#Local_News
Published_ 16 February 2024

လန်ချန်း-မဲခေါင်ရံပုံငွေဖြင့် မြန်မာထုတ်ကုန်များကိုအရည်အသွေးမြှင့်တင်နိုင်ပြီး မဲခေါင်နိုင်ငံများအပါအဝင်နိုင်ငံတကာနှင့် ချိတ်ဆက်‌ဆောင်ရွက်နိုင်မည့် စီမံကိန်းတစ်ခုကို တရုတ်နိုင်ငံမှအကောင်အ‌ထည်ဖော်ဆောင်ရွက်ပေးလျက်ရှိကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်။

လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေ ပံ့ပိုးမှုဖြင့် “အမျိုးသားအဆင့် အရည်အသွေးဆိုင်ရာ အခြေခံအဆောက်အအုံ ခိုင်မာအားကောင်းစေရေးနှင့် ထုတ်ကုန်များ၊ ထုတ်လုပ်မှုနည်းစဉ်များနှင့် ဝန်ဆောင်မှုလုပ်ငန်းများအတွက် အမျိုးသားအရည်အသွေးထောက်ခံချက်ထုတ်ပြန်ရေးစနစ် အကောင်အထည်ဖော်ရေး” စီမံကိန်း အကောင်အထည်ဖော်ဆောင်မည်ဟုဆိုသည်။

အဆိုပါ စီမံကိန်းစတင်ခြင်း အခမ်းအနားကို ဖေဖော်ဝါရီလ ၁၅ ရက်နေ့က ကျင်းပခဲ့ပြီး မြန်မာနိုင်ငံဆိုင်ရာတရုတ်သံရုံးမှသံမှူး Ms. Qiao Li တက်ရောက်ခဲ့သည်။

အခမ်းအနားတွင်သံမှူး Ms. Qiao Liက "တရုတ်နိုင်ငံသည် မြန်မာ၊ ကမ္ဘောဒီးယား၊ လာအို စသည့် လန်ချန်း-မဲခေါင်နိုင်ငံများနှင့်အတူ စံချိန်စံညွှန်းနယ်ပယ်တွင် ပူးပေါင်းဆောင်ရွက်မှုကို တိုးမြှင့်သွားပြီး အရည်အသွေး စံချိန်စံညွှန်းစီမံခန့်ခွဲမှု အတွေ့အကြုံ လုပ်ထုံးလုပ်နည်းများကို မျှဝေသွားလိုကြောင်း၊

မဲခေါင်မြစ်တစ်လျှောက်နိုင်ငံများ၏ ထုတ်ကုန်များ၊ ထုတ်လုပ်မှုနည်းစဉ်များနှင့် ဝန်ဆောင်မှုလုပ်ငန်းများအတွက် အမျိုးသား အရည်အသွေး ထောက်ခံချက်ထုတ်ပြန်ရေးစနစ် အကောင် အထည်ဖော်ရေးနှင့် လူစွမ်းအားအရင်းအမြစ် ပျိုးထောင်မှုကို ကူညီသွားလိုကြောင်း၊ 

ကုန်ပစ္စည်းစံချိန်စံညွှန်းနှင့် အပြန်အလှန်ထောက်ခံမှုကို မြှင့်တင်ပြီး စံချိန်စံညွှန်းကဏ္ဍ အပြန်အလှန်ချိတ်ဆက်မှု အဆင့်အတန်းကို တိုးမြှင့်ကာ လန်ချန်း-မဲခေါင်နိုင်ငံများ ကုန်သွယ်ရေးအဆင်ပြေချောမွေ့စေရန် ပိုမိုကောင်းမွန်သည့် ပတ်ဝန်းကျင်ဖန်တီးသွားလိုကြောင်း"ထည့်သွင်းပြောကြားခဲ့သည်။

မြန်မာနိုင်ငံဘက်မှ သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်နှင့် နိုင်ငံခြားရေးဝန်ကြီးဌာန မဟာဗျူဟာလေ့လာရေးနှင့် လေ့ကျင့်ရေးဦးစီးဌာန ဒုတိယညွှန်ကြား ရေးမှူးချုပ် ဦးကျော်စွာတို့ကလည်း"အခုအကောင် အထည်ဖော်မည့် စီမံကိန်းသည် မြန်မာနိုင်ငံ အမျိုးသားအဆင့် အရည်အသွေးဆိုင်ရာ အခြေခံအဆောက်အအုံ ခိုင်မာအားကောင်းစေရေးနှင့် မြန်မာနိုင်ငံ ထုတ်ကုန်များ၊ ထုတ်လုပ်မှုနည်းစဉ်များနှင့် ဝန်ဆောင်မှုလုပ်ငန်းများအတွက် အမျိုးသား အရည်အသွေးထောက်ခံချက် ထုတ်ပြန်သည့်စံချိန်စံညွှန်းများကို နိုင်ငံတကာနှင့်ချိတ်ဆက်ရန် ကူညီပံ့ပိုးပေးကာ ဒေသတွင်းနိုင်ငံများအကြား နည်းပညာဆိုင်ရာကုန်သွယ်ရေးအတားအဆီးများကို ဖယ်ရှားခြင်းဖြင့် ကုန်သွယ်ရေးဖွံ့ဖြိုးတိုးတက်မှုကိုမြှင့်သွားမည်ဖြစ်ကြောင်း၊ မြန်မာနိုင်ငံသည် တရုတ်နိုင်ငံနှင့်ပူးပေါင်းဆောင်ရွက်မှုကိုတိုးမြှင့်၍ မြင့်မားသောအရည်အသွေး စံချိန်စံညွှန်းဖြင့် စီမံကိန်းအား ကောင်းမွန်စွာဖော်ဆောင်သွားမည်ဖြစ်ကြောင်း" ပြောကြားခဲ့သည်။

