၁၇ ဖေဖော်ဝါရီ ၂၀၂၄

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က လူငယ်၊ လူရွယ်များအပေါ် မျှော်မှန်းချက်၊ ရည်မှန်းချက်များနှင့် ပတ်သက်ပြီး ပြောကြားခဲ့မှုနှင့်

ပြည်သူ့စစ်မှုထမ်းစနစ်ကိစ္စများကို သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ယနေ့ ဖေဖော်ဝါရီ ၁၇ ရက်နေ့တွင်  ထပ်မံရှင်းလင်းပြောကြားခဲ့ပါတယ်။

ပြောကြားချက်အပြည့်အစုံကိုဖော်ပြပေးပါတယ်။

@ymg/knl

ဆူဒန်ပြည်တွင်းစစ်ကြောင့် အင်တာနက်နှင့်ဆက်သွယ်ရေးကဏ္ဍ ပြတ်တောက်နေကာစီးပွားရေးကပ်ဘေးစိုးရိမ်နေရ

ဆူဒန်နိုင်ငံမှာ တိုက်ခိုက်မှုများ ဆက်လက်ဖြစ်ပွားနေပြီး အင်တာနက်နဲ့ ဆက်သွယ်ရေး ပြတ်တောက်မှုများ ဆိုးဆိုးရွားရွား ခံစားနေရပါတယ်။
#World_Crisis
Published 17 February 2024
#စီးပွားရေးကပ်ဘေးစိုးရိမ်နေရ #ဆူဒန်ပြည်တွင်းစစ်
#YMG_News #Yangon_Times #Yangon_Media_Group

#Daily_News
Published_ 17 February 2024

၁။ တောင်သူများ ဓာတ်မြေဩဇာအတွက် ကုန်ကျ စရိတ်(၄)ဆလျှော့ချနိုင်မည့်နည်းလမ်းရှိ

၂။ စိုက်ပျိုးထားသည့်သီးနှံများကြောင့် ဇရပ်ကြီးစစ်ရှောင်ပြည်သူအချို့ နေရပ်ကိုပြန်သွားဟုဆို

၃။ ဆူဒန်ပြည်တွင်းစစ်ကြောင့် အင်တာနက်နှင့်ဆက်သွယ်ရေးကဏ္ဍ ပြတ်တောက်နေကာ စီးပွားရေးကပ်ဘေးစိုးရိမ်နေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ဒီဒေသတွေမှာ စပါးပဲ အဓိကစိုက်ပျိုးကျတာ အခုရာသီကရိတ်သိမ်းချိန်ဖြစ်တော့ အချို့တောင်သူတွေက ဧကအများကြီးနဲ့  ရင်းထားရတော့ သူတို့သီးနှံတွေ ပျက်စီးဆုံးရှုံးမှာစိတ်ပူပြီး နေရပ်ကိုအရဲစွန့်ပြန်သွားကျတာ သီးနှံတွေ ရောင်းချမယ်ဆိုရင် သူတို့အတွက် သိန်းရာချီပြန်ရမှာဆိုတော့ သူတို့ဘဝရပ်တည်ရေးအတွက် အရေးကြီးတယ်လေ။
#Local_News
Published_ 17 February 2024
#ဆေးဝါးနှင့်အိုးခွက်ပန်းကန် #သီးနှံတွေပျက်စီးဆုံးရှုံး
#YMG/LW #Yangon_Times

တောင်သူများ ဓာတ်မြေဩဇာအတွက်ကုန်ကျ စရိတ်(၄)ဆလျှော့ချနိုင်တော့မည် " ဓာတုမြေဩဇာ‌တွေဟာပါဝင်အချိုးအစားပေါ်မူတည်ပြီး ကျပ်(၆)သောင်းမှ (၁)သိန်းခွဲပေါက်ဈေးရှိနေပြီး သဘာဝမြေဩဇာ ကတော့နှစ်သောင်းကျော် သုံးသောင်းကျော်ခန့်သာ ပေါက်ဈေးရှိလို အချို့(၄) အိတ်(၁)အိတ်ကွာတယ်"
စိတ်ကြိုက်မြေဩဇာ ဖြန့်ချိရောင်းချနေသည့်ကိုယ်စားလှယ်တစ်ဦး
#Local_News
Published_ 17 February 2024
#ဓာတ်မြေဩဇာ #ဖြန့်ချိရောင်းချနေသည့်ကိုယ်စားလှယ်
#tthl #Yangon_Times

