Published_ 9 February 2024

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ခရေပင်ရိပ်မွန်အိမ်ရာရှေ့တွင် ကားနှစ်စီးတို-က်မှုဖြစ်ပွားပြီး အမျိုးသား တစ်ဦး ကားခေါင်းခန်းထဲ ည-ပ်နေသဖြင့် ကယ်ထုတ်ခဲ့ရကြောင်း ပုလဲအရန်မီးသတ်တပ်ဖွဲ့မှ တာဝန်ရှိသူတစ်ဦး ကပြောသည်။

ဖြစ်စဉ်မှာ ဖေဖော်ဝါရီ (၈)ရက်၊ ညနေ (၅)နာရီအချိန်ခန့်က မင်္ဂလာဒုံမြို့နယ်၊ ခရေပင်ရိပ်မွန်ရှေ့တွင် ကားနှစ်စီး တို-က်မိမှုဖြစ်ပွားရာ ကားခေါင်းခန်းထဲ ည-ပ်နေသည့် အမျိုးသား တစ်ဦးကိုာင်း သတင်းအရ ပုလဲအရန်မီးသတ်တပ်ဖွဲ့မှ သွားရောက်ကူညီ  ကူညီထုတ်ပေးခဲ့ခြင်းဖြစ်ကြောင်းသိရသည်။

ထို့အပြင် ယာဉ်တိုက်မှုဖြစ်စဉ်ကြောင့် လူနာ အမျိုးသား (၁)ဦး၊ အမျိုးသမီး (၂)ဦးတို့အား ပုလဲအရန်မီးသတ် လူနာတင်ယာဉ်ဖြင့် မြောက်ဥက္ကလာ၊ မေဓါဝီဆေးရုံသို့ ပို့ဆောင်ကူညီခဲ့ကြောင်း သိရသည်။
Yangon Times/NN
#Local_News
#Published_ 9 February 2024
#YMG_News #Yangon_Times #Yangon_Media_Group

Published 09 February 2024

ယူကရိန်းသမ္မတ ဗိုလိုဒီမီယာဇယ်လန်စကီက စစ်တပ်တပ်အကြီးအကဲ နေရာမှာ မြေပြင်တပ်ဖွဲ့များရဲ့ ဗိုလ်ချုပ်တပ်မှူးဖြင့် ကြာသပတေးနေ့က အစားထိုးလိုက်ပါတယ်။

ဒါဟာ ၂ နှစ်နီးပါးရှိနေပြီဖြစ်တဲ့ စစ်ပွဲကာလအတွင်း ရုရှားတပ်များ အသာရလာတဲ့အချိန်မှာ အလောင်းအစားကြီးတစ်ခု ပြုလုပ်လိုက်တာပဲ ဖြစ်ပါတယ်။

တိုင်းပြည်သူရဲကောင်းအဖြစ် လူအများက သတ်မှတ်ထားတဲ့ တပ်မတော်အကြီးအကဲ ဗိုလ်ချုပ်ကြီး ဗယ်လာရီဇာလူဇ်ညီနဲ့ ဇယ်လန်စကီတို့ကြား အဆင်မပြေမှုကို လပေါင်းများစွာ မြင်တွေ့ရပြီးနောက် စစ်တပ်ခေါင်းဆောင်နေရာ လှုပ်ခတ်လာတာ ဖြစ်ပါတယ်။

ယနေ့ကစပြီး ယူကရိန်းလက်နက်ကိုင် တပ်ဖွဲ့တွေရဲ့ ဦးဆောင်မှုကို အဖွဲ့သစ်က တာဝန်ယူသွားမှာ ဖြစ်တယ်လို့ ဇယ်လန်စကီက ဖော်ပြခဲ့ပါတယ်။

မြေပြင်တပ်ဖွဲ့များရဲ့ ကာနယ်ဗိုလ်ချုပ်မှူးကြီးဖြစ်တဲ့ အသက် ၅၈ နှစ်အရွယ် အိုလက်ဆန်ဒါစီယာစကီကို လက်နက်ကိုင်တပ်ဖွဲ့များရဲ့ အကြီးအကဲအသစ်အဖြစ် ရာထူးတိုးမြှင့်လိုက်တာ ဖြစ်ပါတယ်။

နှင်းကျားသစ်လို့ အမည်ပေးထားတဲ့ စီယာစကီဟာ စစ်ပွဲမရေရာမှုများကြားက စစ်တပ်ကို ဦးဆောင်သွားရမှာဖြစ်ပါတယ်။

ယူကရိန်းဟာ အမေရိကန်ထံမှ စစ်ရေးကူညီမှုကြီးများကို စောင့်ဆိုင်းနေဆဲဖြစ်ပြီး ရီပတ်ဘလစ်ကန်တွေကြောင့် အမေရိကန်လွှတ်တော်မှာ လနဲ့ချီအောင် နှောင့်နှေးနေရပါတယ်။

စစ်တပ်အကြီးအကဲနေရာ အစားထိုးခြင်းဟာ ယင်းတို့ရဲ့ အချုပ်အခြာအာဏာ ဆုံးဖြတ်ချက်ဖြစ်တယ်လို့ အမေရိကန် နိုင်ငံခြားရေးဝန်ကြီးဌာနက ပြောကြားလိုက်ပါတယ်။

အမေရိကန်ဟာ ဗိုလ်ချုပ်ကြီး စီယာစကီနဲ့ ထိရောက်စွာလုပ်ကိုင်သွားမယ်လို့ ပင်တဂွန်က ပြောကြားလိုက်ပါတယ်။

