#World_Health
Published 20 July 2026

■ ဗြိတိန်မှာ အသက် ၆၅ နှစ်အရွယ် လူ ၁၁ ယောက်မှာ တစ်ဦးနှုန်းက ဒီမန်ရှာရောဂါ ရှိနေပြီး အသက် ၇၀ နောက်ပိုင်း ၅ နှစ်ကြီးသွားတိုင်း ဖြစ်နိုင်ခြေ နှစ်ဆများလာပါတယ်။

■ ဒါပေမဲ့ ဒီမန်ရှာလက္ခဏာ ပေါ်လာဖို့အတွက်ကတော့ ဆယ်စုနှစ်တွေတိုင်အောင် ကြာနိုင်ပါတယ်။

■ ဒီမန်ရှာဖြစ်နိုင်ခြေများခြင်းနဲ့ ဆက်စပ်နေတဲ့ သွေးထဲက pTau181 ဇီဝပစ္စည်းဟာ အသက် ၄၅ နှစ်ကစပြီး လက္ခဏာပြသလာတတ်ပါတယ်။

■ pTau181 ပရိုတင်းမြင့်မားနေခြင်းဟာ မိမိဘာသာ သတိပြုမိတဲ့ မှတ်ဉာဏ်ချို့ယွင်းမှုဆိုင်ရာ စိုးရိမ်ပူပန်မှုများနဲ့ ဆက်စပ်နေပါတယ်။

■ pTau181 ပမာဏမြင့်မားသူတွေမှာ ဦးနှောက်တည်ဆောက်ပုံ ပြောင်းလဲမှုများ မတွေ့ရှိရပေမယ့် ပုံမှန်သူငယ်ပြန်ဝေဒနာလက္ခဏာများ မပြမီ ကြိုတင်သိရှိနိုင်တဲ့ ရှေ့ပြေးသတိပေးချက်တစ်ခု ဖြစ်နိုင်ကြောင်း ညွှန်ပြနေပါတယ်။

■ စောစီးစွာ ရှာဖွေဖော်ထုတ်နိုင်ခြင်းက ကာကွယ်နိုင်မယ့် အခွင့်အလမ်း ရရှိစေနိုင်ပေမယ့် pTau181 ပမာဏ မြင့်မားနေခြင်းက ဒီမန်ရှာရောဂါ ဖြစ်ပွားမယ်လို့ သေချာပေါက် မပြောနိုင်တာကြောင့် သုတေသနများ ပိုမိုပြုလုပ်ရန် လိုအပ်ပါသေးတယ်။

■ pTau181 ဟာ လူလတ်ပိုင်းအရွယ်တွေမှာ အယ်ဇိုင်းမားရောဂါ ဖြစ်နိုင်ခြေနဲ့ ဆက်စပ်နေသလား ဒါမှမဟုတ် သက်ကြီးရွယ်အိုတွေမှာပဲ ဆက်စပ်နေလားဆိုတာ သေချာမသိသေးပါဘူး။

■ လက်ရှိသုတေသနတွေမှ ပါဝင်စမ်းသပ်ခံသူများ အသက်ကြီးလာတဲ့အထိ ဆက်လက်စောင့်ကြည့် စစ်ဆေးသွားမှာ ဖြစ်ပါတယ်။

Source: Huff Post

#World_Science
Published 20 July 2026

■ ကမ္ဘာနဲ့နီးကပ်တဲ့ ဂြိုဟ်တစ်ခုရဲ့ ခန့်မှန်းဒြပ်ထုကို လျှော့ချတွက်ချက်ခဲ့ကြရာ ယခင်ထင်ထားတာထက် ရေအခြေအနေနဲ့ သက်ရှိများ ရှင်သန်နိုင်ရန် ပိုမိုအလားအလာကောင်းတဲ့ ဂြိုဟ်အဖြစ် မှတ်ယူလာစေတယ်လို့ The Astrophysical ဂျာနယ်မှာ လေ့လာမှုတစ်ရပ်ကို ဖော်ပြထားပါတယ်။

