ရန်ကုန်မြို့ တောင်ဒဂုံမြို့နယ်ရှိ သုခဒဂုံပြည်သူ့အငှါးအိမ်ရာရှိ တိုက်၄၃ လုံးနဲ့ စည်းကမ်းပျက်လိုသိမ်းဆည်းထားတဲ့ အခန်းတွေနဲ့ အကြောင်းအမျိုးမျိုးကြောင့် လစ်လပ်နေတဲ့အခန်းတွေကို မဲစနစ်နဲ့ရွေးချယ်သွားမယ်လို့ သိရပါတယ်။
#Local_News
Published 22 October 2024
#သုခဒဂုံပြည်သူ့အငှါးအိမ်ရာ #မဲစနစ်နဲ့ရွေးချယ်
#YMG/NN #Yangon_Times

မုန်တိုင်းအရှိန်‌ကြောင့် ရွှေပြည်သာမှာ လေပြင်းတိုက်ပြီး နေအိမ်(၂)လုံးပြိုကျပျက်စီးခဲ့သလို ရွှေပေါက်ကံမြို့နယ်၊ ရွှေပြည်သာ၊ မြောက်ဒဂုံနဲ့ တောင်ဥက္ကလာအပါအဝင် မြို့နယ်အချို့ရှိနေအိမ်တွေထဲကို ရေတွေဝင်လာတယ်လို့ သိရပါတယ်။
#Local_News
Published 22 October 2024
#ရန်ကုန်တွင်မိုးကြီး #မုန်တိုင်းအရှိန်
WatchVideo>>>
#YMG/tthl #Yangon_Times

#Local_News
Published 22 October 2024

▪️ ရုရှားနိုင်ငံ၏ ဆောင်းရာသီကာလတွင် ရုရှားအားကစားသမားများ မြန်မာနိုင်ငံ၌ရက်ရှည်လာရောက်တည်းခိုပြီး လေ့ကျင့်ရန်ရှိကြောင်း သိရသည်။

▪️ အောက်တိုဘာလ(၂၁)ရက်က လာရောက်ခဲ့သည့်မြန်မာ - ရုရှားခရီးသွားလုပ်ငန်းမြှင့်တင်ရေး ရင်းနှီးကျွမ်းဝင်မှုဆိုင်ရာခရီးစဉ်တွင် လာရောက်ခဲ့သည့် ရုရှားတာဝန်ရှိသူများက အဆိုပါရက်ရှည်လည်ပတ်ပြီး လေ့ကျင့်ရန်ရှိသည်ကို ထည့်သွင်းဆွေးနွေးခဲ့ ကြခြင်းဖြစ်သည်။

▪️ ရုရှားဖက်ဒရေးရှင်းနိုင်ငံ ရုရှား - မြန်မာချစ်ကြည်ရေးနှင့် ပူးပေါင်းဆောင်ရွက်ရေးအသင်းမှ တာဝန်ရှိသူနှင့် Space Travel Agency မှ တာဝန်ရှိသူများက ရုရှားနိုင်ငံ၏ ဆောင်းရာသီကာလတွင် ရုရှားအားကစားသမားများ မြန်မာနိုင်ငံ၌ ရက်ရှည်လာရောက်တည်းခိုနေထိုင်၍ လေ့ကျင့်နိုင်ရေးအတွက် စီစဉ်ဆောင်ရွက်ပေးစေလိုသည့် ကိစ္စရပ်များ၊ ရုရှားခရီးသွားဧည့်သည်များ ငွေပေးချေမှုနှင့်စပ်လျဉ်း၍ ပိုမိုလွယ်ကူအဆင်ပြေချောမွေ့ စေရေးဆိုင်ရာကိစ္စရပ်များ၊ ကျန်းမာရေးနှင့် အသက်အာမခံထားရှိရေးဆိုင်ရာကိစ္စရပ်များကို ဆွေးနွေးခဲ့ကြသည်။

▪️ ယင်းအပြင် နှစ်နိုင်ငံခရီးသွားလုပ်ငန်း ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်သွားမည့်အခြေအနေများ၊ အလုပ်ရုံဆွေးနွေးပွဲများ ကျင်းပနိုင်ရေးအတွက် ပူးပေါင်းဆောင်ရွက်သွားမည့်အခြေအနေများကိုလည်း ဆွေးနွေးကြပြီး မြန်မာနိုင်ငံသို့ ရုရှားခရီးသွားဧည့်သည်များ ပိုမိုဝင်ရောက်လည်ပတ်စေရေးအတွက် ကူညီဆောင်ရွက်ပေးသွားမည်ဖြစ်ကြောင်း ပြောကြားခဲ့ရာ ဟိုတယ်နှင့်ခရီးသွားလာရေးဝန်ကြီးဌာန၊ ဒုတိယဝန်ကြီးက လိုအပ်သည်များ ပူးပေါင်းဆောင်ရွက်ပေးသွားမည့်အခြေအနေများကို ပြန်လည်ဆွေး နွေးပြောကြားခဲ့ကြောင်း သိရသည်။

