Published 15 February 2024

  မြန်မာနေရှင်နယ်လိဂ်ကလပ် ရခိုင်ယူနိုက်တက်အသင်းသည်  မြန်မာ့လက်ရွေးစင် ကစားသမားဟောင်း ကြည်လင်းကို ခေါ်ယူခဲ့ပြီဖြစ်ကြောင်း  ကြေညာခဲ့သည်။

ရာသီသစ်မစတင်ခင် ပြင်ဆင်မှုတွေ ပြုလုပ်မှုအနေဖြင့်ကစားသမားများအားခေါ်ယူနေခြင်းဖြစ်ရာ  ရခိုင်ယူနိုက်တက်အသင်းသည့် ယခုခေါ်ယူလိုက်သည့်  ကြည်လင်းအား ဖေဖော်ဝါရီ ၁၅ ရက်က စာချုပ်ချုပ်ဆို ခဲ့ပြီး အသင်း၏  လေ့ကျင့်ခန်း အစီအစဉ်များ၌  ပါဝင်နေပြီဖြစ်ကြောင်းသိရသည်။

ကစားသမား ကြည်လင်းသည် ရန်ကုန်ယူနိုက်တက်အသင်းနှင့် အတူ မြန်မာနေရှင်နယ်လိဂ်ဖလား ၃ ကြိမ် ရယူနိုင်ခဲ့ပြီးနောက် ၂၀၂၀ ခုနှစ် ဘောလုံးရာသီအပြီး၌ ကစားသမားဘဝမှ  အနားယူခဲ့ပြီး‌နောက် မကြာသေးခင်က အပျော်တမ်းပြိုင်ပွဲမှ  မြန်မာနေရှင်နယ်လိဂ်-၂ ကို တန်းတက်ရန်ယှဉ်ပြိုင်ခဲ့သည့်  ရန်ကုန်ဂလက်ဇီအသင်းတွင်  ပါဝင်ကစားခဲ့ပြီး ခြေစွမ်းပြသနိုင်ခဲ့ကြောင်းသိရသည်။

ပြီးခဲ့သည့် ရာသီက မြန်မာနေရှင်နယ်လိဂ်ပြိုင်ပွဲတွင်  အဆင့် ၈ နေရာဖြင့်သာ ရာသီအဆုံးသတ်နိုင်ခဲ့သည့်  ရခိုင်ယူနိုက်တက် အသင်းသည် ယခုရာသီ ထိပ်တန်းအဆင့်၌  ရပ်တည်နိုင်ဖို့ ပစ်မှတ်ထားနေပြီး ယခုရာသီ၌  နာမည်ကြီး ပြည်တွင်း ကစားသမားများ အပါအဝင် နိုင်ငံခြားသား နည်းပြနှင့် နိုင်ငံခြား ကစားသမားများကိုပါ ခေါ်ယူထားကြောင်းသိရသည်။

ရခိုင်ယူနိုက်တက်အသင်းသည် မကြာသေးခင်ကလည်း  ရန်ကုန်ယူနိုက်တက်အသင်းဖော်ဟောင်း ကျော်ကိုကို ကိုခေါ်ယူထားကာ တိုက်စစ်မှူး ကောင်းစည်သူကိုလည်း ၁ နှစ် စာချုပ်ချုပ်ဆိုထားကြောင်းသိရသည်။
Yangon Times/NN
#Local_News
#Published_ 15 February 2024
#YMG_News #Yangon_Times #Yangon_Media_Group

15 February 2024

ပြည်သူ့စစ်မှုထမ်းဥပဒေအာဏာတည်ခြင်းနှင့်ပတ်သက်၍ ပြည်ပထွက်ခွာခွင့်ပိတ်ပင်ခြင်းမရှိဘဲ ယခင် အတိုင်း ဥပဒေနှင့်အညီဝင်/ထွက်ခွင့်ပြုနေကြောင်း လူဝင်မှုကြီးကြပ်ရေးနှင့်ပြည်သူ့အင်အားဝန်ကြီး ဌာနမှထုတ်ပြန်လိုက်ကြောင်းသိရသည်။