■ McDonald နက္ခတ်တာရာလေ့လာရေးဌာနရဲ့ အဆိုအရ GJ 3378b ဟာ ကမ္ဘာမှ အလင်းနှစ် ၂၅ နှစ်အကွာမှာရှိပြီး ကျောက်ဆောင်များဖြင့် ဖွဲ့စည်းထားကာ ကမ္ဘာ့ဒြပ်ထုရဲ့ ၂.၃ ခန့်ရှိကြောင်း ခန့်မှန်းထားပါတယ်။

■ ဒီဒြပ်ထုပမာဏက လူ့ခန္ဓာကိုယ်ရှင်သန်ရန် အလွန်ခက်ခဲနေဦးမှာ ဖြစ်ပြီး ကျောက်ဆောင်ထူထပ်တဲ့ ဂြိုဟ်မျက်နှာပြင်မျိုးဖြစ်ရန် ဖြစ်နိုင်ခြေပိုရှိကြောင်း၊ ရေအခြေအနေနဲ့ ဂြိုဟ်မျက်နှာပြင်ပေါ်မှာ သက်ရှိများ မရှင်သန်နိုင်လောက်တဲ့ လေထုဖိအားမျိုး ရှိမနေကြောင်း သိပ္ပံပညာရှင်တွေက ပြောပါတယ်။

■ ဂြိုဟ်ပတ်လမ်းကြောင်းဟာ မိခင်ကြယ်ကို ၂၁ ရက်လျှင် တစ်ပတ်နှုန်းဖြင့် လှည့်ပတ်နေပြီး ကမ္ဘာနဲ့ မရှေးမနှောင်းတူညီတဲ့ ကြယ်အလင်းရောင်ပမာဏ ရရှိတယ်လို့ ယူဆရပါတယ်။
ဒါ့အပြင် သက်ရှိများ ရှင်သန်နိုင်ခြေရှိတဲ့နေရာ တည်ရှိကြောင်းလည်း အတည်ပြုနိုင်ပါတယ်။

■ အော်စတင်ရှိ တက္ကဆက်တက္ကသိုလ်မှ နက္ခတ်ဗေဒပညာရှင် မိုက်ကယ်အန်းဒ်က GJ 3378b နဲ့ ပတ်သက်ပြီး အိမ်နီးနားချင်းဂြိုဟ်တွေအကြောင်း သိရှိဖို့နဲ့ နောက်ဆုံးမှာ ဘယ်ဂြိုဟ်က သက်ရှိတွေ ရှင်သန်နေထိုင်နိုင်မလဲဆိုတာကို ဖော်ထုတ်နိုင်ဖို့ ခြေတစ်လှမ်း ပိုမိုနီးစပ်သွားစေတယ်လို့ ပြောပါတယ်။

■ GJ 3378b ဂြိုဟ်ရဲ့ အချို့အခြေအနေတွေက သက်ရှိများ ရှင်သန်နိုင်စွမ်းရှိတဲ့ အလားအလာကို လျော့နည်းစေပါတယ်။

■ လာမယ့်နှစ်တွေမှာ Giant Magellan Telescope၊ Extremely Large Telescope နဲ့ Habitable Worlds Observatory တို့လို အာကာသစောင့်ကြည့်ရေးဌာနတွေကနေ သက်ရှိများ ရှင်သန်နေထိုင်နိုင်မယ့် လက္ခဏာများ ရှိမရှိ တိုက်ရိုက်စကန်ဖတ် ရှာဖွေသွားမှာ ဖြစ်ပါတယ်။

Source: Forbes

၁၉၊ဇူလိုင်၊၂၀၂၆ (ရန်ကုန်)

မှော်ဘီမြိုနယ်အတွင်းရှိ ကော်စေ့လုပ်ငန်းတစ်ခုတွင် လျှပ်စစ်ဓါတ်အားခိုးယူသုံးစွဲထားကြောင်း သက်ဆိုင်ရာက စစ်ဆေးတွေ့ရှိသဖြင့် အရေးယူထားကြောင်း လျှပ်စစ်နှင့်စွမ်းအင်ဝန်ကြီးဌာနက ယနေ့ ဇူလိုင် ၁၉ရက်နေ့က သတင်းထုတ်ပြန်သည်။

