လိုင်စင်မလိုအပ်တဲ့ ရောင်းဝယ်ရေးများ၊ စတော့စီးဆင်းမှုများ အပါအဝင် ကမ္ဘာ့ရွှေဝယ်လိုအားက ၂၀၂၃ ခုနှစ်မှာ ၃ ရာခိုင်နှုန်းတက်လာပြီး ၄၈၉၉ တန်အထိ မြင့်တက်လာကြောင်း ကမ္ဘာ့ရွှေကောင်စီ(WGC)က ဗုဒ္ဓဟူးနေ့မှာ ပြောကြားလိုက်ပါတယ်။
#World_Trend
Published_ 3 February 2024
#ကမ္ဘာ့ရွှေဝယ်လိုအားမြင့်တက် #ကမ္ဘာ့ရွှေကောင်စီ
#Yangon_Times #YMG_News #Yangon_Media_Group

#Lcoal_News
Published-3 February 2024

ကမ္ဘာ့ဆန်ဈေးနှုန်းနှင့်အတူ ပြည်တွင်းဆန်ဈေးကောင်းရရှိသဖြင့် တင်ပို့မှု လျော့ကျခဲ့သော်လည်း ပို့ကုန်ဝင်ငွေတိုးတက်ရရှိခဲ့ကြောင်း မြန်မာနိုင်ငံ ဆန်စပါးအသင်းချုပ် (MRF) မှသိရသည်။

'ဆန်တစ်တန်ကို အမေရိကန်ဒေါ်လာ ၄၅၀ ဝန်းကျင်လောက် ရှိပါတယ်။ ဆန်ဖြူတစ်တန်ကို အမေရိကန်ဒေါ်လာ ၆၀၀ လောက်ရှိပါတယ်။ ဒါ့ကြောင့် နိုင်ငံတကာမှာလည်း ဆန်ဈေးနှုန်းတွေ မြင့်တက်တာ တွေ့ရပါတယ်'ဟု မြန်မာနိုင်ငံ ဆန်စပါးအသင်းချုပ် (MRF) မှ ဥက္ကဌဦးရဲမင်းအောင်က ပြောသည်။

နိုင်ငံတကာတွင် ဆန်ဈေးနှုန်းများ မြင့်တက်သကဲ့သို့ ပြည်တွင်းဈေးကွက်အတွင်းမှာလည်း စပါးဈေးနှင့် ဆန်ဈေးနှုန်းများ မြင့်တက်လျက်ရှိပြီး လွန်ခဲ့သည့် ၁၅ နှစ်အတွင်း ဆန်ဈေးနှုန်းများ အမြင့်မားဆုံး အခြေအနေကို ရောက်ရှိလာကြောင်း သိရသည်။

'တန်ချိန်အားဖြင့် မနှစ်က ကာလတူတွေထက် လျော့နည်းတင်ပို့တာဖြစ်ပြီး ဝင်ငွေအားဖြင့် ပိုမိုရရှိတဲ့ အနေအထားမျိုး တွေ့ပါတယ်။ ” ဟု ဦးရဲမင်းအောင်က ပြောသည်။

လက်ရှိတွင်နိုင်ငံတကာမှ ဆန်လိုအပ်ချက်များသဖြင့် ဝယ်လိုအားမြင့်တက်လျက်ရှိပြီး ဇန်နဝါရီလအတွင်း ဆန်တင်ပို့မှုမှ ပို့ကုန်ဝင်ငွေ အမေရိကန်ဒေါ်လာ ၁၁၀ သန်းရရှိထားကြောင်း သိရသည်။

#Lcoal_News #ကမ္ဘာ့ဆန်ဈေးနှုန်း #တင်ပို့မှု‌လျော့ကျ #YMG/NN #Yangon-Times

#Local_News
Published 3 February 2024

လာမည့် ၂၀၂၄-၂၀၂၅ ဘဏ္ဍာနှစ်အတွင်း ဆန်တန်ဖိုးမြှင့်ထုတ်ကုန်များတင်ပို့ရန်ဆောင်ရွက်နေကြောင်း မြန်မာနိုင်ငံဆန်စပါးအသင်းချုပ်မှ သိရသည်။