#YMG/tthl #Yangon_Times

#World_News
Published 22 October 2024

▪️ ရုရှားက BRICS ထိပ်သီးအစည်းအဝေးမှာ အနောက်တိုင်းမပါတဲ့ နိုင်ငံများအင်အားစုကို ပြသလိုနေပေမယ့် မိတ်ဖက်နိုင်ငံများဖြစ်တဲ့ တရုတ်၊ အိန္ဒိယ၊ ဘရာဇီးလ်၊ အာရပ်တို့ကတော့ ယူကရိန်းစစ်ပွဲ အဆုံးသတ်မယ့် နည်းလမ်းရှာဖွေရန် ရုရှားသမ္မတပူတင်ကို တိုက်တွန်းနေကြပါတယ်။

▪️ အဆိုပါနိုင်ငံများပါဝင်တဲ့ BRICS အဖွဲ့ဟာ အခုဆိုရင် ကမ္ဘာ့လူဦးရေအားလုံးရဲ့ ၄၅ ရာခိုင်နှုန်း၊ စီးပွားရေးအရ ၃၅ ရာခိုင်နှုန်းအထိ ရှိနေကာ တရုတ်နိုင်ငံတစ်ခုတည်းဖြင့်ပင် ယင်းတို့ စီးပွားရေးအင်အားရဲ့ တဝက်ကျော် ပါဝင်နေပါတယ်။

▪️ အနောက်တိုင်းနိုင်ငံတွေကနေ စစ်ရာဇဝတ်သားလို့ သတ်မှတ်ထားရတဲ့ ပူတင်က BRICS ဟာ ဘယ်သူ့ကိုမှ မဆန့်ကျင်ကြောင်း၊ ကမ္ဘာလုံးဆိုင်ရာ ဖွံ့ဖြိုးမှု အပြောင်းအလဲက သပ်သပ်စီဖြစ်ကြောင်း သတင်းထောက်တွေကို ပြောသွားပါတယ်။

▪️ "ဒီအဖွဲ့အစည်းဟာ တူညီတဲ့တန်ဖိုး၊ ရည်မှန်းချက်၊ ဖွံ့ဖြိုးမှု၊ အရေးကြီးဆုံးက အပြန်အလှန် အကျိုးစီးပွားများကို ထည့်သွင်းစဉ်းစားပြီး အတူတကွ လုပ်ကိုင်နေကြတဲ့ နိုင်ငံများ ဖြစ်ပါတယ်" လို့ ဆိုပါတယ်။

▪️ BRICS အစည်းအဝေး ပြုလုပ်ချိန်မှာ ဝါရှင်တန်မှာလည်း ကမ္ဘာလုံးဆိုင်ရာ ဘဏ္ဍာရေးအကြီးအကဲများ စုဝေးခဲ့ကြပြီး အမေရိကန် သမ္မတရွေးကောက်ပွဲကြောင့် ကုန်သွယ်ရေးပြိုင်ဆိုင်မှုများ ဖြစ်လာမှာကို စိုးရိမ်နေကြပါတယ်။

▪️ ရုရှားသတင်းရင်းမြစ် ၂ ဦးပြောကြားချက်အရ ရုရှားမှာ အပစ်အခတ်ရပ်စဲရေး သဘောတူညီချက်အကြောင်း ဆွေးနွေးမှုတိုးတက်နေပေမယ့် ဘာမှတော့ မသေချာသေးကြောင်း၊ တစ်ကမ္ဘာလုံးက အမေရိကန်မှ နိုဝင်ဘာ ၅ ရက်နေ့ ရွေးကောက်ပွဲရလဒ်ကို စောင့်ကြည့်နေကြကြောင်း သိရပါတယ်။

▪️ ရုရှားဟာ အခုဆိုရင် ခရိုင်းမီးယားဒေသ အပါအဝင် ယူကရိန်းနယ်မြေရဲ့ ၅ ပုံ ၁ ပုံလောက်ကို ထိန်းချုပ်ထားပါတယ်။

▪️ ရုရှားသာ အနိုင်ရမယ်ဆိုတာကို အနောက်တိုင်းလည်း သဘောပေါက်လောက်ပြီလို့ ပူတင်က ပြောခဲ့ပါတယ်။

▪️ ရုရှား၊ အိန္ဒိယ၊ တရုတ်နဲ့ ဘရာဇီးလ်တို့ စတင်ဖွဲ့ထားတဲ့ BRICS အဖွဲ့ထဲကို တောင်အာဖရိက၊ အီဂျစ်၊ အီသီယိုးပီးယား၊ အီရန်၊ ယူအေအီးတို့ ပါဝင်လာပါတယ်။

▪️ ရုရှားဟာ အနောက်တိုင်း ဒဏ်ခတ်ပိတ်ဆို့မှုတွေကို ချေဖျက်ရန် နိုင်ငံတကာ ငွေပေးချေမှုမှာ အခြားနည်းလမ်းပုံစံတစ်ခု တည်ဆောက်ဖို့ BRICS နိုင်ငံတွေကို တိုက်တွန်းနေပါတယ်။

#Source: Reuters

#Local_News
Published 22 October 2024

▪️ ငမိုးရိပ်နှင့်မဟူရာတမံရေပြည့်မှတ်ထက်ကျော်လွန်နေကြောင်း စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနမှ ထုတ်ပြန်ထားသည်။

