လာမယ့် ဇူလိုင် ၃၁ ရက်အထိ ဒေသအများအပြားမှာ မိုးကြီးနိုင်တယ်လို့ယနေ့ ဇူလိုင် ၂၃ ရက်၊ နံနက် ၈ နာရီတွင် ထုတ်ပြန်လိုက်တဲ့မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ မိုးကြီးမယ့်သတိပေးချက် အမှတ်စဉ် (၂၃/၂၀၂၆) မှာဖော်ပြထားပါတယ်။

#Local_News
Published 23 July 2026
#မိုးလေဝသ
#YMG/SW #Yangon_Times

အခုဇူလိုင်လအတွင်းပြည်ပနိုင်ငံတွေကို ပြောင်းတန်ချိန်တစ်သိန်းကျော်တင်ပိုပြီး အမေရိကန် ဒေါ်လာ ၂၆ သန်းကျော်ရရှိရန်လျာထားတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက သိရပါတယ်။

#Local_News
Published 23 July 2026
#ပြောင်း
#YMG/NN #Yangon_Times

#Local_News
Published 23 July 2026

■ ဧရာဝတီတိုင်းဒေသကြီး အင်္ဂပူမြို့နယ် ကညင်ရေလှောင်တမံ ရေအားလျှပ်စစ်စီမံကိန်းမှ နှစ်စဉ် လျှပ်စစ်ဓာတ်အား ယူနစ် ၃၅ ဒသမ ၇၇၄ သန်းခန့် ထုတ်လုပ်ပေးနိုင်မည်ဖြစ်ပြီးအိမ်ထောင်စုပေါင်း ၁၀၅၀၀ ခန့်အတွက် လျှပ်စစ်ဓာတ်အား ဖြည့်ဆည်းပေးနိုင်မည်ဖြစ်ကြောင်း သိရသည်။

■ အဆိုပါကညင်ရေလှောင်တမံတွင်အကောင်အထည်ဖော်ဆောင်ရွက် နေသည့် ရေအားလျှပ်စစ် ဓာတ်အားပေးစက်ရုံစီမံကိန်းသည် ၁၀ ဒသမ ၅ မဂ္ဂါဝပ် ရှိသည့်စီမံကိန်းဖြစ်ကာ ယင်း ရေအားလျှပ်စစ်ဓာတ်အားပေးစက်ရုံစီမံကိန်းမှ ထွက်ရှိသည့် လျှပ်စစ်ဓာတ်အား ယူနစ် ၃၅ ဒသမ ၇၇၄ သန်းခန့်ကို အိမ်ထောင်စုတစ်စုလျှင် လစဉ် ၁၀၀ ယူနစ်ခန့် အသုံးပြုမှုဖြင့် ခန့်မှန်းတွက်ချက်ပါက အိမ်ထောင်စုပေါင်း ၁၀၅၀၀ ခန့်အတွက် လျှပ်စစ်ဓာတ်အား ဖြည့်ဆည်းပေးနိုင်မည်ဖြစ်ကြောင်း သိရသည်။
 
■ ယင်းရေအားလျှပ်စစ်စီမံကိန်းဆောင်ရွက်နေမှုကို တိုင်းဒေသကြီးဝန်ကြီးချုပ် ဦးအေးကျော်သည် ယမန်နေ့နံနက်ပိုင်းက တာဝန်ရှိသူများနှင့်အတူ သွားရောက်ကြည့်ရှုစစ်ဆေးခဲ့သည်။
 
■ ထို့နောက် ကညင်ရေအားလျှပ်စစ်စီမံကိန်းမှ ထွက်ရှိလာမည့် ဓာတ်အားများကို အမျိုးသားဓာတ်အား ကွန်ရက်စနစ်သို့ ချိတ်ဆက်ပို့လွှတ်နိုင်ရေးအတွက် အင်္ဂပူမြို့နယ် ထူးကြီးမြို့တွင် ၃၃/ ၆၆ ကေဗွီ ဓာတ်အားခွဲရုံ ဆောက်လုပ်ပြီးစီးမှုနှင့် ၆၆ ကေဗွီ မြန်အောင်-ဟင်္သာတ အမှတ် (၁) ဓာတ်အားလိုင်းနှင့် ချိတ်ဆက်ခြင်းလုပ်ငန်းဆောင်ရွက်ထားရှိမှုတို့ကို သွားရောက်ကြည့်ရှုစစ်ဆေးခဲ့ကြောင်း သိရသည်။
 
