#Local_News
Published 24 July 2026

■ မန္တလေး - မြစ်ကြီးနားရထားလမ်းပိုင်း နန်းခွင် - ဟိုပင်ဘူတာအကြား မြန်မာ့မီးရထားပိုင် ရထားသံလမ်းထိန်းကလစ်များခိုးယူဖျက်ဆီးမှုကြောင့် ရထားလမ်းလုံခြုံရေးကင်းလှည့်ရထား. လမ်းချော်ကျမှုဖြစ်ပွား၍ ယာယီပိတ်ထားသည့် နန်းခွင် - ဟိုပင်ဘူတာအကြားလမ်းပိုင်းပြန်လည်ဖွင့်လှစ်လိုက်ပြီဖြစ်ကြောင်းသိရသည်။

■ ဇူလိုင် ၂၂ ရက် မွန်းလွဲ ၁၂ နာရီ ၃၇ မိနစ်တွင် မြစ်ကြီးနား-မိုးညှင်းလမ်းပိုင်း ဟိုပင်မြို့နယ် နန်းခွင် ဘူတာမှ ထွက်ခွာလာသော ရထားလမ်းလုံခြုံရေးကင်းလှည့်ရထားသည် မွန်းလွဲ ၁ နာရီ ၄၅ မိနစ်တွင် နန်းခွင်နှင့်ဟိုပင်ဘူတာအကြား မိုင်တိုင် ၆၅၄/၂ နှင့် ၁ ကြားသို့ရောက်ရှိစဉ် ရထားစက်ခေါင်းနှင့်အတူ တွဲနှစ်တွဲလမ်းချော်ကျမှုဖြစ်ပွားခဲ့သဖြင့် နန်းခွင်-ဟိုပင်လမ်းပိုင်းအား ယာယီပိတ်ထားခဲ့ရသည်။

■ ဖြစ်ပွားရာနေရာသို့ မြန်မာ့မီးရထားမှ တာဝန်ရှိသူများက သွားရောက်စစ်ဆေးရာ အခင်းဖြစ်ပွားရာနေရာ၌ သံလမ်း(၃)ဆက် ပေ(၁၂၀)ခန့်နှင့် ၎င်းနေရာအနီးရှိ မိုင်တိုင်အမှတ် ၆၅၃/၁၈- ၂၀ ကြားနေရာ၌ သံလမ်း(၃)ဆက်ပေ(၁၂၀)ခန့် စုစုပေါင်းပေ(၂၄၀)ခန့်အတွင်း သံလမ်းထိန်းကလစ် (၄၀၈)ခု ဖြုတ်ယူထားကြောင်းစစ်ဆေးတွေ့ရှိရပြီး သံလမ်းထိန်း ကလစ်များ ဖြုတ်ယူခံရမှုကြောင့် ယခုကဲ့သို့ မတော်တဆမှုဖြစ်ပွားခဲ့ရခြင်းဖြစ်ကာ လမ်းချော်ကျသော စက်ခေါင်းနှင့်တွဲများ ‘မ’တင်ခြင်းနှင့် ရထားလမ်းပြုပြင်ခြင်းလုပ်ငန်းများကို အမြန်ဆုံးပြုပြင်ဆောင်ရွက်ခဲ့သည့်အတွက် ဇူလိုင် ၂၃ ရက် ညနေပိုင်းတွင် ရထားလမ်းပိုင်းပြန်လည်ဖွင့်လှစ်နိုင်ကြောင်း သိရသည်။

■ အဆိုပါလုပ်ရပ်သည် ရထားစီးခရီးသွားပြည်သူများကို ထိခိုက်သေဆုံးနိုင်ပြီး ပျက်စီးဆုံးရှုံးမှု ကြီးမားစွာကြုံတွေ့ရနိုင်သည့် စက်ဆုပ်ရွံရှာဖွယ်ကောင်းသော လုပ်ရပ်တစ်ခုဖြစ်သောကြောင့် ပြည်သူများအနေဖြင့် မသမာသူများ၏လုပ်ရပ်အားတွေ့ရှိပါက ရထားမတော်တဆမှုများ ကာကွယ်နိုင်ရန် သက်ဆိုင်ရာသို့အချိန်မီအကြောင်းကြားသွားရန်လိုအပ်သည်။