▪️ အောက်တိုဘာ ၂၂ရက် မနက် ၆နာရီအချိန်ထုတ်ပြန်ချက်အရ ငမိုးရိပ်တမံ​သည် ရေပြည့်မှတ်အထက် ၁ဒသမ ၇၅  ပေပိုနေပြီး မဟူရာတမံ​ သည် ရေပြည့်မှတ်အထက်  ၁ဒသမ၁၀ ပေပိုနေကြောင်း သိရသည်။

▪️ "မိုးက​တော့ ပညာရှင်​တွေကြိုတင်ခန်းမှန်းချက်​တွေအတိုင်း ​တော်​တော်ကိုများပါတယ်၊​ ရေပိုလွှဲများ​ရေမ​ကျော်​သေးပါဘူးခင်ဗျာ၊​ ရေစီး​ရေလာမ​ကောင်းတဲ့  မြို့ရွာရပ်ကွက်​တွေမှာ​တော့ မ​နေ့ကလိုဘဲ​ရေ​တွေများနိုင်ပါတယ်" ဟု တာဝန်ရှိသူတစ်ဦး ကပြောသည်။

▪️ ထို့အပြင် ပေါင်းလင်းတမံ​သည် ရေပြည့်ရန်   ၅ဒသမ ၈၀ ​ပေလိုနေပြီး လဂွမ်းပြင်တမံ​သည် ရေပြည့်ရန် သုညဒသမ ၆၀  ​ပေလိုနေပြီး ကလီ​ထော်တမံ​သည် ရေပြည့်ရန် သုညဒသ၉၀ ပေလိုကြောင်း သိရသည်။

▪️ ငမိုးရိပ်ရေလှောင်တမံသည် ရန်ကုန်တိုင်းဒေသကြီး၊ လှည်းကူးမြို့နယ်၊ ဖောင်ကြီး ကျေးရွာအနီး (၂)မိုင်ခန့် အကွာတွင် တည်ရှိပြီး မဟူရာ(ငမိုးရိပ်)ရေကူရေလှောင်တမံသည်လှည်းကူးမြို့နယ်၊ ဘွက်ကြီး ကျေးရွာအထက်ဘက်(၂)မိုင် ခန့်အကွာတွင် တည်ရှိကြောင်း သိရသည်။

#YMG/NN #Yangon_Times

#Local_News
Published 22 October 2024

▪️ မရမ်းကုန်းမြို့နယ် ၌ စက္ကူစက်လုပ်ငန်းလုပ်ကိုင်သည့်နေအိမ်တစ်လုံးမီးလောင်မှုတစ်ခု   ယနေ့မနက်အစောပိုင်း၌ဖြစ်ပွားခဲ့ကြောင်း သိရသည်။

▪️ အောက်တိုဘာ၂၂ ရက်နေ့၊ မနက်၆နာရီ ၃မိနစ် အချိန်ခန့်က  ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၈)ရပ်ကွက်၊  ဓနသိဒ္ဓိလမ်းတွင် မီးလောင်မှုဖြစ်ပွားခဲ့ကြောင်း သိရသည်။

▪️ "မီတာဘောက်က စလောင်တာ၊မီးများတယ်၊ စက္ကူစက်လည်းလုပ်တော့ ခဏလေးနဲ့ ကုန်တာပဲ ၊ ၈ ရပ်ကွက် ၊Gandamar hotel နောက်ကပ်လျက်အိမ်ပါ ၊လူအသေအပျောက်မရှိပါဘူး " ဟု ယင်း လမ်းတွင် နေထိုင်သူတစ်ဦးက ပြောသည်။

▪️ အဆိုပါ သတင်းရရှိသဖြင့် သမိုင်းနယ်မြေမီးသတ်းစခန်းမှ မီးငြှိမ်းသတ်ယာဉ်(၁)စီး၊  ရန်ကင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မရမ်းကုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၃)စီး ထွက်ခွာငြိမ်းသတ်ခဲ့ ကြောင်း၊ မနက်၆ နာရီ ၁၂မိနစ် အချိန်တွင် Level 1 ယာဉ်အုပ်စုနှင့် မနက်၆နာရီ၁၇မိနစ် အချိန်တွင် Level 2 ယာဉ်အုပ်စုထွက်ခွာငြိမ်းသတ်ခဲ့ရာ
၆နာရီ ၂၇ မိနစ်အချိန်တွင် မီးထိန်းနိုင်ခဲ့ပြီး ၆နာရီ  ၃၅ မိနစ်အချိန်တွင် မီးငြိမ်းနိုင်ခဲ့ကြောင်း သိရသည်။

#YMG/NN #Yangon_Times

#Local_News
Published_22 Oct 2024

▪️ တိုင်းဒေသကြီး၊ ပြည်နယ်နှင့်ဒေသအလိုက် စံပြစိုက်ခင်းများစိုက်ပျိုးကြရန် ယနေ့အောက်တိုဘာလ ၂၁ ရက် နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ကျင်းပသော ပြည်ထောင်စုအစိုးရအဖွဲ့အစည်းအဝေးအမှတ်စဉ် (၇/၂၀၂၄)အတွင်း နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် ပြောသည်။

