#Local_News
Published 16 July 2026

■ သူနာပြုသိပ္ပံ(ရန်ကုန်)၏ ဆိုင်းဘုတ်သစ်ဖွင့်ပွဲအခမ်းအနားကို ဇူလိုင် ၁၆ ရက် နံနက်ပိုင်းက ကျောက်တံတားခရိုင်၊ လသာမြို့နယ်ရှိ သူနာပြုသိပ္ပံ(ရန်ကုန်) အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရသည်။

■ အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ် ဦးအောင်နိုင်သူ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ ဌာနဆိုင်ရာအကြီးအကဲများ၊ ကျန်းမာရေးဝန်ကြီးဌာနမှ တာဝန်ရှိသူများ၊ ကျောင်းသား၊ ကျောင်းသူများနှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြသည်။

■ အခမ်းအနားအစီအစဉ်အရ နိုင်ငံတစ်ဝန်းရှိ သူနာပြုသိပ္ပံများ ဖွင့်ပွဲကိုတစ်ပြိုင်နက်တည်း ဖွင့်လှစ်ခဲ့ပြီး နိုင်ငံတော်သမ္မတ ဦးမင်းအောင်လှိုင်က Virtual စနစ်ဖြင့် အမှာစကားပြောကြားခဲ့ကြောင်း သိရသည်။

■ ယင်းနောက် ရန်ကုန်တိုင်းဒေသကြီးအစိုးရအဖွဲ့ လူမှုရေးရာဝန်ကြီး ဦးဗိုလ်ဌေးနှင့် တာဝန်ရှိသူများက ဖဲကြိုးဖြတ်ဖွင့်လှစ်ပေးခဲ့ပြီး၊ ဝန်ကြီးချုပ် ဦးအောင်နိုင်သူက သူနာပြုသိပ္ပံ(ရန်ကုန်)၏ ဆိုင်းဘုတ်သစ်ကို စက်ခလုတ်နှိပ်၍ ဖွင့်လှစ်ပေးခဲ့သည်။

■ ထို့အပြင် ဝန်ကြီးချုပ်နှင့်အစိုးရအဖွဲ့ဝင် ဝန်ကြီးများက ကမ္ပည်းမော်ကွန်းအား အမွှေးနံသာရည်ဖြင့် ပက်ဖြန်းဂုဏ်ပြုခဲ့ကြသည်။

■ ဆက်လက်၍ ဝန်ကြီးချုပ်နှင့်တာဝန်ရှိသူများသည် သူနာပြုသိပ္ပံ(ရန်ကုန်)ရှိ ကွန်ပျူတာခန်း၊ ကျွမ်းကျင်မှုဆိုင်ရာ ပုံစံတူလက်တွေ့သင်ကြားရေးခန်း (Skill Lab) တွင် သင်ကြားလေ့ကျင့်နေမှုများ၊ စာကြည့်တိုက်၊ ထမင်းစားဆောင်၊ မီးဖိုဆောင်နှင့် စာသင်ခန်းများကို လှည့်လည်ကြည့်ရှုခဲ့ကြကြောင်း သိရသည်။

#YMG/SW #Yangon_Times

#Daily_News
Published 16 July 2026

၁။‌ ချမ်းမြေ့ဆရာတော်ဘုရားကြီး၏ သက်တော်(၁၀၀)ပြည့်အကြို မွေးနေ့ပူဇော်ပွဲကျင်းပမည်

‌‎၂။ ‌မော်တော်ယာဉ် အမည်ပြောင်းမှတ်ပုံတင်ခြင်းကို VAVS စနစ်ပြောင်းလဲကျင့်သုံး

၃။‌‌‎ ဝဥ၊ ချဥ်ပေါင်ဖာလာ ၊သီဟိုစေ့တင်ပို့မှုမှဒေါ်လာ (၉၄)သန်းကျော်ရရှိပြီးလျာထားချက်ထက်ကျော်လွန်