စီမံကိန်းစတင်ခြင်း အခမ်းအနားကျင်းပပြီးနောက် “ကုန်သွယ်မှုလွယ်ကူချောမွေ့စေရေးနှင့် စက်မှုဖွံ့ဖြိုးတိုးတက်စေရေးအတွက် စံချိန်စံညွှန်းနှင့် အရည်အသွေးဆိုင်ရာအဖွဲ့အစည်းများနှင့် ချိတ်ဆက်တွေ့ဆုံဆွေးနွေးခြင်းဖိုရမ်” ကိုကျင်းပခဲ့ကြောင်း သိရသည်။

#Local_News #မဲခေါင်နိုင်ငံ #အကောင်အထည်ဖော်နေ #tthl #Yangon_Times

'လက်လီဆိုင်တစ်ဆိုင်ကို တစ်ပတ်စာချထား‌ပေးမယ်၊ ဆိုင်ရဲ့ရောင်းအားကောင်းသလို နောက်ကဖြည့်ပေးမှာပါ၊ဝယ်ယူသူတစ်ဦးကို နှစ်ပြည်ရောင်းပေးပါမယ်၊ တစ်ပတ်သုံးရက်နဲ့ အပတ်စဉ်ရောင်းပေးမယ် ၊ ဆန်ဈေးကြီးတာကိုထိန်းတာပါ၊ အခြေခံရည်ညွှန်းဈေးနားမှာ MRFကလိုသလောက် ရောင်းပေးမှာပါ'
#Local_News
Published_ 16 February 2024
#ဆန်တစ်ပြည်၃၃၀၀ကျပ် #အခြေခံရည်ညွှန်းဈေး
#YMG/NN #Yangon_Times

#Local_News
Published 16 February 2024

ကရင်ပြည်နယ်၊ မြဝတီခရိုင်ဘက်မှ သောင်ရင်းမြစ်ကိုဖြတ်ကူးပြီး ထိုင်းနိုင်ငံထဲသို့ ခိုးဝင်လာသည့်  မြန်မာနိုင်ငံသား (၂၇) ဦး ဖမ်းဆီးခံရကြောင်း ထိုင်းသတင်းဌာန တွေရဲ့ဖေါ်ပြချက်အရ သိရသည်။

ဖေဖေါ်ဝါရီ ၁၄ရက် ည ၁၀ နာရီခန့်က ထိုင်း-မြန်မာနယ်စပ်မှာ တာဝန်ကျနေသည့်  လုံခြုံရေးတပ်ဖွဲ့ဝင်များက နယ်မြေလုံခြုံရေးအတွက် လှည့်ကင်းဆောင်ရွက်နေစဉ် ဖိုးဖမြို့နယ်၊ ခီလီလတ်ကျေး ရွာအနီးက ငှက်ပျောတောထဲတွင် ပုန်းအောင်းနေသည့် လူတစ်စုကိုတွေ့ရှိပြီး စစ် ဆေးရာမှ ဖမ်းဆီးခံခြင်းဖြစ်ကြောင်း သိရသည်။

ဖမ်းဆီးခံရသူ‌ထဲတွင် အမျိုးသား (၁၁) ဦးနှင့် အမျိုးသမီး (၁၆) ဦး ပါဝင်ကာ အဆိုပါ မြန်မာနိုင်ငံသားများကို လမ်းပြခေါ်ဆောင်လာသည့် ပွဲစားကိုတော့ ဖမ်းဆီးရမိခဲ့ခြင်းမရှိကြောင်း သိရသည်။

ဖမ်းဆီးရမိသူ မြန်မာနိုင်ငံသား ၂၇ ဦးကို ဥပဒေအရ အရေး ယူဆောင်ရွက်နိုင်ရန် ဖိုးဖရဲစခန်းကို လွှဲပြောင်းပေးအပ်ခဲ့ပြီးနောက် ဖိုးဖရဲစခန်းမှ  ထိုင်းနိုင်ငံအတွင်း တရားမဝင် ခိုးဝင်လာမှုနှင့် အမှုဖွင့်လှစ်ထားကြောင်း သိရသည်။

#Local_News #ထိုင်းနိုင်ငံထဲသို့ခိုးဝင် #မြန်မာနိုင်ငံသား၂၇ ဦးဖမ်းဆီးခံရ #YMG/LW #Yangon_Times

