လက်ရှိအချိန်ကာလဟာ မိုးယွန်းကြီးအင်းထဲငှက်ကြည့်ရန် သင့်တော်ဆုံးအချိန်ဖြစ်ပေမယ့် အပျော်လှေစီးရင်း ငှက်ကြည့်သူသာရှိပြီး ကျွမ်းကျင်အဆင့်အနေနဲ့ ငှက်ကြည့်သူတွေ လာရောက်မှုမရှိသလောက်ဖြစ်နေတယ်လို့ဆိုပါတယ်။
#Local_News
Published_ 14 February 2024
#မိုးယွန်းကြီးအင်း #ယခင်ထက်ပိုများလာ
#YMG/LW #Yangon_Times

#Local_News
Published_ 14 February 2024

ဂျာမနီနိုင်ငံတွင် သူနာပြုသင်တန်းတက်ပြီး အလုပ်လုပ်ကိုင်လိုသူများအတွက် Living and Working in Germany ပွဲပြုလုပ်ပေးမည်ဖြစ်ကြောင်း Goethe- Institut Myanmar မှ သိရသည်။

အဆိုပါ Living and Working in Germanyပွဲတွင်သူနာပြု Vocational Training ကို ဂျာမနီနိုင်ငံမှာလက်ရှိတက်ရောက်နေသည့် မလဲ့ဖြူဖြူအောင်မှသူနာပြု Vocational Training နှင့် ပတ်သက်သည့်သူမအတွေ့အကြုံများကို မျှဝေပေးသွားမည် ဖြစ်ပြီး Training နှင့်ပတ်သက်သည့်မေးခွန်းများကိုလည်း ဖြေကြားပေးသွားမည် ဖြစ်သည်။

Living and Working in Germany (knowledge sharing session)ပွဲကို ဖေဖော်ဝါရီလ (၁၇) ရက်၊  နေ့လယ် (၁၂:၀၀)မှ (၂:၃၀)အထိ Goethe-Institut Myanmar Auditorium (ပြပွဲခန်းမ)၌ကျင်းပ သွားမည်ဖြစ်သည်ဟုဆိုသည်။

ဂျာမနီမှာ သူနာပြု Vocational Trainingတက်ရောက်ဖို့ ပြင်ဆင်နေသူများနှင့် စိတ်ပါဝင်စားသူများအနေဖြင့်အောက်မှာဖော်ပြထားတဲ့ Link https://www.goethe.de/ins/mm/en/spr/lad/ber.html(အင်္ဂလိပ်ဘာသာဖြင့်)နှင့်https://www.goethe.de/ins/mm/my/spr/lad/ber.html (မြန်မာဘာသာဖြင့်)ကိုနှိပ်ပြီး English သို့မဟုတ် မြန်မာဘာသာဖြင့် register ပြုလုပ်ကာ ပွဲနေ့မှာ ပါဝင်တက်ရောက်နိုင်ကြောင်း သိရသည်။

#Local_News #သူနာပြုသင်တန်း #မြန်မာမှဂျာမနီ #tthl #Yangon_Times

#Local_News
Published February 2024

ထိုင်းနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီးသည့် မြန်မာရွှေ့ပြောင်းအလုပ်သမား ၂၀၆ ဦးကို ထိုင်းနိုင်ငံ ရနောင်းမြို့မှ မြန်မာနိုင်ငံကော့သောင်းမြို့သို့ ပြန်ပို့ခဲ့ကြောင်း သိရသည်။

ဖေဖေါ်ဝါရီ ၁၄ရက် နေ့လည်ပိုင်းက ပြန်လည်ပို့ဆောင်ခဲ့ခြင်းဖြစ်ပြီး ယင်းအလုပ်သမားများမှာ ထိုင်းနိုင်ငံတောင်ပိုင်းရှိ  အချုပ်များတွင် ပြစ်ဒဏ်ကျခံပြီးသဖြင့် ထိုင်းအာဏာပိုင်များက မြန်မာနိုင်ငံဘက်ကို ပြန်ပို့ခြင်းဖြစ်သည်။