ပြည်ပသို့ ပုံမှန်တင်ပို့နေကြဖြစ်သည့် ဆန်တင်ပို့မှုထက် ဆန်မှုန့်၊ ဆန်ခေါက်ဆွဲ စသည့် တန်ဖိုးမြှင့်ထုတ်ကုန်အဖြစ် ထုတ်လုပ်ပြီး တင်ပို့သွားရန် စီစဉ်ဆောင်ရွက်နေခြင်းဖြစ်ကြောင်း သိရသည်။

'သမားရိုးကျ ဆန်ကို ပို့တာထက်စာရင် ဆန်မှုန့်တို့၊ ဆန်ခေါက်ဆွဲတို့၊ တစ်ဖက်ကလည်း ဖွဲနုဆီထုတ်လုပ်တဲ့လုပ်ငန်းကို အားပေးပြီး ဆောင်ရွက်နေတာဖြစ်တဲ့အတွက် ဖွဲနုဆီတချို့ကို နိုင်ငံခြားတင်ပို့ဖို့၊ တချို့ကို ပြည်တွင်းဈေးကွက်မှာရောင်းချဖို့ နောက်ပြီး ဖွဲနုဆီထုတ်တဲ့လုပ်ငန်းရဲ့ ဘေးထွက်ပစ္စည်းဖြစ်တဲ့ ဆီထုတ်ပြီးသားဖွဲဖတ်ကို ပြည်တွင်းဈေးကွက်မှာရောင်းဖို့၊ နိုင်ခြားတင်ပို့ရောင်းချဖို့ စသဖြင့် Export Product Diversification ကိုလည်း လာမယ့်နှစ်မှာ ဆောင်ရွက်ဖို့ရှိပါတယ်။ ဒါကြောင့်မို့ ဆန်မှုန့်တို့ တစ်ဖက်ကလည်း တိရစ္ဆာန်အစာ ထုတ်လုပ် တင်ပို့ရောင်းချတဲ့အပိုင်းတို့ ဒါလေးတွေပါ ကျွန်တော်တို့ ဆောင်ရွက်ဖို့ ရှိပါတယ် ' ဟုမြန်မာနိုင်ငံဆန်စပါးအသင်းချုပ်မှ ဥက္ကဌဦးရဲမင်းအောင်ကပြောသည်။

မြန်မာနိုင်ငံတွင် နှစ်စဉ်ဆန်တန်ချိန် ၁၂ သန်းမှ ၁၄ သန်းကြား ထွက်ရှိပြီး ပြည်တွင်းစားသုံးမှုအနေဖြင့် ဆန်တန်ချိန် ၁၀ သန်း ဝန်းကျင်ရှိသဖြင့် တစ်နှစ်လျှင် ဆန်တန်ချိန် ၃ သန်းဝန်းကျင်သာ ပြည်ပတင်ပို့နိုင်မည်ဖြစ်‌ကြောင်း သိရသည်။

ထို့ကြောင့် ဝင်ငွေပိုမိုရရှိ‌စေရန် တန်ချိန်တိုးမြှင့်တင်ပို့ခြင်းထက် တန်ဖိုးမြှင့်ထုတ်ကုန်အဖြစ် ထုတ်လုပ်ကာ ဝင်ငွေတိုးမြှင့်ရရှိစေရန် စီစဉ်ဆောင်ရွက်ခြင်းဖြစ်ကြောင်း ၊၎င်းအပြင်  ဆန်တင်ပို့ခြင်းကို လျှော့ချပြီး ပြည်တွင်းစားသုံးမှုလည်း ဖူလုံစေရန်အတွက် ဆန်ဖြူကို အကန့်အသတ်ဖြင့်သာ တင်ပို့ကာ ပေါင်းဆန်နှင့် ဆန်ကွဲကိုသာ ပိုမိုတင်ပို့နိုင်ရေး ယခုဘဏ္ဍာနှစ် လက်ကျန်ကာလ ဖေဖော်ဝါရီနှင့် မတ်လတို့မှစ၍ သက်ဆိုင်ရာဝန်ကြီးဌာနများသို့ တင်ပြ၍ အတည်ပြုချက် ရယူသွားမည်ဖြစ်ကြောင်း သိရသည်။