■ ထို့ပြင် ၂၀၁၆ ခုနှစ်၊ ဇန်နဝါရီ ၅ ရက်တွင် ထုတ်ပြန်ပြီးဖြစ်သည့် ရထားပို့ဆောင်ရေးလုပ်ငန်း ဥပဒေ၊ အခန်း ၁၈၊ ပုဒ်မ ၇၉ (ဂ)အရ ရထားလမ်းရှိ ဇလီဖားတုံး၊ ရထားလမ်းနှင့်သက်ဆိုင်သည့် မည်သည့်ဆက်စပ်နေသော အရာဝတ္ထုကိုမဆိုဆွဲထုတ်ဖယ်ရှားခြင်း၊ ဖြေလျှော့ခြင်း၊ ရွှေ့ပြောင်းခြင်း (သို့မဟုတ်) ဖျက်ဆီးခြင်းအတွက် ပြစ်ဒဏ်အနေဖြင့် ပုဒ်မ(၈၄)အရ ထိုသူကို အနည်းဆုံး ၅ နှစ်မှ နှစ် ၂၀ မပိုသော ထောင်ဒဏ်ချမှတ်ရမည့်အပြင် ငွေဒဏ်ကိုလည်းချမှတ်နိုင်ကြောင်း သိရသည်။

■ ယခု ရထားသံလမ်းထိန်းကလစ်များ ပျောက်ဆုံးမှုနှင့်ပတ်သက်၍ အမှုမှန်ဖော်ထုတ်နိုင်ရေး  ဟိုပင်မြို့နယ်ရဲစခန်းတွင် အမှုဖွင့်လှစ်နိုင်ရေးဆောင်ရွက်လျက်ရှိပြီး ဖော်ထုတ်ရရှိပါက ရထားပို့ဆောင်ရေးလုပ်ငန်းဥပ‌ဒေနှင့်အညီ ထိရောက်စွာအရေးယူဆောင်ရွက်သွားမည်ဖြစ်ကြောင်း မြန်မာ့မီးရထားမှ သိရသည်။  

#YMG/NN #Yangon_Times

#Local_News
Published 24 July 2026

■ လာမည့် ဇူလိုင် ၂၅ ရက်နေ့တွင် သုဝဏ္ဏအားကစားကွင်း၌ ယှဉ်ပြိုင်ကစားကြမည့် Hyundai ASEAN Championship 2026 အမျိုးသားဘောလုံးပြိုင်ပွဲ၊ အုပ်စုအဆင့် မြန်မာအသင်းနှင့်မလေးရှားအသင်း ယှဉ်ပြိုင်မှုတိုက်ရိုက်ထုတ်လွှင့်မည်ဖြစ်ကြောင်း သိရသည်။

■ Hyundai ASEAN Championship 2026 အမျိုးသားဘောလုံးပြိုင်ပွဲကို ၂၀၂၆ ခုနှစ်  ဇူလိုင်လ ၂၄ ရက်မှ ဩဂုတ်လ ၂၆ ရက်နေ့အထိ ကျင်းပသွားမည်ဖြစ်ကာ မြန်မာ့လက်ရွေးစင်အမျိုးသားဘောလုံးအသင်းပါဝင်သည့်  အုပ်စု(B)ပွဲစဉ်များအနက် မြန်မာ့လက်ရွေးစင်အမျိုးသားဘောလုံးအသင်းနှင့် မလေးရှားအမျိုးသားဘောလုံးအသင်းတို့၏ အုပ်စုအဆင့်ပွဲစဉ်ကို ဇူလိုင် ၂၅ ရက် ညနေ ၄ နာရီခွဲတွင် ရန်ကုန်မြို့ သုဝဏ္ဏအားကစားကွင်း၌ ယှဉ်ပြိုင်ကစားကြမည်ဖြစ်ကြောင်း သိရသည်။