ရန်ကုန်တိုင်းဒေသကြီး မှော်ဘီမြို့ယ်၊ ဝါးနက်ချောင်းကျေးရွာရှိ မီတာအမည်ပေါက် ဦးစန်းဦး၏ကော်စေ့ လုပ်ငန်းတွင် အသုံးပြုထားသော Transformer နှင့် တွဲဖက်တပ်ဆင်ထားသည့် Digital Meter ၏ Cover Seal ပြုပြင်ထားပြီး လျှပ်စစ်ဓာတ်အား ခိုးယူသုံးစွဲထားကြောင်း စစ်ဆေးတွေ့ရှိ ခဲ့ရသဖြင့် မီတာ အားချက်ချင်းဖြုတ်သိမ်းခဲ့ခြင်းဖြစ်သည်။

အဆိုပါမသမာမှု ဖြစ်စဉ်ကြောင့် လျှပ်စစ်ဓာတ်အားယူနစ် ၄ သိန်း ၄ သောင်းကျော် နစ်နာဆုံးရှုံးခဲ့ရကြောင်းသိရသည်။ ထို့ကြောင့် လျော်ကြေး၊ ဒဏ်ကြေး ငွေကျပ် (၃၀၁,၈၉၃,၅၇၅/-)(ကျပ် သုံးရာ့ တစ်သန်း ရှစ်သိန်း ကိုးသောင်း သုံးထောင် ငါးရာ ခုနစ်ဆယ့် ငါးကျပ် တိတိ) အား ကျူးလွန်ဖောက်ဖျက်သူက ပေးဆောင် စေရမည့် အပြင် လျှပ်စစ်ဥပဒေ အရ (၆)လ ဓာတ်အားပေးခြင်းအား ရပ်ဆိုင်းသွားမည် ဖြစ်ကြောင်းလည်း သတင်းထုတ်ပြန်ချက်တွင် ဖော်ပြထား သည်။

ထို့အပြင် လျော်ကြေး၊ ဒဏ်ကြေး ငွေအား (၁၄)ရက် အတွင်း မသွင်းပါက လျှပ်စစ်ဥပဒေ နှင့်အညီ တရားစွဲ  ဆိုဆောင်ရွက်သွားမည်ဖြစ်ကြောင်းသတင်းရရှိသည်။

လျှပ်စစ်ဓာတ်အားခိုးယူအသုံးပြုမှုများကို Control Center များမှ စောင့်ကြည့် စစ်ဆေးဖော်ထုတ် နိုင်ခြင်းနှင့် ပြည်သူများ၏ပူးပေါင်းဆောင်ရွက်မှုများ ထူးကဲစွာတိုးမြင့်ရရှိ လာသည့်အတွက် ပိုမိုဖော်ထုတ်  လာနိုင်ခြင်းတို့သည် နိုင်ငံတော်၏ လျှပ်စစ်ဓာတ်အားစနစ် တိုးတက်ဖွံ့ဖြိုးလာစေ‌ရေးအတွက် များစွာ   အထောက်အပံ့ဖြစ်စေလျက်ရှိရာ ပြည်သူများ အနေဖြင့် ပိုမို၍ ပူးပေါင်းဆောင်ရွက်ပေးကြပါရန် ဝန်ကြီးဌာနကမေတ္တာရပ်ခံထားသည်။

ခရီးသွားပြည်သူများ၊ ဝန်ထမ်းများနဲ့ ကျောင်းသား၊ကျောင်းသူများ သွားလာရေး ပိုမိုအဆင်ပြေစေဖို့ နေပြည်တော်မြိုတွင်းEV ဘတ်စ်ကားများ လမ်းကြောင်းအသစ်တိုးချဲ့ပြေးဆွဲရေး စီစဉ်ဆောင်ရွက်နေတယ်လို့
သိရပါတယ်။

#Local_News
Published 19 July 2026
#EVဘတ်စ်ကား
#YMG/NN #Yangon_Times

#World_Health
Published 19 July 2026

■ ဟင်းရွက်နဲ့ အသီးအနှံတွေမှာ အခွံတွေက ဓာတ်တိုးဆန့်ကျင်ပစ္စည်း မြင့်မားစွာပါဝင်ကာ ဗိုက်တာမင်နဲ့ သတ္တုဓာတ်တွေကတော့ အသီးအရွက် တစ်ခုလုံးမှာ ပါဝင်ပါတယ်။