#World_News
Published 16 February 2024

အစ္စရေးလ်တပ်တွေက ဂါဇာရှိ အကြီးမားဆုံး လည်ပတ်နေတဲ့ဆေးရုံကို ဝင်ရောက်စီးနင်းခဲ့ကြောင်း ကြာသပတေးနေ့က ပြောကြားလိုက်ပါတယ်။

ဗီဒီယိုရိုက်ကူးချက်များအရ ဖုန်တွေ မီးခိုးတွေပြည့်နေတဲ့ စင်္ကြံမှောင်တွေမှာ သေနတ်ပစ်ခတ်ပုံတွေ၊ ရုန်းရင်းဆန်ခတ်ဖြစ်ပုံတွေ မြင်တွေ့ရပါတယ်။

နက်ဆာဆေးရုံကို ဝင်ရောက်စီးနင်းတာဟာ တိတိကျကျဖြင့် ထိန်းချုပ်လုပ်ကိုင်တာဖြစ်ပြီး ဟားမတ်စ်စစ်သွေးကြွတွေက ဆေးရုံထဲမှာ ပုန်းခိုနေကာ ဓားစာခံတွေကို ဖမ်းဆီးထိန်းသိမ်းထားပြီး အချို့အလောင်းတွေကို ရှိနေတယ်လို့ သတင်းရထားခဲ့တာဖြစ်ကြောင်း အစ္စရေးလ်စစ်တပ်က ပြောကြားလိုက်ပါတယ်။

ဟားမတ်စ်ဘက်ကတော့ ဒါတွေဟာ အလိမ်အညာတွေ ဖြစ်တယ်လို့ ဆိုလိုက်ပါတယ်။

ဟားမတ်စ်တို့အုပ်စိုးနေတဲ့ ပါလက်စ်တိုင်းနယ်မြေမှ ကျန်းမာရေးအာဏာပိုင်များ ပြောကြားရာမှာ အစ္စရေးလ်တွေက ဆေးရုံဝန်ထမ်းများ၊ လူနာများကို မောင်းထုတ်ကာ ဆေးရုံမှာ ခိုလှုံနေတဲ့ ဆေးဝန်ထမ်းမိသားစုများ လူများကို ထွက်ပြေးရအောင် ပြုလုပ်ခဲ့တယ်လို့ သိရပါတယ်။

ပါလက်စ်တိုင်း ၂၀၀၀ ခန့်ဟာ တောင်ပိုင်းနယ်စပ်ရာဖာမြို့ သို့ ညတွင်းချင်းရောက်ရှိခဲ့ကာ အချို့ကတော့ မြောက်ပိုင်းသို့သွားကာ ဂါဇာအလယ်ပိုင်းရှိ ဒဲအယ်ဘာလာသို့ သွားနေကြတယ်လို့ ဆိုပါတယ်။

အောက်တိုဘာ ၇ ရက်နေ့က ဟားမတ်စ်စစ်သွေးကြွများဟာ အစ္စရေးလ်သို့ဝင်ရောက်လာပြီး အရပ်သားအများစု အပါအဝင် ၁၂၀၀ ခန့်ကိုသတ်ဖြတ်ခဲ့ပြီး ၂၃၀ ခန့်ကို ဓားစာခံဖမ်းခေါ်သွားခဲ့ရာ အစ္စရေးလ်က လက်တုန့်ပြန်တဲ့အနေနဲ့ ဂါဇာဘက်ကို တိုက်ခိုက်မှုများပြုလုပ်ခဲ့ပြီး လူပေါင်း ၂၈၀၀၀ ကျော်သေဆုံးခဲ့ကာ ၂ သန်းကျော် အိုးအိမ်စွန့်ခွာထွက်ပြေးနေရပါတယ်။

ဂါဇာမှာ ဘေးကင်းရဆုံး နောက်ဆုံးနေရာ ရာဖာကို တိုက်ခိုက်မယ်လို့ အစ္စရေးလ်က အခိုင်အမာဆိုထားပြီး နိုင်ငံတကာမှ ကန့်သတ်တိုက်ခိုက်ရန် ဖိအားတွေပေးနေတဲ့အချိန်မှာ အခုလိုဆေးရုံကို တိုက်ခိုက်လာတာ ဖြစ်ပါတယ်။

ဂါဇာမှဆေးဘက်ဆိုင်ရာ အဆောက်အအုံတွေကို တိုက်ခိုက်နေတာတွေဟာ နိုင်ငံတကာမှာ စိုးရိမ်စရာဖြစ်လာရပါတယ်။

ပြည်သူများနေထိုင်ရာ အရပ်တွေ ပျက်စီးသွားကာ နေအိမ်များမှ စွန့်ခွာလာရတာကြောင့် ဘေးကင်းမယ်လို့ ထင်ရတဲ့ ဆေးရုံတွေမှာ လာရောက်ခိုလှုံနေကြရတာ ဖြစ်ပါတယ်။

