နတ်မှော်ဆင်စခန်း ကိုလာရောက်လည်ပတ်ရင် ဆင်ပြတိုက်ကိုလဲလေ့လာနိုင်သလို ဆင်စခန်းက ဧရာဝတီ မြစ်ကမ်းဘေးမှာရှိတဲ့အတွက် ဆင်ရေချတာကိုလည်း ကြည်ရှုနိုင်မယ့် ဧရာဝတီမြစ်အတွင်း အဖွဲ့လိုက် အပျော်စီးသင်္ဘောစီးပြီး တစ်ဖက်ကမ်းကပြည်ရွှေဆံတော်ဘုရားနှင့် ရွှေဘုံသာမုနိဘုရားတွေကို ဧရာဝတီမြစ်အတွင်းမှနေ၍ ဖူးမျှော်ကြည်ညိုနိုင်ပါမယ်။
#Local_News
Published_ 31 January 2024
#နတ်မှော်ဆင်စခန်း #မြစ်အတွင်းအပျော်စီးသင်္ဘောလည်ပတ်နိုင်
#YMG/LW #Yangon_Times

'မွန်ပြည်နယ်၊ မုဒုံမြို့နယ်၊ မြိုင်ကုန်းကျေးရွာမှာရှိတဲ့ ဝင်းစိန်တောရကျောင်းတိုက်၊ ကျေးဇူးတော်ရှင် အဘိဓဇအဂ္ဂမဟာသဒ္ဓမ္မ ဇောတိက ဒေါက်တာဘဒ္ဒန္တကေသရ ဆရာတော်ကြီး၏ သက်တော် (၁၀၃) နှစ်မြောက် မွေးနေ့ပူဇော်ပွဲ အခမ်းအနားကို လာမယ့်ဖေဖော်ဝါရီလ ၄ ရက် တနင်္ဂနွေနေ့မှာ ကျင်းပသွားပါမယ်၊ မွေးနေ့စေတီ နှစ် ဆူကို ထီးတော်တင်လှူတာ၊ ဧည့်ဆောင်အသစ် ဖွင့်လှစ်တာ၊ ကျေးဇူးတော်ရှင် ဝင်းစိန်တောရ ဆရာတော်ကြီးနဲ့ သာသနာပြုဖော် ပုဂ္ဂိုလ် ၃၄ ပါး၊ ၁၀ တောင်၊ ၁၂ တောင် ဘိုးဘိုးတို့ကိုပုဂ္ဂိုလ်ဆွမ်းကပ်ခြင်းနဲ့ ကောင်းမှုကုသိုလ်အစုစုကို ရေစက်သွန်းချအမျှဝေတာတွေ ပြုလုပ်သွားမှာ ဖြစ်ပါတယ်'
#Local_News
Published_ 31 January 2024
#ဝင်းစိန်တောရ ဆရာတော်ကြီး #စတုဒီသာမဏ္ဍပ်
#YMG/ NN #Yangon_Times

ပုဂံဘုရားများ မိုးကြိုးလွှဲတပ်ခြင်းကို အမွေအနှစ်မထိခိုက်အောင်ဆောင်ရွက်နေ၍မစိုးရိမ်ကြရန်ပြော

"လူမှုကွန်ရက်ပေါ်မှာပျံ့နှံလာတဲ့ပုံဟာ ရွှေဆံတော်ဘုရားမှာ မိုးကြိုးလွှတပ်ဆင်ရန်ဆောင်ရွက်နေတဲ့ ပုံဖြစ်ပြီး ဘုရားရဲ့ကြမ်းခမ်းဟာအသစ်ပြန်ပြင်ထားတဲ့  (၃)(၄)နှစ်သက်တမ်းသာရှိသေးတဲ့နေရာဖြစ်ပါတယ်။ ပုဂံဘုရား‌တွေမိုးကြိုးလွှတပ်ဆင်ခြင်းလုပ်ငန်းဆောင်ရွက်တဲ့နေရာမှာ ရှေးဟောင်း သုတေသနဌာနအနေနဲ့ ဆောက်လုပ်‌‌ရေးဝန်ကြီးဌာနကို မူလအမွေအနှစ်မထိခိုက်အောင် Guide line တွေ ချမှတ်ပေးပြီးမှဆောင်ရွက်နေတာဖြစ်သလို အမွေအနှစ်တွေမထိခိုက်အောင်ထိန်းကျောင်း ဆောင်ရွက်လျက်ရှိတယ်"
#Local_News
Published_ 31 January 2024
#ပုဂံဘုရားများမိုးကြိုးလွှဲတပ်ခြင်း #အမွေအနှစ်မထိခိုက်အောင်ဆောင်ရွက်
#tthl #Yangon_Times

