ယခုတစ်ပတ်အတွက်ထုတ်ပြန်တဲ့ ရန်ကုန်အထိုင်စားအုန်းဆီအခြေခံလက်ကားဈေးအနည်းငယ်ပြန်ကျလာတယ်လိုသိရပါတယ်။

#Local_News
Published 22 May 2026
#စားအုန်းဆီ
#YMG/SW #Yangon_Times

#Daily_News
Published 22 May 2026

၁။‌ ပြည်ပတင်ပို့မှုအားကောင်းလာသောကြောင့် စိန်တစ်လုံးသရက်ဈေးမြင့်တက်

‌‎၂။ ‌‌‌‌အယ်နီညိုရာသီဥတုကြောင့် ယခုနှစ်မိုးနည်းနိုင်

‎၃။‌‌‎ စားအုန်းဆီအခြေခံလက်ကားဈေး အနည်းငယ်ပြန်ကျ

၄။‎ ‌‌‌‌‌‌‌‌‌တရုတ်သို့လာရောက်လည်ပတ်သောဗလာဒီမာပူတင်အား သမ္မတရှီကျင့်ဖျင်လက်ခံတွေ့ဆုံ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 22 May 2026

■ အီရန်ရဲ့ လက်နက်ထုတ်လုပ်နိုင်လုနီးပါးအဆင့်ရှိ ယူရေနီယံများ ပြည်ပသို့ တင်ပို့ခြင်းမပြုရန် အီရန်အဓိပတိခေါင်းဆောင်က ညွှန်ကြားချက်တစ်ရပ် ထုတ်ပြန်လိုက်ပါတယ်။

■ အမေရိကန်ရဲ့ တောင်းဆိုချက်ကြီးတစ်ခုအပေါ် အီရန်ဘက်က တင်းမာစေတဲ့ ရပ်တည်ချက်သဘော ပြသလိုက်တာ ဖြစ်ပါတယ်။

■ အီရန်ခေါင်းဆောင် အယာတိုလာမော့တာဘာခါမေနီရဲ့ ညွှန်ကြားချက်က အမေရိကန်သမ္မတ ဒေါ်နယ်ထရမ့်ကို စိတ်ပျက်စေဦးမှာဖြစ်ပြီး စစ်ပွဲအဆုံးသတ်ရေး ဆွေးနွေးမှုတွေ ရှုပ်ထွေးလာနိုင်ပါတယ်။

■ အမေရိကန်အနေဖြင့် အီရန်တို့ အဆင့်မြင့်သန့်စင် ယူရေနီယံ သိုလှောင်မှု‌ေတွကို ပိုင်ဆိုင်ခွင့်ပေးမှာမဟုတ်ကြောင်း ထရမ့်က ကြာသပတေးနေ့မှာ အသေအချာပြောထားပါတယ်။

■ အီရန်အနေဖြင့် အဏုမြူလက်နက်ထုတ်လုပ်ရန် လိုအပ်တဲ့ အဆင့်မြင့်သန့်စင် ယူရေနီယံလက်ကျန်များကို နိုင်ငံပြင်ပသို့ ပို့ဆောင်ရမှာဖြစ်ကြောင်းနဲ့ မည်သည့်ငြိမ်းချမ်းရေးသဘောတူညီချက်မဆို ဒီအချက်ကို ထည့်သွင်းရမှာဖြစ်ကြောင်း ထရမ့်က အစ္စရေးလ်ကို ပြောထားပါတယ်။

■ အီရန်တို့မှာ သန့်စင်ယူရေနီယံများ မဖယ်ရှားခင်အထိ စစ်ပွဲအဆုံးသတ်ရေး စဉ်းစားမှာ မဟုတ်ဘူးလို့ အစ္စရေးလ်ဝန်ကြီးချုပ် ဘင်ဂျမင်နေတန်ယာဟူက ပြောထားပါတယ်။

