Published_ 6 February 2024

မြန်မာအစိုးရနှင့် ကုလသမဂ္ဂအေဂျင်စီများအကြား လူသားချင်းစာနာမှု အကူအညီ ပေးရေးနယ်ပယ်၌ ပူးပေါင်းဆောင်ရွက်နိုင်မည့် နည်းလမ်းများကို အမြင်ချင်းဖလှယ် ဆွေးနွေးခဲ့ကြောင်း သိရပါတယ်။

ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာနဝန်ကြီး ဦးသန်းဆွေသည် ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး (UNOCHA) ၏ မြန်မာနိုင်ငံ ဆိုင်ရာ အကြီးအကဲ Mr. Sajjad Mohammad Sajid အား ဖေဖော်ဝါရီ ၅ ရက်တွင် နေပြည်တော်၌ လက်ခံတွေ့ဆုံခဲ့စဉ် ဆွေးနွေးခဲ့တာ ဖြစ်ပါတယ်။

ထိုသို့တွေ့ဆုံစဉ် သွားရောက်ရန်ခက်ခဲတဲ့ နေရာဒေသများရှိ အကူအညီ လိုအပ်သည့် ပြည်သူများထံသို့ လူသားချင်းစာနာမှု အကူအညီများ ပေးအပ်နိုင်ရေး ညှိနှိုင်းဆောင်ရွက်ပေးရေး ဆွေးနွေးခဲ့ကြပါတယ်။

တွေ့ဆူဲဆွေးနွေးပွဲသို့ နိုင်ငံခြားရေးဝန်ကြီးဌာနမှ အဆင့်မြင့်အရာရှိကြီးများနှင့် UNOCHA ရုံး၏ ဒုတိယအကြီးအကဲများဖြစ်တဲ့ Ms. Danielle Parry နှင့် Ms. Kyoko Ono တို့ တက်ရောက်ခဲ့ကြောင်း သိရပါတယ်။
Ymg_mnn

#Local_News
#Published_ 6 February 2024
#YMG #Yangon_Times #Yangon_Media_Group

Published 06 February 2024

အမျိုးသားများကြား ယင်းတို့ရဲ့ ကျားအင်္ဂါကို ပိုကြီးလာအောင် ဆွဲဆန့်နေကြတဲ့ ဖြစ်ရပ်ဟာ ပျံ့နှံ့နေပြီး ဒီလုပ်တာဟာ ဘေးအန္တရာယ် ဖြစ်စေနိုင်တယ်လို့ ပညာရှင်များက သတိပေးလိုက်ပါတယ်။

Jelqing ဆိုတဲ့လုပ်ရပ်ဟာ TikTok နဲ့ Reddit တို့လို ဆိုရှယ်မီဒီယာတွေမှာ ရေပန်းစားလာပါတယ်။

ဒီလုပ်ရပ်ကို အမျိုးသားအများစု ပြုလုပ်နေကြပြီး ဘေးအန္တရာယ်မရှိစေဘဲ ကျန်းမာစေတယ်လို့ ယူဆနေကြပါတယ်။

ကျားအင်္ဂါအနည်းငယ် ထောင်မတ်ချင်တဲ့အချိန်မှာ အရင်းကနေ လက်မ လက်ညိုးတို့ဖြင့် အရှေ့ဘက်သို့ ဖိဆွဲရတဲ့ ပုံစံဖြစ်ပြီး သွားတိုက်ဆေးဘူးလက်ကျန်ကို ညှစ်ထုတ်သကဲ့သို့ ဖြစ်ပါတယ်။

ဒီလိုလုပ်ခြင်းဖြင့် အတွင်းမှ အရည်စက်ငယ်များ ထွက်လာကာ ဒဏ်ရာသက်သာတဲ့အခါ အနည်းငယ် ပိုကြီးလာတယ်လို့ ယူဆကြပါတယ်။

ဒေါက်တာ ရီနာမာလစ်ကတော့ ဒီလိုလုပ်တာဟာ ကျားအင်္ဂါကို ပြန်ပြင်မရအောင် ထိခိုက်စေတယ်လို့ သတိပေးလိုက်ပါတယ်။

ကျားအင်္ဂါကိုသွားတဲ့ အာရုံကြောတွေ ထိခိုက်စေပြီး ထုံကြဥ်ခြင်းကို ဖြစ်စေနိုင်ကာ ကောင်းကျိုးထက် ဆိုးကျိုးပိုများကြောင်း၊ ထိခိုက်ဒဏ်ရာတွေနဲ့ သွေးကြောတွေ ပြဿနာဖြစ်စေကြောင်း သတိပေးသွားပါတယ်။

