#World_Science
Published 07 November 2025

■ ဗြိတိန်ဂျူရာဆစ်ကမ်းရိုးတန်းမှာ အရိုးငြမ်းတစ်ခု တွေ့ရှိခဲ့ရာ တစ်ချိန်က ပင်လယ်ပြင်ကို ကြီးစိုးခဲ့တဲ့ ရှေးခေတ်ပင်လယ်နေတွားသွားသတ္တဝါမျိုး အစ်ချ်ယိုဆောရဲ့ မျိုးစိတ်သစ်အဖြစ်တွေ့ရှိခဲ့ကြောင်း သိပ္ပံပညာရှင်တွေ သောကြာနေ့က ပြောပါတယ်။

■ အရွယ်အစားက လင်းပိုင်တစ်ကောင်လောက်ရှိပြီး Xiphodracon goldencapensis ခေါ် ဓားနဂါးလို့ အမည်ပေးထားပါတယ်။

■ ဒီလိုမျိုးစိတ်ရှိခဲ့တယ်ဆိုတဲ့ တစ်ခုတည်းသော ဥပမာဖြစ်ပြီး အစ်ချ်ယိုဆော ရုပ်ကြွင်းမှတ်တမ်းတွေထဲက အရေးကြီးတဲ့ကွက်လပ်ကို ဖြည့်ပေးနိုင်တယ်လို့ မန်ချက်စတာတက္ကသိုလ်က ပြောပါတယ်။

■ သုတေသနပညာရှင် ဒင်းလိုမက်စ်က ရှေးဟောင်းရုပ်ကြွင်းပညာရှင် အဖွဲ့ ၃ ဖွဲ့ကိုဦးဆောင်ကာ ဆန်းစစ်ခဲ့ကြပါတယ်။

■ အစ်ချ်ယိုဆောတွေက ရေအောက်မှာနေကြပြီး ဒိုင်နိုဆောမျိုးအဖြစ် မသတ်မှတ်ပါဘူး။

■ ဓားနဂါးတွေဟာ လွန်ခဲ့တဲ့နှစ်သန်းပေါင်း ၁၉၀ ခန့်က ပလီယန်စ်ဘာချီယန်ခေတ်က ဖြစ်ပါတယ်။

■ ရုပ်ကြွင်းကို ၂၀၀၁ ခုနှစ်က ဒေါ်ဆက် ဂိုးလ်ဒင်းကပ်အနီးမှာ တွေ့ရှိခဲ့တာဖြစ်ပေမယ့် လတ်တလောကမှ ဆန်းစစ်ခဲ့ကြတာ ဖြစ်ပါတယ်။

■ ဦးခေါင်းခွံမှာ မျက်တွင်းပေါက်ကြီးနဲ့ ဓားလိုမျိုးနှာတံ ပါဝင်ပါတယ်။

■ ၃ မီတာခန့် ရှည်လျားနိုင်ပြီး ငါးတွေ ကင်းမွန်တွေကို စားသုံးခဲ့နိုင်တယ်လို့ ပြောပါတယ်။

■ ဒီအရိုးစုကို ကနေဒါ တိုရွန်တိုရှိ တော်ဝင်အွန်တာရီယိုပြတိုက်မှာ ပြသသွားဖို့ စီစဉ်ထားပါတယ်။

Source: NDTV