#Local_News
Published 31 January 2024
ကိုရီးယားနိုင်ငံသို့ အလုပ်လုပ်ကိုင်ရန် မြန်မာအလုပ်သမား ၁၅၂ ဦးအား ယနေ့ ဇန်နဝါရီ ၃၁ ရက်တွင် ထပ်မံစေလွှတ်ခဲ့ကြောင်း ကိုရီယားနိုင်ငံဆိုင်ရာ မြန်မာသံရုံး၏ ထုတ်ပြန်ချက်အရ သိရသည်။

အဆိုပါ မြန်မာအလုပ်သမားများကို အစိုးရပြည်ပအလုပ်အကိုင်အေဂျင်စီ POAE မှ ကိုရီးယားနိုင်ငံ၌ အလုပ်လုပ်ကိုင်ရန် EPS စနစ်ဖြင့် စေလွှတ်ခဲ့ခြင်းဖြစ်သည်။

ယနေ့ စေလွှတ်ခဲ့သည့် အလုပ်သမား ၁၅၂ ဦးမှာ  ကိုရီးယားနိုင်ငံကုန်ထုတ်လုပ်ငန်းများတွင် လုပ်ကိုင်မည့် လုပ်သားများဖြစ်ကြောင်း သိရသည်။

ကိုရီးယားနိုင်ငံ၊ အင်ချွန်အပြည်ပြည်ဆိုင်ရာလေဆိပ်သို့ ရောက်ရှိလာကြသည့် အလုပ်သမားများအား ဆိုးလ်မြို့၊ အလုပ်သမားသံရုံးအရာရှိမှ လက်ခံကြိုဆိုခဲ့ပြီး လိုအပ်သည်များကိုမှကြားကာ ကူညီပံ့ပိုးပေးခဲ့ကြောင်း သိရသည်။
#YMG/LW #Yangon Time

ကိုးကန့်ဒေသအွန်လိုင်းလိမ်လည်မှုအဖွဲ့ အဓိကခေါင်းဆောင် ၆ ဦးနှင့် သံသယရှိသူ ၄ ဦးကို မြန်မာနိုင်ငံ ရဲတပ်ဖွဲ့က တရုတ်နိုင်ငံသို့ ဖမ်းဆီးပို့ဆောင်ခဲ့

မြန်မာနိုင်ငံမြောက်ပိုင်းကိုးကန့်ဒေသ အွန်လိုင်းလိမ်လည်မှုအဖွဲ့ အဓိကခေါင်းဆောင် ၆ ဦးနှင့် သံသယရှိသူ ၄ ဦးကို မြန်မာနိုင်ငံ ရဲတပ်ဖွဲ့က တရုတ်နိုင်ငံသို့ ဖမ်းဆီးပို့ဆောင်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးက သိရသည်။
#Local_News
Published_ 31 January 2024
#ကိုးကန့်ဒေသအွန်လိုင်းလိမ်လည်မှုအဖွဲ့ #တရုတ်နိုင်ငံသို့ ဖမ်းဆီးပို့ဆောင်

