တညင်းကုန်းလက်ကားဈေးကြီးဝန်းအတွင်း ညအိပ်လာရောက် ရပ်နားတဲ့ကားတွေ ပိုမိုများလာတယ်၊ ဈေးဝန်းအတွင်း ညအိပ်ကားကြီးများကို ၂၄နာရီ လုံခြုံမှုအပြည့်နဲ့ တစ်နေကုန်ကားရပ်ထားနိုင်ပြီး ဝန်ဆောင်ခ အဖြစ် ၃၀၀၀ ကျပ် ကောက်ယူပါတယ်။ နေ့စဉ်အစီးရေ၅၀၀ကျော်ရပ်နားပါတယ်။
Yangon Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group

Published 11 February 2024

  ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ် (၁၀)ရပ်ကွက်၊ ကမ္ဘာအေး ဘုရားလမ်းနှင့် ကန်ရိပ်သာလမ်းထောင့်တွင် ယာဉ်တို-က်မှု ဖြစ်ပွားတစ်ခု ဖြစ်ပွားပြီး အမျိုးသား (၂) ဦး ထိခိုက်ဒဏ်ရာ ရရှိခဲ့ကြောင်း မီးသတ်တပ်ဖွဲ့ထံ မှ သိရသည်။

  ဖေဖော်ဝါရီ (၁၀)ရက် ည(၇)နာရီခွဲ အချိန်ခန့်က ဖြစ်ပွားခဲ့ခြင်းဖြစ်ပြီး မရမ်းကုန်းမြို့နယ် မီးသတ်စခန်းမှ မီးငြှိမ်းသတ်ယာဉ်(၁)စီး၊ ရန်ကင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ် တပ်ဖွဲ့ဝင်များ က ရှာဖွေကယ်ဆယ်ရေးလုပ်ငန်းများဆောင်ရွက်ခဲ့ကြောင်း သိရသည်။

   အဆိုပါ ဖြစ်စဉ်ကြောင့် ထိခိုက်ဒဏ်ရာရ အမျိုးသား (၂)ဦး မစိုးရိမ်ရအား ရွှေရုပ်လွှာပရဟိတအသင်း လူနာတင် ယာဉ်ဖြင့် ရန်ကုန်ဆေးရုံကြီးသို့ ပို့ဆောင်ကူညီပေးခဲ့ကြောင်း သိရသည်။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

   တနင်္သာရီတိုင်းဒေသကြီး၊ မြိတ်မြို့နယ်၊ ဇေယျာသီရိ (၄)ရပ်ကွက်ရှိ လူမှုကူညီရေးရုံးနှင်​ြမော်တော်ယာဉ်အချို့ မီးလောင်မှု ဖြစ်ပွားခဲ့ကြောင်း ဒေသခံများထံ က သိရသည်။

  ဖေဖေါ်ဝါရီ ၁၁ရက် နံနက်၂နာရီခွဲခန့်က ဖြစ်ပွားခဲ့ ခြင်း ဖြစ်ပြီး မြိတ်မြို့နယ်မီးသတ်စခန်းမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၃)စီး၊ မီးသတ်ရေသယ်ယာဉ်(၃)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာနံနက် ၃ နာရီ၃၅ မိနစ် အချိန်တွင် မီးငြိမ်းခဲ့ကြောင်း သိရသည်။

  အဆိုပါ မီးလောင်မှု မှာမြိတ်မြို့ ရှိ ဂရုဏနာရေးကူညီ မှုအသင်းရုံး ဖြစ်ပြီး အသင်းမှ မော်တော်ယာဉ် အချို့လဲ မီးလောင်ကျွမ်းခဲ့ကြောင်း သိရသည်။

  မီးလောင်မှု ဖြစ်စဉ်နှင့်ဆုံးရှုံးမှု တန်ဖိုးများကို သက်ဆိုင်ရာက စစ်ဆေးလျက်ရှိကြောင်း သိရသည်။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

ပြည်သူ့ရင်ပြင်၌ပြုလုပ်နေသည့် MSME ထုတ်ကုန်ပစ္စည်းများရောင်း ချပွဲ၌ မြန်မာ့လက်မှုစင်တာမှလက်မှုပစ္စည်းများထည့်သွင်း ရောင်းချနေကြောင်းယင်းစင်တာမှ သိရသည်။