▪️ ကိုဗစ်-၁၉ ရောဂါဖြစ်ပွားခဲ့မှုကြောင့် ကျဆင်းခဲ့သည့် နိုင်ငံ့စီးပွားရေးပြန်လည် ဦးမော့လာစေရေးကြိုး ပမ်းဆောင်ရွက်ခဲ့ရာတွင် နိုင်ငံ၏အဓိကကုန်ထုတ်လုပ်ငန်းများဖြစ်သည့် စိုက်ပျိုးရေးနှင့်မွေးမြူရေးကိုအခြေခံသည့် ကုန်ထုတ်လုပ်ငန်းများကိုအားပေးဆောင်ရွက်ခဲ့သဖြင့် နိုင်ငံ့စီးပွားရေးမှာ ပြန်လည်ဦးမော့လာခဲ့ ကြောင်း၊ သို့သော် ဒေသတွင်းနိုင်ငံများနှင့် နှိုင်းယှဉ်ပါက တိုးတက်မှုအားနည်းနေဆဲဖြစ် ကြောင်း နစက ဥက္ကဌက ပြောသည်။

▪️ စိုက်ပျိုးရေးလုပ်ငန်းများတွင် ပန်းတိုင်ရည်မှန်းချက်များပြည့်မီစေရေး တွန်း အားပေးဆောင်ရွက်လျက်ရှိ သော်လည်း ထိုက်သင့်သလောက် တိုးတက်မှုမရှိသေးကြောင်း၊ သီးနှံများပန်းတိုင်ရည်မှန်းချက်ပြည့်မီစေရေး တိုင်းဒေသကြီးနှင့် ပြည်နယ်များအလိုက် တာဝန်ရှိသူများအနေဖြင့် ဝိုင်းဝန်းကြိုးပမ်းဆောင်ရွက်သွားကြရန် လိုအပ်ပြီး တိုင်းဒေသကြီး၊ ပြည်နယ်နှင့်ဒေသအလိုက် စံပြစိုက်ခင်းများစိုက်ပျိုး၍ စံနမူနာပြဆောင်ရွက်သွားရန် ၊ အလားတူ သီးထပ်စွမ်းအားများ တိုးတက်စေရေး အတွက်လည်း ဆောင်ရွက်သွားရန် ပန်းတိုင်ရည်မှန်းချက် ပြည့်မီအောင် စိုက်ပျိုးထုတ်လုပ်နိုင်မည်ဆိုပါက ၎င်းနှင့်ဆက်စပ်သည့် ကုန်ထုတ်လုပ်ငန်း၊ ဝန်ဆောင်မှုလုပ်ငန်းများပါ တိုးတက်လာပြီး နိုင်ငံ၏ GDP တိုးတက်မှုနှုန်းမြင့်မား လာမည်ဖြစ်ကြောင်း၊ နိုင်ငံ့စီးပွားရေးအား တိုးတက်လာစေရေးနှင့် ကုန်ထုတ်လုပ်ငန်းများတွင် အင်ပြည့်အားပြည့် အလုပ်လုပ်ကိုင်နိုင်ရန်အတွက် ဝိုင်းဝန်းဆောင်ရွက်သွားကြရန်လိုကြောင်း နစက ဥက္ကဌက ပြောကြားခဲ့သည်။

▪️ စိုက်ပျိုးမွေးမြူရေးလုပ်ငန်းများကိုအောင်မြင်စွာဆောင်ရွက်နေကြသည့် ပြည်ပနိုင်ငံများ၏နည်း စနစ်များကိုလည်း လေ့လာအတုယူဆောင်ရွက်ကြရန်၊ ပြည်ပပို့ကုန်တို န်တိုးမြှင့်နိုင်ရေး အတွက်လည်း အသီးအနှံများ ပိုမိုထုတ်လုပ်တင်ပို့နိုင်ရေးအတွက် စိုက်ပျိုးမွေးမြူရေးလုပ်ငန်းများများကို အောင်မြင်အောင်ဆောင်ရွက်ပြီး ထုတ်ကုန်များနှင့်ပို့ကုန်များ တိုးမြှင့်လာအောင်ဆောင်ရွက်ကာ ကမ္ဘာပေါ်တွင် စားရေရိက္ခာကို ထုတ်လုပ်သည့်နိုင်ငံတစ်ခုအဖြစ် ဂုဏ်ယူနိုင်ရန်လိုကြောင်းလည်း ယင်းကပြောသည်။

▪️ အလားတူသစ်၊ ဝါး၊ ကြိမ်နှင့် အခြားသစ်တောထွက်ပစ္စည်းများကို အခြေခံသည့် ကုန်ထုတ်လုပ်မှုလုပ်ငန်းများ ကိုလည်း ပို့ကုန်ပစ္စည်းများအထိအဆင့်မြင့် ထုတ်ကုန်များ ထုတ်လုပ်နိုင်ပြီး ထိုသို့ဆောင်ရွက်နိုင်ရေးအတွက် လည်း အခွင့်အလမ်း နှင့်နည်းပညာများ ဖန်တီးပေးနိုင်ရမည်ဖြစ်ပြီး သစ်တောထွက်ပစ္စည်းများကိုထုတ်ယူပြီးပါက ပြန်လည်စိုက်ပျိုးကြရန်လည်းလိုကြောင်း ဟု နစက ဥက္ကဌက ဆိုသည်။

