ရန်ကုန်-မန္တလေးအမြန်လမ်းမကြီး မိုင်တိုင်အမှတ် (၁၆၅/၁)ရှိ အရှည်ပေ ၉၀၀ ဆွာချောင်းတံတား (အပြန်လမ်း) အသစ်တည်ဆောက်ပြီးစီးသဖြင့် မော်တော်ယာဉ်များကို မေလ၁၄ရက်မှစတင်ကာ ဖြတ်သန်းခွင့်ပြုလိုက်ပြီဖြစ်တယ်လို့ ဆောက်လုပ်ရေးဝန်ကြီးဌာနမှ သိရပါတယ်။

#Local_News
Published 15 May 2026
#ရန်ကုန်-မန္တလေးအမြန်လမ်းမကြီး #ဆွာချောင်းတံတား
#YMG/SW #Yangon_Times

#Local_News
Published 15 May 2026

■ ရန်ကုန်တိုင်းစစ်ဌာနချုပ် နယ်လှည့်ဆေးကုသရေးအဖွဲ့နှင့်မြောက်ပိုင်းတိုင်းစစ်ဌာနချုပ် နယ်လှည့်ဆေးကုသရေးအဖွဲ့တို့ကမြစ်ကြီးနားနှင့် လှည်းကူးမြို့နယ်တို့ရှိ သံဃာတော်များနှင့် ဒေသခံပြည်သူများအား ကျန်းမာရေးစောင့်ရှောက်မှုလုပ်ငန်းများဆောင်ရွက်ပေးခဲ့ကြောင်းသိရသည်။

■ တပ်မတော်အနေဖြင့် ပြည်သူလူထု၏ ကျန်းမာရေးကဏ္ဍ တိုးတက်မြင့်မားစေရန်အတွက် ကျန်းမာရေးစောင့်ရှောက်မှု လုပ်ငန်းများတွင် တစ်ဖက်တစ်လမ်းမှ ကူညီစောင့်ရှောက်မှုများဆောင်ရွက်ပေးလျက်ရှိရာ ယမာန်နေ့နံနက်ပိုင်းက မြောက်ပိုင်းတိုင်းစစ်ဌာနချုပ် နယ်လှည့်ဆေးကုသရေးအဖွဲ့က ကချင်ပြည်နယ်၊ မြစ်ကြီးနားမြို့ရှိဝေဠုဝန် ကျောင်းတိုက်အတွင်း၌အခြေပြု၍ မြစ်ကြီးနားမြို့ပေါ်ရှိ သံဃာတော်များအား ကျန်းမာရေးစောင့်ရှောက်မှုလုပ်ငန်းများ ဆောင်ရွက်ပေးသည်။

■ ထိုသို့ဆောင်ရွက်ပေးရာတွင် ဆေးကုသရေးအဖွဲ့က သံဃာတော် ၃၀ ပါးတို့အား ခွဲစိတ်ကုသမှုဆိုင်ရာ ရောဂါ၊ အရိုးအကြောရောဂါ၊ အာရုံကြောအားနည်းရောဂါ၊ အထွေထွေရောဂါတို့နှင့်ပတ်သက်၍ လိုအပ်သည့် ကျန်းမာရေးစစ်ဆေးကုသပေးခြင်း၊ ECG စက်ဖြင့် နှလုံးစမ်းသပ်စစ်ဆေးပေးခြင်း၊ ဓာတ်မှန်ရိုက်၍ ရောဂါရှာဖွေပေးခြင်းများ ဆောင်ရွက်ပေးပြီး ဆေးရုံတက်ရောက်ကုသရန်လိုအပ်သည့် သံဃာတော်များအား နယ်မြေခံတပ်မတော်ဆေးရုံသို့ တက်ရောက်ကုသနိုင်ရေး စီစဉ်ဆောင်ရွက်ပေးသည်။