■ တိုင်းဒေသကြီးဝန်ကြီးချုပ်သည် ဇူလိုင် ၂၀ ရက် နံနက်ပိုင်းက ပုသိမ်မြို့ ဧရာရွှေဝါခန်းမတွင်ပြုလုပ်သော ပြည်သူဗဟိုပြုရဲလုပ်ငန်းစနစ် အကောင်အထည်ဖော်ဆောင်ရွက်ရေး ဆွေးနွေးပွဲအခမ်းအနားသို့ တက်ရောက်ပြီး ပြည်သူဗဟိုပြု ရဲလုပ်ငန်းစနစ်အောင်မြင်ရေးအတွက် မြို့နယ်/ ခရိုင်အဆင့်တွင် တစ်ပတ်လျှင် တစ်ကြိမ်နှင့် တိုင်းဒေသကြီးအဆင့်တွင် တစ်လလျှင် တစ်ကြိမ် တွေ့ဆုံပွဲများပြုလုပ်၍ ပြည်သူဗဟိုပြုသော ရဲလုပ်ငန်းစနစ် အကောင်အထည်ဖော်ဆောင်ရွက်သွားမည်ဖြစ်ကြောင်းပြောကြားသည်။
 
■ ထို့နောက် တိုင်းဒေသကြီး ရဲတပ်ဖွဲ့မှူးက ပြည်သူဗဟိုပြု ရဲလုပ်ငန်းစနစ် အကောင်အထည်ဖော်ဆောင်ရွက်နိုင်ရေးတို့ကို ရှင်းလင်းတင်ပြပြီး တိုင်းဒေသကြီးအတွင်းရှိ မြို့နယ် ၂၆ မြို့နယ်တွင်လည်း တစ်ပြိုင်တည်း ပြုလုပ်ခဲ့ကြောင်း သိရသည်။

 #YMG/NN #Yangon_Times

#World_News
Published 23 July 2026

■ ဆော်ဒီအာရေဗျနိုင်ငံအတွက် ယူရေနီယံ သန့်စင်ထုတ်လုပ်စေနိုင်မယ့် လမ်းစဖွင့်ပေးနိုင်တဲ့ သမိုင်းဝင် ငြိမ်းချမ်းရေးနျူကလီးယား ပူးပေါင်းဆောင်ရွက်ရေး သဘောတူညီချက်ကို အမေရိကန်က လက်မှတ်ရေးထိုးခဲ့ပါတယ်။

■ နှစ်နိုင်ငံဆက်ဆံရေးမှာ အရေးပါတဲ့ခြေလှမ်း ဖြစ်ပေမယ့် နျူကလီးယား စောင့်ကြည့်ကြီးကြပ်မှုနဲ့ ပတ်သက်လို့ မေးခွန်းများ ထွက်ပေါ်လာစေပါတယ်။

■ အမေရိကန်စွမ်းအင်ဝန်ကြီး ခရစ္စရိုက်နဲ့ ဆော်ဒီစွမ်းအင်ဝန်ကြီး မင်းသားအဗ္ဗဒူလာဇစ်ဘင်ဆယ်မန်တို့က နျူကလီးယား သဘောတူညီချက်နဲ့အတူ နှစ်နိုင်ငံ ကာကွယ်စောင့်ရှောက်ရေး သဘောတူညီချက်တို့ကို လက်မှတ်ရေးထိုးခဲ့ကြကြောင်း အမေရိကန်စွမ်းအင်ဝန်ကြီးဌာနက ဇူလိုင် ၂၂ ရက်နေ့မှာ ထုတ်ပြန်ခဲ့ပါတယ်။

■ ဒီသဘောတူညီချက်ဟာဖြင့် အမေရိကန် နျူကလီးယားနည်းပညာ တင်ပို့မှုများ ချဲ့ထွင်းခြင်း၊ အလုပ်အကိုင်များ ဖန်တီးခြင်း၊ စွမ်းအင်နဲ့ နိုင်ငံတော်လုံခြုံမှု မြှင့်တင်ခြင်းတို့အတွက် ရည်ရွယ်ပါတယ်။