ပြည်သူ့စစ်မှုထမ်းဥပဒေ စတင်အာဏာတည်ကြောင်း သတ်မှတ်ခြင်းနှင့်ပတ်သက်၍ ပြည်သူများ၏ ပြည်ပထွက်ခွာခွင့်များအား လူဝင်မှုကြီးကြပ်ရေးဆိုင်ရာ ညွှန်ကြားချက်များ၊ ကန့်သတ်ချက်များ ထုတ်ပြန်စိစစ်တားဆီးခြင်းမရှိဘဲ အပြည်ပြည်ဆိုင်ရာလေဆိပ်များဖြစ်သည့် ရန်ကုန်၊ မန္တလေး၊ နေပြည်တော် လေဆိပ်များအပါအဝင် အိမ်နီးချင်းနိုင်ငံများနှင့် နယ်နိမိတ်ချင်း ထိစပ်လျက်ရှိသော နယ်စပ်ဝင်/ ထွက်ဂိတ်များမှ လူဝင်မှုကြီးကြပ်ရေးဆိုင်ရာ ဝင်ထွက်ခွင့်ပြုခြင်းများကို ယခင်အတိုင်း ဥပဒေနှင့်အညီ စနစ်တကျ ဝင်/ထွက်ခွင့်ပြု ဆောင်ရွက်ပေးလျက်ရှိသည်ဟုဆိုသည်။

ထုတ်ပြန်ချက်တွင် ၂၀၁၀ ပြည့်နှစ်၊ နိုဝင်ဘာလ ၄ ရက်နေ့တွင် နိုင်ငံတော်အေးချမ်းသာယာရေးနှင့် ဖွံဖြိုးရေး ကောင်စီဥပဒေအမှတ် ၂၇/၂၀၁၀ ဖြင့် ပြဋ္ဌာန်းထားခဲ့သော ပြည်သူ့စစ်မှုထမ်းဥပဒေပုဒ်မ ၁၊ ပုဒ်မခွဲ (ခ) အရ နိုင်ငံတော်စီမံအုပ်ချုပ်ရေးကောင်စီသည် ပြည်သူ့စစ်မှုထမ်းဥပဒေအား ၂၀၂၄ ခုနှစ်၊ ဖေဖော်ဝါရီလ ၁၀ ရက်နေ့တွင် စတင်အာဏာတည်ကြောင်းသတ်မှတ်သည့် အမိန့်ကြော်ငြာစာကို (၁၀-၂-၂၀၂၄) ရက်စွဲဖြင့် ထုတ်ပြန်ခဲ့ကြောင်း၊

ယခုအခါ အဆိုပါထုတ်ပြန်ချက်အပေါ် မီဒီယာအချို့နှင့် လူမှုကွန်ယက်စာမျက်နှာအချို့ တို့တွင် ပြည်သူများ၏ ပြည်ပထွက်ခွာခွင့်များနှင့်ပတ်သက်၍ တားဆီးပိတ်ပင်နေသည်ဆိုသည့် ကောလာဟလ သတင်းအမှားများထွက်ပေါ်လျက်ရှိကြောင်း၊

ပြည်သူ့စစ်မှုထမ်းဥပဒေ စတင်အာဏာတည်ကြောင်း သတ်မှတ်ခြင်းနှင့်ပတ်သက်၍ ပြည်သူများ၏ ပြည်ပထွက်ခွာခွင့်များအား လူဝင်မှုကြီးကြပ်ရေးဆိုင်ရာ ညွှန်ကြားချက်များ၊ ကန့်သတ်ချက်များ ထုတ်ပြန်စိစစ်တားဆီးခြင်းမရှိဘဲ အပြည်ပြည်ဆိုင်ရာလေဆိပ်များဖြစ်သည့် ရန်ကုန်၊ မန္တလေး၊ နေပြည်တော် လေဆိပ်များအပါအဝင် အိမ်နီးချင်းနိုင်ငံများနှင့် နယ်နိမိတ်ချင်း ထိစပ်လျက်ရှိသော နယ်စပ်ဝင်/ ထွက်ဂိတ်များမှ လူဝင်မှုကြီးကြပ်ရေးဆိုင်ရာ ဝင်ထွက်ခွင့်ပြုခြင်းများကို ယခင်အတိုင်း ဥပဒေနှင့်အညီ စနစ်တကျ ဝင်/ထွက်ခွင့်ပြု ဆောင်ရွက်ပေးလျက်ရှိကြောင်းနှင့် ပြည်ပထွက်ခွာခွင့်များ နှင့်ပတ်သက်၍ မည်သည့်ညွှန်ကြားချက်မျှ သီးခြားထုတ်ပြန် ဆောင်ရွက် ထားခြင်းမရှိကြောင်း အသိပေးကြေညာထားကြောင်းဖော်ပြပါရှိသည်။
Yangon Times/tthl
#Local_News
#Published_ 15 February 2024
#YMG_News #Yangon_Times #Yangon_Media_Group