#Local_News
Published 31 January 2024
ဖေဖော်ဝါရီ (၁) ရက်နေ့တွင် ဖွင့်လှစ်မည့် (၅၉)ကြိမ်မြောက် ကျပ်တစ်ထောင်တန် အောင်ဘာလေသိန်းထီဖွင့်ပွဲနှင့် အွန်လိုင်းအောင်ဘာလေသိန်းထီဖွင့်ပွဲမှစ၍ လူပုဂ္ဂိုလ်များအား အသုံးမပြုဘဲ Air Blow Digital Machine စက်များအသုံးပြု ဖွင့်လှစ်ပေးသွားမည်ဟု ပြည်တွင်းအခွန်များဦးစီးဌာန အောင်ဘာလေသိန်းဆုဌာနခွဲ (ရန်ကုန်)မှ သိရသည်။

အဆိုပါ Air Blow Digital Machine စက်ကို ကမ္ဘာ့နိုင်ငံအသီးသီးတွင် အသုံးပြုနေပြီး အက္ခရာနှင့်ဂဏန်းများကို အရွယ်အစား အလေးချိန်တူညီသော ပုံစံတူ RFID law ကိုရွေးချယ်အသုံးပြုထားခြင်းဖြစ်ကြောင်းသိရသည်။

 ပြည်တွင်းအခွန်များဦးစီးဌာနအနေဖြင့် အောင်ဘာလေအွန်လိုင်းသိန်းဆုထီစနစ်အပြင် လက်ရှိကျင့်သုံးလျက်ရှိသော ထီလက်မှတ်များ ပုံနှိပ်ဖြန့်ဖြူးရောင်းချသည့် အောင်ဘာလေသိန်းဆုထီစနစ်ကိုကျင့်သုံးနေပြီး ထီဖွင့်ပွဲတွင်လည်း လူပုဂ္ဂိုလ်များအသုံးပြု၍ မဲနှိုက်ရွေးချယ်ခြင်းဖြစ်သည်။
#YMG/LW #Yangon Time

#World_Politics
Published 31 January 2024

ဟိုတယ်ပိုင်ရှင် ရောဘတ်ဘစ်ဂယ်လိုက ရီပတ်ဘလစ်ကန် သမ္မတကိုယ်စားလှယ်လောင်း ဒေါ်နယ်ထရမ့်အတွက် တရားရေးကုန်ကျစရိတ် ဒေါ်လာ ၁ သန်းပေးခဲ့တယ်လို့ ရိုက်တာသတင်းဌာနကို ပြောကြားခဲ့ပြီး မဲဆွယ်စည်းရုံးရေးအတွက်လည်း ထရမ့်ထောက်ခံသော ပြင်ပအဖွဲ့အစည်းတစ်ခုကို နောက်ထပ်သန်း ၂၀ လှူဒါန်းရန် သဘောတူညီလိုက်ပါတယ်။

‘’လွန်ခဲ့တဲ့ ရက်သတ္တပတ် အနည်းငယ်က သူ့အတွက် တရားရေးကုန်ကျစရိတ် ဒေါ်လာ ၁ သန်းပေးခဲ့ပါတယ်။ မဲဆွယ်ရေးအဖွဲ့အတွက်လည်း နောက်ထပ်သန်း ၂၀ ပေးဖို့ ကတိပြုခဲ့ပါတယ်’’ လို့ Budget Suites of America ပိုင်ရှင်က အင်တာဗျူးတစ်ခုမှာ ပြောကြားခဲ့ပါတယ်။

နိုဝင်ဘာလ အထွေထွေရွေးကောက်ပွဲမှာ ဒီမိုကရက်တစ် ဂျိုးဘိုင်ဒင်ကို ရင်ဆိုင်မယ့် ရီပတ်ဘလစ်ကန် ကိုယ်စားလှယ်လောင်းတွေထဲမှာ ရှေ့ဆုံးကပြေးနေတဲ့ ထရမ့်အတွက်တော့ ငွေအင်အားအများအပြား ရှိနေပြီဖြစ်ပြီး ဒီကတိမျိုးက ယခင်က မဖော်ပြခဲ့ကြပါဘူး။

ရာဇဝတ်မှု ၄ ခုနဲ့ရင်ဆိုင်နေရတဲ့ ထရမ့်အတွက် လှူဒါန်းတာဟာ အချို့သော နိုင်ငံရေးအလှူရှင်တွေ လှုပ်ရှားနေတဲ့ ပုံစံမျိုးနဲ့ ကွဲပြားနေတာကြောင့် ဘစ်ဂယ်လိုရဲ့ ပေးဆပ်မှုက စိတ်ဝင်စားစရာ ဖြစ်နေပါတယ်။