ဟားမတ်စ်တို့က ဆေးရုံတွေကို စစ်ရေးအတွက် အသုံးချတယ်လို့ အစ္စရေးလ်က စွပ်စွဲနေကာ ဆေးရုံမြေအောက် လှိုဏ်ခေါင်းတွေကနေ လက်နက်များသယ်ဆောင်တာတွေကို ဗီဒီယိုထုတ်လွှင့်ပြသထားပါတယ်။

ထိုစစ်ဆင်ရေးကို အတိအကျ ပြင်ဆင်ထားတာဖြစ်ပြီး အထူးလေ့ကျင့်ထားတဲ့ IDF အထူးတပ်တွေက ဆောင်ရွက်နေတာဖြစ်ကြောင်း အစ္စရေးလ်စစ်တပ်မှ ပြောရေးဆိုခွင့်ရှိသူ ဒန်နီယယ်ဟာဂရီက ပြောပြသွားပါတယ်။

အစ္စရေးလ်က နိုင်ငံတကာအဖွဲ့အစည်းများနဲ့ ပူးပေါင်းကာ ဆေးရုံသို့ ဆေးပစ္စည်းများနဲ့ လောင်စာများ ပို့ဆောင်ရေး စီစဥ်ထားကြောင်း ဆိုလိုက်ပါတယ်။

#World_News #ဂါဇာအဓိကဆေးရုံကြီး #အစ္စရေးလ်ဝင်ရောက်စီးနင်း #Source: Reuters

Published 16 February 2024

အော်တစ်ဇင်ရောဂါအမျိုးမျိုး (ASD)ဖြစ်စေတဲ့ အကြောင်းအရင်းနဲ့ ပတ်သက်ပြီး သိပ္ပံပညာရှင်များ အငြင်းအခုံဖြစ်နေကြတာ နှစ်ပေါင်းများစွာ ကြာပါပြီ။

ထိုရောဂါတွေထဲမှာ လူမှုပေါင်းသင်းရေး၊ အပြုအမူများ၊ စကားပြောဆိုခြင်း၊ ခြေဟန်လက်ဟန် ပြောခြင်းစတဲ့ အခက်အခဲများစွာ ပါဝင်နေပါတယ်။

ကလေးတစ်ယောက်ကို အော်တစ်ဇင်ဖြစ်စေတဲ့ အထဲမှာ ပတ်ဝန်းကျင်နဲ့ မျိုးရိုးဗီဇ အပါအဝင် အချက်အလက်များစွာ သက်ဆိုင်နေတယ်လို့ အထောက်အထားများအရ သိရပါတယ်။

အခုအချိန်မှာတော့  ASD နဲ့ အူလမ်းကြောင်း အဏုဇီဝပိုးမွှားများကြား ဆက်စပ်နိုင်ပုံတွေကို ဘားအီလန်တက္ကသိုလ်မှ သုတေသီများက တွေ့ရှိထားကြပါတယ်။

ဒါတွေဟာ ခန္ဓာကိုယ်ထဲမှာ သဘာဝအရ နေထိုင်နေတဲ့ ဗိုင်းရပ်စ်၊ ဘက်တီးရီးယား၊ မှို၊ မျိုးဗီဇအားလုံး ပါဝင်ပါတယ်။

သူတို့ဟာ အဏုကြည့်မှန်ပြောင်းဖြင့်သာ မြင်ရပေမယ့် လူ့ကျန်းမာရေးကို များစွာသက်ရောက်နေပါတယ်။

ASD ရှိနေတဲ့ အစ္စရေးလ်လူနာတွေနဲ့ ASD မဟုတ်တဲ့လူတွေထံမှ အဏုဇီဝပိုးမွှားကွဲပြားမှုကို ဆန်းစစ်ခဲ့ကြပါတယ်။

အော်တစ်ဇင်ရှိတဲ့သူတွေမှာ ဘက်တီးရီးယားတွေက အောက်ဆီဂျင်မရှိဘဲ နေထိုင်နိုင်တဲ့အချိန် (ဘက်တီရွိုက်)ပိုများကြောင်း တွေ့ရှိခဲ့ကြပါတယ်။

ASD လူနာတွေမှာ အမြောက်အများတွေ့ရတဲ့ ဘက်တီးရီးယားမျိုးတွေကိုလည်း သုတေသီများ တွေ့ရှိခဲ့ကြပါတယ်။

လူသားတွေရဲ့ အူလမ်းကြောင်းပိုးမွှားတွေမှာ သာမန်အတိုင်းရှိနေကြတဲ့ ဘက်တီရွိုက်တွေဟာ များပြားလာရင်တော့ ကျန်းမာရေးကို ဘေးဖြစ်စေပါတယ်။

အစောပိုင်းသက်တမ်းကာလမှာ ဘက်တီရွိုက်တွေပေါများခြင်းဖြင့် ASD လူနာတွေမှာ နောက်ဆက်တွဲတွေ သက်ရောက်လာပါတယ်။

ဒီသက်ရောက်မှုတွေက စမ်းသပ်ခံကြွက်အထီးတွေမှာ ပတ်ဝန်းကျင်ဆိုင်ရာ အချက်အလက်တွေနဲ့ ပိုမိုဖြစ်နိုင်ခြေရှိနေတာကို တွေ့ကြရပါတယ်။

