ခရီးသွားရာသီဖြစ်တဲ့အတွက် ငွေဆောင်၊ ချောင်းသာစတဲ့ ကမ်းခြေတွေကို ဧည့်ဝင်ရောက်မှုများတဲ့အတွက် အုန်းရည်သောက်သုံးမှုများသလို မုန့်လုပ်တဲ့လုပ်ငန်းတွေကလည်း ၀ယ်ယူမှုရှိတာကြောင့် အုန်းသီးဈေးကွက်ဟာ ပြည်တွင်း၀ယ်လိုအားပုံမှန်ရှိပြီး ဈေးကအမြင့်ပိုင်းမှာရှိနေတယ်။ အခုနှစ်တော့ ဒေသတွင်း အုန်းခြံပိုင်ရှင်တွေ အဆင်ပြေတာပေါ့။ ၀ယ်ရောင်း လုပ်သူတွေအတွက်က ဈေးကွက်ကအရင်လို မှန်းမရတာရယ် သယ်ယူစရိတ်တွေမြင့်တာရယ်ကြောင့် အခက်အခဲ ဖြစ်နေတယ်။
#Local_News
Published_ 30 January 2024
#ပြည်တွင်းဈေးကွက် #အုန်းသီးဈေးမြင့်နေ
#YMG/LW #Yangon_Times

#World_News
Published 30 January 2024

ဂျော်ဒန်နိုင်ငံမှာ အီရန်နောက်ခံပြု စစ်သွေးကြွအဖွဲ့တွေရဲ့ ဒရုန်းတိုက်ခိုက်မှုကို ခံခဲ့ရပြီးနောက် အမေရိကန်အနေနဲ့ တပ်သားများကို ကာကွယ်ပေးဖို့ရာ လိုအပ်သမျှ အတိုင်းအတာအားလုံး လုပ်ဆောင်သွားမယ်လို့ အမေရိကန် ကာကွယ်ရေးဝန်ကြီး လွိုက်အော်စတင်က တနင်္လာနေ့မှာ ကတိပြုပြောကြားလိုက်ပါတယ်။

သမ္မတဂျိုးဘိုင်ဒင်ရဲ့ အစိုးရအဖွဲ့ကတော့ အီရန်နဲ့ စစ်ဖြစ်ပွားစေရန် မရည်ရွယ်ဘူးလို့ အခိုင်အမာ ဆိုလိုက်ပါတယ်။

တနင်္ဂနွေနေ့က စစ်သွေးကြွများမှ ဒရုန်းဖြင့်တိုက်ခိုက်ခဲ့ရာ အမေရိကန်တပ်သား ၃ ဦးသေဆုံးခဲ့ပြီး ၄၀ ကျော်ဒဏ်ရာရရှိခဲ့ကာ အစ္စရေးလ်-ဟားမတ်စ် စစ်ပွဲစတင်ပြီးနောက်ပိုင်း အမေရိကန်တပ်တွေကို ပထမဆုံးအကြိမ် အသက်အန္တရာယ်ပေးနိုင်သည်အထိ တိုက်ခိုက်ခဲ့တာဖြစ်ပြီး အရှေ့အလယ်ပိုင်းမှာ တင်းမာမှုတွေ ထပ်မံမြင့်တက်စေခဲ့ပါတယ်။

ဂျော်ဒန်မှာကျဆုံးသွားတဲ့ တပ်သား ၃ ဦးနဲ့ ဒဏ်ရာရရှိသူတွေအတွက် ဝမ်းနည်းမိကြောင်း၊ နာကျည်းမှုလည်း ဖြစ်ရကြောင်း အော်စတင်က ပင်တဂွန်စစ်ဌာနချုပ်မှာ ပြောကြားလိုက်ပါတယ်။

‘’ယမန်နေ့က သမ္မတပြောသလိုပါပဲ။ တုန့်ပြန်မှုတွေဟာ အဆင့်ဆင့် အနေအထားဖြင့် အချိန်နဲ့အမျှ ကြာရှည်လာနိုင်တယ်’’ လို့ အမေရိကန် နိုင်ငံခြားရေးဝန်ကြီး အန်တိုနီဘလင်ကန်က ဆိုလိုက်ပါတယ်။

ဒါပေမဲ့ အစိုးရအဖွဲ့မှ အရာရှိများကတော့ တင်းမာမှုမဖြစ်စေလိုကြောင်း ဆိုလိုက်ကာ အီရန်ကလည်း စစ်ပွဲလိုလားမှာ မဟုတ်ဘူးလို့ ပင်တဂွန်က ယူဆထားပါတယ်။

ဂျော်ဒန်နိုင်ငံရှိ Tower 22 လို့ခေါ်တဲ့ စစ်စခန်းမှာ တပ်သား ၃၅၀ နီးပါးရှိပြီး ဘာကြောင့်ဒရုန်းကို မတားဆီးနိုင်ခဲ့လဲဆိုတာကို အမေရိကန်က စုံစမ်းနေပါတယ်။