ဇာလူဇ်ညီကို ရာထူးမှဖယ်ရှားလိုက်တာဟာ ၁၀၀၀ ကီလိုမီတာ ရှေ့တန်းရှိ တပ်သားတွေရဲ့ စိတ်ဓာတ်ခွန်အားကို ထိခိုက်စေနိုင်ကာ နိုင်ငံရေးအရ သစ္စာဖောက်မှုတွေ ပေါ်ပေါက်လာနိုင်သလို ဇယ်လန်စကီရဲ့ နာမည်လည်း ထိခိုက်စေနိုင်ပါတယ်။

စစ်တပ်အကြီးအကဲအဖြစ် တာဝန်ထမ်းဆောင်ခဲ့တဲ့ ဇာလူဇ်ညီကို ကျေးဇူးတင်ရှိပါကြောင်း ဇယ်လန်စကီက ပြောကြားခဲ့ကာ နှစ်ဦးသား လက်ဆွဲနှုတ်ဆက်နေပုံကို ဖော်ပြခဲ့ပါတယ်။

ဇာလူဇ်ညီလက်ထက်မှာ ရုရှားတို့ရဲ့ အစောပိုင်းတိုက်ခိုက်မှုတွေကို ယူကရိန်းတပ်များက ခုခံနိုင်ခဲ့ပြီး နယ်မြေအချို့ကို ပြန်လည်သိမ်းပိုက်နိုင်ခဲ့ပါတယ်။

ဒါပေမဲ့ ယူကရိန်းရဲ့ တန်ပြန်ထိုးစစ်က ရုရှားရဲ့ ခိုင်မာတဲ့ခံစစ်ကို မထိုးဖောက်နိုင်ဘဲ စစ်မြေပြင်အခြေအနေက ပြောင်းလဲသွားခဲ့ပါတယ်။

၂၀၂၂ ခုနှစ်ရဲ့ တာဝန်ဝတ္တရားတွေနဲ့ ၂၀၂၄ ခုနှစ်ရဲ့ တာဝန်ဝတ္တရားတွေက ကွာခြားသွားပြီဖြစ်ကြောင်း၊ လူတိုင်းက ပြောင်းလဲမှုကို လက်ခံနိုင်ရမှာဖြစ်ကြောင်း ဇယ်လန်စကီက ဖော်ပြသွားပါတယ်။
Source: Reuters
#World_Military
#Published_ 9 February 2024
#YMG_News #Yangon_Times #Yangon_Media_Group

Published_ 9 February 2024

ပဲခူးတိုင်းဒေသကြီး၊ ထန်းတပင်မြို့နယ်၊ ဇရပ်ကြီးမြို့တွင် လက်နက်၊ခဲယမ်းနှင့် ဆက်စပ်ပစ္စည်းများ ထပ်မံသိမ်း ဆည်းရမိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ဖေဖော်ဝါရီလ ၈ ရက် နံနက် ၆ နာရီခန့်က ဇရပ်ကြီးမြို့အရှေ့ဘက် အခြမ်းတွင် လုံခြုံရေးအဖွဲ့များက ရှင်းလင်း မှုများ ဆောင်ရွက်ခဲ့ရာ ကားလမ်းဘေးနေရာ တစ်ခု၌ လမ်းဘေး ထိုးကျ ပျက်စီးနေသည့် အလင်းစေ တမန် ပရဟိတ အသင်းလူနာသယ် ယာဉ်တစ်စီးကို တွေ့ရှိခဲ့သောကြောင့် ယာဉ်ကို ရှင်းလင်းခဲ့ရာ ယာဉ်ပေါ် တွင် သောင်းကျန်းသူ အလောင်းအချို့နှင့် အသင့်ထုပ်ပိုးထားသည့် လက်နက်၊ ခဲယမ်းနှင့် ဆက်စပ်ပစ္စည်း အချို့တို့ ကို သိမ်းဆည်း ရရှိခဲ့ခြင်းဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

တစ်ချိန်တည်းတွင် ဇရပ်ကြီးမြို့အနောက်ဘက် ကျေးရွာများအတွင်း လုံခြုံရေးလုပ်ငန်းများ အသေးစိတ်ဆောင် ရွက်ခဲ့ရာ သောင်းကျန်းသူများ ခိုအောင်းခဲ့ပြီးတပ်မတော်စစ်ကြောင်းများနှင့် ထိတွေ့တိုက်ပွဲဖြစ်ပွားပြီးနောက် ဖရိုဖရဲဖြင့် ဆုတ်ခွာထွက်ပြေးရာတွင် ကျန်ရှိခဲ့သည့် လက်နက်၊ ခဲယမ်းနှင့် ဆက်စပ်ပစ္စည်းများကို ကားလမ်း ဘေးအဆောက်အဦအတွင်း သောင်းကျန်းသူအလောင်းအချို့နှင့်အတူ ထပ်မံသိမ်းဆည်းရရှိခဲ့ကြောင်း ၊အ လောင်းများမှာ ပုံဖြင့်ဖော်ပြရန်မသင့်တော်တော့သည့် အခြေအနေ ဖြစ်နေကြောင်းလည်း အဆိုပါ ထုတ်ပြန် ချက်တွင် ဖော်ပြထားသည်။

KNLA အဖွဲ့နှင့် PDF များအနေဖြင့် ပရဟိတလုပ်ငန်းခေါင်းစဉ် အကြောင်းပြ၍ အကြမ်းဖက်လုပ်ငန်းများ လုပ် ဆောင်ရန် လက်နက်၊ ခဲယမ်းများ သယ်ဆောင်ခြင်း၊ အကြမ်းဖက်လုပ်ငန်းတွင် ထိခိုက်ဒဏ်ရာ ရရှိသူများအား သယ်ယူပို့ဆောင်ခြင်း ဆောင်ရွက်လျက်ရှိကြောင်း ဖော်ထုတ်တွေ့ရှိရကြောင်း နစက သတင်းထုတ်ပြန်ရေး အဖွဲ့က ထုတ်ပြန်ထားခဲ့သေးသည်။