‘‘ရွှေကျင်ကျွန်းသားကျောင်းတော်ကြီးကို ထိုင်းနိုင်ငံမှ ပညာရှင်တွေရဲ့ ရှေးမူလက်ရာမပျက် ကျွန်းသားလက်ရာအတိုင်း ပြန်လည်ပြုပြင်မွမ်းမံပေးခဲ့တာဖြစ်သလို ကုန်ကျစရိတ်ကိုလည်း ထိုင်းနိုင်ငံကအလှူရှင်တွေကပဲ ကုန်ကျခံပြုပြင်မွမ်းမံပေးခဲ့တာဖြစ်တယ်’’ ကုန်းဘောင်ဆက်ဆွေတော်မျိုးတော်များအသင်း(အောက်မြန်မာပြည်)မှ ပြင်စည်ထိပ်တင်စည်သူဟိန်း
Yangon Times/tthl
#Local_News
#Published_ 15 February 2024
#YMG_News #Yangon_Times #Yangon_Media_Group

၁၅ ဖေဖော်ဝါရီ ၂၀၂၄

ဂျပန်ဟာ မမျှော်လင့်ဘဲ ပြီးခဲ့သည့်နှစ်အကုန်မှာ စီးပွားရေးကျဆင်းမှု recession ထဲ ရောက်ရှိသွားရပြီး ကမ္ဘာ့တတိယ စီးပွားရေးအင်အားအကြီးဆုံးနိုင်ငံဆိုတဲ့ ဂုဏ်ပုဒ်ကိုလည်း ဂျာမနီနိုင်ငံထံ လွှဲပေးလိုက်ရပါတယ်။ ဆယ်စုနှစ်ကြာညောင်းခဲ့တဲ့ ယင်းရဲ့အလွန်လျော့တိလျော့လျဲနိုင်လှတဲ့ ငွေကြေးမူဝါဒကနေ ဂျပန်ဗဟိုဘဏ်က ရုန်းထွက်နိုင်မှာလားဆိုတဲ့အပေါ်လည်း သံသယဖြစ်နေကြပါတယ်။

တရုတ်ရဲ့လိုအပ်မှု ကျဆင်းခြင်း၊ဝယ်လိုအားခြောက်ကပ်နေခြင်းနှင့် တိုယိုတာကား စက်ရုံတစ်ခု ထုတ်လုပ်မှုရပ်ဆိုင်းထား ရခြင်းတွေကြောင့် လက်ရှိသုံးလတ်ပတ်မှာ ဂျပန်စီးပွားရေးဟာ နောက်ထပ်ကျုုံလာနိုင်တယ်လို့ ပညာရှင်တွေက သတိပေး  လိုက်ပါတယ်။

“ ဂျပန်စီးပွားရေးဟာ အရှိန်ဆက်ပြီးလျော့ကျနေဦးမှာဖြစ်ပါတယ်။ ဖွံ့ဖြိုးတိုးတက်မှု အဓိကမောင်းနှင်အားတွေ မရှိဖြစ်နေ တယ်” လို့ ဒိုင်အီချီလိုက်ဖ် သုတေသနအဖွဲ့မှ အကြီးတန်းအမှုဆောင်စီးပွားရေးပညာရှင် ယိုရှီကီ ရှင်ကေးကပြောပါတယ်။

ဂျပန်ရဲ့ ဂျီဒီပီဟာ ပြီးခဲ့တဲ့သုံးလပတ်မှာ ၃.၃ ရာခိုင်နှုန်းကျဆင်းပြီးနောက်  အောက်တိုဘာမှ ဒီဇင်ဘာ တစ်နှစ်တာကာလ အတွင်းမှာ စုစုပေါင်း၀.၄ ရာခိုင်နှုန်းကျဆင်းသွားတယ်လို့ အစိုးရရဲ့ ကြာသပတေးနေ့က ထုတ်ပြန်ချက်အရသိရပါတယ်။