■ အလားတူ ရန်ကုန်တိုင်းဒေသကြီး၊ လှည်းကူးမြို့နယ်၊ အဝိုင်းအနောက်ကျေးရွာနှင့် ပတ်ဝန်းကျင်ကျေးရွာများရှိ သံဃာတော် ၂ ပါးနှင့် ဒေသခံပြည်သူ ၆၉ ဦးတို့ ရန်ကုန်တိုင်းစစ်ဌာနချုပ် နယ်လှည့်ဆေးကုသရေးအဖွဲ့က ကောဝိဒါရာမ ကျောင်းတိုက်၌အခြေပြု၍ အရိုးအကြောရောဂါ၊ ခွဲစိတ်ကုသမှုဆိုင်ရာရောဂါ၊ ကလေးရောဂါ၊ မျက်စိရောဂါ၊ နား/ နှာခေါင်း/ လည်ချောင်းရောဂါ၊ သွားနှင့်ခံတွင်း ရောဂါ၊ သားဖွားမီးယပ်ရောဂါ၊ အထွေထွေရောဂါတို့နှင့်ပတ်သက်၍ ကျန်းမာရေးစစ်ဆေးကုသပေးခြင်းများ ဆောင်ရွက်ပေးသည်။

■ ယင်းသို့ ဆောင်ရွက်နေမှုများကို သက်ဆိုင်ရာတပ်နယ်များမှ တာဝန်ရှိသူများက သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

#YMG/NN #Yangon_Times

#Local_News
Published 15 May 2026

■ ၂၀၂၆ ခုနှစ် မေလ ၁၃ ရက်နေ့တွင် ရန်ကုန်မြို့၏ ဝန်းကျင်လေထုအရည်အသွေး လေ့လာဆန်းစစ်ခြင်းနှင့်ပတ်သက်၍ သတင်းထုတ် ပြန်ထားကြောင်းပတ်ဝန်းကျင်ထိန်းသိမ်းရေးဦးစီးဌာနမှ သိရသည်။

■ ရန်ကုန်တိုင်းဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာနအနေဖြင့် ရန်ကုန်မြို့အတွင်း အောက်ဖော်ပြပါတိုင်းတာမှတ် (၃) နေရာတွင် Ambient Air Quality Monitoring Station with Mobile Car- (AQMS Mobile Car)၊ Compact Air Quality Monitoring Station- (AQM 65) စက်များကိုအသုံးပြု၍ Particulate Matter 2.5 (PM2.5)၊ Particulate Matter 10 (PM10) ၊ Sulphur Dioxide (SO2)၊ Nitrogen Dioxide (NO2)၊ Ozone (O3) နှင့် Carbon Monoxide (CO) စသည့် အဓိက Parameter (၆) မျိုးကို (၂၄) နာရီ ပုံမှန်တိုင်းတာပြီး လေ့လာဆန်းစစ် နေကြောင်းသိရသည်။

■ ထိုသို့ဆောင်ရွက်ရာတွင် လေထုအပူချိန်၊ လေတိုက်နှုန်း၊ လေတိုက်ခတ်ရာလမ်းကြောင်း၊ စိုထိုင်းမှု၊ မိုးရွာသွန်းမှုအခြေအနေ၊ မော်တော်ယာဉ်အသုံးပြုမှုအခြေအနေ၊ ပူပြင်းခြောက်သွေ့မှုကြောင့် ဖုန်မှုန့်ပျံ့လွင့်မှု၊ စက်ရုံများမှ ထုတ်လွှတ်အခိုးအငွေ့များ ထုတ်လွှတ်မှုအခြေအနေနှင့် ဝန်းကျင်လေထုအရည်အသွေး တိုင်းတာသည့်နေရာ အနီးဝန်းကျင်အခြေအနေတို့အပေါ်မူတည်၍ တိုင်းတာရရှိသည့် ဝန်းကျင်လေထုအရည်အသွေးရလဒ်များသည် ပြောင်းလဲမှုရှိနိုင်ပါကြောင်း သုံးသပ်ထား‌ကြောင်း သိရသည်။