■ အီရန်ဘက်ကတော့ ဒီလိုပစ္စည်းတွေကို နိုင်ငံရပ်ခြားတင်ပို့ပါက တိုင်းပြည်တိုက်ခိုက်ခံလာရနိုင်တယ်လို့ ထိပ်သီးအရာရှိတွေ ယူဆနေပါတယ်။

■ အမေရိကန်အိမ်ဖြူတော်ကလည်း ထရမ့်ရဲ့စည်းမျဉ်းတွေဟာ ရှင်းလင်းပြီး အမေရိကန်တွေ ဘေးကင်းရေးအတွက် သဘောတူညီချက်မျိုးသာ လက်ခံမှာဖြစ်တယ်လို့ ထုတ်ပြန်ခဲ့ပါတယ်။

Source: Reuters

#Local_News
Published 22 May 2026

■ ရုရှားဖက်ဒရေးရှင်းနိုင်ငံ Nizhny Novgorod မြို့၌ရောက်ရှိနေသော သိပ္ပံနှင့် နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာ မျိုးသိန်းကျော်သည် မေလ၂၀ ရက်နေ့ ညနေပိုင်းက Digitalization of Industrial Russia ၂၀၂၆ ဖိုရမ်တွင် ခင်းကျင်းပြသထားသော ပြခန်းများအားသွားရောက်ကြည့်ရှုလေ့လာသည်။

■ အဆိုပါပြခန်းများတွင် ရုရှားနိုင်ငံမှ နည်းပညာကုမ္ပဏီများက လူမှုစီးပွားဘဝကဏ္ဍစုံတွင် ဉာဏ်ရည်တုနည်းပညာ၊ ဇီဝအချက်အလက်နည်းပညာ၊ ဆိုက်ဘာလုံခြုံရေးနည်းပညာများ အသုံးပြုဆောင်ရွက်နေမှု၊ ဆက်သွယ်ရေးနှင့် ဆက်စပ်ပစ္စည်းများထုတ်လုပ်နေမှု၊ အသုံးပြုသည့်ပစ္စည်းများနှင့် ဆက်စပ် Application များကို ရာနှုန်းပြည့် ရုရှားနိုင်ငံ၌ထုတ်လုပ်နိုင်ရေး ကြိုးပမ်းဆောင်ရွက်နေမှု၊ Digital Twin နည်းပညာကို မော်စကိုမြို့၏ မြို့ပြစီမံခန့်ခွဲမှုတွင် အသုံးပြုဆောင်ရွက်နေမှု၊ ဇီဝအချက်အလက်နည်းပညာကို နယ်ပယ်စုံတွင် အသုံးချဆောင်ရွက်နေမှုကို ခင်းကျင်းပြသထားသည်။

■ ထို့နောက် Astra Group ကုမ္ပဏီ၏ပြခန်း၌ ပြည်ပမှီခိုမှုကင်းသော Operating System ၊ ဆိုက်ဘာလုံခြုံရေးနှင့် အချက်အလက်စီမံခန့်ခွဲမှုဆိုင်ရာ Application များ၊ နည်းပညာဆိုင်ရာ ပစ္စည်းများနှင့် Software များအကြောင်းကို ကြည့်ရှုလေ့လာကြသည်။

■ ယင်းနောက် Astra Group ကုမ္ပဏီနှင့်ဆွေးနွေးပွဲပြုလုပ်ရာ မြန်မာနိုင်ငံတွင် Operating System နှင့် Software များ အမှီအခိုကင်းစွာ ထုတ်လုပ်နိုင်ရေးအတွက် Astra Group ကုမ္ပဏီမှနည်းပညာပိုင်းဆိုင်ရာ အကူအညီအထောက်အပံ့ပေးနိုင်ရေး၊ လူသားအရင်းအမြစ် ဖွံ့ဖြိုးတိုးတက်ရေး၊ နည်းပညာပိုင်းဆိုင်ရာသုတေသနပြု အကောင်အထည်ဖော်နိုင်ရေးအတွက် Moscow Technical University of Communications and Informatics (MTUCI) နှင့် Naypyitaw State Polytechnic University (NSPU) တို့အကြား နားလည်မှုစာချွန်လွှာရေးထိုး၍ အကောင်အထည်ဖော်ဆောင်ရွက်နိုင်ရေးတို့နှင့်စပ်လျဉ်း၍ ဆွေးနွေးခဲ့ကြောင်းသိရသည်။