တိုက်ခိုက်ဖို့လာတဲ့ ဒရုန်းဝင်ရောက်လာချိန်မှာပဲ အမေရိကန်ဒရုန်းတစ်စင်းကလည်း စခန်းကို ချဥ်းကပ်လာခဲ့တယ်လို့ အရာရှိ ၂ ဦးက ဆိုပါတယ်။

တိုက်ခိုက်ရေးဒရုန်းက အနိမ့်ပျံသန်းလာတာကြောင့် စခန်းကာကွယ်ရေးစနစ်တွေက မထိမှန်ခဲ့တာ ဖြစ်နိုင်တယ်လို့ အရာရှိတစ်ဦးက ပြောပြပါတယ်။

အောက်တိုဘာ ၇ ရက်နေ့နောက်ပိုင်း အီရတ် ဆီးရီးယား ဂျော်ဒန်တို့ရှိ အမေရိကန်တပ်တွေနဲ့ ပင်လယ်နီမှ စစ်သင်္ဘောတွေ တိုက်ခိုက်ခံရတာ အကြိမ် ၁၆၀ ကျော်လာပြီဖြစ်ပြီး ယီမင်မှ ဟူသီတိုက်ခိုက်ရေးအဖွဲ့ကလည်း ဒရုန်းများ ဒုံးကျည်များဖြင့် တိုက်ခိုက်နေခဲ့ပါတယ်။

အီရန်နဲ့ တိုက်ရိုက်ဖြေရှင်းရန် ဘိုင်ဒင်အပေါ် နိုင်ငံရေးဖိအားများ ပုံကျလာပြီး စစ်ပွဲကျယ်ပြန့်လာမှာကို ဘိုင်ဒင်က စိုးရိမ်နေပါတယ်။

ဘိုင်ဒင်က အော်စတင်နဲ့ နိုင်ငံတော်လုံခြုံရေးအဖွဲ့မှ အခြားအဖွဲ့ဝင်များနဲ့ တွေ့ဆုံကာ တိုက်ခိုက်မှုနဲ့ ပတ်သက်တဲ့ နောက်ဆုံးရ အချက်အလက်များကို ဆွေးနွေးခဲ့ပါတယ်။

သမ္မတရဲ့ အကြံပြုချက်တွေထဲမှာ အီရန်ပြည်တွင်းနဲ့ ပြင်ပမှာရှိတဲ့ အီရန်တပ်များကို ပစ်မှတ်ထားရေး၊ အီရန်နောက်ခံပြု စစ်သွေးကြွများကိုသာ ပစ်မှတ်ထားတဲ့ တုန့်ပြန်တိုက်ခိုက်မှုတွေ ပြုလုပ်ရေးတို့ ပါဝင်ပါတယ်။

#World_News #အမေရိကန်စစ်စခန်းတိုက်ခိုက်ခံရ #အီရန်နှင့်စစ်ဖြစ်ရန်မလိုလားဟုပင်တဂွန်ပြော #Source: Reuters

#Local_News
Pblished 30 January 2024

ရန်ကုန်တိုင်းဒေသကြီး၊ လှိုင်မြို့နယ်၊ အမှတ်(၃)ရပ်ကွက်၊ ဘုရင့်နောင်လမ်းတွင် ဇန်န၀ါရီ ၃၀ ရက် နံနက် ၆နာရီ ၄၀မိနစ်ခန့်က ယာဉ်တစ်စီး မီးလောင်မှု ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့ သတင်းထုတ်ပြန်ချက်အရ သိရသည်။

အဆိုပါ ယာဉ်သည် စက်နှိုးစဉ်ဘထ္ထီရီခေါင်းချောင်ပြီး ရှော့ခ်ဖြစ်ရာမှ မီးပွားများ ထွက်ပြီး မီးလောင်မှုဖြစ်ပွားခဲ့ကြောင်း သိရသည်။

ယင်းမီးလောင်မှု သတင်းရရှိသောကြောင့် လှိုင်မြို့နယ်မီးသတ်စခန်းမှ မြို့နယ်မီးသတ်ဦးစီးမှူးဦးဆောင်၍ သန္ဓမေီးသတ်တပ်ဖွဲ့ဝင်(၆ )ဦး၊ အရန်မီးသတ်တပ်ဖွဲ့ဝင်(၃)ဦး၊ မီးငြှိမ်းသတ်ယာဉ်(၁)စီးဖြင့် သွားရောက်ငြှိမ်းသတ်ခဲ့ရာ ၆နာရီ ၅၀မိနစ် ခန့် က မီးငြိမ်းသတ်ခဲ့ကြောင်း သိရသည်။

အဆိုပါ မီးလောင်မှုကြောင့် လူထိခိုက်ဒဏ်ရာရရှိမှု မရှိသော်လည်း မီးလောင်သည့် ယာဉ်ပျက်စီးဆုံးရှုံးမှုများ ကြောင်း သိရသည်။