၄။‎ ‌‌‌‌‌‌‌‌‌တရုတ်၏6Gနည်းပညာအစီအစဉ်ဖြင့် တိုင်းပြည်စီးပွားရေးကဏ္ဍများပိုမိုအားကောင်းလာစေမည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Daily_News
TV Yangon Times ရဲ့ နေ့စဉ်သတင်းအစီအစဉ်(တိုက်ရိုက်)
Published 16 July 2026

၁။‌ ချမ်းမြေ့ဆရာတော်ဘုရားကြီး၏ သက်တော်(၁၀၀)ပြည့်အကြို မွေးနေ့ပူဇော်ပွဲကျင်းပမည်

‌‎၂။ ‌မော်တော်ယာဉ် အမည်ပြောင်းမှတ်ပုံတင်ခြင်းကို VAVS စနစ်ပြောင်းလဲကျင့်သုံး

၃။‌‌‎ ဝဥ၊ ချဥ်ပေါင်ဖာလာ ၊သီဟိုစေ့တင်ပို့မှုမှဒေါ်လာ (၉၄)သန်းကျော်ရရှိပြီးလျာထားချက်ထက်ကျော်လွန်

၄။‎ ‌‌‌‌‌‌‌‌‌တရုတ်၏6Gနည်းပညာအစီအစဉ်ဖြင့် တိုင်းပြည်စီးပွားရေးကဏ္ဍများပိုမိုအားကောင်းလာစေမည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ကမ္ဘာ့ဗုဒ္ဓသာသနာပြု ကျေးဇူးတော်ရှင်ချမ်းမြေ့ဆရာတော်ဘုရားကြီးရဲ့ သက်တော် (၁၀၀) ပြည့်ခါနီးရာပြည့်အကြို မွေးနေ့ပူဇော်ပွဲကို လာမယ့် ဇူလိုင်လ(၂၆)ရက်နေ့မှာ ရန်ကုန်မြို့ရှိ ချမ်းမြေ့ရိပ်သာကျောင်း၌ ကျင်းပသွားမယ်လို့ ချမ်းမြေ့ရိပ်သာဝေယျာဝစ္စအဖွဲ့ ရန်ကုန်ကသိရပါတယ်။

#Local_News
Published 16 July 2026
#ချမ်းမြေ့ဆရာတော်ဘုရားကြီး
#YMG/NN #Yangon_Times

ကုန်းလမ်းပို့ဆောင်ရေးညွှန်ကြားမှုဦးစီးဌာနမှာ မှတ်ပုံတင်ထားတဲ့ မော်တော်ယာဉ်တွေကို အခွန်ထမ်းလူပုဂ္ဂိုလ်တစ်ဦးချင်းရဲ့အမည်နဲ့ အမည်ပြောင်းမှတ်ပုံတင်ရာမှာ အခွန်စိစစ်ခြင်းကို ယနေ့ ဇူလိုင်လ (၁၆) ရက်နေ့ကစပြီး Vehicle Automatic Valuation System (VAVS) နဲ့ ပြောင်းလဲကျင့်သုံးဆောင်ရွက်သွားမယ်လို့ ပြည်တွင်းအခွန်များဦးစီးဌာနက အသိပေးထားပါတယ်။

#Local_News
Published 16 July 2026
#VAVS
#YMG/SW #Yangon_Times

၂၀၂၅ - ၂၀၂၆ ဘဏ္ဍာနှစ်အတွင်း နိုင်ငံတကာဈေးကွက်ကို မြန်မာ့ဝဥ ၊ ချဉ် ပေါင်ဖာလာနဲ့သီဟိုစေ့တင်ပို့မှုကနေ ပို့ကုန်ဝင်ငွေအမေရိကန်ဒေါ်လာ ၉၄ ဒသမ ၈၉ သန်း ရရှိခဲ့တယ်လို့ မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက်စိုက်ပျိုး ထုတ်လုပ်တင်ပို့ရောင်းချသူများအသင်းရဲ့ စာရင်းတွေအရ သိရပါတယ်။

