မန္တလေးတိုင်းသာစည်မြို့နယ်နဲ့ ကလောမြို့အစပ်မှာရှိတဲ့ တောင်ကိုးလုံးတောင်အနောက်ဘက်ခြမ်းပြိုကျခဲ့တာကြောင့် မူလွန်ကျောင်းအပါအဝင် ကျေးရွာလေးရွာက နေအိမ်တွေပြိုကျပျက်စီးသွားတာ၊ လမ်းတွေပိတ်မိနေတာတွေဖြစ်ပေါ်နေတယ်လို့ ဒေသခံတွေဆီက သိရပါတယ်။
#Local_News
Published 24 September 2024
#နေအိမ်တွေပြိုကျပျက်စီး #လမ်းတွေပိတ်
#YMG/NN #Yangon_Times

ရေဘေးသင့်အင်းလေးဒေသအတွက် သောက်သုံးရေနှင့် ဆိုလာဓာတ်မီးများအရေးပေါ်လိုအပ်နေပါတယ်။ အင်းလေးမှာ ကျေးရွာ(၆၀) ကျော်နစ်မြုပ်နေပြီး ကျေးရွာ (၃၀)ကျော်ကတော့ အကူအညီတွေ လုံးဝမရဖူးသေးဘူးလို့ သိရပါတယ်။
#Local_News
Published 24 September 2024
#သောက်သုံးရေ #ဆိုလာဓာတ်မီးများအရေးပေါ်လိုအပ်
#YMG/tthl #Yangon_Times

#World_News
Published 24 September 2024

▪️ အမေရိကန်မှ ပြတ်ပြတ်သားသား ဆုံးဖြတ်လုပ်ဆောင်မယ်ဆိုပါက လာမယ့်နှစ်မှာ ရုရှားနဲ့ ယူကရိန်းစစ်ပွဲ မြန်မြန်ဆန်ဆန် အဆုံးသတ်နိုင်လိမ့်မယ်လို့ ယူကရိန်းသမ္မတ ဗိုလိုဒီမီယာဇယ်လန်စကီက တနင်္လာနေ့မှာ ပြောကြားလိုက်ပါတယ်။

▪️ ယခုနှစ်ကုန်ပိုင်းမှာ အမေရိကန်နဲ့ ယူကရိန်းတို့ကြား ပူးပေါင်းဆောင်ရွက်ရေး အားကောင်းလာစေမယ့် အခွင့်အရေး ရှိနေပြီလို့ ဇယ်လန်စကီက အမေရိကန် ကွန်ဂရက်မှ နှစ်ဖက်ပါတီထောက်ခံသူ ကိုယ်စားလှယ်နဲ့ တွေ့ဆုံအပြီး တယ်လီဂရမ်မှာ ဖော်ပြခဲ့ပါတယ်။

▪️ ဇယ်လန်စကီက ကုလသမဂ္ဂ အထွေထွေညီလာခံ တက်ရောက်ရန် အမေရိကန်သို့ ရောက်ရှိနေတာဖြစ်ပါတယ်။

▪️ ဒီနောက်မှာ ဝါရှင်တန်သို့သွားပြီး သူ့ရဲ့ စစ်ပွဲအောင်နိုင်ရေး အစီအစဉ်ကို ချပြမှာဖြစ်ကာ နိုဝင်ဘာ ၅ ရက်နေ့ အမေရိကန် ရွေးကောက်ပွဲမှာ မည်သူအနိုင်ရသည်ဖြစ်စေ အိမ်ဖြူတော်ရဲ့ စစ်ပွဲအပေါ်မူဝါဒနဲ့ ပတ်သက်ပြီး ဆက်လက်တောင်းဆိုသွားမှာ ဖြစ်ပါတယ်။

▪️ ရီပတ်ဘလစ်ကန် သမ္မတရွေးကောက်ခံ ကိုယ်စားလှယ် ဒေါ်နယ်ထရမ့်က ယင်းသာ ရွေးချယ်ခံရပါက စစ်ပွဲကို ရက်ပိုင်းအတွင်း အဆုံးသတ်ပေးမယ်လို့ ပြောထားပေမယ့် ယူကရိန်းသမ္မတဟာ ဒီမိုကရက်တွေကို အနိုင်ရစေချင်တယ်လို့ သက်သေမရှိဘဲ ဆိုထားပါတယ်။