သုံးလပတ်နှစ်ခု ဆက်တိုက် စီးပွားရေးကျုံ့သွာတဲ့အတွက် ပညာရပ်ပိုင်းဆိုင်ရာ အနက်အဓိပ္ပါယ်ဖွင့်ဆိုရလျှင် ဂျပန်ဟာ စီးပွးရေးကျဆင်းမှု recession ထဲရောက်ရှိသွားတာဖြစ်ပါတယ်။

“ သုံးလတ်ပတ်နှစ်ခုဆက်တိုက် ဂျီဒီပီျကဆင်းကြီး သုံးလပတ်သုံးခု ဆက်တိုက်  ပြည်တွင်းဝယ်အားကျဆင်းရတာဟာ သတင်းဆိုးတစ်ခုဖြစ်တယ်” လို့  Moody's Analytics အဖွဲ့အစည်းရဲ့ အကြီးတန်းစီးပွားရေးပညာရှင် စတီဖန် အင်ဂရစ်က ပြောပါတယ်။

Source Reuters

@ymg/knl

ပြည်ပနိုင်ငံများကို တရားဝင်အလုပ်သွားရောက် လုပ်ကိုင်နိုင်မယ့် အလုပ်ခေါ်စာတင်ပြ မှုများကို  ဖေဖေါ်ဝါရီ ၁၄ ရက် မှာ အလုပ်သမားဝန်ကြီးဌာနရဲ့ တရားဝင်လူမှုကွန်ယက် ဖြစ်တဲ့ Safe migration  မှ Demand Letter အလုပ်ခေါ်စာ အသစ်များတင်ပြခြင်းကိုခေတ္တဆိုင်းငံ မှာ ဖြစ်တယ်လို့ ကြေညာခဲ့ပေမယ့် ဖေဖေါ်ဝါရီ ၁၅ ရက် မှာတော့ အလုပ်ခေါ်စာအသစ်များ ဝန်ကြီးဌာနကို ပုံမှန်အတိုင်း ပြန်လည်တင်ပြနိုင်ပြီလို့ ထပ်မံ ကြေညာခဲ့ပါတယ်။
Yangon Times/LW
#Local_News
#Published_ 15 February 2024
#YMG_News #Yangon_Times #Yangon_Media_Group

 

မြင်းလေလံပွဲကျင်းပရေးကော်မတီကို လေလံပွဲမှာ ရောင်းချဖို စာရင်းပေးရ မှာ ရန်ကုန်တိုင်း အတွင်းရှိမြို့နယ်တွေ က အများဆုံးဖြစ်ပြီး  နယ်ဝေးသမားတွေ အနေနဲ့ မြင်းမရောင်းရပါက ကုန်ကျမယ့် သယ်ယူစရိတ်ကို တွက်ဆနေရတဲ့ အတွက် စာရင်းပေးမှု အားနည်းတယ်လို့ ဆိုပါတယ်။
Yangon Times/LW
#Local_News
#Published_ 15 February 2024
#YMG_News #Yangon_Times #Yangon_Media_Group

Published 15 February 2024

  မွန်ပြည်နယ်၊ သထုံမြို့ ၁၃၄/၇မိုင်ဘီးလင်း-ကျိုက်ကော်လမ်းပိုင်း မိုးကောင်းအနီးတွင် တွဲကား နဲ့ probox  ယာဉ်တို့ တိုက်မိမှု ဖြစ်ပွားခဲ့ကြောင်း လူမှုကူညီရေးအသင်းများထံက သိရသည်။

  ဖေဖေါ်ဝါရီ ၁၅ ရက် နံနက် ၁၀နာရီ ခန့်က ဖြစ်ပွားခဲ့ ခြင်း ဖြစ်ပြီး အဆိုပါယာဉ် တိုက်မှု ကြောင့်​ေ-သ ဆုံးသူ ၇ဦးရှိကြောင်း သိရသည်။

 "" probox ယာဉ်ပေါ်ပါတဲ့ အမျိုးသား ၅ဦး အမျိုးသမီး ၂ဦး  ​ေ-သ ဆုံးတာ probox ကားကတိုက်မိတဲ့ အရှိန် နဲ့ အထဲက လူတွေ ညှပ် သွားတာ မနည်း ဆွဲ ထုတ်ရတယ်""ဟု လူမူကူညီရေးအသင်းမှတာဝန်ရှိသူ တစ်ဦးကပြောသည်။