#YMG/NN #Yangon_Times

#World_News
Published 15 May 2026

■ ကမ္ဘာ့ရေနံဈေးနှုန်း မြင့်တက်ခြင်းကြောင့် ဖိလစ်ပိုင်မှာ ပြီးခဲ့တဲ့ ၂ လအတွင်း ဒီဇယ်ဈေးနှုန်း နှစ်ဆကျော် မြင့်တက်ခဲ့ပါတယ်။

■ ဖိလစ်ပိုင်ဟာ နိုင်ငံစွမ်းအင်လိုအပ်ချက်ရဲ့ ၉၀ ရာခိုင်နှုန်းကျော်ကို တင်သွင်းနေရတာ ဖြစ်ပါတယ်။

■ ဧပြီလမှာ ငွေကြေးဖောင်းပွမှု ၇.၂ ရာခိုင်နှုန်း ခုန်တက်ခဲ့ပြီး လူနေမှုဘဝတွေ အိမ်ထောင်စုတွေ၊ စီးပွားရေးလုပ်ငန်းတွေ အသက်ရှူကြပ်လာစေပါတယ်။

■ လောင်စာဆီဈေးနှုန်းနဲ့ ငွေကြေးဖောင်းပွမှုကြောင့် ယာဉ်မောင်းဆွဲစားသူတွေများစွာဒုက္ခရောက်ရပြီး လိုင်းကားယာဉ်မောင်း အာတူရိုဆိုရင် မိသားစုနဲ့အတူ ယာဉ်ပေါ်မှာပဲ နေထိုင်နေရပါတယ်။

■ နိုင်ငံအတွင်း တန်းစီစောင့်ဆိုင်းရတာတွေ၊ ဝယ်ယူရရှိနိုင်ရေးပြဿနာတွေကြောင့် နေထိုင်စားသောက်ရေးစရိတ် မြင့်တက်လာခြင်းကို ကာမိဖို့ ခက်ခဲနေပါတယ်။

■ မြင့်တက်လာတဲ့ လောင်စာဆီ ဈေးနှုန်းကြောင့် ကုန်ပစ္စည်းထုတ်လုပ်သူတွေလည်း စရိတ်စကကြီးမားလာကာ ဝယ်လိုအား ကျဆင်းနေပါတယ်။

■ ဖိလစ်ပိုင်ငွေကြေးပီဆို တန်ဖိုးကျဆင်းလာသဖြင့် ဖိလစ်ပိုင်နိုင်ငံသား ၄၄ ရာခိုင်နှုန်းလောက်ဟာ လစဉ်ငွေကြေးလိုအပ်ချက် ပြည့်မီဖို့ ရုန်းကန်နေရပါတယ်။

■ အင်မပ်စ်မြို့မှာတော့ တရုတ်ပြည်ထုတ် ဆိုလာစွမ်းအင်လျှပ်စစ်သုံးဘီးတွေဖြင့် ရေပို့ဆောင်ခြင်းလုပ်ငန်းတွေ လုပ်နေကြပြီး လုပ်ငန်းလည်ပတ်စရိတ် ၇၀ ရာခိုင်နှုန်းလောက် သက်သာစေပါတယ်။

■ တရုတ်တို့ရဲ့ ကုန်ကျစရိတ်သက်သာတဲ့ ထုတ်လုပ်မှု၊ ဈေးနှုန်း၊ အဆင့်မြင့်ဘက်ထရီနည်းပညာ၊ AI ထောက်ကူစနစ်တို့ကြောင့် တရုတ်ပြည်ထုတ် လျှပ်စစ်ယာဉ်တွေ လွှမ်းမိုးထားကြောင်း ကျွမ်းကျင်သူတွေ သုံးသပ်ကြပါတယ်။

Source: Xinhua

#Local_News
Published 15 May 2026

■ ပုဂ္ဂလိကမီးရထားလုပ်ငန်းများပေါ်ပေါက်လာပါက မီးရထားတွဲများအနေဖြင့် ချမှတ်ထားသည့် စံသတ်မှတ်ချက်များနှင့်အညီဖြစ်ရန်လိုကြောင်း ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် က ပြောသည်။