#Local_News #ယာဉ်တစ်စီးမီးလောင်မှုဖြစ်ပွား #YMG/LW #Yangon_Times

#World_Health
Published 30 January 2024

တစ်နေ့ကို လက်ဖက်ကြမ်းရည် ၃ ခွက်သောက်ခြင်းဖြင့် အသက်ရှည်စေနိုင်တယ်လို့ တရုတ်ပြည် ချန်ဒူရှိ စီချွမ်တက္ကသိုလ်မှ လေ့လာဖော်ပြခဲ့ပါတယ်။

လက်ဖက်ကြမ်းရည် သောက်တတ်တဲ့ အလေ့အထနဲ့ ပတ်သက်ပြီး ဗြိတိန်လူမျိုး ၆ ထောင်ခန့်နဲ့ တရုတ်လူမျိုး ၈ ထောင်ခန့်တို့ကို သုတေသီများ စစ်တမ်းကောက်ယူခဲ့ကြပါတယ်။

သူတို့ရဲ့ ခန္ဓာကိုယ်အဆီ ပါဝင်မှုနှုန်း၊ ကိုလက်စ်ထရောလ်၊ သွေးပေါင်ချိန်တို့ကို စဥ်းစားကာ ကိုယ်တွင်းဇီဝဖြစ်စဥ်သက်တမ်းကို တွက်ချက်ခဲ့ကြပါတယ်။

အကြမ်းရည် အမြဲသောက်သုံးသူတွေဟာ အိုမင်းရင့်ရော်ခြင်းလက္ခဏာ သိပ်မရှိဘဲ အများစုက အမျိုးသားများဖြစ်နေပြီး ကျန်းမာရေးနဲ့ ညီညွတ်စွာ စားသောက်ကြကာ အရက်သောက်သုံးတတ်သလို စိုးရိမ်ပူပန်ခြင်းနဲ့ အိပ်မပျော်ခြင်းတို့ သိပ်မရှိကြပါဘူး။

တစ်နေ့ကို လက်ဖက်ခြောက် ၈ ဂရမ်လောက်ပါဝင်တဲ့ အကြမ်းရည် ၃ ခွက်မျှ သောက်သုံးခြင်းဖြင့် အိုမင်းခြင်းကို ဆန့်ကျင်တဲ့ အစွမ်းသတ္တိတွေ အများဆုံးတွေ့ရကြောင်း သုတေသီတွေ ဆိုပါတယ်။

အကြမ်းရည် မသောက်တော့တဲ့လူတွေက အိုမင်းခြင်းလက္ခဏာများ ပေါ်ပေါက်လာတယ်လို့လည်း တွေ့ရှိရပါတယ်။

လက်ဖက်မှာပါဝင်တဲ့ ပိုလီဖီနောလ် ဇီဝသတ္တိကြွပစ္စည်းဟာ ကိုယ်ခံအားစနစ်၊ ဇီဝကမ္မဖြစ်စဥ်၊ မှတ်ဉာဏ်လုပ်ဆောင်ချက်တို့ကို ထိန်းညှိရာမှာ အရေးပါနေပါတယ်။

အသက်အရွယ်အရ ဖြစ်လာတတ်တဲ့ နှလုံးသွေးကြောရောဂါများ၊ ဆီးချိုသွေးချို၊ ဒီမန်ရှာ၊ ကင်ဆာတို့မှ ကာကွယ်ပေးတယ်လို့လည်း ဖော်ပြထားပါတယ်။

ဘယ်လိုလက်ဖက်အမျိုးအစားက အိုမင်းခြင်းကို ဆန့်ကျင်သလဲဆိုတာတော့ တိတိကျကျ မလေ့လာရသေးပါဘူး။

လက်ဖက်ခြောက်ကို ဘယ်လိုအပူချိန်မျိုးဖြင့် သောက်သုံးသလဲဆိုတာက ကွာခြားခြင်းမရှိဘဲ ဘယ်လောက်ပမာဏ သောက်လဲဆိုတာကို စမ်းသပ်ပါဝင်သူတွေထံ မမေးခဲ့ကြပါဘူး။

#World_Health #နေ့စဥ်လက်ဖက်အကြမ်းရည်သောက်သုံးခြင်း #အိုမင်းရင့်ရော်ခြင်း #လျှို့ဝှက်ချက်ဖြစ်လာနိုင် #Source: New York Post

#World_Health
Published 30 January 2024

ဆစ်ဖလစ် (ကာလသားရောဂါ)ဟာ ထရပ်ပိုနီမာပယ်လီဒမ်ဆိုတဲ့ ဘက်တီးရီးယားကြောင့် ဖြစ်ပွားပြီး အထူးသဖြင့် ဗိုက်ထဲက ကလေးအတွက် အန္တရာယ်ရှိတတ်ပါတယ်။

လိင်အင်္ဂါနားတဝိုက်ရှိ အနာတွေနဲ့ တိုက်ရိုက်ထိတွေ့ရာကနေ ကူးစက်တတ်ပြီး နှုတ်ခမ်းနားတဝိုက်မှာလည်း ဖြစ်တတ်ပါတယ်။

အကာအကွယ်မဲ့ လိင်ဆက်ဆံရာကနေ အဓိကကူးစက်တတ်ပြီး ကိုယ်ဝန်ဆောင်မိခင်တွေကနေ သန္ဓေသားတွေဆီလည်း ကူးစက်တတ်ပါတယ်။