#Local_News #ဆန်တန်ဖိုးမြှင့်ထုတ်ကုန် #YMG/ NN #Yangon_Times

#Daily_News
Published_ 3 February 2024

၁။ တရုတ်ဒြပ်မဲ့အမွေအနှစ်ကို လေ့လာနိုင်မည့် တရုတ်နှစ်သစ်ကူးပွဲတော်ကို ရန်ကုန်တရုတ်ယဉ်ကျေးမှုစင်တာ၌(၂)ရက်တိုင်တိုင်ကျင်းပမည်

၂။ မလေးရှားလုပ်သားဈေးကွက် လာမည့် ဧပြီလမှစပြီး ပြန်လည်ကောင်းနိုင်မည့် အနေထားရှိဟုဆို

၃။ အကယ်ဒမီဆုပေးပွဲတက်ရန် သက်ကြီးအနုပညာရှင်များနှင့် အနုပညာရှင်၊ အတတ်ပညာရှင်(၂၅၀) ကျော် နေပြည်တော်သို့ရောက်ရှိနေ

၄။ (၂၀၂၃)ခုနှစ်အတွင်းကမ္ဘာ့ရွှေဝယ်လိုအားမြင့်တက်ခဲ့ကြောင်း ကမ္ဘာ့ရွှေကောင်စီဖော်ပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

သက်ကြီးအနုပညာရှင်တွေ လေကြောင်းခရီးနဲ့နေပြည်တော်သို့ ထွက်ခွာသွားပြီဖြစ်သလို အလွှာအသီးသီးမှ အနုပညာရှင်၊ အတတ်ပညာရှင် (၂၅၀)ဦးဟာလည်း Express ကားတွေနဲ့ရန်ကုန်မြို့ ရွှေထွဋ်တင်ဝန်းမှ နေပြည်တော်သို့ ထွက်ခွာသွားပြီဖြစ်ပါတယ်။
#Local_News
Published_ 3 February 2024
#သက်ကြီးအနုပညာရှင်များ #နေပြည်တော်သို့ရောက်ရှိ
#tthl #Yangon_Times

မလေးရှားအစိုးရမှ နိုင်ငံခြားသားလုပ်သားသစ်များ ခေါ်ယူခွင့်ကို လာမယ့်ဧပြီလလောက်မှာ ပြန်လည်ခွင့်ပြုပေးမယ့် အနေထား ရှိတဲ့အတွက် ပြည်တွင်းမှ မလေးရှားကို လုပ်သားပို့ပေးနေတဲ့ ဈေးကွက် ပြန်လည်ကောင်းလာမယ့်အနေထား ရှိတယ်လို့ မြန်မာပြည်ပအလုပ်ကိုင်ဝန်ဆောင်မှုလုပ်ငန်းရှင်များအသင်း(MOEAA) မှ သိရပါတယ်။
#Local_News
Published_ 3 February 2024
#မလေးရှားလုပ်သား #ပြန်လည်ကောင်းနိုင်မည့်အနေထား
#YMG/LW #Yangon_Times