အကြမ်းဖက်များက ဇရပ်ကြီးဒေသ ဖွံ့ဖြိုးရေးအတွက် အထူးအရေးပါသည့် ကျွဲပွဲ - ဇရပ်ကြီးသွား ကားလမ်းပေါ် ရှိ အရှည် ၁၂၀၀ ပေ ရှိ စစ်တောင်းမြစ်ကူးသံကူကွန်ကရစ် အမျိုးအစား မြို့ဆိုးတံတားကို လည်း ဖေဖော်ဝါရီလ ၇ ရက် နံနက် ၄ နာရီခွဲ အချိန်က အဆိုပါ အဖွဲ့များက မိုင်းထောင်ဖောက်ခွဲ ဖျက်ဆီးခဲ့ကြောင်း သိရသည်။

ယင်းသို့ ဖျက်ဆီးခြင်းမှာ ဇရပ်ကြီးမြို့အတွင်းရှိ တပ်မတော်စစ်ကူစစ်ကြောင်းများ အချိန်မီ မရောက်ရှိစေရေး အ တွက် ဖျက်ဆီးခြင်းဖြစ်ပြီး တံတားလုံခြုံရေးတပ်ဖွဲ့ဝင် များအား အင်အားသုံးပစ်ခတ်တိုက်ခိုက်ခဲ့ခြင်း ကြောင်း သိရသည်။

သောင်းကျန်းသူများအနေဖြင့် တပ်မတော်စစ်ကြောင်းများ၏ တိုက်ခိုက်မှု၊ လေကြောင်းပစ်ကူနှင့် လက်နက်ကြီး ပစ်ကူပေးမှုတို့ကြောင့် အထိနာစွာ ဖြင့် ဆုတ်ခွာထွက်ပြေးရာတွင် မြို့တွင်းရှိဒေသခံများ၏နေအိမ်များကို မီးရှို့ ဖျက်ဆီးခဲ့သည့်အတွက် မကျေနပ်သည့် ဒေသခံပြည်သူအချို့က မှတ်တမ်းဓာတ်ပုံများ ရိုက် ကူးပေးပို့လာ ကြောင်းလည်း သိရသည်။

လက်ရှိတွင် လုံခြုံရေးတပ်ဖွဲ့ဝင်များအနေဖြင့် ဇရပ်ကြီးမြို့အတွင်း တည်ငြိမ်အေးချမ်းရေးအတွက် လိုအပ်သော လုံခြုံရေးလုပ်ငန်း များကို အသေးစိတ် ဆက်လက်ဆောင်ရွက်လျက်ရှိကြောင်း သိရသည်။

ပဲခူးတိုင်းဒေသကြီး၊ ထန်းတပင်မြို့နယ်၊ ဇရပ်ကြီးမြို့ရှိ နယ်မြေခံတပ်ရင်းကို ဖေဖော်ဝါရီလ ၇ ရက်တွင် KNLA အဖွဲ့နှင့် PDF အမည်ခံအကြမ်းဖက်သမားများက အင်အားအလုံးအရင်းဖြင့် လာရောက်တိုက်ခိုက်ခဲ့သဖြင့် တပ် မတော်မှ လေကြောင်း ပစ်ကူ၊ လက်နက်ကြီးပစ်ကူများ ရယူကာ ပြန်လည် တွန်း လှန် တိုက်ထုတ်ခဲ့ ကြောင်း လည်း နစက အနေဖြင့် ထုတ်ပြန်ခဲ့သေးသည်။
Yangon Times/PP
#Local_News
#Published_ 9 February 2024
#YMG_News #Yangon_Times #Yangon_Media_Group

Published 9 February 2024

မန္တလေးမြို့၊အောင်မြေသာစံမြို့နယ်၊ ၈၃လမ်း၊ ၂၂ လမ်းနှင့်၂၃လမ်းကြားရှိ ဖုန်းအပိုပစ္စည်းအရောင်းဆိုင်တစ်ဆိုင်မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ထံကသိရသည်။

  ဖေဖော်ဝါရီလ၉ရက်မနက်၁နာရီ၄၀မိနစ်က မီးလောင်မှုဖြစ် ပွားခဲ့ခြင်း ဖြစ်ပြီး မီးလောင်မှု သတင်းရရှိသဖြင့် level 2 ယာဉ်အုပ်စုများထွက်ခွာရာ နံနက် ၃နာရီ ၄၁မိနစ် တွင် မီးထိန်း နိုင်ခဲ့ပြီး ၄နာရီ ၂၁မိနစ် တွင် မီးငြိမ်းခဲ့ကြောင်း သိရသည်။

 မီးလောင်မှုဖြစ်ရာကို သန္ဓေနှင့်အရန်မီးသတ်တပ်ဖွဲ့ဝင်များ၊လူမှုရေးအ သင်းများ ပူးပေါင်းပြီး မီးငြှိမ်းသတ်ယာဥ်များနှင့်ရေသယ်ယာဥ်များတို့နဲ့ ၂နာရီကျော်ကြာ မီးငြှိမ်းသတ်ပေးခဲ့ရကြောင်းသိရသည်။