ဒါ့အပြင် ဝေဒနာပြင်းထန်ပြီး အမာရွတ်တစ်ရှူးများကြောင့် ထောင်မတ်ခြင်းကွေးသွားစေတဲ့ ပေရိုနီရောဂါလည်း ဖြစ်စေနိုင်ပါတယ်။

ထိခိုက်ဒဏ်ရာအပြင် ပေရိုနီရောဂါဟာ ကျားအင်္ဂါထောင်မတ်တဲ့အခါ တိုသွားနိုင်ပါတယ်။  
Source: New York Post
#World_Health
#Published_ 6 February 2024
#YMG #Yangon_Times #Yangon_Media_Group

Published-6 February 2024

ရန်ကုန်တိုင်းဒေသကြီး မင်္ဂလာဒုံမြို့နယ်၊အမှတ်(၃)လမ်းမ၊ သင်္ဃန်းကျွန်းကြီးကျေးရွာတွင်ယနေ့နံနက်ပိုင်း၌ ယာဉ်တိုက်မှုဖြစ်ပွားပြီး လူတစ်ဦး(‌ေ-သဆုံး)ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

ဖြစ်စဉ်မှာ ဖေဖော်ဝါရီ၆ရက်နေ့၊ နံနက် ၂ နာရီ၄၄မိနစ်အချိန်ခန့်က  ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ အမှတ်(၃)လမ်းမ၊ သင်္ဃန်းကျွန်းကြီးကျေးရွာတွင် ယာဉ်တိုက်မှုဖြစ်ပွားကြောင်းသတင်းရရှိသဖြင့်မင်္ဂလာဒုံမြို့နယ်မီးသတ်စခန်းမှ မီးသတ်ယာဉ်(၁)စီးဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြောင်းသိရသည်။

အဆိုပါယာဉ်တိုက်မှုကြောင့် ယာဉ်ပေါ်ပါကျား(၁)ဉီး(‌ေ-သဆုံး)သွားရ  ထာဝရအလင်းတန်း သူနာတင်ယာဥ်ဖြင့် ​မြောက်ဥက္ကလာပ​ဆေးရုံသို့ပို့ဆောင်ပေးခဲ့ကြောင်းသိရသည်။
Yangon Times/NN
#Local_News
#Published_ 6 February 2024
#YMG #Yangon_Times #Yangon_Media_Group

Published 06 February 2024

အင်္ဂလန်နိုင်ငံမှ ဘုရင်ချားလ်စ်ဟာ ကင်ဆာရောဂါတစ်မျိုး ဖြစ်နေတယ်လို့ တွေ့ရှိခဲ့သဖြင့် ကုသမှုခံယူရန် တွေ့ဆုံဆွေးနွေးမှုများ ရွှေ့ဆိုင်းသွားမယ်လို့ ဘက်ကင်ဂမ်နန်းတော်က တနင်္လာနေ့မှာ ပြောကြားလိုက်ပါတယ်။

ဒါပေမဲ့ နန်းတက်သက်တမ်း ၁၈ လမပြည့်သေးတဲ့ ဘုရင်ချားလ်စ်က ရောဂါနဲ့ပတ်သက်ပြီး ထိတ်လန့်နေတဲ့ပုံ မပေါ်ပါဘူး။

အသက် ၇၅ နှစ်ရှိပြီဖြစ်တဲ့ ချားလ်စ်ဟာ ဘုရင်မကြီး အယ်လိဇဘက် နတ်ရွာစံပြီးနောက် ၂၀၂၂ စက်တင်ဘာလမှာ ဘုရင်ဖြစ်လာခဲ့ပါတယ်။

ဘုရင်ဟာ ကုသမှုများ စတင်ခံယူနေပြီဖြစ်ပြီး တာဝန်ဝတ္တရားများကို အမြန်ဆုံးပြန်လည် ထမ်းဆောင်ရန် မျှော်လင့်နေတယ်လို့ နန်းတော်က ပြောကြားလိုက်ပါတယ်။