HIV လူနာတွေနဲ့ လိင်ကြောင့်ဖြစ်တဲ့ အခြားရောဂါသည်တွေဟာ ကိုယ်ခံအား ကျဆင်းနေတာကြောင့် ကာလသားရောဂါ ပိုမိုကူးစက်လွယ်ပါတယ်။

ကာလသားရောဂါကို အဆင့် ၃ ဆင့်ခွဲနိုင်ကာ ပထမဆုံးအဆင့်က ကူးစက်ပြီး ရက် ၉၀ အတွင်း အနာတွေဖြစ်ပေါ်လာပါတယ်။

မကုသဘဲနေရင် နောက်တစ်ဆင့်သို့ ကူးစက်သွားကာ အရေပြားပေါ်မှာ အင်ပျဥ်တွေ ပေါ်လာပါတယ်။

ရောဂါလက္ခဏာတွေ အနေနဲ့ ဖျားနာခြင်း၊ လည်ချောင်းနာခြင်း၊ ဆံပင်ကျွတ်ခြင်း၊ ကိုယ်အလေးချိန်ကျဆင်းခြင်း၊ နွမ်းနယ်ခြင်းတို့ ဖြစ်တတ်ကာ သက်သာသွားနိုင်ပေမယ့် မကုသဘဲထားရင် ရောဂါက နောက်ဆုံးအဆင့် ရောက်ရှိသွားပါတယ်။

အနာတွေ မရှိတော့ပေမယ့် ကိုယ်တွင်းအင်္ဂါအများအပြားကို ထိခိုက်လာကာ အကြောသေခြင်း၊ အာရုံမခံစားရခြင်း၊ ဒီမန်ရှာတို့ ဖြစ်လာနိုင်ပြီး အဆိုးဆုံးအနေနဲ့ အသက်သေဆုံးခြင်းတို့ ဖြစ်နိုင်ပါတယ်။

ရောဂါရှာဖွေနည်းကတော့ ရောဂါကိုဆန့်ကျင်တိုက်ခိုက်တဲ့ ပဋိဇီဝပစ္စည်းတွေ ရှိမရှိ စစ်ဆေးတာ ဖြစ်ပါတယ်။

ကလေးငယ်တွေအတွက် အလွန်အန္တရာယ်ရှိတာကြောင့် ကိုယ်ဝန်ဆောင် အမျိုးသမီးများအနေနဲ့ စောစီးစွာ စစ်ဆေးသင့်ပါတယ်။

ပင်နီဆလင် ၁ တောင့်မှ ၃ တောင့်ထိုးသွင်းပြီး ကာလသားရောဂါကို ကုသသလို ဆိုးရွားတဲ့အခြေအနေမှာ သွေးကြောသွင်းကုသရတာမျိုး ရှိတတ်ပါတယ်။

ကာလသားရောဂါဟာ ရောဂါရှာဖွေခြင်းနဲ့ ကုသခြင်းကို ချက်ချင်းလုပ်ဆောင်သင့်ပါတယ်။

အမျိုးသမီးတွေနဲ့ သူတို့ရဲ့ ဝမ်းထဲကကလေးတွေ အန္တရာယ်မဖြစ်စေရန် ပုံမှန်စစ်ဆေးသင့်ပါတယ်။

ပင်နီဆလင်လို သင့်လျော်တဲ့ ပဋိဇီဝဆေးများဖြင့် ထိရောက်စွာ ကုသနိုင်ပါတယ်။

#World_Health #ကာလသားရောဂါ #သိသင့်သိထိုက်စရာများ #Source: The Jerusalem Post

တရုတ်ပြည်မှ အန္တာတိတ်စူးစမ်းလေ့လာရေး အကြိမ် ၄၀ မြောက်အဖွဲမှ သုတေသီများဟာ အဒယ်လိတ်ကျွန်းပေါ်မှ ပင်ဂွင်းငှက်မျိုးစိတ် ၂ မျိုးရဲ့ အကောင်ရေတည်ရှိမှု ပြောင်းလဲလာတာကို တွေ့ရှိလာကြပါတယ်။
#World_Discovery
Published 29 January 2024
#ကမ္ဘာ့အပူချိန်မြင့်တက် #အဒယ်လိတ်ကျွန်း #ပင်ဂွင်းမျိုးစိတ်(၂)မျိုး
#YMG #Yangon_Times #Yangon_Media_Group

၂၉ ဇန်နဝါရီ ၂၀၂၄

မြန်မာနိုင်ငံရေးအကျပ်အတည်းများကိုဖြေရှင်းရာတွင် မြန်မာကိုယ်ပိုင်ဦးဆောင်သည့် ကျယ်ပြန့်သော နိုင်ငံရေး အဖြေရှာမှုကို အာဆီယံက ထောက်ခံတယ်လို့ ယနေ့ ဇန်နဝါရီ ၂၉ရက်မှာ လာအိုနိုင်ငံ လာအိုနိုင်ငံ လွမ်ပရာဘန်မြို့တွင်ကျင်းပခဲ့တဲ့ အာဆီယံနိုင်ငံခြားရေးဝန်ကြီးများအစည်းအဝေးတွင် ကြေညာပါတယ်။