▪️ ဇယ်လန်စကီကတော့ အိမ်ဖြူတော်မှာ ဘယ်သူပဲတာဝန်ယူသည်ဖြစ်စေ ပူးပေါင်းလုပ်ဆောင်သွားရန် ဆန္ဒရှိတယ်လို့ ပြောထားပါတယ်။

▪️ ABC News နဲ့ အင်တာဗျူးရာမှာ ဇယ်လန်စကီက ယူကရိန်းကို ဆက်လက်ထောက်ပံ့ဖို့ အမေရိကန်နဲ့ မဟာမိတ်များကို တိုက်တွန်းလိုက်ပါတယ်။

▪️ အမေရိကန်နဲ့ မဟာမိတ်တွေက ယူကရိန်းကို ဒေါ်လာဘီလီယံချီ ထောက်ပံ့ထားကာ ရုရှားကိုတော့ ဒဏ်ခတ်ပိတ်ဆို့မှု အများအပြား ချမှတ်နေပါတယ်။

▪️ တကယ်တော့ ငြိမ်းချမ်းရေးရဖို့က ထင်ထားတာထက် ပိုနီးစပ်နေပြီလို့ ဇယ်လန်စကီက မှတ်ချက်ပြုပါတယ်။

▪️ အရေးသာနေတဲ့ အနေအထားကနေပဲ ရုရှားသမ္မတပူတင်ကို စစ်ပွဲရပ်တန့်စေလိမ့်မယ်လို့ ပြောသွားပါတယ်။

#Source: Reuters

#Local_News
Published_24 Sept 2024

▪️ MNDAA သိမ်းယူထားသော ရှမ်းပြည်နယ်မြောက်ပိုင်း၏ မြို့တော်လားရှိုးမြို့ကို ယနေ့ စက်တင်ဘာလ ၂၄ ရက် နံနက်တစ်နာရီခွဲခန့်အချိန်က ဗုံးကြဲရာတွင် ၉ ဦး၊ နံနက် ၄ နာရီခန့်အချိန် ဗုံးကြဲခံရမှုတွင် ၆ ဦး ပြင်း ထန်ဒဏ်ရာများ ရရှိခဲ့ကာ တစ်ဦးသေးဆုံးခဲ့ကြောင်း MNDAA က ထုတ်ပြန်ထားသည်။

▪️ နံနက် ၁ နာရီခွဲအချိန်တွင် လေကြောင်းမှ ပေါင် ၅၀၀ ဗုံး နှစ်လုံးကြဲချခဲ့ကာ နံနက် ၄ နာရီခန့်တွင်လည်း ပေါင်း ၅၀၀ ဗုံး နှစ်လုံးကြဲချခဲ့ခြင်း ဖြစ်ကြောင်း ယင်းတွင် ဖော်ပြထားသည်။

▪️ အချို့သောတယ်လီဂရမ်သတင်းများတွင်မူ ဗုံးကြဲခံရမှုကြောင့် MNDAA စစ်သား အယောက် ၂၀ကျော်သေဆုံးသည်ဟု ရေးသားဖော်ပြနေကြသည်။

▪️ အဆိုပါ ဗုံးကြဲခံရမှုကြောင့် လားရှိုးမြို့ ရပ်ကွက် (၂)ရှိ ရထိုက်ဟိုတယ်နှင့် Golden Sunflower ဟိုတယ်၊ Family Cafe အနီးတစ်ဝိုက်ရှိ နေအိမ် ၊အဆောက်အဦးများ မီးလောင်ပျက်စီးခဲ့ကြောင်း သိရသည်။

▪️ MNDAA က လားရှိုးမြို့တွင် စစ်ပြီးပြီဟုဆိုကာ ပြန်လည်ထူထောင်ရေး ကာလအဖြစ်သတ်မှတ်ထားစဉ် လေကြောင်းတိုက်ခိုက်မှုကို ရက်ဆက်ခံနေရခြင်လည်း ဖြစ်သည်။