တရုတ်နှစ်သစ်ကူးပွဲတော်ကို ရန်ကုန်၌ (၂)ရက်တိုင်တိုင်ကျင်းပမည် "ဖက်ထုပ်၊  တံတားကူးမြီးရှည် အစရှိတဲ့ တရုတ်ရိုးရာအစားအစာတွေကို မြည်းစမ်းသုံးဆောင်နိုင်သလို ဓာတ်ပုံရိုက်ဝါသနာပါသူများအနေနဲ့လည်း ရှေးခေတ်လူတွေအတိုင်းတရုတ်ရိုးရာဝတ်စုံတွေနဲ့ ကိုယ်တိုင်ဝတ်စားပြင်ဆင်ကြည့်နိုင်မှာဖြစ်တယ်။ တရုတ်ရိုးရာ ဆေးဆိုးပန်းရိုက်ပညာ၊ စက္ကူအလှညှပ်ပညာ အစရှိတဲ့ တရုတ်ဒြပ်မဲ့ယဉ်ကျေးမှုအမွေအနှစ်တွေကိုလည်း ကိုယ်တိုင်ပြုလုပ် လေ့လာနိုင်မယ်" ရန်ကုန်တရုတ်ယဉ်ကျေးမှုစင်တာ
#Local_News
Published_ 3 February 2024
#တရုတ်နှစ်သစ်ကူးပွဲတော် #တရုတ်ယဉ်ကျေးမှုစင်တာ
#tthl #Yangon_Times

#Local_News
Published 3  February 2024

ရန်ကုန်မြို့၊ ဗိုလ်မြတ်ထွန်းလမ်းနှင့် မဟာဗန္ဓုလလမ်းထောင့်တွင် ယာဉ်နှစ်စီးတိုက်မိပြီး ခုနစ်ဦး ဒဏ်ရာရရှိခဲ့ကြောင်း လူမှုကူညီရေးအသင်းထံက သိရသည်။

ဖေဖော်ဝါရီ ၃ ရက် နံနက် ၆ နာရီခွဲကျော်ခန့်တွင် ဗိုလ်မြတ်ထွန်းလမ်းနှင့် မဟာဗန္ဓုလလမ်းထောင့်တွင် ယာဉ်နှစ်စီးတိုက်မိမှုဖြစ်ပွားကြောင်း သတင်းရသဖြင့် ရှင်သန်ရေးကူညီမှုအသင်းမှ သွားရောက်ကူညီပေးခဲ့ကြောင်း သိရသည်။

ဖြစ်စဉ်တွင် ဟွန်ဒိုင်းပုဇဉ်းခေါင်းပစ်ကပ်နှင့် Toyota  Taxi ယာဉ်တို့ တိုက်မိကာ ဟွန်ဒိုင်းပုဇဉ်းခေါင်းပစ်ကပ်မှ  လမ်းထောင့်ရှိ  သစ်ပင်နဲ့ မော်တော်ပီကယ်ရုံးကို ဝင်တိုက်မိခြင်း ဖြစ်ကြောင်း သိရသည်။

အဆိုပါ ယာဉ်တိုက်မှုကြောင့် ထိခိုက်ဒဏ်ရာရရှိသူ ၇ဦး ရှိ ပြီး ၃ဦးမှာ အနီရောင်အဆင့်  လူနာများ ဖြစ်ကာ စိုးရိမ်ရကြောင်း သိရသည်။

 ထိခိုက်ဒဏ်ရာရရှိသည့် လူနာများအားရှင်သန်ရေးလူမှုကူညီရေးအသင်း မှ Ambulanceယာဉ်ဖြင့် ရန်ကုန်ဆေးရုံကြီးသို့ပို့ဆောင်ပေးခဲ့ကြောင်း သိရသည်။

#Local_News #ဗိုလ်မြတ်ထွန်းလမ်း #ယာဉ်နှစ်စီးတိုက်မိ #၇ဦးထိခိုက်ဒဏ်ရာရရှိ #YMG/LW #Yangon_Times