■ ယမန်နေ့ နံနက်က နေပြည်တော်ကောင်စီနယ်မြေ၊ ပုဗ္ဗသီရိမြို့နယ်ရှိ ပို့ဆောင် ရေးဝန်ကြီးဌာန၊ မြန်မာ့မီးရထား စက်မှုနှင့်လျှပ်စစ်အင်ဂျင်နီယာဌာန စက်ခေါင်းသစ် တပ်ဆင်ထုတ်လုပ်ရေးစက်ရုံ(နေပြည်တော်)သို့ သွားရောက်၍ ရထားပို့ဆောင်ရေး လုပ်ငန်းဖွံ့ဖြိုးတိုးတက်စေရေး ဆောင်ရွက်ထားရှိမှုအခြေအနေများကို ကြည့်ရှုစစ်ဆေးပြီးစဉ် ယင်းကအထက်ပါအတိုင်း ပြောကြားခြင်း ဖြစ်သည်။

■ ရထားတွဲများအဆင့်မြှင့်တင်ခြင်းနှင့်ပတ်သက်၍လည်း ရထားတွဲများကိုစံနှုန်း တစ်ခုသတ်မှတ်ဆောင်ရွက် သွားရန်လိုကြောင်း၊ ယခင်ကတည်းက မီးရထားတွဲများတည်ဆောက်ခဲ့သည့် အတွေ့အကြုံများစွာရှိပြီးဖြစ်သဖြင့် ပြည်တွင်း၌ ရထားတွဲများလုံလောက်စွာထုတ်လုပ်နိုင်ရန်လိုကြောင်း၊ ရထားတွဲများ၏ အလျား၊ အနံများအနေဖြင့် တူညီမှုမရှိကြသည်ကိုလည်း လေ့လာတွေ့ရှိရသဖြင့် နိုင်ငံနှင့်ကိုက်ညီသည့် ရထားတွဲများဖြစ်စေရေး၊ ခရီးသွားပြည်သူများ ချောင်ချောင်ချိချိ သက် သက်သာသာဖြင့် စီးနင်းနိုင်သည့် ရထားတွဲများဖြစ်စေရေး စနစ်တကျဖြင့် လေ့လာ၍ သုတေသနပြုတွက်ချက်တည်ဆောက်ထုတ် လုပ်သွားကြရန်လိုကြောင်း၊ လက်ရှိအချိန် တွင် ဘတ္ထရီလျှပ်စစ်စက်ခေါင်း (Battery Electric Locomotives - BEL)နှင့် ဘတ္တရီ လျှပ်စစ်ရထားတွဲ (Battery Electric Multiple Unit - BEMU)များကို တည်ဆောက် လျက်ရှိကြောင်း၊ ထိုသို့ဆောင်ရွက်ရာတွင်လည်း စနစ်တကျဖြစ်ရန်လို ကြောင်း။မီးရထားတွဲများနှင့်ပတ်သက်၍ မြန်မာနိုင်ငံနှင့်ကိုက်ညီသည့် စံနှုန်းတစ်ခုအား သတ်မှတ်သွားရန်လိုပြီး နောင်တွင် ပုဂ္ဂလိကမီးရထားလုပ်ငန်းများပေါ်ပေါက်လာပါကလည်း ချမှတ်ထားသည့် စံသတ်မှတ်ချက်များနှင့်အညီဖြစ်ရန်လိုကြောင်းလည်း ပြောကြားခဲ့ကြောင်းသိရသည်။

