#Local_News
Published 4 October 2024

▪️ တောင်ကိုရီးယားနိုင်ငံ၊ ဆိုးလ်မြို့၌  ပြုလုပ်မည့် COEX Food Week 2024 ပြပွဲ ၌ ဝင်ရောက်ပြသရန် ပြည်တွင်းလုပ်ငန်းရှင်များအားဖိတ်ခေါ်ထားကြောင်း မြန်မာကုန်သွယ်မှု မြှင့်တင်ရေးအဖွဲ့မှ သိရသည်။

▪️ အဆိုပါ ဆိုးလ်မြို့ရှိ ညီလာခံများနှင့် ပြပွဲများကျင်းပရေးစင်တာ (Convention & Exhibition Center – COEX) တွင် ၂၀၂၄ ခုနှစ်၊ နိုဝင်ဘာလ ၂၀ ရက်နေ့မှ ၂၃ ရက်နေ့အထိ COEX Food Week 2024 ပြပွဲ ကို COEX နှင့် စိုက်ပျိုးရေး၊ စားနပ်ရိက္ခာနှင့် ကျေးလက်ရေးရာဝန်ကြီးဌာနတို့ကကြီးမှူးကျင်းပမည်ဖြစ်သည်။

▪️ COEX Food Week 2024 ကို World FoodTech Expo နှင့် the Korea Bakery Show တို့နှင့်အတူ တစ်ပြိုင်တည်း ကျင်းပသွားမည်ဖြစ်သည့်အတွက် တောင်ကိုရီးယားနိုင်ငံတွင် ကျင်းပလေ့ရှိသည့် စားသောက်ကုန်ပြပွဲများအနက် အစည်ကားဆုံးပြပွဲဖြစ်ပြီး ပြပွဲကာလအတွင်း ကမ္ဘာအနှံ့ရှိ စားသောက်ကုန်နှင့်အဖျော်ယမကာကဏ္ဍမှ ကုန်စည်နှင့် ဝန်ဆောင်မှုများစွာကို ခင်းကျင်းပြသသွားမည်ဖြစ်ကြောင်း သိရသည်။

▪️ ထို့ကြောင့် ယင်းပြပွဲသို့ ပါဝင်တက်ရောက်ခြင်း၊ ပြသခြင်းအားဖြင့် ကမ္ဘာအနှံ့မှသက်ဆိုင်ရာ အဖွဲ့ အစည်းများနှင့် ရင်းနှီးမှုကိုခိုင်မာစေပြီး ပူးပေါင်းဆောင်ရွက်မှုကို မြှင့်တင်နိုင်မည်ဖြစ်ကြောင်း သိရသည်။

▪️ ပြပွဲတွင် နိုင်ငံပေါင်း ၂၀ မှ ကုမ္ပဏီ ၁,၀၀၀ ခန့်က ပြခန်းပေါင်း ၁,၄၀၀ ကျော်ကို ခင်းကျင်း ပြသသွားမည်ဖြစ်ကြောင်း၊  ပြပွဲသို့လာရောက်လေ့လာသူနှင့် အဝယ် တော်စုစုပေါင်း ၅၅,၀၀၀ ခန့် တက်ရောက်နိုင်ဖွယ် ရှိသည်ဟု ခန့်မှန်းထားကြောင်း သိရသည်။