အဆိုပါ အော်တစ်ဇင်နဲ့ အဏုဇီဝပိုးမွှားတို့ကြား ဖြစ်စဥ်တွေကို သုတေသနပြုတာဟာ နိုင်ငံတကာမှ အသိအမှတ်ပြု ထောက်ခံအားပေးနေကြပြီး ဒေါ်လာ ၆.၂ သန်း ရန်ပုံငွေရရှိနိုင်မယ့် စီမံကိန်းတွေထဲမှာ ပါဝင်နေပါတယ်။
Source: The Jerusalem Post.
#World_Health
#Published_ 16 February 2024
#YMG_News #Yangon_Times #Yangon_Media_Group

Published 16 February 2024

လူတွေမှာ ဒီမန်ရှာရောဂါ တကယ်မဖြစ်ခင် ဆယ်စုနှစ်တစ်ခု အလိုလောက်ကတည်းက ခန့်မှန်းသိရှိနိုင်မယ့် သွေးစစ်ဆေးနည်းတစ်မျိုးကို သုတေသီများ ထုတ်လုပ်နိုင်ရန် မျှော်လင့်နေကြပါတယ်။

ဗြိတိန်ပြည်ထောင်စုရှိ ကျန်းမာသူပေါင်း ၅ သောင်းရဲ့ သွေးနမူနာများရယူကာ ဒီမန်ရှာနဲ့ ဆက်စပ်နေတဲ့ ဇီဝအမှတ်အသားပစ္စည်းများကို သိပ္ပံပညာရှင်များ တွေ့ရှိပြီးနောက် ပိုမိုမျှော်လင့်လာကြပါတယ်။

အသက်ကြီးသူတွေမှာ ဒီမန်ရှာဖြစ်လာတာကို ညွှန်ပြတဲ့ ပရိုတိန်း ၄ မျိုးရဲ့ ပုံသဏ္ဍာန်တွေကို တွေ့ရှိခဲ့ကြပါတယ်။

ထိုပရိုတိန်းတွေကနေ ဒီမန်ရှာဖြစ်နိုင်ခြေကို ခန့်မှန်းရာမှာ ၉၀ ရာခိုင်နှုန်း တိကျမှုရှိခဲ့ပါတယ်။

ဒီမန်ရှာဖြစ်လာနိုင်ခြေရှိတဲ့ လူတွေကို သွေးစစ်ဆေးနည်း အသုံးပြုလာနိုင်ဖို့အရေး မကြာသေးမီက လေ့လာချက်တွေမှာ ဖော်ပြထားပါတယ်။

ရောဂါကိုစောစီးစွာ သိရှိခြင်းဖြင့် အယ်လ်ဇိုင်းမားဆေးဝါး အသစ်တွေဖြစ်တဲ့ lecanemab နဲ့ donanemab တို့ရဲ့အာနိသင် ထိရောက်မှာဖြစ်ပြီး ဗြိတိန်ပြည်ထောင်စု ဆေးဝါးကွပ်ကဲရေးမှ လက်ရှိမှာ အကဲဖြတ်နေပါတယ်။

Lecanemab ကို အမေရိကန် ဆေးဝါးကွပ်ကဲရေးမှ အသိအမှတ်ပြုပြီး ဖြစ်ပေမယ့် ဥရောပကွပ်ကဲရေးတွေကတော့ အကဲဖြတ်သုံးသပ်နေဆဲ ဖြစ်ပါတယ်။

ထိုဆေး ၂ မျိုးအသုံးပြုဖို့အတွက် လူနာတွေဟာ အယ်လ်ဇိုင်းမား အစောပိုင်းအဆင့်မှာ ရှိနေရန်နဲ့ ဦးနှောက်ထဲမှာ အမိုင်းလွိုက်ပရိုတိန်း ရှိမရှိ ကျောရိုးဖောက်ခြင်း သို့မဟုတ် PET ဓာတ်မှန်ရိုက်ထားရမှာ ဖြစ်ပါတယ်။
Source: WION.
#World_Technology
#Published_ 16 February 2024
#YMG_News #Yangon_Times #Yangon_Media_Group

Published 15 February 2024

လာမည့် ဇူလိုင်လတွင်ကျင်းပမည့် ၂၀၂၄ ခုနှစ် ဂျပန်ဘာသာ အရည်အချင်းစစ် စာမေးပွဲ (JLPT) စာမေးပွဲအတွက်လူဦးရေလေးသောင်းလျှောက်လွှာခေါ်ယူနေကြောင်းJLPT စာမေးပွဲကျင်းပရေးကော်မတီ မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA) မှသိရသည်။