#Local_News
Published 3  February 2024

စစ်ကိုင်းတိုင်းဒေသကြီး ဖောင်းပြင်မြို့၏ အနောက်မြောက် (၁၉) မိုင်ခန့်အကွာအတွင် ယနေ့ နံနက်ပိုင်းက အင်အား၄ဒသမ ၂အဆင့်ရှိ မြေငလျင်လှုပ်ခတ်သွားကြောင်း မိုးလေဝသနှင့်ဇလဗေဒညွှန်ကြားမှု ဦးစီးဌာန  သတင်းထုတ်ပြန်ချက်အရသိရသည်။

ဖေဖော်ဝါရီလ ၃ ရက်နေ့၊ မြန်မာစံတော်ချိန် (၀၁)နာရီ၊ (၅၇)မိနစ်၊ (၅၁)စက္ကန့် အချိန်တွင်လှုပ်ခတ်ခြင်းဖြစ်ကြောင်း သိရသည်။

တိုင်းတာချက်အရ တမူးမြေငလျင်စခန်းမှ အရှေ့မြောက်ဘက် မိုင် (၂၀) ခန့်ကွာဝေးသော မြန်မာနိုင်ငံပြည်တွင်း (ဖောင်းပြင်မြို့၏ အနောက်မြောက် (၁၉) မိုင်ခန့်အကွာ)၊ မြောက်လတ္တီတွဒ် (၂၄.၄၂) ဒီဂရီ၊ အရှေ့လောင် ဂျီတွဒ် (၉၄.၅၆) ဒီဂရီ၊ အနက် (၆၇) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၂) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း သိရသည်။

#Local_News #စစ်ကိုင်းတိုင်းဖောင်းပြင်မြို့ # အင်အား၄ဒသမ၂ အဆင့် #မြေငလျင်တစ်ခုလှုပ်ခတ် #YMG/LW #Yangon_Times

#World_News
Published 03 February 2024

အမေရိကန်စစ်တပ်က အီရတ်နဲ့ ဆီးရီးယားတို့မှာရှိတဲ့ အီရန်တော်လှန်ရေးအစောင့်တပ် (IRGC)နဲ့ ယင်းတို့ထောက်ပံ့နေတဲ့ တပ်ဖွဲ့များနဲ့ ဆက်စပ်နေတဲ့ ပစ်မှတ်ပေါင်း ၈၅ ခုကျော်ကို သောကြာနေ့က လေကြောင်းတိုက်ခိုက်မှုများ ပြုလုပ်ခဲ့ပြီး ပြီးခဲ့တဲ့ ရက်သတ္တပတ်က ဂျော်ဒန်မှာ အမေရိကန်တပ်သား ၃ ဦး ကျဆုံးစေခဲ့တဲ့ ဖြစ်ရပ်အတွက် လက်စားချေလိုက်တာ ဖြစ်ပါတယ်။

သမ္မတဂျိုးဘိုင်ဒင်ရဲ့ အစိုးရအဖွဲ့က အီရန်နောက်ခံပြု စစ်သွေးကြွတွေရဲ့ တိုက်ခိုက်မှုကို အဆင့်ဆင့် တုန့်ပြန်ဆောင်ရွက်နေရာမှာ ယခုလေကြောင်းတိုက်ခိုက်မှုတွေက ပထမဆုံးဖြစ်လာပြီး အမေရိကန်မှ တာဝေးပစ် B-1 ဗုံးကျဲလေယာဥ်များ အသုံးပြုခဲ့တာဖြစ်ပြီး လာမယ့်နေ့ရက်တွေမှာလည်း နောက်ထပ်စစ်ဆင်ရေးများ ဆောင်ရွက်သွားဖို့ ရှိနေပါတယ်။

အမေရိကန်တွေ တိုက်ခိုက်တာက အီရန်နိုင်ငံအတွင်းအထိ မရောက်ခဲ့ပေမယ့် အစ္စရေးလ် ပါလက်စ်တိုင်း စစ်ပွဲဂယက်ထနေတဲ့ အရှေ့အလယ်ပိုင်းမှာ ပဋိပက္ခပိုမို တင်းမာလာဖွယ်ရှိနေပါတယ်။