နေရပ်ပြန်ပို့သူများတွင် မြန်မာနိုင်ငံသားအမျိုးသား ၁၆၀ ဦးနှင့် အမျိုးသမီး ၄၆ ဦး ပါဝင်ကာ ရနောင်းမြို့ကနေ စက်လှေဖြင့် ကော့သောင်းမြို့ကို ပြန်ပို့ခဲ့ခြင်းဖြစ်သည်။

ကော့သောင်းမြို့သို့ရောက်လာသည့် မြန်မာနိုင်ငံသားများကို ဒေသအာဏာပိုင်များက ကိုဗစ်-၁၉ စစ်ဆေးပြီး ကိုယ်ရေးအချက်အလက်စစ်ဆေးခြင်း၊ အသိပညာပေးခြင်းတွေ ပြုလုပ်ပြီး သတ်မှတ်ထားသည့် ရောဂါပိုးတွေ့ရှိသူများကိုအသွားအလာစောင့်ကြည့်ရေးစင်တာတွေမှာ ထားရှိမည်ဖြစ်ကြောင်း သိရသည်။

#Local_News #မြန်မာနိုင်ငံသား၂၀၆ဦး #နေရပ်သို့ပြန်ပို့ #YMG/LW #Yangon_Times

ဂေါ်ဖီပန်းပွင့်တစ်ပွင့်လျှင် ကျပ် ၁၀၀ အထိ ဈေးကျဆင်း‌နေ၍နွားစာအဖြစ် ဝယ်ယူအသုံးပြုနေကြပြီး တောင်သူများအရှုးပေါ်နေ' ပြီးခဲ့တဲ့နှစ်တွေကပေါတာကပေါတယ်ဒီလောက်အထိဈေးမကျသေးဘူး၊၃၀၀လောက်ဆိုသူတို့အတွက် တွက်ခြေကိုက်သေးတယ်၊ အရင်းပြန်ကျေနိုင်သေးတယ်'
#Local_News
Published_ 14 February 2024
#ဂေါ်ဖီပန်းပွင့်ဈေးပေါလွန်း #နွားစာအဖြစ်ဝယ်ကျွေး
#YMG/NN #Yangon_Times

"နဂါးနှစ်ကောင်‌ဆရာတော်ကြီး၏ အန္တိမအဂ္ဂိဈာပနပူဇော်ပွဲမှာ ပါဝင်လှူဒါန်းလိုသူတွေအနေနဲ့ အာရုဏ်ဆွမ်း/နေ့ဆွမ်းကို၁ရက်လျှင် ၅၀ ဘတ်၊ ပံသကူသင်္ကန်း/ကန်တော့ပွဲ ၁ပွဲလျှင် ၅ဘတ်၊ ရွှေ့ထင်း ငွေထင်း ၁စုံ လျှင် ၁ ဘတ်၊ ရေ/မီး   ၁ရက် လျှင်၄ဘတ်၊ စုစုပေါင်း။ ၁စုံကြီးစာ ၆၀ ဘတ်ဖြင့် လှူဒါန်းနိုင်တယ်"
#Local_News
Published_ 14 February 2024
#နဂါးနှစ်ကောင်‌ဆရာတော်ကြီး
#tthl #Yangon_Times

#Local_News
Published_ 14 February 2024

အချို့နိုင်ငံကြီးများမှ မမှန်မကန်ဖိအားပေးမှုများရှိသော်လည်း နိုင်ငံ့အကျိုးစီးပွားအတွက် ကြံ့ကြံ့ခံကြိုးပမ်းဆောင်ရွက်သွားရမယ်လို့ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးသန်းဆွေက သံအမတ်ကြီးနှင့် သံရုံးယာယီတာဝန်ခံ ၁၉ ဦးနှင့် ပြည်ပသို့ သွားရောက်တာဝန်ထမ်းဆောင်မယ့် သံအမတ်ကြီးလေးဦးတို့အား တွေ့ဆုံတဲ့ အခမ်းအနားမှာပြောကြားခဲ့ပါတယ်။

အဆိုပါအခမ်းအနားကို ဖေဖော်ဝါရီ ၁၃ ရက် နံနက်ပိုင်းတွင် နေပြည်တော်ရှိ နိုင်ငံခြားရေးဝန်ကြီးဌာန၌ ကျင်းပပြုလုပ်ခဲ့တာ ဖြစ်ပါတယ်။