ဘစ်ဂယ်လိုအေရိုစပေ့စ်ကို တည်ထောင်ထားသလိုနဲ့ ဂြိုဟ်သားသက်ရှိများအကြောင်း စူးစမ်းလေ့လာရေးတွေမှာ ငွေကြေးပံ့ပိုးပေးနေတဲ့ ဘစ်ဂယ်လိုက ရာဇဝတ်မှုတွေကို မမျှမတရင်ဆိုင်နေရတဲ့ ထရမ့်ကို ဂရုဏာသက်မိကာ ပေးကမ်းချင်စိတ် ဖြစ်လာတယ်လို့ ဆိုပါတယ်။

ကုလသမဂ္ဂသံအမတ်ဟောင်း နစ်ကီဟာလေကို တားဆီးလိုက်ကြကာ ထရမ့်ရဲ့ ရီပတ်ဘလစ်ကန် ပြိုင်ဘက်အားလုံးက ယှဥ်ပြိုင်မှုကနေ ထွက်ခွာသွားကြပြီဖြစ်ရာ ထရမ့်အနိုင်ရဖို့ သေချာနေပါတယ်။

ထရမ့်နဲ့အဖွဲ့က ဟာလေအနားထံကနေ အင်အားတောင့်တင်းသူတွေကို ဖယ်ရှားရန် ကြိုးပမ်းနေပြီ အလှူရှင်တွေကို ဘက်ပြောင်းလဲဖို့ ပြောဆိုနေကြပါတယ်။

ဘစ်ဂယ်လိုဟာ အစကတော့ ဖလော်ရီဒါ အုပ်ချုပ်ရေးမှူး ရွန်ဒီဆန်းတစ်ကို ထောက်ပံ့နေခဲ့တာ ဖြစ်ပါတယ်။

ထရမ့်ကို နိုင်ငံရေးမှာ အောင်ပွဲရရှိရန် ကြိုးပမ်းနေပေမယ့် တရားရေးကုန်ကျစရိတ်တွေကတော့ မြင့်မားလာပါတယ်။

ထရမ့်အတွက် တရားရေးစရိတ် ထောက်ပံ့ပေးရတာဟာ သူ့ရဲ့ အမေရိကကယ်တင်ရေး PAC ကြောင့်ဖြစ်တယ်လို့ ဘစ်ဂယ်လိုက ပြောပြခဲ့ပါတယ်။

#World_Politics #ဟိုတယ်ပိုင်ရှင်ရောဘတ်ဘစ်ဂယ်လို #ဒေါ်နယ်ထရမ့်ကိုတရားရုံးစရိတ်ဒေါ်လာတစ်သန်းပေး #Source: Reuters

#Local_News
Published-31 January 2024

ပဲခူးတိုင်းဒေသကြီးရှိ မိုးယွန်းကြီးအင်းတွင်ယခုနှစ်ဇန်နဝါရီလ၌ ကောက်ယူခဲ့သည့်စာရင်းအရငှက်မျိုးစိတ်၁၂၂မျိုးမှ ငှက်ကောင်ရေနှစ်သောင်းကိုးထောင်ကျက်စားနေပြီဖြစ်ကြောင်း မိုးယွန်းကြီးအင်း တောရိုင်းတိရစ္ဆာန်ဘေးမဲ့တော မှသိရသည်။

အဆိုပါမိုးယွန်းကြီးအင်းတွင် အာရှရေပျော်ငှက်စာရင်းကို နှစ်စဉ်ဇန်နဝါရီလတိုင်းမှာကောက်ယူ‌လေ့ရှိပြီး ယခုနှစ်မှာ‌တော့ ဇန်နဝါရီ ၇ ရက်နှင့် ၈ ရက်များတွင် ကောက်ယူခဲ့ခြင်းဖြစ်ကြောင်း မိုးယွန်းကြီးအင်း တောရိုင်းတိရစ္ဆာန်ဘေးမဲ့တောမှ တာဝန်ရှိသူတစ်ဦးက ပြောသည်။