  မီးလောင်မှု ဖြစ်စဉ်နှင့် ဆုံးရှုံးမှုတန်ဖိုး ကို သက်ဆိုင်ရာကစစ်ဆေးလျက်ရှိကြောင်း သိရသည်။
Yangon Times/LW
#Local_News
#Yangon_Media_Group
#YMG_News #Yangon_Times

Published 09 February 2024

သံလွင်ဆီကို နေ့စဥ်စားစရာတွေထဲ ထည့်သွင်းစားသုံးခြင်းဖြင့် ကျန်းမာရေးအတွက် အကျိုးရှိစေတယ်လို့ ကျွမ်းကျင်သူများ သဘောတူညီထားကြပါတယ်။

သံလွင်ဆီမှာ မပြည့်ဝဆီ၊ ဓာတ်တိုးဆန့်ကျင်ပစ္စည်းများ ပါဝင်ပြီး ကျန်းမာရေးနဲ့ ညီညွတ်တဲ့ အခြားဒြပ်ပေါင်းများလည်း တွေ့ရပါတယ်။

သံလွင်ဆီရဲ့ အသိသာဆုံး ကျန်းမာရေးအကျိုးကျေးဇူး တစ်ခုက သဘာဝအတိုင်း ဝမ်းပျော့စေတာပါပဲ။

ဝမ်းချုပ်ခြင်း၊ ဗိုက်မအီမသာဖြစ်ခြင်းတို့က အမြဲတမ်းဖြစ်နေကျ ကျန်းမာရေးပြဿနာတွေ ဖြစ်ပါတယ်။

အူမကြီးက အစာဟောင်းတွေဆီကနေ ရေအများအပြား စုပ်ယူလိုက်တဲ့အခါ ဝမ်းခြောက်သွားပြီး ဝမ်းချုပ်စေတာဖြစ်ကြောင်း Cleveland Clinic က ဖော်ပြထားပါတယ်။

သံလွင်ဆီက ဝမ်းထဲကို စိုစွတ်စေကာ အစာဟောင်းတွေကို ပျော့ပျောင်းစေပါတယ်။

အစားအစာတွေထဲ သံလွင်ဆီထည့်စားခြင်းဖြင့် ဒီမန်ရှာရောဂါကြောင့် သေဆုံးနိုင်ခြေကို လျော့ကျစေပါတယ်။

သူ့ထဲက ဓာတ်တိုးဆန့်ကျင်ပစ္စည်းအချို့က ဦးနှောက်ကို တိုက်ရိုက်သက်ရောက်စေပြီး နှလုံးသွေးကြော ကျန်းမာရေးကို အကျိုးပြုပါတယ်။

မက်ဒီတာရေးနီးယန်း စားသောက်ပုံစံမှာလည်း သံလွင်ဆီက အဓိကပါဝင်ပြီး နှလုံးသွေးကြောရောဂါများ ဖြစ်နိုင်ခြေကို လျော့ကျစေတယ်လို့ အကြိမ်ကြိမ် လေ့လာတွေ့ရှိထားပါတယ်။

ဒါ့အပြင် ကင်ဆာ၊ အာရုံကြောချို့ယွင်းမှု ရောဂါများ၊ အသက်ရှူလမ်းကြောင်း ရောဂါတွေကြောင့် အသက်သေဆုံးနိုင်ခြေကိုလည်း လျှော့ချပေးပါတယ်။

နံနက်ခင်း အစာမစားခင်မှာ သံလွင်ဆီစားသုံးခြင်းဖြင့် အစာချေခြင်း၊ အညစ်အကြေး ဖယ်ရှားခြင်း၊ အူလမ်းကြောင်း အကျိုးပြုပိုးမွှားများ ထိန်းသိမ်းခြင်းတို့ကို ကူညီပေးပါတယ်။

အချို့သော သံလွင်ဆီတွေက အသီးကနေ အရည်ထုတ်ယူဖို့အတွက် အပူအသုံးပြုကြပါတယ်။

သံလွင်ဆီအကြမ်းတွေကတော့ အေးမြတဲ့အပူချိန်ဖြင့် ထုတ်လုပ်ပြီး အကြမ်းအတိုင်းရှိစေကာ ဓာတ်တိုးဆန့်ကျင်ပစ္စည်းများနဲ့ ဇီဝသတ္တိကြွဒြပ်ပေါင်းများ ဆက်လက်ကျန်ရှိစေပါတယ်။
Source: New York Post
#World_Health
#Yangon_Media_Group
#YMG_News #Yangon_Times

Published 09 February 2024

ဆဲလူးလိုက်ဆိုတာဟာ ပေါင်၊ တင်ပါး၊ ဝမ်းဗိုက်တို့ရှိ အရေပြားတွေမှာ တွေ့ရတတ်တဲ့ အဖုအတွန့်တွေ ဖြစ်ပါတယ်။

အရေပြားအောက်မှာ အဆီတွေ အနည်ထိုင်လာကာ ချိတ်ဆက်တစ်ရှူးတွေကနေ တွန်းထွက်လာတာကြောင့် ဖြစ်ပါတယ်။

အမျိုးသမီးတွေမှာ ပိုပြီးအဖြစ်များတဲ့ ဆဲလူးလိုက်တွေကို လျှော့ချနိုင်မယ့် နည်းလမ်းတွေ ဖော်ပြလိုက်ပါတယ်။
 
(၁) ပုံမှန်လေ့ကျင့်ခန်း
လေ့ကျင့်ခန်း ပုံမှန်ပြုလုပ်ခြင်းဖြင့် အဆီလောင်ကျွမ်းစေပြီး သွေးလှည့်ပတ်မှု ကောင်းစေကာ ဆဲလူးလိုက်ပေါ်ထွက်တာကို လျှော့ချနိုင်ပါတယ်။
 
