၂၀ ဖေဖော်ဝါရီ ၂၀၂၃

ပြည်သူ့စစ်မှုထမ်းများကို ခေါ်ယူတဲ့နေရာမှာ အမျိုးသမီးများကို ခေါ်ယူဖို့ လတ်တလော အစီအစဉ်မရှိသေး ကြောင်း ဗိုလ်ချုပ်ဇော်မင်းထွန်းကပြောကြားပါတယ်။

ပြည်သူ့စစ်မှုထမ်းဥပဒေဆိုင်ရာ ထပ်မံအသိပေးလိုသည့်အချက်များနှင့် ပတ်သက်၍ နစက သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ် ဇော်မင်းထွန်းက ယနေ့ဖေဖော်ဝါရီ ၂၀ရက်တွင်ပြောကြားရာ၌ ယင်းကဲ့သို့ အသိပေး ပြောကြားခဲ့တာဖြစ်ပါတယ်။

ဗိုလ်ချုပ်ဇော်မင်းထွန်း၏ ရှင်းလင်းပြောကြားချက်အပြည့်အစုံကို ဖော်ပြပေးအပ်ပါတယ်။

@ymg/knl

၂၀ ဖေဖော်ဝါရီ ၂၀၂၄

မြန်မာနိုင်ငံ၏ ရေအားနှင့်နေရောင်ခြည် စွမ်းအင်သုံးလျှပ်စစ်ဓာတ်အား ထုတ်လုပ်မှု လုပ်ငန်းများတွင် ရုရှားနိုင်ငံက ပူးပေါင်းဆောင်ရွက်သွားမည့် အခြေအနေများကို နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် ရုရှားဖက်ဒရေး   ရှင်းနိုင်ငံ၊ နိုင်ငံခြားရေးဝန်ကြီးဌာန ဒုတိယဝန်ကြီး  Mr. Andrey Rudenkoတို့ ဆွေးနွေးခဲ့ကြပါတယ်။

နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ ရုရှားဖက်ဒရေးရှင်းနိုင်ငံ၊ နိုင်ငံခြားရေး ဝန်ကြီးဌာန ဒုတိယဝန်ကြီးMr. Andrey Rudenko ဦးဆောင်တဲ့ကိုယ်စားလှယ်အဖွဲ့ကယနေ့ဖေဖော်ဝါရီ ၂၀ ရက်   မွန်းလွဲပိုင်းတွင် နေပြည်တော်ရှိ နစကဥက္ကဋ္ဌရုံး သံတမန်ဆောင်ဧည့်ခန်းမ၌ လာရောက်ဂါရဝပြုတွေ့ဆုံစဉ် ဆွေးနွေးခဲ့ကြခြင်းဖြစ်ပါတယ်။

ထိုသို့တွေ့ဆုံရာတွင် မြန်မာ-ရုရှား နှစ်နိုင်ငံအကြားရှည်ကြာခိုင်မြဲသည့် သံတမန်ဆက်ဆံမှုများ ချစ်ကြည် ရင်းနှီးမှု နှင့်ပူးပေါင်းဆောင်ရွက်မှုများ ပိုမိုတိုးတက်ကောင်းမွန်လာမှုအခြေအနေများ၊ နှစ်နိုင်ငံအကြား ခရီးသွားလုပ်ငန်း  များနှင့် ကုန်သွယ်မှုလုပ်ငန်းများတိုးတက်စေရေးအတွက် လေကြောင်းခရီးစဉ်များ ပြေးဆွဲလျက်ရှိမှုအခြေအနေ များကို ဆက်လက်ဆွေးနွေးခဲ့ကြတယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

ယင်းအပြင်နျူကလီးယား နည်းပညာကို ငြိမ်းချမ်းစွာအသုံးချရေးအတွက် ပူးပေါင်းဆောင်ရွက်လျက်ရှိမှု အခြေအနေများ၊ လူမှုရေးကဏ္ဍနှင့် ပညာရေးကဏ္ဍများ တိုးတက်ရေးတို့တွင်ပူးပေါင်း ဆောင်ရွက်လျက်   ရှိမှုအခြေအနေများ၊ မြန်မာနိုင်ငံအတွက်လိုအပ်သည့်ဓာတ်မြေဩဇာများလုံလောက်စွာရရှိရေးနှင့်နှစ်နိုင်ငံအကြား  ချစ်ကြည်ရင်းနှီးမှုနှင့်ပူးပေါင်းဆောင်ရွက်မှုများ ယခုထက်ပိုမိုတိုးတက်အောင် ဆက်လက်ဆောင်ရွက်သွားမည့် ကိစ္စရပ်များကိုလည်းဆွေးနွေးခဲ့ကြကြောင်းသတင်းထုတ်ပြန်ထားပါတယ်။

တွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယဝန်ကြီး

ချုပ်နှင့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးလွင်ဦးနှင့် တာဝန်ရှိသူများတက်ရောက်ကြပြီး ရုရှားဖက်ဒရေးရှင်းနိုင်ငံ၊ နိုင်ငံခြားရေးဝန်ကြီးဌာန ဒုတိယ  ဝန်ကြီးနှင့်အတူ မြန်မာနိုင်ငံဆိုင်ရာရုရှားနိုင်ငံသံအမတ်ကြ Mr. Iskander Azizov နှင့် တာဝန်ရှိသူများ တက်ရောက်  ခဲ့ကြပါတယ်။

@ymg/knl

တောင်အာဖရိက သတ္တုတူးဖော်ရေးကဏ္ဍ ပြောင်းလဲရေးမှာ လူလုပ်အသိဉာဏ်တု(AI)က လျင်မြန်စွာ တိုးတက်အသုံးဝင်လာပြီး အလုပ်သမားများရဲ့ ဘေးကင်းစိတ်ချရေး၊ ပတ်ဝန်းကျင် ရေရှည်တည်တံ့ရေးတို့ကို မြှင့်တင်လာပါတယ်။
တောင်အာဖရိက သတ္တုတူးဖော်ရေးကဏ္ဍမှာ လုပ်သားပေါင်း ၄ သိန်းခွဲခန့်ရှိနေရာ ဘေးကင်းစိတ်ချရရေးက အဓိကစိုးရိမ်စရာ ဖြစ်နေပါတယ်။
#World_Industry
#Published_ 20 February 2024
#YMG_News #Yangon_Times #Yangon_Media_Group

၂၀ ဖေဖော်ဝါရီ ၂၀၂၄

မြန်မာနိုင်ငံ၏ငြိမ်းချမ်းရေးတွေ့ဆုံဆွေးနွေးညှိနှိုင်းမှုများနှင့် ငြိမ်းချမ်းရေး လုပ်ငန်းစဉ်များတွင် တရုတ်နိုင်ငံအနေ   ဖြင့် ကူညီဆောင်ရွက်ပေးလျက်ရှိမှုအခြေအနေများကို နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့် တရုတ်နိုင်ငံ ယူနန်ပြည်နယ်အုပ်ချုပ်ရေးမှူး Mr. Wang Yubo တို့ ဆွေးနွေးခဲ့ကြကြောင်းသိရှိရသည်။

နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ထံ တရုတ်နိုင်ငံ၊ ယူနန်ပြည်နယ်၊ ဒုတိယ  ပါတီ  အတွင်းရေးမှူးနှင့်ပြည်နယ်အုပ်ချုပ်ရေးမှူး Mr. Wang Yubo ဦးဆောင်သည့် ကိုယ်စားလှယ်အဖွဲ့သည် ယနေ့ ဖေဖော်ဝါရီ ၂၀ ရက် နံနက်ပိုင်းတွင် နေပြည်တော်ရှိ နစကဥက္ကဋ္ဌရုံး၊ သံတမန်ဆောင်ခန်းမ၌ လာရောက်ဂါရဝပြု တွေ့ဆုံစဉ် ဆွေးနွေးပြောဆိုခဲ့ကြခြင်းဖြစ်သည်။

ဗိုလ်ချုပ်မှူးကြီးနှင့်ယူနန်ပြည်နယ်အုပ်ချုပ်ရေးမှူးတို့သည် နှစ်နိုင်ငံအကြား နိုင်ငံတော်အဆင့်ပုဂ္ဂိုလ်များနှင့် အဆင့်မြင့်အရာရှိကြီးများ ချစ်ကြည်ရေးခရီးများအပြန် အလှန်သွားရောက်ခဲ့မှုနှင့် နှစ်နိုင်ငံပူးပေါင်းဆောင်ရွက်မှုနှင့် ချစ်ကြည်ရင်းနှီးမှုများ တိုးတက်စေရေး ဆက်လက်၍လည်းအပြန်အလှန်သွားရောက်မည့်အခြေအနေများ၊ နှစ်နိုင်ငံအကြား နိုင်ငံရေးပိုင်းဆိုင်ရာယုံကြည်မှု ပိုမိုတိုးတက်လာစေရေးနှင့် စီးပွားရေးဆိုင်ရာဆက်သွယ်ဆက်ဆံမှု ပိုမိုမြှင့်တင်နိုင်ရေး အစိုးရချင်း ဆောင်ရွက်ရန် လိုအပ်မှုအခြေအနေများကိုဆွေးနွေးခဲ့ကြကြောင်း နစက၏ သတင်းထုတ်ပြန်ချက်အရသိရှိရသည်။