အဆိုပါ ၂၀၂၄ ခုနှစ်အတွက် ဂျပန်ဘာသာအရည်အချင်းစစ်စာမေးပွဲ (JLPT) ကို ရန်ကုန်မြို့နှင့် မန္တလေးမြို့၌ ဇူလိုင် (၇) ရက်တွင်ကျင်းပသွားမည်ဖြစ်ကြောင်း ၊စာမေးပွဲအတွက် Online မှ လျှောက်လွှာလက်ခံမည့် လူဦးရေမှာ Level အားလုံးအလိုက် ၄၀၀၀၀ လက်ခံသွားမည်ဖြစ်ပြီး ရန်ကုန်နှင့် မန္တလေးတွင် Online System ဖြင့်လက်ခံခြင်းကို N1 ၊ N2 အတွက် မတ်လ (၆)ရက်၊ (၇)ရက်နှင့် (၁၅) ရက်တို့တွင်လည်းကောင်း၊ N3 အတွက် မတ်လ (၁၁)ရက် ၊ (၁၂)ရက်နှင့် (၁၅)ရက်တို့တွင်လည်း‌ကောင်း၊ N4 အတွက် မတ် (၁၃) ရက်၊ (၁၄) ရက်နှင့် (၁၉)ရက် တို့တွင်လည်းကောင်း၊  N5 အတွက် မတ် (၇)ရက် ၊ (၈) ရက်နှင့် (၁၈) ရက်သတ်မှ တ်ထားကြောင်း သိရသည်။

Online မှ လျှောက်လွှာလက်ခံမည့် အချိန်မှာ System သို့ တစ်ပြိုင်နက်တည်း ဝင်ရောက်ခြင်းအား ထိန်းချုပ်နိုင်ရန် လျှောက်လွှာလက်ခံမည့်အချိန်အား ကြိုတင်အသိပေးမည် မဟုတ်ဘဲ လျှောက်လွှာလက်ခံကာလအတွင်း မိမိအဆင် ပြေသည့်ရက်တွင် Online System သို့ ဝင်ရောက်လျှောက်ထားနိုင်ကြောင်း သိရသည်။

သင်တန်းကျောင်းများအတွက် ရောင်းချ/လက်ခံခြင်း ကြိုတင်စာရင်းပေးသွင်းခြင်းကို Google form မှ တဆင့် ဖေဖေါ်ဝါရီ (၁၉) ရက်မှ (၂၃) ရက်အတွင်း ကြိုတင်စာရင်းပေးသွင်းရမည်ဖြစ်ကာ သင်တန်းကျောင်းတစ်ကျောင်းလျှင် လျှောက်လွှာအစောင်ရေအများဆုံး (၇၀) စောင်နှုန်းဖြင့်သာ ရောင်းချသွားမည် ဖြစ်ကြောင်း သိရသည်။

ကျောင်းအရေအတွက် များပြားလာသဖြင့် အရေအတွက်လျော့ချ သတ်မှတ်ရခြင်းဖြစ်ပြီး မိမိတို့ ကျောင်းမှ အမှန်တကယ် လိုအပ်သည့် ပမာဏကိုသာ လျှောက်ထားရန် လိုအပ်ကြောင်းသိရသည်။

လျှောက်ထားသည့် ကျောင်းအားလုံးအားခွဲဝေပြီး လျှောက်လွှာပိုမိုပါက (၇၀) စောင်ထက် ပိုမိုလျှောက်ထားသော ကျောင်းများအတွက် အညီအမျှ ခွဲဝေသတ်မှတ်ပြီး ရောင်းချပေးသွားမည် ဖြစ်ကာ လျှောက်လွှာ အရောင်းကာလကို ရန်ကုန်စာဖြေဌာနအတွက် ဖေဖော်ဝါရီ (၂၉)ရက်မှ မတ်လ (၂) ရက် ၊ မန္တလေးစာဖြေဌာနအတွက် ဖေဖော်ဝါရီ (၂၉) ရက် မတ်လ (၁) ရက်အထိဖြစ်ကြောင်း သိရသည်။

စာမေးပွဲကြေးနှင့် လျှောက်လွှာတင်ကြေးများမှာ Level N1 ၊Level N2 ၊ Level N3 တို့အတွက် ၅၀၀၀၀ ကျပ်စီ ဖြစ်ပြီး Level N4 နှင့် Level N5 တို့အတွက် ၄၅,၀၀၀ ကျပ်စီဖြစ် ကြောင်း ၊ရှင်သာမဏေ၊ ရဟန်းတော်၊ သီလရှင် နှင့် (၁၀)နှစ်အောက် ဖြေဆိုသူများအတွက် အတွက် ရောင်းချ/လက်ခံခြင်းကို လျှောက်လွှာအရောင်းကာလ နှင့် လက်ခံကာလ Level အား လုံးအတွက် မတ်လ (၄) ရက်မှ (၆) ရက်အထိ သတ်မှတ်ထားကြောင်း သိရသည်။
Yangon Times/NN
#Local_News
#Published_ 15 February 2024
#YMG_News #Yangon_Times #Yangon_Media_Group