ပြီးခဲ့တဲ့လက ဆီးကျိတ်အဖု ပြန်ပြင်ခြင်းလုပ်ဆောင်ခဲ့တဲ့ ဆေးရုံမှာ ၃ ညနေခဲ့ရပြီးနောက် ကင်ဆာအကြောင်း ဖော်ပြလာတာ ဖြစ်ပါတယ်။

ဆေးရုံမှာရှိနေစဥ် နောက်ထပ်အခြေအနေတစ်ခု စိုးရိမ်းစရာ တွေ့ရှိခဲ့ရပေမယ့် ကင်ဆာတစ်မျိုးရှိတယ်လို့ စစ်ဆေးတွေ့ရှိတာကလွဲပြီး နောက်ထပ် အသေးစိတ်အချက်အလက်များ မဖော်ပြခဲ့ပါဘူး။

ဒီကာလအတွင်း ဘုရင်မင်းမြတ်ဟာ တိုင်းပြည်စီးပွားရေးနဲ့ တရားဝင်အလုပ်များကို ပုံမှန်အတိုင်း ဆက်လက်ပြုလုပ်သွားမှာ ဖြစ်ပါတယ်လို့ ပြောကြားလိုက်ပါတယ်။

ချားလ်စ်ဘုရင်က ဝန်ကြီးချုပ် ရီရှီဆူနက်ခ်နဲ့ ဆက်လက်တွေ့ဆုံသွားမှာဖြစ်ပြီး ဘုရင်မ ကာမယ်လာကလည်း သူမတာဝန်များအတိုင်း ဆက်လက်ထမ်းဆောင်သွားမှာ ဖြစ်ပါတယ်။

တော်ဝင်မိသားစုတွေဟာ သူတို့ရဲ့ ကျန်းမာရေးနဲ့ ပတ်သက်ပြီး ထိန်းသိမ်းပြောဆိုလေ့ရှိပေမယ့် ချားလ်စ်ကတော့ လက်ရှိကုသမှုများနဲ့ ပတ်သက်ပြီး ဖွင့်ဟပြောဆိုထားပါတယ်။

ဩစတြေးလျနဲ့ ကနေဒါခေါင်းဆောင်များက ဘုရင်ကြီး အလျင်အမြန် သက်သာလာစေရန် ဆုမွန်ကောင်းတောင်းပေးကြပြီး အမေရိကန်သမ္မတ ဂျိုးဘိုင်ဒင်က ချားလ်စ်ရဲ့ ကျန်းမာရေးအကြောင်းကို ကြားသိပြီး စိုးရိမ်ပူပန်နေရကြောင်းနဲ့ နောက်ပိုင်းကျရင် ဖုန်းခေါ်ပြောကြားရန် စီစဥ်ထားကြောင်း ပြောပြခဲ့ပါတယ်။
Source: Reuters
#World_News
#Published_ 6 February 2024
#YMG #Yangon_Times #Yangon_Media_Group

Published 06 February 2024

နေ့တစ်နေ့တာမှာ ထက်မြက်တက်ကြွနေဖို့ဆိုရင် နံနက်မျက်လုံးနှစ်လုံး ဖွင့်တာနဲ့ လက်ကိုင်ဖုန်းကို အရင်ဆုံးအသုံးမပြုမိဖို့ လိုအပ်ပါတယ်။

အိပ်ရာနိုးနိုးချင်းမှာ လက်ကိုင်ဖုန်းကို အရင်ဆုံး အသုံးပြုမိပြီဆိုရင် ခန္ဓာကိုယ်တွင်း ဇီဝကမ္မဖြစ်စဥ် နှောင့်နှေးခြင်း၊ ခေါင်းကိုက်ခြင်းတို့ ဖြစ်စေနိုင်ကြောင်း ဆရာဝန်တွေ အကြံပြုလိုက်ပါတယ်။

ဒီလိုလုပ်တဲ့အခါ ဦးနှောက်မှာ ဒိုပါမင်းပမာဏနဲ့ အာရုံကြောစနစ်တို့ကို အလွန်အမင်းလှုံ့ဆော်လိုက်ကြောင်း ဒေါက်တာ ဂျိန်းဘိုးရင်းက ဆိုလိုက်ပါတယ်။

ဆဲလ်ဖုန်းတွေကထွက်တဲ့ လျှပ်စစ်နဲ့ သံလိုက်စက်ကွင်းတို့က ဇီဝကမ္မဖြစ်စဥ်ကို ထိခိုက်စေပြီး ကယ်လ်စီယံတွေ လျှံတက်လာကာ မဂ္ဂနီဆီယံဓာတ် ပိုမိုလိုအပ်လာပါတယ်။