ရန်ကုန်မြို့ရှိ  ပြည်သူ့ရင်ပြင်တွင်(၇၇)နှစ်မြောက် ပြည်ထောင်စုနေ့အထိမ်းအမှတ်အဖြစ် MSME ထုတ်ကုန်ပစ္စည်းဆိုင်ခန်း ၃၅၆ ခန်းဖြင့်   ဖေဖော်ဝါရီ ၁၀ ရက်မှစတင်ပြီး ပြသရောင်းချနေခြင်းဖြစ်ကာ ယင်း ဈေးရောင်းပွဲတော်တွင် မြန်မာ့လက်မှုစင်တာမှ လက်မှုထည်ပစ္စည်းများ၊ စက်မှုဇုန် ၂၉ ဇုန်၊ အသေးစားစက်မှုလက်မှုလုပ်ငန်း၊ သမဝါယမအသင်းများနှင့်  ပုဂ္ဂလိက အသေးစား လုပ်ငန်းများမှ  ထုတ်လုပ်သည့်  MSME ထုတ်ကုန်များ ကို ပြသရောင်းချနေခြင်းဖြစ်ကြောင်းသိရသည်။

'ပြည်သူ့ရင်ပြင်မှာ ၁၀ ရက်နေ့ကနေ ၁၂ ရက်နေ့အထိ ကျင်းပပြုလုပ်မယ့်  ပြည်ထောင်စုနေ့ အထိမ်းအမှတ် စျေးရောင်းပွဲတော်မှာ မြန်မာ့လက်မှုအနုပညာစင်တာ(ရန်ကုန်) ရဲ့ အရောင်းပြခန်းလေး ဖွင့်လှစ်ထားပါတယ်။ လာရောက် လေ့လာဝယ်ယူအားပေးကြဖို့ ဖိတ်ခေါ်ပါတယ်'မြန်မာ့လက်မှုအနုပညာစင်တာမှတာဝန်ရှိသူတစ်ဦးက ဆိုသည်။

MSME ထုတ်ကုန်ပစ္စည်း ဈေးရောင်းပွဲတော်ကို ဖေဖော်ဝါရီ ၁၀ ရက်မှ  ၁၂ ရက်အထိ သုံးရက်တာ ကျင်းပသွားမည် ဖြစ်ပြီး ဖျော်ဖြေရေး အစီအစဉ်များ၊ မီးရှူးမီးပန်းပစ်ဖောက်ခြင်းနှင့် အတူ လုံခြုံရေးအစီအစဉ် များကိုလည်း စီစဉ်ထားကြောင်း သိရသည် ။ MSME ဈေးရောင်းပွဲတော်တွင်  စားသောက်ကုန် ၊ ဖိနပ်နှင့် လူသုံးကုန်ဆိုင်ခန်း များ  ပြသရောင်းချနေပြီး အဆိုပါ MSME ထုတ်ကုန်များ ပြသရောင်းချခြင်းသည်  ပြည်ပသွင်းကုန်အစားထိုးထုတ်လုပ်ရန်၊ MSME ထုတ်ကုန်များ ဈေးကွက်ရရှိရန်နှင့်  အများပြည်သူ ဈေးနှုန်းသက်သာစွာ သုံးစွဲနိုင်ရန် ရည်ရွယ်ကြောင်း သိရသည်။

အဆိုပါ ဈေးရောင်းပွဲတော်ကို လာရောက်မည့်  ပြည်သူများ  သွားရေးလာရေး အဆင်ပြေနိုင်စေရန်  YBS ကားများ စီစဉ်ပေးထားပြီး လာရောက်မည့်  ပြည်သူများအတွက်လည်း နေ့စဉ် စတုဒိသာ ဒန်ပေါက်ပေးဝေ လှူဒါန်းခြင်းများလည်း ပြုလုပ်နေကြောင်းသိရသည် ။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

တိုက်ကြီးခရိုင်၌ ၂၀၂၃-၂၀၂၄ ခုနှစ် နွေစပါးရာသီအတွက်  မျိုးစေ့ချကိရိယာ (Seeder) အလက် ၅၁၀  ဖြန့်ဝေထားကြောင်းတိုက်ကြီးခရိုင်စီမံအုပ်ချုပ်ရေးအဖွဲ့ မှသိရသည်။