#Local_News
Published 16 July 2026
#ဝဥ_ချဥ်ပေါင်ဖာလာ_သီဟိုစေ့
#YMG/NN #Yangon_Times

#Local_News
Published 16 July 2026

■ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံသည် ယမန်နေ့နံနက် ၉ နာရီက ရန်ကုန်တိုင်းဒေသကြီး သန်လျင်ခရိုင် ကျောက်တန်းမြို့နယ် သီလဝါအထူးစီးပွားရေးဇုန်ရှိ Lightion Myanmar Co., Ltd. ၏ အီလက်ထရောနစ်ပစ္စည်းများ၊ စပီကာများ၊ ဆားကစ်ဘုတ်များ တပ်ဆင်ထုတ်လုပ်သည့်စက်ရုံသို့ရောက်ရှိပြီး စက်ရုံလုပ်ငန်းခွင်အတွင်း ကြည့်ရှုစစ်ဆေးခဲ့ ကြောင်းသိရသည်။

■ ထို့နောက် Guston Amava Co., Ltd. ၏ CMP စနစ်ဖြင့် ပြည်ပပို့ကုန်အထည်ချုပ်စက်ရုံသို့ ရောက်ရှိပြီး ပို့ကုန်အထည်များ ချုပ်လုပ်နေမှုကိုလည်းကောင်း၊ Showa Glove Myanmar Co., Ltd. ၏ လက်အိတ်အမျိုးမျိုးထုတ်လုပ်သည့်စက်ရုံမှ ပြည်ပသို့ တင်ပို့ရန် လက်အိတ်များ ချုပ်လုပ်နေမှုကိုလည်းကောင်း၊ Koyorad Co., Ltd. ၏ ကားရေတိုင်ကီနှင့် ဆက်စပ်အစိတ်အပိုင်းများ ထုတ်လုပ်နေမှုတို့ကိုလည်းကောင်း ကြည့်ရှုစစ်ဆေးခဲ့ကြောင်း သိရသည်။

#YMG/NN #Yangon_Times

#Local_News
Published 16 July 2026

■ မန်းရတနာပုံလေကြောင်းလိုင်းသည် ဇူလိုင် ၁၇ ရက်နေ့ မနက်ဖန်မှစတင်၍ အပတ်စဉ်သောကြာနေ့တိုင်း ပျံသန်းပြေးဆွဲသွားမည်ဖြစ်ကြောင်း သိရသည်။

■ ထိုသို့ပျံသန်းရာတွင် ရန်ကုန် – အနီးစခန်း (ပြင်ဦးလွင်) ဇူလိုင် ၁၇ ရက်နေ့တွင်ပျံသန်းမည်ဖြစ်ကာလေယာဉ်လက်မှတ်ခနှုန်းထားမှာ ၃၀၄,၀၀၀ကျပ် ဖြစ်ကြောင်းသိရသည်။

■ ထို့အပြင် အနီးစခန်း (ပြင်ဦးလွင်) – ရန်ကုန် လေယာဉ်လက်မှတ်ခနှုန်းထားမှာ ၂၉၄,၀၀၀ကျပ်ဖြစ်ကာ ဟဲဟိုး – အနီးစခန်း (ပြင်ဦးလွင်)လေယာဉ်လက်မှတ်ခနှုန်းထားမှာ ၂၆၄,၀၀၀ကျပ်ဖြစ် ကြောင်း သိရသည်။

■ ၎င်းအပြင် အနီးစခန်း (ပြင်ဦးလွင်) – ဟဲဟိုးလေယာဉ်လက်မှတ်ခနှုန်းထားမှာ ၂၆၄,၀၀၀ကျပ်ဖြစ် ကြောင်း သိရသည်။