#YMG/NN #Yangon_Times

#Local_News
Published 22 May 2026

■ လူမှုဖူလုံရေးအဖွဲ့က ရွေ့လျားဆေးကုသယာဉ်ဖြင့် မြန်မာ့မီးရထား (ရုံးချုပ်) မှ အာမခံ အလုပ်သမားဝန်ထမ်းများအား ကွင်းဆင်းဆေးကုသမှုပေးခဲ့ကြောင်း သိရသည်။

■ အဆိုပါလူမှုဖူလုံရေးအဖွဲ့ပိုင် ရွေ့လျားဆေးကုသယာဉ် (Mobile Medical Unit-MMU) နှစ်စီးဖြင့် မြန်မာ့မီးရထားရုံးချုပ် (နေပြည်တော်) နှင့် စက်ခေါင်းသစ် တပ်ဆင်ထုတ်လုပ်‌ရေးစက်ရုံ (နေပြည်တော်) တို့မှ အရာထမ်း၊ အမှုထမ်း အာမခံအလုပ်သမားဝန်ထမ်းများအား ယမာန်နေ့နံနက်ပိုင်းက လုပ်ငန်းခွင်အရောက် ကွင်းဆင်းဆေးကုသဆောင်ရွက်ပေးမှုကို ပို့ဆောင်ရေးဝန်ကြီးဌာန၊ ဒီဂျစ်တယ်ဖွံ့ဖြိုးတိုးတက်‌ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦးနှင့် အလုပ်သမားဝန်ကြီးဌာန ပြည်ထောင်စုဝန်ကြီး ဦးခင်မောင်စိုးတို့ ကြည့်ရှုအားပေးသည်။

■ ရွေ့လျားဆေးကုသယာဉ်များဖြင့် ကွင်းဆင်းဆေးကုသပေးရာတွင် အထူးကုဆရာဝန်ကြီးများ ပါဝင်သောအဖွဲ့က ကျောက်ကပ်ရောဂါ၊ ဆီးချိုရောဂါ၊ သွေးတိုးရောဂါ၊ နှလုံးသွေးကြောကျဉ်းရောဂါရှိသူများအား လိုအပ်သည့် စမ်းသပ်စစ်ဆေးမှုများ၊ လွှဲပြောင်းကုသမှုများဆောင်ရွက်ပေးခြင်း၊ နောက်ဆက်တွဲရောဂါများ ဖြစ်ပွားမှုနည်းပါးစေရန် လိုက်နာရမည့် ကျန်းမာရေးဆိုင်ရာ အမူအကျင့်များကို အသိပညာပေးပြောကြားခြင်းတို့ ဆောင်ရွက်ပေးခဲ့ပြီး ဓာတ်ခွဲစစ်ဆေးမှု ၃၂၇ ဦး၊ နှလုံးစမ်းသပ်စစ်ဆေးမှု ၁၈၅ ဦး၊ မျက်စိပါဝါစမ်းသပ်မှု ၃၂၅ ဦး၊ မျက်မှန်ပေးအပ်မှု ၃၂၀ ရှိကြောင်း သိရသည်။

#YMG/NN #Yangon_Times

#World_Science
Published 22 May 2026

■ ၂၀၀၅ မှ ၂၀၁၉ အတွင်း လူသားတွေ တစ်ယောက်နဲ့တစ်ယောက် စကားပြောဆိုတဲ့ စကားလုံးအရေအတွက် ၂၈ ရာခိုင်နှုန်းနီးပါး နည်းသွားတယ်လို့ မစ်ဆူရီကန်ဆက်စ်စီးတီးနဲ့ အရီဇိုးနားတက္ကသိုလ်မှ သုတေသီတွေ ပြောပါတယ်။