ယင်းအပြင်မြန်မာနိုင်ငံနှင့်ယူနန်ပြည်နယ်အကြား နယ်နိ မိတ်ထိစပ်မှုအများဆုံးဖြစ်ပြီး နှစ်နိုင်ငံကုန်သွယ်မှုများ  တိုးမြှင့်ဆောင်ရွက်နိုင်ရေးအတွက် နယ်စပ်ဒေသကုန်သွယ်မှုနှင့် ကုန်စည်စီးဆင်းမှုများပြန်လည်ကောင်းမွန်လာ စေရေးဆောင်ရွက်ရမည့်အခြေအနေများ၊ နယ်စပ်ဖြတ်ကျော် တရားဥပဒေစိုးမိုးရေးနှင့် တည်ငြိမ်အေးချမ်း  ရေးအတွက် ကျယ်ကျယ်ပြန့်ပြန့် ထိထိရောက်ရောက် ဆောင်ရွက်ရန်လိုအပ်မှုအခြေအနေများ၊ နယ်စပ်ဒေသတွင် အွန်လိုင်းလောင်းကစားမှုနှင့် အွန်လိုင်းလိမ်လည်မှုများပပျောက်စေရေးအတွက် နှစ်နိုင်ငံပူးပေါင်းဆောင်ရွက်ခဲ့မှု အခြေအနေများနှင့် ဆက်လက်၍လည်း ပူးပေါင်းဆောင်ရွက်သွားမည့်အခြေအနေများကိုလည်း ဆက်လက်ဆွေး နွေးခဲ့ကြသည်ဟုသတင်းထုတ်ပြန်ချက်တွင်ဖော်ပြထားသည်။

ဗိုလ်ချုပ်မှူးကြီးသည် ယူနန်ပြည်နယ်အုပ်ချုပ်ရေးမှူးနှင့် မူးယစ်ဆေးဝါးတားဆီးကာကွယ် နှိမ်နင်းရေးအတွက် နှစ်နိုင်ငံအကြားပူးပေါင်းဆောင်ရွက်သွားရန်လိုအပ်မှုအခြေအနေများ၊ မြန်မာနိုင်ငံ၏ စိုက်ပျိုးမွေးမြူရေးလုပ်ငန်း  များတိုးတက်စေရေးအတွက် ယူနန်ပြည်နယ်အနေဖြင့် နည်းပညာအကူအညီများပေးအပ်သွားမည့် အခြေအနေ  များ၊နယ်စပ်ဒေသကုန်သွယ်မှုများ ဆောင်ရွက်ရာတွင်မြန်မာကျပ်ငွေနှင့် တရုတ်ယွမ် တို့အား တိုက်ရိုက်ပေးချေ ခြင်းကြောင့် ကုန်သွယ်မှုများပိုမိုအဆင်ပြေချောမွေ့သည့် အခြေအနေများ၊ နှစ်နိုင်ငံကုန်သွယ်မှုအတွက် အဓိက   အရေးပါသည့် ရထားလမ်းများ တည်ဆောက်နိုင်ရေး ဆောင်ရွက်လျက်ရှိမှုနှင့် မော်တော်ကားလမ်းများ လမ်းပန်း  ဆက်သွယ်မှုချောမွေ့စေရေး ဆောင်ရွက်လျက်ရှိမှုအခြေအနေများနှင့် နှစ်နိုင်ငံအကြား လျှပ်စစ်ဓာတ်အား ထုတ်  လုပ်ရေးကဏ္ဍ၊ စွမ်းအင်ကဏ္ဍ၊ လယ်ယာစိုက်ပျိုးရေးကဏ္ဍ၊ ပန်းမန်စိုက်ပျိုးရေးကဏ္ဍနှင့် အခြားကဏ္ဍ    ပေါင်းစုံ၌ ပူးပေါင်းဆောင်ရွက်မှုများ ဆက်လက်တိုးမြှင့်ဆောင်ရွက်သွားမည့် အခြေအနေများကိုလည်း ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သတင်းထုတ်ပြန်ထားသည်။