တိုက်ခိုက်မှုတွေဟာ ဗဟိုထိန်းချုပ်ရေးဌာနများ၊ ဒုံးပျံများ၊ ဒုံးကျည်များ၊ ဒရုန်းသိုလှောင်ခန်းများအပြင် သယ်ယူပို့ဆောင်ရေးနဲ့ ချိတ်ဆက်ထောက်ပံ့ရေး အဆောက်အအုံတွေကို ထိမှန်ခဲ့တယ်လို့ အမေရိကန်စစ်တပ်က ဖော်ပြခဲ့ပါတယ်။

အမေရိကန်တပ်တွေက နေရာ ၇ နေရာမှ ပစ်မှတ်ပေါင်း ၈၅ ခုကျော်ထိမှန်ခဲ့ပြီး ဆီးရီးယားမှ ၄ နေရာနဲ့ အီရတ်မှ ၃ နေရာ ပါဝင်ခဲ့ပါတယ်။

ဒီပစ်မှတ်တွေဟာ အရှေ့အလယ်ပိုင်းအနှံ့ရှိ တပ်ဖွဲ့တွေကို များစွာလွှမ်းမိုးမှုရှိနေတဲ့ Quds တပ်ဖွဲ့တွေ ဖြစ်ပါတယ်။

တိုက်ခိုက်မှုတွေက အောင်မြင်ခဲ့ဟန်ရှိပြီး စစ်လက်နက်တွေကို ထိမှန်ခဲ့ကာ ထပ်ဆင့်ပေါက်ကွဲမှုများ ဖြစ်ပွားခဲ့ပေမယ့် စစ်သွေးကြွတွေ သေဆုံးခြင်းရှိမရှိတော့ မသေချာဘူးလို့ အမေရိကန် ဒုဗိုလ်ချုပ်ကြီး ဒေါက်ဂလပ်စ်ဆင်းစ်က ပြောကြားလိုက်ပါတယ်။

အဆောက်အအုံတွေမှာ ထိခိုက်ပျက်စီးမှုများ ရှိတာတော့သေချာပြီး စစ်ဆင်ရေးအချိန်ကိုက် ပြုလုပ်ရာမှာ ရာသီဥတုကလည်း အဓိကကျနေပါတယ်လို့ ဆိုပါတယ်။

ဆီးရီးယား အီရတ်နယ်စပ်နဲ့ ကန္တာရဒေသတွေမှာ အမေရိကန်ရဲ့ တိုက်ခိုက်မှုများကြောင့် ထိခိုက်ပျက်စီးမှုများ ရှိခဲ့တယ်လို့ ဆီးရီးယားနိုင်ငံပိုင် မီဒီယာက သောကြာနေ့မှာ ဖော်ပြခဲ့ပါတယ်။

အမေရိကန် တိုက်ခိုက်မှုတွေက ဒေသတွင်း မတည်မငြိမ် ဖြစ်စေတယ်လို့ အီရတ်စစ်တပ်က ပြောကြားလိုက်ပါတယ်။

အဆိုပါ လေကြောင်း တိုက်ခိုက်မှုတွေက အီရတ်အချုပ်အခြာအာဏာကို ချိုးဖောက်ရာကျကာ အီရတ်အစိုးရရဲ့ ကြိုးပမ်းအားထုတ်မှုတွေကို ထိခိုက်စေပြီး ဒေသတွင်းကို ခြိမ်းခြောက်နေတယ်လို့ အီရတ်စစ်တပ်မှ ပြောရေးဆိုခွင့်ရှိသူ ယာဟာရာဆူးလ်က ဆိုပါတယ်။

တုန့်ပြန်တိုက်ခိုက်မှုတွေက အခုမှစတင်တာဖြစ်ပြီး ကိုယ်တိုင်ရွေးချယ်တဲ့ အချိန်နဲ့နေရာတွေမှာ ဆက်လက်တိုက်ခိုက်သွားဦးမယ်လို့ ဂျိုးဘိုင်ဒင်က ထုတ်ပြန်ပြောကြားလိုက်ပါတယ်။

