical products.

Furthermore, Japan plays a leading role in the successful Thilawa Special Economic Zone near Yangon, accounting for 29.92% of the total investment with over 50 Japanese companies operating in the zone.

-end-