သံရုံးအကြီး အကဲများအနေဖြင့် နိုင်ငံတော်နှင့် နိုင်ငံသားတို့၏ အကျိုးစီးပွားကို တာဝန်ကျရာ ကမ္ဘာ့နယ်ပယ် အသီးသီးရှိနိုင်ငံများ၌ ပေးအပ်သောတာဝန်များကို ထမ်းဆောင်နေကြသည့်အတွက် နိုင်ငံတော်၏မူဝါဒများကို အချိန်နှင့်တစ်ပြေးညီ သိရှိနားလည်စေရန် ခေါ်ယူတွေ့ဆုံရခြင်းဖြစ်တယ်လို့ ဒုဝန်ကြီးချုပ်နှင့် နိုင်ငံခြားရေးဝန်ကြီး ဦးသန်းဆွေက ဆိုပါတယ်။

သံတမန်၏ သဘောသဘာဝမှာ ရန်သူကို မိတ်ဆွေဖြစ်အောင်လုပ်ရန်ဖြစ်ကြောင်း၊ နိုင်ငံတကာဆက်ဆံရေးအခြေအနေကို သံအမတ်ကြီးများ သိရှိပြီးဖြစ်ကြောင်း၊ အားသာချက် အားနည်းချက်များကို သုံးသပ်၍ အခွင့်အလမ်းရှာဖွေပြီး နိုင်ငံ့အကျိုးစီးပွားကို ဖော်ဆောင်သွားရမှာဖြစ်ပြီး နိုင်ငံစုံဆက်ဆံရေး၊ ဒေသတွင်းဆက်ဆံရေးနှင့် နှစ်နိုင်ငံ ဆက်ဆံရေးများတွင် အဓိကအားဖြင့် နိုင်ငံတော်နှင့်လူမျိုးအပေါ် သစ္စာရှိရမှာဖြစ်တယ်လို့ ပြောဆိုပါတယ်။

ထို့နောက် သံအမတ်ကြီးများနှင့် သံရုံးယာယီတာဝန်ခံများက မြန်မာနိုင်ငံနှင့် ၎င်းတို့တာဝန်ထမ်းဆောင်လျက်ရှိသောနိုင်ငံများ၏ နှစ်နိုင်ငံဆက်ဆံရေးအခြေအနေ၊ ဆက်ဆံရေးတိုးမြှင့်ရန် ဆောင်ရွက်မှုအခြေအနေ၊ တာဝန်ထမ်းဆောင်လျက်ရှိသော နိုင်ငံများမှ မြန်မာနိုင်ငံအပေါ်ထားရှိသော သဘောထားများ၊ ဆောင်ရွက်လျက်ရှိသော လုပ်ငန်းနှင့် နိုင်ငံ့အကျိုးစီးပွားဆိုင်ရာကိစ္စရပ်များကို တင်ပြကြရာ ဒုတိယဝန်ကြီးချုပ်နှင့် ပြည်ထောင်စုဝန်ကြီးက လိုအပ်သည်များကိုမှာကြားခဲ့ကြောင်း သတင်းရရှိပါတယ်။

#Local_News #မမှန်မကန်ဖိအားပေးမှု #နိုင်ငံခြားရေးဝန်ကြီး #Ymg_mnn #Yangon_Media_Group

#Local_News
Published_ 14 February 2024

ကိုရီးယားနိုင်ငံမှ ဝန်ဆောင်မှုလုပ်ငန်းများအတွက် မြန်မာလုပ်သားများကို တိုးချဲ့ခေါ်ယူနေပြီး အထက်တန်းအောင်မြန်မာအမျိုးသမီးများပါ ကိုရီးယားဘာသာအရည်အချင်းစစ်စာမေးပွဲ EPS ဝင်ခွင့်ဖြေဆိုခွင့်ရရှိကာ  ကိုရီးယား၌ အလုပ်လုပ်ကိုင်ရန်ခေါ်ယူသွားမည်ဖြစ်ကြောင်း အလုပ်သမားဝန်ကြီးဌာနမှ သိရသည်။

