#Local_News
Published 12 July 2024

▪️ မြန်မာကွန်ပျူတာတက္ကသိုလ်ကျောင်းသားများအတွက်  ပထမဆုံးအလုပ်သင်ပရိုဂရမ်စတင်အကောင်အထည်ဖော်လျက်ရှိပြီး  အိန္ဒိယနိုင်ငံ အသိအမှတ်ပြုပညာသင်ဆုများလည်း‌ ပေးအပ်သွားမည်ဖြစ်ကြောင်း သိရသည်။

▪️ မြန်မာကျောင်းသားများအတွက် Digital Talent & Career Fair/ Scholarship Program (India) အစီအစဉ်ကိုစတင်အကောင်အထည်ဖော်ကြမည်ဖြစ်သည်။

▪️ အဆိုပါအစီအစဉ်သည် သုတေသနနှင့် တီထွင်ဆန်းသစ်မှုဦးစီးဌာန၏ လမ်းညွှန်မှုဖြင့် သတင်း အချက်အလက်နှင့် ဆက်သွယ်ရေးနည်းပညာ သုတေသနဌာနနှင့် မြန်မာနိုင်ငံဒစ်ဂျစ်တယ် စီးပွား ရေးလုပ်ငန်းရှင်များအသင်း (Myanmar Digital Economy Association- MDEA) တို့ ပူးပေါင်း ဆောင်ရွက်သည့် ပထမဆုံးသော University- Research-Industry (URI) Model ဖြစ်ပြီး ကွန်ပျူတာတက္ကသိုလ်များမှ နောက်ဆုံးနှစ် ကျောင်းသားများအကြား ဒစ်ဂျစ်တယ်စွမ်းရည်များကို မြှင့်တင်သည့် သုံးလကြာ Internship Program ဖြစ်သည်။ 

▪️ ယင်းတွင်နိုင်ငံ၏ ဒေသအသီးသီးမှ ကျောင်းသား ၈၃ ဦးကို ငွေကြေးကူညီထောက်ပံ့ခြင်းနှင့် ထူးချွန်ကျောင်းသား ၁၀ ဦးကို သတင်းအချက်အလက်နှင့် ဆက်သွယ်ရေးနည်းပညာသုတေသနဌာန၌ ဖွင့်လှစ်သော အိန္ဒိယနိုင်ငံအသိအမှတ်ပြု Professional Diploma in Java Programming Course တက်ရောက်ရန် ပညာသင်ဆုချီးမြှင့်ခြင်းတို့ ပါရှိသည်။

▪️ ယင်းအလုပ်သင်ကာလ သုံးလအတွင်း၌ ကျောင်းသားများ၏ စိတ်ပါဝင်စားမှု၊ ကျောင်းသားများအတွက် အရည်အသွေးဖြည့်ဆည်းရန် လိုအပ်မှု တို့အလိုက် ဆော့ဖ်ဝဲဖွံ့ဖြိုးတိုးတက်မှု (Software Development)၊ ကွန်ရက်ချိတ်ဆက်မှုဖွံ့ဖြိုးတိုးတက်ရေး (Networking Development) နှင့် ဉာဏ်ရည်တု AI (Artificial Intelligence) အယူအဆများဖြင့် IoT တွင် အသုံးချခြင်းဆိုင်ရာ လက်ဆင့်ကမ်းအတွေ့အကြုံများကို မျှဝေပေးမည်ဖြစ်သည်။

▪️ အခမ်းအနားတွင် အလုပ်သင်ကျောင်းသားများအတွက် အလုပ်အကိုင်အခွင့် အလမ်းပေးသည့်ကုမ္ပဏီ ၁၀ ခုမှ ပြခန်းများပါရှိပြီး အလုပ်အကိုင်အခွင့်အလမ်းအတွက် အင်တာဗျူးများနှင့် Professional Diploma in Java Programming Course (India) အတွက် ပညာသင်ဆုအခွင့်အလမ်းများ စီစဉ်ထားရှိသည်။ 