Published_15 Feb 2024

ဒစ်ဂျစ် တယ်စနစ်တစ်ခုဖြစ်သည့် Direct To Home (DTH) စနစ် ဖြင့် ရုပ်သံလိုင်း ၇ လိုင်းသာ ထုတ်လွှင့်နေ ရာမှ ယခုအခါ ရုပ်သံလိုင်း ၁၉ လိုင်းအထိ တိုးချဲ့ထုတ်လွှင့်နိုင်ရန်ဆောင်ရွက်သွားမည်ဖြစ်ကြောင်း ယနေ့ ဖေ ဖော် ဝါရီလ ၁၅ ရက်တွင် ကျင်းပသည့် မြန်မာ့အသံနှင့် ရုပ်မြင် သံကြား၏ (၇၈) နှစ်မြောက် နှစ်ပတ်လည်နေ့ အခမ်းအနားအတွင်း နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်း အောင်လှိုင် က ပြောကြားခဲ့သည်။

အာဆီယံနိုင်ငံများ၌ "Analogue Switch Off-ASO" ဟု ခေါ်သည့် Analogue စနစ်ဖြင့် ထုတ်လွှင့်မှုရပ်ဆိုင်းရန် သဘောတူညီထားကြသည့် အစီအစဉ်ထဲမှ Pilot Project တစ်ခုဖြစ်သည့် နေပြည်တော်၊ ရန်ကုန်နှင့် မန္တလေး မြို့ကြီး ၃ မြို့အတွက် ထုတ်လွှင့် နေသည့် ထပ်ဆင့်လွှင့်စက်ရုံ ၃ ရုံ အနေဖြင့် Analogue စနစ် ထုတ်လွှင့်မှုကို စတင်ရပ်ဆိုင်း နိုင်ရန် ကြေညာ၍ အဆိုပါမြို့ကြီး ၃ မြို့တွင် ဒစ်ဂျစ်တယ်စနစ်တစ်ခုဖြစ်သည့် Digital Video Broadcasting - Second Generation Terrestrial (DVB-T2) 9 လွှင့်နေသည့်ရုပ်သံ ၁၈ လိုင်းထဲတွင် High Definition (HD) Quality နှင့် ရုပ်သံလိုင်း ၂ လိုင်း သာ ထုတ်လွှင့်နိုင်ရာမှ ယခုအခါ (၁၁) လိုင်းအထိ အဆင့် မြှင့် တင်ပြီး တိုးချဲ့ထုတ် လွှင့်နိုင်ရန်လုပ်ဆောင်နေကြောင်း သိရသည်။

MRTV အနေဖြင့် တိုင်းရင်းသား ဘာသာ စကား(၁၈)မျိုး အပါအဝင်စုစုပေါင်း ဘာသာစကား (၂၀) မျိုးနှင့် ထုတ် လွှင့်နိုင်သည် မှာလည်း နိုင်ငံတကာအလယ်တွင် ထူးခြားထင်ရှားပြီး ပြည်ထောင်စုဖွား တိုင်းရင်း သားအားလုံး ကို အလေးထားဝန်ဆောင်မှုပေးနေကြောင်းလည်း ၎င်းက ပြောသည်။

မြန်မာ့အသံနှင့်ရုပ်မြင်သံကြား၏အစ “ရန်ကုန်ရေဒီယို (Rangoon Radio)” က ဟု ခေါ်တွင်ခဲ့ရာမှ အမည် စတင် ပြင်ဆင်ခဲ့သည့် ၁၉၄၆ ခုနှစ်၊ ဖေဖော်ဝါရီ ၁၅ ရက်ကို မူတည်သတ်မှတ်ပြီး မြန်မာ့အသံနှင့် ရုပ်မြင် သံကြား၏ နှစ်ပတ် လည်နေ့အထိမ်းအမှတ်အခမ်းအနားများကို နှစ်စဉ်ကျင်းပခဲ့ခြင်း ဖြစ်ကြောင်း သိရသည်။
Yangon Times/PP
#Local_News
#Published_ 15 February 2024
#YMG_News #Yangon_Times #Yangon_Media_Group

၁၅ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေထုတ်ပြန်ပြီးနောက်ပိုင်း ထွက်ပေါ်နေသည့် ကောလာဟလ သတင်းများ၊ စိုးရိမ်ထိတ်လန့်မှု များဖြစ်ပေါ်နေရာ နစကသတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ယနေ့ ဖေဖော်ဝါရီ ၁၅ရက်နေ့တွင် ထပ်မံရှင်းလင်းပြောကြား ခဲ့ပါတယ်။ အဆိုပါပြောကြားချက်အပြည့်အစုံကို ဖော်ပြပေးအပ်ပါတယ်။

@ymg/knl

တရုတ် လာအိုရထားလမ်းရဲ့ နိုင်ငံတကာ ခရီးသည်ဝန်ဆောင်မှုဟာ လျင်မြန်စွာ သွားလာနိုင်ရေးကြောင့် နယ်စပ်ဖြတ်ကျော်သွားလာမှု လွန်စွာတိုးတက်လာပြီး အခွန်ဖြတ်သန်းခွင့်လုပ်ငန်းစဥ်များ မြန်ဆန်လာပါတယ်။
၂၀၂၃ ဧပြီ ၁၃ ရက်နေ့ နယ်စပ်ဖြတ်ကျော် ခရီးသည်ဝန်ဆောင်မှုများအတွက် ရထားလမ်းစဖွင့်ကတည်းက တရုတ်လာအိုရထားလမ်းမှာ ပထမဆုံးနွေဦးပွဲတော် သွားလာရေး မြင်နေရပါပြီ။
#World_Development
#Published_ 15 February 2024
#YMG_News #Yangon_Times #Yangon_Media_Group