အဆိုပါတွေ့ဆုံပွဲသို့ ဗိုလ်ချုပ်မှူးကြီးနှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ ဒုတိယ  ဝန်ကြီးချုပ်နှင့် နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးသန်းဆွေ၊ စီးပွားရေးနှင့်ကူးသန်းရောင်းဝယ်ရေး   ဝန်ကြီးဌာန ပြည်ထောင်စုဝန်ကြီး ဦးထွန်းအုံနှင့် တာဝန်ရှိသူများတက်ရောက်ကြပြီး တရုတ်နိုင်ငံ၊ ယူနန်ပြည်နယ်၊ ဒုတိယပါတီအတွင်းရေးမှူးနှင့် ပြည်နယ်အုပ်ချုပ်ရေးမှူးနှင့်အတူ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီးMr. Chen Hai နှင့် တာဝန်ရှိသူများ တက်ရောက်ခဲ့ကြကြောင်းသတင်းရရှိသည်။

@ymg/knl

#Daily_News
Published_ 20 February 2024

၁။ ချင်းရိုးရာချည်ထည်နှင့် ရိုးရာဆွဲကြိုးများကို မလေးရှား၊ စင်ကာပူနှင့် USAနိုင်ငံတို့မှ စိတ်ဝင်စားပြီးမှာယူနေ

၂။ ပြည်ထောင်စုတံခွန်စိုက်ဖလား မြန်မာ့ရိုးရာမြင်းစီးပြိုင်ပွဲ ဗိုလ်လုပွဲ၊ ဆု‌ပေးပွဲနှင့် မြင်းလေလံပွဲပြုလုပ်

၃။ ကြက်သွန်နီဈေး မြင့်တတ်သော်လည်း ရန်ကုန်ဈေးကွက်တွင် အရောင်းဝယ် အနည်းငယ် သွက်နေဟုဆို

၄။ တောင်အာဖရိက သတ္တုတူးဖော်ရေးလုပ်ငန်း၏ ဘေးကင်းစိတ်ချရေးကို တိုးတက်လာစေသည့် AIနည်းပညာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၂၀ ဖေဖော်ဝါရီ ၂၀၂၄

BRICS ငွေကြေးကိုမြန်မာနိုင်ငံက စိတ်ဝင်စားပြီး ယင်းအဖွဲ့အစည်းကို လေ့လာနေကြောင်း မြန်မာနိုင်ငံ ရင်းနှီး    မြှုပ်နှံမှုနှင့် နိုင်ငံခြားစီးပွားရေးဆက်သွယ်ရေးပြည်ထောင်စုဝန်ကြီး ဒေါက်တာကံဇော်က Sputnik မီဒီယာကို အင်္ဂါနေ့(ဖေဖော်ဝါရီ၂၀ရက်)က ပြောကြားခဲ့သည်။

"၂၀၂၃ ခုနှစ် မေလမှစတင်၍ မြန်မာနိုင်ငံဟာ SCO [Shanghai ပူးပေါင်းဆောင်ရွက်ရေးအဖွဲ့အစည်း] တွင် ဆွေးနွေးရေးမိတ်ဖက်နိုင်ငံအဖြစ် အသိအမှတ်ပြုခံခဲ့ရပါတယ်။ BRICS နှင့်ယင်းရဲံ ဖွံ့ဖြိုးတိုးတက်မှုကိုလည်း ကျွန်တော်တို့ လေ့လာနေပါတယ်။ အဲဒီအပြင် BRICS နှင့် တစ်ခုတည်းသော   BRICS ငွေကြေးခြင်းတောင်း ဦးစီးဦးရွက်ပြုဆောင်ရွက်နေမှုကိုလည်း စိတ်ဝင်စားပါတယ်" ဟု ဝန်ကြီးက Sputnik အင်တာဗျူးတွင် ဖြေကြား ခဲ့သည်။

၂၀၂၂ ခုနှစ် ဇွန်လတွင် ရုရှားသမ္မတ ဗလာဒီမာပူတင်က BRICS စီးပွားရေးဖိုရမ်တွင် အဓိက ထွန်းသစ်စနိုင်ငံကြီးငါးနိုင်ငံသည် အပြန်အလှန်ကုန်သွယ်မှုBRICS ငွေကြေးအပေါ်အခြေခံ၍ နိုင်ငံတကာ အရန်ငွေကြေးစနစ်တစ်ခု ထူထောင်သင့်သည်ဟု ပြောကြားခဲ့သည်။ ထိုသို့သော ငွေကြေးစနစ်တစ်ခုကို ဖန်တီးရန် အဖွဲ့အတွက် နှစ်ပေါင်းများစွာ အချိန်ယူရမည်ဖြစ်သော်လည်း နောက်ဆုံးရလဒ်အဖြစ် ပြိုင်ဖက်အနောက်နိုင်ငံ ဒေါ်လာစနစ်နှင့် BRICS ငွေကြေးခြင်းတောင်းတို့ ဟန်ချက်ညီမှုရရှိနိုင်ဖွယ်ရှိသည်။