ထိုစက်ကွင်းတွေက ခေါင်းကိုက်ခြင်းကို ဖြစ်စေပြီး တစ်နေ့တာအတွက် စွမ်းအင်ပမာဏနဲ့ ဇီဝကမ္မဖြစ်စဥ်တို့ကို ထိခိုက်စေပါတယ်။

ဖုန်းမှထွက်တဲ့ အလင်းပြာက ခန္ဓာကိုယ်တွင်း နေ့ညလည်ပတ်မှုဖြစ်စဥ်တွေကို နှောင့်ယှက်စေပါတယ်။

စိတ်စွမ်းအားအကြံပေးပညာရှင် ဂျေးရိုင်ကလည်း အိပ်ရာနိုးနိုးချင်း လက်ကိုင်ဖုန်းအသုံးမပြုဖို့ အကြံပြုထားပါတယ်။
Source: WION.
#World_Health
#Published_ 6 February 2024
#YMG #Yangon_Times #Yangon_Media_Group

5 February 2024

'၂၀၂၄ ခုနှစ် ပျော်ရွှင်ဖွယ်တရုတ်နှစ်သစ်ကူးပွဲတော်သဘင်'ကို“ဆွေမျိုးသဟာ တရုတ်-မြန်မာ၊ တူစုံနွှဲပျော် နွေဦးပွဲတော်” ခေါင်းစဉ်ဖြင့် ဖေဖော်ဝါ ရီလ ၄ ရက်မှ ၆ ရက်အထိရန်ကုန်တရုတ်ယဉ်ကျေး မှုစင်တာ၌ကျင်းပသွားမည်ဖြစ်ကြောင်း မြန်မာ နိုင်ငံဆိုင်ရာတရုတ်သံရုံးမှသိရသည်။

ဖေဖော်ဝါရီလ ၄ ရက်နေ့တွင်ဖွင့်ပွဲအခမ်းအနား ကျင်းပခဲ့ပြီး မြန်မာအပါအဝင်  မြောက်ကိုရီးယား၊ စင်ကာပူ၊ လာအို၊ ဗီယက်နမ်၊ ထိုင်းသံတမန်များပါတက်ရောက်ခဲ့ကြောင်း သိရသည်။

နဂါးနှစ် တရုတ်နွေဦး နှစ်သစ်ကူးပွဲတော် ကျရောက်လာတော့မည့်အခါသမယတွင် တရုတ်နိုင်ငံ ယဉ်ကျေးမှုနှင့် ခရီးသွားလာရေးဝန်ကြီးဌာနနှင့် မြန်မာနိုင်ငံဆိုင်ရာ တရုတ်သံရုံးတို့မှ ကြီးမှူးကျင်းပ၍ ယူနန်ပြည်နယ် ယဉ်ကျေးမှုနှင့်ခရီးသွားလာရေးဦးစီးဌာနနှင့် ရန်ကုန်တရုတ်ယဉ်ကျေးမှုစင်တာတို့မှ တာဝန်ခံကျင်းပသည့် ၂၀၂၄ ခုနှစ် “ပျော်ရွှင်ဖွယ် တရုတ်နှစ်သစ်ကူးပွဲတော်သဘင်” ကို ဖေဖော်ဝါရီလ ၄ ရက်နေ့တွင် ရန်ကုန်မြို့ဖွင့်လှစ်ကျင်းပခဲ့ခြင်းဖြစ်သည်။  

အဆိုပါအခမ်းအနားသို့ မြန်မာနိုင်ငံဆိုင်ရာ တရုတ်သံအမတ်ကြီး Mr. Chen Hai ၊ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း၊ ရန်ကုန်မြို့တော်ဝန် ဦးဗိုလ်ဌေး၊ မြောက်ကိုရီးယား၊ စင်ကာပူ၊ လာအို၊ ဗီယက်နမ်၊ ထိုင်းစသည့်နိုင်ငံမှ မြန်မာနိုင်ငံဆိုင်ရာ သံတမန်များ၊ မြန်မာနိုင်ငံဆိုင်ရာ တရုတ်သံရုံးမှ သံမှူး Mr. Pan Feng ၊ သံမှူး Mr. Yu Jinfeng ၊ ရန်ကုန်တရုတ်ယဉ်ကျေးမှုစင်တာမှ ဌာနမှူး Mr. Xiang Jianbo နှင့် မြန်မာနိုင်ငံ ယဉ်ကျေးမှုနှင့် ပညာရေးနယ်ပယ်မှ ကိုယ်စားလှယ်များ၊ မြန်မာနိုင်ငံရှိ တရုတ်ကုမ္ပဏီနှင့် တရုတ်နွယ်ဖွား ကိုယ်စားလှယ်များ တက်ရောက်ခဲ့သည်။ 

