#World_Health
Published 11 November 2025

■ အဆစ်ရောင်ရောဂါဆိုတာက အသက်ကြီးသူတွေမှာသာ ဖြစ်တယ်လို့ ယူဆခဲ့ကြပေမယ့် အခုဆိုရင် လူငယ်တွေမှာလည်း အဆစ်နာခြင်း၊ တောင့်တင်းခြင်း၊ ဖောရောင်ခြင်းတို့ အဖြစ်များလာပါတယ်။

■ ဒါဟာ အထိုင်များခြင်း၊ ဖုန်း ကွန်ပျူတာအကြည့်များခြင်း၊ လှုပ်ရှားမှုနည်းပါးခြင်းတို့က အများကြီးသက်ဆိုင်နေတယ်လို့ မက်စ်စူပါအထူးကုဆေးရုံမှ အရိုးအကြောနှင့်အဆစ်အမြစ်ဌာနမှ ဒေါက်တာ အခီလက်ရှ်ယာဒက်ဗ်က ပြောပါတယ်။

■ အထိုင်များခြင်း၊ ကိုယ်နေဟန်ထား မှားယွင်းခြင်းနဲ့ အဆစ်ကျန်းမာရေးတို့ကြား ဆက်စပ်မှုများကို သိရှိနားလည်ခြင်းက နောက်အချိန်တွေမှာ အဆစ်အမြစ်တွေ ကာကွယ်စေနိုင်မှာ ဖြစ်ပါတယ်။

■ ထိုင်တာကြာမြင့်တဲ့အခါ ကြွက်သားလှုပ်ရှားမှုကျဆင်းပြီး သွေးလည်ပတ်မှု နှေးသွားကာ မရှိမဖြစ်အာဟာရဓာတ်တွေက အဆစ်တွေဆီ ကောင်းစွာမရောက်ရှိတော့ပါဘူး။

■ ကြာလာတဲ့အခါ ကြွက်သားအားနည်းလာကာ အဆစ်တွေ ချောမွေ့စေတဲ့ အရည်ထုတ်လုပ်မှု လျော့နည်းလာပါတယ်။

■ ခါး၊ လည်ပင်း၊ တင်ပါး၊ ဒူးတို့က ခန္ဓာကိုယ်အလေးချိန်ကို တောင့်ခံထားပြီး ကိုယ်နေဟန်ထား ထိန်းသိမ်းပေးတာကြောင့် ထိုနေရာတွေက အထိနာဆုံးဖြစ်ပါတယ်။

■ အထိုင်များတဲ့အခါ ကိုယ်အလေးချိန်လည်း တဖြည်းဖြည်း တက်လာစေပြီး ဒူးနဲ့ တင်ပါးတို့ကို ဖိအားများလာစေပါတယ်။

■ ငယ်ရွယ်သူတွေမှာ လှုပ်ရှားမှုနည်းခြင်းနဲ့ ကိုယ်အလေးချိန် များခြင်းတို့က စောစောစီးစီး အဆစ်ရောင်လာစေတာ ဖြစ်ပါတယ်။

■ ကိုယ်နေဟန်ထား မှားယွင်းခြင်းကလည်း ငယ်ငယ်ရွယ်ရွယ်နဲ့ အဆစ်ယိုယွင်းလာစေပါတယ်။

■ လေ့ကျင့်ခန်းလုပ်ခြင်း၊ ကြာကြာထိုင်ပြီးနောက် မတ်တပ်ရပ် အကြောဆန့်ပေးခြင်း၊ ကျောရိုးဖြောင့်မတ်အောင် ပြင်ဆင်ထားရှိခြင်း၊ ရေဓာတ်ပြည့်အောင်နေပြီး အာဟာရဓာတ်မျှတစွာ စားသုံးခြင်းတို့ဖြင့် အဆစ်ကျန်းမာရေးကို ကာကွယ်နိုင်မှာ ဖြစ်ပါတယ်။

Source: NDTV