Published 9 February 2024

ရန်ကုန်-မန္တလေးအမြန်လမ်း၌ SUZUKI ယာဥ်တစ်စီး နောက်ဘီးတာယာပွင့်၍  လမ်းလယ်ကျွန်းရှိ သစ်ပင်အား ဝင်ရောက်တိုက်မိပြီး လူ၁၀ဦးထိခိုက်ဒဏ်ရာရရှိခဲ့ပြီးနှစ်ဦးမှာ စိုးရိမ်ရကြောင်းမြန်မာနိုင်ငံမီးသတ်တပ်ဖွဲ့မှ သိရသည်။

ဖြစ်စဉ်မှာ ဖေဖော်ဝါရီ ၉ရက်နေ့၊ နေ့လယ် ၂နာရီ  ၃၆မိနစ် အချိန်ခန့် က ရန်ကုန်-မန္တလေးအမြန်လမ်းမကြီး၊  မိုင်တိုင်အမှတ် (၇၀/၄)နှင့် (၇၀/၅) အကြားတွင် SUZUKI ERTIGA (အမျိုးအစား) အနက်ရောင်ယာဥ်သည် မောင်းနှင်နေစဉ် နောက်ဘီးတာယာပွင့်၍ အရှိန်မထိန်းနိုင်ဘဲ လမ်းလယ်ကျွန်းရှိ သစ်ပင်အား ဝင်ရောက်တိုက်မိကြောင်း သတင်းရရှိသဖြင့် ဥသျှစ်ကုန်းအမြန်လမ်းမီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ခဲ့ကြောင်းသိရသည်။

အဆိုပါဖြစ်စဉ်ကြောင့် ယာဥ်ပေါ်ပါ ကျား (၁)ဦး၊ မ (၃)ဦး၊ ကလေး (၂) ဦး စုစုပေါင်း (၆)ဦးအနက် မ(၁)ဦးနှင့် ကလေး(၁)ဦး ထိခိုက်ဒဏ်ရာ(စိုးရိမ်ရ) ကျန် (၄) ဦး ထိခိုက်ဒဏ်ရာ(မစိုးရိမ်ရ)တို့အား ရဲတပ်ဖွဲ့ပိုင်ယာဥ်ဖြင့် မြို့ချောင်းဆေးရုံသို့ ကူညီပို့ဆောင်ပေးခဲ့ကြောင်းသိရသည်။
Yangon Times/NN
#Local_News
#Published_ 9 February 2024
#YMG_News #Yangon_Times #Yangon_Media_Group

Published_ 9 February 2024

ဆင်ကြီးမိုမို ခြေသည်းအထက်ပိုင်းတွင် ကြွက်နို့သဏ္ဍာန် ထွက်ပေါ်လာ၍စစ်ဆေးကုသစောင့် ရှောက်‌ပေးနေသလိုညဘက် အိပ်ချိန်တွင် သက်တောင့်သက်သာဖြစ်စေရန် သဲပေါ်မှာ အိပ်စက်စေ ခြင်းများကိုဆောင်ရွက်ပေးလျက်ရှိကြောင်း  Yangon Zooမှသိရသည်။

အသက်အရွယ်ကြီးရင့်လာမှု၏နောက်ဆက်တွဲအကျိုးရလဒ်အနေဖြင့် သက်ကြီးဆင်များတွင် ဖြစ်လေ့ဖြစ်ထရှိ‌သော ခြေသည်းအထက်ပိုင်းတွင် ကြွက်နို့သဏ္ဍာန် ထွက်ပေါ်လာသည်ကို တွေ့ရခြင်းဖြစ်သည်။