 အခင်းဖြစ်ပွားရာသို့ မီးသတ်တပ်ဖွဲ့ဝင်များ(ဘီးလင်း၊ကျိုက်ကော် ရှာကယ်အဖွဲ့များ) မိုးကောင်းRescueအဖွဲ့၊ပီတိနှလုံးသားRescueအဖွဲ့ တို့မှ ကူညီဆောင်ရွက်ပေးလျက်ရှိကြောင်း သိရသည်။
Yangon Times/LW
#Local_News
#Published_ 15 February 2024
#YMG_News #Yangon_Times #Yangon_Media_Group

မွန်ဒေသထွက် မရမ်းသီးများရန်ကုန်ဈေးကွက်သို့ဝင်ရောက်ပြီး‌ပေါ်ဦးပေါ်ဖျားဈေးကောင်းရနေ
' သီရိမဂ်လာဈေးကို အရင်လက ထားဝယ်ကမရမ်းသီး စဝင်တယ်၊ အခုမော်လမြိုင်နဲ့ တောင်စွန်းက စဝင်နေတယ်၊ ဈေးကတစ်ပိသာ ၁၈,၀၀၀ ပါ၊ အရင်လက အသီးမလှ‌သေးဘူး၊ အခုလှလာပြီ'
Yangon Times/NN
#Local_News
#Published_ 15 February 2024
#YMG_News #Yangon_Times #Yangon_Media_Group

ရှေ့လပုံမှန် နွေရာသီထက်ပိုပူပြီး ရေရှားပါး ပြတ်လတ်နိုင်

"အယ်နီညိုသက်ရောက်လို ပိုပူမယ့် အခုနှစ်နွေရာသီမှာတော့ရေရှားပါးပြတ်လတ်မှုပြဿနာပိုကြုံနိုင်လို နေအိမ်တွေနဲ့ ရေပေးဝေရေးဌာနတွေမှာ ရေသိုလှောင်တာ၊ ရေစုဆောင်းတာစတဲ့ ကြိုတင်ပြင်ဆင်မှု တွေဆောင်ရွက်ထားသင့်တယ်"
Yangon Times/tthl
#Local_News
#Published_ 15 February 2024
#YMG_News #Yangon_Times #Yangon_Media_Group

Published-15 February 2024

လာမည့် ဇူလိုင်လတွင်ကျင်းပမည့် ၂၀၂၄ ခုနှစ် ဂျပန်ဘာသာ အရည်အချင်းစစ် စာမေးပွဲ (JLPT) စာမေးပွဲအတွက်လူဦးရေလေးသောင်းလျှောက်လွှာခေါ်ယူနေကြောင်း(JLPT) စာမေးပွဲကျင်းပရေးကော်မတီ မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA) မှသိရသည်။

အဆိုပါ ၂၀၂၄ ခုနှစ်အတွက် ဂျပန်ဘာသာအရည်အချင်းစစ်စာမေးပွဲ (JLPT) ကို ရန်ကုန်မြို့နှင့် မန္တလေးမြို့၌ ဇူလိုင် (၇) ရက်တွင်ကျင်းပသွားမည်ဖြစ်ကြောင်း ၊စာမေးပွဲအတွက် Online မှ လျှောက်လွှာလက်ခံမည့် လူဦးရေမှာ Level အားလုံးအလိုက် ၄၀၀၀၀ လက်ခံသွားမည်ဖြစ်ပြီး ရန်ကုန်နှင့် မန္တလေးတွင် Online System ဖြင့်လက်ခံခြင်းကို N1 ၊ N2 အတွက် မတ်လ (၆)ရက်၊ (၇)ရက်နှင့် (၁၅) ရက်တို့တွင်လည်းကောင်း၊ N3 အတွက် မတ်လ (၁၁)ရက် ၊ (၁၂)ရက်နှင့် (၁၅)ရက်တို့တွင်လည်း‌ကောင်း၊ N4 အတွက် မတ် (၁၃) ရက်၊ (၁၄) ရက်နှင့် (၁၉)ရက် တို့တွင်လည်းကောင်း၊  N5 အတွက် မတ် (၇)ရက် ၊ (၈) ရက်နှင့် (၁၈) ရက်သတ်မှ တ်ထားကြောင်း သိရသည်။