၂၀၂၄ ခုနှစ် ဇန်နဝါရီလကောက်ယူထားသည့် စာရင်းအရရေပျော် ဆောင်းခိုငှက်၃၃မျိုး၊ ဆောင်းခိုငှက်ကုန်းငှက်၁၈မျိုး၊ ဌာနေငှက် ၇၁ မျိုး စုစုပေါင်း ငှက်မျိုးစိတ် ၁၂၂ မျိုးရှိပြီးကောင်ရေ အနေဖြင့် ဆောင်းခိုငှက်(၁၂၀၀၀) ကောင်နှင့် ဌာနေငှက်(၁၇၀၀၀)စသည်ဖြင့် စုစုပေါင်းငှက်ကောင်ရေ ၂၉၀၀၀ ရှိ‌ကြောင်း သိရသည်။

ရွှေ့ပြောင်းငှက်များဖြစ်သည့် ဆော င်းခိုငှက်များသည် ကမ္ဘာ မြောက်ခြမ်းမှ ကမ္ဘာ့ တောင်ခြမ်းကိုလာပြီးဆောင်းခိုကြ ကြောင်းဆောင်း ခိုငှက်များသည် ရေဝပ်ဒေသဂေဟစနစ်ကြီးကောင်းမွန် သည့်အတွက်လာရောက်ကျက်စားကြခြင်းဖြစ်ကြောင်းသိရသည်။

မိုးယွန်းကြီးအင်းတွင်ဆောင်းခိုငှက်၊ ဌာနေငှက်နှင့်ကုန်းငှက်များအပြင် ငါးမျိုးစိတ် ၄၀ ကျော်ရှိကြောင်း သိရသည်။

အဆိုပါ မိုးယွန်းကြီးအင်းသို့ ငှက်ကြည်ဝါသနာရှင်များလာရောက်လည်ပတ်ကြောင်း ပြီးခဲ့သည့် ၂၀၂၃ ခုနှစ်ဇန်နဝါရီလထက် ငှက်ကောင်ရေတစ်ထောင်ပိုကျကြောင်း သိရသည်။

#Local_News #ငှက်မျိုးစိတ် ၁၂၀‌ကျော် #ငှက်ကောင်ရေသုံးသောင်းနီးပါးကျက်စားနေ #YMG/NN #Yangon_Times

#Local_News
Published 31 January 2024

ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ စက်ဆန်းကျေးရွာတွင် ဇန်နဝါရီလ (၃၁) နံနက် (၆)နာရီ (၁၈)မိနစ် အချိန်ခန့်က မီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။ 

ကြည့်မြင်တိုင်မြို့နယ်၊ တစ်ဖက်ကမ်း၊ စက်ဆန်းကျေးရွာတွင် မီးလောင်မှုဖြစ်ပွားကြောင်း သတင်းအရ စက်ဆန်းနယ်မြေ မီးသတ်စခန်းမှ မီးငြှိမ်းသတ်ယာဉ်များ ထွက်ခွာငြှိမ်းသတ်ခဲ့ရကြောင်း သိရသည်။

ထိုသို့ ငြှိမ်းသတ်ရာ နံနက် (၆)နာရီ ၃၀ မိနစ်အချိန်တွင် မီးထိန်းနိုင်ခဲ့ပြီး နံနက် (၆)နာရီ (၃၃)မိနစ်အချိန်တွင် မီးငြှိမ်းသတ်နိုင်ခဲ့ကြောင်း သိရသည်။ 

အဆိုပါ မီးလောင်ကျွမ်းမှုဖြစ်စဉ်နှင့် ထိခိုက်ပျက်စီးဆုံးရှုံးမှုများကို မီးသတ်တပ်ဖွဲ့ မှ စုံစမ်းစစ်ဆေး လျက်ရှိကြောင်း သိရသည်။