▪️ အလုပ်သင်ပရိုဂရမ်သည် ပထမဆုံးအကြိမ် စတင်အကောင်အထည်ဖော်ခြင်းဖြစ်ပြီး စဉ်ဆက်မပြတ် စီစဉ်အကောင်အထည်ဖော်မည်ဖြစ်ကာ မြန်မာ့ဒစ်ဂျစ်တယ်စီးပွားရေး (Digital Economy) ၏ စဉ်ဆက်မပြတ် ဖွံ့ဖြိုးတိုးတက်မှုကို အထောက်အပံ့ဖြစ်စေမည်ဖြစ်ကြောင်း သိရသည်။

▪️ သိပ္ပံနှင့်နည်းပညာဝန်ကြီးဌာန သုတေသနနှင့် တီထွင်ဆန်းသစ်မှုဦးစီးဌာနရှိ သတင်းအချက်အလက်နှင့် ဆက်သွယ်ရေးနည်းပညာသုတေသနဌာန၌ Digital Talent & Career Fair/ Scholarship Program (India) အစီအစဉ်ဖွင့်လှစ်ခြင်းကိုရန်ကုန်မြို့ ပါရမီလမ်းရှိ သတင်းအချက် အလက်နှင့် ဆက်သွယ်ရေးနည်းပညာသုတေသနဌာန၌ ကျင်းပခဲ့ကြောင်းနှင့်

▪️ အခမ်းအနားတွင် သိပ္ပံနှင့်နည်းပညာဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိန်းကျော်၊ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI) ဥက္ကဋ္ဌနှင့် MDEA ဥက္ကဋ္ဌတို့က အမှာစကား ပြောကြားခဲ့‌‌ကြောင်း သိရသည်။

#tthl#Yangon_Times

#World_News
Published 12 July 2024

▪️ ရုရှားပစ်မှတ်တွေကို အဝေးပစ်လက်နက်များ အသုံးပြုပြီး ပစ်ခတ်ခွင့်အား ကန့်သတ်ထားခြင်းကို လျှော့ချပေးရန် ယူကရိန်းက နေတိုး(NATO)မဟာမိတ်တွေကို တိုက်တွန်းလိုက်ပြီး ဒါဟာ ရုရှားနဲ့စစ်ပွဲမှာ အပြောင်းအလဲ ဖြစ်လာလိမ့်မယ်လို့ ဆိုလိုက်ပါတယ်။

▪️ ရုရှားကို တရုတ်ထောက်ပံ့နေခြင်းအပေါ် နေတိုးပြစ်တင်ဝေဖန်နေတာဟာ ဘက်လိုက်ရာကျပြီး မနာလိုအမုန်းထားနေတာ ဖြစ်တယ်လို့ တရုတ်က ဝေဖန်လိုက်ပါတယ်။

▪️ နေတိုးအဖွဲ့ဝင်နိုင်ငံတွေက ဗုဒ္ဓဟူးနေ့က ဝါရှင်တန်မှာကျင်းပတဲ့ ထိပ်သီးအစည်းအဝေးမှာ ယူကရိန်းကို ထောက်ခံကြောင်း ကြေညာချက် ထုတ်ပြန်ခဲ့ကာ နောက်ထပ်အကူအညီများ ထောက်ပံ့ရေးနဲ့ နေတိုးအဖွဲ့ထဲသို့ ယူကရိန်းဝင်ရောက်နိုင်ရေးတို့အတွက် ကတိပြုခဲ့ကြပါတယ်။

▪️ ယခုအစည်းအဝေးမှာ ယူကရိန်းအတွက် အလှည့်အပြောင်း ဖြစ်စေဖို့ ကြိုးပမ်းနေကြကြောင်း၊ စည်းလုံးညီညွတ်မှုရဲ့အားကို ရုရှားအားပြသသွားမှာဖြစ်ကြောင်း၊ ယူကရိန်းအနေနဲ့ နေတိုးကို အားထားနိုင်ပြီဖြစ်ကြောင်း နေတိုးအထွေထွေ အတွင်းရေးမှူးချုပ် ယန်းစ်စတိုလ်တန်ဘာ့ဂ်က သတင်းစာရှင်းလင်းပွဲမှာ ပြောကြားသွားပါတယ်။