■ အခွံခွာခြင်းကြောင့် အာဟာရတန်ဖိုး သိသိသာသာ လျော့နည်းမသွားနိုင်သလို အစာခြေဖျက်မှု၊ ပိုးသတ်ဆေးအန္တရာယ် စတဲ့အချက်တွေကြောင့် အခွံခွာစားခြင်းက ပိုမိုသင့်တော်နိုင်ပါတယ်။

■ အခွံခွာမှာလား မခွာဘူးလားဆိုတာက အသီးအရွက်အပေါ် မူတည်နိုင်ပါတယ်။

■ အာလူး - အစိမ်းရောင်ပြောင်းနေတဲ့ အာလူး၊ အညှောက်ထွက်နေတဲ့ အာလူးအခွံတွေမှာ အဆိပ်အတောက်များ ရှိနေနိုင်တာကြောင့် အခွံခွာပစ်ရပါမယ်။

■ ကလောဥ - ကလောဥအသေးများကို သေချာဆေးကြောပါက အခွံက ကျန်းမာရေးအတွက် အကျိုးရှိပေမယ့် ဥအကြီးကြီးတွေမှာတော့ အခွံများ ဖယ်ရှားနိုင်ပါတယ်။

■ ခရမ်းသီး - သူ့အခွံမှာ ဓာတ်တိုးဆန့်ကျင်ပစ္စည်းများ ပါဝင်ပေမယ့် သေချာချက်ပြုတ်မထားပါက အစာခြေစနစ်ကို ဒုက္ခပေးနိုင်ပါတယ်။

■ သခွားသီး - အခွံမှာ အမျှင်ဓာတ်နဲ့ ဗိုက်တာမင်များ ပါဝင်ပေမယ့် ခါးနေရင် အခွံခွာနိုင်ပါတယ်။

■ သကြားမုန်လာ - အာဟာဓာတ်များ ထိန်းသိမ်းနိုင်ဖို့အတွက် အခွံပါအောင် ချက်ပြုတ်သင့်ပါတယ်။

■ ဖရဲသီး - အဖြူရောင်အခွံသားက ကျန်းမာရေးအတွက် ကောင်းမွန်စေပါတယ်။

■ သရက်သီး - သရက်သီးခွံတွေကတော့ ဓာတ်မတည့်မှုဖြစ်စေနိုင်တာကြောင့် အခွံခွာခြင်းက ပိုမိုစိတ်ချရပါတယ်။

■ သလဲသီး - ဓာတ်တိုးဆန့်ကျင်ပစ္စည်းများ ကြွယ်ဝစွာ ပါဝင်ပေမယ့် တိုက်ရိုက်မစားသုံးသင့်ပါဘူး။

■ တည်သီး - တည်သီးခွံတွေဟာ အစာမကြေခြင်း ဖြစ်စေနိုင်တာကြောင့် အခွံခွာသင့်ပါတယ်။

■ ပန်းသီး - ပန်းသီးခွံမှာ အကျိုးပြုဒြပ်ပေါင်းများ ပါဝင်ပေမယ့် အစာခြေဖျက်မှုအတွက်ဆိုရင် အခွံခွာစားလည်း ရပါတယ်။

■ ဒါကြောင့် အခွံကိုပါ စား၊ မစားဆိုတာက လူတစ်ဦးချင်းစီရဲ့ ခန္ဓာကိုယ်အခြေအနေနဲ့ စိတ်ကြိုက်ရွေးချယ်မှုအပေါ် မူတည်ပေမယ့် အခွံခွာလိုက်ရင်လည်း အတွင်းသားရဲ့ အာဟာရတန်ဖိုး မြင့်မားစွာ ကျန်ရှိနေနိုင်ပါသေးတယ်။

Source: The Jerusalem Post

#World_Health
Published 19 July 2026

■ ခြေထောက်တွေ သန်မာခြင်းဟာ ကြံ့ခိုင်ရေးကောင်းမွန်စေရုံမက အခြားသော ကျန်းမာရေးအကျိုးကျေးဇူးတွေလည်း ပေးနိုင်ပါတယ်။