မြန်မာနိုင်ငံ အစိုးရရဲ့ ကိုယ်စားလှယ် အဖြစ် နိုင်ငံရေးကိုယ်စားမပြုသူတစ်ဦးအဖြစ် နိုင်ငံခြားရေးဝန်ကြီးဌာန ခေတ္တအမြဲတမ်းအတွင်းဝန်ဒေါ်မာလာသန်းထိုက်ကို ပထမဆုံးအကြိမ်စေလွှတ်ခဲ့တဲ့ အဆိုပါ အစည်းအဝေးအပြီး သတင်းထုတ်ပြန်ချက်မှာ ယင်းကဲ့သို့ဖော်ပြထားတာဖြစ်ပါတယ်။

မြန်မာနိုင်ငံ၏ နိုင်ငံရေးအကျပ်အတည်းများဖြေရှင်းရာတွင် ဘုံသဘောတူညီချက်(၅)ချက်က အဓိကကိုးကားရာ အဖြစ်ဆက်လက်တည်ရှိနေမှာဖြစ်တယ်လို့လည်း အဆိုပါသတင်းထုတ်ပြန်ချက်မှာဖော်ပြထားပါတယ်။

မြန်မာနိုင်ငံရဲ့လက်ရှိအကျပ်အတည်းများအပေါ် ငြိမ်းချမ်းပြီးကျယ်ပြန့်မှုရှိကာ ခိုင်မြဲစေမည့် အဖြေများ ရှာဖွေရာတွင် မြန်မာနိုင်ငံသည် အာဆီယံ၏ ပေါင်းစည်းသော အစိတ်အပိုင်းတစ်ခုအဖြစ်ဆက်လက်တည်ရှိနေလို့ အာဆီယံကကူညီမှုပေးဖို့ဆက်လက်ကတိကဝတ်ပြုတယ်လို့လည်း သတင်းထုတ်ပြန်ပါတယ်။

မြန်မာနိုင်ငံ့အရေးနှင့်ပတ်သက်ပြီး အာဆီယံ၏စည်းလုံးမှုကို ထပ်လောင်းအတည်ပြုပြီး မည်သည့်ဆောင်ရွက်မှုမျိုး  မဆို ဘုံသဘောတူညီချက်(၅) ချက်နှင့် ကိုက်ညီပံ့ပိုးမှုရှိရန်နှင့် အာဆီယံဥက္ကဋ္ဌနှင့်ညှိနှိုင်းဆောင်ရွက်ရန်လည်း သတင်းထုတ်ပြန်ချက်မှာ ထပ်လောင်းအသိပေးထားပါတယ်။

မြန်မာနိုင်ငံဆိုင်ရာအာဆီယံအထူးကိုယ်စားလှယ်အဖြစ် လာအိုဒီမိုကရက်တစ်သမ္မတနိုင်ငံ ဝန်ကြီးချုပ်ရုံး  ဝန်ကြီး ဟောင်း Mr. Alounkeo KITTIKHOUN ကိုခန့်အပ်ခဲတာကိုလည်း အာဆီယံနိုင်ငံခြားရေးဝန်ကြီးများက ကြိုဆို ခဲ့ကြပါတယ်။

“သက်ဆိုင်သည့်အဖွဲ့အစည်းများနှင့်ထိတွေ့ဆောင်ရွက်နေသည့် သူ၏ကြိုးပမ်းအားထုတ်မှုများကို ကျွန်ုပ်တို့  လေးစားသည်။ဒေသတွင်း ငြိမ်းချမ်းကြွယ်ဝရေးကိုပံ့ပိုးပေးသည့် ငြိမ်းချမ်းတည်ငြိမ်ပြီးပေါင်းစည်းသော မြန်မာ    နိုင်ငံသို့ ဦးတည်သည့် မြန်မာပြည်သူများ မြန်မာကိုယ်ပိုင်ဦးဆောင်သည့်အဖြေကိုရှာဖွေရာတွင်  ကူညီမှုပေးရန် သူ၏ ဖြေရှင်းဆောင်ရွက်မှုကို ကျွန်ုပ်တို့ယုံကြည်သည်” လို့လည်း သတင်းထုတ်ပြန်ချက်မှာဖော်ပြထားပါတယ်။

ယင်းအပြင် အာဆီယံ AHA Centre က ဒုတိယအဆင့်အဖြစ် အာဆီယံ၏လူသားချင်းစာနာထောက်ထားမှုဆိုင်ရာ အကူအညီများပေးအပ်နေမှုတိုးတက်နေမှုကို အစည်းအဝေးက အသိအမှတ်ပြုခဲ့ပါတယ်။အထူးသဖြင့် ၂၀၂၄ခုနှစ်  ဇန်နဝါရီလတွင် ရှမ်းပြည်နယ်တောင်ပိုင်း ညောင်ရွှေနှင့် ဆီဆိုင်မြို့များရှိ နေရပ်စွန့်ခွာ၍ ခဲ့ကြရတဲ့  ပြည်သူများထံ အကူအညီများဖြန့်ဝေပေးနိုင်ခဲ့ပြီး ယင်းကိုလည်း ကြိုဆိုတယ်လို့ ဆိုပါတယ်။