■ ကျိုင်းတုံ – အနီးစခန်း (ပြင်ဦးလွင်)ခရီစဉ်ကို ဇူလိုင်၂၄ရက် မှစတင် ၍ ပြေးဆွဲမည်ဖြစ်ပြီး လေယာဉ်လက်မှတ်ခနှုန်းထားမှာ ၄၁၆,၀၀၀ကျပ်ဖြစ်ကာအနီးစခန်း (ပြင်ဦးလွင်) – ကျိုင်းတုံဇူလိုင်၂၄ရက် မှစတင်၍ ပြေးဆွဲမည်ဖြစ်ပြီးလေယာဉ်လက်မှတ်ခနှုန်းထားမှာ ၄၁၆,၀၀၀ကျပ်ဖြစ်ကြောင်းသိရသည်။

#YMG/NN #Yangon_Times

#Local_News
Published 16 July 2026

■ နိုင်ငံတော်၏ လျှပ်စစ်ဓာတ်အားထုတ်လုပ်မှုနှင့် သုံးစွဲမှုကဏ္ဍတွင် နေရောင်ခြည်စွမ်းအင် (Solar Energy) အသုံးချမှု ပိုမိုတိုးမြှင့်နိုင်ရေး ရည်ရွယ်၍ နေရောင်ခြည်စွမ်းအင်ဆိုင်ရာ အလုပ်ရုံဆွေးနွေးပွဲကို ဇူလိုင် ၁၅ ရက် နံနက်ပိုင်းက နေပြည်တော်ရှိ Horizon Lake View Resort တွင် ကျင်းပခဲ့ကြောင်းသိရသည်။

■ အဆိုပါအလုပ်ရုံဆွေးနွေးပွဲသို့ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်တက်ရောက်၍ အဖွင့်အမှာစကားပြောကြားခဲ့သည်။

■ ပြည်ထောင်စုဝန်ကြီးက နိုင်ငံတော်ဖွံ့ဖြိုးတိုးတက်ရေးနှင့် ပြည်သူများ၏ လူမှုစီးပွားဘဝ မြင့်မားရေးအတွက် လျှပ်စစ်ဓာတ်အား လုံလောက်စွာရရှိရန် အရေးကြီးကြောင်း၊ လက်ရှိတွင် မြန်မာနိုင်ငံ၏ လျှပ်စစ်ဓာတ်အားထုတ်လုပ်မှုသည် ရေအားလျှပ်စစ်နှင့် သဘာဝဓာတ်ငွေ့အရင်းအမြစ်များကို အဓိကအားထားနေရကြောင်း၊ ရာသီဥတုပြောင်းလဲမှုနှင့် ကမ္ဘာ့စွမ်းအင်ဈေးနှုန်း မတည်ငြိမ်မှုများကြောင့် စွမ်းအင်လုံခြုံရေးအတွက် ရေရှည်စီမံခန့်ခွဲမှုများ လိုအပ်လာကြောင်း ပြောကြားခဲ့သည်။

■ ထို့ပြင် ဝန်ကြီးဌာနအနေဖြင့် ပြည်တွင်းစွမ်းအင်အရင်းအမြစ်များကို အခြေခံသည့် သင့်လျော်သော လျှပ်စစ်ဓာတ်အားထုတ်လုပ်မှုအချိုး (Generation Mix) ကို စီမံတွက်ချက်ဆောင်ရွက်လျက်ရှိကြောင်း၊ မြန်မာနိုင်ငံသည် နေရောင်ခြည်စွမ်းအင် အရင်းအမြစ်ပေါများသည့် နိုင်ငံဖြစ်သည့်အပြင် စီမံကိန်းအကောင်အထည်ဖော်ချိန် တိုတောင်းသည့်အားသာချက်များကြောင့် အမျိုးသားဓာတ်အားလိုင်းအတွင်း Solar System များကို သင့်တင့်သောအချိုးအစားဖြင့် ထည့်သွင်းအသုံးပြုနိုင်ရေးနှင့် Solar Home System များကို တစ်ဦးချင်းနှင့် အစုအဖွဲ့အလိုက် တပ်ဆင်အသုံးပြုနိုင်ရေးကို အားပေးဆောင်ရွက်လျက်ရှိကြောင်း ပြောကြားခဲ့သည်။