▪️ ထို့ကြောင့်နှစ်စဉ်ကျင်းပသည့် COEX Food Week ပြပွဲများတွင် ပြခန်းများယူ၍ ပါဝင်ပြသနိုင်ရေး စဉ်းစားနိုင်စေရန်ရည်ရွယ်၍ COEX Food Week 2024 သို့ လာရောက် လည်ပတ် လေ့လာနိုင်ရန် ပြည်ပကုန်သွယ်မှုမြှင့်တင်ရေးအဖွဲ့အစည်းများ (သို့) စားသောက်ကုန်နှင့်ဆက်နွယ်သော အဖွဲ့အစည်းများမှ ဆုံးဖြတ်နိုင်စွမ်းရှိသည့် ဝါရင့်စီမံခန့်ခွဲမှုအဆင့်ရှိ ကိုယ်စားလှယ်များ၊  ပြည်ပနိုင်ငံများတွင် နိုင်ငံအလိုက် စားသောက်ကုန်ပြခန်းများ သွားရောက်ဖွင့်လှစ်ပြသရန် တာဝန်ယူထားသော/ အထောက်အပံ့ပေးလျက်ရှိသော စားသောက်ကုန်နှင့် ဆက်နွယ်သည့် အဖွဲ့အစည်းများ၊   ပြည်ပနိုင်ငံများတွင် နိုင်ငံအလိုက်စားသောက်ကုန်ပြခန်းများ သွားရောက်ဖွင့်လှစ်ပြသရန် တာဝန်ယူထားသော/ အထောက်အပံ့ပေးလျက်ရှိသော ပြည်ပ ကုန်သွယ်မှုမြှင့်တင်ရေး အဖွဲ့အစည်းများ၊ ပြည်ပနိုင်ငံများတွင် ကျင်းပသည့် ကုန်စည်ပြပွဲများတွင် နိုင်ငံအလိုက်ပြခန်းများ သွားရောက်ဖွင့်လှစ်ပြသနိုင်ရေးအတွက် ငွေကြေးအထောက်အပံ့များပေးသည့် အစိုးရ အဖွဲ့အစည်းများကို ဖိတ်ကြားကြောင်း သိရသည်။

▪️ အဆိုပါပြပွဲသို့ ပါဝင်ပြသလိုသည့် မြန်မာစီးပွားရေးလုပ်ငန်းရှင်များအနေဖြင့် မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲသို့ လိပ်မူ လျှောက်ထားနိုင်ပြီး လျှောက်ထားလာသည့် လျှောက်လွှာများအနက် COEX Food Week 2024 သို့ တက်ရောက်လေ့လာရန် ရွေးချယ်ခံရပါက တက်ရောက်မည့်ကိုယ်စားလှယ်အတွက် နံနက်စာပါဝင်သည့် ဟိုတယ်အခန်းတစ်ခန်းကို ၄ ညတာ တည်းခိုနေထိုင်ခွင့်နှင့် နှစ်ရက်စာ နေ့လယ်စာတို့ကို ထောက်ပံ့ပေးမည်ဖြစ်ကြောင်း သိရသည်။

▪️ ထို့အပြင် လေယာဉ်လက်မှတ်ခအတွက်လည်း အကန့်အသတ် ပမာဏတစ်ခုအထိ ပြန်လည်ပေးအပ် သွားမည်ဖြစ်ကြောင်း၊ သို့သော် လေယာဉ်လက်မှတ်ခ ပြန်လည်အမ်းငွေသည် နိုင်ငံ အလိုက် ကွဲပြားမည်ဖြစ်ကြောင်း၊ ပြည်ဝင်ခွင့် (Visa) လျှောက်ထားမှုအတွက် ဖိတ်ကြားစာများ ထောက်ပံ့ပေးမည် ဖြစ်သော် လည်း ကုန်ကျစရိတ်အတွက် ကျခံမည်မဟုတ်ကြောင်း သိရသည်။

#YMG/NN #Yangon_Times

စက်သုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီရဲ့ ရန်ကုန်ဈေးကွက်အတွက် ဒီကနေ့ထုတ်ပြန်ချက်အရစက်သုံးဆီအမျိုးအစားအများစု ဈေးနှုန်းလာပြီး 92 တစ်လီဝာာ ကျပ် ၃၀၀၀အောက်အထိ ကျဆင်းလာတယ်လို့ သိရပါတယ်။
#Local_News
Published 4 October 2024
#စက်သုံးဆီဈေးကျ #ရန်ကုန်ဈေးကွက်
#YMG/NN #Yangon_Times