■ လူပေါင်း ၂ ထောင်ကျော်ရဲ့ အသံမှတ်တမ်းတွေရဲ့ အချက်အလက်တွေကို လေ့လာခဲ့ရာ ၂၀၀၅ မှာ ပျမ်းမျှစကားလုံးအရေအတွက် ၁၆,၆၃၂ လုံး ပြောခဲ့ပါတယ်။

■ ယခုနောက်ပိုင်း ရောက်လာတာနဲ့အမျှ ဖုန်းတွေနဲ့ စာရေးသားပေးပို့ခြင်းတွေသာ များလာပြီး အွန်လိုင်းမှာ အနေများလာပါတယ်။

■ ၂၀၁၉ မှာတော့ တစ်နေ့ကို စကားလုံး ၁၁,၉၀၀ လုံးခန့် ပြောခဲ့ပါတယ်။

■ လူတွေရဲ့ အခြေခံစကားပြောဆိုစွမ်းရည်တွေလည်း ကျဆင်းလာပြီး လူလူချင်းကူးလူးဆက်ဆံမှု ကျဆင်းလာခြင်းရဲ့ စိတ်ပိုင်းဆိုင်ရာ သက်ရောက်မှုတွေ စိုးရိမ်စရာ ဖြစ်လာပါတယ်။

■ ဒီထဲမှာမှ လူငယ်လူရွယ်တွေမှာ ပိုပြီးသက်ရောက်ပြီး အသက် ၂၅ နှစ်အောက်လူတွေမှာ တစ်နှစ်ကို စကားလုံး ၄၅၁ လုံး ပိုနည်းသွားပြီး ၂၅ နှစ်အထက်တွေမှာတော့ ၃၁၄ လုံး ပိုနည်းသွားပါတယ်။

■ ပျမ်းမျှအားဖြင့် တစ်နှစ်ကို ပြောဆိုတဲ့ စကားလုံးအရေအတွက် ၃၃၈ လုံး ကျဆင်းသွားပါတယ်။

■ ဒီလိုနှုန်းထားဖြင့်သာ ဆက်သွားနေပါက တစ်နေ့ကို စကားလုံးတစ်သောင်းလောက်အထိ နည်းနိုင်ပါတယ်။

■ ဒါပေမဲ့ နီဗာဒါတက္ကသိုလ်မှ ပရော်ဖက်ဆာ ဗယ်လာရီဖရစ်လန်းက စိုးရိမ်ပူပန်စရာ မရှိဘူးလို့ ဆိုပါတယ်။

■ အပြောင်းအလဲငယ်များဖြင့် ပြန်ပြောင်းလို့ရနိုင်ဖွယ်ရှိပြီး မိဘတွေက ကလေးငယ်တွေကို စကားပိုပြောခြင်း၊ ဖုန်းတွေကို အချိန်အတိုင်းအတာတစ်ခုအထိ လျှော့ချအသုံးပြုခြင်းတို့ ပြုလုပ်နိုင်ပါတယ်။

Source: The Verge.

#World_Health
Published 22 May 2026

■ လူတစ်ယောက်ရဲ့ ဇီဝဆိုင်ရာသက်တမ်းဟာ မျိုးရိုးဗီဇ၊ နေထိုင်စားသောက်မှုပုံစံ၊ ပတ်ဝန်းကျင်တို့ လွှမ်းမိုးနေပြီး လူ့အသက်အရွယ်ထက်ပိုပြီး သက်ရှည်ကျန်းမာခြင်းကို ဖော်ပြနေပါတယ်။