(၂) အာဟာရညီညွတ်တဲ့ အစားအစာ
အာဟာရမျှတစွာ စားသုံးပေးပါက ကိုယ်အလေးချိန်ကျစေပြီး အဆီဆဲလ်များ ဖြစ်ပေါ်မှုကို လျှော့ချပေးပါတယ်။
 
(၃) ရေဓာတ်ပြည့်ဝအောင်နေထိုင်ခြင်း
ရေကို လုံလောက်စွာ သောက်သုံးတဲ့အခါ ခန္ဓာကိုယ်မှ အဆိပ်အတောက်တွေကို ဖယ်ရှားပေးပြီး အရေပြားတင်းရင်းစေပါတယ်။
 
(၄) အခြောက်ပွတ်တိုက်ခြင်း
ဘရပ်ရှ်ဖြင့် အခြောက်တိုက်ပေးပါက သွေးလည်ပတ်မှုကောင်းစေကာ ဆဲလူးလိုက် ဖြစ်ပေါ်ခြင်းကို လျော့နည်းစေပါတယ်။
 
(၅) နှိပ်နယ်ခြင်း
ဆဲလူးလိုက်ပေါ်တဲ့ နေရာတွေကို ပုံမှန်နှိပ်ပေးခြင်းဖြင့် အဆီအနည်များကို ချေဖျက်ကာ သွေးလည်ပတ်မှု ကောင်းစေပါတယ်။
 
(၆) အသားအရေတင်းရင်းစေသည့်လိမ်းဆေးများ
ကဖင်းဓာတ်၊ ရက်တီနောလ်၊ ကော်လာဂျင်တို့ ပါဝင်တဲ့ ခရင်မ်တွေဟာ အရေပြားတင်းရင်းချောမွေ့စေပါတယ်။
 
(၇) ဆေးလိပ်ဖြတ်ခြင်း
ဆေးလိပ်သောက်ခြင်းဖြင့် တစ်ရှူးများကို ထိခိုက်စေကာ သွေးလှည့်ပတ်မှု လျော့ကျစေပြီး ဆဲလူးလိုက်ဖြစ်ပေါ်မှု ပိုမိုဆိုးရွားစေပါတယ်။
 
(၈) ပဝါပတ်ခြင်း
ခန္ဓာကိုယ်အချို့နေရာတွေကို ပဝါစည်းပေးခြင်းဖြင့် အဆိပ်အတောက် ဖယ်ရှားပေးကာ ရေဆုံးရှုံးမှုဖြစ်စေပြီး ဆဲလူးလိုက်ကို ယာယီလျှော့ချပေးပါတယ်။
 
(၉) ကိုယ်အလေးချိန်လျော့ကျခြင်း
ပိုလျှံနေတဲ့ အဆီတွေကို လျှော့ချခြင်းဖြင့် ဆဲလူးလိုက်ဖြစ်ပေါ်မှုကို လျော့ကျစေပါတယ်။
 
(၁၀) ကိုယ်နေဟန်ထားထိန်းသိမ်းခြင်း
ကိုယ်နေဟန်ထား မှန်ကန်စွာ ထိန်းသိမ်းနေထိုင်ခြင်းဖြင့် ဆဲလူးလိုက် ပေါ်တာတွေကို သိပ်မမြင်ရပါဘူး။
Source: DoctorNDTV
#World_Health
#Published_ 9 February 2024
#YMG #Yangon_Times #Yangon_Media_Group

လတ်တလော အမေရိကန်မှ လေကြောင်းတိုက်ခိုက်မှုများကြောင့် အီရတ်မှာ ထိခိုက်ပျက်စီးနေပြီး ကန့်ကွက်သံများ ထွက်ပေါ်လာကြကာ အီရတ်အချုပ်အခြာနဲ့ ပတ်သက်ပြီး စိုးရိမ်လာရပါတယ်။
ဒါဟာ ထိုဒေသအတွင်း အမေရိကန်ရဲ့ အခြေအနေကို အားလျော့လာစေတဲ့ အီရန်ရဲ့ ဗျူဟာဖြစ်တယ်လို့ ကျွမ်းကျင်သူတစ်ဦးက စနေနေ့မှာ ပြောကြားလိုက်ပါတယ်။
#World_Military
#Published_ 8 February 2024
#YMG #Yangon_Times #Yangon_Media_Group

၈ ဖေဖော်ဝါရီ ၂၀၂၄

ရှမ်းပြည်နယ်(အရှေ့ပိုင်း)၊ တာချီလိတ်မြို့၊ နဂါးနှစ်ကောင်ကျောင်းတိုက်ပဓာန နာယကနိုင်ငံတော်ဩဝါဒါစရိယ အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဒေါက်တာ ဘဒ္ဒန္တဓမ္မသီရိ သည် ၂၀၂၄ ခုနှစ်၊ ဖေဖော်ဝါရီ ၈ ရက် ကြာသပတေးနေ့အကူး  ၀၀:၀၂နာရီ အချိန်တွင် ဘဝနတ်ထံ ပျံလွန်တော်မူခဲ့ရာ ဆရာတော်ဘုရားကြီး၏ ဥတုဇရုပ်ကလပ်တော်အား နစကဥက္ကဋ္ဌ၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်ဇနီး ဒေါ်ကြူကြူလှ တို့ ယနေ့မွန်းလွဲပိုင်းတွင် သွားရောက် ဖူးမြော်ကြည်ညိုခဲ့ကြတယ်လို့သိရှိရပါတယ်။