ရှမ်းပြည်နယ်၊ အရှေ့ပိုင်းကတာချီလိတ်မြို့မှာ ယမန်နေ့ကရေကြီး၊‌ ရေလျှံတာ တွေဖြစ်ပေါ်ခဲ့ပေမယ့် ဒီကနေ့မနက်ပိုင်းမှာတော့ ရေပြန်ကျနေပြီလို့ ‌ပရဟိတအသင်းတွေနဲ့ ဒေသခံတွေဆီက သိရပါတယ်။
တာချီလိတ်မြို့ရေပြန်ကျ
#Local_News
Published 4 October 2024
#တာချီလိတ်မြို့ #ရေပြန်ကျ
#YMG/NN #Yangon_Times

အပျော်စီးသင်္ဘောမှာ သင်္ဘောသားဖြစ်လိုသူအမျိုးသား၊ အမျိုးသမီးတွေအတွက် လုပ်ငန်းခွင်သုံး အင်္ဂလိပ်စာအခမဲ့သင်တန်းအခု အောက်တိုဘာလ(၇)ရက်မှ(၁၅)ရက်အထိ ထပ်ဖွင့်ဖို့ရှိတယ်လို့ သိရပါတယ်။
#Local_News
Published 4 October 2024
#အပျော်စီးသင်္ဘော #အင်္ဂလိပ်စာအခမဲ့သင်တန်း
#YMG/tthl #Yangon_Times

#World_News
Published 04 October 2024

▪️ တိုင်းပြည်အချုပ်အခြာအာဏာကို အင်အားသုံးပြီး ထိပါးရန် ကြိုးပမ်းလာပါက နျူကလီးယားလက်နက်များ အပါအဝင် ရှိသမျှအင်အားများသုံးပြီး တုန့်ပြန်ရန် ဝန်လေးနေမှာမဟုတ်ဘူးလို့ မြောက်ကိုရီးယားခေါင်းဆောင် ကင်မ်ဂျုံအန်းက ပြောကြားလိုက်ကြောင်း KCNA သတင်းဌာနက သောကြာနေ့မှာ ဖော်ပြလိုက်ပါတယ်။

▪️ မြောက်ကိုရီးယား အစိုးရစနစ် အဆုံးသတ်ရေး ခြိမ်းခြောက်နေတဲ့ တောင်ကိုရီးယားသမ္မတ ယွန်ဆော့ယောလ်ကို ဝေဖန်လိုက်ပြီး ဘယ်သူကမှ ဒေသတွင်း လုံခြုံရေးနဲ့ ငြိမ်းချမ်းရေးကို ဖျက်ဆီးနေလဲဆိုတာ ပြသရာရောက်ကြောင်း ကင်မ်ဂျုံအန်းက ပြောသွားပါတယ်။

▪️ ယွန်ဆော့ယောလ်က နျူကလီးယားလက်နက်ပိုင် နိုင်ငံတစ်ခုရဲ့ တံခါးဝကနေ စစ်ရေးတုန့်ပြန်ဖို့ အကြောင်း ပြောနေတာဖြစ်ကြောင်း ကင်မ်က ပြောပါတယ်။

▪️ ကင်မ်က စစ်တပ်အထူးစစ်ဆင်ရေးအဖွဲ့တွေရဲ့ လေ့ကျင့်ရေးစခန်းတစ်ခုမှာ ဗုဒ္ဓဟူးနေ့က ပြောကြားသွားတာ ဖြစ်ပါတယ်။

▪️ မြောက်ကိုရီးယားဟာ နျူကလီးယားလက်နက် အစီအစဉ်ကို ဆယ်စုနှစ်များတိုင်အောင် လုပ်ဆောင်နေပြီး အဆိုပါလက်နက်ပေါင်း ဒါဇင်ခန့်ပြုလုပ်ဖို့ ကုန်ကြမ်းများ အလုံအလောက်ရှိတယ်လို့ ယူဆရပါတယ်။