အဆိုပါ ပျော်ရွှင်ဖွယ် တရုတ်နှစ်သစ်ကူး ပွဲတော်သဘင်ကို “ဆွေမျိုးသဟာ တရုတ်-မြန်မာ၊ တူစုံနွှဲပျော် နွေဦးပွဲတော်” ခေါင်းစဉ်ဖြင့် ဖေဖော်ဝါရီလ ၄ ရက်နေ့မှ ၆ ရက်နေ့ထိ ရန်ကုန်တရုတ်ယဉ်ကျေးမှုစင်တာ၌ ကျင်းပသွားမည်ဖြစ်ပြီး ယင်းသည်မြန်မာနိုင်ငံ၌ ကျင်းပပြုလုပ်သော တရုတ်နွေဦးနှစ်သစ်ကူးပွဲတော်အခမ်းအနားများ၏ အရေးကြီးအစိတ်အပိုင်းဖြစ်ကြောင်းသိရသည်။
Yangon Times/tthl
#Local_News
#Published_ 5 February 2024
#YMG #Yangon_Times #Yangon_Media_Group

အမေရိကန် တောင်ပိုင်းနယ်စပ်မှာ လူဝင်မှုအရေအတွက် မကြုံစဖူး မြင့်တက်လာတဲ့အတွက် လူဝင်မှုကြီးကြပ်ရေးတရားရုံးတွေမှာ အလုပ်များစွာပုံနေပြီး နှောင့်နှေးနေတဲ့အမှုပေါင်း ၃ သန်းခန့်ရှိနေတယ်လို့ ဆီရာကူ့စ်တက္ကသိုလ်မှ သုတေသီများက အချက်အလက် ထုတ်ပြန်ထားပါတယ်။
#World_Government
#Published_ 5 February 2024
#YMG #Yangon_Times #Yangon_Media_Group

Published 5 February 2024

မန္တလေးတိုင်းဒေသကြီး၊ ညောင်ဦးမြို့၊ အမှတ်(၅)ရပ်ကွက်၊ ရေဝင်ရပ်ရှိ နေအိမ်တွင် အိမ်သာကျင်းတူးရာ မှ အောက်စီဂျင် ပြတ်ပြီးအမျိုးသားတစ်ဦး​ေ-သဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့ သတင်း ထုတ်ပြန်ချက်အရ သိရသည်။

   ဖေဖေါ်ဝါရီလ ၅ရက်  နေ့လည် ၂နာရီ ၂၂မိနစ်ခန့်က ဖြစ်ပွားခဲ့ ခြင်း ဖြစ်ကြောင်း သိရသည်။

  ဖြစ်စဉ် မှာ  ရေဝင်ရပ်ရှိ နေအိမ်တွင် အမျိုးသား(၂)ဦး အိမ်သားကျင်းသစ်တူးဖော်နေစဉ် ကျင်းဟောင်းဘက်အောက်ခြေမှ မြေပေါက်မှုဖြစ်ပွားသောကြောင့် အပေါ်သို့မတတ်နိုင်ဘဲ အောက်စီဂျင်ပြတ်တောက်နေ၍ အပေါ်တွင်ရှိသော အမျိုးသား(၁)ဦးမှ ဆင်းကူဆယ်ရာ စုစုပေါင်း ကျား(၃)ဦး တွင်း အတွင်းနစ်ခဲ့ကြောင်း သိရသည်။

 ထိုသို့ ဖြစ်ပွားနေကြောင်း  သတင်းရရှိသဖြင့် ညောင်ဦးမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ အမှတ်(၅)အရန်မီးသတ်တပ်ဖွဲ့ဝင်များ၊ အထောက်အကူပြုယာဉ်(၁)စီး၊ လူမှုကူညီရေးယာဉ်(၁)စီးတို့ဖြင့် ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ရာ  အမျိုးသား(၂)ဦးအား အသက်ရှင်လျက်ကယ်ဆယ်နိုင်ခဲ့ပြီး အမျိုးသား(၁)ဦး မှာ​ေ-သဆုံးခဲ့ကြောင်း သိရသည်။
Yangon Times/LW
#Local_News
#Published_ 5 February 2024
#YMG #Yangon_Times #Yangon_Media_Group