အဆိုပါ မျိုးစေ့ချကိရိယာ (Seeder)အလက် ၅၁၀ ကို တိုင်းဒေသကြီးအစိုးရအဖွဲ့မှ ယခု  နွေစပါးရာသီအတွက်   ခရိုင်အတွင်းရှိ ရပ်ကွက်/ကျေးရွာများသို့ ဖြန့်ဝေထားခြင်းဖြစ်ကြောင်းသိရသည်။

မျိုးစေ့ချကိရိယာ (Seeder) များဖြင့် စပါး တိုက်ရိုက်အစေ့ချစိုက်ပျိုးနိုင်ပြီး Seeder အသုံးပြုခြင်းသည်  အချိန်ကုန် သက်သာစေပြီး ကုန်ကျစရိတ် ကို လျှော့ချနိုင်ကာ တစ်ဧက အထွက်နှုန်းတိုး၍  တောင်သူများ ဝင်ငွေရလမ်း ပိုမိုရရှိနိုင်လာမည့် အကျိုးကျေးဇူးများပြားနိုင်ကြောင်းသိရသည်။
YMG/ NN
Yangon-Times
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

ကမ္ဘာ့ငြိမ်းချမ်းမှု ဖော်ဆောင်ရေးကိုယ်ကျင့်သီလ ဗဟုသုတပြိုင်ပွဲ (၂၀၂၃) ဆုချီး မြှင့်ပွဲကို ၂၀၂၄ခုနှစ်မတ်လ၌  ထိုင်းနိုင်ငံ၌ ကျင်းပသွားမည်ဖြစ်ကြောင်း သိရသည်။

အဆိုပါ ပဉ္စမအကြိမ်‌ မြောက် ကမ္ဘာ့ငြိမ်းချမ်းမှု ဖော်ဆောင်ရေး ကိုယ်ကျင့်သီလ ဗဟုသုတပြိုင်ပွဲ (၂၀၂၃) (The 5th Myanmar World Peace Ethic Contest 2023)ကို မြန်မာနိုင်ငံလုံးဆိုင်ရာ  ထေရဝါဒဗုဒ္ဓဘာသာအဖွဲ့ချုပ်၊  နယ်စပ်တောင်တန်းဒေသ၊ ရန်ကုန်တိုင်း သာသနာ့နုဂ္ဂဟ အသင်းကြီးနှင့် ထိုင်းနိုင်ငံဓမ္မ ကာယကျောင်းတော်ကြီးတို့က ကျင်းပခြင်းဖြစ်သည်။

ယင်းပြိုင်ပွဲတွင်  ရန်ကုန်တိုင်းဒေသကြီး၊ ကမာရွတ်မြို့နယ် အမှတ် (၅) အခြေခံပညာအထက်တန်း ကျောင်းမှ မောင်ဘုန်းမော်ရွှေ က ပထမဆုကို ဆွတ်ခူးရရှိခြင်းဖြစ်ကြောင်းသိရသည်။

အဆိုပါ‌ ကမ္ဘာ့ငြိမ်းချမ်းမှု ဖော်ဆောင်ရေး ကိုယ်ကျင့်သီလ ဗဟုသုတပြိုင်ပွဲ (၂၀၂၃) တွင် ပထမဆုရ‌ မောင်ဘုန်း‌မော်ရွှေ နှင့် နှစ်သိမ့်ဆုရ‌ကျောင်းသား၊ ကျောင်းသူများအား ဂုဏ်ပြု ဆုချီးမြှင့်ပွဲကို ပြီးခဲ့သည့်ရက်ပိုင်းက  လည်း အ.ထ.က (၅) ကမာရွတ် (သပြေခန်းမဆောင်) ၌ ကျင်းပရာ G-10 to G-12 Level တန်းတွင် ပထမဆုရ မောင်ဘုန်းမော်ရွှေနှင့် ဆုရ ကျောင်းသား၊ ကျောင်းသူများ အား မြန်မာနိုင်ငံလုံးဆိုင်ရာ  ထေရဝါဒဗုဒ္ဓဘာသာအဖွဲ့ချုပ်၊  နယ်စပ်တောင်တန်းဒေသ၊ ရန်ကုန်တိုင်းသာသနာ့နုဂ္ဂဟ အသင်းဥက္ကဋ္ဌ သဒ္ဓမ္မ‌ဇောတိက ဓဇ၊ သုဓမ္မမဏိ‌ဇောတဓရ ဦးတင်မိုး‌အောင်၊ အမှတ် (၅) အခြေခံပညာ အထက်တန်း ကျောင်း ကျောင်းအုပ်ဆရာမ ကြီးနှင့် တာဝန်ရှိသူများက ဂုဏ်ပြုမှတ်တမ်းနှင့် ဂုဏ်ပြု ဆုငွေများ ပေးအပ်ချီးမြှင့်ခဲ့ကြကြောင်းသိရသည်။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