▪️ မြေအောက်နျူကလီးယားဖောက်ခွဲရေး စမ်းသပ်မှု ၆ ခုကိုလည်း ပြုလုပ်ထားပါတယ်။

▪️ အင်္ဂါနေ့က တောင်ကိုရီးယားဟာ တပ်မတော်နေ့ ကျရောက်ခဲ့ပြီး ထိပ်ဖူးကျည်ကြီး တင်ဆောင်ထားတဲ့ ပဲ့ထိန်းဒုံးကျည်ဖြင့် စစ်ရေးပြသခဲ့ပါတယ်။

▪️ ယွန်ဆော့ယောလ်က မိန့်ခွန်းပြောကြားရာမှာ မြောက်ကိုရီးယား နျူကလီးယားလက်နက် အသုံးပြုမှာကို ဆန့်ကျင်ကြောင်း၊ ဒီလိုဖြစ်လာပါက တောင်ကိုရီးယားနဲ့ အမေရိကန် မဟာမိတ်တို့ကနေ ပြတ်ပြတ်သားသား အင်အားသုံးတုန့်ပြန်မှာဖြစ်ကြောင်း ဆိုပါတယ်။

▪️ ထိုနေ့ဟာ မြောက်ကိုရီးယားအစိုးရ အဆုံးသတ်တဲ့နေ့ ဖြစ်လာမှာလို့ ပြောသွားပါတယ်။

▪️ ရန်သူတွေက မြောက်ကိုရီးယားရဲ့ စစ်ရေးအင်အားကို သေချာမသိဘဲ ရမ်းသမ်းခြိမ်းခြောက်နေတာဖြစ်ပြီး နျူကလီးယားလက်နက်တွေကို ဖျောက်ပစ်လို့ရမှာ မဟုတ်ကြောင်း ကင်မ်က ပြောကြားသွားတယ်လို့ KCNA က ဖော်ပြထားပါတယ်။

#Source: Reuters

#World_Science
Published 04 October 2024

▪️ ကမ္ဘာမြေကြီးမှာ နှစ်သန်းပေါင်းကျော် ကြာလာတဲ့အထိ ရာသီဥတုဆိုင်ရာ ပြောင်းလဲမှု အများအပြား ဖြစ်ခဲ့ပါတယ်။

▪️ ရေခဲပြင်ဟာလည်း ဒီပြောင်းလဲမှုတွေမှာ အဓိကဖြစ်ခဲ့ပြီး ပြီးခဲ့တဲ့အချိန်တွေက ရာသီဥတုတွေကို နားလည်စေနိုင်ပါတယ်။

▪️ သိပ္ပံပညာရှင်တွေက ကမ္ဘာ့သက်တမ်းအရင့်ဆုံး ရေခဲကို ရှာဖွေရန် ကြိုးစားနေကြပါတယ်။

▪️ ယခုထက်ထိ မှတ်တမ်းများအရ အန္တာတိကမှ ရေခဲဟာ နှစ်ပေါင်း ၈ သိန်းရှိပေမယ့် အခုဆိုရင် နှစ်ပေါင်း ၁ သန်းခွဲရှိတဲ့ ရေခဲကိုရှာဖွေနေပါတယ်။

▪️ ရေခဲပြင်တွေက နေရာရွေ့လျားနေပြီး အရည်ပျော်ခြင်းကနေ မှတ်တမ်းများ ပျောက်ကွယ်လာတာကြောင့် သက်တမ်းအရင့်ဆုံး ရေခဲရှာတွေ့နိုင်မယ့် နေရာအတိအကျကို သိရှိဖို့ ခက်ခဲနေပါတယ်။

▪️ ဒါပေမဲ့ သုတေသနများအရ တောင်အမေရိကအနီး U1537 နိုင်ငံတကာ သမုဒ္ဒရာရှာဖွေရေးနေရာက သက်တမ်းအရင့်ဆုံးရေခဲ ဖြစ်နိုင်မယ့်အလားအလာ ရှိနေပြီး ဒါဟာ ပင်လယ်ရေမှုန်ပါဝင်မှုအပေါ် အခြေခံထားတာ ဖြစ်ပါတယ်။

