Published 15 February 2024

အမေရိကန်သမ္မတ ဂျိုးဘိုင်ဒင်ဟာ ဒေါ်နယ်ထရမ့်ထက်စာရင် ခန့်မှန်းရပိုလွယ်တယ်လို့ ရုရှားသမ္မတ ဗလာဒီမာပူတင်က ဗုဒ္ဓဟူးနေ့မှာ ပြောကြားလိုက်ကာ နိုဝင်ဘာလ ရွေးကောက်ပွဲမှာ ဘယ်သူပဲအနိုင်ရသည်ဖြစ်စေ ရုရှားဘက်က ပူးပေါင်းလုပ်ဆောင်ရန် အသင့်ရှိနေကြောင်း ဆိုလိုက်ပါတယ်။

ဒီမိုကရက်တစ် ဘိုင်ဒင်နဲ့ ရီပတ်ဘလစ်ကန် ထရမ့်တို့ကြား ဘယ်သူ့ကိုအနိုင်ရစေချင်လဲလို့ သတင်းထောက်က မေးမြန်းရာမှာ ပူတင်က ဘိုင်ဒင်ကို အနိုင်ရစေချင်ကြောင်း၊ သူက အတွေ့အကြုံပိုရှိပြီး ခန့်မှန်းရလွယ်ကူကာ ရှေးရိုးစွဲနိုင်ငံရေးသမားဖြစ်ကြောင်း ပြောပြခဲ့ပါတယ်။

ရွေးကောက်ပွဲအပြီး အသက် ၈၂ နှစ်ဖြစ်တော့မယ့် ဘိုင်ဒင်ရဲ့အသက်နဲ့ ကျန်းမာရေးအခြေအနေအကြောင်း မေးမြန်းရာမှာ ပူတင်က ‘’လူတွေက ဘိုင်ဒင်ရဲ့ အသက်အရွယ်အကြောင်း ပြောနေကြပေမယ့် လွန်ခဲ့တဲ့ ၃ နှစ်က တွေ့ဆုံခဲ့စဥ်က ဘာမှထူးခြားတာ မတွေ့ခဲ့ရဘူး’’ လို့ ဖြေဆိုသွားပါတယ်။

အမေရိကန် မဲစစ်တမ်းကောက်ယူချက်တွေမှာ မဲဆန္ဒပေးသူတွေက ဘိုင်ဒင်ရဲ့ အသက်အရွယ်အပေါ် စိုးရိမ်နေကြပါတယ်။

ဘိုင်ဒင်က ဥရောပခေါင်းဆောင်တွေရဲ့ နာမည်တွေကို ရှေ့ကခေါင်းဆောင်တွေနဲ့ မှားယွင်းရောထွေးပြီး ပြောမိခဲ့တာကြောင့် အသက်အရွယ်ပြဿနာ ပိုဆိုးလာခဲ့ပါတယ်။

အထူးဝတ်လုံတော်ရရှေ့နေမှ ဘိုင်ဒင်ကို မှတ်ဉာဏ်မကောင်းတော့တဲ့ သက်ကြီးရွယ်အို တစ်ယောက်လို့ သတ်မှတ်ခေါ်ဆိုခဲ့ရာ အိမ်ဖြူတော်မှ ကာကွယ်တုန့်ပြန်ပေးခဲ့ပါတယ်။

ဘိုင်ဒင်ကိုယ်တိုင်ကလည်း စွပ်စွဲချက်တွေကို ဒေါသတကြီး တုန့်ပြန်ခဲ့ပေမယ့် အီဂျစ်နဲ့ မက္ကဆီကိုသမ္မတတို့ရဲ့ အမည်တွေကို ရောထွေးပြောဆိုမိတာကြောင့် ပိုဆိုးသွားခဲ့ပါတယ်။

အသက် ၇၇ နှစ်ရှိ ဒေါ်နယ်ထရမ့်ဟာလည်း လူတွေရဲ့နာမည်တွေကို ရောထွေးပြောဆိုခဲ့ပြီး သူနဲ့နောက်ဆုံးပြိုင်ဘက်ဖြစ်နေတဲ့ ရီပတ်ဘလစ်ကန် ကိုယ်စားလှယ်လောင်း နစ်ကီဟာလေနဲ့ အမေရိကန် အောက်လွှတ်တော်ဥက္ကဌဟောင်း နန်စီပယ်လိုစီတို့ရဲ့ နာမည်တွေကို ရောထွေးခဲ့တာ ဖြစ်ပါတယ်။