■ နျူကလီးယား စောင့်ကြည့်ကြီးကြပ်မှု၊ ဘေးကင်းလုံခြုံမှု၊ အထူးသဖြင့် ယူရေနီယံ သန့်စင်ထုတ်လုပ်မှုတို့နဲ့ ပတ်သက်ပြီး စိုးရိမ်နေတဲ့ အမေရိကန်ကွန်ဂရက်ကတော့ ဒီသဘောတူညီချက်ကို ပြန်လည်သုံးသပ်သွားမှာ ဖြစ်ပါတယ်။

■ ဒီသဘောတူညီချက်ဟာ အမေရိကန်-ဆော်ဒီ ဆက်ဆံရေးမှာ ထင်ရှားတဲ့ခြေလှမ်းဖြစ်ပြီး အီရန်နဲ့ ဒေသတွင်းတင်းမာမှုတွေ ရှိနေတဲ့ကြား လက်မှတ်ရေးထိုးခဲ့တာဖြစ်ကာ အရှေ့အလယ်ပိုင်းမှာ နျူကလီးယားကိစ္စနဲ့ ပတ်သက်ပြီး စိုးရိမ်းပူပန်မှု မြင့်တက်လာစေပါတယ်။

Source: WION

#World_Health
Published 23 July 2026

■ ၁၉၅၀ ပြည့်နှစ်များတည်းက ဆပ်ပြာတွေထဲမှာ ပဋိဇီဝဆေးဝါး ပေါင်းစပ်ပါဝင်ပစ္စည်းများကို ထည့်သွင်းအသုံးပြုခဲ့ကြပေမယ့် ရိုးရိုးဆပ်ပြာနဲ့ ရေတို့ဖြင့်ပင် ပိုးမွှားသန့်စင်ဖို့ရာ ထိရောက်မှုရှိပါတယ်။

■ တစ်ကိုယ်ရေသန့်ရှင်းရေး မြှင့်တင်ဆောင်ရွက်ခြင်းဖြင့် နှစ်စဉ် လူဦးရေ ၁.၄ သန်းရဲ့ အသက်အန္တရာယ်ကို ကာကွယ်နိုင်မယ်လို့ ကမ္ဘာ့ကျန်းမာရေးအဖွဲ့ WHO က ခန့်မှန်းထားပါတယ်။

■ ပဋိဇီဝဆေးဝါး ပေါင်းစပ်ပါဝင်တဲ့ ဆပ်ပြာတွေဟာ ရိုးရိုးဆပ်ပြာလောက် ထိရောက်မှုမရှိတဲ့အပြင် ပိုးသတ်ဆေးယဉ်ပါးမှုကိုလည်း ပိုမိုဖြစ်ပွားစေနိုင်ပါတယ်။

■ ထရိုင်ကလိုဆန်နဲ့ အခြားသော ပဋိဇီဝဆေးဝါး ပေါင်းစပ်ပါဝင်ပစ္စည်းတွေဟာ ဘေးကင်းကြောင်းနဲ့ ထိရောက်မှုရှိကြောင်း အထောက်အထား လုံလောက်စွာ မရှိခြင်းကြောင့် ယင်းတို့ကို အိမ်သုံးပစ္စည်းများမှာ အသုံးပြုခြင်းကနေ အမေရိကန် FDA က ပိတ်ပင်တားမြစ်ခဲ့ပါတယ်။

■ ပဋိဇီဝဆေးဝါး ပေါင်းစပ်ပါဝင်တဲ့ ထုတ်ကုန်များ အသုံးပြုမှုမြင့်တက်လာပေမယ့် ကျန်းမာရေးဆိုင်ရာ ဘေးထွက်ဆိုးကျိုးများ ဖြစ်ပေါ်စေတဲ့အပြင် ပဋိဇီဝဆေးယဉ်ပါးမှုကိုလည်း ဖြစ်ပွားစေပါတယ်။

■ ပဋိဇီဝဆေးယဉ်ပါးမှု အန္တရာယ်မရှိစေဘဲ ရောဂါပိုးမွှားများကို ကာကွယ်ရန်အတွက်က ပထမဆုံးနဲ့ အဓိကနည်းလမ်းက ရိုးရိုးဆပ်ပြာနဲ့ ရေကိုသာ အသုံးပြုရန် တိုက်တွန်းထားပါတယ်။