▪️ ဒီအတွက် သုတေသီများက သမုဒ္ဒရာ 1090 နေရာ အတ္တလန္တိတ်သမုဒ္ဒရာ တောင်ပိုင်းမှ ပင်လယ်ရေမှုန်များကို U1537 မှ အမှုန်များနဲ့ နှိုင်းယှဉ်ခဲ့ကြပါတယ်။

▪️ သက်တမ်းအရင့်ဆုံး ရေခဲမှတ်တမ်းတုများ ဖန်တီးခဲ့ကြသလို U1537 အမှုန်ပါဝင်မှု မှတ်တမ်းပုံစံများဖြင့် ယှဉ်ကြည့်ခဲ့ကြပါတယ်။

▪️ ထိုနေရာနှစ်ခုမှ မှတ်တမ်းယှဉ်တွဲမှုမှာ နှစ်ပေါင်း ၈ သိန်းအထိ တွေ့ရှိခဲ့ပေမယ့် နှစ်ပေါင်း ၄ သောင်းအတွင်း တောင်ပိုင်းစက်ဝန်းခြမ်းမှာ အမှုန်အပြောင်းအလဲများကြောင့် ဆက်စပ်မှုက လျော့ပါးသွားပါတယ်။

▪️ သက်တမ်းအရင့်ဆုံးရေခဲ ရှာဖွေရခြင်း နောက်ထပ်အကြောင်းအရင်းက ပလစ္စတိုဆင်းခေတ်ဝက်လောက်မှာ အပြောင်းအလဲ ဖြစ်ရခြင်းနဲ့ အကျိုးဆက်တွေကို သိရှိလိုတဲ့အတွက် ဖြစ်ပါတယ်။

#Source: WION

#World_Health
Published 04 October 2024

▪️ အမျိုးသားတွေဟာ အမျိုးသမီးတွေထက် နှလုံးရောဂါ ဖြစ်နိုင်ခြေ ပိုများတတ်ပြီး ဒါဟာ ဇီဝအကြောင်းအရာ၊ ဟော်မုန်း၊ နေထိုင်မှုပုံစံစတဲ့ အချက်တွေ ကွာခြားတာကြောင့် ဖြစ်ပါတယ်။

▪️ WHO ဖော်ပြချက်အရ နှစ်စဉ်သေဆုံးသူတွေထဲက ၁၇.၉ သန်းနီးပါးဟာ နှလုံးသွေးကြောရောဂါများကြောင့် ဖြစ်ပြီး အသက်ငယ်သူတွေမှာ အမျိုးသားတွေက အမျိုးသမီးတွေထက် အဖြစ်များကြပါတယ်။

▪️ အမျိုးသမီးတွေ ဓမ္မတာသွေးမဆုံးခင် အများအပြား ရှိနေတဲ့ အီစထရိုဂျင်ဟော်မုန်းဟာ နှလုံးကို ကာကွယ်ပေးနိုင်စွမ်း ရှိပါတယ်။

▪️ အမျိုးသားတွေကတော့ ဒီလိုအားသာချက်မျိုး မရှိတာကြောင့် အစောပိုင်းမှာတည်းက နှလုံးပြဿနာများ ဖြစ်နိုင်ခြေ ပိုများပါတယ်။

▪️ အမျိုးသားတွေ ဆေးလိပ်သောက်ခြင်း၊ ကျန်းမာရေးနဲ့ မညီစွာ စားသောက်ခြင်း၊ အထိုင်များတဲ့ပုံစံတွေကလည်း နှလုံးရောဂါကို ပိုဖြစ်စေနိုင်ပါတယ်။

▪️ ဆေးလိပ်သောက်တဲ့အခါ နှလုံးသွေးကြောတွေ ကျဉ်းမြောင်းပိတ်ဆို့သွားပြီး နှလုံးသို့ သွေးရောက်ရှိမှု နည်းပါးကာ နှလုံးဖောက်နိုင်ခြေ ပိုများစေကြောင်း SHALBY Sanar အပြည်ပြည်ဆိုင်ရာဆေးရုံမှ နှလုံးအထူးပြု ဒေါက်တာ ဒီကေဂျမ့်က ပြောပါတယ်။