#Local_News
Published_ 17 February 2024

နာမည်ကြီး တေးရေးဆရာဒီနေ့ပုဏ္ဏက(ခေါ်)ဦးကိုလေးသည် ယနေ့ဖေဖော်ဝါရီလ ၁၇ ရက် မွန်းတည့် ၁၂ နာရီခန့်အချိန်က ကွယ်လွန်သွားကြောင်း ဂီတအသိုင်းအဝိုင်းနှင့်သူ၏ မိတ်ဆွေများထံမှ သိရသည်။

"ညီတစ်ယောက်ကဲ့သို့ကျွန်တော်တို့ကိုချစ်ခင်သော တေးဂီတစာဆိုကြီး ဆရာဒီနေ့ပုဏ္ဏက ခံစားနေရသောရောဂါများအမြန်ဆုံးသက်သာ ပျောက်ကင်းသက်ရှည်ကျန်းမာပါစေ။ (ဆုတောင်းမပြည့်ပါ။ ဆရာပုဏ္ဏက ယနေ့နေ့လည် ၁၂နာရီက ကျွန်တော်တို့ကိုစွန့်ခွါသွားရှာခဲ့ပြီ)"ဟု စာရေးဆရာဟိန်းလတ်မှသူ၏ လူမှုကွန်ရက်စာမျက်နှာပေါ်၌ဖော်ပြထားသည်။

"တေးရေး ဒီနေ့ပုဏ္ဏက(ခ)ဦးကိုလေး ကွယ်လွန်ကြောင်းကြားသိရတဲ့အတွက် မြန်မာနိုင်ငံဂီအစည်းအရုံး(ဗဟို)အနေနဲ့အထူးစိတ်မကောင်းခြင်းများစွာဖြစ်ရပါတယ်။ ထင်ရှားကျော်ကြားတဲ့ခေတ်ပေါ်  မြန်မာသံတေးသီချင်းများနဲ့အောင်မြင်တဲ့တေးသံရှင်များ မွေးထုတ်ပေးခဲ့တဲ့တေးရေးပညာရှင်ကြီးဖြစ်တဲ့အတွက်လဲ အထူးပဲနှမျောတသစိတ်မကောင်းခြင်းများစွာဖြစ်ရပါတယ်။ တေးရေး ဒီနေ့ပုဏ္ဏကခေါ် ဦးကိုလေး အေးချမ်းရာမှာအနားယူနိုင်ပါစေ "ဟု မြန်မာနိုင်ငံဂီတအစည်းအရုံး(ဗဟို)မှလည်း ဝမ်းနည်းမှတ်တမ်း ထုတ်ပြန်ထားသည်။

ဒီနေ့ပုဏ္ဏကသည်မြန်မာ‌ တေးရေး၊ ဂီတစာဆို တစ်ဦးဖြစ်ပြီးကံ့ကော်တော မျိုးအောင်၊ ချိုပြုံး၊ ဘိုဘိုဟန် စသူတို့၏ နာမည်ကျော် တေးသီချင်းများကို ရေးစပ်ပေးခဲ့သူဖြစ်ကာ အဆိုတော် ချိုပြုံး သီဆိုသော "တိမ်ပလီနွေနှောင်း" သီချင်း သည် တေးရေးဆရာ ဒီနေ့ပုဏ္ဏက၏ လက်ရာ နာမည်ကျော် တေးတစ်ပုဒ်ဖြစ်သလို "ခပ်မိုက်မိုက်ချစ်ကြစို့"သီချင်းဖြင့်လည်း စတူဒီယိုခေတ်ဦးမှာရော ယနေ့ခေတ်၌ပါ တစ်ကျော့ပြန်နာမည်ကျော်ကြားလာသူဖြစ်ကြောင်းနှင့်ကွယ်လွန်ချိန်၌ အသက်(၈၀)ရှိပြီဖြစ်ကြောင်း သိရသည်။