Published 5 February 2024

အမေရိကန်ဒေါ်လာ ၁၁ သန်း နှင့် ထိုင်းဘတ် သန်း ၂၀၀ ဗဟိုဘဏ် ယနေ့ထုတ်ရောင်းပေးခဲ့ကြောင်းမြန်မာနိုင်ငံတော်ဗဟိုဘဏ်မှ သိရသည်။

မြန်မာနိုင်ငံတော်ဗဟိုဘဏ်သည် ဇန်နဝါရီ ၁ ရက်နေ့တွင် ဒေါ်လာ ၁၂.၉၃ သန်း၊ ၅ ရက်နေ့တွင် ဒေါ်လာ ၁၆ သန်း၊ ၁၅ ရက်နေ့တွင် ဒေါ်လာ ၁၅ သန်း၊ ၁၉ ရက်နေ့တွင် ဘတ်သန်း ၅၀၊ ၂၅ ရက်နေ့တွင်  ဒေါ်လာ ၉ သန်းနှင့် ဘတ်သန်း ၂၀၀၊ ၂၆ ရက်နေ့တွင်  ဒေါ်လာ ၅ သန်းနှင့် ဘတ်သန်း ၅၀ အသီးသီး ထုတ်ရောင်းပေးခဲ့ကြောင်းသိရသည်။

ဇန်နဝါရီ ၂၉ ရက်တွင်  နှစ်ကြိမ်တိုင် ထုတ်ရောင်းပေးခဲ့ပြီး မနက်ပိုင်းတွင်  ဒေါ်လာ ၉ သန်းနှင့် နေ့လည်ပိုင်းတွင်  ဒေါ်လာ ၁.၄ သန်း၊ တရုတ်ယွမ် ၄.၂ သန်းနှင့် ထိုင်းဘတ် ၁၃.၅ သန်းတို့ကို လူသုံးကုန်နှင့်  ဆေးဝါးကဏ္ဍ၊ လျှပ်စစ်ကဏ္ဍ၊ စိုက်ပျိုးရေးကဏ္ဍနှင့် ဆက်သွယ်ရေးပိုင်ဆိုင်ရာ ကဏ္ဍများ အတွက် ရောင်းချပေးခဲ့ကြောင်း  ဗဟိုဘဏ်မှ ထုတ်ပြန်ထားသည်။

ဗဟိုဘဏ်အနေဖြင့် ငွေကြေးဈေးကွက်အတွင်း နိုင်ငံခြားငွေ ထုတ်ရောင်းပေးခြင်းကို ၂၀၂၃ နှစ်ကုန်ပိုင်းတွင်  ပြန်လည်ဆောင်ရွက်လာခြင်းဖြစ်ပြီး ဒီဇင်ဘာ ၁၈ ရက်မှာ ဒေါ်လာ ၉.၇၂ သန်းနှင့် ၂၁ ရက်နေ့တွင်  ဒေါ်လာ ၁၂.၄၃ သန်းတို့ကို စက်သုံးဆီတင်သွင်းသည့်  ကုမ္ပဏီများအတွက် ရောင်းချပေးခဲ့ကြောင်းသိရသည်။

ထို့အပြင် ဗဟိုဘဏ်အနေဖြင့်  နိုင်ငံခြားငွေကြေးဈေးကွက်အတွင်း အမေရိကန်ဒေါ်လာငွေလဲနှုန်း မြင့်တက်မှုကို ထိန်းချုပ်လိုခြင်းကြောင့် ကန်ဒေါ်လာအပါအဝင် နိုင်ငံခြားငွေများကို အလုံးအရင်းဖြင့်  ထုတ်ရောင်းပေးနေခြင်းဖြစ်ကြောင်း  ၊လက်ရှိ ဗဟိုဘဏ်ပြင်ပ နိုင်ငံခြားငွေကြေးဈေးကွက်အတွင်း အမေရိကန်တစ်ဒေါ်လာလျှင် ကျပ် ၃၄၈၀ - ၃၅၃၀ ကျပ် ဈေးရှိနေပြီး နိုင်ငံခြားငွေထုတ်ရောင်းသည့်အတွက်  ဒေါ်လာဈေး ကျဆင်းလာတာမျိုးမရှိသော်လည်းဈေးအတက်အကျ တည်ငြိမ်နေကြောင်း ငွေလဲကောင်တာများနှင့်လုပ်ငန်းရှင်အသိုင်းအဝိုင်းမှ သိရသည် ။
Yangon Times/NN
#Local_News
#Published_ 5 February 2024
#YMG #Yangon_Times #Yangon_Media_Group