▪️ များသောအားဖြင့် အမျိုးသားတွေက အမျိုးသမီးတွေထက် ဆေးလိပ်နဲ့ အရက်သုံးစွဲခြင်း ပိုများပါတယ်။

▪️ ဒါ့အပြင် အမျိုးသားတွေက ဖိစီးမှုပိုများတဲ့ အလုပ်အကိုင်တွေ ပိုလုပ်ရလေ့ရှိပါတယ်။

▪️ ဖိစီးမှုကို ကြာရှည်ခံစားလာရတဲ့အခါ သွေးဖိအားများတဲ့ ရောဂါတွေ ဝင်လာနိုင်ပြီး နှလုံးသို့ သွေးရောက်ရှိမှု နည်းစေတယ်လို့ ဒေါက်တာက ပြောပါတယ်။

▪️ မျိုးရိုးဗီဇအရ အမျိုးသားတွေမှာ ဝမ်းတွင်းအင်္ဂါတွေနားတဝိုက် အဆီများ ပိုမိုစုပြုံတတ်ကာ သွေးတိုး၊ ဆီးချိုနဲ့ နှလုံးရောဂါဖြစ်လာစေနိုင်တဲ့ အခြားပြဿနာများ ဖြစ်လာစေပါတယ်။

▪️ လေ့လာချက်တစ်ခုအရ အမျိုးသားတွေဟာ ငယ်စဉ်မှာတည်းက နှလုံးဖောက်နိုင်ခြေ ပိုများပါတယ်။

▪️ အမျိုးသားတွေမှာ မကောင်းတဲ့ ကိုလက်စ်ထရောလ် ပိုမိုမြင့်မားသဖြင့် သွေးကြောပိတ်ဆို့မှုများ ပိုဖြစ်နိုင်ပါသေးတယ်။

#Source: India Today

တနင်္ဂနွေနေ့က အစ္စရေးလ်တို့ဟာ ယီမင်ရှိ ဟူသီထိန်းချုပ်ဆိပ်ကမ်းများနဲ့ ဟိုဒဲဒါ၊ ရက်စ်အစ်ဆာနေရာများကို ပစ်မှတ်ထားပြီး လေကြောင်းတိုက်ခိုက်မှုများ ပြုလုပ်ခဲ့ရာ အရပ်သားသေဆုံးမှုများရှိခဲ့ပြီး အခြေခံအဆောက်အအုံများ ထိခိုက်ပျက်စီးခဲ့ပါတယ်။
#World_News
Published 3 October 2024
#ယီမင်ရှိဆိပ်ကမ်း #လေကြောင်းတိုက်ခိုက်မှု
#YMG #Yangon_Times #Yangon_Media_Group

#Daily_News
Published 3 October 2024

၁။ အနုပညာကုထုံး၊ ဂီတကုထုံး၊ ဒရမ်မာကုထုံးများပါဝင်မည့် 'ကမ္ဘာ့စိတ်ကျန်းမာရေးနေ့’ ဂုဏ်ပြုပွဲအစီအစဉ်ကျင်းပမည်

၂။ သုခဒဂုံ ပြည်သူ့အငှါးအိမ်ရာမှ အခန်း (၆၀၀)ခန့်ကို ငှါးရမ်းနေထ်ိုင်ခွင့်ရရှိမည့်သူများကို ရွေးချယ်သွားမည်

၃။ တိုင်ဖွန်းမုန်တိုင်းနှင့် လေပွေလှိုင်းအရှိန်ကြောင့် နောက်(၃)ရက် မိုးကြီးခြင်းနှင့်အတူလေပြင်းတိုက်နိုင်