#Local_News #နိုင်ငံကျော်တေးရေးဆရာ #ဒီနေ့ပုဏ္ဏကကွယ်လွန် #tthl #Yangon_Times

#Local_News
Published 17 February 2024

ချင်းပြည်နယ် ဖလမ်းမြို့အနီး အင်အား ၄ ဒသမ ၆ အဆင့်ရှိ ငလျင် လှုပ်ခတ်သွားကြောင်း မိုးလေဝသနှင့်ဇလဗေဒ ညွန်ကြားမှုဦးစီးဌာန၏ ထုတ်ပြန်ချက်အရ သိရသည်။

၂၀၂၄ ခုနှစ်၊ ဖေဖော်ဝါရီလ ၁၇ ရက်နေ့၊ မြန်မာစံတော်ချိန် (၁၀) နာရီ၊ (၂၅) မိနစ်၊ (၂၂) စက္ကန့် အချိန်တွင် လှုပ်ခတ်ခြင်းဖြစ်ကြောင်း သိရသည်။

မြေငလျင်စခန်းမှ တိုင်းတာချက်အရ ဟားခါးမြေငလျင်စခန်းမှ မြောက်ဘက် (၂၇) မိုင်ခန့်အကွာ၊ မြန်မာနိုင်ငံပြည်တွင်း (ဖလမ်းမြို့၏ မြောက်-အနောက်မြောက်ဘက် (၈) မိုင်ခန့်အကွာ)၊ မြောက်လတ္တီတွဒ် (၂၃.၀၂) ဒီဂရီ၊ အရှေ့လောင်ဂျီတွဒ် (၉၃.၆၅) ဒီဂရီ၊ အနက် (၉၄) ကီလိုမီတာကို ဗဟိုပြု၍ အင်အား ရစ်(ခ်)တာစကေး (၄.၆) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွား ​သည်ဟု တိုင်းထွာရရှိကြောင်း ထုတ်ပြန်ထားသည်။

#Local_News #အင်အား၄ဒသမ၆အဆင့် #မြေငလျင်လှုပ်ခတ် #YMG/LW #Yangon_Times

#Local_News
Published-17 February 2024

မန္တလေးနှင့် မကွေးတိုင်းဒေသကြီးရှိ လူဦးရေ ၁၂၀၀၀ ကျော်အတွက် သောက်သုံးရေသိုလှောင်ပမာဏ ဂါလံ(၆၂) သန်းကျော် သိုလှောင်ထားကြောင်း ဆည်မြောင်းနှင့်ရေအသုံးချမှုစီမံခန့်ခွဲမှုဦးစီးဌာန၊ ရေအရင်းအမြစ်ဌာနမှ သိရသည်။

အဆိုပါဒေသများသည် မိုးနည်းရေရှားဒေသကြီးများဖြစ်သောကြောင့် လာမည့်နွေရာသီတွင်အယ်လ်နီညိုဖြစ်စဉ် ကြိုတင်ကာကွယ်ရေးအတွက် သိုလှောင်ထားခြင်းဖြစ်ကြောင်း သိရသည်။

ထိုသို့သိုလှောင်ထားရာတွင် မန္တလေးတိုင်းဒေသကြီးတွင် ရေကန် (၇) ကန် ရေသိုလှောင်ထားနိုင်သည့်ပမာဏ ဂါလံ ၄၆ ဒသမ ၆၃ သန်း၊ မကွေးတိုင်းဒေသကြီးတွင် ရေကန် (၁၁) ကန် ရေသိုလှောင်ထားနိုင်သည့်ပမာဏ ဂါလံ ၁၅ ဒသမ ၅၆ သန်းကို  ဖော်ဆောင်ထားရှိပြီးဖြစ်ကြောင်း သိရသည်။

ထို့ပြင်မိုးနည်းရေရှားဒေသကြီးများဖြစ်သည့် မန္တ‌လေးနှင့်မကွေးတိုင်းများ၌ လာမည့် ၂၀၂၅ ခုနှစ်တွင်လည်း လူဦးရေ ၆၀၀ နီးပါးအတွက် ရေကန်များဖော်ဆောင်နိုင်ရန် စီစဉ်ထားကြောင်း သိရသည်။