၎င်းအခြေအနေကို ဆင်ကျွမ်းကျင်သူ ပညာရှင်များဖြစ်သည့် ဒေါက်တာခင်မောင်ဝင်း (ဆင်ဖြူတော်ဥယျာဉ်) နှင့် မြန်မာ့သစ်လုပ်ငန်းမှ ဒု-လက်ထောက် အထွေထွေမန်‌နေဂျာ ဒေါက်တာဇော်မင်းဦးတို့ကို ပင့်ဖိတ်၍အကြံဉာဏ်တောင်းခံခဲ့ပြီး လိုအပ်သည်များကို နေ့စဉ်မပြတ် ဆောင်ရွက်ပေးလျက်ရှိကြောင်း၊ တဖန် အင်းစိန်ရောဂါရှာဖွေရေးဌာနမှ ကျွမ်းကျင်ပညာရှင် ဒေါက်တာဝင်းမြင့်အား ပင့်ဖိတ်၍ လိုအပ်‌သော စစ်ဆေးမှုများ ပြုလုပ်ခဲ့ပြီး လိုအပ်သည်များကို ဆက်လက်လုပ်ဆောင်လျက်ရှိကြောင်း သိရသည်။

တိရစ္ဆာန်ဥယျာဉ် (ရန်ကုန်) ရှိ ဆင်မကြီးမိုမိုအား ၁၉၆၁ခုနှစ်တွင် ကယားပြည်နယ် လွိုင်ကော်မြို့မှ ဦးခွန်စန္ဒမှ လှူဒါန်းခဲ့ပြီး လှူဒါန်းစဉ် အသက် (၇) နှစ်ခန့်ရှိပြီး ယခုဆိုလျှင် အသက် (၇၁) နှစ်သို့ ရောက်ရှိခဲ့ပြီဖြစ်ကာဆင်မကြီးမိုမိုသည် အသက်ကြီးလာသည်နှင့်အမျှ ၎င်း၏မူရင်းသဘာဝအတိုင်း အစာကို အမျိုးမျိုးရွေးချယ်စားသောက်တတ်ပြီး နေ့စဉ်နှင့်အမျှ အစာကို ပြောင်းလဲစားသောက်တတ် ကြောင်းဆင်မကြီးမိုမိုအတွက် လိုအပ်သော ဖြည့်စွက်စာများ‌နှင့် ကြိုက်နှစ်သက်သည့် အစာကိုပိုမိုကျွေးခြင်း၊ ညဘက် အိပ်ချိန်တွင် သက်တောင့်သက်သာဖြစ်စေရန် သဲပေါ်မှာ အိပ်စက်စေခြင်းများကို ဆောင်ရွက်၍ အနီးကပ်ကျွေးမွေးပြုစုစောင့်ရှောက်လျက်ရှိကြောင်းသိရသည်။
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group

Published_ 9 February 2024

အင်တာနက်အွန်လိုင်းပေါ်တွင်တင်သည့် သတင်းမှားများ၊မဖွယ်မရာပုံများနှင့် လောင်းကစားကြေညာများ တည်ဆဲဥ‌ပဒေအရ အရေးယူခံရနိုင် ကြောင်း သတိပေးကြေညာချက်ကို ဖေဖော်ဝါ ရီလ(၉)ရက်တွင် နိုင်ငံပိုင်သတင်းစာမှတစ်ဆင့် သတိပေးထားသည်။

‌အဆိုပါကြေညာချက်တွင် အင်တာနက်ပေါ်တွင် သတင်းတု၊ သတင်း မှားများ လွှင့်တင်ခြင်း၊ မြန်မာ့ရိုးရာယဉ်ကျေးမှု နှင့် ကိုက်ညီမှုမရှိသည့် မဖွယ်မရာမှတ်တမ်း ပုံများ၊ ဗီဒီယိုများအား ဖြန့်ဝေခြင်း၊ အခကြေး ငွေဖြင့် ရောင်းချခြင်းများသည် တည်ဆဲဥပဒေများအရ အရေးယူခံရနိုင်ကြောင်း၊

အွန်လိုင်းလောင်းကစားကြော်ငြာများ လက်ခံကြော်ငြာပေးခြင်းသည် တည်ဆဲဥပဒေများ အရ အရေးယူခံရနိုင်ကြောင်းဖော်ပြပါရှိသည်။
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group

ဘွန်ဆိုင်းပင်များဖန်တီးရာ၌ မြေပြင်တွင်ပေါက်ရောက်နေသည့် အပင် သဘာဝအားသွေဖယ်မသွားရန်လိုအပ်ဟုဆို 