၂၀၂၄ ခုနှစ်အတွက် သတ္တမကြိမ်မြောက် အမှတ်ပေးစနစ်ဖြင့် အလုပ်ခန့်ထားမည့် စနစ် (၁၆)ကြိမ်မြောက် ကိုရီးယားဘာသာအရည်အချင်းစစ်စာမေးပွဲတွင် ဝန်ဆောင်မှုလုပ်ငန်းများအတွက် အမျိုးသားသာမက အမျိုးသမီးများကိုပါ ခေါ်ယူသွားမည်ဖြစ်သည်ဟု ဆိုသည်။

 
ပါဝင်ဖြေဆိုမည့် အမျိုးသမီးများအနေဖြင့် အွန်လိုင်းကနေ အထက်တန်းအောင်လက်မှတ်ကို ပေးပို့ရမည်ဖြစ်ကြောင်းသိရသည်။

ကိုရီးယား EPS ဝင်ခွင့်အတွက်  ပထမအဆင့် အွန်လိုင်းမှလျှောက်လွှာတင်ခြင်းကို မတ်လ(၄)ရက်မှ (၁၀)ရက်အထိလျှောက်ရမည်ဖြစ်ပြီး စာမေးပွဲကို ဧပြီလ(၁၇)ရက်တွင်ကျင်းပမည်ဖြစ်ကြောင်း၊ EPSစာမေးပွဲTOPIKကို ဧပြီ(၂၄)ရက်မှဇူလိုင်(၂၆)ရက်အထိ လုပ်ငန်းအလိုက်ဖြေဆိုရမည်ဖြစ်ကြောင်းနှင့် EPS TOPIK စာမေးပွဲအောင်စာရင်းကို မေလ(၁၇)ရက်နှင့် ဩဂုတ်(၈)ရက်အတွင်း ထုတ်ပြန်ကြေညာပေးမည်ဖြစ်ကြောင်း သိရသည်။

#Local_News #ကိုရီးယားEPSစာမေးပွဲ #tthl #Yangon_Times

#World_News
Published 14 February 2024

အင်ဒိုနီးရှားနိုင်ငံတဝှမ်း ဗုဒ္ဓဟူးနေ့မှာ သမ္မတ ဂျိုကိုဝီဒိုဒိုနေရာဆက်ဆံရန် ရွေးကောက်ပွဲအတွက် မဲဆန္ဒပေးကြမှာဖြစ်ပြီး သူ့ရဲ့လွှမ်းမိုးမှုကပဲ ဘယ်သူအနိုင်ရသွားလဲဆိုတာ ဆုံးဖြတ်သွားမှာ ဖြစ်ပါတယ်။

တစ်နေ့တည်းမှာပဲ ကျင်းပမယ့် ကမ္ဘာ့အကြီးဆုံးရွေးကောက်ပွဲမှာ ကျွန်းဆွယ်ပေါင်း ၁၇၀၀၀ တလျှောက် နေရာပေါင်း ၂၀၆၀၀ အတွက် ကိုယ်စားလှယ်ပေါင်း ၂၅၉၀၀၀ နီးပါး ပါဝင်ယှဥ်ပြိုင်နေပေမယ့် ဆယ်စုနှစ်တစ်ခုနီးပါး အုပ်ချုပ်လာတဲ့ ဝီဒိုဒိုရဲ့ သမ္မတနေရာကို ဆက်ခံမယ့်သူကိုပဲ အားလုံးက စိတ်ဝင်စားနေကြပါတယ်။

ဂျိုကိုဝီလို့လည်း လူသိများတဲ့ ဝီဒိုဒိုရဲ့နေရာအတွက် ယှဥ်ပြိုင်သူတွေထဲမှာ အုပ်ချုပ်ရေးမှူးဟောင်းများဖြစ်တဲ့ ဂန်ဂျာပရာနိုဝို၊ အန်နီစ်ဘတ်စ်ဝယ်ဒန်တို့နဲ့အတူ အထူးတပ်ဖွဲ့များဗိုလ်မှူးဟောင်း ပရာဘိုဝိုဆူဘီယန်တိုတို့က နာမည်ကြီးနေပါတယ်။