■ လက်ရှိကြုံတွေ့နေရသည့် နည်းပညာပိုင်းနှင့် စီမံခန့်ခွဲမှုပိုင်းဆိုင်ရာ အခက်အခဲများကို ယခုအလုပ်ရုံဆွေးနွေးပွဲမှတစ်ဆင့် ဝိုင်းဝန်းအကြံပြု ဆွေးနွေးအဖြေရှာနိုင်ပါက ထိရောက်သော စီမံကိန်းများကို လျင်မြန်စွာ အကောင်အထည်ဖော်နိုင်မည်ဖြစ်ပြီး ဆိုလာဓာတ်အားစနစ်ကို စွမ်းရည်မြင့်မားစွာ အသုံးချနိုင်ရေးမှာ အရေးကြီးကြောင်းလည်း ၎င်းက ပြောကြားခဲ့သည်။

■ အလုပ်ရုံဆွေးနွေးပွဲတွင် စာတမ်းရှင်များနှင့် ကျွမ်းကျင်ပညာရှင်များက သက်ဆိုင်ရာခေါင်းစဉ်များအလိုက် ဆွေးနွေးတင်ပြခဲ့ကြပြီး တက်ရောက်လာသူများနှင့် အပြန်အလှန်မေးမြန်းဆွေးနွေးမှုများ ပြုလုပ်ခဲ့ကြသည်။

■ ထို့အပြင် “မြန်မာနိုင်ငံတွင် နေရောင်ခြည်စွမ်းအင်ဖွံ့ဖြိုးတိုးတက်မှုကို အရှိန်အဟုန်မြှင့်တင်ခြင်းနှင့် လျှပ်စစ်ဓာတ်အားစနစ်၏ တည်ငြိမ်စိတ်ချမှုကို ထိန်းသိမ်းခြင်း” ခေါင်းစဉ်ဖြင့် စကားဝိုင်းဆွေးနွေးပွဲကိုလည်း ကျင်းပခဲ့ကြောင်းသိရသည်။

■ အခမ်းအနားအပြီးတွင် ပြည်ထောင်စုဝန်ကြီးက မြန်မာနိုင်ငံ၏ ပေါကြွယ်ဝသော နေရောင်ခြည်စွမ်းအင် အရင်းအမြစ်များကို အပြည့်အဝအသုံးချ၍ ဓာတ်အားထုတ်လုပ်နိုင်ပါက စွမ်းအင်ဖူလုံပြီး စိမ်းလန်းစိုပြည်သည့် အနာဂတ်နိုင်ငံတော်ဆီသို့ အောင်မြင်စွာချီတက်နိုင်မည်ဖြစ်ကြောင်း နိဂုံးချုပ်အမှာစကား ပြောကြားခဲ့သည်။

■ ယင်းအလုပ်ရုံဆွေးနွေးပွဲသို့ ပြည်ထောင်စုဝန်ကြီး၊ ပြည်ထောင်စုအတိုင်ပင်ခံကောင်စီ ကောင်စီဝင် ဦးကိုကိုလှိုင်၊ ဒုတိယဝန်ကြီးများ၊ သက်ဆိုင်ရာဌာနဆိုင်ရာအကြီးအကဲများ၊ အင်ဂျင်နီယာအသင်းအဖွဲ့များ၊ စီးပွားရေးအဖွဲ့အစည်းများ၊ ပြည်တွင်းပြည်ပကုမ္ပဏီများမှ တာဝန်ရှိသူများနှင့် ဖိတ်ကြားထားသူများအပါအဝင် စုစုပေါင်း ၄၇၅ ဦး တက်ရောက်ဆွေးနွေးခဲ့ကြောင်း သိရသည်။