▪️ ပြီးခဲ့သည့် ဩဂုတ်လ (၃၀)ရက် ၊ စက်တင်ဘာလ ( ၉)ရက် ၊ ( ၁၀ ) ရက် နှင့် (၂၁) ရက် တို့တွင်လည်း လေကြောင်းမှ ဗုံးကြဲတိုက်ခိုက်ခြင်းကို ခံခဲ့ရကြောင်း ၎င်းတို့က ထုတ်ပြန်ထားသည်။

▪️ နစက အနေဖြင့် MNDAA၊ TNLA နှင့် AA တို့ကို အကြမ်းဖက်အုပ်စုအဖြစ် ပြီးခဲ့သည့်စက်တင်ဘာလ ၂ ရက်တွင် ကြေညာထားခဲ့သည်။

#Yangon_Times/PP

#Local_News
Published_24 Sept 2024

▪️ မန္တလေးတိုင်းဒေသကြီး၊ အောင်မြေသာစံမြို့နယ်၊ အောင်မြေသာစံရပ်ကွက်၊ ၂၀လမ်း၊ ၈၆-၈၇လမ်းကြားတွင် အဆောက်အဦပြိုကျမှုဖြစ်ပွားခဲ့သောကြောင့် လူ ၅ ဦးဒဏ်ရာ ရခဲ့ကြောင်း မြန်မာနိုင်ငံ မီးသတ်တပ်ဖွဲ့က သိရသည်။

▪️ ယနေ့ စက်တင်ဘာလ ၂၄ ရက် နံနက် ၂ နာရီ ၅ မိနစ်ခန့်က အဆောက်အဦးပြိုကျကြောင်း သတင်းအရ အောင်‌မြေသာစံမြို့နယ်မီးသတ်စခန်းမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၅)စီး၊ သန္ဓေမီးသတ် တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ရကြောင်း သိရသည်။

▪️ အဆိုပါဖြစ်စဉ်ကြောင့် ကျား(၂)ဦး၊ မ(၃)ဦး စုစုပေါင်း(၅)ဦးအနက် ကျား(၁)ဦး ထိခိုက်ဒဏ်ရာ(မစိုးရိမ်ရ)၊ ကျား (၁)ဦး ထိခိုက်ဒဏ်ရာ(စိုးရိမ်ရ) နှင့် မ(၂)ဦး ထိခိုက်ဒဏ်ရာ(မစိုးရိမ်ရ)၊ မ(၁)ဦး ထိခိုက်ဒဏ်ရာ(စိုးရိမ်ရ) တို့အား စေတနာ မေတ္တာ ဂရုဏာအသင်းမှ သူနာတင်ယာဉ်(၁)စီး၊ ချမ်းသာသုခအသင်းမှ သူနာတင်ယာဉ်(၁) စီးတို့ ဖြင့် မန္တလေးပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#Yangon_Times/PP

#World_Science
Published 24 September 2024

▪️ စားစရာထုပ်ပိုးခြင်းနဲ့ ပြင်ဆင်ခြင်းတို့မှာ အသုံးပြုတဲ့ ဓာတုပစ္စည်းပေါင်း ၃၆၀၀ ကျော်ကို လူသားခန္ဓာကိုယ်တွေထဲမှာ တွေ့ရှိခဲ့တယ်လို့ စက်တင်ဘာ ၁၇ ရက်နေ့က လေ့လာဖော်ပြခဲ့ပါတယ်။

▪️ အချို့ဓာတုတွေဆိုရင် ကျန်းမာရေးကို အန္တရာယ်ဖြစ်စေနိုင်ကာ အခြားဓာတုတွေကိုတော့ သိပ်မသိကြသေးပါဘူး။

▪️ ထိုထဲက ဓာတုပစ္စည်း ၁၀၀ လောက်ဟာ လူ့ကျန်းမာရေးအတွက် စိုးရိမ်စရာဖြစ်တယ်လို့ ဦးဆောင်သုတေသီ ဘာဂျစ်ဂူကဲက ပြောပါတယ်။

▪️ PFAS နဲ့ ဘိုင်စဖီနောလ်-အေ တို့လို ဓာတုပစ္စည်းတွေဆိုရင် ခန္ဓာကိုယ်ထဲ တွေ့ရှိထားပြီး ဖြစ်သလို့ တားမြစ်တဲ့ထဲ ပါဝင်ပါတယ်။