#Local_News #စက်ဆန်းကျေးရွာ # မီးလောင်မှုဖြစ်ပွား #YMG/LW #Yangon_Times

#World_Health
Published 31 January 2024

နေ့ခင်းနေ့လယ် ခဏတဖြုတ် တရေးအိပ်ခြင်းဟာ ဦးနှောက်အရွယ်အစား ကြီးလာတာနဲ့ ဆက်စပ်နေတယ်လို့ Sleep Health ဂျာနယ်မှာ ဖော်ပြထားပါတယ်။

လူတွေရဲ့ ဦးနှောက်က အသက် ၄၀ ကျော်လာတဲ့အခါ ဆယ်စုနှစ်တစ်ခုကြာတိုင်း အရွယ်အစားနဲ့ အလေးချိန် ၅ ရာခိုင်နှုန်းစီ လျော့နည်းလာပြီး အသက် ၇၀ ကျော်တဲ့အခါ ပိုမိုမြန်ဆန်စွာ ကျဆင်းလာကာ မှတ်ဉာဏ်ပိုင်းနဲ့ အသိဉာဏ်ပိုင်း လုပ်ဆောင်ချက်များ ပြောင်းလဲလာပါတယ်။

ရံဖန်ရံခါ တရေးအိပ်တတ်သူတွေဟာ တရေးမအိပ်သူတွေနဲ့ယှဥ်ရင် ၂ နှစ်ခွဲမှ ၆ နှစ်ခွဲလောက်အထိ သက်တမ်းကြီးရင့်မှုမှာ ကွာခြားတယ်လို့ တွေ့ရှိထားပါတယ်။

နေ့ပိုင်းမှာ တရေးအိပ်တတ်သူတွေက အသက်ကြီးလာတဲ့အခါ ဦးနှောက်ကျန်းမာရေးကို ထိန်းသိမ်းပေးထားတဲ့ လျှို့ဝှက်ချက် ဖြစ်နေနိုင်ကြောင်း သုတေသနပြုစုသူ ဒေါက်တာ ဗစ်တိုးရီးယားဂါဖီးလ်က ဖော်ပြခဲ့ပါတယ်။

လန်ဒန်တက္ကသိုလ်ကောလိပ်နဲ့ ဥရုဂွေးပြည်သူ့တက္ကသိုလ်တို့မှ သုတေသီများက တရေးအိပ်တတ်သူတွေနဲ့ မအိပ်တတ်သူတို့ရဲ့ ဦးနှောက်ပိုင်းဆိုင်ရာ လုပ်ဆောင်ချက်တွေကို ဆန်းစစ်ခဲ့ကြပါတယ်။

လေ့လာချက်မှာ တရေးအိပ်ခြင်းက ဦးနှောက်ထုထည် ကြီးမားတာနဲ့ တိုက်ရိုက်ဆက်စပ်နေတာကို တွေ့ရှိခဲ့ပါတယ်။

စမ်းသပ်ပါဝင်သူအားလုံးက ဥရောပလူဖြူတွေ ဖြစ်နေတာကိုတော့ သတိပြုရမှာ ဖြစ်ပါတယ်။

မိနစ် ၂၀ - ၃၀ လောက် တရေးအိပ်ခြင်းဖြင့် နိုးကြားမှု၊ စိတ်အခြေအနေ၊ မှတ်ဉာဏ်ပိုင်းတို့ မြင့်မားစေပြီး ဖိစီးမှုကို လျှော့ချပေးနိုင်တယ်လို့ ယခင်လေ့လာမှုတွေမှာလည်း တွေ့ရှိထားပါတယ်။

လူတွေက အိပ်စက်ခြင်းအကြောင်းအရာကို ပိုမိုစိတ်ဝင်စားလာပြီး ယမန်နှစ်က ဂူဂဲလ်အသုံးပြုရှာဖွေရာမှာ အိပ်စက်ခြင်းဆိုတဲ့ စကားလုံးက လူအများဆုံးရှာဖွေတဲ့ အရာဖြစ်နေပါတယ်။

#World_Health #ဦးနှောက်ထုထည်ကျုံ့လာခြင်း #နေ့ခင်းတရေးအိပ်စက်ခြင်း #Source: New York Post