#YMG/SW #Yangon_Times

#World_News
Published 16 July 2026

■ အီရန်ဆိပ်ကမ်းတွေကို အမေရိကန်က ရေကြောင်းပိတ်ဆို့မှုများ ပြန်လည်ပြုလုပ်ပြီးနောက် ဗုဒ္ဓဟူးနေ့က အီရန်ကမ်းရိုးတန်းခံတပ်များနဲ့ ဒုံးကျည်နေရာများကို ထပ်မံတိုက်ခိုက်ခဲ့ပါတယ်။

■ အီရန်ကတော့ ဒေသတွင်းစွမ်းအင်တင်ပို့ကုန်မှုများကို ထပ်မံပိတ်ချသွားဖို့ ခြိမ်းခြောက်ခဲ့ပြီး အမေရိကားနဲ့ ရှင်သန်ရပ်တည်ရေးတိုက်ပွဲ ဆင်နွှဲနေရတယ်လို့ ဆိုလိုက်ပါတယ်။

■ ခိုင်မာမှုမရှိတဲ့ ငြိမ်းချမ်းရေးသဘောတူညီချက် ပျက်ပြယ်ပြီး ရက်အနည်းငယ်အကြာမှာပဲ အခုလိုတင်းမာမှုတွေ ပြန်မြင့်တက်လာတာဖြစ်ပြီး စစ်ပွဲကြီးပြန်ဖြစ်လာမယ့် အရိပ်အယောင်များလာပါတယ်။

■ အီရန်က ဟော်မုဇ်ရေလက်ကြား ပိတ်လိုက်ပြီးတည်းက တိုက်ခိုက်မှုတွေ ပြင်းထန်လာခဲ့ပါတယ်။

■ အမေရိကန်တပ်တွေက ဟော်မုဇ်ရေလက်ကြား ဘေးကင်းစွာဖြတ်သန်းနိုင်ရေးအတွက် အီရန်ရဲ့ အရေးပါတဲ့ပစ်မှတ်တွေကို တိုက်ခိုက်ခဲ့ပါတယ်။

■ အမေရိကန် တိုက်ခိုက်မှုများကြောင့် ဆေးရုံတစ်ခုအပါအဝင် အရပ်ဘက် အခြေခံအဆောက်အအုံများအနီးရှိ နေရာများထိခိုက်ခဲ့ကြောင်း အီရန်က ပြောပါတယ်။

■ အီရန်တော်လှန်ရေး အစောင့်တပ်ဖွဲ့(IRGC)က ထိုဒေသရှိ အမေရိကန် စစ်ဘက်ဆိုင်ရာနေရာများကို ပြန်လည်ပစ်မှတ်ထား လက်တုံ့ပြန်ခဲ့ပါတယ်။

■ ထရမ့်က အီရန်ကို မကြာမီ အနိုင်ယူနိုင်မှာဖြစ်ကြောင်း ယုံကြည်ချက်ရှိရှိ ဖော်ပြခဲ့ပြီး လက်ရှိဆွေးနွေးညှိနှိုင်းများ ရှိနေကြောင်းလည်း ထည့်သွင်းပြောကြားထားပါတယ်။

■ အီရန်မှာ ဖမ်းဆီးထိန်းသိမ်းခံထားရတဲ့ အမေရိကန်နိုင်ငံသားတစ်ဦး ပြန်လည်လွတ်မြောက်လာခြင်းက စေတနာအရ လိုက်လျောမှုတစ်ခုသာဖြစ်ကြောင်း ပြသနေပါတယ်။