ဘယ်လိုပဲဖြစ်ဖြစ် ပူတင်က ဘိုင်ဒင်လက်ထက် အမေရိကန် နိုင်ငံခြားရေးမူဝါဒများကို အပြင်းအထန် ကန့်ကွက်ထားပါတယ်။

ဘိုင်ဒင်ရဲ့ အစိုးရအဖွဲ့ဟာ ရုရှားနဲ့ ၂ နှစ်ကြာစစ်ဖြစ်နေတဲ့ ယူကရိန်းတို့အတွက် ထောက်ပံ့ကူညီနေခဲ့ပါတယ်။

ဘိုင်ဒင်က ပူတင်ကို ပြင်းပြင်းထန်ထန် ဝေဖန်ထားပြီး ထရမ့်ကတော့ ပူတင်ကို လေးစားမှုရှိကြောင်း မကြာခဏ ထုတ်ဖော်ပြောကြားခဲ့ပေမယ့် ပူတင်ကတော့ ဘိုင်ဒင်ကိုသာ အနိုင်ရစေချင်နေတာ ဖြစ်ပါတယ်။
Source: NDTV
#World_News
#Published_ 15 February 2024
#YMG_News #Yangon_Times #Yangon_Media_Group

၁၅ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေနှင့်ပတ်သက်၍ သိလိုသည်များကိုမေးမြန်းနိုင်မည့် ဖုန်းနံပါတ်များကို ပြည်သူ့စစ်မှုထမ်း ဆင့်ခေါ်ရေး ဗဟိုအဖွဲ့က ထုတ်ပြန်ကြေညာခဲ့ပါတယ်။

ကြေညာချက်အပြည့်အစုံကို မူရင်းအတိုင်းအောက်တွင်ဖော်ပြအပ်ပါတယ်။

ပြည်သူ့စစ်မှုထမ်းဥပဒေနှင့်စပ်လျဉ်း၍ စုံစမ်းမေးမြန်းနိုင်

ပြည်သူ့စစ်မှုထမ်းဥပဒေနှင့်စပ်လျဉ်း၍ မဟုတ်မမှန်ဝါဒဖြန့်ချိမှုများနှင့် ကောလာဟလ သတင်းများကြောင့် ပြည်သူများ ထင်ယောင်ထင်မှားမဖြစ်စေရန်အတွက် ပြည်သူများအနေဖြင့် ပြည်သူ့စစ်မှုထမ်းဥပဒေဆိုင်ရာ သိရှိလိုသည့် အချက်များကို ပြည်သူ့စစ်မှုထမ်းဆင့်ခေါ်ရေး ဗဟို အဖွဲ့၏ အောက်ပါဖုန်းနံပါတ်များသို့ ရုံးချိန်အတွင်း စုံစမ်းမေးမြန်းနိုင်ပါသည်-

(၁) ၀၆၇-၃၄၀၄၉၁၁

(၂) ၀၆၇-၃၄၀၄၉၂၂

(၃) ၀၆၇-၃၄၀၄၉၃၃

(၄) ဝ၆၇-၃၄၀၄၉၄၄

(၅) ဝ၆၇-၃၄၀၄၉၅၅

စုံစမ်းမေးမြန်းခြင်းမဟုတ်ဘဲ အနှောင့်အယှက်ပေးဆက်သွယ်လာသည့် တယ်လီဖုန်း
နံပါတ်များကို မှတ်တမ်းတင်ကာ ယင်းဖုန်းဆင်းကဒ်များကို ပိတ်သိမ်းသွားမည်ဖြစ်ကြောင်း အသိ ပေးအပ်ပါသည်။
#Local_News
#Published_ 15 February 2024
#YMG_News #Yangon_Times #Yangon_Media_Group

#World_Health
Published 15 February 2024

နှလုံးရောဂါတွေနဲ့ ပတ်သက်လို့ ရောဂါလက္ခဏာ အများအပြားရှိနေပြီး နှလုံးရောဂါဖြစ်နိုင်ခြေနဲ့ ပတ်သက်လို့ အချက်အလက်များစွာ ရှိနေပါတယ်။

အမျိုးမျိုးသော နှလုံးရောဂါတွေဟာ ရောဂါလက္ခဏာ အမျိုးမျိုး ပြတတ်ပေမယ့် ရောဂါဖြစ်လာနိုင်ခြေရှိတဲ့ လက္ခဏာတွေကတော့..