၂၀၂၃ ခုနှစ်သြဂုတ်လတွင်ရုရှားကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်ဥက္ကဋ္ဌ Sergey Katyrin က Sputnik သို့ပြောကြားရာတွင် နိုင်ငံ ၅၀ နီးပါးသည် BRICS တွင်ပါဝင်ရန် သဘောတရားအရ စိတ်ဝင်စားကြောင်းဖော်ပြခဲ့ပြီး ၁၇နိုင်ငံ သည်တရားဝင်လျှောက်လွှာတင်ထားပြီးဖြစ်သည်။

၂၀၂၃ ခုနှစ် စက်တင်ဘာလတွင်၊ ပထဝီနိုင်ငံရေးလေ့လာသုံးသပ်သူ Pepe Escobar က BRICS အဖွဲ့၏ အဓိက ထွန်းသစ်စနိုင်ငံကြီးများဖြစ်သည့် ဘရာဇီး၊ ရုရှား၊ အိန္ဒိယ၊ တရုတ်နှင့် တောင်အာဖရိကနိုင်ငံများသည် အပြန်   အလှန်ကုန်သွယ်မှုတိုးမြှင့်ပြီး ပိုမိုလွတ်လပ်လာစေရန်အတွက် နိုင်ငံသုံးငွေကြေးများနှင့်ငွေပေးချေရာတွင် ပေါင်းစည်း ငွေပေးချေမှု ယန္တယားစနစ်တစ်ခုကို အတူတကွလုပ်ဆောင်သင့်ကြောင်းSputnik သို့ ပြောကြားခဲ့သည်။

ဇန်နဝါရီ ၁ ရက်တွင် အီဂျစ်၊ အီသီယိုးပီးယား၊ အီရန်၊ အာရပ်စော်ဘွားများ ပြည်ထောင်စုနှင့် ဆော်ဒီအာရေဗျတို့သည် BRICS ၏တင်းပြည့်အဖွဲ့ဝင်နိုင်ငံများဖြစ်လာခဲ့သည်။

Source- Sputnik

@ymg/knl

၂၀ ဖေဖော်ဝါရီ ၂၀၂၄

ရုရှားသမ္မတ ဗလက်ဒီမာပူတင်က မြောက်ကိုရီးယားခေါင်းဆောင် ကင်မ်ဂျုန်အမ်ကို ရုရှားနိုင်ငံထုတ်ဇိမ်ခံကား Aurus ကား   တစ်စီးကို ကိုယ်ရေးကိုယ်တာသုံးဖို့ လက်ဆောင်ပေးလိုက်တယ်လို့ မြောက်ကိုရီးယား နိုင်ငံပိုင်မီဒီယာက အင်္ဂါနေ့ ဖေဖော်ဝါရီ ၂၀ရက်မှာ ကြေညာပါတယ်။

အဲဒီလက်ဆောင်ကို မြောက်ကိုရီးယားခေါင်းဆောင်ရဲ့ နှမ ကင်မ်ယိုဂျုန်နှင့်  အာဏာရ ကိုရီးယားလုပ်သားပါတီ ဗဟိုကော်မတီ အတွင်းရေးမှူး ပတ်ဂျုန်ချွန်တို့က တနင်္ဂနွေနေ့မှာ လက်ခံရရှိခဲ့တာဖြစ်ပါတယ်။ ဘယ်နေရာမှာလက်ခံခဲ့သလဲဆိုတာကိုတော့ ကိုရီးယားဗဟိုသတင်းအေဂျင်စီရဲ့ထုတ်ပြန်ချက်ထဲမပါရှိပါဘူး။

မြောက်ကိုရီးယားခေါင်းဆောင်ကင်မ်ဟာ ပြီးခဲ့တဲ့ စက်တင်ဘာလက ရုရှား အရှေ့ဖျားကိုသွားရောက်လည်ပတ်ခဲ့စဉ်မှာ Aurus ကားကို စစ်ဆေးကြည့်ရှုပြီး နောက်ခုံမှာဝင်ထိုင်ကြည့်ခဲ့တဲ့အကြောင်း ရုရှားရဲ့တပ်စ်သတင်းအေဂျင်စီက သတင်းထုတ်ပြန်ခဲ့ ပါတယ်။