▪️ နိုင်ငံတွင်းရှိ အခြားသော ပြည့်ဖြိုးမြဲ အခြေခံသယံဇာတများမှ တန်ဖိုးမြှင့်ထုတ်ကုန်များ ထုတ်လုပ်ခြင်းများ ဖြစ်သော ဥပမာအားဖြင့် သစ်၊ ဝါး၊ ကြိမ်၊ ရာဘာတို့ကို အခြေခံသည့် တန်ဖိုးမြင့်ကုန်ထုတ်လုပ်ငန်းများကို အားပေးဆောင်ရွက်ခြင်းအားဖြင့် အလုပ်အကိုင်အခွင့်အလမ်းများစွာကို ဖော်ဆောင်ပေးနိုင်မည် ဖြစ်ကြောင်းလည်း ပြောသည်။

▪️ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီးတို့အနေဖြင့် ဝါကိုအခြေခံသည့် စက်မှုလုပ်ငန်းများကို ဦးဆောင်ကြရန် ၊ ပြည်နယ်နှင့် တိုင်းအားလုံးတွင် အထည်လုပ်ငန်းများရှိကြပြီး ချည်နှင့်ပတ်သက်၍ ပြည်တွင်း လိုအပ်ချက်ကို ဖြည့်ဆည်းနိုင်ရေးဆောင်ရွက်ပေးသွားကြရန်၊ စိုက်ဧကများမှ ထွက်ရှိ လာသည့် ဝါဂွမ်းများမှ အဆင့်မီသည့်ချည်ထည်ပစ္စည်းများ အဆင့်အထိတိုးတက် ထုတ်လုပ်နိုင်မည်ဆိုပါက ပြည်ပမှအထည်အလိပ်နှင့်ချည် ထည်များတင်သွင်းနေရမှုကို လျှော့ချနိုင်မည်ဖြစ်ပြီး ပြည်တွင်း လိုအပ်ချက် ပြည့်မီပါက ပြည်ပသို့လည်းတင်ပို့နိုင်မည်ဖြစ်ကြောင်း၊ ဝါနှင့်ပတ်သက်၍ တစ်ခေတ်ဆန်းနိုင်ရေး ကြိုးပမ်းဆောင်ရွက်သွားကြရန်လိုကြောင်း၊ ယင်းအပြင်ရော်ဘာထုတ်ကုန်များကို ပြည်တွင်း၌ တိုးမြှင့်ထုတ်လုပ်၍ ပြည်ပသွင်းကုန်များကို လျှော့ချနိုင်ရမည်ဖြစ်ကြောင်း ပြောကြားခဲ့ကြောင်း သိရသည်။

▪️ ယင်းအပြင် စိုက်ပျိုးရေးလုပ်ငန်းများတိုးတက်စေရေး စံပြစိုက်ခင်းများ စိုက်ပျိုး၍ဆောင်ရွက်သွားရန်၊မိုးရာသီ ကာလ အတွင်း စိုက်ပျိုးခဲ့သည့် သစ်ပင်များ ရှင်သန်ဖြစ်ထွန်းစေရေး ဆက်လက်ဆောင်ရွက်သွားရန်၊ မူဝါဒများကို အောက်ခြေ အဆင့်အထိ သိရှိအောင်ဆောင်ရွက်သွားရန်နှင့်ဒေသ အလိုက် ဖွံ့ဖြိုးတိုးတက်စေရေး ဝိုင်းဝန်းဆောင်ရွက်သွားရန်တို့ကို ပြောကြားခဲ့ကြောင်း သိရသည်။

#Yangon_Times/PP

#World_Health
Published 22 October 2024

▪️ အချိန်ကြာမြင့်စွာ မတ်တပ်ရပ်နေခြင်းက ထိုင်နေတာထက်စာရင် နှလုံးသွေးကြော ကျန်းမာရေးကို မကောင်းမွန်စေသလို သွေးကြောထုံးခြင်း၊ သွေးခဲပိတ်ခြင်းစတဲ့ သွေးလည်ပတ်မှု အပိုင်းတွေမှာ အန္တရာယ်ပိုများစေတယ်လို့ လေ့လာချက်အသစ်မှာ တွေ့ရှိထားပါတယ်။

▪️ ဩစတြေးလျ ဆစ်ဒနီတက္ကသိုလ်မှ ဦးဆောင်သုတေသီ မက်သရူးအာမက်ဒီနဲ့ အဖွဲ့ဟာ စမ်းသပ်ချက်စတင်ချိန်မှာ နှလုံးရောဂါမရှိတဲ့သူ ၈၃၀၀၀ ကို ၇ နှစ်- ၈ နှစ်လောက် စောင့်ကြည့်ခဲ့ကြပါတယ်။

▪️ စမ်းသပ်ခံတွေရဲ့ လက်ကောက်ဝတ်မှာ စမတ်နာရီလိုမျိုး စက်ပစ္စည်းတွေ တပ်ဆင်စေပြီး သွေးလည်ပတ်မှု အချက်အလက်များကို စောင့်ကြည့်ခဲ့ပါတယ်။
စမ်းသပ်ချက်ဟာ အချိန်ကြာမြင့်စွာ မတ်တပ်ရပ်ခြင်းရဲ့ သက်ရောက်မှုတွေကို အဓိကဦးတည်ခဲ့ပါတယ်။