ဆီလီကွန်ဗယ်လီဒေသမှာ အထီးကျန်ဆန်ခြင်းကို ပြည်သူ့အရေးပေါ် ကျန်းမာရေးပြဿနာအဖြစ် ကြေညာလိုက်ပါတယ်။

ကယ်လီဖိုးနီးယား ဆန်ဖရန်ဆစ္စကို ပင်လယ်အော်မှာရှိတဲ့ ဆန်မက်တီယိုကောင်တီမှာ အထီးကျန်ဆန်ခြင်းကို ကျန်းမာရေးပြဿနာအဖြစ် ဇန်နဝါရီ ၃၀ ရက်နေ့မှာ တရားဝင်ကြေညာ ထုတ်ပြန်လိုက်ပါတယ်။

ကြီးကြပ်သူများအဖွဲ့က ထိုဆုံးဖြတ်ချက်ကို တညီတညွတ်တည်း မဲပေးခဲ့ကြပါတယ်။

အထီးကျန်ခြင်းက ကျန်းမာရေးကို သက်ရောက်နေပြီး တစ်နေ့ကို စီးကရက်တစ်ဗူးနဲ့ နှိုင်းယှဥ်လို့ရတယ်လို့ ကြီးကြပ်ရေးမှူး ဒေးဗစ်ကာနီပါက ဆိုပါတယ်။

ဆန်မက်တီယိုကောင်တီက အထီးကျန်ခြင်းကို အရေးပေါ်ပြည်သူ့ကျန်းမာရေးအဖြစ် ပထမဆုံးသတ်မှတ်ခဲ့တဲ့ အမေရိကပြည်နယ်ဖြစ်လာတဲ့အတွက် ကျေးဇူးတင်ရှိကြောင်း အမေရိကန် ခွဲစိတ်ဆရာဝန်ကြီး ဒေါက်တာ ဗီဗက်မာသီက ဖော်ပြသွားပါတယ်။

အထီးကျန်ခြင်းကြောင့် နှလုံးဖောက်ခြင်း၊ စိတ်ဓာတ်ကျခြင်း၊ စောစီးစွာ သေဆုံးနိုင်ခြေတို့ ဖြစ်လာနိုင်တယ်လို့ ဖော်ပြထားပါတယ်။

စိတ်ပိုင်းဆိုင်ရာရော ရုပ်ပိုင်းဆိုင်ရာမှာပါ နောက်ဆက်တွဲဆိုးကျိုးတွေ ရှိလာနိုင်ပါတယ်။

ဒီဂျစ်တယ်ကာလမှာ အထီးကျန်ခြင်းကို တိုက်ဖျက်ဖို့အတွက် ဆိုရှယ်မီဒီယာတွေကို ပြန်လည်သုံးသပ်သင့်ပြီး လူမှုထောက်ပံ့ရေးတွေ သုံးသပ်ဖို့ တောင်းဆိုလိုက်ပါတယ်။

ပြည်သူတွေအနေနဲ့ လူမှုအသိုင်းအဝိုင်း လှုပ်ရှားမှုတွေမှာ ပိုမိုပါဝင်သင့်တယ်လို့ ဒေါက်တာဒေးဗစ်ကမ်းဘဲလ်က ဆိုပါတယ်။
Source: New York Post.
#World_Health
#Published_ 11 February 2024
#YMG #Yangon_Media_Group #Yangon_Times