ပြီးခဲ့တဲ့ ၁၀ နှစ်အတွင်း ကျင့်သုံးလာတဲ့ မူဝါဒတွေကိုပဲ ထိန်းသိမ်းသွားနိုင်မယ့် ကိုယ်စားလှယ်လောင်းကို အလိုရှိကြောင်း၊ အစကနေပြန်စမယ်ဆိုရင် အချိန်ယူရဦးမှာ ဖြစ်ကြောင်း ဂျာကာတာအလယ်ပိုင်းမှာ မဲဆန္ဒပေးခဲ့တဲ့ အသက် ၄၂ နှစ်အရွယ် စွန့်ဦးတီထွင်သူ နိုဗန်မာရာဒိုနာက ပြောပြပါတယ်။

မဲဆန္ဒပေးရန် သတ်မှတ်ချိန် ၃ ချိန်ဖြင့် အချိန်ကာလ ၆ နာရီပေးထားပြီး အရှေ့ပိုင်းမှ မဲရုံတွေကတော့ အခုကတည်းက ဖွင့်လှစ်နေပြီ ဖြစ်ပါတယ်။

ဂျာကာတာမှာ မိုးကြိုးမုန်တိုင်းများဖြင့် ရေကြီးနေတာကြောင့် အချို့နေရာတွေမှာ မဲပေးမှု အထနှေးနေပါတယ်။

နှောင့်နှေးမှုတွေက ဘယ်လောက်ကြာနိုင်ပြီး မဲပေးမှုကို သက်ရောက်နိုင်မလဲဆိုတာ မသိနိုင်ပေမယ့် ဂျာကာတာကပ်ဘေး ထိန်းချုပ်ရေးဌာနက ရေကြီးနေတဲ့ မဲရုံဓာတ်ပုံတွေနဲ့ မဲပေးစနစ်အတွက် ပစ္စည်းပစ္စယများကို ဘေးကင်းတဲ့နေရာသို့ ရွှေ့ပြောင်းနေတဲ့ဓာတ်ပုံတွေ ဖော်ပြထားပါတယ်။

ဂျာကာတာအလယ်ပိုင်းရှိ ရွာ ၁၀ ရွာမှာ မဲပေးမှုနှောင့်နှေးနိုင်တယ်လို့ ရွေးကောက်ပွဲကော်မရှင်က အစောပိုင်းက ပြောကြားထားပါတယ်။

ကာကွယ်ရေးဝန်ကြီး ပရာဘိုဝိုက ဂျိုကိုဝီကို နှစ်ကြိမ်တိုင် ရှုံးနိမ့်ခဲ့ပြီးနောက် တတိယအကြိမ်မြောက် ပါဝင်ယှဥ်ပြိုင်နေပါတယ်။

ပြီးခဲ့တဲ့ ၂ ပတ် စစ်တမ်းကောက်ယူချက်များအရ ပရာဘိုဝိုက ၅၁.၈ နဲ့ ၅၁.၉ ရာခိုင်နှုန်း ထောက်ခံမှုရရှိထားကာ ရွေးကောက်ခံတစ်ဦးအနေနဲ့ အနိုင်ရဖို့အတွက်ဆိုရင် မဲဆန္ဒပေါင်း ၅၀ ရာခိုင်နှုန်းအထက်နဲ့ ကျန်ပြည်နယ်များတဝက်ရှိ မဲရုံတွေမှာ ၂၀ ရာခိုင်နှုန်း ရရှိထားဖို့ လိုပါတယ်။

အနာဂတ်အတွက် ဆုံးဖြတ်ချက်ဖြစ်လာစေမယ့် မဲပေးခွင့်တွေကို အလကားမဖြစ်စေဘဲ မဲရုံသွားပြီး ဆန္ဒပြုကြဖို့ ဖိတ်ခေါ်ပါကြောင်း အန်နီစ်က ပြောကြားသွားပါတယ်။

သန့်ရှင်းတဲ့ ရွေးကောက်ပွဲဖြစ်စေရန်နဲ့ ရိုးသားတိကျမှသာ ရွေးကောက်ခံတွေ မဲရလဒ်ကို လက်ခံနိုင်မှာဖြစ်ကြောင်း စထရပ်ဂယ်လ် ဒီမိုကရက်တစ်ပါတီမှ ဂန်ဂျာက မှာကြားလိုက်ပါတယ်။