Source: Reuters

#World_Health
Published 16 July 2026

■ နေ့စဉ် လက်ဖက်စိမ်းရည် သောက်သုံးပါက ရောင်ရမ်းမှု ဓာတ်တိုးဖိစီးခြင်းနဲ့ အသည်းထဲက အဆီစုပြုံခြင်းတို့ကို လျှော့ချပေးကာ အသည်းကျန်းမာရေးကို အကူအညီပေးနိုင်ဖွယ်ရှိပါတယ်။

■ (၁) ဓာတ်တိုးဖိစီးခြင်းမှကာကွယ်ပေးခြင်း
လက်ဖက်စိမ်းမှာ ပါဝင်တဲ့ EGCG ဓာတ်တိုးဆန့်ကျင်ပစ္စည်းဟာ ဓာတ်တိုးဖိစီးခြင်းကို လျှော့ချပေးပြီး MASLD လိုမျိုး အခြေအနေတွေကနေ အသည်းကို ကာကွယ်ပေးကာ အသည်းလုပ်ဆောင်ချက် ထောက်ကူပေးနိုင်ပါတယ်။

■ (၂) အသည်းထဲမှ အဆီစုပြုံမှုလျှော့ချပေးခြင်း
လက်ဖက်စိမ်းနဲ့ catechin တို့က အဆီဇီဝဖြစ်စဉ် တိုးတက်စေကာ အစားအစာမှရတဲ့ အဆီကို ပိုမိုခြေဖျက်စေပြီး အသည်းထဲ အဆီစုပြုံခြင်းကို လျှော့ချစေပါတယ်။

■ (၃) အသည်းအင်ဇိုင်းများ ကောင်းမွန်စေခြင်း
အသည်းရောင်ရမ်းခြင်း ဖြစ်စေတဲ့ ALT ၊ AST တို့လို အသည်းအင်ဇိုင်းတွေကို လျှော့ချပေးကာ အသည်းအဆီဖုံးရောဂါ၊ ဇီဝကမ္မရောဂါ ရှိသူတွေမှာ အကျိုးဖြစ်စေပါတယ်။

■ (၄) အသည်းရောင်ရမ်းမှု ကျနိုင်ခြင်း
လက်ဖက်စိမ်းမှာပါတဲ့ ပိုလီဖီနောက ရောင်ရမ်းမှု ကျစေနိုင်ကာ အသည်းဆဲလ်တွေကို ကာကွယ်ပေးပြီး အသည်းလုပ်ဆောင်ချက် ထောက်ကူပေးနိုင်ပါတယ်။

■ ဒါပေမဲ့ လက်ဖက်စိမ်းရည် သောက်တာများရင် ဘေးထွက်ဆိုးကျိုးတွေ ရှိနိုင်ပြီး ကဖင်းဓာတ်များခြင်း၊ သံဓာတ်စုပ်ယူမှု လျော့ကျနိုင်ခြင်း၊ အချို့သောဆေးဝါးများနဲ့ ဓာတ်ပြုတုံ့ပြန်ခြင်း၊ အသည်းအဆိပ်သင့်ခြင်းတို့ ဖြစ်နိုင်ပါတယ်။

■ ဒါကြောင့် နေ့စဉ် လက်ဖက်စိမ်းရည် အနည်းငယ်သောက်သုံးခြင်းကတော့ ဘေးကင်းစိတ်ချရပါတယ်။

Source: Health

#World_Health
Published 16 July 2026

■ ငှက်ပျောသီးအစိမ်းတွေက ရင့်မှည့်တဲ့ ငှက်ပျောသီးတွေနဲ့ မတူကွဲပြားတဲ့ အာနိသင်တွေ ရစေနိုင်မယ်လို့ ကျွမ်းကျင်သူတွေ ဆိုပါတယ်။

■ ထောင့်ချိုးသိသာထင်ရှားတဲ့ ငှက်ပျောသီးတွေက ထောင့်ချိုးဝိုက်သွားတဲ့ ငှက်ပျောသီးတွေလောက် သိပ်ပြီးမမှည့်သေးဘူးလို့ ဖလော်ရီဒါတက္ကသိုလ်မှ သစ်သီးဝလံပညာရှင် ဂျိုနသန်ကရိန်းက ပြောပါတယ်။