▪️ မဟာမိတ်များအနေဖြင့် ယူကရိန်းကို စည်းလုံးညီညွတ်စွာ ထောက်ပံ့ခြင်းကို ထိန်းသိမ်းထားရန်နဲ့ အထောက်အပံ့အသစ်များ အလျင်အမြန် ပေးပို့ပေးရန် ယူကရိန်းသမ္မတ ဇယ်လန်စကီက တောင်းဆိုလိုက်ပါတယ်။

▪️ ရုရှားကတော့ ယင်းတို့လက်နက်တွေကို အကန့်အသတ်မရှိ အသုံးပြုနေသဖြင့် ယူကရိန်းမဟာမိတ်များ အနေနဲ့လည်း ယူကရိန်းကို လက်နက်အသုံးပြုခွင့် ကန့်သတ်ချက်များ ဖယ်ရှားပေးပါက စစ်ပွဲအပြောင်းအလဲ ဖြစ်လာနိုင်တယ်လို့ ယူကရိန်းဝန်ကြီးများအဖွဲ့ ဦးစီးချုပ် အန်ဒရီယာမက်က ပြောကြားသွားပါတယ်။

▪️ နေတိုးအဖွဲ့ဝင်များကလည်း ယူကရိန်းကို ထောက်ပံ့ထားတဲ့ လက်နက်တွေ အသုံးပြုနိုင်အောင် နည်းလမ်းအမျိုးမျိုး အသုံးပြုနေကြပါတယ်။

▪️ ရုရှားနဲ့ တရုတ်ဟာ ဥရောပကို ခြိမ်းခြောက်လာတယ်လို့ ယူဆလာကြပြီး အမေရိကန်နဲ့ မဟာမိတ်တွေက ယခုအစည်းအဝေးမှာ စည်းလုံးညီညွတ်ရေး စီမံကိန်းကိုလည်း ကြိုးစားလာကြပါတယ်။

▪️ ရုရှားကို တရုတ်က ထောက်ပံ့ပေးနေတယ်လို့ နေတိုးက ကြေညာခဲ့ခြင်းအပေါ် တရုတ်နိုင်ငံခြားရေးဝန်ကြီးက ထိုကြေညာချက်ဟာ ဘက်လိုက်ရာကျပြီး မနာလိုမုန်းထားတဲ့ သဘောဖြစ်ကြောင်း ဆိုလိုက်သလို ဥရောပသမဂ္ဂဆိုင်ရာ တရုတ်သံအမတ်ကလည်း ဒါဟာ စစ်အေးစိတ်ပိုင်းဆိုင်ရာ တိုက်ပွဲဖြစ်ကာ တရုတ်နဲ့ ပတ်သက်ပြီး ယင်းတို့ပြောဆိုတဲ့ အကြောင်းအရာတွေဟာ အလိမ်အညာတွေ ပြည့်နေတယ်လို့ ပြောပါတယ်။

▪️ ဒါ့အပြင် တရုတ်က နေတိုးရဲ့ဝေဖန်မှုတွေကို အကြိမ်ကြိမ် တုန့်ပြန်ထားကာ အင်ဒို-ပစိဖိတ်အတွင်းသို့ ချဲ့ထွင်လာခြင်းအပေါ် သတိပေးထားပါတယ်။