တကယ့်ကိုမြေပြင် မှာရှိတာ၊ကျောက်တောင်၊ကျောကိကမ်းပါးက သစ်ပင်ကြီးတွေကိုပုံစံယူပြီးလုပ်ကြတာ၊အခုနောက်ပိုင်းကျတော့ဖန်တီးသူရဲ့ စိတ်ကူးဉာဏ်၊အနုပညာနဲ့ကွန့်မြူးပြီး လုပ်လာကြတယ်၊ဖန်တီးတဲ့အခါမှာလည်းပဲစိတ်ဝင်စားအောင်မျက်စိပသာဒဖြစ်အောင် လုပ်လို့ရတယ်၊ဒါပေမယ့်  မြေပြင်မှာပေါက်နေတဲ့အပင်ကြီးတွေရဲ့ ပုံစံနဲ့‌ သွေဖယ်မသွာဖို့လိုပါတယ်။
Yangon Times/NN
#Local_News
#Published_ 9 February 2024
#YMG_News #Yangon_Times #Yangon_Media_Group

ဖွဲနုဆီ တစ်နှစ်လျှင် တန်ချိန်(၁၅၃၀၀)ထုတ်လုပ်နိုင်မည့် စက်ရုံဆောက်နေ

အခုစတင် အကောင်အထည်ဖော် ဆောင်ရွက်မယ့် ဖွဲနုဆီကြမ်း၊ ဆီချောနဲ့စားသုံးဆီထုတ်လုပ်ရေးစက်ရုံဟာ မြန်မာနိုင်ငံရဲ့ ပထမဦးဆုံး ဖွဲနုဆီဆီကြမ်းနှင့် ဆီချော(Refinery) ပါဝင်တဲ့စက်ရုံဖြစ်ပြီး တစ်နှစ်လျှင် ဆီကြမ်း တန်ချိန်(၉၀၀၀)၊ ဆီချောတန်ချိန်(၆၃၀၀)ခန့် စုစု‌ ပေါင်းဖွဲနုဆီ တန်ချိန် (၁၅၃၀၀)ကို ထုတ်လုပ်နိုင်မှာဖြစ်ပါတယ်။
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group

မြန်မာနိုင်ငံ အလယ်ပိုင်းဒေသရဲ့ အိုအေစစ်လို့ တင်စားခေါ်ဝေါ်တဲ့ ပုပ္ပါးတောင်မကြီးပေါ် သန့်ရှင်းစေချင်တဲ့ ရည်ရွယ်ချက်နဲ့ စိတ်ပါဝင်စားသူတွေ စုပေါင်းပြီး အမှိုက်ကောက်ကမ်ပိန်းတစ်ခုကိုဖေဖေါ်ဝါရီ ၁၈ရက်တွင် ပြုလုပ်မယ်လို့ သိရပါတယ်။ စိတ်ပါဝင်စားပြီး ပါဝင်ဖို့ ဆက်သွယ်လာသူတွေက သတ်မှတ်ထားတဲ့ ဦးရေထက် ပိုများပါတယ်။
Yangon Times/LW
#Local_News
#Published_ 9 February 2024
#YMG_News #Yangon_Times #Yangon_Media_Group

'  ပြည်တွင်းဈေးကွက် တည်ငြိမ်ရေးကို ထိန်းညှိဆောင်ရွက်နိုင်ဖို့ ၂၀၂၃_၂၀၂၄ ဘဏ္ဍာနှစ်ရဲ့ ဖေဖော်ဝါရီ၊မတ်နဲ့ ဧပြီလတွေမှာ တစ်လကို တန်ချိန်တစ်သိန်းခွဲနဲ့ ပျှမ်းမျှစုစု‌ပေါင်းတန်ချိန် လေးသိန်းခွဲအထိ တင်ပို့သွားဖို့ လျာထားတယ် ဆန်ကွဲ၊ ပေါင်းဆန်နဲ့ တန်းမြင့်ဆန် (၅ မှတ်ဆန်) တွေကိုသာ ဦးစားပေး တင်ပို့သွားမယ်၊ '  မြန်မာနိုင်ငံ ဆန်စပါးအသင်းချုပ် (MRF)  '
Yangon Times/NN
#Local_News
#Published_ 9 February 2024
#YMG_News #Yangon_Times #Yangon_Media_Group