ချစ်သူများနေ့ Valentines Dayတွင် FAများအတွက် ''FA စျေးပွဲတော်'' ကျင်းပ‌မည်

"FA စျေးပွဲတော်"မှာ ဖျော်ဖြေရေး အစီအစဥ် ‌ တွေ၊ Game Activities၊ Challenges၊Free Gift Vouchers၊ Free Gifts၊LuckyDraw၊ Tarot တွေပါဝင်မှာဖြစ်ပြီး ဈေးပွဲတော်မှာ ဈေးရောင်းချလိုသူတွေအနေနဲ့ One booth ကို30000ကျပ်မှ စပြီးယူလို့ရတယ် ပွဲစီစဉ်တဲ့Supreme Lounge က တာဝန်ရှိသူတစ်ဦး
Yangon Times/tthl
#Local_News
#Published_ 10 February 2024
#YMG_News #Yangon_Times #Yangon_Media_Group

Published 11 February 2024

ဇန်နဝါရီ ၂၁ ရက်နေ့က ဂျာမနီနိုင်ငံအထက်မှာ ပေါက်ကွဲခဲ့တဲ့ ဂြိုဟ်မွှားတစ်ခုဟာ ရှားပါးအာကာသကျောက် တစ်မျိုးဖြစ်ပြီး ကမ္ဘာမြေရဲ့ မူလအစအကြောင်း ကူညီရှင်းပြနိုင်ဖွယ် ရှိပါတယ်။

နောက် ၅ ရက်အကြာမှာပဲ ဂြိုဟ်မွှား 2024 BX1 ရဲ့ အစအနတွေကို တွေ့ရှိခဲ့ကြပြီး အော်ဘရိုက်လို့ခေါ်တဲ့ ရှားပါးကျောက်မျိုးထဲ ပါဝင်တယ်လို့ သိပ္ပံပညာရှင်များ ဆန်းစစ်ခဲ့ကြပါတယ်။

သုတေသနအဖွဲ့မှ ပီတာယန်နစ္စကင်စ်က ယခင်က ကမ္ဘာမြေပေါ် ကျဆင်းလာတဲ့ အော်ဘရိုက်ဥက္ကာခဲ ၁၁ ကြိမ်သာရှိတယ်လို့ ပြောပြခဲ့ပါတယ်။

အခြားဥက္ကာခဲတွေနဲ့ မတူတာက အော်ဘရိုက်တွေဟာ ဖန်မှုန်စများ ရှိနေပြီး မီးခိုးရောင်ကျောက်တုံးမာကဲ့သို့ အသွင်အပြင်ရှိပါတယ်။

ဒါတွေက မားစ်နဲ့ ဂျူပီတာကြား ဂြိုဟ်သိမ်ဂြိုဟ်မွှား အတွင်းပိုင်းမှ ရောက်လာတာဖြစ်နိုင်ကြောင်း၊ ပွတ်တိုက်မှုဖြစ်ပွားကာ အစအနများ ထွက်ပေါ်လာတာ ဖြစ်နိုင်ကြောင်း ပြောပြသွားပါတယ်။

အော်ဘရိုက်တွေက ဘူမိဗေဒဖြစ်စဥ် ပြောင်းလဲမှုမရှိတာကြောင့် နေစကြဝဠာအဖွဲ့အစည်းထဲက မာကျူရီ၊ ဗီးနပ်စ်၊ မားစ်၊ ကမ္ဘာဂြိုဟ်တို့လို ကျောက်စိုင်ဂြိုဟ်တွေရဲ့ အတွင်းပိုင်းတွေ ဘယ်လိုဖြစ်ပေါ်လာလဲဆိုတာကို သိပ္ပံပညာရှင်များ လေ့လာခွင့်ရမှာ ဖြစ်ပါတယ်။

ဒါ့အပြင် အော်ဘရိုက်တွေမှာ ကမ္ဘာမြေမှ အစိတ်အပိုင်းတွေလိုမျိုး ရေဓာတ်၊ ဓာတုပစ္စည်း အချိုးအစားများ တွေ့ရှိထားပါတယ်။

ဒါကြောင့် လွန်ခဲ့တဲ့ နှစ်ဘီလီယံပေါင်းများစွာက ကမ္ဘာဂြိုဟ်ဖြစ်ပေါ်စဥ် အစိတ်အပိုင်းများအကြောင်း သိရှိနိုင်မှာ ဖြစ်ပါတယ်။
Source: WION.
#World_Science
#Published_ 11 February 2024
#YMG_News #Yangon_Times #Yangon_Media_Group