#World_News #အီရတ်နှင့်ဆီးရီးယား #အမေရိကန်တိုက်ခိုက် #Source: Reuters

#Local_News
Published 3 February 2024

ရန်ကုန်တိုင်းဒေသကြီး၊ လှိုင်သာယာမြို့နယ် ဘီအိုစီ မီးပွိုင့်အနီး ယာဉ်တိုက်မှုဖြစ်ပွားရာ ယာဉ်မောင်းအမျိုးသား (၂)ဦး ထိခိုက်ဒဏ်ရာရခဲ့ကြောင်း အနီးဝန်းကျင်ရှိသူများထံမှ သိရသည်။

ဖေဖော်ဝါရီ (၂) ရက်၊ ည (၁၀)နာရီ၊ မိနစ် (၂၀) အချိန်ခန့်က လှိုင်သာယာမြို့နယ် ရန်ကုန် - ပုသိမ် လမ်းမကြီး ဘီအိုစီ မီးပွိုင့်အနီးတွင် ဖြစ်ပွားခဲ့ကြောင်း သိရသည်။

အဆိုပါယာဉ်တိုက်မှုတွင်ကုန်တင်ယာဉ် (၂)စီး မှာ အရှိန်မထိန်းနိုင်ဘဲတိုက်မိပြီး လမ်းပေါ်ကို တိမ်းမှောက်ခဲ့ကြောင်း ဒေသခံများထံမှ သိရသည်။

ယင်းဖြစ်စဉ်ကြောင့် ယာဉ်မောင်းအမျိုးသား(၂)ဦး ထိခိုက်ဒဏ်ရာ(မစိုးရိမ်ရ)ရရှိခဲ့ကြောင်း သိရသည်။

#Local_News # ဘီအိုစီမီးပွိုင့်အနီး #အမျိုးသားနှစ်ဦးထိခိုက်ဒဏ်ရာရ #YMG/LW #Yangon_Times

#Local_News
Published_3 Feb 2024

မနက်ဖြန် ဖေဖော်ဝါရီလ ၄ ရက် ပြုလုပ်မည့် Thai Fight မွေထိုင်းပြိုင်ပွဲ၌ (၁၆) ပွဲဆက်တိုက်အနိုင်ရထားသော ကယန်းလက်ဝှေ့မယ်ဘရော်နီကာနှင့်ထိုင်း မွေထိုင်းဖိုက် တာတို ယှဉ်ပြိုင်ထိုးသတ်ကြမည်ဖြစ်ကြောင်း သိရသည်။

ကယန်း လက်ဝှေ့ မယ် ဘရော်နီကာ မှာ (၁၆)ပွဲဆက်နိုင်ပွဲရယူထားသူ ဖြစ်သကဲ့ သို အခြားထိုင်းလက်ဝှေ့ပြိုင် ပွဲ ၂ ခုတွင် ခါးပတ်ရရှိထားသူဖြစ်ကြောင်း သိရသည်။

ယှဉ်ပြိုင်မည့်သူနှစ်ဦးလုံးမှာ အများစိတ်ဝင်စားသူများ ဖြစ်သောကြောင့် အဆိုပါ ပွဲစဉ်ကို ကြည့်ရှူသူများပြား မည် ဖြစ်ကြောင်း ဒေသတွင်း သတင်းများက ဖော်ပြကြသည်။

ကယန်းလက်ဝှေ့မယ်ဘရော်နီကာ အနေဖြင့် (၂)နှစ်ဆက် အမျိုးသမီးချန်ပီယံ တစ်ဦးလည်း ဖြစ်ကြောင်း သိရသည်။

#Local_News #ကယန်းလက်ဝှေ့မယ် #မွေထိုင်းဖိုက်တာ #ယှဉ်ပြိုင်ထိုးသတ်ကြ #Yangon_Times/PP