#Source: Reuters

#Local_News
Published 12 July 2024

▪️ ရန်ကုန်တိုင်းဒေသကြီး၊ ကျောက်တန်းမြို့နယ်၊ ပါဒကြီးကျေးရွာ ၊ သန်လျင် -ကျောက်တန်းလမ်းတွင် ယာဉ်(၁)စီးမီးလောင်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင် ၁၁ ရက်နေ့၊ နေ့လယ် ၂နာရီ အချိန်ခန့်က  ရန်ကုန်တိုင်းဒေသကြီး၊ ကျောက်တန်းမြို့နယ်၊ ပါဒကြီးကျေးရွာ ၊ သန်လျင် -ကျောက်တန်းလမ်းတွင် ယာဉ်(၁)စီးမီးလောင်နေကြောင်း သတင်းရရှိသဖြင့် ကျောက်တန်းမြို့နယ်မီးသတ်စခန်းမှ  မီးငြှိမ်းသတ်ယာဥ် (၁)စီး၊ ရေသယ်ယာဉ် (၁)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာခဲ့ငြှိမ်းသတ်ခဲ့ရာ ၂နာရီ  ၁၀မိနစ်အချိန်၌  မီးငြှိမ်းခဲ့ကြောင်း သိရသည်။

#YMG/NN #Yangon_Times

#World_Health
Published 12 July 2024

▪️ အမေရိကန်မှာ ရောင်းချနေတဲ့ တက်တူးမင် ၃၅ ရာခိုင်နှုန်းလောက်ဟာ ဘက်တီးရီးယားတွေ ကူးစက်နေတယ်လို့ သုတေသနအသစ်တစ်ခုမှာ တွေ့ရှိထားပါတယ်။

▪️ ထုတ်လုပ်သူ ၁၄ ဦးထံမှ တက်တူးမင်ရည် ၇၅ မျိုးမှာ ဘက်တီးရီးယားတွေကို စမ်းသပ်တွေ့ရှိခဲ့ပါတယ်။

▪️ အောက်ဆီဂျင် လိုအပ်တဲ့ ဘက်တီးရီးယားတွေရော အောက်ဆီဂျင်မလိုတဲ့ ဘက်တီးရီးယားတွေရော ကူးစက်နေတာဖြစ်တယ်လို့ အမေရိကန် FDA မှ သုတေသနပြုစုသူ ပီတာကင်မ်က ပြောပါတယ်။

▪️ တက်တူးတွေမှာ အသုံးပြုတဲ့ မင်တွေဟာ အလှကုန်ပစ္စည်းမျိုး ဖြစ်တာကြောင့် ဆေးဝါးတွေလိုမျိုး အသိအမှတ်ပြု ရရှိဖို့မလိုပါဘူး။

▪️ လွန်ခဲ့တဲ့ နှစ်များအတွင်း မသန့်ရှင်းတဲ့ တက်တူးမင်တွေကနေ ရောဂါကူးစက်သူတွေ ရှိခဲ့တာကို သတင်းရရှိခဲ့တယ်လို့ FDA က ဆိုပါတယ်။

▪️ ကူးစက်မှုတွေကြောင့် အနာများ၊ အဖုများ၊ အမာရွတ်များပင် ဖြစ်စေပါတယ်။

▪️ တက်တူးမင်တွေမှာ ဘက်တီးရီးယားနဲ့ အခြားပိုးမွှားတွေ ကူးစက်နိုင်ခြေရှိတာကို ထုတ်လုပ်ဖြန့်ဖြူးသူများ သိရှိစေရန် FDA က လမ်းညွှန်ချက် ထုတ်ပြန်ခဲ့ပါတယ်။

▪️ လတ်တလောနှစ်တွေမှာ တက်တူးထိုးခြင်းက ခေတ်စားလာပြီး တက်တူးထိုးတာနဲ့ ပတ်သက်လို့ ဘေးထွက်ဆိုးကျိုးတွေလည်း အဖြစ်များလာပါတယ်။

▪️ သုတေသနဌာနတစ်ခုရဲ့ စစ်တမ်းအရ အမေရိကန်ရှိ အရွယ်ရောက်ပြီးသူ ၃၂ ရာခိုင်နှုန်းမှာ တက်တူးရှိပြီး ၂၂ ရာခိုင်နှုန်းကတော့ တက်တူးတစ်ခုထက် ပိုရှိပါတယ်။