အာဆီယံအဖွဲ့ဝင်နိုင်ငံများ၊ပြင်ပမိတ်ဖက်များနှင့်ပုဂ္ဂလိက ကဏ္ဍများမှ လည်း ဒုတိယအဆင့်ပို၍ထိရောက်စွာ  အကောင်အထည်ဖော်နိုင်ရန် အကူအညီများတိုးပေးဖို့အာဆီယံနိုင်ငံခြားရေးဝန်ကြီးတွေက တိုက်တွန်းခဲ့ကြ  ပါတယ်။

လူသာချင်းစာနာထောက်ထားမှုဆိုင်ရာ အကူအညီများ အချိန်မီဘေးကင်းစွာပို့ဆောင်နိုင်ရေးအတွက် လုံခြုံ စိတ်ချရတဲ့ ပတ်ဝန်းကျင်ဖန်တီးနိုင်ရန် မြန်မာနိုင်ငံရှိ သက်ဆိုင်သည့် အဖွဲ့အစည်းများအားလုံး အကြမ်းဖက်မှုတွေ ချက်ခြင်းရပ်တန့်ပေးကြဖို့လည်း အစည်းအဝေးကတိုက်တွန်းခဲ့ပါတယ်။

“ အဖွဲ့များအားလုံး အဆုံးစွန်သည်းခံကြရန်၊ နိုင်ငံတကာ လူသားချင်းစာနာထောက်ထားမှုဆိုင်ရာ ဥပဒေများ ထိန်းသိမ်းကြပါရန်နှင့် အရပ်သားအားလုံးကို အကာအကွယ် လုံခြုံမှု အသေအချာပေးနိုင်ရန် လိုအပ်သည့် လုပ်ဆောင်မှုများ ဆောင်ရွက်ကြရန် ကျွန်ုပ်တို့ တိုက်တွန်းသည်” လို့လည်း အဆိုပါသတင်းထုတ်ပြန်ချက်မှာ ဖော်ပြထားပါတယ်။

မြန်မာနှင့်ထိုင်းနှစ်နိုင်ငံအကြား ယင်းတို့၏ ကြက်ခြေနီအဖွဲ့အစည်းများမှတစ်ဆင့် နယ်စပ်တလျောက် လူသားချင်း စာနာထောက်ထားမှုဆိုင်ရာ အကူအညီများမြှင့်တင်ဆောင်ရွက်နေမှုတွေကိုလည်း အာဆီယံနိုင်ငံခြားရေး  ဝန်ကြီးတွေက ကြိုဆိုခဲ့ပါတယ်။

အာဆီံယံဘုံသဘာတူညီချက် (၅)ချက်ကို အကောင်အထည်ဖော်ရာတွင် အာဆီယံ၏ စုပေါင်းအားထုတ်မှုအပေါ် အထောက်အပံ့ဖြစ်စေနိုင်တဲ့အတွက်လူသားချင်းစာနာထောက်ထားမှုအကူအညီများဖြန့်ဝေနေခြင်းများကို စောင့်ကြပ်ကြည့်ရှုရာတွင် AHA Centre အနေဖြင့် ပူးပေါင်းဆောင်ရွက်ဖို့ကိုလည်း အစည်းအဝေးက တိုက်တွန်းခဲ့ ကြောင်း သတင်းထုတ်ပြန်ချက်အရသိရပါတယ်။

@ymg/knl

#Daily_News
Published_ 29 January 2024

၁။ ရာသီဥတုအေးချိန်တွင် ရန်ကုန်နှင့်အနီးဆုံး လှည်းကူးရှိသူဌေးကျွန်းနှင့်၊ Resort များကိုလည်ပတ်သူများ‌နေ၊နိုင်ငံခြားသားဝင်ရန် လိုအပ်နေသေး

၂။ ဝါးနက်ဆင်စခန်း၌  ဆင်သရုပ်ပြပွဲများနှင့်  တောတွင်းဆင်စီးခရီးစဉ်များလည်း ပြုလုပ်ပေးနေ

၃။ လှည်းကူးရေဘေးကြောင့် ထိခိုက်ခံစားခဲ့ရသည့် ရပ်ရွာလူထုအား မြန်မာနိုင်ငံကြက်ခြေနီအသင်းမှ ငွေကြေးများ ထောက်ပံ့ကူညီ

၄။ ကမ္ဘာ့အပူချိန်မြင့်တက်လာမှုကြောင့် အဒယ်လိတ်ကျွန်းရှိပင်ဂွင်းမျိုးစိတ်(၂)မျိုး၏ အကောင်ရေများကျဆင်းလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