မော်တင်စွန်းဘုရားပွဲတော်မတ်လတွင်ကျင်းပမည်၊EVဖြင့်ပါလာရောက်ကြ

"မော်တင်စွန်းဘုရားကို တစ်နှစ်ပတ်လုံးဖွင့်ထားတာဖြစ်ပြီး လမ်းသစ်တည်ဆောက်ထားတဲ့အတွက်လည်း သွားလာရေးတွေ လွယ်ကူအဆင်ပြေနေသလို လျှပ်စစ်မီးလည်းရလို့ ဟို‌တယ်၊ တည်းခိုခန်းနဲ့ EVကားတွေအတွက်လည်း အဆင်ပြေတယ်။ ဘုရားပွဲက တပေါင်းလဆန်း(၁)ရက်နေ့ကနေစတင်ကျင်းပမယ်" ပပဝတီResortမှ တာဝန်ရှိသူတစ်ဦး
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group

Published_9 February 2024

အယ်လ်နာဆာအသင်းမှ ပေါ်တူဂီတိုက်စစ်မှူး ရိုနယ်ဒို ဟာ ၂၀၂၃ ခုနှစ်မှာ ဝင်ငွေအကောင်းဆုံး အားကစားသမားအဖြစ် ရပ်တည်ခဲ့တယ်လို့ သိရပါတယ်။

အားကစားစီးပွားရေးဝက်ဘ်ဆိုက်တစ်ခုက ၂၀၂၃ ခုနှစ်အတွက် ကမ္ဘာ့ဝင်ငွေအကောင်းဆုံး အားကစားသမား ၁၀၀ စာရင်းကို ထုတ်ပြန်ခဲ့ရာ ရိုနယ်ဒို က ထိပ်ဆုံးမှာ ရပ်တည်နိုင်ခဲ့တာ ဖြစ်ပါတယ်။

ရိုနယ်ဒို ဟာ ဆော်ဒီကလပ် အယ်လ်နာဆာအသင်းထံမှ တစ်နှစ်လစာ ပေါင် ၁၇၅ သန်းရရှိတဲ့အပြင် အခြားစပွန်ဆာစာချုပ်များမှလည်း ပေါင်သန်း ၄၀ ကျော်ရရှိတဲ့အတွက် တစ်နှစ်ဝင်ငွေ ပေါင် ၂၁၈ သန်းနဲ့ထိပ်ဆုံးမှာ ရပ်တည်နိုင်ခဲ့တာ ဖြစ်တယ်လို့ သိရပါတယ်။

အင်တာမိုင်ယာမီအသင်းမှ မက်ဆီ က ပေါင် ၁၀၃ သန်းနဲ့ တတိယနေရာမှာ ရပ်တည်ခဲ့ပါတယ်။
#Sport_news
#Published_ 9 February 2024
#YMG_News #Yangon_Times #Yangon_Media_Group

၉ ဖေဖော်ဝါရီ ၂၀၂၄

တရုတ်နိုင်ငံရဲ့ အကောင်းဆုံး ခေါက်ဆွဲဆရာကြီးတွေဟာ တရုတ်နှစ်သစ်ကူးအကြိုဖျော်ဖြေပွဲမှာ ခေါက်ဆွဲလုပ်နည်း အနုပညာတင်ဆက်ဖို့ အဆင်သင့်ဖြစ်နေကြပါတယ်။ အဲဒီအစီအစဉ်ကို တရုတ်အစိုးရပိုင် တရုတ်မီဒီယာအုပ်စုရဲ့ နှစ်သစ်ကူး ပျော်ပွဲရွှင်ပွဲညမှာ ဖျော်ဖြေတင်ဆက်မှာဖြစ်ပါတယ်။