■ ပေါင်တွေ သန်မာအောင် လေ့ကျင့်ခြင်းဖြင့် သွေးတွင်းသကြားဓာတ်၊ နှလုံးကျန်းမာရေး၊ ဦးနှောက်လုပ်ဆောင်ချက်တို့ကို ထောက်ကူပေးနိုင်ပြီး သက်ရှည်ကျန်းမာရေးအတွက် အရေးကြီးတယ်လို့ အာဟာရပညာရှင် ဒိသီခါဂျိန်းက ပြောပါတယ်။

■ (၁) သွေးတွင်းသကြားဓာတ်ထိန်းညှိခြင်း
ပေါင်တွေကြံ့ခိုင်သန်စွမ်းတဲ့အခါ ဂလူးကို့စ်ကို ပိုစုပ်ယူပြီး သွေးတွင်းသကြားဓာတ် မြင့်တက်ခြင်းကို လျှော့ချပေးနိုင်ပါတယ်။

■ (၂) ဦးနှောက်ကျန်းမာရေး ထောက်ကူပေးခြင်း
မှတ်ဉာဏ်နဲ့ သိရှိစိတ်လုပ်ဆောင်ချက်တို့ တိုးတက်စေကာ ဦးနှောက်ကျန်းမာရေး ပိုမိုကောင်းမွန်စေနိုင်ပါတယ်။

■ (၃) နှလုံးကျန်းမာရေး အကျိုးရှိစေခြင်း
ခြေထောက်ကသွေးတွေကို နှလုံးသို့ ပြန်လည်တွန်းပို့ပေးပြီး နှလုံးသွေးကြောကျန်းမာရေးကို ကူညီပေးကာ သက်ရှည်ကျန်းမာစေနိုင်ပါတယ်။

■ ဒီလိုအကျိုးကျေးဇူးတွေ ရဖို့အတွက် ခြေထောက်ကြံ့ခိုင်စေတဲ့ လေ့ကျင့်ခန်းတွေကို ထည့်သွင်းပြုလုပ်ဖို့ ဂျိန်းက အကြံပြုထားပါတယ်။

Source: NDTV

၁၈ ဇူလိုင်၊၂၀၂၆

နိုင်ငံတော်တွင် နိုင်ငံရေးအရ တည်ငြိမ်မှုရှိသည်ဟုဆိုရာတွင် ပြည်သူလူထု၏ စားရေးအဆင်ပြေရန်၊ စီးပွားရေးအရ ပြေလည်ရန် အဓိကလိုအပ်မည်ဖြစ်ကြောင်း နိုင်ငံတော်သမ္မတ ဦးမင်းအောင်လှိုင်က ပြောသည်။

နိုင်ငံတော်သမ္မတ ဦးမင်းအောင်လှိုင်သည်ယနေ့ ဇူလိုင်၁၈ရက် နံနက်ပိုင်းတွင် ရန်ကုန်တိုင်းဒေသကြီး အတွင်းစိုက်ပျိုးမွေးမြူရေးဇုန်များ အကောင်အထည်ဖော်ဆောင်ရွက်ထားရှိမှု အခြေအနေများကိုကြည့်ရှု စစ်ဆေးစဉ် တာဝန်ရှိသူများကို ယင်းကဲ့သို့ မှာကြားခဲ့ခြင်းဖြစ်သည်။

ပြည်သူများ စားရေးအဆင်ပြေမှုရှိစေရေးအတွက် စိုက်ပျိုးမွေးမြူရေးဇုန်များကို ဒေသအလိုက်မဖြစ်မနေ အကောင်အထည်ဖော်ဆောင်ရွက်နေခြင်းဖြစ်ကြောင်း၊ အကျိုးအမြတ်ရရှိရေးသည်အဓိကမဟုတ်ဘဲ ပြည်သူလူထုအနေဖြင့် အသား၊ငါးနှင့် ရာသီသီးနှံများကို သက်သာသောဈေးနှုန်း များဖြင့် လုံလုံလောက်လောက် ဝယ်ယူစားသောက်နိုင် စေရေးအတွက်ကိုသာ အဓိကဆောင်ရွက်ခြင်း ဖြစ်သဖြင့် ယခုထက် ပိုမိုအောင်မြင်အောင် ဆောင်ရွက်သွားကြရန်လည်း နိုင်ငံတော် သမ္မတက မှာကြား သည်။