ဗိုလ်ချုပ်မှူးကြီးသည် ဆရာတော် ကြီး၏ အန္တိမအဂ္ဂိဈာပနကျင်းပရေး နာယကအဖွဲ့တွင်ပါဝင်သည့် သီလဓမ္မကုန်းသာ တောရကျောင်းတိုက်ဦးစီးပဓာနနာယက(ဝစီပိတ်)ဆရာတော် ဘဒ္ဒန္တကောဝိဒ အမှူးပြု သည့် ဆရာတော်ကြီးများအားဖူးမြော်ကြည်ညိုပြီး ဆရာတော်ဘုရားကြီး၏ အန္တိမအဂ္ဂိ ဈာပနပူဇာသဘင် အခမ်းအနားပြုလုပ်မည့်အခြေအနေများကို လျှောက်ထား ဆွေးနွေးခဲ့ပါတယ်။

ထို့အပြင် ဗိုလ်ချုပ်မှူးကြီးနှင့် ဇနီးတို့သည် ဆရာတော်ကြီးများထံသို့ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်နိုင်ရေး အလှူတော်ငွေများကို ဆက်ကပ်လှူဒါန်းခဲ့ပါတယ်။

ဆရာတော်ကြီးသည် နိုင်ငံ့ဥသျှောင် အဓိပတိဆရာတော်ကြီးများတွင် ပါဝင်သဖြင့် အန္တိမ အဂ္ဂိ ဈာပနပူဇာသဘင် အခမ်းအနားအား စည်ကားသိုက်မြိုက်စွာနှင့် အခမ်းနားဆုံးဖြစ်အောင် ကျင်းပနိုင်ရေး အတွက် ဗိုလ်ချုပ်မှူးကြီးက တာဝန်ရှိသူတွေကို မှာကြားခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

ရပ်ဝေးမှလာရောက်သည့် ဆရာတော်၊ သံဃာတော်များ၊ သာသနာ နွယ်ဝင်သီလရှင်များနှင့် အများ    ပြည်သူများ သွားလာရေး၊ တည်းခိုနေထိုင် ရေးနှင့်စားသောက်ရေးတို့တွင် အဆင်ပြေ  ချောမွေ့မှုရှိစေရေး၊ သောက်သုံးရေများ လုံလောက်စွာရရှိရေးနှင့် အခြားလိုအပ်သည်များကိုလည်း နစက ဥက္ကဋ္ဌက ဆက်လက်မှာကြားခဲ့ပါတယ်။

နဂါးနှစ်ကောင်ကျောင်းတိုက်ပဓာန နာယကဆရာတော်ကြီး အလောင်း လျာကို ကောဇာသက္ကရာဇ် ၁၂၉၀ ပြည့်နှစ်၊ နတ်တော်လပြည့်ကျော် ၉ ရက် (ဗုဒ္ဓဟူးနေ့) တွင် ခမည်းတော် ဦးဟောင်၊ မယ်တော် ဒေါ်နန်းပင် တို့က ရှမ်းပြည်နယ် (အရှေ့ပိုင်း) ကျိုင်းတုံမြို့၊ ယန်းကိန်ရွာ၌ မွေးဖွားသန့်စင်ခဲ့ပြီး ၁၂၉၉ ခုနှစ်၊ တပေါင်း လပြည့်နေ့တွင် ကျိုင်းတုံမြို့၊ကျိုင်းယင်းကျောင်းတိုက်ဆရာတော် ဘဒ္ဒန္တ ဓမ္မရံသီ ကို ဥပဇ္ဈယ်ပြု၍ ရှင်သာမဏေအဖြစ်သို့   လည်း  ကောင်း၊ ၁၃၀၀ ပြည့်နှစ်၊ ကဆုန်လဆန်း ၁၃ ရက်နေ့တွင် မြင့်မြတ်သောရဟန်းအဖြစ်သို့လည်းကောင်း အသီးသီး  ရောက်ရှိတော်မူခဲ့ပါတယ်။

သက်တော် ၁၀ နှစ်အရွယ်တွင် ရှင်သာမဏေဘဝဖြင့် အခြေခံပညာမူလတန်းပညာသင်ယူ တော်မူခဲ့ပြီး ကျိုင်းယင်း  ကျောင်းတိုက်ဆရာတော်ထံတွင် ပရိယတ္တိစာပေများကို ဂုံရှမ်း ဘာသာဖြင့် မူလဓမ္မာစရိယတန်းအောင်မြင်သည်   အထိ ပညာသင်ယူဆည်းပူးတော်မူခဲ့ ကာ ၁၃၂၀ ခုနှစ်တွင် မူလဓမ္မာစရိယကို ဂုံရှမ်းဘာသာဖြင့် အောင်မြင်   တော်မူခဲ့ပါတယ်။

ဆရာတော်ကြီးသည် ၁၃၅၇ ခုနှစ်တွင် နဂါးနှစ်ကောင် ပရိယတ္တိစာသင်တိုက်ကို စတင် ဖွင့်လှစ်တော်မူခဲ့ပြီး ပရိယတ္တိစာသင်တိုက်ခွဲ ၄ ခုကို ဖွင့်လှစ်ထူထောင်ထားရှိ၍ စာသင်တိုက်များ၌ ရှမ်းတိုင်းရင်းသား ရဟန်း၊ သာမဏေ များအား အစိုးရပါဠိ ပထမပြန်မူ အတိုင်း ဂုံရှမ်းဘာသာဖြင့် အခြေပြ မူလတန်း၊ အငယ်တန်း၊ အလတ်တန်း၊ အကြီး  တန်း များကို သင်ကြားပို့ချပေးခြင်းနှင့် စာမေးပွဲများကို အကြိမ် ၅၀ တိုင် ကျင်းပပေးခဲ့ပါတယ်။