■ အဆိုပါပွဲစဉ်ကို ယင်းနေ့ ညနေ ၄ နာရီ ၁၅ မိနစ်မှစတင်၍ MRTV HD Channel နှင့် MRTV Sports Channel တို့မှ တိုက်ရိုက် (Live) ထုတ်လွှင့်ပြသမည်ဖြစ်ကြောင်း သိရသည်။  

#YMG/NN #Yangon_Times

#Local_News
Published 24 July 2026

■ ရခိုင်ပြည်နယ်၊ တောင်ကုတ်မြို့နယ်ရှိ မြန်မာ့သစ်လုပ်ငန်း ဆင်ဝိုင်းမှ ဆင်မ "ဇာနန်းလှ" က မွေးဖွားခဲ့သည့် ဆင်ဖြူတော် (အထီး) "ရဋ္ဌနန္ဒက" သည် လက်ရှိ အသက်(၄)နှစ်အရွယ်တွင် ကျန်းမာသန်စွမ်းစွာ ကြီးထွားလျက်ရှိကြောင်း သိရသည်။

■ အဆိုပါ ဆင်ဖြူတော်လေးကို ၂၀၂၂ ခုနှစ်၊ ဇူလိုင် ၂၃ ရက် နံနက် ၆ နာရီခွဲအချိန်တွင် မွေးဖွားခဲ့ခြင်းဖြစ်ပြီး၊ မွေးဖွားစဉ်က အရပ်အမြင့် ၂ ပေ ၅ လက်မ၊ ကိုယ်လုံးလုံးပတ် ၃ ပေ ၁ လက်မနှင့် ကိုယ်အလေးချိန် ပေါင် ၁၈၀ ခန့်ရှိခဲ့ကြောင်းသိရသည်။

■ "ရဋ္ဌနန္ဒက" သည် ရတနာဆင်ဖြူတော်များ၏ ကြန်အင်လက္ခဏာ (၈)ချက်အနက် (၇)ချက်နှင့် ကိုက်ညီသည့် ဆင်ဖြူတော်ဖြစ်ပြီး မျက်လုံးပုလဲရောင်ဖြစ်ခြင်း၊ ကျောကုန်းမှာ ငှက်ပျောကိုင်းသဏ္ဍာန်ဖြစ်ခြင်း၊ အမွှေးအဖြူရောင်ဖြစ်ခြင်း၊ အမြီးတံခါးပိတ်ဖြစ်ခြင်း၊ အရေပြားမှာ သြဇာကွက်ဖြစ်ခြင်း၊ အသားအရေပန်းရောင်ဖြစ်ခြင်း၊ ရှေ့ခြေသည်း (၅)ခုစီနှင့် နောက်ခြေသည်း (၄)ခုစီပါရှိခြင်း၊ နားကြီးခြင်းတို့မှာထင်ရှားသည့် လက္ခဏာများဖြစ်ကြောင်းသိရသည်။

■ လက်ရှိတွင် "ရဋ္ဌနန္ဒက" သည် အရပ်အမြင့် ၅ ပေ ၆ လက်မ၊ ကိုယ်လုံးလုံးပတ် ၈ ပေ ၂ လက်မနှင့် ကိုယ်အလေးချိန် ၁,၇၇၅ ပေါင်အထိ ရှိလာပြီး နေပြည်တော်ရှိ ရတနာဆင်ဖြူတော် ထိန်းသိမ်းစောင့်ရှောက်ရေးဥယျာဉ်၊ ရတနာဆင်ဖြူတော်ဆောင်တွင် မိခင်ဆင်မကြီးနှင့်အတူ ကျန်းမာပျော်ရွှင်စွာနေထိုင်လျက်ရှိကြောင်း သိရသည်။