၄။ ယီမင်ရှိဆိပ်ကမ်းနေရာများအား အစ္စရေးလ်လေကြောင်းတိုက်ခိုက်မှုများပြုလုပ်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 3 October 2024

▪️ ရှမ်းပြည်နယ်အရှေ့ပိုင်းဒေသ တာချီလိတ်မြို့နှင့်ထိုင်းနိုင်ငံ မယ်ဆိုင်မြို့အကြားရှိ မယ်ဆိုင်ချောင်းရေမြင့်တက်၍ တာချီလိတ်မြို့တွင်  ရေကြီး၊ ရေလျှံမှုများ ဖြစ်ပွားနေကြောင်း ‌ဒေသခံများထံမှသိရသည်။

▪️ အောက်တိုဘာ ၂ရက် ယမန်နေ့ညတစ်ညလုံး မိုင်းဆတ်ခရိုင်အတွင်း မိုးရွာသွန်းမှု၏ နောက်ဆက်တွဲအနေဖြင့် တာချီလိတ်မြို့နှင့် မယ်ဆိုင်အကြားရှိ မယ်ဆိုင်ချောင်းရေမှာ အောက်တိုဘာလ (၃)ရက်နေ့ နံနက်ပိုင်းက စပြီး ရေကြီးရေလျှံမှု ဖြစ်ပွားနေခြင်း ဖြစ်ကြောင်း သိရသည်။

▪️ "ဒီနေ့ည ၁၂နာရီကျော်ကျော်လောက်ထဲက ရေစတက်လာတာ၊ ခုချိန်ထိတက်နေတုန်းပဲလေ၊အရင်လ ရေကျတာကို မရှင်းမလုပ်နိုင်သေးဘူး၊ ခုထပ်တက်ပြန်ပြီ " ဟု ‌တာချီလိတ်မြို့ရှိဒေသခံတစ်ဦးက ပြောသည်။

▪️ ထို့အပြင် တာချီလိတ် - ကျိုင်းတုံသွားလမ်းပေါ် တာချီလိတ်မြို့နယ်အတွင်း ဖန်မင်ကျေးရွာအုပ်စု မယ်ယန်းရှိ မယ်ဟုတ်ချောင်းတွင်လည်း ရေကြီး၊ရေလျှံမှုများ ဖြစ်ပေါ်နေရာ အနိမ့်ပိုင်းအိမ်ခြေများတွင် ရေဝင်နစ်မြုပ်နေကြောင်း သိရသည်။

#YMG/NN #Yangon_Times

ပဲခူးတိုင်းဒေသကြီး၊ တောင်ငူမြို့ရှိ ကန်ရိုးအရှေ့ပိုင်း ရပ်ကွက်အချို့နဲ့ စစ်တောင်မြစ်ကမ်းဘေးက ကျေးရွာအချို့ရေပြန်တက်လာတာ‌ကြောင့် မြေနိမ့်ပိုင်းရှိဒေသခံတွေ စတင်ရွေ့ပြောင်းနေပြီလို့ ဒေသခံတွေနဲ့ လူမှုကူညီရေးအသင်းတွေဆီက သိရပါတယ်။
#Local_News
Published 3 October 2024
#တောင်ငူကန်ရိုးအရှေ့ပိုင်း #ကျေးရွာအချို့ရေပြန်တက်
#YMG/NN #Yangon_Times

မြစ်သားမြို့နယ်မှာ ပန်းလောင်မြစ်ရေ မြင့်တက်နေသလို ကင်းတားဆည်ရေလည်းလွှတ်ထားတဲ့အတွက် ရေဘေးလွတ်ရာသို့ ကူညီရွှေ့‌ပြောင်းပေးရတယ်လို့ မြစ်သားမြို့နယ် မီးသတ်အဖွဲ့မှ သိရပါတယ်။
#Local_News
Published 3 October 2024
#ပန်းလောင်မြစ်ရေမြင့်တက် #ရေဘေးလွတ်ရာသို့ရွှေ့‌ပြောင်း
#YMG/tthl #Yangon_Times