■ မြန်မာနိုင်ငံတွင် အသုံးပြုနေသည့် ရထားစက်ခေါင်းအမျိုးအစားများစွာရှိပြီး မည်သည့်ရထားစက်ခေါင်းကို အသုံးပြုသည်ဖြစ်စေ စက်ခေါင်းကောင်းမွန်ကြံ့ခိုင်မှုရှိစေရေးနှင့် သန့်ရှင်းသပ်ရပ်မှုရှိစေရေးဆောင်ရွက်သွားကြရန်လိုကြောင်း၊ရထားစက်ခေါင်းများ၊ ရထားတွဲများအားလုံး ကြံ့ခိုင်ကောင်း မွန်မှုရှိစေရေးအတွက် စနစ်ကျနသည့် စစ်ဆေးမှုရှိရန်လိုပြီး အသုံးပြုနေသည့် ကာလ အတွင်းစနစ်များအားလုံး ကောင်းမွန်နေစေရေး ဆောင်ရွက်သွားရန်လိုကြောင်း၊ မီးရထားစက်ခေါင်းများ၊ မီးရထားတွဲများသန့်ရှင်းသပ်ရပ်မှုရှိစေရေး၊ ဆေးများစနစ်တကျ ဖြစ်စေရေးနှင့် ရထားတွဲများအားလုံးကောင်းမွန်မှုရှိစေရေး ထိန်းသိမ်းဆောင်ရွက်သွား ကြရန်လိုကြောင်းလည်း သမ္မတက ပြောသည်။

■ လက်ရှိမြန်မာ့မီးရထားတွင် ဧကလမ်း ၃၄၈၃ မိုင်၊ ဒွေးလမ်း ၃၈၅ မိုင်၊ စုစုပေါင်းရထားလမ်းမိုင် ၃၈၆၈ မိုင်ရှိပြီဖြစ်ကြောင်း၊ ရထားလမ်းများအဆင့်မြှင့်တင်ခြင်းနှင့်အတူ ရထားဘူတာရုံစင်္ကြံများ၊ ရထား လမ်းကူးများ၊ တံတားများ၊ အခြားဖြစ်နိုင်ဖွယ်ရှိသည်များအားလုံးကို လေ့လာတွက်ချက်၍ စနစ်တကျဖြင့် အဆင့်မြှင့်တင်သွားရန်လည်း ယင်းကပြောကြားခဲ့ကြောင်း သိရသည်။

Yangon_Times/PP

#World_Health
Published 15 May 2026

■ မန်ချက်စတာမြို့မှ အသက် ၂၂ နှစ်အရွယ် အမျိုးသမီးဟာ vape စီးကရက် သောက်သုံးပြီး အဆုတ်ကင်ဆာ ဖြစ်ပွားနေကာ အသက်ရှင်နေထိုင်ရန် ၁၈ လသာ ကျန်တော့တယ်လို့ သိရှိရပြီးနောက်မှာ vape သောက်ခြင်းအန္တရာယ်တွေကို သတိပေးလိုက်ပါတယ်။

■ ကေလီဘိုဒါဟာ ၁၅ နှစ်အရွယ်ကစပြီး vape သောက်ခဲ့ကာ တစ်ပတ်ကို အကြိမ် ၆၀၀ ပါ တစ်ဗူးနှုန်း အသုံးပြုခဲ့ပြီး ချောင်းဆိုးတဲ့အခါ အညိုရောင်သမ်းသမ်း အဖတ်တွေနဲ့ သလိပ်တွေ ထွက်လာတယ်လို့ ဆိုပါတယ်။

■ ဆရာဝန်တွေဆီမှာ အကြိမ်ကြိမ်သွားပြခဲ့ပေမယ့် အစပိုင်းမှာ အဆုတ်အအေးမိခြင်းသာ ဖြစ်တယ်လို့ သိရှိခဲ့ကာ နောက်ပိုင်းမှာတော့ ချောင်းဆိုးရင် သွေးပါလာတဲ့အတွက် နောက်ထပ်စစ်ဆေးမှု ထပ်မံပြုလုပ်ခဲ့ရကြောင်း ပြောပါတယ်။

■ အသားစစစ်ဆေးမှု အကြိမ်ကြိမ်ပြုလုပ်ပြီးနောက် ၂၀၂၅ မှာ အဆုတ်ကင်ဆာ တွေ့ရှိခဲ့ပြီး ဓာတုကုထုံးဖြင့် ညာဘက်အဆုတ်အစိတ်အပိုင်းကို ဖယ်ရှားခွဲစိတ်ခဲ့ပါတယ်။