ကုလသမဂ္ဂလုံခြုံရေးကောင်စီက မြောက်ကိုရီးယားနိုင်ငံရဲ့ ဒုံးကျည်နှင့်နျူကလီးယားအစီအစဉ်တွေကြောင့် ကားတွေအပါ အဝင် ဇိမ်ခံပစ္စည်းတွေ မြောက်ကိုရီးယားထံတင်ပို့ခြင်းတားမြစ်ထားခဲ့ပါတယ်။

ကင်မ်ယိုဂျုန်က သူမအစ်ကိုရဲ့ကျေးဇူးတင်စကားကို ပူတင်ထံ ပြောကြားခဲ့ပါတယ်။ အဲဒီလက်ဆောင်ဟာ ခေါင်းဆောင်နှစ်ဦးရဲ့ ပုဂ္ဂိုလ်ရေး အထူးခင်မင်ရင်းနှီးမှုကိုပြသနေတာဖြစ်တယ်လို့လည်း သူမကပြောပါတယ်။

ရုရှားနှင့်မြောက်ကိုရီးယားတို့ဟာ ဆက်ဆံရေးတွေတိုးမြှင့်လာနေပြီး ပြုုံယမ်းဟာ မော်စကိုသို့ စစ်လက်နက်ခဲယမ်းမီးကျောက် တွေတင်ပို့ပေးနေတယ်လို့အမေရိကန်က စွပ်စွဲထားတာဖြစ်ပါတယ်။

Source BKK Post

Published 20 February 2024

ကရင်ပြည်နယ်၊ ဘားအံမြို့နယ်၊ မိဇံကျေးရွာတွင်ဧက ၁၀၀နီးပါးရှိသည့်မြေနေရာ၌  မွေးမြူရေးဇုန်သစ် တွင်အကောင်အထည်ဖော်ဆောင်ရွက်နေပြီဖြစ်‌ကြောင်း ကရင်ပြည်နယ်မွေးမြူရေးနှင့် ကုသရေးဦးစီး ဌာနမှသိရသည်။

အဆိုပါ ဇုန်သည် ဝက်နှင့်ဆိတ်ကို သီးသန့်မွေးမြူရန်ခွဲခြား ထားပြီးဝက်မွေးမြူရေးဇုန်အတွက် ၄၉ ဒသမ ၀၇ ဧက ၊ ဆိတ်မွေးမြူရေးဇုန် အတွက် ၄၉ ဒသမ ၃၁ ဧက စုစုပေါင်း၉၈ ဒသမ ၃၈ ဧကရှိပြီး  မွေးမြူလိုသည့် လုပ်ငန်းရှင်များလုပ်ကိုင်နိုင်ရန် ခွင့်ပြုပေးထားကြောင်းလည်း သိရသည်။

ယင်း ဇုန်သည် ငွေကျပ် ၂၃၅၉ ဒသမ ၁၅၅ သန်းကျော်ကုန်ကျပြီးအကျယ်အဝန်းအနေဖြင့် ၉၈ ဒသမ ၃၈ ဧကရှိကြောင်း၊ ဝက်နှင့်ဆိတ်ကို သီးသန့်မွေးမြူရန်ခွဲခြား ထားပြီး မွေးမြူလိုတဲ့လုပ်ငန်းရှင်များလုပ်ကိုင်နိုင်ရန် ခွင့်ပြုပေးထားကြောင်း၊ မွေးမြူရေးလုပ်ငန်းလုပ်ကိုင်သူများအနေဖြင့် တစ်ဧကတွင် ဆိတ်မွေးမြူရေးလုပ်ငန်းလုပ်ကိုင်ပါက  ဧကတစ်ဝက်တွင် မွေးမြူရေးလုပ်ငန်းလုပ်ကိုင်နိုင်ပြီး ကျန်ဧကတစ်ဝက်တွင်  ဆိတ်အစာကျွေးရန် အရည်အသွေးမြင့်သည့် မြက်များစိုက်ပျိုးရန် စီစဉ် ထားကြောင်း၊ဝက်မွေးမြူသူများအတွက်  လိုအပ်သည့်  လျှပ်စစ်မီး၊ ရေလိုအပ်ချက်များကို ဖြည့်ဆည်းပေးနေကြောင်းသိရသည်။