■ ပိုးသတ်သန့်စင်ခြင်းကို ခန္ဓာကိုယ်မှထွက်တဲ့ အရည်များ ပေကျံညစ်ပတ်သွားတဲ့အခါမျိုး၊ ခုခံအားကျဆင်းခြင်းလိုမျိုး အခြေအနေတွေမှာ သီးသန့်အသုံးပြုရန် တိုက်တွန်းထားပါတယ်။

■ တစ်ကိုယ်ရေသန့်ရှင်းရေး အယူအဆအရ ကျန်းမာသန်စွမ်းတဲ့ ခုခံအားစနစ်တစ်ခု ဖြစ်ပေါ်လာစေရန် ပတ်ဝန်းကျင်ရှိ အဏုဇီဝပိုးမွှားများနဲ့ ပုံမှန်ထိတွေ့မှုရှိနေရန် လိုအပ်ပါတယ်။

Source: Toronto Sun

#Local_News
ဇူလိုင်၂၃၊၂၀၂၆ (နေပြည်တော်)

■ နိုင်ငံတော်သမ္မတ ဦးမင်းအောင်လှိုင်သည် သံတမန်ဆက်ဆံရေးများတိုးတက်လာသည့် အခြေအနေကို ထင်ဟပ်သည့် အသစ်ခန့်အပ်သော သံအမတ်ကြီးနှစ်ဦး၏ သံအမတ်ခန့်အပ်လွှာများလက်ခံခြင်းနှင့် တာဝန်ပြီးဆုံးသည့် သံအမတ်တစ်ဦးကို ယမန်နေ့ ဇူလိုင် ၂၂ရက်က လက်ခံတွေ့ဆုံခြင်းများဆောင်ရွက်ခဲ့ကြောင်း အစိုးရသတင်းထုတ်ပြန်ချက်အရသိရသည်။

■ နိုင်ငံတော်သမ္မတသည် မြန်မာနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသည့် ဗီယက်နမ် ဆိုရှယ်လစ် သမ္မတနိုင်ငံ သံအမတ်ကြီးအဖြစ် ခန့်အပ်ရန်သဘောတူညီပြီးဖြစ်သော H.E. Mr. Ngu Anh Duc နှင့် ကာဇက်စတန်သမ္မတနိုင်ငံ သံအမတ်ကြီးအဖြစ် ခန့်အပ်ရန်သဘောတူညီပြီးဖြစ်သော H.E. Mr. Margulan Baimukhanတို့၏ သံအမတ်ခန့်အပ်လွှာများကို သနေပြည်တော်ရှိ နိုင်ငံတော်သမ္မတ၏ ဧည့်ဆောင်တော်၌ သီးခြားအခမ်းအနားများဖြင့်လက်ခံခဲ့သည်။

■ အစိုးရသစ်၏ ထူးခြားမှုအဖြစ် အသစ်ခန့်အပ်ခံရသော သံအမတ်ကြီးများသည် နိုင်ငံတော်သမ္မတ၏ ဧည့်ဆောင်တော်၊ ဂုဏ်ပြုဆောင်ခန်းမသို့ရောက်ရှိပြီး ပြည်ထောင်စုသမ္မတ မြန်မာနိုင်ငံတော်အလံနှင့် သက်ဆိုင်ရာနိုင်ငံတို့၏ အလံတို့အား အလေးပြုကာ ဂုဏ်ပြုတပ်ဖွဲ့၏ အလေးပြုခြင်းကို ခံယူခဲ့ကြခြင်းဖြစ်ပြီး ဂုဏ်ပြုတပ်ဖွဲ့က နှစ်နိုင်ငံနိုင်ငံတော်သီချင်းများကို တီးမှုတ်ခဲ့ကြခြင်းဖြစ်သည်။

■ ဗီယက်နမ်နိုင်ငံတွင် ကမ္ဘောဒီးယား - လာအို - မြန်မာ - ဗီယက်နမ် ပူးပေါင်းဆောင်ရွက်မှု (CLMV) ထိပ်သီးအစည်းအဝေးနှင့် ဧရာဝတီ- ကျောက်ဖရား-မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ (ACMECS) ထိပ်သီးအစည်းအဝေးတို့ကို ကျင်းပပြုလုပ်သွားမည့်အခြေအနေနှင့် မြန်မာနိုင်ငံမှ ပါဝင်တက်ရောက်သွားမည့်အခြေအနေကို နိုင်ငံတော်သမ္မတနှင့် ဗီယက်နမ်သံအမတ်သစ်တို့ တွေ့ဆုံစဉ်ဆွေးနွေးခဲ့ကြသည်။