▪️ အခြားဓာတုတွေရဲ့ သက်ရောက်ပုံတွေကိုတော့ သေချာမသိသေးတာကြောင့် ပိုမိုလေ့လာဖို့ ဂူကဲက တောင်းဆိုလိုက်ပါတယ်။

▪️ စက္ကူ၊ ဖန်၊ သတ္တု၊ ပလတ်စတစ်တို့နဲ့ ပြုလုပ်တဲ့ အထုပ်အပိုးကနေ အစားအစာထဲသို့ ရောက်နိုင်တဲ့ ဓာတုပစ္စည်း (FCC) ၁၄၀၀၀ ခန့်ရှိတယ်လို့ သုတေသီများ ပြောပါတယ်။

▪️ ခန္ဓာကိုယ်ထဲမှာ တွေ့ရတဲ့ ဓာတုပစ္စည်းတွေ အားလုံး အထုပ်အပိုးကြောင့်ပဲလို့တော့ မဆိုနိုင်ဘဲ အခြားအကြောင်းအရာတွေကြောင့်လည်း ဖြစ်နိုင်ပါတယ်။

▪️ ပလတ်စတစ်လုပ်ရာမှာ အသုံးပြုပြီး ဟော်မုန်းအနှောင့်အယှက် ဖြစ်စေတဲ့ ဘိုင်စဖီနော်လ်-အေကိုလည်း တွေ့ထားပြီး ကလေးနို့ဗူးတွေမှာ အသုံးပြုခြင်းကို တားမြစ်ထားပါတယ်။

▪️ သဲလိတ်လို့ခေါ်တဲ့ ဓာတုပစ္စည်းဟာဆိုရင် မျိုးမပွားနိုင်ခြင်းကို ဖြစ်စေတယ်လို့ တွေ့ရှိထားပါတယ်။

▪️ ထိုဓာတုတွေ အများအပြား တွေ့ရလားဆိုတာတော့ လေ့လာချက်မှာ မပြောထားပါဘူး။

▪️ ဒါပေမဲ့ ဒီဓာတုပစ္စည်းတွေက ပလတ်စတစ်ကနေ စားစရာသို့ ရောက်ရှိနိုင်ကာ နမူနာတစ်မျိုးမှာပင် ဓာတုပေါင်း ၃၀ လောက်ရှိနိုင်တယ်လို့ သတိပေးနေပါတယ်။

#Source: WION

#World_Health
Published 24 September 2024

▪️ တဲလ်အေဗစ်တက္ကသိုလ်နဲ့ ဥရောပကင်ဆာတက္ကသိုလ်တို့က အန်နျူပလွိုက်လို့ခေါ်တဲ့ ခရိုမိုဆုန်း အရေအတွက်မမှန်တဲ့ ကင်ဆာဆဲလ်တွေကို အသေအချာ လေ့လာခဲ့ကြကာ ကင်ဆာကုသနည်းမှာ တိုးတက်စေနိုင်မယ့် တွေ့ရှိချက်များ ထုတ်ဖော်ခဲ့ကြပါတယ်။

▪️ ကင်ဆာဆဲလ် အများအပြားက အန်နျူပလွိုက်များဖြစ်ကာ ကင်ဆာကုသဆေးအချို့ဖြင့် ကင်ဆာဆဲလ်များအပေါ် ပိုမိုထိရောက်စေတာကြောင့် ကင်ဆာအကျိတ်များ ဖယ်ရှားဖို့ နည်းလမ်းအသစ်များ ဖြစ်လာနိုင်ပါတယ်။

▪️ လူသားတွေမှာ ကြံ့ခိုင်တဲ့ဆဲလ်တွေက ခရိုမိုဆုန်း ၄၆ ခုရှိကြပေမယ့် ကင်ဆာဆဲလ်တွေမှာတော့ အရေအတွက် မမှန်ကြပါဘူး။

▪️ အန်နျူပလွိုက်ဆဲလ်တွေထဲက ပစ်မှတ်လို့ရနိုင်မယ့် အရာတွေကို တွေ့ရှိရင် ကျန်းမာတဲ့ဆဲလ်တွေကို မထိခိုက်ဘဲ ကင်ဆာကုသနိုင်လိမ့်မယ်လို့ ပရော်ဖက်ဆာ ဘင်ဒေးဗစ်က ရှင်းပြပါတယ်။