၁၃၅၅ နှစ်မှစတင်၍ ပိဋကတ် သုံးပုံပါဠိတော်နှင့် ဂုံရှမ်းဘာသာပြန်စာအုပ် ပုံနှိပ်ထုတ်ဝေခြင်း၊ ပိဋကတ်သုံးပုံ ပါဠိတော်အစုံအား ကျောက်စာချပ်ရေ ၂၅၀၀ ခန့်ဖြင့် ကျောက်ထက် အက္ခရာတင်ပြီး တာချီလိတ်မြို့ ၊ ရွှေတိဂုံ  စေတီတော်ရင်ပြင်တွင် စိုက်ထူတည်ထားကိုး ကွယ်ခြင်း များကို ဆောင်ရွက်ခဲ့ပါတယ်။

ထို့အပြင် တာချီလိတ်မြို့ အတွင်းရှိ အခြေခံပညာအဆောက်အဦများအတွက် မြေနေရာများ လှူဒါန်းပေးခြင်း၊ ဘိုးဘွားရိပ်သာနှင့် မိဘမဲ့လူငယ်ပရဟိတဂေဟာကို တည်ထောင်ဖွင့်လှစ်၍ လိုအပ်သောထောက်ပံ့မှုများ ဆောင်  ရွက်ပေးခြင်း၊ ခရိုင်ပြည်သူ့ဆေးရုံကြီး မြေနေရာနှင့် လိုအပ်သည့် ကျန်းမာရေးအထောက်အကူပြု အဆောက်  အဦများဆောက်လုပ်လှူဒါန်းပေးခြင်းများ စသည့် သာသနာပြုလုပ်ငန်းများနှင့် လူထုအကျိုးပြုလုပ်ငန်းများကို စွမ်းစွမ်းတမံဆောင်ရွက်တော်မူခဲ့ပါတယ်။

ထိုကဲ့သို့ သာသနာပြုလုပ်ငန်းများနှင့် လူထုအကျိုးပြုလုပ်ငန်းများ စွမ်းစွမ်းတမံဆောင်ရွက်တော် မူခဲ့မှုများကြောင့် နိုင်ငံတော်မှ ၁၉၉၂ ခုနှစ်တွင် အဂ္ဂမဟာပဏ္ဍိတဘွဲ့တံဆိပ်တော်၊ ၂၀၀၁ ခုနှစ်တွင် အဂ္ဂမဟာသဒ္ဒမဇောတိကဓဇ ဘွဲ့တံဆိပ်တော်၊ ၂၀၀၅ ခုနှစ်တွင် အဘိဓဇ အဂ္ဂမဟာသဒ္ဒမဇောတိက ဘွဲ့တံဆိပ်တော်၊ ၂၀၂၁ ခုနှစ်တွင် အဘိဓဇမဟာ ရဋ္ဌဂုရု ဘွဲ့တံဆိပ်တော်တို့ကို ဆက်ကပ်ချီးမြှင့်ခဲ့သကဲ့သို့ အိမ်နီးချင်းနိုင်ငံဖြစ်သည့် ထိုင်းနိုင်ငံ မှ ဆက်ကပ်ချီးမြှင့်သည့် ဘွဲ့တံဆိပ်တော်များကိုလည်း ဆက်ကပ်ခံခဲ့ရပါတယ်။

ဆရာတော်ကြီးသည် သက်တော် ၉၆၊ ဝါတော် ၇၇ ဝါ အရောက်တွင် ဘဝနတ်ထံ ပျံလွန်တော်မူခဲ့ရတာဖြစ်ပါတယ်။

@ymg/knl

#Daily_News
Published_ 8 February 2024

၁။ တောင်တွင်းကြီးမြို့တွင် ထမနဲစတုဒိတာအလှူ၊ ဘိုးဘွား(၁၃၀)ကို ပူဇော်ပွဲနှင့် ရှေးဟောင်းဂူဘုရားပြုပြင်မှု ရေစက်ချပွဲ လုပ်မည်

၂။ နွေစပါးစိုက်ပျိုးရိတ်သိမ်းချိန်၌ စက်သုံးဆီအခက်အခဲရှိပါက ဆန်စပါးအသင်းချုပ်သို့ ဆက်သွယ်နိုင်

၃။ ပဲခူးတိုင်း ဇရပ်ကြီးမြို့အတွင်း တိုက်ပွဲများကြောင့် နေရပ်စွန့်ခွာရသူ သောင်းနှင့်ချီရှိပြီး အရေးပေါ်အကူညီများ လိုအပ်နေ

၄။ အမေရိကန်လေကြောင်း တိုက်ခိုက်မှုများကြောင့် အီရတ်တွင် ထိခိုက်သေဆုံးမှုများရှိလာကာ ကန့်ကွက်ရှုတ်ချသံများထွက်ပေါ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၈ ဖေဖော်ဝါရီ ၂၀၂၄

အသက် ၅၇နှစ်အရွယ် ဒတ်ချ်အမျိုးသားတစ်ဦးဟာ ယခုဆိုရင် အသက်အရှည်ဆုံးနေနေရတဲ့ နှလုံးအစားထိုးခွဲစိတ်ကုသမှု ခံယူခဲ့သူလူနာ အဖြစ် ကမ္ဘာ့မှတ်တမ်းဝင်သွားပါတယ်။