(၁) အသက်ရှူမဝခြင်း

နှလုံးကနေ သွေးကိုလုံလောက်စွာ မညှစ်ထုတ်နိုင်တဲ့အခါ အသက်ရှူမဝတာမျိုး ဖြစ်တတ်ပါတယ်။

(၂) ရင်ဘတ်အောင့်ခြင်း

နှလုံးဖောက်ခြင်းရဲ့ အထင်ရှားဆုံး လက္ခဏာတစ်မျိုးဖြစ်ပြီး နှလုံးက လုံလောက်တဲ့ အောက်ဆီဂျင်နဲ့သွေး မရတဲ့အခါ ဖြစ်ပွားတတ်ကာ ရောဂါအခြေအနေပေါ် မူတည်ပြီး ပြင်းထန်နိုင်ပါတယ်။

(၃) နွမ်းနယ်ခြင်း

အလုပ်များခြင်း၊ အိပ်ရေးပျက်ခြင်း၊ အာဟာရဓာတ်ချို့တဲ့ခြင်းတို့ကြောင့် နွမ်းနယ်တတ်သလို နှလုံးနဲ့ပတ်သက်တဲ့ ရောဂါလည်း ဖြစ်နိုင်ကာ နေ့စဥ်လုပ်ငန်းဆောင်တာတွေကိုပါ မလုပ်နိုင်တဲ့အထိ ပြင်းထန်တယ်ဆိုရင်တော့ ဆရာဝန်ပြသင့်ပါတယ်။

(၄) နှလုံးတုန်ခြင်း

 စိုးရိမ်ပူပန်ခြင်း၊ ကိုယ်ဝန်ဆောင်ခြင်း၊ ကော်ဖီသောက်ခြင်း၊ အရက်သေစာနဲ့ အချို့သောဆေးဝါးများ သောက်သုံးခြင်းတို့ကြောင့် ရင်တုန်စေနိုင်ကာ ရင်ဘတ်၊ လည်ပင်း၊ လည်ချောင်းတို့မှာ ခံစားရနိုင်ပါတယ်။

(၅) ခေါင်းကိုက်မူးဝေခြင်း

အခြားရောဂါများကြောင့်လည်း ထိုဝေဒနာခံစားရတတ်သလို နှလုံးပုံမှန်အလုပ်မလုပ်တဲ့ လက္ခဏာလည်း ဖြစ်ပါတယ်။

(၆) ခြေထာက်ဖောရောင်ခြင်း

နှလုံးက ကောင်းစွာအလုပ်မလုပ်ဘဲ ခြေထာက်သွေးပြန်ကြောတွေထဲမှာ သွေးစီးဆင်းမှုနှေးပြီး အရည်တွေစုပြုံလာပါတယ်။

#World_Health #နှလုံးရောဂါလက္ခဏာများ #Source: DoctorNDTV

#World_Technology
Published 15 February 2024

လူတွေက ခန္ဓာကိုယ်ထဲက လုပ်ဆောင်ချက်တွေကို တိုင်းတာဖို့အတွက် စမတ်အသုံးအဆောင်ပစ္စည်းများ ပိုမိုအသုံးပြုလာကြပါတယ်။

ကိုယ်အပူချိန်က အရေးကြီးလက္ခဏာတစ်ခုဖြစ်တဲ့အပြင် အခြားလုပ်ဆောင်ချက်တွေနဲ့လည်း ဆက်စပ်နေပေမယ့် အပူချိန်ကို ဆက်တိုက်တိုင်းတာနိုင်ဖို့က အခက်အခဲဖြစ်နေပါတယ်။

ဝါရှင်တန်တက္ကသိုလ်မှ သုတေသီများက အပူချိန်တိုင်း နားကပ်တစ်မျိုးကို ဖန်တီးလိုက်ကြကာ နားရွက်အပူချိန်ကို အဆက်မပြတ် တိုင်းတာနိုင်မယ့် ကြိုးမဲ့ပစ္စည်းဖြစ်ပါတယ်။

စမ်းသပ်ထုတ်လုပ်နေတဲ့ ပစ္စည်းအရွယ်အစားက စာရွက်ကလစ်မျှသာရှိပြီး ဘက်ထရီက ၂၈ ရက်သက်တမ်းတာရှည်ပါတယ်။