ရန်ကုန်တိုင်းဒေသကြီးအတွင်း စက်ရုံ၊ အလုပ်ရုံများစွာရှိပြီး လူဦးရေများပြားစွာရှိနေခြင်းကြောင့် . ဝယ်လိုအားနှင့် ရောင်းလိုအား မျှတစေရန်နှင့် အခြေခံစားကုန်များကုန်ဈေးနှုန်းကြီးမြင့်မှုကို ထိန်းသိမ်း နိုင်ရန်ရည်ရွယ်၍ အသား၊ ငါးနှင့် ရာသီသီးနှံများထုတ်လုပ်မှုကို တိုးမြှင့်ဆောင်ရွက်စေ  ခြင်းဖြစ်သဖြင့် လုပ်ငန်းဆောင်ရွက်မှုများကို အောင်မြင်အောင်ဆက်လက်အကောင်အထည်ဖော်သွားကြရန်လိုကြောင်း လည်း ကျောက်တန်းမြို့နယ်၊ ရန်ကုန်မြစ်နှင့်မှော်ဝန်းချောင်းကြားနေရာရှိ သီလဝါ ဘက်စုံစိုက်ပျိုး မွေးမြူ ရေးဇုန်တွင် စစ်ဆေးစဉ် သမ္မတဦးမင်းအောင်လှိုင်က ပြောကြားခဲ့သည်။

နိုင်ငံတော်သမ္မတနှင့်အတူ ပြည်သူ့လွှတ်တော်ဥက္ကဋ္ဌ ဦးခင်ရီ၊ အမျိုးသားလွှတ်တော် ဥက္ကဋ္ဌဦးအောင်လင်း ဒွေး၊ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ပြည်ထောင်စုဝန်ကြီးများ၊ ရန်ကုန်တိုင်း ဒေသကြီး ဝန်ကြီးချုပ်၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများနှင့် တာဝန်ရှိသူ များလိုက်ပါခဲ့ကြသည်။

၁၈ ဇူလိုင်၊၂၀၂၆

တစ်နှစ်လျင် တန်ချိန် ၅ သိန်းချက်လုပ်နိုင်သည့် အမှတ်(၁)ရေနံချက်စက်ရုံ(သံလျင်)၏ ပထမအဆင့် Phase အား ယခုနှစ် စက်တင်ဘာလတွင်လည်ပတ် ထုတ်လုပ်နိုင်ရေးအတွက် ဆောင်ရွက်နေမှု အခြေ  အနေများကို နိုင်ငံတော်  သမ္မတ ဦးမင်းအောင်လှိုင်သည် ယနေ့ ဇူလိုင် ၁၈ ရက်မွန်းလွဲပိုင်းက သွားရောက် ကြည့်ရှု စစ်ဆေးခဲ့သည်။

“ စက်ရုံလည်ပတ်ချိန်တွင် ပြည်သူလူထုအတွက် အလုပ်အကိုင်များလည်းရရှိနိုင်မည်ဖြစ်ပြီး ပြည်တွင်း လိုအပ်ချက်ဖြစ်သည့် စက်သုံးဆီများကို ကုန်ကျစရိတ်သက်သာစွာဖြင့် ဝယ်ယူအသုံးပြုနိုင်မည်လည်း  ဖြစ်ကြောင်း၊ ပြည်ပမှ စက်သုံးဆီတင် သွင်းနေရမှုများကိုလည်း လျှော့ချနိုင်မည်ဖြစ်သဖြင့် နိုင်ငံခြား ငွေသုံးစွဲမှုများလည်းလျော့နည်းနိုင်မည်ဖြစ်ကြောင်း” နိုင်ငံတော်သမ္မတက ပြောကြားခဲ့သည်။