#World_Health
Published 31 January 2024

ကိုယ်ဝန်ရဖို့ဆိုတာ လူတိုင်းအတွက် မလွယ်ကူဘဲ အမျိုးသားတွေရော အမျိုးသမီးတွေမှာပါ ကိုယ်တွင်းနဲ့ ပြင်ပအရာများစွာက သက်ရောက်နေပါတယ်။

မျိုးပွားနိုင်စွမ်းနဲ့ ပတ်သက်ပြီး ကမ္ဘာတဝှမ်းမှာ ပြဿနာအကြီးအသေးများစွာ ရှိနေပေမယ့် ကိုယ်ဝန်ရနိုင်ခြေများစေမယ့် နည်းလမ်းတွေလည်း ရှိပါတယ်။

 
(၁) ကိုယ်ဝန်ရနိုင်ခြေများသော ကာလနှင့်မလွဲပါစေနှင့်

နောက်ဆုံးဓမ္မတာလာချိန်ရဲ့ ပထမဆုံးနေ့ကနေ ၁၄ ရက်မြောက်တဲ့နေ့မှာ မျိုးဥကြွေတတ်ပြီး ထိုနေ့ဟာ သန္ဓေရဖို့ အကောင်းဆုံးအချိန်ဖြစ်တာကြောင့် မိမိရဲ့ဓမ္မတာစက်ဝန်းအချိန်ကို သိရှိထားရန် အရေးကြီးပါတယ်။

 
(၂) မျိုးပွားနိုင်စွမ်းမြှင့်တင်ပေးသော စားစရာများစားပါ

အစေ့အဆန်များ၊ လတ်ဆတ်သော သီးနှံများ၊ ကျန်းမာရေးနဲ့ ညီညွတ်တဲ့အဆီများ၊ ပရိုတိန်းကြွယ်ဝတဲ့ အစားအစာများဟာ သန္ဓေရနိုင်ခြေကို သဘာဝအတိုင်း မြှင့်တင်ပေးပါတယ်။

 
(၃) နေထိုင်မှုပုံစံ ပြုပြင်ထိန်းသိမ်းပါ

ကိုယ်ဝန်ရဖို့ ကြံရွယ်ထားတယ်ဆိုရင် အလွန်အကျွံ လေ့ကျင့်ခန်းမျိုးမလုပ်ဘဲ ပုံမှန်လေ့ကျင့်ခန်းပြုလုပ်ပြီး ကိုယ်အလေးချိန် ထိန်းသိမ်းထားပါက ကိုယ်ဝန်ရနိုင်ခြေ များလာပါတယ်။

 
(၄) ဆေးလိပ်ရှောင်ရှားပါ

ဆေးလိပ်သောက်ခြင်းဟာ အမျိုးသားတွေရော အမျိုးသမီးတွေမှာပါ ကိုယ်ဝန်ရနိုင်ခြေကို ဆိုးရွားစွာ ထိခိုက်စေပြီး ဘေးကနေ ဆေးလိပ်ငွေ့ ရှူမိလျှင်ပင် ထိခိုက်စေပါတယ်။

 
(၅) ဖိစီးမှုလျှော့ချပါ

ဖိစီးမှုကို မထိန်းချုပ်နိုင်ဘဲ ဟော်မုန်းမညီမျှမှု ဖြစ်လာရင် ဓမ္မတာစက်ဝန်းနဲ့ မျိုးဥကြွေခြင်းကို ထိခိုက်လာပါတယ်။

#Source: DoctorNDTV #World_Health #ကိုယ်ဝန်ရချင်သူ #ရိုးရှင်းသောနည်းလမ်းကောင်းများ

Published_31 Jan 2024

မြန်မာနိုင်ငံ မြောက်ပိုင်း ကိုးကန့် ဒေသ အွန်လိုင်းလိမ်လည်မှု အဖွဲ့အဓိကခေါင်းဆောင် ၆ ဦး နှင့် သံသယရှိသူ ၄ ဦးကို မြန်မာနိုင်ငံ ရဲတပ်ဖွဲ့က တရုတ်နိုင်ငံသို့ ဖမ်းဆီးပို့ဆောင်ခဲ့ကြောင်း မြန်မာနိုင်ငံဆိုင်ရာ တရုတ်သံရုံးက သိရသည်။