■ ထို့ပြင် "ရဋ္ဌနန္ဒက" သည် ငယ်စဉ်ကတည်းက လူနှင့် ယဉ်ပါးသည့် ဆင်ဖြူတော်ဖြစ်ပြီး လူနှင့်ဆင်အကြား ပိုမိုကောင်းမွန်သည့် ဆက်ဆံရေး တည်ဆောက်နိုင်စေရန် "Peace Human and Elephant Interaction Training" စနစ်ဖြင့်ဆက်လက်လေ့ကျင့်သင်ကြားပေးလျက်ရှိကြောင်း သိရသည်။

#YMG/SW #Yangon_Times

#World_News
Published 24 July 2026

■ သမ္မတ ဒေါ်နယ်ထရမ့်က ကုန်သွယ်ဖက်နိုင်ငံ ၆၀ ထံမှ တင်သွင်းကုန်များအပေါ် ၁၀ ရာခိုင်နှုန်းကနေ ၁၂.၅ ရာခိုင်နှုန်းအထိ အခွန်သစ်များကို သောကြာနေ့ကစလို့ စည်းကြပ်မယ်လို့ ကြေညာခဲ့ပါတယ်။

■ ယခုအခွန်စည်းကြပ်မှုတွေဟာ အတင်းအဓမ္မ လုပ်အားပေးခိုင်းစေမှုဖြင့် ထုတ်လုပ်ထားတဲ့ ကုန်ပစ္စည်းများ တင်သွင်းမှုကို တားဆီးရန် လုံလောက်တဲ့ ဥပဒေ ဒါမှမဟုတ် အကောင်အထည်ဖော်ခြင်း မရှိတဲ့ နိုင်ငံများကို ပစ်မှတ်ထားခြင်းဖြစ်ပါတယ်။

■ အဆိုပါ အခွန်များဟာ သောကြာနေ့ နံနက် ၁၂:၀၁ နာရီ (EDT) မှစပြီး စတင်သက်ရောက်မှာဖြစ်ကာ သက်တမ်းကုန်ဆုံးတော့မယ့် ယာယီ ၁၀ ရာခိုင်နှုန်း ကမ္ဘာလုံးဆိုင်ရာ အခွန်နှုန်းထားကို ချက်ချင်း အစားထိုးသွားမှာ ဖြစ်ပါတယ်။

■ ၁၉၇၄ ခုနှစ် ကုန်သွယ်ရေးအက်ဥပဒေ ပုဒ်မ ၃၀၁ အရ အရေးယူဆောင်ရွက်ခြင်းဖြစ်ပြီး ပိုမိုခိုင်မာတဲ့ အခွန်စည်းရိုးတစ်ခု တည်ဆောက်ရန် ရည်ရွယ်တာ ဖြစ်ပါတယ်။

■ အတင်းအဓမ္မ လုပ်အားပေးခိုင်းစေမှု တားဆီးရေးဥပဒေ လုံလောက်စွာရှိတဲ့ နိုင်ငံများက ၁၀ ရာခိုင်နှုန်း အခွန်ဆောင်ရမှာဖြစ်ပြီး တားမြစ်ချက် လုံလောက်မှုမရှိတဲ့ နိုင်ငံများကတော့ ၁၂.၅ ရာခိုင်နှုန်း အခွန်စည်းကြပ်ခံရမှာ ဖြစ်ပါတယ်။

■ အခွန်ကင်းလွတ်ခွင့်ရရှိမယ့်ကုန်ပစ္စည်းများမှာ ရေနံ၊ သဘာဝဓာတ်ငွေ့၊ ဓာတ်မြေဩဇာ၊ USMCA သဘောတူညီချက်ဝင် ကုန်ပစ္စည်းများနဲ့ ပုဒ်မ ၂၃၂ အရ အခွန်စည်းကြပ်ပြီးသား သတ္တုများ ပါဝင်ပါတယ်။

■ အဆိုပါ ပေါ်လစီဟာ ဥရောပသမဂ္ဂ EU၊ တရုတ်နဲ့ အိန္ဒိယ အပါအဝင် အဓိက ကုန်သွယ်ဖက်နိုင်ငံများကို လွှမ်းခြုံပါဝင်ထားသဖြင့် အမေရိကန်ရဲ့ ကုန်ပစ္စည်းတင်သွင်းမှု အများစုအပေါ် သက်ရောက်မှုရှိမှာ ဖြစ်ပါတယ်။