ထိုနားကပ်ကို ကျောက်တွေနဲ့ စီခြယ်တပ်ဆင်နိုင်ပြီး သံလိုက်ဖြင့် ချိတ်ဆွဲထားမှာ ဖြစ်ပါတယ်။

နားနေတဲ့အချိန်တွေမှာ အရေပြားအပူချိန်ကို တိုင်းတာတဲ့နေရာမှာ စမတ်နာရီတွေထက် သာလွန်ပြီး စိတ်ဖိစီးခြင်း၊ စားသောက်ခြင်း၊ လေ့ကျင့်ခန်းပြုလုပ်ခြင်း၊ သားဥကြွေခြင်းတို့ကိုလည်း တိုင်းတာနိုင်တယ်လို့ တွေ့ရှိထားပါတယ်။

နားကပ်အရွယ်အစားလောက်သာ ဖြစ်တာကြောင့် ရက်အနည်းငယ်ကြာမှသာ အားသွင်းဖို့လိုအပ်ပါတယ်။

ဓာတ်အားကြာရှည် လိုချင်ရင် ဘက်ထရီကြီးကြီး လိုအပ်ပြီး ကြိုးမဲ့စနစ်ကြောင့်လည်း စွမ်းအင်ပိုမိုကုန်ကျနိုင်ပါတယ်။

အဖျားရောဂါရှိနေသူတွေဟာ တစ်နေ့တာအတွင်း အပူချိန်တက်လိုက်ကျလိုက် ဖြစ်နေတာကြောင့် အဆက်မပြတ် တိုင်းတာနိုင်ဖို့က အရေးပါလာပါတယ်။

ကိုယ်တွင်းအပူချိန်က အဖျားမရှိတဲ့အခါ ငြိမ်သက်နေတတ်ပေမယ့် နားရွက်အပူချိန်ကတော့ ပြောင်းလဲတတ်ပါတယ်။

ယခုစမတ်နားကပ်ကတော့ ကိုယ်အပူချိန်နဲ့ အခြားလုပ်ဆောင်ချက်များကိုပါ တိုင်းတာပေးတဲ့အပြင် ဖက်ရှင်အနေနဲ့လည်း ဝတ်ဆင်နိုင်မှာ ဖြစ်ပါတယ်။

နားကပ်ကို မရောင်းချခင်မှာတော့ ထည့်သွင်းရန် အချက်အလက်တွေ လိုအပ်နေသေးပြီး စမ်းသပ်မှုတွေ ဆက်လက်ပြုလုပ်ရဦးမှာ ဖြစ်ပါတယ်။

#World_Technology #စမတ်နားကပ် #Source: The Jerusalem Post

၁၄ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေ၊ အရန်တပ်ဖွဲ့ဥပဒေနှင့်ပတ်သက်၍ အမျိုးမျိုးထွက်ပေါ်နေသည့် ကောလာဟလ သတင်း များနှင့် ပတ်သက်၍ နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ယနေ့ ဖေဖော်ဝါရီ ၁၄ရက်တွင်  ပြန်လည်တုန့်ပြန်ပြောကြားခဲ့ပါတယ်။

အဆိုပါတုန့်ပြန်ပြောကြားချက်အပြည့်အစုံကိုဖော်ပြပေးအပ်ပါတယ်။

@ymg/knl

ရုရှားက ဘာကီနာဖာဆိုနိုင်ငံသို့ စစ်မှုထမ်းများ စေလွှတ်နေပြီး ပြီးခဲ့တဲ့ ရက်သတ္တပတ်က အယောက် ၁၀၀ ရောက်ရှိလာကာ နောက်ထပ် ၂၀၀ ရောက်ရှိလာဖို့ရှိပါတယ်။
#World_News
Published_ 14 February 2024
#ဘာကီနာဖာဆိုနိုင်ငံ #ရုရှားတပ်သားများရောက်ရှိ
#Yangon_Times #YMG_News #Yangon_Media_Group

#Daily_News
Published_ 14 February 2024

၁။ နဂါးနှစ်ကောင်‌ဆရာတော်ကြီး၏ အန္တိမဈာပနအတွက် ဟင်္သာလောင်တိုက်ပြင်ဆင်ထားပြီဖြစ်

၂။ ဂေါ်ဖီပန်းပွင့်တစ်ပွင့်လျှင် ကျပ်၁၀၀အထိ ဈေးကျဆင်း‌နေ၍ နွားစာအဖြစ် ဝယ်ယူအသုံးပြုနေကြပြီး တောင်သူများအရှုံးပေါ်နေ