Online မှ လျှောက်လွှာလက်ခံမည့် အချိန်မှာ System သို့ တစ်ပြိုင်နက်တည်း ဝင်ရောက်ခြင်းအား ထိန်းချုပ်နိုင်ရန် လျှောက်လွှာလက်ခံမည့်အချိန်အား ကြိုတင်အသိပေးမည် မဟုတ်ဘဲ လျှောက်လွှာလက်ခံကာလအတွင်း မိမိအဆင် ပြေသည့်ရက်တွင် Online System သို့ ဝင်ရောက်လျှောက်ထားနိုင်ကြောင်း သိရသည်။

သင်တန်းကျောင်းများအတွက် ရောင်းချ/လက်ခံခြင်း ကြိုတင်စာရင်းပေးသွင်းခြင်းကို Google form မှ တဆင့်
ဖေဖေါ်ဝါရီ (၁၉) ရက်မှ (၂၃) ရက်အတွင်း ကြိုတင်စာရင်းပေးသွင်းရမည်ဖြစ်ကာ သင်တန်းကျောင်းတစ်ကျောင်းလျှင် လျှောက်လွှာအစောင်ရေအများဆုံး (၇၀) စောင်နှုန်းဖြင့်သာ ရောင်းချသွားမည် ဖြစ်ကြောင်း သိရသည်။

ကျောင်းအရေအတွက် များပြားလာသဖြင့် အရေအတွက်လျော့ချ သတ်မှတ်ရခြင်းဖြစ်ပြီး မိမိတို့ကျောင်းမှ အမှန်တကယ် လိုအပ်သည့် ပမာဏကိုသာ လျှောက်ထားရန် လိုအပ်ကြောင်းသိရသည်။

လျှောက်ထားသည့် ကျောင်းအားလုံးအားခွဲဝေပြီး လျှောက်လွှာပိုမိုပါက (၇၀) စောင်ထက် ပိုမိုလျှောက်ထားသော ကျောင်းများအတွက် အညီအမျှခွဲဝေသတ်မှတ်ပြီး ရောင်းချပေးသွားမည်ဖြစ်ကာ လျှောက်လွှာ အရောင်းကာလကို
ရန်ကုန်စာဖြေဌာနအတွက် ဖေဖော်ဝါရီ (၂၉)ရက်မှ မတ်လ (၂) ရက် ၊ မန္တလေးစာဖြေဌာနအတွက် ဖေဖော်ဝါရီ (၂၉) ရက် မတ်လ (၁) ရက်အထိဖြစ်ကြောင်း သိရသည်။

စာမေးပွဲကြေးနှင့် လျှောက်လွှာတင်ကြေးများမှာ Level N1 ၊Level N2 ၊ Level N3 တို့အတွက် ၅၀၀၀၀ ကျပ်စီ ဖြစ်ပြီး Level N4 နှင့် Level N5 တို့အတွက် ၄၅,၀၀၀ ကျပ်စီဖြစ်ကြောင်း ၊ရှင်သာမဏေ၊ ရဟန်းတော်၊ သီလရှင် နှင့် (၁၀)နှစ်အောက် ဖြေဆိုသူများအတွက် အတွက် ရောင်းချ/လက်ခံခြင်းကို လျှောက်လွှာအရောင်းကာလ နှင့် လက်ခံကာလ Level အား လုံးအတွက် မတ်လ (၄) ရက်မှ (၆) ရက်အထိ သတ်မှတ်ထားကြောင်း သိရသည်။
Yangon Times/NN
#Local_News
#Published_ 15 February 2024
#YMG_News #Yangon_Times #Yangon_Media_Group

Published _15 February 2024
၂၀၂၃-၂၀၂၄ဘဏ္ဍာနှစ် ၁၀လတာအတွင်းပြည်ပနိုင်ငံများသို့ ရေထွက်ကုန်တင်ပို့မှုမှ ကန်ဒေါ်လာသန်း၆၀၀ခန့်ရရှိထားကြောင်း ငါးလုပ်ငန်းဦးစီးဌာနမှ သိရသည်။

ထိုသို့တင်ပို့ရာတွင် ၂၀၂၃ခုနှစ် ဧပြီ၁ရက်မှ ၂၀၂၄ခုနှစ် ဇန်နဝါရီ၃၁ရက်အထိ ပြည်ပနိုင်ငံများသို့ ရေထွက်ကုန်
တန်ချိန် (၄၀၂၀၀၀)ကျော်တင်ပို့ခဲ့ရာ အမေရိကန် ဒေါ်လာ(၅၈၇)သန်းကျော် ရရှိထားကြောင်း သိရသည်။