Source: Reuters

#Local_News
Published 24 July 2026

■ တရုတ်ပြည်သူ့သမ္မတနိုင်ငံ ယူနန်ပြည်နယ် ရွှေလီမြို့ရှိ Jiegao International Jade & Jewelry Trade Center တွင် မြန်မာ့ကျောက်မျက်ရတနာပြပွဲကို ဇူလိုင် ၂၂ ရက်က စတင်ကျင်းပခဲ့ကြောင်း သိရသည်။

■ အဆိုပါဖွင့်ပွဲအခမ်းအနားသို့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးနှင့် ယူနန်ပြည်နယ်အုပ်ချုပ်ရေးမှူး Mr. Wang Yubo တို့ တက်ရောက်ခဲ့ကြသည်။

■ အခမ်းအနားတွင် ယူနန်ပြည်နယ်အုပ်ချုပ်ရေးမှူး Mr. Wang Yubo က အဖွင့်အမှာစကား ပြောကြားခဲ့ပြီး၊ ပြည်ထောင်စုဝန်ကြီး ဦးဆန်းဦးက မြန်မာ့ကျောက်မျက်ရတနာပြပွဲ ကျင်းပရခြင်း၏ ရည်ရွယ်ချက်များ၊ မြန်မာ-တရုတ် နှစ်နိုင်ငံ နယ်စပ်ကုန်သွယ်ရေး ပိုမိုတိုးမြှင့်ဆောင်ရွက်နိုင်ရေးဆိုင်ရာ ကိစ္စရပ်များကို ရှင်းလင်းပြောကြားခဲ့ကြောင်း သိရသည်။

■ ထို့နောက် ပြည်ထောင်စုဝန်ကြီးနှင့် ယူနန်ပြည်နယ်အုပ်ချုပ်ရေးမှူးတို့က ပြပွဲကို ဖွင့်လှစ်ပေးခဲ့ပြီး ခင်းကျင်းပြသထားသည့် ကျောက်စိမ်းအရိုင်းတွဲများကိုလှည့်လည်ကြည့်ရှုခဲ့ကြသည်။

■ မြန်မာ့ကျောက်မျက်ရတနာပြပွဲကို ဇူလိုင် ၂၂ ရက်မှ ၂၅ ရက်အထိ Jiegao International Jade & Jewelry Trade Center တွင် ကျင်းပသွားမည်ဖြစ်ပြီး မြန်မာ့ကျောက်မျက်ရတနာများကို ပြသရောင်းချခြင်းနှင့် ကုန်သွယ်ရေးချိတ်ဆက်မှုများ တိုးမြှင့်ဆောင်ရွက်နိုင်ရန် ရည်ရွယ်ထားကြောင်း သိရသည်။

■ ထို့ပြင် ပြည်ထောင်စုဝန်ကြီး ဦးဆန်းဦးသည် Jincheng Dihai Hotel တွင် ယူနန်ပြည်နယ်အုပ်ချုပ်ရေးမှူး Mr. Wang Yubo နှင့် ကိုယ်စားလှယ်အဖွဲ့အား သီးခြားလက်ခံတွေ့ဆုံခဲ့ပြီး ကျောက်မျက်ရတနာပြပွဲ ကျင်းပရေးနှင့် မြန်မာ-တရုတ် နှစ်နိုင်ငံ နယ်စပ်ကုန်သွယ်ရေးဆိုင်ရာ ကိစ္စရပ်များကို ဆွေးနွေးခဲ့ကြောင်းသိရသည်။

#YMG/SW #Yangon_Times

#Local_News
Published 24 July 2026

■ တရုတ်ပြည်သူ့သမ္မတနိုင်ငံ ယူနန်ပြည်နယ် ရွှေလီမြို့ရှိ Jiegao International Jade & Jewelry Trade Center တွင် မြန်မာ့ကျောက်မျက်ရတနာပြပွဲကို ဇူလိုင် ၂၂ ရက်က စတင်ကျင်းပခဲ့ကြောင်း သိရသည်။