#Local_News #သောက်သုံးရေသိုလှောင် #YMG/NN #Yangon-Times

#Local_News
Published_ 17 February 2024

မြန်မာနိုင်ငံသဘင်အစည်းအရုံး (ဗဟို)နာယကကြီးဖြစ်သော ရုပ်သေး၊ ရုပ်စုံပညာရှင်ကြီး ဦးစိန်ထွန်းကြည်ဖေဖော်ဝါရီလ(၁၆)ရက်တွင် ကွယ်လွန်သွားကြောင်း မြန်မာနိုင်ငံသဘင်အစည်းအရုံးမှ သိရသည်။

ဆရာကြီးသည်ကွယ်လွန်ချိန်တွင်  အသက် (၈၆) နှစ်ရှိပြီဖြစ်ပြီး မြန်မာနိုင်ငံ၏ ရုပ်သေးပညာရှင်ကြီး ဦးစိန်ထွန်းကြည်ဘဝတပါးသို့ ပြောင်းသွားကွယ်လွန်ကြောင်း ကြားသိရပါ၍ အစားထိုးမရသည့် ဆုံးရှုံးမှုအဖြစ်အထူးဝမ်းနည်းကြေကွဲရကြောင်း မြန်မာနိုင်ငံသဘင်အစည်းအရုံး (ဗဟို)မှ ထုတ်ပြန်ထားသည်။

"ရုပ်သေးဆရာကြီး ဦးစိန်ထွန်းကြည်ကွယ်လွန် သွားတယ်ဆိုတာ ဟုတ်ပါတယ်။ ဆရာကြီးဟာမြန်မာနိုင်ငံသဘင်အစည်းအရုံး (ဗဟို)ရဲ့နာယက တစ်ဦးဖြစ်သလို ဆရာကြီးက  ဆိုကရေးတီးပြိုင်ပွဲကြီးမှာ အကဲဖြတ်အဖြစ်ဆောင်ရွက်ပေးခဲ့တယ်။

နေပြည်တော်မှာ ဆိုကရေးတီးအတွက်ဆောင်ရွက်ပေးစဉ်က ဆရာကြီးအတွက် အစည်းအရုံးကရော နိုင်ငံတော်ကပါ ကျန်းမာရေးစောင့်ရှောက်မှုတွေ ပေးခဲ့တယ်။ သူနာမကျန်းဖြစ်ချိန်မှာရော ကွယ်လွန်ချိန်မှာပါ အစည်းအရုံးက ထောက်ပံ့မှုတွေပေးခဲ့ပါတယ်။ ဆရာကြီးဟာ မြန်မာနိုင်ငံသဘင်အစည်း အရုံး (ဗဟို)ရဲ့နာယက တစ်ဦးဖြစ်လို့ အစည်းအရုံးအနေနဲ့ သူ့အတွက်နောက်ဆုံး အခမ်းအနားလေးဆောင်ရွက်ပြီး စောင့်ရှောက်ပေးသွားမှာဖြစ်တယ်"ဟု YMG ကို ပြောသည်။

မြန်မာနိုင်ငံသဘင်အစည်းအရုံး (ဗဟို)နာယကကြီး ရုပ်စုံပညာရှင်ဦးစိန်ထွန်းကြည်၏ နာရေးအတွက် အလှူငွေ (၅၀၀,၀၀၀)ကျပ်တိတိကို ကျန်ရစ်သူမိသားစုထံထောက်ပံ့လှူဒါန်းခဲ့ကြောင်း သိရသည်။

#Local_News #မြန်မာ့ရုပ်သေး #ဦးစိန်ထွန်းကြည်ကွယ်လွန် #tthl #Yangon_Times

#Local_News
Published 17 February 2024

ထိုင်းနိုင်ငံသို့ တရားမဝင် ဝင်ရောက်လာသဖြင့် နှစ်အရက်အတွင်း ဖမ်းဆီးခံရသည့် မြန်မာနိုင်ငံသား အယောက် ၅၀ခန့်ရှိကြောင်း ထိုင်းနိုင်ငံရောက် မြန်မာအလုပ်သမားများထံက သိရသည်။

တရားမဝင် ဝင်ရောက်ခဲ့သည့် မြန်မာနိုင်ငံသား ၅၀ ဦးကို ကန်ချနဘူရီခရိုင်၊ရနောင်းခရိုင်နှင့် ဖိုးဖမြို့နယ်တို့၌ ဖေဖော်ဝါရီ ၁၃ ရက်နှင့် ၁၄ ရက်တို့တွင် ဖမ်းဆီးခံခဲ့ရကြောင်း သိရသည်။