■ ၂၀၂၆ အစောပိုင်းမှာ ကင်ဆာပျောက်ကင်းပြီလို့ ကြေညာခဲ့ပေမယ့် လပိုင်းအကြာမှာ ကင်ဆာပြန်ဖြစ်လာပြီး အဆုတ်နံရံတွေပါ ပျံ့နှံ့လာပါတယ်။

■ ဆရာဝန်တွေက ကင်ဆာတွေကို ကုသလို့မရဘဲ ၁၈ လခန့်သာ အသက်ရှင်နိုင်တော့မယ်လို့ ပြောထားပါတယ်။

■ ဘိုဒါကတော့ သက်တမ်းဆွဲဆန့်ချင်တဲ့ မျှော်လင့်ချက်ဖြင့် နိုင်ငံခြားမှာ စမ်းသပ်ခံယူဖို့ အလှူငွေကောက်ခံနေပါတယ်။

■ အဆုတ်ကင်ဆာ ဖြစ်ရတာဟာ vape သောက်တာကြောင့်လို့ ယူဆပြီး အခြားသူတွေကို အသုံးမပြုကြဖို့ တိုက်တွန်းနေပါတယ်။

■ ဆေးလိပ်သောက်ခြင်းရော vape သောက်ခြင်းကပါ အဆုတ်ကျန်းမာရေးကို အန္တရာယ်ဖြစ်နိုင်ခြေ မြင့်မားတယ်လို့ ကျန်းမာရေးကျွမ်းကျင်သူတွေ သတိပေးနေပါတယ်။

Source: UZ.Kursiv.

#World_Health
Published 15 May 2026

■ ဟန်တာဗိုင်းရပ်စ် ကူးစက်မှုတွေကို အပျော်စီးဇိမ်ခံသင်္ဘောတစ်စင်းပေါ်မှာ တွေ့ရှိပြီးနောက် ကမ္ဘာတဝှမ်း စိုးရိမ်ပူပန်မှု မြင့်တက်လာပါတယ်။

■ ဒီဗိုင်းရပ်စ်က အချို့လူတွေမှာ အသက်အန္တရာယ် ဖြစ်စေသည်အထိ ပြင်းထန်နိုင်ပြီး ကိုဗစ်-၁၉ လိုမျိုး ရောဂါတွေနဲ့ ကူးစက်ပျံ့ပွားပုံ အလွန်ကွဲပြားပါတယ်။

■ ဟန်တာဗိုင်းရပ်စ်က ရောဂါကူးစက်နေတဲ့ ကြွက်မျိုးရိုးသတ္တဝါတွေရဲ့ ဆီး၊ တံတွေး၊ အရည်စက်တွေထဲက ဗိုင်းရပ်စ်အမှုန်တွေကို လူတွေရှူမိတဲ့ခါ အဓိကဝင်ရောက်လာပြီး သွေးကြောနံရံတွေကို တိုက်ခိုက်ကာ ကိုယ်တွင်းအင်္ဂါတွေထဲ ယိုစိမ့်လာနိုင်ပါတယ်။

■ အဓိကအားဖြင့် အဆုတ်တွေ၊ ကျောက်ကပ်တွေထဲမှာ ပြဿနာကြီးကြီးမားမား ဖြစ်လာနိုင်ပါတယ်။

■ ဖျားနာခြင်း၊ ပင်ပန်းနွမ်းနယ်ခြင်း၊ ကြွက်သားကိုက်ခြင်း၊ ခေါင်းကိုက်ခြင်း၊ မူးဝေခြင်းစတဲ့ အစောပိုင်းလက္ခဏာများ ဖြစ်တတ်ပြီး ချက်ချင်းဆိုသလို အသက်ရှူလမ်းကြောင်းနဲ့ ကျောက်ကပ်ရောဂါတွေအထိ ဆိုးရွားလာနိုင်ပါတယ်။