■ အဆိုပါဖွင့်ပွဲအခမ်းအနားသို့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးနှင့် ယူနန်ပြည်နယ်အုပ်ချုပ်ရေးမှူး Mr. Wang Yubo တို့ တက်ရောက်ခဲ့ကြသည်။

■ အခမ်းအနားတွင် ယူနန်ပြည်နယ်အုပ်ချုပ်ရေးမှူး Mr. Wang Yubo က အဖွင့်အမှာစကား ပြောကြားခဲ့ပြီး၊ ပြည်ထောင်စုဝန်ကြီး ဦးဆန်းဦးက မြန်မာ့ကျောက်မျက်ရတနာပြပွဲ ကျင်းပရခြင်း၏ ရည်ရွယ်ချက်များ၊ မြန်မာ-တရုတ် နှစ်နိုင်ငံ နယ်စပ်ကုန်သွယ်ရေး ပိုမိုတိုးမြှင့်ဆောင်ရွက်နိုင်ရေးဆိုင်ရာ ကိစ္စရပ်များကို ရှင်းလင်းပြောကြားခဲ့ကြောင်း သိရသည်။

■ ထို့နောက် ပြည်ထောင်စုဝန်ကြီးနှင့် ယူနန်ပြည်နယ်အုပ်ချုပ်ရေးမှူးတို့က ပြပွဲကို ဖွင့်လှစ်ပေးခဲ့ပြီး ခင်းကျင်းပြသထားသည့် ကျောက်စိမ်းအရိုင်းတွဲများကိုလှည့်လည်ကြည့်ရှုခဲ့ကြသည်။

■ မြန်မာ့ကျောက်မျက်ရတနာပြပွဲကို ဇူလိုင် ၂၂ ရက်မှ ၂၅ ရက်အထိ Jiegao International Jade & Jewelry Trade Center တွင် ကျင်းပသွားမည်ဖြစ်ပြီး မြန်မာ့ကျောက်မျက်ရတနာများကို ပြသရောင်းချခြင်းနှင့် ကုန်သွယ်ရေးချိတ်ဆက်မှုများ တိုးမြှင့်ဆောင်ရွက်နိုင်ရန် ရည်ရွယ်ထားကြောင်း သိရသည်။

■ ထို့ပြင် ပြည်ထောင်စုဝန်ကြီး ဦးဆန်းဦးသည် Jincheng Dihai Hotel တွင် ယူနန်ပြည်နယ်အုပ်ချုပ်ရေးမှူး Mr. Wang Yubo နှင့် ကိုယ်စားလှယ်အဖွဲ့အား သီးခြားလက်ခံတွေ့ဆုံခဲ့ပြီး ကျောက်မျက်ရတနာပြပွဲ ကျင်းပရေးနှင့် မြန်မာ-တရုတ် နှစ်နိုင်ငံ နယ်စပ်ကုန်သွယ်ရေးဆိုင်ရာ ကိစ္စရပ်များကို ဆွေးနွေးခဲ့ကြောင်းသိရသည်။

#YMG/SW #Yangon_Times

#World_Health
Published 24 July 2026

■ ကိုယ်ဝန်ဆောင်မိခင်တွေ ကိုယ်ဝန်ဆောင်ချိန်မှာ ရှောင်ရှားရမယ့် အစားအစာတွေကို ရှာဖွေကြည့်ရင် သင်္ဘောသီးက ထိပ်ဆုံးမှာ ရှိနေပါလိမ့်မယ်။

■ မိသားစုအကြံပြုချက်တွေမှာရော လူမှုကွန်ရက်စာမျက်နှာတွေမှာရော အသိပေးချက်အများစုက သင်္ဘောသီးစားရင် သားပျက်သားလျှော ဖြစ်နိုင်တယ်လို့ ဆိုနေကြပါတယ်။