၃။ မိုးယွန်းကြီးအင်းဘေးမဲ့တောသို့ လာရောက်အပန်းဖြေသူ ယခင်ထက်နှစ်ဆများလာပေမယ့် ငှက်ကြည့်ရန် လာရောက်သူ အလွန်နည်းနေဟုဆို

၄။ ဘကီနာဖာဆို၏ တိုင်းပြည်လုံခြုံရေးမြှင့်တင်ပေးရန် ရုရှားတပ်သားများရောက်ရှိလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published 14 February 2024

ပြည်သူ့စစ်မှုထမ်းဥပဒေအရ လိုအပ်သောပြင်ဆင်ဖွဲ့စည်းမှုများ ဆောင်ရွက်ပြီးလျှင် သင်တန်းအမှတ်စဉ် တစ်ခုလျှင် စစ်မှုထမ်းရန် အကျုံးဝင်သူ အင်အား ၅၀၀၀ နှုန်းဖြင့် လစဉ်ခေါ်ယူသွားမည် ဖြစ်ကြောင်း ပြည်သူ့စစ်မှုထမ်းဥပဒေပြဌာန်းမှုနှင့် ပက်သက်ပြီး ပြည်တွင်းသတင်းမီဒီယာတစ်ခု၏ မေးမြန်းချက်အပေါ် သတင်းထုတ်ပြန်ရေးအဖွဲ့ထံမှ  ပြန်လည်ဖြေကြားထားသည်။

သတင်းထုတ်ပြန်ရေးအဖွဲ့၏ ဖြေကြားမှုတွင် သင်တန်း အမှတ်စဉ် တစ်ခုလျှင် အင်အား၅၀၀၀ဖြင့်လစဉ်ခေါ်ယူသွားမည်ဖြစ်သည့်အတွက် တစ်နှစ်လျှင် အင်အား ၆၀၀၀၀ နှုန်းလျာထား စီမံထားကြောင်း သိရသည်။

သင်တန်းပေးရာ တွင်စစ်မှုထမ်းဆောင်ရန်အကျုံးဝင်သော  အမျိုးသားများကို အမှတ်စဉ် ၁  မှစတင်ခေါ်ယူမည် ဖြစ်သော်လည်း အကျုံးဝင်သော အမျိုးသမီးများကို သင်တန်းအမှတ်စဉ် ၅ မှသာ ခေါ်ယူရန် လျာထားကြောင်း သိရသည်။

သင်တန်းသားများ အနေဖြင့် သင်တန်းတတ်ရောက်စဉ်ကာလနှင့်သင်တန်းပြီးဆုံးပြီး တာဝန်ထမ်းဆောင်စဉ်ကာလ များ တွင် လစာစာရိတ် ရိက္ခာနှင့်အခြားခံစားခွင့်များကို လက်ရှိတာဝန်ထမ်းဆောင်နေသောစစ်မှုထမ်းများ အတိုင်း အပြည့်အဝခံစားခွင့်ရရှိမည်ဖြစ်ကြောင်း သိရသည်။

ပြည်သူ့စစ်မှုထမ်းဥပဒေသည်  နိုင်ငံသားအားလုံးနှင့်သက်ဆိုင်သည့် ဖြစ်သည့်အတွက် ဥပဒေကို ရှောင်ရှားပြီး အခြားလက်နက်ကိုင်အဖွဲ့ထဲသို့ ဝင်ရောက်ပါက တည်ဆဲဥပဒေအတိုင်း အရေးယူခံရမည်ဖြစ်ကြောင်း သိရသည်။

ပြည်ပနိုင်ငံများတွင် ကျောင်းတတ်နေသူများ အလုပ်လုပ်ကိုင်နေသူများအနေဖြင့် ပြည်သူ့စစ်မှုထမ်းဥပဒေ ပုဒ်မ၁၅ က တွင် ပါသည့်အတိုင်း ယာယီရွှေ့ဆိုင်းနိုင်ပြီး ပညာသင်ကြားမှုပြီးဆုံးချိန်နှင့်  လုပ်ငန်းများဆောင်ရွက်ပြီးချိန် တွင် ပုဒ်မ ၁၅ ခ အရကာကွယ်ရေးတာဝန်အတွက် သတ်မှတ်ကာလ ပြီးဆုံးသည်အထိ စစ်မှုထမ်းရမည်ဖြစ်ကြောင်း ဖြေကြားထားသည်။