■ နိုင်ငံတော်သမ္မတနှင့် ကာဇက်စတန်သံအမတ်သစ်တို့ တွေ့ဆုံစဉ်ကာဇက်စတန်နိုင်ငံအနေဖြင့် အလယ်အာရှဒေသတွင်တည်ရှိပြီး တရုတ်နိုင်ငံကိုဖြတ်သန်း၍ မြန်မာနိုင်ငံမှတစ်ဆင့် တောင်အာရှနိုင်ငံများနှင့် အာဆီယံနိုင်ငံများအကြား စီးပွားရေးကူးလူးဆက်ဆံမှုများ တိုးမြှင့်ဆောင်ရွက်သွားနိုင်သည့်အခြေအနေများကိုဆွေးနွေးခဲ့ကြောင်းလည်းသိရှိရသည်။

■ ထို့အပြင် နိုင်ငံတော်သမ္မတကို တာဝန်ပြီးဆုံး၍ ပြန်လည်ထွက်ခွာတော့မည့် ရန်ကုန်မြို့ အခြေစိုက် ကိုရီးယားဒီမိုကရက်တစ်ပြည်သူ့သမ္မတနိုင်ငံသံရုံးမှ သံအမတ်ကြီး H.E. Mr. Jong Ho Bom ဦးဆောင်သော ကိုယ်စားလှယ်အဖွဲ့က ထိုနေ့မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံးတော် ဧည့်ခန်းမ၌ လာရောက်ဂါရဝပြုတွေ့ဆုံခဲ့ပြီး နိုင်ငံတော်သမ္မတနှင့် သံအမတ်ကြီးတို့သည် နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်အောင် ဆောင်ရွက်သွားနိုင်မည့်အခြေအနေများကိုဆွေးနွေးခဲ့ကြသည်။

#World_Health
Published 23 July 2026

■ ပရိုတိန်းဓာတ်ကြွယ်ဝတဲ့ မနက်စာမျိုး စားချင်သူတွေအတွက်တော့ မနက်တိုင်း ကြက်ဥပြုတ် ၃ လုံးနဲ့ ကော်ဖီတစ်ခွက် သောက်သုံးခြင်းကို ကျင့်သုံးသင့်ပါတယ်။

■ ဒီလိုစားသောက်ပုံမျိုးကို တစ်လကြာအောင် နံနက်တိုင်း စားသုံးပေးပါက ဘာတွေဖြစ်နိုင်မလဲ။

■ အဆိုပါ မနက်စာမျိုးက ရေတိုအကျိုးအာနိသင်အချို့ ရရှိစေနိုင်တယ်လို့ ဒေလီမြို့ ခိုင်လက်ရှ်ဒီပက်ဆေးရုံမှ အာဟာရပညာရှင် ရီချာရှာမက ပြောပါတယ်။

■ ကြက်ဥတွေမှာ အရည်အသွေးမြင့် ပရိုတိန်းများ၊ ကျန်းမာရေးညီညွတ်တဲ့ အဆီများ၊ ဗိုက်တာမင်-ဒီနဲ့ ဘီ၊ ကိုလင်းတို့ ကြွယ်ဝပြီး ကော်ဖီကတော့ ဓာတ်တိုးဆန့်ကျင်ပစ္စည်းများ ပေးစွမ်းနိုင်တယ်လို့ ပြောပါတယ်။

■ ကြက်ဥ ၃ လုံးနဲ့ ကော်ဖီကို မနက်စာအဖြစ် တွဲဖက်စားသုံးပေးပါက ဆာလောင်စိတ် ထိန်းချုပ်ရာမှာ ကြာရှည်ထိန်းသိမ်းပေးနိုင်စေပြီး ကိုယ်အလေးချိန်လျှော့ချခြင်းတို့ကို ကူညီပေးပါတယ်။

■ ပထမရက်အနည်းငယ်အတွင်း တစ်နေ့တာအတွင်း ဆာလောင်စိတ် လျော့ကျသွားတာကို သတိပြုမိလာနိုင်ပါတယ်။

■ ပရိုတိန်းဓာတ် မြင့်မားတဲ့အခါ ကြွက်သားထိန်းသိမ်းမှုကို ကူညီပေးပြီး ကြံ့ခိုင်လေ့ကျင့်ခန်း၊ စားသောက်ပုံစံထိန်းချုပ်ခြင်းတို့ကို ဦးစားပေးတဲ့သူတွေအတွက် အကျိုးရှိစေမှာပါ။