■ ဇီဝဆိုင်ရာသက်တမ်းကို ၅ နှစ်လောက် နုပျိုစေမယ့် မရှိမဖြစ်နည်းလမ်းတွေကို အမေရိကန်နှလုံးအဖွဲ့စည်းက လမ်းညွှန်ထားပါတယ်။

■ အဓိကအလေ့အကျင့်ပုံစံတွေကတော့ အာဟာရဓာတ်ကြွယ်ဝတဲ့ အစားအစာတွေ စားသုံးပေးဖို့နဲ့ အဆင့်ဆင့်ထုတ်လုပ်စားစရာတွေ အချိုဓာတ်တွေကို အနည်းဆုံးလျှော့ချဖို့ ဖြစ်ပါတယ်။

■ ပုံမှန်ကိုယ်လက်လှုပ်ရှားမှု ပြုလုပ်ဖို့ကလည်း အရေးပါပြီး လူကြီးတွေအနေနဲ့ အပတ်တိုင်း အသင့်အတင့်လေ့ကျင့်ခန်း မိနစ် ၁၅၀ သို့မဟုတ် ပြင်းထန်တဲ့လေ့ကျင့်ခန်း ၇၅ မိနစ်၊ ကလေးတွေအတွက် နေ့စဉ် မိနစ် ၆၀ ပြုလုပ်ပေးဖို့ အရေးကြီးပါတယ်။

■ ဆေးလိပ်နဲ့ vape သောက်ခြင်း ရှောင်ရှားဖို့က နှလုံးသွေးကြောကျန်းမာရေးအတွက် အရေးကြီးပြီး သူနဲ့ဆက်စပ်တဲ့ အန္တရာယ်တွေမှ လျှော့ချနိုင်မှာ ဖြစ်ပါတယ်။

■ လူကြီးတွေအနေနဲ့ တစ်ညကို နှစ်ခြိုက်စွာအိပ်စက်ချိန် ၇-၉ နာရီခန့် ရှိသင့်ပြီး အိပ်ရေးမဝပါက နှလုံးရောဂါ ဆက်စပ်လာနိုင်ပါတယ်။

■ အာဟာရရှိတဲ့ စားစရာတွေစားပြီး ကိုယ်အလေးချိန် ထိန်းသိမ်းဖို့နဲ့ ကိုယ်လက်လှုပ်ရှားမှုကို တက်ကြွစွာ လုပ်ဆောင်ဖို့ အကြံပြုထားပေမယ့် အလွန်အကျွံ ထိန်းသိမ်းစားသောက်ခြင်းကိုတော့ အားမပေးပါဘူး။

■ ဆင်ခြင်စားသောက်ခြင်း၊ လေ့ကျင့်ခန်းလုပ်ခြင်းတို့ဖြင့် ကိုလက်စထရော၊ သွေးတွင်းသကြားဓာတ်၊ သွေးပေါင်ချိန်တို့ကို ထိန်းသိမ်းခြင်း၊ ပုံမှန်ဆေးစစ်မှုများ ပြုလုပ်ခြင်းတို့က သက်ရှည်ကျန်းမာဖို့အတွက် အရေးကြီးပါတယ်။

■ မျိုးရိုးဗီဇက ကျန်းမာရေးမှာ ပါဝင်ပတ်သက်ပေမယ့် နေထိုင်စားသောက်မှု ရွေးချယ်ခြင်းတွေကပဲ အတော်လေး သက်ရောက်စေတာကြောင့် ကျန်းမာရေးနဲ့ညီညွတ်စွာ နေထိုင်ကျင့်ကြံဖို့ ဘယ်တော့မှ နောက်မကျသေးပါဘူး။

Source: HuffPost.