Published_10 Feb 2024

ဆူးလေဆိပ်ကမ်း တံတား တွင် MV. VTC PHOE NIX သင်္ဘော ပေါ်သို့ အင်ဒိုနီးရှားနိုင်ငံသို့ ပို့မည့် ဆန်တန်ချိန် ၁၈,၀၀၀ ကျော် ကိုလည်းကောင်း၊ စပိန် နိုင်ငံနှင့် ပိုလန်နိုင်ငံတို့သို့ တင်ပို့မည့် အရန်ဆန်နှင့် ဆန်ထွက်ပစ္စည်း များကိုလည်းကောင်း တင်ဆောင်လျက် ရှိကြောင်း သိရသည်။

မြန်မာ့ ဆိပ်ကမ်းအာဏာပိုင်၏ ဆူးလေအပြည်ပြည်ဆိုင်ရာ ဆိပ်ကမ်းဝင်းအတွင်းရှိ ဆူးလေဆိပ်ကမ်း တံတား အမှတ်(၇)တွင် အင်ဒိုနီးရှားနိုင်ငံသို့ ဆန်တန်ချိန် ၁၈,၀၀၀ ကျော် တင်ပို့မည့် MV. VTC PHOE NIX သင်္ဘော ပေါ်သို့ ဆန်တင်လုပ်ငန်းများ ၊ ဆူးလေဆိပ်ကမ်း တံတား အမှတ်(၂)နှင့် အမှတ်(၅)တို့တွင် စပိန် နိုင်ငံနှင့် ပို လန်နိုင်ငံတို့သို့ တင်ပို့ အရန်ဆန်နှင့် ဆန်ထွက်ပစ္စည်းများ သင်္ဘောများပေါ်သို့ တင်ဆောင်ခြင်း လုပ်ငန်းများ တို့ကို နိုင်ငံတော်စီမံအုပ်ချုပ်ရေးကောင်စီဝင်၊ ဒုတိယဝန်ကြီးချုပ်နှင့် ပို့ဆောင်ရေးနှင့်ဆက် သွယ် ရေးဝန်ကြီးဌာ န၊ ပြည်ထောင်စုဝန်ကြီး ဗိုလ်ချုပ်ကြီး မြထွန်းဦး က ယနေ့ ဖေဖော်ဝါရီလ ၁၀ ရက်တွင် သွားရောက် ကြည့်ရှခဲ့ ကြောင်း သိရသည်။

မြန်မာ့ဆိပ်ကမ်းအာဏာပိုင်မှ ကြီးကြပ်စီမံခန့်ခွဲလျှက်ရှိသည့် ရန်ကုန်ခ ကုန်ဆိပ်ကမ်းအနေဖြင့် အထွေထွေ ကုန်စည်သင်္ဘောများကို အသုံးပြု၍ ဝမ်းပုံစနစ်ဖြင့် ပြည်ပသို့ ဆန်တင်ပို့လျက်ရှိသည့် အပြင် ကုန်သေတ္တာ သင်္ဘောများကိုပါ အသုံးပြု၍ ဥရောပ၊ အာဖရိကနှ ာနှင့် အာရှနိုင်ငံအသီးသီးသို သီးသို့ ဆန် နှင့်ဆန်ထွက် ပစ္စည်းများ၊ ပဲအမျိုးမျိုးနှင့် ပြောင်းစသည့် လယ်ယာထွက်ကုန်များကို တင်ပို့၍ ဌာန နှင့် နိုင်ငံတော်အတွက် နိုင်ငံခြားငွေကိုတစ်ဖက်တစ်လမ်းမှ ရှာဖွေပေးလျက်ရှိရာ၂၀၂၃၂၀၂၄ ဘဏ္ဍာရေးနှစ်(ဧပြီလမှ ဇန်နဝါရီလအထိ) စုစုပေါင်း ဆန်တန်ချိန် ၁,၀၈၁,၃၈၈ တန်၊ ပဲတန်ချိန် ၁,၁၃၅,၈၁၆ တန်နှင့် ပြောင်းတန်ချိန် ၅၂၅,၅၆၆ တန် တင်ပို့ခဲ့ပြီးကြောင်း သိရသည်။