'ရွေးကောက်ပွဲမှာပန်းတိုင်မဟုတ်ဘဲတိုင်းပြည်ထိခိုက်နစ်နာမှုအနည်းဆုံးဖြင့်ပြုပြင်ပြောင်းလဲရန်နည်းလမ်းတစ်ခုအဖြစ်သာရွေးချယ်ခဲ့တယ်လို့ ပြည်သူ့ပါတီဥက္ကဌဦးကိုကိုကြီး ကပြောပါတယ် '
#Local_News
Published 29 January 2024
#ဦးကိုကိုကြီး #ရွေးကောက်ပွဲကိုရွေးချယ်ခဲ့
#YMG/ NN #Yangon_Times

#Local_News
 Published_ 29 January 2024

ဘေးမကင်းသည့် ပေါင်းသတ်ဆေး (၅) မျိုးအား ၂၀၂၅ ခုနှစ်၊ ဇန်နဝါရီ (၁) ရက်မှ စတင်၍တင်သွင်း ခွင့်၊ ရောင်းချခွင့်မပြုတော့ကြောင်း မြန်မာနိုင်ငံပိုးသတ်ဆေးမှတ်ပုံတင်အဖွဲ့မှသိရသည်။

ပေါင်းသတ်ဆေးများဖြစ်ကြသည့် (၁)Atrazine၊ (၂)Fomesafen၊ (၃)S-metolachlor၊ (၄)Terbuthylazine၊ (၅)Mesotrione စသည့် ပေါင်းသတ်ဆေး (၅)မျိုးအား  မြန်မာနိုင်ငံတွင် သုံးစွဲရန် တားမြစ်ပိတ်ပင်သော ပိုးသတ်ဆေး (Banned Pesticide)အဖြစ်မြန်မာနိုင်ငံပိုးသတ် ဆေးမှတ်ပုံတင်အဖွဲ့မှသတ်မှတ်လိုက်သည်ဟုဆိုသည်။

၂၀၂၃ ခုနှစ် ဒီဇင်ဘာ(၂၇)ရက်က မြန်မာနိုင်ငံ ပိုးသတ်ဆေး မှတ်ပုံတင်အဖွဲ့မှ ကျင်းပခဲ့သော (၄၁) ကြိမ်မြောက် ပိုးသတ်ဆေးမှတ်ပုံတင်အဖွဲ့ အစည်းဝေးဆုံးဖြတ်ချက်အရ အဆိုပါ ပေါင်းသတ်ဆေး (၅)မျိုးအား တားမြစ်ပိတ်ပင်သော ပိုးသတ်ဆေးအဖြစ် သတ်မှတ်ခြင်းဖြစ်သည်။

အဆိုပါ ပေါင်းသတ်ဆေး (၅)မျိုးတွင်အဆိပ်ရှိ ပစ္စည်းများက Rotational Period (၄)လ ဖြစ်နေသဖြင့် နောက်စိုက်သီးထပ်သီးနှံအပေါ် အဟန့်အတားဖြစ်စေနိုင်ခြင်း၊ လူ့ကျန်းမာရေးအန္တရာယ် မြင့်မားစေခြင်းနှင့် မြေအောက်ရေ အရင်းအမြစ်များကို ညစ်ညမ်းစေခြင်းတို့ကြောင့် တားမြစ်ပိတ်ပင်ရခြင်းဖြစ်ကြောင်း မြန်မာနိုင်ငံ ပိုးသတ်ဆေးမှတ်ပုံတင်အဖွဲ့မှ သိရသည်။  

အဆိုပါ ပေါင်းသတ်ဆေးများ တင်သွင်းခွင့် ထောက်ခံချက်ကိုလည်း ၂၀၂၄ ခုနှစ်၊ ဇွန် (၁) ရက်ထိသာ ထုတ်ပေးတော့မည်ဖြစ်ကြောင်းနှင့် ပိုးသတ်ဆေးလုပ်ငန်းရှင်များအနေဖြင့် ဈေးကွက်တွင် ဖြန့်ဖြူးရောင်းချနေသော ပစ္စည်းများအား အပြီးရုပ်သိမ်းရမည်ဖြစ်ကြောင်းလည်း သိရသည်။

ထို့အပြင် မှတ်ပုံတင်ခွင့်၊ တင်သွင်းခွင့်၊ ရောင်းချခွင့်၊ ဖော်စပ်ခွင့်၊ ပြန်လည်ထုပ်ပိုးခြင်းတို့ကို ၂၀၂၅ ခုနှစ်၊ ဇန်နဝါရီ (၁) ရက်မှ စတင်၍ ခွင့်မပြုတော့ကြောင်းနှင့် ဆက်လက်ဖြန့်ဖြူး ရောင်းချသည်ကို စစ်ဆေးတွေ့ရှိပါက ပိုးသတ်ဆေးဥပဒေအရ ထိရောက်စွာအရေးယူမည်ဖြစ်ကြောင်း မြန်မာနိုင်ငံပိုးသတ်ဆေးမှတ်ပုံတင်အဖွဲ့မှ အသိပေးကြေညာထား‌ကြောင်း သိရသည်။