Source: Indian Express

အင်ဒိုနီးရှားမှာ B50 ဇီဝဒီဇယ်စီမံကိန်း တရားဝင်စတင်လိုက်ပြီ ဖြစ်ပါတယ်။
စွမ်းအင်ကဏ္ဍမှာ ပြည်ပမှစက်သုံးဆီတင်သွင်းရခြင်းအပေါ် မှီခိုနေရခြင်းကို လျှော့ချရန်ရည်ရွယ်ပြီး ဒီဇယ်ဆီမှာအုန်းအဆီအခြေခံ ဇီဝလောင်စာရောစပ်မှုအချိုး ၅၀ ရာခိုင်နှုန်းအထိ တိုးမြှင့်လိုက်ပါတယ်။

#Asia_Business
Published 22 July 2026
#အင်ဒိုနီးရှား #ဇီဝဒီဇယ်စီမံကိန်း
#YMG #Yangon_Times #Yangon_Media_Group

#Daily_News
Published 22 July 2026

၁။‌ U-12 Junior Soccer World Challenge အတွက်စခန်းသွင်းလေ့ကျင့်မှု (၂၅)ရက်နေ့တွင်စတင်မည်

‌‎၂။ ‌ရုပ်သေးသဘင်ပညာရေရှည်တည်တံ့ခိုင်မြဲစေရန် မြန်မာ့ရုပ်သေးစကားဝိုင်းပြုလုပ်

၃။‌‌‎ ကြက်ဥဈေးနှုန်း ထပ်မံမမြင့်တက်စေရေး ဖြန့်ဖြူးရောင်းချသူများနှင့် ညှိနှိုင်းဆောင်ရွက်မည်ဟု မွေးမြူရေးလုပ်ငန်းအဖွဲ့ချုပ်ထုတ်ပြ

၄။‎ ‌‌‌‌‌‌‌‌‌တင်သွင်းလောင်စာဆီအပေါ်မှီခိုမှုလျှော့ချရန်B50ဇီဝဒီဇယ်စီမံကိန်း အင်ဒိုနီးရှားစတင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဂျပန်နိုင်ငံမှာ ကျင်းပမယ့် U-12 Junior Soccer World Challenge 2026 ပြိုင်ပွဲကို ဝင်ရောက်ယှဉ်ပြိုင်မယ့် မြန်မာ ယူ-၁၂ လက်ရွေးစင်အသင်းအတွက် စခန်းသွင်းလေ့ကျင့်မှုကို ယခုလ၂၅ရက်နေ့မှ စတင်သွားမယ်လို့ မြန်မာနိုင်ငံဘောလုံးအဖွဲချုပ် (MFF)မှ သိရပါတယ်။

#Local_News
Published 22 July 2026
#U-12_Junior_Soccer_World_Challenge
#YMG/SW #Yangon_Times

မြန်မာ့ရိုးရာယဉ်ကျေးမှုအနုပညာရပ်ဖြစ်သောရုပ်သေးသဘင်ပညာရေရှည်တည်တံ့ခိုင်မြဲစေဖို့ရည်ရွယ်ပြီး မြန်မာ့ရုပ်သေးစကားဝိုင်းကို ရန်ကုန်မြိုရှိ Governor's Residence မှာ ဇူလိုင်(၂၀)ရက်မှာ ကျင်းပခဲ့တယ်လို့ သိရပါတယ် ။

#Local_News
Published 22 July 2026
#ရုပ်သေးသဘင်ပညာ
#YMG/NN #Yangon_Times

ကြက်ဥဈေးနှုန်းများဆက်လက်မြင့်တက်ခြင်းမရှိစေရေးအတွက် သက်ဆိုင်ရာအစုအဖွဲ့အနေဖြင့် ကြက်ဥဖြန့်ဖြူးရောင်းချသူများနှင့်ညှိနှိင်းပေါင်းစပ်ဆောင်ရွက်သွားမှာဖြစ်တယ်လို့ မြန်မာနိုင်ငံမွေးမြူရေးလုပ်ငန်းအဖွံချုပ်က ထုတ်ပြန်လိုက်ပါတယ်။

#Local_News
Published 22 July 2026
#ကြက်ဥ
#YMG/SW #Yangon_Times