#World_News #အင်ဒိုနီးရှားသမ္မတသစ် #ရွေးကောက်ပွဲစတင်ကျင်းပ #Source: Reuters

#World_Health
Published 14 February 2024

ကိုဗစ်နောက်ဆက်တွဲဝေဒနာ ခံစားရသူတွေမှာ ဦးနှောက်ထိုင်းမှိုင်းခြင်းက အဖြစ်အများဆုံးနဲ့ အကြာရှည်ဆုံး လက္ခဏာတစ်မျိုး ဖြစ်နေပါတယ်။

ဒီလိုလက္ခဏာတွေဟာ ဦးနှောက်မှာ ဗိုင်းရပ်စ်ကြောင့်ဖြစ်တဲ့ ဒဏ်ရာကနေ စိတ်ပိုင်းဆိုင်ရာနဲ့ အသိဉာဏ်ပိုင်းဆိုင်ရာ ပြဿနာများ ဖြစ်စေနိုင်ဖွယ်ရှိကြောင်း လေ့လာချက်အသစ်မှာ တွေ့ရှိထားပါတယ်။

ကိုဗစ်ရောဂါကို ပြင်းထန်စွာ ခံစားခဲ့ရသူတွေနဲ့ မပြင်းထန်ခဲ့တဲ့သူတွေကို နှိုင်းယှဥ်ကာ သွေးစစ်ဆေးမှုများ ပြုလုပ်လေ့လာခဲ့ကြပါတယ်။

ထိုအခါမှာ ဦးနှောက်ရဲ့ အချို့အပိုင်းတွေဟာ ထုထည်လျော့နည်းနေပြီး ဦးနှောက်သိရှိမှု နှေးကွေးသွားကာ စိတ်ကျန်းမာရေးပြဿနာ တစ်မျိုးမျိုး ခံစားနေကြရပါတယ်။

ထိုနေရာမှာ ဦးနှောက်ချို့ယွင်းသွားတာဟာ ဦးနှောက်နှစ် ၂၀ ကြာအိုမင်းသွားတာနဲ့ ညီမျှနေတာပါပဲ။

အသိဉာဏ်ပိုင်း ချို့ယွင်းတာကို သိထားကြပေမယ့် တသက်တာထိခိုက်စေတာလားဆိုတာ မသိရှိကြပါဘူး။

ကပ်ရောဂါကာလအတွင်း ကျန်းမာရေးပြဿနာ တစ်စုံတစ်ရာ ခံစားနေကြရတာကို ဆရာဝန်တွေက မယုံကြည်ကြဘူးလို့ အချို့လူနာတွေ ဆိုပါတယ်။

ဦးနှောက်မှာ ဒီလိုမျိုးဒဏ်ရာတွေ ဖြစ်ရတာဟာ ရောဂါကူးစက်စဥ် ဦးနှောက်မှာ အောက်ဆီဂျင်ပြတ်လပ်တာမျိုးကြောင့် ဖြစ်မယ်လို့ ယူဆနေကြပါတယ်။

ဆရာဝန်တွေအနေနဲ့လည်း လူနာတွေ ဦးနှောက်ဒဏ်ရာခံစားရနိုင်တာကို လက်ခံသိရှိပြီး သင့်လျော်စွာ ကုသပေးဖို့ လိုအပ်ပါတယ်။

ဦးနှောက်ထိုင်းမှိုင်းခြင်းလိုမျိုး လက္ခဏာတွေကို ကုသပေးခြင်းဖြင့် လူနာတွေ ပုံမှန်အတိုင်း ပြန်ရောက်နိုင်အောင် ကူညီပေးနိုင်မှာ ဖြစ်ပါတယ်။

ကိုဗစ်ပြင်းထန်စွာ ခံစားခဲ့ရသူတွေက ဦးနှောက်ထိခိုက်တာမျိုး ရှိပေမယ့် ရောဂါကိုသာမန်မျှ ခံစားခဲ့ရသူတွေမှာတော့ ဘယ်လိုသက်ရောက်မှုရှိလဲဆိုတာကို မသိကြသေးပါဘူး။