ပြီးခဲ့သည့် ဖေဖော်ဝါရီ ၁၄ ရက်၊ နံနက် ၈ နာရီအချိန်ခန့်က ထိုင်းအာဏာပိုင်များသည် စံခလဘူရီမြို့အတွင်းသို့ တရားမဝင် မြန်မာအလုပ်သမားများအား ပစ်ကပ်ကား (၅) စီးဖြင့် တင်ဆောင်လာကြောင်း သတင်းအရ မြို့အဝင်/အထွက် နေရာ ၆ ခုတွင် ဂိတ်ချစစ်ဆေးမှုများ ပြုလုပ်ခဲ့ကြောင်း သိရသည်။

ထိုသို့ စစ်ဆေးစဥ် စစ်ဆေးရေးဂိတ်တစ်ခုသို့ ပစ်ကပ်ကား (၅)စီး ဝင်ရောက်လာသဖြင့် စစ်ဆေးတားဆီးရာ ကား (၃) စီးမှာ မောင်းနှင်ထွက်ပြေးသွားခဲ့၍ ကျန်ကား (၂) စီးကို စစ်ဆေးရာတွင် ယာဉ်မောင်း(၂)ဦးနှင့်အတူ ထိုင်းနိုင်ငံ ၌ အလုပ်လုပ်ကိုင်ရန် ဘုရားသုံးဆူဘက်မှတဆင့် တရာမဝင်ဝင်ရောက်လာသော မြန်မာနိုင်ငံသား အမျိုးသား ၁၄ ဦးနှင့်၊ အမျိုးသမီး ၃ ဦးတို့ကို တွေ့ရှိသဖြင့် ဖမ်းဆီးအရေးယူထားကြောင်း သိရသည်။

ထို့ပြင် ထိုင်း-မြန်မာ နယ်စပ်တွင် တာဝန်ကျနေသော လုံခြုံရေးအဖွဲ့ဝင်များ သည် ဖေဖော်ဝါရီ ၁၄ ရက် ည ၁၀ နာရီအချိန်ခန့်က ကင်းလှည့်နေစဉ် ဖိုးဖမြို့နယ်၊ ခီလီလတ်ကျေးရွာအနီးရှိ ငှက်ပျောတောအတွင်း ပုန်းအောင်းနေသည့် အမျိုးသား ၁၁ ဦးနှင့် အမျိုးသမီး ၁၆ ဦးတို့အား တွေ့ရှိရသဖြင့် ဖမ်းဆီး၍ စစ်ဆေးမှုများ ပြုလုပ်ခဲ့ကြသည်။

ထိုသို့ စစ်ဆေးရာ ဖမ်းဆီးရမိသူများသည် ကရင်ပြည်နယ်၊ မြဝတီခရိုင်မြို့မှတစ်ဆင့် သောင်ရင်းမြစ်အား ဖြတ်ကူး၍ ထိုင်းနိုင်ငံ၌ အလုပ်လုပ်ကိုင်ရန် တရားမဝင် ဝင်ရောက်လာခြင်းဖြစ်ကြောင်း ဖော်ထုတ်သိရှိခဲ့ရသဖြင့် ဖိုးဖရဲစခန်းသို့ပို့ ဆောင်ပေးခဲ့ကြကြောင်း သိရသည်။

ဖေဖော်ဝါရီ ၁၃ ရက်ကလည်း ရနောင်းအခြေစိုက်၊ အမှတ် (၂၅) ခြေလျင်တပ်ရင်းမှ တပ်ဖွဲ့ဝင်များသည် ရနောင်းခရိုင်၊ စွတ်ဆန်လန်မြို့နယ်အတွင်း နယ်မြေလုံခြုံရေးအတွက် ကင်းလှည့်နေစဉ် မသင်္ကာဖွယ်ရာ ဆိုင်ကယ် (၄) စီးကို တွေ့ရှိခဲ့သဖြင့် တားစီးစစ်ဆေးခဲ့ရာ ဆိုင်ကယ်(၄)စီးပေါ်တွင် စွတ်ဆန်လန်မြို့နယ်၊ နာခါကျေးရွာရှိ ပါဒဲ့လှေဆိပ်မှတဆင့် ဖန်ငါခရိုင်၊ ခုလဘူရီမြို့သို့သွားရောက်မည့် တရားဝင် အထောက်အထားစာရွက်စာတမ်းမပါရှိသော မြန်မာနိုင်ငံသား ၆ ဦးကို တွေ့ရရှိသဖြင့် ဆိုင်ကယ်မောင်းနှင်သူများနှင့် မြန်မာနိုင်ငံသားမျးအား စွတ်ဆန်လန်ရဲစခန်းတွင် ဖမ်းဆီးထားကြောင်း သိရသည်။