#Daily_News
Published_ 15 February 2024

၁။ ရှေ့လတွင်ပုံမှန်‌ နွေရာသီထက်ပိုပူပြီးရေရှားပါးခြင်းနှင့်အပူကြောင့် ရောဂါဖြစ်ပွားနိုင်

၂။ မွန်ဒေသထွက် မရမ်းသီးများ ရန်ကုန်ဈေးကွက်သို့ ဝင်ရောက်ပြီး‌ပေါ်ဦးပေါ်ဖျား ဈေးကောင်းရနေ

၃။ မြင်းလေလံတင်ရောင်းချပွဲ ကို စိတ်ဝင်စားမှုများသော်လည်း သယ်ယူစရိတ်များကြောင့် နယ်ဝေးမှ မြင်းပိုင်ရှင်များ လာရောက်ရောင်းချရန် စာရင်းပေးမှုနည်းနေ

၄။ တရုတ် လာအို နိုင်ငံတကာခရီးစဥ်ရထားလမ်းဝန်ဆောင်မှုဖြင့် ခရီးသည်လျင်မြန်စွာနယ်စပ်ဖြတ်ကျော်သွားလာနိုင်ပြီ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 15 February 2024

  မြန်မာနေရှင်နယ်လိဂ်ကလပ် ရခိုင်ယူနိုက်တက်အသင်းသည်  မြန်မာ့လက်ရွေးစင် ကစားသမားဟောင်း ကြည်လင်းကို ခေါ်ယူခဲ့ပြီဖြစ်ကြောင်း  ကြေညာခဲ့သည်။

ရာသီသစ်မစတင်ခင် ပြင်ဆင်မှုတွေ ပြုလုပ်မှုအနေဖြင့်ကစားသမားများအားခေါ်ယူနေခြင်းဖြစ်ရာ  ရခိုင်ယူနိုက်တက်အသင်းသည့် ယခုခေါ်ယူလိုက်သည့်  ကြည်လင်းအား ဖေဖော်ဝါရီ ၁၅ ရက်က စာချုပ်ချုပ်ဆို ခဲ့ပြီး အသင်း၏  လေ့ကျင့်ခန်း အစီအစဉ်များ၌  ပါဝင်နေပြီဖြစ်ကြောင်းသိရသည်။

ကစားသမား ကြည်လင်းသည် ရန်ကုန်ယူနိုက်တက်အသင်းနှင့် အတူ မြန်မာနေရှင်နယ်လိဂ်ဖလား ၃ ကြိမ် ရယူနိုင်ခဲ့ပြီးနောက် ၂၀၂၀ ခုနှစ် ဘောလုံးရာသီအပြီး၌ ကစားသမားဘဝမှ  အနားယူခဲ့ပြီး‌နောက် မကြာသေးခင်က အပျော်တမ်းပြိုင်ပွဲမှ  မြန်မာနေရှင်နယ်လိဂ်-၂ ကို တန်းတက်ရန်ယှဉ်ပြိုင်ခဲ့သည့်  ရန်ကုန်ဂလက်ဇီအသင်းတွင်  ပါဝင်ကစားခဲ့ပြီး ခြေစွမ်းပြသနိုင်ခဲ့ကြောင်းသိရသည်။

ပြီးခဲ့သည့် ရာသီက မြန်မာနေရှင်နယ်လိဂ်ပြိုင်ပွဲတွင်  အဆင့် ၈ နေရာဖြင့်သာ ရာသီအဆုံးသတ်နိုင်ခဲ့သည့်  ရခိုင်ယူနိုက်တက် အသင်းသည် ယခုရာသီ ထိပ်တန်းအဆင့်၌  ရပ်တည်နိုင်ဖို့ ပစ်မှတ်ထားနေပြီး ယခုရာသီ၌  နာမည်ကြီး ပြည်တွင်း ကစားသမားများ အပါအဝင် နိုင်ငံခြားသား နည်းပြနှင့် နိုင်ငံခြား ကစားသမားများကိုပါ ခေါ်ယူထားကြောင်းသိရသည်။

ရခိုင်ယူနိုက်တက်အသင်းသည် မကြာသေးခင်ကလည်း  ရန်ကုန်ယူနိုက်တက်အသင်းဖော်ဟောင်း ကျော်ကိုကို ကိုခေါ်ယူထားကာ တိုက်စစ်မှူး ကောင်းစည်သူကိုလည်း ၁ နှစ် စာချုပ်ချုပ်ဆိုထားကြောင်းသိရသည်။
Yangon Times/NN
#Local_News
#Published_ 15 February 2024
#YMG_News #Yangon_Times #Yangon_Media_Group