ကိုဗစ်ဗိုင်းရပ်စ်က ဆက်လက်ကူးစက်နေဦးမှာဖြစ်ကာ ဦးနှောက်ကို ရေရှည်ထိခိုက်နေဦးမယ်ဆိုရင်တော့ ရပ်တန့်မယ့်နည်းလမ်း ရှာဖွေသင့်ပါတယ်။

#World_Health #ဦးနှောက်ထိခိုက်ခြင်း #ကိုဗစ်နောက်ဆက်တွဲလက္ခဏာ #Source: Medscape

#Local_News
Published 14 February 2024

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၆)ရပ်ကွက်၊ အောင်မေတ္တာလမ်းထိပ်တွင် ယာဉ်(၂)စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့မှ သိရသည်။

 ဖေဖေါ်ဝါရီ ၁၄ ရက် နံနက် ၅နာရီခန့်က လောင်ကျွမ်းခဲ့ခြင်းဖြစ်ပြီး ရွှေပြည်သာမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ လှော်ကားနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး  တို့ဖြင့် မီးငြှိမ်းသတ်ခဲ့ရာ ၅နာရီ ၁၁မိနစ် တွင် မီးငြှိမ်းခဲ့ကြောင်း သိရသည်။

မီးလောင်မှုဖြစ်စဉ်နှင့် ဆုံးရူံးမှုတန်ဖိုးများကို သက်ဆိုင်ရာကဘစစ်ဆေးလျက်ရှိကြောင်း သိရသည်။

#Local_News #ယာဉ်၂စီးမီးလောင်မှုဖြစ် #YMG/LW #Yangon_Times

#World_Health
Published 14 February 2024

အဆင့်ဆင့်ထုတ်လုပ် ထုပ်ပိုးထားတဲ့ အစားအစာတွေဟာ နှလုံးသွေးကြော ရောဂါများ၊ အဝလွန်ခြင်း၊ သွေးတိုးရောဂါ၊ ရင်သားနဲ့ အူမကြီးကင်ဆာ၊ အရွယ်မတိုင်ခင် သေဆုံးခြင်း စတာတွေ ဖြစ်နိုင်ခြေများတာနဲ့ ဆက်စပ်နေကြောင်း တွေ့ရှိထားကြပါတယ်။

ကိုယ်ဝန်ဆောင်နေတဲ့ အမျိုးသမီးတွေအတွက် ပိုလို့တောင် အန္တရာယ်များပါတယ်။

ကိုယ်ဝန်ဆောင်အမျိုးသမီးတွေအတွက် အန္တရာယ်များစေတာက အစားအစာမဟုတ်ဘဲ တကယ်တမ်းက မစားခင်မှာထုပ်ပိုးထားတဲ့ ထုပ်ပိုးမှုကြောင့် ဖြစ်ပါတယ်။

အစားအစာတွေဟာလည်း ကျန်းမာရေးနဲ့ ပတ်သက်ပြီး သက်ရောက်မှုများစွာ ရှိနေပါတယ်။

ထုပ်ပိုးထားတဲ့ စားစရာတွေမှာ တာရှည်ခံစေရန်၊ အရောင်အသွေး ထိန်းသိမ်းရန်အတွက် အသုံးပြုကြတဲ့ သယ်လိတ်စ်ဓာတ်ပစ္စည်းတွေဟာ ရောဂါဖြစ်စေနိုင်တာပါ။

ပလတ်စတစ်နဲ့ သက်ဆိုင်တဲ့ ဓာတုပစ္စည်းတစ်မျိုးဖြစ်တဲ့ သယ်လိတ်စ်တွေဟာ ပလတ်စတစ်ထုပ်ပိုးမှုကနေ ကွာကျလာပြီး အစားအစာထဲ ဝင်ရောက်စေနိုင်ပါတယ်။

ဒါတွေကို ကိုယ်ဝန်ဆောင်စဥ် စားမိတဲ့အခါ သွေးကြောတွေထဲကနေ အချင်းသို့ရောက်ပြီး သန္ဓေသားရဲ့ သွေးလည်ပတ်မှုကို ဝင်ရောက်လာပါတယ်။