ဆူးလေဆိပ်ကမ်းဝင်းအတွင်းတွင် သိုလှောင်ရုံ (၇)လုံးရှိပြီး သိုလှောင်ရုံ အမှတ်(၁၊ ၂၊ ၃၊ ၄)ကို၁၉၁၂ ခုနှစ်နှင့် သိုလှောင်ရုံအမှတ်(၅၊ ၆၊ ၇)ကို ၁၉၆၃ ခုနှစ်တွင်တည်ဆောက်ခဲ့ကြောင်း၊ သိုလှောင်ရုံအမှတ် (၁၊ ၂၊ ၃၊ ၄)၏ အမိုးနှင့် ရေတံလျှောက်များအား ပြုပြင်မွမ်းမံ၍ ပြည်ပသို့ တင်ပို့မည့် ဆန်နှင့် ကောက်ပဲသီးနှံများ သိုလှောင်ခြင်း ၊ ပြည်ပမှတင်သွင်းလာမည့် ဓါတ်မြေဩဇာများ သိုလှောင်ဖြန့်ဖြူးခြင်း လုပ်ငန်းများကို ဆောင်ရွက်မည်ဖြစ် ကြောင်း၊ လက်ရှိ သိုလှောင်ရုံ(၄)လုံး ပြုပြင်မွမ်းမံခြင်း ဆောင်ရွက်နေပြီး ပြုပြင်မွမ်းမံနေသော သိုလှောင်ရုံ(၄) လုံး အနက် သိုလှောင်ရုံ(၂)လုံးမှာ ၂၀၂၄ ခုနှစ်၊ မတ်လတွင် ပြီးစီးမည်ဖြစ်ကာ ကျန်သိုလှောင်ရုံ(၂)လုံးမှာ ၂၀၂၄ ခုနှစ်၊ မေလကုန်ခန့်တွင် ပြီးစီးမည်ဖြစ်ကြောင်းသိရသည်။

ဆူးလေသိုလှောင်ရုံများသည် နိုင်ငံတော်၏ ဆန်နှင့် လယ်ယာထွက်ကုန်များ သိုလှောင်ဖြန့်ဖြူး ခြင်းအတွက် အလွန်အရေး ပါသော သိုလှောင်ရုံများဖြစ်ခြင်းကြောင့် ပြုပြင်မွမ်းမံရာတွင် ရေရှည် အသုံးပြုနိုင်ရေး စနစ်တကျ ဆောင်ရွက်ရန် လိုအပ်ကြောင်းနှင့် လုပ်ငန်းများ အချိန်မီပြီးစီးရေး အလေးထား ဆောင်ရွက်ရန် နိုင်ငံတော်စီမံ အုပ် ချုပ်ရေးကောင်စီ အဖွဲ့ဝင်၊ ဒုတိယဝန်ကြီးချုပ်နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ပြည်ထောင် စု ဝန်ကြီး ဗိုလ်ချုပ်ကြီး မြထွန်းဦးက လမ်းညွှန်ခဲ့ကြောင်း သိရသည်။
Yangon_Times/PP
#Local_News
#Published_ 10 February 2024
#YMG #Yangon_Media_Group #Yangon_Times

၁၀ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေနှင့်စပ်လျဉ်းသည့် အကြောင်းအရာများနှင့်ပတ်သက်၍ နစက သတင်းထုတ်ပြန်ရေးအဖွဲ့ ခေါင်းဆောင်ဗိုလ်ချုပ်ဇော်မင်းထွန်းက အသေးစိတ်ရှင်းလင်းပြောကြားခဲ့ပါတယ်။ အဆိုပါ ပြောကြားချက်အပြည့်အစုံ ကို ဖော်ပြပေးအပ်ပါတယ်။