၎င်းဇုန်အတွင်း ဝက်မွေးမြူရာတွင် တစ်ကွက်လျှင်  ပျမ်းမျှအားဖြင့် အကောင် ၅၀ သတ်မှတ်ထားပြီး အကွက် ၅၅ ကွက် ဖြင့် အကွက်ပြည့်မွေးမြူမည်ဆိုပါက ကောင်ရေ ၂၇၅၀ သတ်မှတ်ထားကြောင်း၊ တစ်နှစ်လျှင် နှစ်သုတ် မွေးမြူပါက ဝက်အကောင်ရေ ၅၀၀၀ ခန့်အထိ မွေးမြူနိုင်မည်ဖြစ်ကြောင်း သိရသည်။

အလားတူ ဆိတ်မွေးမြူရာတွင်လည်း တစ်ကွက်လျှင် အကောင် ၅၀ အနည်းဆုံးမွေးမြူရန် သတ်မှတ်ထားပြီး အကွက် ၃၄ ကွက်အပြည့်မွေးမြူပါက အကောင်ရေ ၁၇၀၀ မွေးမြူရမည်ဖြစ်ကြောင်း ၊ ၎င်း ဇုန်မှ ထွက်ရှိလာမည့် ဆိတ်နှင့်ဝက်သားများကို ဒေသတွင်းစားသုံးရုံသာမက ပိုလျှံပါက ဒေသကျော် တင်ပို့ရောင်းချနိုင်မည်ဖြစ်ကြောင်း သိရသည်။
Yangon Times/NN
#Local_News
#Published_ 20 February 2024
#YMG_News #Yangon_Times #Yangon_Media_Group

အခုရက်ပိုင်းအတွင်း တနင်္သာရီတိုင်း၊ကချင်ပြည် နယ်၊စစ်ကိုင်းတိုင်းအထက်ပိုင်းနဲ့ ကချင်ပြည်နယ်တို့မှာ မိုးထစ်ချုန်းရွာသွန်းနိုင်တယ်လို့ ‌မိုးလေဝသနှင့် ဇလဗေဒညွှန်ကြားမှုဦးစီးဌာနမှ သိရပါတယ်။
Yangon Times/tthl
#Local_News
#Published_ 20 February 2024
#YMG_News #Yangon_Times #Yangon_Media_Group

မြန်မာနိုင်ငံကနေ ထိုင်းနိုင်ငံကို သွားရောက်လိုသူတွေအတွက် ပြည်ဝင်ခွင့်ဗီဇာ ကြိုတင်ရက်ချိန်းရယူမှုကို အွန်လိုင်းစနစ်နဲ့ပါ လက်ခံသွားမယ်လို့ မြန်မာနိုင်ငံဆိုင်ရာ ထိုင်းသံရုံးက ဖေဖော်ဝါရီလ ၂၀ ရက်နေ့ မှာ ထုတ်ပြန်လိုက်တယ်။
Yangon Times/LW
#Local_News
#Published_ 20 February 2024
#YMG_News #Yangon_Times #Yangon_Media_Group

20 February 2024

ကရင်ပြည်နယ် "ယှးယံင့်ဝဝ်အွာ"ဇာတ်သဘင်အဖွဲ့ကိုတင်ဆောင်လာသည့်ဇာတ်သဘင်အဖွဲ့ ကားတိမ်းမှောက်သွားသည့်အတွက် မြန်မာနိုင်ငံသဘင်အစည်းအရုံး(ဗဟို)မှအဆိုပါဇာတ်သဘင်အဖွဲ့ကိုကနဦးထောက်ပံ့‌ငွေပေးအပ်သွားမည်ဖြစ်ကြောင်း သိရသည်။

သေဆုံးသူများအတွက်  (၁) ဦးလျှင် (၅) သိန်းကျပ်ထိခိုက်ဒဏ်ရာရရှိသူများအတွက်  (၁) ဦးလျှင် (၃) သိန်းကျပ်စီကိုမြန်မာနိုင်ငံသဘင်အစည်းအရုံး (ဗဟို) မှကနဦး ထောက်ပံ့လှူဒါန်းမည်ဖြစ်သည်ဟုဆိုသည်။

ဖေဖော်ဝါရီလ(၁၉)ရက်၊မနက်(၁၀)နာရီ၊၃၀မိနစ်တွင်ကရင်ပြည်နယ် ဘားအံမြို့ရှောင်လမ်းသစ် ကြာအင်းတောင်ကြားလမ်း (ရဲသာ) ဘက်ခြမ်းတွင်`ယှးယံင့်ဝဝ်အွာ 'အဖွဲ့ ကရင်ဇာတ်သဘင်ကားချောက်အတွင်း ထိုးကျတိမ်းမှောက်မှုဖြစ်ပွားခဲ့ခြင်းဖြစ်သည်။