▪️ ကြာမြင့်စွာ မတ်တပ်ရပ်ခြင်းက ကျန်းမာရေးအကျိုးကျေးဇူး မရှိတဲ့အပြင် တစ်နေ့ကို ၁၀ ကျော်လောက် ထိုင်နေတာကလည်း နှလုံးသွေးကြောရောဂါများ၊ သွေးပေါင်ကျခြင်းစတဲ့ ပြဿနာများ ဖြစ်နိုင်ခြေ များစေပါတယ်။

▪️ ဒီလိုလူတွေမှာ ပုံမှန်လေ့ကျင့်ခန်း ပြုလုပ်ခြင်းဖြင့် နှလုံးသွေးကြောရောဂါ ဖြစ်နိုင်ခြေ လျှော့ချပေးနိုင်ပါတယ်။

▪️ တစ်နေ့ကို ပြင်းထန်တဲ့ လေ့ကျင့်ခန်း ၆ မိနစ်ခန့် ဒါမှမဟုတ် သာမန်လေ့ကျင့်ခန်း နာရီဝက်မျှ ပြုလုပ်ခြင်းဖြင့် နှလုံးရောဂါဖြစ်နိုင်ခြေ လျှော့ချပေးနိုင်ပါတယ်။

▪️ ပုံမှန်အနားယူမယ်၊ လမ်းလျှောက်မယ်၊ လှေကားတက်မယ်၊ လှုပ်ရှားမှုတစ်ခုခု ပြုလုပ်မယ် စတာတွေ ပြုလုပ်သင့်တယ်လို့ ဆစ်ဒနီတက္ကသိုလ်မှ ပရော်ဖက်ဆာ အီမန်နျူယယ်စတာမာတာကစ်က ပြောပါတယ်။

▪️ အရွယ်ရောက်ပြီးသူများအနေဖြင့် တစ်ပတ်ကို ၁၅၀ မိနစ်ခန့် လှုပ်ရှားလေ့ကျင့်ခန်း ပြုလုပ်ခြင်း၊ ကြွက်သားလေ့ကျင့်ခန်း ၂ ရက်ပြုလုပ်ခြင်းတို့ ဦးတည်လုပ်ဆောင်သင့်တယ်လို့ အကြံပြုထားပါတယ်။

#Source: New York Post

#World_Health
Published 22 October 2024

▪️ အချို့သော အကြောင်းအရာတွေက ကင်ဆာဖြစ်နိုင်ခြေကို မြင့်မားစေသလို အချို့အရာတွေက ကင်ဆာကို ထိန်းချုပ်စေနိုင်ပါတယ်။
ကင်ဆာကာကွယ်ဖို့ တိကျသေချာတဲ့ အစားအစာရယ်လို့ မရှိပေမယ့် နည်းနည်းချင်းစီကတော့ ရာခိုင်နှုန်းတစ်ခုအထိ ကာကွယ်နိုင်ပါတယ်။

(၁) ကျန်းမာပြီး အမျှင်ဓာတ်ကြွယ်ဝသော ကာဗိုဟိုက်ဒရိတ်များ
▪️ အမျှင်ဓာတ်မြင့်မားတဲ့ ပဲအမျိုးမျိုး၊ ကောက်ပဲသီးနှံ၊ အစေ့အဆန်၊ အခွံမာသီးတို့က အမျိုးမျိုးသောကင်ဆာတွေကို ဖြစ်နိုင်ခြေ လျော့နည်းစေပါတယ်။
တစ်နေ့ကို အမျှင်ဓာတ်အနည်းဆုံး ၂၅ ဂရမ်မှ ၃၀ ဂရမ် စားသုံးပေးသင့်တယ်လို့ အမေရိကန် နှလုံးအဖွဲ့အစည်းက အကြံပြုထားပါတယ်။

(၂) အသားသေးငါးသေးနှင့် အပင်အခြေပြုပရိုတိန်း
▪️ တစ်ပတ်ကို အသားကြီးငါးကြီး ၁၈ အောင်စထက် ပိုစားသုံးပါက အူမကြီးကင်ဆာ ဖြစ်နိုင်ခြေပိုများပါတယ်။
အသားကြီးတွေမှာ ပါဝင်တဲ့ ဟေမိုဂလိုဘင်သံဓာတ်က ကင်ဆာဖြစ်စေတဲ့ ဓာတုပစ္စည်းများ ထုတ်လုပ်ပေးပါတယ်။
ဒီအစား ကြက်သား၊ ငါး၊ အထူးသဖြင့် ဆော်လ်မွန်တို့လို အသားတွေ၊ တိုဖူး ပဲတို့လို အပင်ကရတဲ့ ပရိုတိန်းတွေ စားသုံးသင့်ပါတယ်။

(၃) အသီးအရွက်များ စားသုံးခြင်း
▪️ အစိမ်းရင့်ရောင်ဟင်းရွက်များ၊ မှို၊ ဘယ်ရီသီးတို့ဟာ ကင်ဆာဆန့်ကျင်တဲ့ အစွမ်းသတ္တိရှိပါတယ်။
အသီးအနှံနဲ့ ဟင်းရွက်အားလုံးဟာ အလားတူ အာနိသင်ရှိတာကြောင့် စားသုံးသင့်ပါတယ်။