@ymg/knl

Published_10 Feb 2024

ကန် ဒေါ်လာ ၂၀ ဒသမ ၆၇သန်း အကုန်အကျခံတည်ဆောက်ခဲ့သော ဘက်စုံသုံး ဗော်ယာ မ ၊ ချ ရေ ယာဉ် ၆၀ မီတာ (60M Multipurpose Buoy Handling Vessel) ("ဂန္ဓ"ရေယာဉ်) (၁)စီး၊ မြေတူး မြေခံ ရေ ယာဉ် (၂)စုံနှင့် ဆိပ်ကမ်းလုပ်ငန်းသုံး ရေ ယာဉ် (Habour Launch) (၃)စီး၊ စုစုပေါင်း ရေယာဉ်(၈)စီး ယနေ့ ဖေဖော် ဝါရီလ ၁၀ ရက် တွင် လုပ်ငန်းခွင် စတင်ဝင်ရောက်ခဲ့ကြောင်း သိရသည်။

ယင်းလုပ်ငန်း ခွင် စတင်ဝင်ရောက်ခြင်း အခမ်းအနားကို ယနေ့ ဖေဖော်ဝါရီလ ၁၀ ရက် နံနက်ပိုင်းတွင် ရန်ကုန် တိုင်းဒေသကြီး၊ ကျောက်တံတားမြို့ နယ်၊ ပန်းဆိုးတန်း ကျန်းမာရေး ဆိပ်ခံ တံတား၌ ပို့ဆောင်ရေး နှင့်ဆက် သွယ်ရေးဝန်ကြီးဌာန၊ မြန်မာ့ဆိပ်ကမ်းအာဏာပိုင်က ကျင်းပပြုလုပ်ခဲ့ခြင်း ဖြစ်သည်။

ကုန်သွယ်မှု နည်း လမ်း များအနက် ပင်လယ်ရေကြောင်းဖြင့် ကုန်သွယ်မှုသည် ကမ္ဘာ့ကုန်သွယ်မှု တန်ဖိုး၏ ၇၀ ရာခိုင်နှုန်းနှင့် ကမ္ဘာ့ကုန်သွယ်မှု ပမာဏ၏ ၈၀ရာခိုင်နှုန်း ရှိကြောင်း United Nation Conference on Trade and Development (UNCTAD) က နှစ်စဉ် ထုတ်ပြန်သည့် Review of Maritime Transport အရ သိရှိရ ကြောင်း ယင်း အခမ်းအနားတွင် နိုင်ငံတော်စီမံအုပ်ချုပ်ရေးကောင်စီ အဖွဲ့ဝင်၊ ဒုတိယဝန်ကြီးချုပ်နှင့် ပို့ဆောင် ရေးနှင့်ဆက် သွယ် ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး မြထွန်းဦးက ပြောကြားခဲ့သည်။

ဆိပ်ကမ်းလုပ်ငန်းကဏ္ဍတွင် Stakeholder များ ဖြစ်ကြသော မြန်မာ့ဆိပ်ကမ်း အာဏာပိုင်နှင့် ပုဂ္ဂလိက ဆိပ် ကမ်းတံတားများက မိမိတို့၏ ဝန်ဆောင်မှုစနစ်နှင့် စွမ်းဆောင်ရည်ကို နိုင်ငံတကာကုန်သွယ်မှုအတွက် လိုအပ် ချက် စံချိန်စံညွှန်း များနှင့် လိုက်လျောညီထွေ အဆင်သင့်ဖြစ်စေရန် အဆင့်မြှင့်တင်ခြင်း၊ စဉ်ဆက်မပြတ် ပြောင်းလဲ တိုးတက်နေသည့် နည်းပညာ နှင့်စက် ကိရိယာများကို တပ်ဆင်အသုံးချခြင်း၊ ဒေသတွင်း ခေတ်မီ ဆိပ်ကမ်းများနည်းတူ ဒစ်ဂျစ်တယ်အသွင် ကူး ပြောင်းခြင်း (Digital Transformation) နည်းလမ်းဖြင့် Electronic Port(e-Port) မှ Smart Port အဆင့် သို့ တက်လှမ်းနိုင်စေရေး အတွက် နိုင်ငံတော်နှင့် ဝန်ကြီး ဌာန၏ ဦးဆောင်ပံ့ပိုးမှုများနှင့်အတူ အားလုံး ဝိုင်းဝန်း ကြိုးပမ်း အကောင်အထည်ဖော် ဆောင်ရွက်သွားရန် လည်း ယင်းက ပြောကြားခဲ့ကြောင်း သိရသည်။
Yangon_Times/PP
#Local_News
#Published_ 10 February 2024
#YMG #Yangon_Media_Group #Yangon_Times