အဆိုပါရေနံချက်စက်ရုံဖွင့်လှစ်နိုင်ခြင်းသည်မိမိတို့အစိုးရ မော်ကွန်းမှတ်တိုင်တစ်ခုပင်ဖြစ်ကြောင်းနှင့် စက်ရုံလည်ပတ်ရေးအတွက် လိုအပ်သည့်ကုန်ကြမ်းများ စဉ်ဆက်မပြတ်ရရှိရေးအတွက်လည်း စီမံ ဆောင်ရွက်ကြရန်လည်း သမ္မတက ဆက်လက်ပြောကြားသည်။

စွမ်းအင်ဝန်ကြီးဌာနပြည်ထောင်စုဝန်ကြီး ဦးကိုကိုလွင်က အမှတ် (၁) ရေနံချက်စက်ရုံ (သန်လျင်) ဆိုင်ရာအချက်အလက်များနှင့် ဆောင်ရွက်နေသည့်အခြေအနေများကို ရှင်းလင်းတင်ပြခဲ့သည်။

တစ်နှစ်လျင် တန်ချိန် ၅ သိန်း ချက်လုပ်နိုင်သော Modular Type Refinery အား Phase I အဖြစ် စတင်ဆောင်ရွက်လျက်ရှိနေခြင်းဖြစ်ပြီး Phase II ကိုလည်းဆက်လက်ဆောင်ရွက် သွားမည်ဖြစ်ကာ Phase II ပြီးစီးချိန်တွင် နိုင်ငံတော်လိုအပ်ချက်၏ ဓာတ်ဆီ ၆၀ ရာခိုင်နှုန်း၊ ဒီဇယ်ဆီ ၅၀ ရာခိုင်နှုန်း ထုတ်လုပ်ဖြန့်ဖြူးနိုင်မည်ဖြစ်ကြောင်းသိရသည်။

ယူနန်စီးပွားရေးစီမံခန့်ခွဲမှုကောလိပ်နဲ့ တရုတ်အနောက်တောင်ပိုင်း ယူနန်ပြည်နယ်ရှိ လက်မှုပညာကုမ္ပဏီနှစ်ခုတို ပူးပေါင်းဖန်တီးတဲ့ အကြီးစား ကြေးထည်အနုပညာလက်ရာတစ်ခုကို ကမ္ဘာ့အရှည်ဆုံး အရောင်စုံကြေးနိမ့်ကယ်ရုပ်ကြွအဖြစ် ဂင်းနစ်ကမ္ဘာ့စံချိန်စံညွှန်းအဖွဲ့က သောကြာနေ့မှာ တရားဝင်အသိအမှတ်ပြုလိုက်ပါတယ်။

#Asia_Culture
Published 18 July 2026
#ပန်းချီကား #တရုတ်
#YMG #Yangon_Times #Yangon_Media_Group

#Local_News
Published 18 July 2026

■ မြန်မာနိုင်ငံအိမ်ခြံမြေဝန်ဆောင်မှုအသင်း(ဗဟို) (MRESA) ၏ နှစ်ပတ်လည်အသင်းသားစုံညီ သင်းလုံးကျွတ်အစည်းအဝေး (2026-AGM) ကို ယနေ့ ဇူလိုင် ၁၈ ရက် နံနက် ၉ နာရီတွင် ရန်ကုန်မြို့ရှိ Sky Star Hotel ၌ ကျင်းပခဲ့သည်။

■ အခမ်းအနားသို့ ရန်ကုန်တိုင်းဒေသကြီး သင်္ကန်းကျွန်းခရိုင် အထွေထွေအုပ်ချုပ်ရေးဦးစီးဌာနမှ ခရိုင်အုပ်ချုပ်ရေးမှူး ဦးဇော်မိုးထိုက်၊ MRESA (ဗဟို) ဥက္ကဋ္ဌ ဦးခင်မောင်သန်းနှင့် ဗဟိုအလုပ်အမှုဆောင်အဖွဲ့ဝင်များ၊ တိုင်းဒေသကြီးနှင့် ပြည်နယ်၊ ခရိုင်အသင်းဥက္ကဋ္ဌများ၊ နေပြည်တော်ကောင်စီ၊ တိုင်းဒေသကြီးနှင့် ပြည်နယ် (၁၅) ခု၊ ခရိုင် (၂၀) ခုနှင့် ရန်ကုန်တိုင်းဒေသကြီးအတွင်းရှိ မြို့နယ် (၄၂) မြို့နယ်မှ ကိုယ်စားလှယ်များတက်ရောက်ခဲ့သည်။