ထိုင်းနိုင်ငံအတွင်းသို့ တရားမဝင်ဝင်ရောက်ခဲ့သည့် မြန်မာနိုင်ငံသား(၅၀)ဦးအား သက်ဆိုင်ရာ နယ်မြေရဲစခန်းများမှ တရားမဝင်ဝင်ရောက်မှုဖြင့် အမှုဖွင့်အရေးယူထားကြောင်း သိရသည်။

#Local_News #နှစ်ရက်အတွင်း ဖမ်းဆီးခံရ #မြန်မာနိုင်ငံသား ၅၀ဦးခန့်ရှိ #YMG/LW #Yangon_Times

#Local_News
Published-17 February 2024

ဂျပန်နိုင်ငံရှိ ကုမ္ပဏီများ၊ စက်ရုံ၊ အလုပ်ရုံများတွင် လုပ်ကိုင်ရန်အတွက် မြန်မာနိုင်ငံမှ လုပ်သား ၉၃၇ ဦး ခေါ်ယူမည်ဖြစ်ကြောင်း တိုကျိုမြို့ရှိ မြန်မာသံရုံးမှ ထုတ်ပြန်ထားသည်။

ဖေဖော်ဝါရီလ ၁ ရက်မှ ဖေဖော်ဝါရီလ ၁၅ ရက်အတွင်း စိစစ်ပြီး နိုင်ငံခြားရေးဝန်ကြီးဌာနသို့ ပေးပို့ ပြန်ကြားခဲ့သည့်  အလုပ်ကမ်းလှမ်းစာ ၃၀၂ ခုမှ အလုပ်သမားကျား၊မ စုစုပေါင်း ၉၃၇ ဦးကိုခေါ်ယူမည်ဖြစ်ကြောင်း သိရသည်။

မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာန ၊ နိုင်ငံခြားရေးဝန်ကြီးဌာနမှတစ်ဆင့် ပေးပို့လာသည့်  အလုပ်ကမ်းလှမ်းစာ( Demand Letter ) များကို စိစစ်ဆောင်ရွက်ပေးလျက်ရှိပြီး ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့်  စက်ရုံ/ ကုမ္ပဏီများနွင်  ဂျပန်နိုင်ငံ၌  တရားဝင်တည်ထောင်ထားခြင်း ရှိ/ မရှိ စာရွက်စာတမ်းအထောက်အထားများစိစစ်ပြီး စိစစ်တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီးဌာနမှတဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိကြောင်း သိရသည်။

#Local_News #ဂျပန်ခေါ်ယူ #မြန်မာအလုပ်သမား #YMG/NN #Yangon_Times

#World_News
Published 17 February 2024

အမေရိကန်သမ္မတဟောင်း ဒေါ်နယ်ထရမ့်နဲ့ ထရမ့်အဖွဲ့အစည်းအနေနဲ့ တရားမလိမ်လည်မှုနဲ့ ပတ်သက်ပြီး ဒေါ်လာ ၃၅၅ သန်းနီးပါး ဒဏ်ကြေးပေးဆောင်ရန် နယူးယော့ခ်တရားသူကြီးတစ်ဦးက သောကြာနေ့မှာ အမိန့်ချမှတ်လိုက်ပါတယ်။

စာမျက်နှာ ၉၀ ပါ တရားစီရင်ချက်မှာ ထရမ့်ကို နယူးယော့ခ်ပြည်နယ်မှာ ကုမ္ပဏီညွှန်ကြားရေးမှူးအဖြစ်မှ ၃ နှစ်တိုင် လုပ်ကိုင်ခွင့်ပိတ်ပင်လိုက်ပါတယ်။