၅ ဖေဖော်ဝါရီ ၂၀၂၃

ထိုင်းဝန်ကြီးချုပ်လောင်းလျာလို့ နာမည်ကြီးခဲ့တဲ့ ပီတလင်ဂျာရွန်ရတ်ကို ၂၀၁၉ခုနှစ်က တရားဥပဒေမဲ့ လူထုစီတန်းမှုတွေ လုပ်ခဲ့လို့ ထိုင်းတရားရုံးတစ်ခုက ဖေဖော်ဝါရီ (၅)ရက် တနင်္လာနေ့မှာ ထောင်ဒဏ်(၄)လချခဲ့ပြီး အဆိုပါထောင်ဒဏ်ကို ချက်ခြင်းမကျခံစေရဘဲ (၂)နှစ် ဆိုင်းငံ့ပေးလိုက်ပါတယ်။

ဒါဟာ ထိုင်းနိုင်ငံရဲ့ အခြေခံဥပဒေခုံရုံးက သူ့ရဲ့ အတိုက်အခံ ရှေ့သို့ချီပါတီ Move Forward Party(MFP) ကို  ဘုရင်စနစ်နှင့် အမျိုးသားလုံခြုံရေးကို အနှောက်အယှက်ပေးခဲ့တယ်လို့ ဆုံးဖြတ်ခဲ့ပြီးနောက်ပိုင်း ဥပဒေရေးရာ အခက်အခဲတွေနှင့် ထပ်မံ ရင်ဆိုင်လာရတာဖြစ်ပါတယ်။ MFP ဟာ ဘုရင်စနစ်ကို အကာအကွယ်ပေးတဲ့ ဥပဒေကို ပြင်ဆင်ဖို့ လူအုပ်နှင့်ကြိုးစားခဲ့တာ ဖြစ်ပါတယ်။

ဘန်ကောက်မှာရှိတဲ့ ပက်သမ်ဝန် ခရိုင်တရားရုံးက သူ့ MFP ပါတီရဲ့ ဦးဆောင်ခေါင်းဆောင် (၆)ဦး၊ ယခင်တာဝန်ယူသူနှင့် လှုပ်ရှားတက်ကြွသူ (၂)ဦးတို့ကို လေးလထောင်ဒဏ်နှင့်  ၁၁၂၀၀ ဘတ်ငွေ ဒဏ်ငွေရိုက်ခဲ့ပါတယ်။ ထောင်ဒဏ်တွေကိုတော့ (၂)နှစ်ဆိုင်းငံ့ထားလိုက်တာပါ။ အားလုံးကတော့ အယူခံဝင်ဖို့စီစဉ်နေတယ်လို့ သူတို့ရဲ့ရှေ့နေ ပီယာဘတ်က ပြောပါတယ်။

တကယ်လို့များ သူ့ရဲ့အယူခံ ရှုံးသွားပြီး တရားရုံးတွေက စီရင်ချက်အပေါ် အတည်ပြုခဲ့တယ်ဆိုရင် ပီတဟာ ပါလီမန်အမတ် အဖြစ်ကနေ ပျက်ယွင်းပြီး ပါလီမန်က ထွက်ခွာရမှာဖြစ်ပါတယ်။  ထိုင်းဥပဒေအရ ပြင်းထန်တဲ့ ပြစ်မှုကျခံရသူတွေကို ပါလီမန်မှာ ထိုင်ခွင့်မပေးပါဘူး။

အခြေခံဥပဒေခုံရုံးရဲ့ ဆုံးဖြတ်ချက်အပြီးမှာ ရှေ့နေတွေနှင့် သူ့အတိုက်အခံတွေက ဥပဒေပိုင်းဆိုင်ရာ စွဲချက်တွေထပ်တင်ဖို့ ကြိုးစားနေကြပါတယ်။ အဲဒါကြောင့် သူ့ရဲ့ MFP ပါတီဟာ ဖျက်သိမ်းခံရပြီး ပါတီအရာရှိကြီးတွေကိုလည်း နိုင်ငံရေးလုပ်တာကို တားမြစ်ခံရနိုင်ချေတွေနှင့် ရင်ဆိုင်နေရပါတယ်။