Source CCTV+

Published 9 February 2024

နေပြည်တော်ဥပ္ပါတသန္တိစေတီတော်အနီးရှိ တပေါင်းကွင်း၌ (၇၇)နှစ်မြောက် ပြည်ထောင်စုနေ့အထိမ်းအမှတ် MSME ထုတ်ကုန်ပြပွဲနှင့် ရိုးရာအစားအစာများ ခင်းကျင်းပြသရောင်းချပွဲကို  ဖေဖော်ဝါရီ ၁၀ ရက်မှ ၁၄ ရက်အထိ ငါးရက်တိုင်တိုင်စည်ကားသိုက်မြိုက်စွာ ကျင်းပသွားမည်ဖြစ်ကြောင်း ပွဲကျင်းပရေးကော်မတီမှသိရသည်။

အဆိုပါပြပွဲတွင် တိုင်းဒေသကြီးနှင့်ပြည်နယ်များမှ MSME ထုတ်ကုန်များ၊ ဒေသထွက်ကုန်ပစ္စည်းများ၊ လယ်ယာလုပ်ငန်းနှင့် EV ဆိုင်ရာ လျှပ်စစ်ယာဉ်များ၊ ရိုးရာအစားအစာများ ခင်းကျင်းပြသရောင်းချသွားမည်ဖြစ်ကြောင်းသိရသည်။

ပြပွဲအတွင်း တိုင်းဒေသကြီးနှင့် ပြည်နယ်အသီးသီးမှ ဒေသထွက် MSME ထုတ်ကုန်များ၊ ရိုးရာအစားအစာများကို တစ်နေရာတည်းတွင် လေ့လာဝယ်ယူစားသုံးနိုင်မည်ဖြစ်ကာ ဂီတဖျော်ဖြေပွဲများကိုလည်း ထည့်သွင်းကျင်းပသွားမည်ဖြစ်ကြောင်းသိရသည်။

ထို့အပြင်  တိုင်းရင်းသားများ၏ ရိုးရာယဉ်ကျေးမှု ဓလေ့ထုံးတမ်းများကိုလည်း လေ့လာနိုင်မည်ဖြစ်သည့်အတွက် မည်သူမဆို နံနက် ၈ နာရီမှ ည ၁၀ နာရီအထိ လွတ်လပ်စွာ လာရောက်လေ့လာ ဝယ်ယူစားသုံးနိုင်ကြောင်း သိရသည်။
Yangon Times/NN
#Local_News
#Published_ 9 February 2024
#YMG_News #Yangon_Times #Yangon_Media_Group

Published_ 9 February 2024

တရုတ်နိုင်ငံရွှေလီမြို့နှင့် မြန်မာနိုင်ငံမူဆယ်မြို့မှ တရုတ်-မြန်မာမိသားစုများသည် ဖေဖော်ဝါရီလ ၅ ရက်နေ့တွင် တရုတ်-မြန်မာ ယဉ်ကျေးမှုကူးလူးဖလှယ်မှုအခမ်းအနားတစ်ခုကို အတူတကွ ကျင်းပခဲ့ကြကြောင်းသိရသည်။

ရွှေလီမြို့မှမိတ်ဆွေများက နယ်စပ်ဂိတ်ကိုကျော်ဖြတ်ပြီး မြန်မာ ကျောင်းသားကျောင်းသူများကို ချစ်ကြည်မှုဖြင့် နွေးထွေးသည့် နှစ်သစ်ကူးလက်ဆောင်များပေးခဲ့သည်ဟုဆိုသည်။

မြန်မာနိုင်ငံ၊မူဆယ်မှမိတ်ဆွေများကလည်း ရွှေလီမြို့ ရှင်းအန်းရပ်ကွက်ကို လာရောက်ခဲ့ပြီး နှစ်နိုင်ငံနယ်စပ်နေပြည်သူများသည် အတူတကွ ဖက်ထုပ်ထုပ်ရင်း နှစ်သစ်ကိုကြိုဆိုဂုဏ်ပြုခဲ့ကြကြောင်း သိရသည်။
Yangon Times/tthl
#Local_News
#Published_ 9 February 2024
#YMG_News #Yangon_Times #Yangon_Media_Group