သန္ဓေသားရဲ့ ခန္ဓာကိုယ်ထဲမှာ ဓာတ်တိုးခြင်း၊ ရောင်ရမ်းခြင်းတွေ ဖြစ်ပေါ်လာတယ်လို့ သုတေသီများ မှတ်ချက်ပြုထားပါတယ်။

သန္ဓေသား ကိုယ်အလေးချိန်နည်းပါးခြင်း၊ လမစေ့ခင်မွေးဖွားခြင်း၊ ကလေးမှာ စိတ်ပိုင်းဆိုင်ရာ ကျန်းမာရေးပြဿနာများ ဖြစ်တတ်ခြင်းတို့ များစေပါတယ်။

အဆင့်ဆင့်ထုပ်ပိုးထားတဲ့ စားစရာတွေမှာ သယ်လိတ်စ်ဓာတ် ထိတွေ့မှုများတာကို ပထမဆုံးလေ့လာတွေ့ရှိခဲ့တာ ဖြစ်ပါတယ်။

ကိုယ်ဝန်ဆောင် ၃၈ ရာခိုင်နှုန်းလောက်ရဲ့ အစားအစာတွေမှာ ထုပ်ပိုးထားတဲ့ စားစရာများ ပါဝင်နေပြီး ဒိုင်သယ်လိတ်ပါဝင်မှု မြင့်မားတာကို တွေ့ရှိခဲ့ကြပါတယ်။

စားစရာကိုင်တွယ်သူတွေ ဝတ်ဆင်ထားတဲ့ လက်အိတ်တွေ၊ သိုလှောင်တဲ့နေရာတွေ၊ ပြင်ဆင်မှု၊ တည်ခင်းစားသုံးခြင်း၊ အသုံးအဆောင်ပစ္စည်းတွေကနေ အဓိကထိတွေ့နေပါတယ်။

စားစရာထုတ်လုပ်သူတွေနဲ့ အသိအမှတ်ပြုသူများကို အန္တရာယ်နည်းပါးစေတဲ့ အရာတွေနဲ့ အစားထိုးဖို့ တိုက်တွန်းရန် လိုအပ်ကြောင်း သုတေသနပြုစုသူ ဘရန်နန်ဘိတ်ကာက ပြောပြပါတယ်။

ဒါကြောင့် ကိုယ်ဝန်ဆောင်များအနေနဲ့ ထိုကဲ့သို့စားစရာများ စားမယ့်အစား အသီးအနှံ၊ ဟင်းသီးဟင်းရွက်၊ အသားသေးငါးသေးတို့ကို စားသုံးသင့်တယ်လို့ အကြံပြုလိုက်ပါတယ်။

#World_Health #အစားအစာများနှင့်လမ်းဘေးစာများ #ကိုယ်ဝန်ဆောင်များရှောင်ရှားသင့် #Source: The Jerusalem Post

၁၃ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေပြဋ္ဌာန်းရခြင်းသည် ပြည်တွင်းပြည်ပဘေးအန္တရာယ်ဆိုတာထက် တို့တာဝန်အရေး(၃)ပါးကို  စောင့်ထိန်းရတာဝန်ရှိတဲ့အတွက်  နိုင်ငံသားတိုင်း စစ်ပညာသင်ကြားဖို့ နိုင်ငံတော်ကာကွယ်ရေးတာဝန်ထမ်းဆောင်ဖို့  ရည်ရွယ်ခြင်းဖြစ်တယ် လို့ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောပါတယ်။

ယင်းဥပဒေနှင့်ပတ်သက်၍ ပြောဆိုဝေဖန်မှုများရှိနေသည့်အတွက် ဗိုလ်ချုပ်ဇော်မင်းထွန်းက ယနေ့ ဖေဖော်ဝါရီ ၁၃ ရက်တွင် ထပ်မံရှင်းလင်းပြောဆိုရာတွင် ယင်းကဲ့သို့အသိပေးခဲ့တာဖြစ်ပါတယ်။

ဗိုလ်ချုပ်ဇော်မင်းထွန်းရဲ့ ရှင်းလင်းတင်ပြချက်အပြည့်အစုံကို ဖော်ပြပေးအပ်ပါတယ်။

@ymg/knl