▪️ ယခုလေ့လာချက်မှာ မျိုးဗီဇအရ ထပ်တူညီတဲ့ လူသားဆဲလ်နမူနာတွေကို အသုံးပြုခဲ့ပြီး ခရိုမိုဆုန်း မတူညီကြပါဘူး။

▪️ ဒီနောက် အန်နျူပလွိုက်ဆဲလ် လက္ခဏာများကို အချက်အလက်များ မှတ်သားကာ အနာဂတ်မှာ ကင်ဆာလူနာတွေကို ထိရောက်စွာ ဘယ်လိုကုသမလဲဆိုတာကို သိရှိလာစေမှာ ဖြစ်ပါတယ်။

▪️ ဒီအင်န်အေ ပျက်စီးခြင်းတွေကိုလည်း အန်နျူပလွိုက်ဆဲလ်တွေက ပြုပြင်ပေးတယ်လို့ တွေ့ရှိထားပါတယ်။

▪️ ဒါကို စမ်းသပ်ရာမှာ ဓာတုကုထုံးဖြင့် ဆဲလ်အပျက်အစီးတွေကို သိရှိစေတာ တွေ့ရှိခဲ့ကြပါတယ်။
ဒါ့အပြင် ခရိုမိုဆုန်း များလာတဲ့အခါ ဒီအင်န်အေ၊ အာရ်အင်န်အေ၊ ပရိုတိန်းထုတ်လုပ်မှုများ ပိုများလာပါတယ်။

▪️ အန်နျူပလွိုက်ဆဲလ်တွေက ပိုလျှံနေတဲ့ အာရ်အင်န်အေနဲ့ ပရိုတိန်းတွေကို လျှော့ချကာ လက်ရှိဆေးတွေကို သိရှိစေတယ်လို့ တဲလ်အေဗစ်မှ ပရော်ဖက်ဆာ ယိုဟာနာဇာဘစ်က ပြောပါတယ်။

▪️ အန်နျူပလွိုက်ဆဲလ် ဝိသေသ အချက်အလက်များကို စုစည်းကာ ကင်ဆာလူနာတွေ ဘယ်ကုသနည်းနဲ့ ထိရောက်စေလဲဆိုတာ သိရှိနိုင်ပြီး အနာဂတ်မှာ သုတေသီများ၊ ကင်ဆာပညာရှင်များ၊ လူနာများ အကျိုးရှိစေနိုင်မှာ ဖြစ်ပါတယ်။

#Source: The Jerusalem Post

အကျင့်ပျက်ခြစားမှုဆန့်ကျင်ရေးအတွက် ပွင့်လင်းမြင်သာစွာချပြရန်အရေးကြီးဟု အမေရိကန်နိုင်ငံသားများရှုမြင်

အစိုးရရုံးတွေမှာ လုပ်ကိုင်နေသူတွေအနေနဲ့ အကျင့်ပျက်ခြစားမှု ဆန့်ကျင်ရေးအတွက် ပွင့်လင်းမြင်သာမှုရှိခြင်းက အကောင်းဆုံး အတိုင်းအတာဖြစ်တယ်လို့ အမေရိကန်ပြည်သူများက CGTN နဲ့ အင်တာဗျူးတွေမှာ ဖြေကြားခဲ့ပါတယ်။
#World_News
Published 23 September 2024
#အကျင့်ပျက်ခြစားမှု #ပွင့်လင်းမြင်သာစွာချပြရန်
#YMG #Yangon_Times #Yangon_Media_Group

#Daily_News
Published 23 September 2024

၁။ ကလောတွင် အိမ်ပြိုသွားသည့်အိမ်ထောင်စု(၁၅၀) ကျော်ကိုကျပ်သိန်း(၃၀)စီထောက်ပံ့

၂။ ရွှေရည်ညွှန်းဈေး ခုနှစ်သောင်းကျော်တက်

၃။ ပန်းချီကားနှင့် စာအုပ်များရောင်းချရငွေများကို ရမည်းသင်းရှိ‌ ရေဘေးသင့်ပြည်သူများကိုသွားလှူမည်