■ လက်ရှိမှာ ဟန်တာဗိုင်းရပ်စ်အတွက် ပဋိဇီဝကုသနည်းလမ်း မရှိသေးဘဲ အောက်ဆီဂျင်ကုထုံး၊ အသက်ရှူကိရိယာပေးခြင်း၊ ကျောက်ကပ်ဆေးခြင်း စတဲ့ စောင့်ရှောက်မှုတွေသာ ရှိပါတယ်။

■ ဟန်တာဗိုင်းရပ်စ် အန်ဒီးစ်မျိုးကွဲဟာ လူသားချင်းအနီးကပ်ထိတွေ့မှုကနေ ကူးစက်နိုင်တဲ့ တစ်ခုတည်းသော ဗိုင်းရပ်စ်မျိုးကွဲအဖြစ် သိရှိထားပါတယ်။

■ ကြိုတင်ကာကွယ်မှုအနေဖြင့် ကြွက်မျိုးရိုးသတ္တဝါတွေ ရှိနေတဲ့ပတ်ဝန်းကျင်မှာ ထိတွေ့မှုအနည်းဆုံး သတိထားဖို့နဲ့ ဘေးကင်းစိတ်ချရတဲ့ သန့်ရှင်းရေးနည်းလမ်းတွေ ကျင့်ကြံဖို့ ပါဝင်ပါတယ်။

■ ဟန်တာဗိုင်းရပ်စ်ဟာ ကိုဗစ်-၁၉ လို ကူးစက်တာမဟုတ်ဘဲ လူအများမှာ ကူးစက်နိုင်ခြေကတော့ နည်းနေဆဲဖြစ်ပါတယ်။

Source: India Today.

ပေကျင်း၊ မေ ၁၄ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်သည် တရုတ်နိုင်ငံသို့ နိုင်ငံတော်ခရီးစဉ်လာရောက်သည့် အမေရိကန်နိုင်ငံ သမ္မတ ထရမ့်နှင့် မေ ၁၄ ရက် နံနက်ပိုင်းတွင် တရုတ်နိုင်ငံ ပေကျင်းမြို့ရှိ ပြည်သူ့ခန်းမဆောင်၌ တွေ့ဆုံဆွေးနွေးခဲ့သည်။

ထိုသို့ တွေ့ဆုံရာတွင် ရှီကျင့်ဖိန်က ထိုင်ဝမ်အရေးကိစ္စသည် တရုတ်-အမေရိကန် ဆက်ဆံရေးတွင် အရေးကြီးဆုံးကိစ္စဖြစ်ကြောင်း၊ ကိုင်တွယ်စီမံမှုကောင်းမွန်လျှင် နှစ်နိုင်ငံဆက်ဆံရေးသည် ယေဘုယျအားဖြင့် တည်ငြိမ်မှုကို ထိန်းထားနိုင်မည် ဖြစ်ပြီး ကိုင်တွယ်စီမံမှု ကောင်းမွန်ခြင်းမရှိပါက နှစ်နိုင်ငံအနေဖြင့် ပွတ်တိုက်မှုသာမက ပဋိပက္ခအထိပါ ဖြစ်ပွားနိုင်ရာ တရုတ်-အမေရိကန် ဆက်ဆံရေးတစ်ရပ်လုံးက အလွန်အန္တရာယ်များသော အနေအထားသို့ ရောက်ရှိသွားမည် ဖြစ်ကြောင်း၊ “ထိုင်ဝမ်ခွဲထွက်ရေး” နှင့် ထိုင်ဝမ်ရေလက်ကြားငြိမ်းချမ်းရေးသည် မီးနှင့်ရေပမာ အတူယှဉ်တွဲ၍ မရကြောင်း၊ ထိုင်ဝမ်ရေလက်ကြား တည်ငြိမ်အေးချမ်းရေးကို ကာကွယ်ထိန်းသိမ်းခြင်းက တရုတ်-အမေရိကန် နှစ်ဖက်၏ အကြီးဆုံး ဘုံဆခွဲကိန်းဖြစ်ကြောင်း အလေးထား ပြောကြားခဲ့သည်။