ဇန်နဝါရီလ ၃၀ ရက်တွင် တရုတ်နိုင်ငံ ပြည်သူ့လုံခြုံရေးအဖွဲ့အစည်းထံသို့ မြန်မာနိုင်ငံမြောက်ပိုင်း ကိုးကန့် ဒေသ အွန်လိုင်းလိမ်လည်မှု အဖွဲ့အဓိကခေါင်းဆောင် ၆ ဦးဖြစ်သည့် ပယ်ဆောက်ချိန်၊ ပယ်ရင်ချန်၊ ဝေ့ဟွိုင် ရန်၊ လျိုကျန့်ရှန်၊ လျိုကျန့်မောက်၊ ရွှီလောက်ဖာနှင့် အခြားအရေးကြီး ပြစ်မှုကျူးလွန်ကြောင်းသံသယရှိသူ ၄ ဦး၊စုစုပေါင်း ၁၀ ဦးကို တရားဥပဒေနှင့်အညီ လွှဲပြောင်းပေးအပ်ခဲ့ခြင်း ဖြစ်ကြောင်း သိရသည်။

ယခုအကြိမ်လှုပ်ရှားမှုသည် တရုတ်-မြန်မာနှစ်နိုင်ငံက နိုင်ငံတကာရဲရေးရာ တရားဥပဒေစိုးမိုးမှု ပူးပေါင်း ဆောင် ရွက် ရာတွင် နောက်ထပ်ရရှိသည့် အထင်ကရ အောင်မြင်မှုရလဒ်ပင်ဖြစ်ကြောင်းလည်း ယင်း သတင်းထုတ်ပြန် ချက်တွင် ဖော်ပြထားသည်။

ယင်းသည် နှစ်နိုင်ငံက နိုင်ငံဖြတ်ကျော် အွန်လိုင်းလိမ်လည်မှုကို ပူးတွဲတိုက်ဖျက်ခြင်း၊ အတူလက်တွဲကာ လုံခြုံ ရေးနှင့်တည်ငြိမ်မှုကို ထိန်းသိမ်းသည့် ပြတ်သားသောသန္နိဋ္ဌာန်ချက်နှင့် ခိုင်မြဲသောစိတ်ဓာတ်ကို အပြည့် အဝ ထင်ဟပ်စေခြင်း ဖြစ်ကြောင်းလည်း သိရသည်။

မြန်မာနိုင်ငံမြောက်ပိုင်း အွန်လိုင်းလိမ်လည်မှု ပြစ်မှုကျူးလွန်ခြင်း “အဆိပ်အတောက်” ကို ပြတ်သားစွာ အမြတ်ပြတ်ချေမှုန်းရန်အတွက် တရုတ်-မြန်မာရဲတပ်ဖွဲ့က တရားဥပဒေစိုးမိုးမှု လုံခြုံရေးဆိုင်ရာ ပူးပေါင်း ဆောင်ရွက်မှုများ အဆက်မပြတ်လုပ်ဆောင်ခဲ့ကြောင်းလည်း သိရသည်။

လက်ရှိအချိန်ထိ မြန်မာနိုင်ငံမြောက်ပိုင်း အွန်လိုင်းလိမ်လည်မှု ပြစ်မှုကျူးလွန်ကြောင်းသံသယရှိသူပေါင်း ၄၄,၀၀၀ ကို တရုတ်နိုင်ငံဘက်သို့ လွှဲပြောင်းပေးအပ်ခဲ့ပြီးရာ ၎င်းတို့အနက် နောက်ကွယ်မှ “ငွေကြေး ထောက်ပံ့သူ” ၊ အဖွဲ့ခေါင်းဆောင်နှင့်အမာခံများ ၁၇၁ ဦး၊ တရားခံပြေး ၂၉၀၈ ဦးပါဝင်ကြောင်းလည်း သိရသည်။

Yangon_Times/PP