ဘတ်ဂျန်ဆန်ဟာ ၁၉၈၄ခုနှစ်တုန်းက လန်ဒန်မြို့ အနောက်မြောက်ပိုင်းက ဟာရီဖီးလ်ဆေးရုံကြီးမှာ အလှူရှင် တစ်ဦးရဲ့နှလုံးနှင့် နှလုံးအစားထိုးခွဲစိတ်ကုသမှုခံယူခဲ့ပြီး ယခုဆိုရင် နှစ်ပေါင်း ၃၉နှစ်ကြာသည်အထိ ကျန်းမာစွာရှိနေပါတယ်။

အဲဒီအောင်မြင်မှုကို ဂင်းနက်စ် ကမ္ဘာ့မှတ်တမ်းက စံချိန်တစ်ခုအဖြစ် အသိအမှတ်ပြုလိုက်တာဖြစ်ပါတယ်။

Published-8 February 2024

တရားဝင်ကွာရှင်းပေးမည်ဖြစ်ပြီးလက်ထပ်ပွားပစ္စည်းများအားခွဲဝေရယူကြမည်ဟု အဆိုတော်နှင့်သရုပ်ဆောင် ဝိုင်းစုခိုင်သိန်း အား အဆိုတော်အောင်လမှ ဖေဖော်ဝါရီ ၈ရက်နေ့ ရက်စွဲဖြင့် နိုင်ငံပိုင်သတင်းစာမှ အသိပေး ကြေငြာလိုက်သည်။

ကြေညာချက်တွင် ရန်ကုန်တိုင်း၊ဒဂုံမြို့သစ်မြောက်ပိုင်းမြို့နယ်ရှိ မြေကွက်နှင့် နှစ်ထပ်တိုက် နှင့်အိမ်ထောင်ပရိဘောဂများ၊ကလောမြို့ရှိ မြေကွက် နှစ်ကွက် ၊ ကားတစ်စီးနှင့်  စတူဒီယိုအခန်းအတွင်းရှိ တူရိယာပစ္စည်းများ အပါအဝင်နှစ်ဦးပိုင် သာမန်လက်ထပ်ပွားပစ္စည်းများအား မြန်မာ့ဓလေ့ထုံးတမ်းဥပဒေနှင့်အညီ အညီအမျှခွဲဝေရယူရန် ဥပဒေအရအသိပေးအကြောင်းကြားစာကြေညာချက်ထုတ်ပြန်ခဲ့ခြင်းဖြစ်ကြောင်းပါရှိသည်။

အဆိုပါကြေညာချက်၌ တရားဝင်ညွှန်ကြားလျက် ပေးသူဦးအောင်လ(ခ)ဦးဇွဲရန်အောင်လှသည်  ၂၀၂၂ခုနှစ်ဧပြီလ၄ရက်တွင် ရာဇသတ်ကြီးပုဒ်မ-၅၀၅-က(ခ)အရ ပြစ်မှုထင်ရှားစီရင်ခံရပြီးနောက် ၂၀၂၄ ဇန်နဝါရီ၄ရက်မှစတင်၍ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့ကြောင်း ၊ဦးအောင်လ အင်းစိန်အကျဉ်းထောင်၌ ပြစ်ဒဏ်ကျနေစဉ်အတွင်း ဒေါ်ဝိုင်းစုခိုင်သိန်းသည် ၂၀၂၃ခုနှစ်ဇန်နဝါရီလအထိ အင်းစိန်ဗဟိုအကျဉ်းထောင်သို့အကြိမ်ကြိမ်ဆက်သွယ်ခဲ့ပြီး တရားဝင်လင်မယားအဖြစ် ကွာရှင်းပြန်စဲပေးပါရန် တောင်းဆိုသော်လည်း ဦးအောင်လသည် ကွာရှင်းပြတ်ဆဲမှု မပြုခဲ့ကြောင်းသိရသည်။

ထို့အပြင် ဦးအောင်လသည် လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာပြီးနောက် ဒေါ်ဝိုင်းစုခိုင်သိန်းနှင့် နှစ်ဦးနှစ်ဖက်အကြား ဖြေရှင်းမရနိုင်သည့်လူမှုရေးကိစ္စရပ်များပေါ်ပေါက်ခဲ့သည့်အတွက် ဒေါ်ဝိုင်းစုခိုင်သိန်း‌၏ တောင်းဆိုသည့် ဆန္ဒအတိုင်းကွာရှင်းပြတ် စဲပေးမည်ဖြစ်ပါ‌ကြောင်းနှင့် လင်မယားနှစ်ဦးပိုင်သာမန်လက်ထပ်ပွားပစ္စည်းများအား မြန်မာ့ဓလေ့ထုံးတမ်းဥပဒေနှင့်အညီ အညီအမျှခွဲဝေရယူရန် ဥပဒေအရအသိပေးအကြောင်းကြားတောင်းဆိုမှု ပြုခြင်းဖြစ်ကြောင်း ဖော်ပြပါရှိသည်။

ထို့ကြောင့် နေ့စဉ်ထုတ်သတင်းစာမှဖော်ပြပါရှိသည့် နေ့ရက်မှစ၍၁၅ရက်ပြည့်သည့်နေ့နောက်ဆုံးထား၍ ဆောင်ရွက်ပေးပါရန်နှင့် မည်သည့်အကြောင်းနှင့်မဆို ဆောင်ရွက်ပေးခြင်းမပြုပါက ဥပဒေနှင့်အညီ မလွှဲမရှောင်သာဆောင်ရွက် ရမည်ဖြစ်ကြောင်းဖော်ပြပါရှိသည်။
Yangon Times/NN
#Local_News
#Published_ 8 February 2024
#YMG #Yangon_Times #Yangon_Media_Group