ထို့အပြင် ရှီကျင့်ဖိန်က တရုတ်-အမေရိကန်အကြား ဘုံအကျိုးစီးပွားမှာ သဘောထားကွဲလွဲမှုထက် ကြီးမားရာ တရုတ်နှင့် အမေရိကန်၏ ကိုယ်စီအောင်မြင်မှုသည် အပြန်အလှန်၏ အခွင့်အလမ်းဖြစ်သလို တရုတ်-အမေရိကန် ဆက်ဆံရေး တည်ငြိမ်ခြင်းသည် ကမ္ဘာကြီးအတွက် အကျိုးရှိကြောင်း၊ နှစ်ဖက်အနေဖြင့် ပြိုင်ဖက်မဟုတ်ဘဲ မိတ်ဖက်လုပ်ဆောင်သင့်ကြောင်း၊ အပြန်အလှန် အောင်မြင်ဖြစ်ထွန်းစေကာ အတူတကွ သာယာဝပြောစေပြီး ခေတ်သစ် အင်အားကြီးနိုင်ငံများ၏ မှန်ကန်သောဆက်ဆံရေးလမ်းကြောင်းကို လျှောက်လှမ်းသင့်ကြောင်း၊ မိမိအနေဖြင့် သမ္မတထရမ့်နှင့်အတူ နှစ်နိုင်ငံနှင့် ကမ္ဘာကြီး၏ အရေးပါသော ကိစ္စရပ်များနှင့် စပ်လျဉ်း၍ အမြင်သဘောထားချင်းဖလှယ်ရန်၊ တရုတ်-အမေရိကန် ဆက်ဆံရေးဟူသော ဤသင်္ဘောကြီးအား အတူတကွ ကောင်းမွန်စွာ လမ်းညွှန်ပဲ့ကိုင်ရန်၊ ၂၀၂၆ ခုနှစ်ကို တရုတ်-အမေရိကန် ဆက်ဆံရေးအတွက် အတိတ်ကိုဆက်ခံ၍ အနာဂတ်ကို လမ်းဖွင့်ပေးသည့် သမိုင်းဝင်၊ အထင်ကရ နှစ်ဖြစ်လာစေရန် မျှော်လင့်ကြောင်း အလေးထားပြောကြားခဲ့သည်။

(Xinhua)

#Local_News
Published 14 May 2026
#တနင်္သာရီတိုင်း #ငါး
#YMG/NN #Yangon_Times

ပြည်သူ့အငှားအိမ်ရာစီမံကိန်းများရှိ တိုက်ခန်းများရဲ့အခန်းဖွဲ့ကာရံခြင်းများအတွက်ဆောင်ရွက်လိုတဲ့ မြန်မာနိုင်ငံသားတိုင်းရင်းသားလုပ်ငန်းရှင်‌တွေကို တင်ဒါခေါ်ယူလျှက်ရှိတယ်လို့ ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနမှသိရပါတယ်။

#Local_News
Published 14 May 2026
#ပြည်သူ့အငှားအိမ်ရာစီမံကိန်း
#YMG/SW #Yangon_Times

မိုးရာသီစတင်ချိန်မှာသီးနှံမျိုးစုံထွက်ရှိလာပြီဖြစ်တာကြောင့် အာလူးဈေးနှုန်းများကျဆင်းလာတယ်လို့ အာလူးစိုက်ပျိုးရောင်းချသူများထံကနေ သိရပါတယ်။

#Local_News
Published 14 May 2026
#အာလူး
#YMG/NN #Yangon_Times

ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီ(POEA)မှတစ်ဆင့် ယခုလအတွင်း မြန်မာလုပ်သား၂၀၀ကျော်ကို စေလွှတ်ထားတယ်လို့ သိရပါတယ်။

#Local_News
Published 14 May 2026
#POEA #ကိုရီးယားသမ္မတနိုင်ငံ
#YMG/SW #Yangon_Times