■ အေးလွန်းတဲ့အပူချိန်နဲ့ ထိတွေ့တဲ့ ငှက်ပျောသီးတွေဟာ သာမန်ရင့်မှည့်ခြင်းဖြစ်စဉ် နှောင့်ယှက်စေပြီး အချိန်လွန်သည့်တိုင်အောင် အစိမ်းရောင် ဒါမှမဟုတ် စိမ်းဝါရောင် ဖြစ်နေနိုင်ပါတယ်။

■ ၅၆ ဒီဂရီနဲ့ ၅၉ ဒီဂရီဖာရင်ဟိုက်ကြား အပူချိန်က ငှက်ပျောသီးထိန်းသိမ်းဖို့ အကောင်းဆုံးဖြစ်ပါတယ်။

■ ဒါပေမဲ့ အစိမ်းရောင်ငှက်ပျောသီး စားခြင်းကလည်း အကျိုးကျေးဇူး ရှိနိုင်ပါသေးတယ်။
မှည့်သည်ဖြစ်စေ၊ စိမ်းသည်ဖြစ်စေ ပိုတက်ဆီယံ၊ ဗိုက်တာမင်-ဘီ၆၊ ဗိုက်တာမင်-စီနဲ့ အခြားအာဟာရဓာတ်တွေ ပေးစွမ်းနိုင်တာကြောင့် မိမိရွေးချယ်တဲ့အပေါ်သာ မူတည်နိုင်ပါတယ်။

■ ငှက်ပျောသီးစိမ်းတွေမှာ အမျှင်ဓာတ်လိုမျိုး ကာဗိုဟိုက်ဒရိတ်တစ်မျိုး ပါဝင်တာကြောင့် အချိုပိုနည်းပြီး သွေးတွင်းသကြားဓာတ်အပေါ် ဖြည်းညင်းစွာ သက်ရောက်စေမှာပါ။

■ ငှက်ပျောသီးက မှည့်လာတဲ့အခါ ထိုဓာတ်တွေက သဘာဝအချိုဓာတ်အဖြစ်သို့ ပြောင်းသွားပါတယ်။

■ ဒါကြောင့် သွေးတွင်းသကြားဓာတ် ထိန်းနေရသူဆိုရင် ငှက်ပျောသီးစိမ်းက ပိုအဆင်ပြေနိုင်ပြီး အချိုစားချင်ကာ အစာခြေစနစ်အတွက်ဆိုရင်တော့ ငှက်ပျောသီးမှည့်က ပိုသင့်လျော်ပါတယ်။

■ ငှက်ပျောသီးအရောင်ကို ဦးစားပေးနေတာထက် ဘယ်လိုအသီးက အလုံးစုံအာဟာရဓာတ်နဲ့ နေ့စဉ်စားသုံးပုံစံတို့နဲ့ ဘယ်လောက်ကိုက်ညီလဲကို စဉ်းစားသင့်ပါတယ်။

Source: Fox News

အမေရိကန် နည်းပညာကုမ္ပဏီကြီးဖြစ်တဲ့ မိုက်ခရိုဆော့ဖ်ဟာ လုပ်ငန်းဖွဲ့စည်းပုံ ပြန်လည်ပြင်ဆင်ရေး တစ်စိတ်တစ်ပိုင်းအနေဖြင့် တစ်ကမ္ဘာလုံးရှိ ဝန်ထမ်းအင်အားစု ၂.၁ ရာခိုင်နှုန်းရှိတဲ့ အလုပ်နေရာပေါင်း ၄,၈၀၀ ခန့် လျှော့ချသွားမယ်လို့ ထုတ်ပြန်လိုက်ပါတယ်။

#World_News
Published 15 July 2026
#Microsoft
#YMG #Yangon_Times #Yangon_Media_Group