တရုတ်က နိုင်ငံခြားသားခရီးသွားများ ပိုမိုအဆင်ပြေချောမွေ့စေရန် ဆိုင်များတိုးချဲ့ခြင်း၊ တန်ဖိုးနည်းစ္စည်းများအပေါ် စစ်ဆေးမှုများ ရိုးရှင်းအောင်ပြုလုပ်ခြင်းနဲ့ ချက်ချင်းအခွန်ပြန်အမ်းခြင်း ဝန်ဆောင်မှုများ စတာတွေပါဝင်တဲ့ ထွက်ခွာခွန်ပြန်အမ်းငွေစနစ်ဖြင့် တိုင်းပြည်အတွင်း ဝင်လာသူများသုံးစွဲမှု တိုးမြှင့်မယ့် လုပ်ငန်းစဉ် ၈ ရပ်ကို မိတ်ဆက်လိုက်ပါတယ်။

#Asia_Industry
Published 21 May 2026
#တရုတ်နိုင်ငံ
#YMG #Yangon_Times #Yangon_Media_Group

ကျောင်းပြင်ပ ကျောင်းသားများအတွက် ၂၀၂၆-၂၀၂၇ ပညာသင်နှစ်မှာ ပညာသင်ယူနိုင်ဖို့ Placement Test (အထူးအစီအစဉ်) လျှောက်လွှာတွေ စတင်ခေါ်ယူနေတယ်လို့ အခြေခံပညာဦးစီးဌာနကသိရပါတယ်။

#Local_News
Published 21 May 2026
#Placement_Test
#YMG/NN #Yangon_Times

မြန်မာနိုင်ငံမှာ စိုက်ပျိုးထုတ်လုပ်တဲ့ဒူးရင်းသီးများကို တရုတ်နိုင်ငံသို့တင်ပို့နိုင်ရေး အကောက်ခွန်အထွေထွေ အုပ်ချုပ်မှုအာဏာပိုင်အဖွဲ့ (GACC) မှာ မှတ်ပုံတင်ဖို့ ဆောင်ရွက်နေတယ်လို့ စိုက်ပျိုးရေးဦးစီးဌာနမှ ညွှန်ကြားရေးမှူးချုပ်က မေလ ၁၉ ရက်မှာ ပြုလုပ်ခဲ့တဲ့ မြန်မာ့ဒူးရင်းသီးပွဲတော် ၂၀၂၆ မှာ ပြောကြားခဲ့ပါတယ်။

#Local_News
Published 21 May 2026
#မြန်မာ့ဒူးရင်းသီး #GACC
#YMG/SW #Yangon_Times

မြန်မာနိုင်ငံတော်ဗဟိုဘဏ်အနေနဲ့ နိုင်ငံခြားငွေကြေးဈေးကွက်မှာ စက်သုံးဆီလုပ်ငန်းရှင် တွေကို အမေရိကန်ဒေါ်လာ ၈၁ သန်း ရောင်းချပေးမယ်လို့ ယမာန်နေ့ကထုတ်ပြန်ထားပါတယ် ။

#Local_News
Published 21 May 2026
#စက်သုံးဆီ #မြန်မာနိုင်ငံတော်ဗဟိုဘဏ်
#YMG/NN #Yangon_Times

#Daily_News
Published 21 May 2026

၁။‌ ကျောင်းပြင်ပ ကျောင်းသားများပညာသင်ယူနိုင်ရန် အထူးအစီအစဉ်လျှောက်လွှာများစတင်ခေါ်ယူ

‌‎၂။ ‌‌‌‌မြန်မာ့ဒူးရင်းသီးများ တရုတ်သို့တင်ပို့နိုင်ရေး GACC တွင် မှတ်ပုံတင်ရန်ဆောင်ရွက်နေ

‎၃။‌‌‎ စက်သုံးဆီလုပ်ငန်းရှင်များကို အမေရိကန်ဒေါ်လာ(၈၁)သန်းရောင်းချပေးမည်

၄။‎ ‌‌‌‌‌‌‌‌‌ထွက်ခွာခွန်ပြန်အမ်းခြင်းတရုတ်နိုင်ငံ တိုးမြှင့်ဆောင်ရွက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group