ရေထွက်ကုန်ပစ္စည်းများကို ပုံမှန်ကုန်သွယ်ရေး Normal Trade နှင့် နယ်စပ်ကုန်သွယ်ရေး Border Trade လမ်းကြောင်းများမှတဆင့် ပြည်ပနိုင်ငံများသို့ တင်ပို့နေခြင်းဖြစ်သည်။

မြန်မာ့ရေထွက်ကုန်ပစ္စည်းများကို   ပုံမှန်ကုန်သွယ်ရေးအဖြစ် ဂျပန်နှင့် ဥရောပနိုင်ငံများ အပါအဝင် တရုတ်၊ ထိုင်းနှင့် အိမ်နီးချင်းနိုင်ငံများကို မူဆယ်၊ မြဝတီ၊ ကော့သောင်း၊ စစ်တွေ၊ မြိတ်၊ မောင်တော နယ်စပ်ကုန်သွယ်ရေးစခန်းများ မှ  ငါး၊ ပုစွန်၊ ဂဏန်း စသည့် ရေထွက်ကုန်တွေကို ပုံမှန်တင်ပို့နေခြင်းဖြစ်ကာ နိုင်ငံပေါင်း (၄၅) နိုင်ငံသို့ နှစ်စဉ်တင်ပို့လျက်ရှိကြောင်းသိရသည်။
Yangon Times/NN
#Local_News
#Published_ 15 February 2024
#YMG_News #Yangon_Times #Yangon_Media_Group

 

Published 15 February 2024

 ရန်ကုန်မြို့ရှိ  ထိုင်း သံရုံး တွင် ဗီဇာလျှောက်ထားသူများ ကို တစ်ရက်လျှင် ၄၀၀သာ လက်ခံမည်ဖြစ်ကြောင်း
မြန်မာနိုင်ငံဆိုင်ရာထိုင်းသံရုံးကထုတ်ပြန်ကြေညာထားသည်။

    ထိုင်းသံရုံးတွင် ဗီဇာလျှောက်ထားသည့် အရေအတွက်မှာများပြားလာသည့်အတွက် ၂၀၂၄ခုနှစ် ဖေဖော်ဝါရီလ (၁၄) ရက်နေ့ကစပြီး ဗီဇာလျှောက်ထားသူ အရေအတွက်ကို တစ်နေ့လျှင် လူဦးရေ (၄၀၀)သာ လက်ခံမည်ဖြစ်ကြောင်း မြန်မာနိုင်ငံဆိုင်ရာထိုင်းသံရုံးက ထုတ်ပြန်ကြေညာခြင်း ဖြစ်သည်။

  လာလျှောက်ထားသူများအနေဖြင့် တန်းစီစနစ်ကို ကျင့်သုံးရမည်ဖြစ်ပြီး ရုံးဖွင့်ရက်၏ နေ့စဉ် ရုံးဖွင့်ချိန် မတိုင်မီ နံနက်(၈)နာရီခွဲအချိန်ကစပြီး တုံကင်နံပါတ်ပေးမည်ဖြစ်ကြောင်း အသိပေးထားရှိသည်။

  တုံကင်ပေးရာမှာလည်း ဗီဇာလျှောက်ထားသူကိုယ်တိုင် လာရောက်ယူရမည်ဖြစ်ပြီး လျှောက်ထားသူ၏ ပတ်စပို့ဖြင့် သေချာစစ်ဆေးပြီးမှသာ တုံကင်ထုတ်ပေးမည်ဖြစ်ကြောင်းသိရသည်။

   အဆိုပါ တုံကင် ကို တခြားသူထံလွှဲပေးခြင်း တုံကင်နံပတ်ကို အလွဲသုံးစားပြုလုပ်ခြင်းနှင့်အတုအပ ပြုလုပ်သည် ကို တွေ့ရှိပါက ဗီဇာလျှောက်ထားခွင့်ကို ပိတ်ပင်မည်ဖြစ်ပြီး Blacklist ထဲ တွင် မှတ်တမ်းတင်ထားမည် ဖြစ်ကြောင်း ထုတ်ပြန်ချက်တွင်ဖေါ်ပြထားသည်။
Yangon Times/LW
#Local_News
#Published_ 15 February 2024
#YMG_News #Yangon_Times #Yangon_Media_Group