(၄) အခွံမာသီးများနှင့် သစ်သီးခြောက်
▪️ စက်ရုံတွေကထုတ်လုပ်တဲ့ သရေစာတွေထက်စာရင် အခွံမာသီးအမျိုးမျိုး၊ သစ်သီးခြောက်တွေက အစာပြေအတွက် သင့်လျော်ပါတယ်။
သစ်ကြားသီးဆိုရင် အယ်လ်ဇိုင်းမား ဝေဒနာရှင်တွေမှာ မှတ်ဉာဏ်ပိုင်းကို မြှင့်တင်ပေးတယ်လို့ တွေ့ရှိထားပါတယ်။

(၅) ကော်ဖီ လက်ဖက်ရည်
▪️ အယ်လ်ကိုဟော သောက်သုံးခြင်းက ကင်ဆာဖြစ်ပွားမှုအားလုံးရဲ့ ၅ ရာခိုင်နှုန်းကျော် သက်ဆိုင်နေပါတယ်။
ဒါ့အပြင် ဆိုဒါတွေဟာလည်း သကြားအစားထိုးများဖြစ်တဲ့ အက်စ်ပါတိမ်းနဲ့ အေ့စ်-ကေတို့လို အချိုဓာတ်အတုများ ပါဝင်တာကြောင့် ကင်ဆာဖြစ်နိုင်ခြေ များစေပါတယ်။

▪️ ထိုအစား လက်ဖက်ရည်မှာ ဓာတ်တိုးဆန့်ကျင်ပစ္စည်းများ ပါဝင်တာကြောင့် တစ်နေ့ကို ကော်ဖီလက်ဖက်ရည် ၃-၄ ခွက်ခန့် သောက်သုံးခြင်းဖြင့် အသည်းကင်ဆာနဲ့ အရက်ကြောင့်ဖြစ်တဲ့ အသည်းရောဂါများ ဖြစ်နိုင်ခြေ လျှော့ချပေးပါတယ်။

(၆) ဆော့စ်ကိုသေချာရွေးခြယ်ခြင်း
▪️ ဆော့စ်အများစုဟာ အဆင့်ဆင့်ထုတ်လုပ်ထားတဲ့ ပစ္စည်းများ ပါဝင်ပေမယ့် ကျန်းမာရေးနဲ့ ညီညွတ်တဲ့ အမျိုးအစားတွေကို ရွေးခြယ်နိုင်ပါသေးတယ်။
သံလွင်ဆီ၊ ကြက်သွန်ဖြူ၊ ခရမ်းချဉ်သီး၊ ကြက်သွန်နီကလေး၊ ရှောက်နဲ့သံပရာ၊ ရှာလကာရည်၊ လျှော်စေ့၊ ဆယ်လ်ဆာစတဲ့ ပါဝင်ပစ္စည်းများက ကင်ဆာဆန့်ကျင်တဲ့ အစွမ်းသတ္တိရှိပါတယ်။

#Source: New York Post

ကမ္ဘာ့စီးပွားရေးသည် တိုးတက်မှု အနိမ့်ဆုံးနှုန်းဖြင့်သွားနေတယ်လို့ ကမ္ဘာ့ဘဏ် စီနီယာစီမံညွှန်ကြားရေးမှူး အိတ်ဆဲလ်ဗန်ထရော့ဆန်ဘာ့ဂ်က ဖော်ပြလိုက်ကာ ငွေကြေးဖောင်းပွခြင်း၊ အခြေခံစနစ် ပြဿနာများ၊ ကုန်သွယ်ရေး ပြန့်ကျဲမှုများက ကမ္ဘာ့စီးပွားရေး ဖွံ့ဖြိုးမှုပြဿနာကို အဓိကသက်ရောက်နေတယ်လို့ ထောက်ပြသွားပါတယ်။
#World_Business
Published 21 October 2024
#ကမ္ဘာ့စီးပွားရေးတိုးတက်မှု #ကမ္ဘာ့ဘဏ်
#YMG #Yangon_Times #Yangon_Media_Group

#Daily_News
Published 21 October 2024

၁။ စားအုန်းဆီဈေးပြန်ကျလာ၊ အိမ်တိုင်ရာရောက်ဖုန်းဆက်မှာယူစနစ်ဖြင့် ပြန်မှာယူနိုင်ပြီ

၂။ ‌ဖရဲခင်းများ ပျက်စီးမှုများ၍  အသီးဈေးနှုန်းမြင့်တက်ပြီး ပစ္စည်းပြတ်လုနီးပါးရှိနေ

၃။ ရေဘေးသင့်ပြည်သူများအတွက် လှူမည့် (၃၅)သိန်းတန်နေအိမ်(၅၀)လုံးအနက်(၂၉)လုံးပြီးစီး

၄။ ကမ္ဘာ့စီးပွားရေး တိုးတက်မှုအနိမ့်ဆုံးနှုန်းဖြင့်သွားနေဟု ကမ္ဘာ့ဘဏ်ပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၁ အောက်တိုဘာ ၂၀၂၄