#YMG/LW #Yangon_Times

#Local_News

Published_ 14 February 2024

ယခုဘဏ္ဍာနှစ်ဆယ်လကျော်အတွင်း မြန်မာ့သတ္ထုတွင်းထွက်ပစ္စည်း ပြည်ပတင်ပို့မှုမှ ကန်ဒေါ်လာ သန်း ၂၃၀ ကျော်ရရှိထားပြီး ပုဂ္ဂလိကပိုင်မှ ပိုမိုတင်ပို့ထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ စာရင်းများအရ သိရသည်။

၂၀၂၃ ခုနှစ် ဧပြီလ၁ရက်မှ ၂၀၂၄ ခုနှစ် ဖေဖော်ဝါရီ (၂) ရက်အထိ ဆယ်လကျော်ကာလအတွင်း ပြည်ပနိုင်ငံများသို့ မြန်မာ့သတ္ထုတွင်းထွက်ပစ္စည်းများတင်ပို့မှုမှ အမေရိကန်ဒေါ်လာ ၂၃၃ ဒသမ ၁၉၇ သန်းရရှိခဲ့ခြင်းဖြစ်သည်။

ပြည်ပနိုင်ငံများသို့ တင်ပို့ရောင်းချလျက်ရှိသည့် မြန်မာ့သတ္ထုတွင်းထွက်ပစ္စည်းများမှာ ကျောက်စိမ်း၊ စိန်၊ ရွှေ၊ ပုလဲ၊ ခဲ၊ ခဲမဖြူ၊ အဖြိုက်နက်၊ ကြေးနီ၊ ငွေ၊ ကျောက်မီးသွေး၊ သွပ်နှင့် အခြားတွင်းထွက်သတ္ထုများပါဝင်လေ့ရှိပြီး နိုင်ငံပိုင်နှင့် ပုဂ္ဂလိကပိုင်ကဏ္ဍများမှတဆင့် တင်ပို့ရောင်းချလေ့ရှိကြောင်း သိရသည်။

ထိုသို့တင်ပို့ရောင်းချရာတွင် ယခုဘဏ္ဍာနှစ်အတွင်း မြန်မာ့သတ္ထုတွင်းထွက်ပစ္စည်းများကို ပြည်ပနိုင်ငံများသို့ ပုဂ္ဂလိကပိုင် တင်ပို့ရောင်းချမှုမှ ကန်ဒေါ်လာသန်း ၂၀၀ ကျော်ရရှိထားပြီး နိုင်ငံပိုင်တင်ပို့ရောင်းချမှုမှ ကန်ဒေါ် လာသန်း ၃၂ သန်းကျော်ရရှိထားခြင်း ဖြစ်ကြောင်း သိရသည်။

#Local_News #မြန်မာ့သတ္ထုတွင်းထွက်ပစ္စည်း #ကန်ဒေါ်လာသန်း၂၃၀ ကျော်ရရှိ #YMG/ NN #Yangon-Times

'ကမ္ဘာ့နိုင်ငံရေးအပြောင်းအလဲကြောင့် ကမ္ဘာ့ရွှေအလှုပ်အခတ်ဖြစ်နေတယ်။ စိန်ဂယက်ကြောင့်‌အခေါက် ရွှေကိုင်သူများလာတယ်၊ ရွှေကိုလည်း စီးပွားဖြစ်လုပ်လာသူများလာတယ်၊ တက်ရင်ရောင်း၊ ကျရင်ဝယ်တဲ့ လှိုင်းလေးကိုလိုက်စီးသူများလာတယ်၊ လှိုင်းလေးတွေကို နားမလည်ရင်မကျွမ်းကျင်ရင် မစီးဖို့လိုတယ်၊‌ ဈေးတည်ငြိမ်တဲ့အချိန်မှ ဝယ်ပါ'
#Local_News
Published_ 14 February 2024
#ကျပ်ခြောက်သောင်းခန့်အထိကျဆင်း #မြန်မာ့ရွှေ‌ဈေးမတည်မငြိမ်ဖြစ်နေ
#YMG/NN #Yangon_Times