#Local_News #ပေါင်းသတ်ဆေး (၅)မျိုး #ရောင်းချခွင့်မပြုတော့ #tthl #Yangon_Times

#Local_News
Published 29 January 2024

ပြည်ပသွင်းကုန်သမားများအဆင်ပြေစေရန်ဗဟိုဘဏ်မှ အမေရိကန်ဒေါ်လာကိုးသန်း ယနေ့တွင်ရောင်းချပေးခဲ့ကြောင်း မြန်မာနိုင်ငံတော်ဗဟိုဘဏ်မှ သိရသည်။

ထိုသို့အမေရိကန် ဒေါ်လာရောင်းချပေးခြင်းသည် ယခု၂၀၂၄နှစ်နှစ်ဆန်းပိုင်းအတွင်းခြောက်ကြိမ်မြောက်အဖြစ်ရောင်းချပေးခြင်းဖြစ်ကြောင်း သိရသည်။

မြန်မာနိုင်ငံတော်ဗဟိုဘဏ်သည် ၂၀၂၄ ခုနှစ် ဇန်နဝါရီ ၁ ရက်တွင် ဒေါ်လာ ၁၂ ဒသမ ၉၄ သန်း၊ ဇန်နဝါရီလ ၅ ရက်တွင် ဒေါ်လာ ၁၆ သန်း၊ ဇန်နဝါရီ ၁၅ ရက်တွင် ဒေါ်လာ ၁၅ သန်းနှင့် ဇန်နဝါရီ ၂၅ ရက်တွင် ဒေါ်လာ ၉ သန်း၊ဇန်နဝါရီ၂၆ရက်ဒေါ်လာ ၅သန်းနှင့် ဇန်နဝါရီ ၂၉ ရက်တွင် ဒေါ်လာ ၉ သန်းထပ်မံ ရောင်းချပေးထားခြင်းဖြစ်သည်။

ထို့အပြင် ဇန်နဝါရီ ၁၉ ရက်တွင် ထိုင်းဘတ်သန်း ၅၀ ၊ ဇန်နဝါရီ ၂၅ ရက်တွင်ထိုင်းဘတ်ငွေ သန်း ၂၀၀နှင့် ဇန်နဝါရီ ၂၆ ရက်တွင်ထိုင်းဘတ်ငွေ သန်း ၅၀ရောင်းချပေးထားခဲ့ပြီး ဖြစ်သည်။

၄င်းအပြင် အမေရိကန်ဒေါ်လာ ၄ သန်းနှင့်ညီမျှသော တရုတ်ယွမ်ငွေအား SWAP Facility (ကျပ်ငွေကို အပေါင်ယူပြီး ၄င်းနှင့်ညီမျှသော နိုင်ငံခြား ငွေထုတ်ပေးခြင်း) စနစ်ဖြင့် ဗဟိုဘဏ်က ထုတ်ရောင်းပေးထားကြောင်း သိရသည်။

လတ်တလောတွင် ငွေကြေးဈေးကွက်အတွင်း ကျပ်ငွေဈေးနှုန်းများ ဆက်လက်ကျဆင်းနေပြီး ထိုင်းဘတ်တစ်ဘတ်လျှင် ၁၀၀ဒဿမ၅ ကျပ်ဝန်းကျင်၊ အမေရိကန်တစ်ဒေါ်လာလျှင် ၃၅၃၅ နှင့်တရုတ်ငွေတစ် ယွမ်လျှင် ၄၉၃ကျပ်အထိ ပေါက်ဈေးရှိနေကြောင်း သိရသည်။

#Local_News #ကန်ဒေါ်လာကိုးသန်း #ယနေ့ရောင်းချပေး #YMG/ NN #Yangon_Times

(၇.၆)ပြင်းအားရှိ ငလျင်ဒဏ်ခံခဲ့ရသည့်ဂျပန်ရောက်မြန်မာများကိုကူညီနေ၊ သံရုံးကိုဆက်သွယ်အကူအညီတောင်းခံနိုင်

"နာနာအိုမြို့ရှိ မြန်မာနိုင်ငံသား (၁၆)ဦးကတော့ နေအိမ်ပျက်စီးခဲ့လို ကာနာဇာဝါ မြို့မှာ နေရာချထားပေးပြီး လိုအပ်တာတွေ ဆောင်ရွက်ပေးနေတယ်။ ဆောင်းတွင်းကာလဖြစ်ပြီး ရှီကာမြို့နှင့် ကာနာဇာဝါမြို့တို့မှာ ဆီးနှင်းများ ကျရောက်လျက်ရှိလို့ ကျန်းမာရေး အထူးဂရုပြု၍ နေထိုင်ကြရန်နှင့် အစားအသောက်နှင့် ဆေးဝါးများလည်း ထပ်မံပေးပို့သွားမယ်"ဂျပန်နိုင်ငံဆိုင်ရာ မြန်မာသံအမတ်ကြီး
#Local_News
Published 29 January 2024
#(၇.၆)ပြင်းအားရှိငလျင် #ဂျပန်ရောက်မြန်မာများကိုကူညီနေ
#tthl #Yangon_Times