မန္တလေးမြို့ရှိ တရုတ်ကောင်စစ်ဝန်ချုပ်ရုံး ဖောက်ခွဲတိုက်ခိုက်မှုခံရသည့်အတွက် အဆိုပါတိုက်ခိုက်မှု လုပ်ရပ်ကို ပြင်းထန်စွာရှုတ်ချတယ်လို့ တရုတ်အစိုးရကပြောပါတယ်။

အောက်တိုဘာ ၂၁ ရက် ယနေ့တွင် ဘေဂျင်းရှိ နိုင်ငံခြားရေးဝန်ကြီးဌာန၌ ပုံမှန်ကျင်းပတဲ့ သတင်းစာရှင်း လင်းပွဲမှာ သတင်းထောက်တစ်ဦး၏အမေးအပေါ် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရ ပုဂ္ဂိုလ် မစ္စတာလင်းကျန့်က ပြောဆိုခဲ့ခြင်းဖြစ်ပါတယ်။

“မြန်မာစံတော်ချိန် အောက်တိုဘာလ ၁၈ ရက်နေ့ ၅ နာရီဝန်းကျင်တွင် မန္တလေးမြို့ရှိ တရုတ်ကောင် စစ်  ဝန်ချုပ်ရုံး၏ လမ်းမဘက်ခြမ်းရှိ ရုံးအဆောင်တစ်ခုသည် ဖောက်ခွဲရေးတိုက်ခိုက်မှုခံခဲ့ရပြီး လူထိခိုက်   သေဆုံးမှုမရှိခဲ့သော်လည်း ရုံးဆောင်အချို့တဝက်ပျက်စီးမှုဖြစ်ပွားခဲ့သည်။ တရုတ်ဘက်က အဆိုပါတိုက် ခိုက်မှုလုပ်ရပ်ကို အလွန်တုန်လှုပ်မိ၍ ပြင်းထန်စွာရှုတ်ချပါတယ်” လို့ မစ္စတာလင်ကျန့်က ပြောဆိုခဲ့ တာပါ။

တရုတ်နိုင်ငံခြားရေးဝန်ကြီးဌာနနှင့် မြန်မာနိုင်ငံဆိုင်ရာ တရုတ်သံရုံးနှင့် ကောင်စစ်ဝန်ချုပ်ရုံးတို့က အရေး    ပေါ်တုံ့ပြန်မှုယန္တရားကိုလျင်မြန်စွာစတင်တုန့်ပြန်လုပ်ဆောင်ခဲ့တယ်လို့လည်းသူကပြောပါတယ်။ယင်းအပြင် တိုက်ခိုက်မှုကိစ္စရပ်ကို သေချာစုံစမ်းစစ်ဆေး၍ ကျူးလွန်သူကို အစွမ်းကုန်   ကြိုးပမ်းဖမ်းဆီးကာ တရားဥပဒေနှင့်အညီ ပြင်းထန်စွာပြစ်ဒဏ်ပေးရန် မြန်မာနိုင်ငံဘက်သို့ တရုတ်နိုင်ငံဘက်က လေးနက်   စွာ အရေးဆို တိုက်တွန်းထားပြီးဖြစ်တယ်လို့လည်း ဆိုပါတယ်။

မြန်မာဘက်ကလည်း အဆိုပါကိစ္စရပ်အပေါ် အလွန်တုန်လှုပ်ဝမ်းနည်းဖြစ်ရပြီး လိုအပ်သောအစီအမံများ    ကို လုပ်ဆောင်ပြီးဖြစ်ကာ နိုင်ငံတကာဥပဒေအရ ကတိကဝတ်နှင့် တာဝန်ဝတ္တရားများကို ဆောင်        ရွက်မှာဖြစ်ပြီး မြန်မာနိုင်ငံရှိ တရုတ်ဝန်ထမ်းများနှင့် အဖွဲ့အစည်များ၏ လုံခြုံရေး ပဓာန တာဝန်ကို လက်   တွေ့ကျကျတာဝန်ယူသွားမည်ဖြစ်တယ်လို့ပြောဆိုထားကြောင်း မစ္စတာ လင်ကျန့်က သတင်းထောက်   တွေကိုပြောပါတယ်။

မန္တလေးမြို့ရှိ တရုတ်ကောင်စစ်ဝန်ချုပ်ရုံးကလည်း မကြာသေးမီက လုံခြုံရေးသတိပေးချက် ထုတ်ပြန်ခဲ့ ပြီးဖြစ်ကာ မြန်မာနိုင်ငံရှိ တရုတ်နိုင်ငံသား၊ ကုမ္ပဏီများနှင့် အဖွဲ့အစည်းများက ဒေသအတွင်းလုံခြုံ  ရေး    အခြေအနေကို ဆက်လက်ဂရုပြုကြ၍ လုံခြုံရေးအစီအမံများ မြှင့်တင်လုပ်ဆောင်ကာ ဘေးကင်းလုံခြုံ  ရေးအတွက် ကြိုတင်ကာကွယ်မှုများ လုပ်ဆောင်ထားရန် တိုက်တွန်းထားတယ်လို့လည်း တရုတ်        နိုင်ငံခြားရေးဝန်ကြီးဌာနပြောခွင့်ရပုဂ္ဂိုလ်ကပြောကြားခဲ့ပါတယ်။

#ymg/knl