ဇာတ်ကားတိမ်းမှောက်မှုကြောင့် လူ (၁)ဦးသေဆုံး ၊လူ (၁၁) ဦးထိခိုက်ဒဏ်ရာရရှိခဲ့ပြီး ကရင်ပြည်နယ်
ပြည်သူ့ဆေးရုံကြီးတွင်ဆေးကုသမှုခံယူနေကြောင်း
သိရသည်။

ကရင်ပြည်နယ် သဘင်အစည်းအရုံးဝင်“ယှးယံင့်ဝဝ်အွာဇာတ်သဘင်” အဖွဲ့ဇာတ်ကားတိမ်းမှောက်သွား၍မြန်မာနိုင်ငံသဘင်အစည်းအရုံး (ဗဟို) နှင့် ချိတ်ဆက်ကာကရင်ပြည်နယ် သဘင်အမှုဆောင်များမှဘားအံပြည်သူ့ဆေးရုံကြီးတွင်
ရောက်ရှိကာ ဝိုင်းဝန်းကူညီနေကြောင်း သိရသည်။
Yangon Times/tthl
#Local_News
#Published_ 20 February 2024
#YMG_News #Yangon_Times #Yangon_Media_Group

Published_ 20 February 2024

နိုင်ငံကူးလက်မှတ်များအား ပုံမှန်လုပ်ငန်းစဉ်အတိုင်း စိစစ်ထုတ်ပေးနေပြီး ကောလာဟလသတင်းများထုတ်ပြန်၍ ငွေကြေးအဆမတန်တောင်းခံသူများ၊ကြားပွဲစားများအားဖော်ထုတ်အရေးယူသွားမည်ဖြစ်ကြောင်း မြန်မာနိုင်ငံကူးလက်မှတ်ထုတ်ပေးရေးရုံးမှအသိပေးထားသည်။

မြန်မာနိုင်ငံကူးလက်မှတ်ထုတ်ပေးရေးအဖွဲ့အနေဖြင့်  နိုင်ငံကူးလက်မှတ်များအား ပုံမှန်လုပ်ငန်းစဉ်အတိုင်း စိစစ်ထုတ်ပေးလျှက်ရှိရာ မြန်မာနိုင်ငံကူးလက်မှတ်ထုတ်ပေးရေးရုံး(ရန်ကုန်)တွင် online bookingတင်၍  QR စနစ်ဖြင့်  ၂၇၀၀ဦးနှုန်းဖြင့်လည်းကောင်း၊နေပြည်တော်၊မြစ်ကြီးနား၊ဟားခါး၊လွိုင်ကော်၊မကွေး၊မန္တ‌လေး၊မုံရွာ၊တောင်ကြီး၊ကျိုင်းတုံ၊လားရှိုး၊တာချီလိတ်၊ဘားအံ၊မြဝတီ၊မော်လမြိုင်၊ထားဝယ်၊ကော့‌သောင်း ၊ပုသိမ်၊စစ်တွေ၊ပဲခူးမြို့များရှိ နိုင်ငံကူးလက်မှတ်ထုတ်ပေးရေးရုံးခွဲ များတွင် သတ်မှတ်လူဦးရေအတိုင်းလည်းကောင်း ၊ရုံးဖွင့်ရက်များတွင်နေ့စဉ် လက်ခံဆောင်ရွက်ပေးလျှက်ရှိကြောင်းသိရသည်။

လက်ရှိအချိန်တွင် နိုင်ငံကူးလက်မှတ်ထုတ်ပေးရေးနှင့်ပတ်သက်ပြီး ကောလာဟလသတင်းများ ထွက်ပေါ်နေ၍ နိုင်ငံကူးလက်မှတ်ရရှိရေး စိုးရိမ်ပူပန်မှုများ ဖြစ်ပေါ်လျှက်ရှိကြောင်း သိရှိသဖြင့် အမှန်တကယ်သွားရောက်လိုသူများကို ယခင်သတ်မှတ်ထားသောလုပ်ငန်းစဉ် ၊ခွင့်ပြုအရေအတွက်များအတိုင်း ဆက်လက်ထုတ်ပေးသွားမည်ဖြစ်ကြောင်းသိရသည်။

ထို့အပြင် ကောလာဟလသတင်းများထုတ်ပြန်၍ ငွေကြေးအဆမတန်တောင်းခံသူများ၊ကြားပွဲစားများအားဖော်ထုတ်အရေးယူသွားမည်ဖြစ်ကြောင်းသိရသည်။
Yangon Times/NN
#Local_News
#Published_ 20 February 2024
#YMG_News #Yangon_Times #Yangon_Media_Group