MFP ပါတီဟာ မနှစ်ကရွေးကောက်ပွဲမှာ မမျှော်လင့်ဘဲ အနိုင်ရရှိခဲ့ပြီး ပါလီမန်မှာ အမတ်အများဆုံးရခဲ့ပါတယ်။  ဒါပေမယ့် ပါတီရဲ့ လစ်ဘရယ်သိပ်ကျမှုနှင့် လူငယ်မဲဆန္ဒရှင်တွေကို ဆွဲဆောင်နိုင်မှုတွေက ပိုနေမြဲကျားနေမြဲ နေလိုတဲ့ ထိုင်းနိုင်ငံရေး အတွက် ခြိမ်းခြောက်မှုတစ်ခုဖြစ်ခဲ့တယ်လို့ ရိုက်တာသတင်းဌာနက ဝေဖန်ရေးသားပါတယ်။

Ref: Reuters

@ymg/knl

#Daily_News
Published_ 5 February 2024

၁။ နွေစပါးစိုက်ဧက ၆၀,၀၀၀ ခန့်အတွက် ကာလတိုချေးငွေများ  ယခုရက်ပိုင်းအတွင်း ချထားပေးမည်

၂။ ရွှေတိဂုံစေတီတွင် မြန်မာ့ရိုးရာထမနဲထိုးပြိုင်ပွဲကျင်းပပြီး ဘုရားဖူးများကို ထမနဲလှူဒါန်းမည်ဟုဆို

၃။ ပဲတီစိမ်းဈေးမြင့်ရရှိပေမယ့် အဘက်ဘက်က ကုန်ကျစရိတ် မြင့်လာခြင်းကြောင့် တောင်သူများအတွက် အကျိုးမြတ်ရရှိမှု ယခင်နှစ်ထက် ကွာဟမှု မရှိနိုင်ဟုဆို

၄။ အမေရိကန်ပြည်ထောင်စုတွင် လူဝင်မှုကြီးကြပ်ရေးအမှု များပြားလွန်း၍ သန်းနှင့်ချီအလုပ် အကြွေးတင်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 5 February 2024

  ထိုင်းနိုင်ငံသို့ တရားမဝင် ဝင်ရောက်လာသည့် မြန်မာ အလုပ်သမား ၁၃ ဦး နှင့်ယာဉ်မောင်းသူ ထိုင်းအမျိုးသား ကို ထိုင်းအာဏာပိုင်များက ဖမ်းဆီးခဲ့ကြောင်း ထိုင်းသတင်းဌာန များ၏ ဖေါ်ပြချက်အရ သိရသည်။

ဖေဖော်ဝါရီလ ၂ ရက်နေ့ ညက ထိုင်းနိုင်ငံ နခေါ(န်)စဝမ်ခရိုင် သာခလီမြို့ စွယ့်ထော(င်)ကျေးရွာအနီး တွင် ထိုင်းလုံခြုံရေးတပ်ဖွဲ့က ဖမ်းဆီးခဲ့ခြင်း ဖြစ်ကြောင်း သိရသည်။

 အဆိုပါ အလုပ်သမားများ ကို ချင်ရိုင်ခရိုင် မယ့်ဆိုင်မြို့ မှ တင်ဆောင်လာပြီး ပို့ဆောင်ခ ၂၀၀၀ ဘတ်ရရှိကြောင်းယာဉ်မောင်း ဖြစ်သူ၏ ထွက်ဆိုချက်အရသိရသည်။

   ထို့ပြင် မြန်မာ အလုပ်သမား များက ပွဲစားခ အဖြစ် ထိုင်း ဘတ်ငွေ တစ်ဦး ကိုဘတ် ၁၀၀၀၀ ပေးရ​ေကြာင်း ထွက်ဆိုခဲ့တယ်လို့ သိရသည်။

ဖမ်းဆီးရမိသူများ အားလုံးကို ဥပဒေအတိုင်းဆက်လက်ဆောင်ရွက်ရန် သာခလီရဲစခန်းကို ပို့ဆောင်ထားကြောင်း သိရသည်။
Yangon Times/LW
#Local_News
#Published_ 5 February 2024
#YMG #Yangon_Times #Yangon_Media_Group