■ ဒါက ဆေးပညာအရ တကယ်ပဲ မှန်နေနိုင်မလား။

■ ဂုရုဂရမ် Paras Health ဆေးရုံမှ သားဖွားမီးယပ် အထူးကုဆရာဝန်ကြီး ဒေါက်တာ အစ်ရှာခရီပလာနီကတော့ ထိုအယူအဆဟာ များသောအားဖြင့် နားလည်မှု လွဲမှားနေကြတာ ဖြစ်တယ်လို့ ဆိုပါတယ်။

■ သင်္ဘောသီးမှည့်ကို သင့်တင့်ရုံပမာဏ စားခြင်းဟာ သားပျက်သားလျှော မဖြစ်စေဘူးလို့ ပြောပါတယ်။

■ အဓိကစိုးရိမ်ရမှာက မမှည့်သေးတဲ့ အကင်းသင်္ဘောသီးတွေကြောင့် ဖြစ်ပြီး ယင်းတို့မှာ ပါဝင်တဲ့ သစ်စိမ်းရည်ပမာဏက ပိုမိုပါဝင်နေလို့ဖြစ်ကြောင်း ရှင်းပြပါတယ်။

■ ဓာတ်ခွဲခန်း စမ်းသပ်မှုတွေအရ ဒီသစ်စိမ်းရည်ကို လွန်ကဲတဲ့ပမာဏ စားသုံးမိပါက သားအိမ်ကျုံ့ခြင်းကို လှုံ့ဆော်ပေးနိုင်တဲ့ ပါပိန်းလို ဒြပ်ပေါင်းတွေ ပါဝင်နေတာကြောင့် ဖြစ်တယ်လို့ ပြောသွားပါတယ်။

Source: Indian Express

#World_Health
Published 24 July 2026

■ ကျန်းမာရေးမှာ အရေးကြီးတဲ့ အိုမီဂါ-၃ ဖက်တီးအက်ဆစ်တွေကို ခန္ဓာကိုယ်ထဲက ဆဲလ်တိုင်းနီးပါးမှာ တွေ့ရပြီး အထူးသဖြင့် ဦးနှောက်၊ မျက်လုံး၊ နှလုံးနေရာတွေမှာ များစွာရှိကြပါတယ်။

■ လေ့လာချက်တွေအရ အိုမီဂါ-၃ အဆီတွေဟာ ဦးနှောက်နဲ့ နှလုံးသွေးကြောကျန်းမာရေးတို့ ကာကွယ်ရာမှာ ကူညီပေးနိုင်ကာ အိုမီဂါ-၃ လုံလောက်စွာ မစားမိရင်တော့ ဦးနှောက်အသိစိတ် ကျဆင်းခြင်း၊ စိတ်အခြေအနေ မမှန်ခြင်း၊ နှလုံးဖောက်ခြင်း၊ လေဖြတ်ခြင်းတို့ ဖြစ်နိုင်ခြေ များနိုင်ပါတယ်။

■ ခန္ဓာကိုယ်က အိုမီဂါ-၃ ဖက်တီးအက်ဆစ်တွေကို မထုတ်လုပ်နိုင်တာကြောင့် အစားအစာမှရတဲ့ အိုမီဂါ-၃ က အရေးပါနေပါတယ်။

■ ပင်လယ်စာတွေက အိုမီဂါ-၃ ဖက်တီးအက်ဆစ် အဓိကပါဝင်သလို ငါးမစားတဲ့သူတွေအတွက် အပင်အစားအစာမှလည်း ရနိုင်ပါတယ်။

■ အိုမီဂါ-၃ ဖက်တီးအက်ဆစ်တွေက EPA , DHA , ALA စသဖြင့် ပုံစံတွေရှိနိုင်ပြီး မူလရင်းမြစ်တွေနဲ့ အကျိုးအာနိသင်တွေ ကွဲပြားပါတယ်။