၄။ အကျင့်ပျက်ခြစားမှု ဆန့်ကျင်ရေးအတွက် ပွင့်လင်းမြင်သာစွာချပြရန်အရေးကြီးဟု အမေရိကန်နိုင်ငံသားများရှုမြင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

လေဖိအားနည်းဆဲလ်အရှိန်နဲ့ မုတ်သုံအားကောင်းနေတဲ့အတွက် ရန်ကုန်အပါအဝင် ဒေသအချို့မှာ မိုးကြီးပြီးလေပြင်းတိုက်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 23 September 2024
#မုတ်သုံအားကောင်း #မိုးကြီးပြီးလေပြင်းတိုက်နိုင် 
#YMG/tthl #Yangon_Times

ရှမ်းပြည်နယ်တောင်ပိုင်း၊ အင်းလေးဒေသမှာ ဟင်းသီး၊ ဟင်းရွက်တွေ အဓိကစိုက်ပျိုးတဲ့  ကျွန်းမျောတွေပါ လက်ရှိအချိန်အထိနစ်မြုပ်နေတာကြောင့် စား‌‌သောက်ရေးအခက်အခဲရှိတဲ့ ကျေးရွာတွေရှိနေတယ်လို့ သွားရောက်လှူဒါန်းတဲ့ အလှူရှင်တွေဆီက သိရပါတယ်။
#Local_News
Published 23 September 2024
#စား‌‌သောက်ရေးအခက်အခဲ #ကျွန်းမျောတွေပါရေနစ်မြုပ်နေ
#YMG/NN #Yangon_Times

#Local_News
Published 23 September 2024

▪️ ယခုနှစ်အတွင်း မှတ်ပုံတင်ထားသည့် ပုဂ္ဂလိကစက်မှုလုပ်ငန်းများ၏ ၅၀ ရာခိုင်နှုန်းနီးပါးမှာ  စားသောက်ကုန်အုပ်စုများဖြစ်‌ကြောင်း စက်မှုကြီးကြပ်ရေးနှင့် စစ်ဆေးရေးဦးစီးဌာနမှ သိရသည်။

▪️ တိုင်းဒေသကြီးနှင့်ပြည်နယ်များရှိ ပုဂ္ဂလိက စက်မှုလုပ် ငန်း ၂၄ မျိုးအတွက် ယခုကဲ့သို့  မှတ်ပုံတင်ခြင်း လုပ်ငန်းစဥ်ကို စက်မှုကြီးကြပ်ရေးနှင့် စစ်ဆေးရေးဦးစီးဌာနတွင် လုပ်ဆောင်နေခြင်းဖြစ်‌ကြောင်း သိရသည်။

▪️ ထိုသို့လုပ်ဆောင်ရာတွင် ရန်ကုန်တိုင်းဒေသကြီးမှ ပုဂ္ဂလိကစက်မှုလုပ်ငန်း ၈၀၀၀ကျော် မှတ်ပုံတင်ထားပြီးမန္တလေးတိုင်းဒေသကြီးမှ ၆၈၀၀ ကျော်နှင့် ဧရာဝတီတိုင်းဒေသကြီးမှ  ၅၇၀၀ ကျော်မှတ်ပုံတင်ထားကြောင်း သိရသည်။

▪️ အဆိုပါလုပ်ငန်း ၂၄ မျိုးတွင်  စားသောက်ကုန်၊ ဆေးဝါး၊ အဝတ်အထည်၊ လူသုံးကုန်၊ ပရိဘောဂ၊ အိမ်သုံးပစ္စည်း၊ ပုံနှိပ်ပစ္စည်း၊ ယာဉ်နှင့် ဆက်စပ်ပစ္စည်းများ၊ အီလက်ထရွန်းနစ်ပစ္စည်း၊ သတ္တုမဟုတ်သည့်ဓာတ်သတ္တု၊ သတ္တုသန့်စင်စက်နှင့် လျှပ်စစ်ပစ္စည်းစသည်များ ပါဝင်ကာ မှတ်ပုံတင်ထားသည့်  ပုဂ္ဂလိကစက်မှုလုပ်ငန်းများ၏  ၅၀ ရာခိုင်နှုန်းနီးပါးသည်စားသောက်ကုန်အုပ်စုဖြစ်‌‌ကြောင်း သိရသည်။

#YMG/NN #Yangon_Times