သူ့ရဲ့သားတွေဖြစ်တဲ့ ဒေါ်နယ်ထရမ့် ဂျူနီယာနဲ့ အဲရစ်ထရမ့်တို့ကိုလည်း တစ်ဦးကို ဒေါ်လာ ၄ သန်းစီ ပေးဆောင်ရန် အမိန့်ချမှတ်လိုက်ပါတယ်။

ဒါ့အပြင် ညွှန်ကြားရေးမှူးအဖြစ်မှ ၂ နှစ်တိုင် လုပ်ကိုင်ခွင့် ပိတ်ပင်လိုက်ပါတယ်။

ဒေါ်နယ်ထရမ့်နဲ့ သားနှစ်ယောက်တို့ဟာ ယင်းတို့ရဲ့ ပိုင်ဆိုင်မှုတန်ဖိုးတွေကို ဒေါ်လာ သိန်းနဲ့ချီ အဆမတန် ဈေးမြှင့်တင်ခဲ့တယ်လို့လည်း ဇန်နဝါရီလက အမှုစစ်ဆေးချက်မှာ တွေ့ရှိထားပါတယ်။

ဒါပေမဲ့ ထရမ့်တို့ကတော့ ဘာအမှားမှ မလုပ်ထားဘူးလို့ ငြင်းဆိုပါတယ်။

ဒေါ်နယ်ထရမ့်ကတော့ ဒီအမှုဟာ ယင်းအပေါ် လိမ်လည်တာသာဖြစ်ပြီး နိုင်ငံရေးအရ တိုက်ခိုက်ခြင်းသာ ဖြစ်တယ်လို့ သတ်မှတ်လိုက်ပါတယ်။

၂၀၂၃ မှာ လနဲ့ချီအောင် ငြင်းခုံခဲ့ကြတဲ့အမှု ပိတ်သိမ်းပြီးနောက် သီတင်းပတ်အနည်းငယ် အကြာမှာပဲ တရားသူကြီး အာသာအင်ဂိုရန်က ယခုလို ဆုံးဖြတ်လိုက်တာ ဖြစ်ပါတယ်။

ဘဏ္ဍာရေးအရာရှိ အကြီးအကဲဟောင်း အယ်လန်ဝစ်ဆယ်ဘာ့ဂ်ကို ဒေါ်လာ ၁ သန်းပေးဆောင်ရန်နဲ့ နယူးယော့ခ်စီးပွားရေးကနေ ၃ နှစ်အထိ ပိတ်ပင်လိုက်ပါတယ်။

ထရမ့်ရဲ့စီးပွားရေးကို ကြီးကြပ်ရန် ခန့်အပ်ထားတဲ့ သီးခြားစောင့်ကြည့်သူကိုလည်း ၃ နှစ်တိုင် ဆက်လက်တာဝန်ပေးထားကြောင်း တရားသူကြီးက ဆိုပါတယ်။

ထရမ့်ရဲ့ရှေ့နေ အယ်လီနာဟက်ဘာက ထိုတရားစီရင်ချက်ကို တရားမျှတမှုမရှိဘဲ ဒေါ်နယ်ထရမ့်ကို နိုင်ငံရေးအရ ဖြုတ်ချဖို့ရည်ရွယ်တဲ့ စီရင်ချက်သာဖြစ်ကြောင်း သတ်မှတ်လိုက်ပါတယ်။

ဒေါ်လာ ၃၅၄.၈ သန်း ဒဏ်ကြေးနဲ့ စာရေးဆရာမ ရှောင်ကာရိုးလ်ကို အသရေဖျက်မှုဖြင့် ဒေါ်လာ ၈၃.၃ သန်း ပေးဆောင်ရန် ချမှတ်ခဲ့တာကြောင့် ဒေါ်နယ်ထရမ့်ရဲ့ ဘဏ္ဍာရေးရပ်တည်မှုကို ထိခိုက်လာစေနိုင်ပါတယ်။

#World_News #ဒေါ်နယ်ထရမ့် #ဒေါ်လာ(၃၅၅)သန်းဒဏ်ကြေးပေးဆောင်ရ #Source: NDTV