■ ALA က EPA နဲ့ DHA အဖြစ်သို့ ပြောင်းလဲနိုင်ပေမယ့် ဒီဖြစ်စဉ်က လုံလောက်ခြင်းမရှိဘဲ အစားအစာတွေကနေ စားသောက်ရယူဖို့ လိုအပ်ပါတယ်။

■ အပင်အခြေပြုကိုသာ မှီခိုရသူတွေအတွက် ရေညှိအယ်ဂျေးအခြေပြု ဖြည့်စွက်ဆေးတွေက EPA နဲ့ DHA တို့ ပေးစွမ်းနိုင်မှာ ဖြစ်ပါတယ်။

■ အမျိုးသားတွေမှာ နေ့စဉ် ALA ၁.၆ ဂရမ်နဲ့ အမျိုးသမီးတွေမှာ ၁.၁ ဂရမ် စားသုံးပေးဖို့ အကြံပြုထားပါတယ်။

Source: Toronto Sun

တရုတ်နိုင်ငံ ယူနန်ပြည်နယ်ရှိ သဘာဝဘေးမဲ့တောတစ်ခုမှာ မျိုးသုဉ်းလုနီးပါး အန္တရာယ်ရှိနေတဲ့ အင်ဒိုချိုင်းနားမီးခိုးရောင်မျောက်မြီးရှည်တစ်ကောင်ကို အနီအောက်ရောင်ခြည်ကင်မရာထဲမှာ ရိုက်ကူးရရှိခဲ့ပြီး ဒါဟာ ထိုဒေသရဲ့ ဇီဝမျိုးကွဲများနဲ့ သဘာဝပတ်ဝန်းကျင် ထိန်းသိမ်းစောင့်ရှောက်ရေး လုပ်ငန်းစဉ်များ ဆက်လက်တိုးတက်နေတာကို ပြသနေပါတယ်။

#Asia_Nature
Published 23 July 2026
#တရုတ်နိုင်ငံယူနန်ပြည်နယ်
#YMG #Yangon_Times #Yangon_Media_Group

#Daily_News
Published 23 July 2026

၁။‌ အခြေခံအုတ်စီနှင့်ကျောက်ပုံးဆရာဖြစ် သင်တန်းဖွင့်လှစ်မည်

‌‎၂။ ‌ဝဇီရာရုပ်ရှင်ရုံတွင် ရုပ်သေးပွဲများပြသမည်

၃။‌‌‎ ဇူလိုင် ၃၁ ရက်အထိ ဒေသအများအပြားတွင် မိုးကြီးနိုင်ဟုမိုးဇလအသိပေး

၄။‎ ‌‌‌‌‌‌‌‌‌မျိုးသုဉ်းလုနီးပါးအန္တရာယ်ရှိသောအင်ဒိုချိုင်းနားမီးခိုးရောင်မျောက်မြီးရှည် တရုတ်ဘေးမဲ့‌တော၌တွေ့ရှိ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်းချုပ် (MCEF) နှင့် Inclusive System Myanmar (ISM) တို ပူးပေါင်းဖွင့်လှစ်မယ့် အခြေခံအုတ်စီနဲ့ ကျောက်ပုံးသင်တန်း TOT ဆရာဖြစ်သင်တန်းအတွက် စိတ်ပါဝင်စားသူများကို ဖိတ်ခေါ်ထားတယ်လို့ သိရပါတယ်။

#Local_News
Published 23 July 2026
#ကျောက်ပုံးဆရာ #သင်တန်း
#YMG/SW #Yangon_Times

ရန်ကုန်မြို့တွင် မကြာမီကာလအတွင်း ပြန်လည်ဖွင့်လှစ်တော့မယ့် ဝဇီရာရုံမှာ မြန်မာ့ရိုးရာရုပ်သေးပွဲများကို အပတ်စဉ်ထည့်သွင်းပြသသွားမယ်လို့ မြန်မာနိုင်ငံသဘင်အစည်းအရုံး (ဗဟို) ကသိရပါတယ်။

#Local_News
Published 23 July 2026
#ဝဇီရာရုပ်ရှင်ရုံ
#YMG/NN #Yangon_Times