#Local_News
Published_ 14 February 2024

ပြီးခဲ့သည့် ပြည်ထောင်စုနေ့ရုံးပိတ်ရက်ကာလအတွင်း  ပုဂံဒေသသို့  ဘုရားဖူးများလာရောက်သူများပြားခဲ့သည့်အတွက် ဒေသခံနှင့် ဘုရားဖူးဝန်ဆောင်မှုလုပ်ငန်းလုပ်ကိုင်သူများ အဆင်ပြေကြောင်း သိရသည်။

'ဒီပြီးခဲ့တဲ့ပိတ်ရက်ကလာတဲ့ သူများတယ် ဟိုတယ်တွေလည်းပြည့်ကြတယ်၊ သိန်းကျော်ရှိတယ်လာကြတာ၊ ဘုရားဖူးများတော့ ဘာပဲပြောပြောကျွန်တော်တို့လို ခရီးသွားကိုမှီခိုလုပ်ကိုင်သူတွေ အဆင်ပြေတယ်၊ ဒေသခံအများစုဒါပဲလုပ်ကြတာကိုး၊ ဒီပိတ်ရက်ကသုံးရက်ဆက်တော့ အလာများတယ်ပေါ့၊ ကျွန်တော်တို့က လှမ်းချိတ်ဆက်ရင် ဟိုတယ်၊တည်းခိုခန်းစီစဉ်ပေးတယ်၊ လာရင်ကြိုတယ်၊ လိုက်ပို့တယ် ဓာတ်ပုံလေးတွေပါရိုက်ပေးတာ'  ဟု ခရီးသွားဝန်ဆောင်မှုလုပ်ငန်းလုပ်ကိုင်သူတစ်ဦးက ပြောသည်။

ဖေဖော်ဝါရီလ ၁၀ ရက်မှ  ၁၂ ရက် အထိ ရုံး၊ ကျောင်းများ သုံးရက် ဆက်တိုက်ပိတ်ခဲ့သည့်အတွက်  ပုဂံညောင်ဦးဒေသရှိ ဟိုတယ်၊ မိုတယ်များနှင့်  တည်းခိုခန်းများ၌လည်း အခန်းပြည့်သည်အထိ လာရောက်သူများပြားခဲ့ပြီး ဘုရားဖူးဧည့်သည် တစ်သိန်းနှစ်သောင်းကျော်အထိ လာရောက်ခဲ့ကြောင်း  သိရသည်။

ပုဂံရှေးဟောင်းယဉ်ကျေးမှုနယ်မြေရှိ ရွှေစည်းခုံစေတီ၊ လောကနန္ဒာ စွယ်တော်မြတ်စေတီ၊ ထီးလို မင်းလို၊ အလိုတော်ပြည့်၊ အာနန္ဒာ၊ ဗူးဘုရား၊ ဓမ္မရံကြီး၊ သဗ္ဗညု၊ ကန်တော့ပလ္လင် စသည့်  ဘုရားပုထိုးများတွင် ဘုရားဖူးလာရောက်သူ များပြားလေ့ရှိကြောင်းသိရသည်။

အလားတူ ချောင်းသာ၊ ငွေဆောင်စသည့်ကမ်းခြေဒေသများအပြင် ကျိုက်ထီးရိုးစေတီတော်၌လည်း စံချိန်တင်ဘုရားဖူးမြင့်တက်ခဲ့ကြောင်း သိရသည်။

#Local_News #ပုဂံသို့ဘုရားလာ‌ရောက်ဖူးမျှော်သူများပြား #YMG/NN #Yangon_Times

ဗဟိုဘဏ်မှ ကန်ဒေါ်လာ (၅.၃၈)သန်းထပ်မံရောင်းချပေး၊ ယခုလတွင်(၁၃.၃၈)သန်းရောင်းချပေးပြီးဖြစ်
မြန်မာနိုင်ငံတော်ဗဟိုဘဏ်က ‌ နိုင်ငံခြားငွေကြေးဈေးကွက်မှာ ဒီကနေ့ ဖေဖော်ဝါရီလ (၁၄)ရက်နေ့မှာအမေရိကန်ဒေါ်လာ(၅.၃၈)သန်းထုတ်ရောင်းချပေးလိုက်တယ်။ ယခုလတွင်(၁၃.၃၈)သန်းရောင်းချပေးပြီးဖြစ်တယ်။
#Local_News
Published_ 14 February 2024
#ကန်ဒေါ်လာ(၅.၃၈)သန်း #ထပ်မံရောင်းချပေး
#tthl #Yangon_Times