■ MRESA အနေဖြင့် ပြည်တွင်းအိမ်ခြံမြေဝန်ဆောင်မှုလုပ်ငန်းများ ဖွံ့ဖြိုးတိုးတက်ရေးအပြင် အာဆီယံဒေသအထိ လုပ်ငန်းချဲ့ထွင်ဆောင်ရွက်နိုင်ရေးကို ရည်မှန်းဆောင်ရွက်လျက်ရှိသည့်အပြင် အသင်းဝင်အကျိုးဆောင်များ၏ ကျွမ်းကျင်မှုနှင့် ဝန်ဆောင်မှုအရည်အသွေးများ မြှင့်တင်နိုင်ရေးအတွက် ဥပဒေဆိုင်ရာသင်တန်းများ၊ နည်းပညာဖလှယ်မှုများနှင့် Professional စံနှုန်းများ မြှင့်တင်ရေးကို အလေးထားဆောင်ရွက်လျက်ရှိကြောင်းလည်း သိရသည်။

■ MRESA သည် ၂၀၂၅ ခုနှစ် ဇွန်လအတွင်း ဂျပန်နိုင်ငံ တိုကျိုမြို့ရှိ NIHON University တွင် အမေရိကန်နိုင်ငံ National Association of Realtors (NAR)၊ ဂျပန်နိုင်ငံ JARECO (Japan-American Real Estate Coalition Organization) နှင့် Long Island Board of Realtors တို့နှင့် နားလည်မှုစာချွန်လွှာများ လက်မှတ်ရေးထိုးနိုင်ခဲ့ပြီး ယင်းပူးပေါင်းဆောင်ရွက်မှုများမှတစ်ဆင့် အိမ်ခြံမြေဝန်ဆောင်မှုကဏ္ဍအတွက် ဥပဒေ၊ နည်းပညာနှင့် အတွေ့အကြုံများ ဖလှယ်နိုင်ရေး၊ အသင်းသားများ၏ Professional အရည်အသွေး မြှင့်တင်ရေးနှင့် နိုင်ငံတကာစံနှုန်းနှင့်အညီ ဝန်ဆောင်မှုလုပ်ငန်းများ ဖွံ့ဖြိုးတိုးတက်လာစေရေးကို ဆက်လက်အကောင်အထည်ဖော် ဆောင်ရွက်လျက်ရှိကြောင်း သိရသည်။

#YMG/SW #Yangon_Times

ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီရဲ့ ညွှန်ကြားချက်အရ ရန်ကုန်မြို့တော်အတွင်း ပြေးဆွဲနေတဲ့ City Taxi များ စည်းကမ်းတကျပြေးဆွဲနိုင်ရေးအတွက် သက်ဆိုင်ရာဌာနများ ပူးပေါင်းကာ Taxi Campaign ကို ယမန်နေ့ ဇူလိုင်လ ၁၇ရက်ကစတင်ဆောင်ရွက်ခဲ့တယ်လို့ သိရပါတယ်။

#Local_News
Published 18 July 2026
#Taxi_Campaign
#YMG/SW #Yangon_Times

ကမ္ဘာ့အမွေအနှစ်ပုဂံဒေသမှာရှိတဲ့သဗ္ဗညုဘုရား စတုတ္ထပစ္စယံရှိ အရံစေတီအနီး စိန်တန်းများကြားတွင် အရိုးတံပါ သံကွင်းများတွေ့ရှိခဲ့တယ်လို့ ရှေးဟောင်းသုတေသနနှင့်အမျိုးသားပြတိုက်ဦးစီးဌာန၊ ပုဂံဌာနခွဲကသိရပါတယ်။

#Local_News
Published 18 July 2026
#သဗ္ဗညုဘုရား #ကမ္ဘာ့အမွေအနှစ်ပုဂံ
#YMG/NN #Yangon_Times