▪️ ဘက်တီးရီးယား ကူးစက်မှုအပြင် ရောင်ရမ်းခြင်းများ၊ ဓာတ်မတည့်ခြင်းများနဲ့ အဆိပ်ဖြစ်ခြင်းတို့လည်း ဖြစ်တတ်ကြပါတယ်။

▪️ ပီတာကင်မ်နဲ့ သုတေသနအဖွဲ့က တက်တူးမင်တွေမှာ ပိုးမွှားကူးစက်မှုကို ပိုမိုထိရောက်စွာ ရှာနိုင်ဖို့ စီစဉ်နေကြပါတယ်။

▪️ ရောဂါကူးစက်မှု မဖြစ်ရေးအတွက် ဒီပစ္စည်းတွေကို အဆက်မပြတ် စောင့်ကြည့်ဖို့လည်း အရေးကြီးတယ်လို့ ဖော်ပြထားပါတယ်။

▪️ ဒါ့အပြင် တက်တူးထိုးခြင်းနဲ့ လင်ဖိုးမားဆိုတဲ့ သွေးကင်ဆာတစ်မျိုး ဆက်စပ်နိုင်တဲ့အကြောင်းကိုလည်း ဖော်ပြထားပါတယ်။

#Source: New York Post

#World_Health
Published 12 July 2024

▪️ ကော်လာဂျင်ဓာတ်က အသားအရေ၊ အရိုး၊ အဆစ်အမြစ်များအတွက် မရှိမဖြစ်လိုအပ်ပြီး ဖြည့်စွက်စာများ အသုံးပြုခြင်းဖြင့် ထိုနေရာတွေကို ထောက်ပံ့ပေးနိုင်ပါတယ်။

▪️ လက်တွေ့လေ့လာချက်များအရ တစ်နေ့ကို ကော်လာဂျင် ၃၀၀ မီလီဂရမ်မှ ၁၀ ဂရမ်အထိ ရှိနိုင်ပါတယ်။

▪️ အရေးကြောင်းပေါ်တဲ့ သူတွေအတွက်တော့ ၂.၅ မှ ၅ ဂရမ်အထိ လိုအပ်နိုင်ပါတယ်။

▪️ ခန္ဓာကိုယ်ထဲမှာ ကော်လာဂျင်များလွန်းရင်တော့ မူးဝေခြင်း၊ ဝမ်းလျှောခြင်းတို့ ဖြစ်တတ်ပါတယ်။

▪️ ကော်လာဂျင် ပုံစံအမျိုးမျိုးရှိနိုင်ပြီး အမျိုးအစား ၁ က အရွတ်တွေ၊ အရေပြား၊ အင်္ဂါတွေ၊ အရိုးများ၊ သွားတွေစတဲ့ ခန္ဓာကိုယ်ထဲက အဓိကကော်လာဂျင်ပုံစံမျိုး ဖြစ်ပြီး အမျှင်ဓာတ်များက ခိုင်မာမြဲမြံကာ တစ်ရှူးတွေကို ကြံ့ခိုင်တည်မြဲစေပါတယ်။

▪️ အမျိုးအစား ၂ က တစ်ရှူးတွေထဲမှာ ပိုများပြားပြီး အရိုးချိတ်ဆက်ထားရာ အရွတ်နေရာတွေမှာ ပတ်သက်နေပါတယ်။

▪️ အမျိုးအစား ၃ က ကျုံ့နိုင်ဆန့်နိုင်တဲ့ အမျှင်ဓာတ် အများအပြားရှိတဲ့ တစ်ရှူးတွေနဲ့ ပတ်သက်ပြီး အရေပြား သွေးကြောတွေ ကြွက်သားတွေမှာ ပါဝင်ပါတယ်။

▪️ ကော်လာဂျင်ဖြည့်စွက်ဆေးတွေကို အမှုန့်၊ အတောင့်၊ အရည်၊ စားစရာတွေထဲက ပါဝင်ပစ္စည်းများအဖြစ် တွေ့နိုင်ပါတယ်။

▪️ ကော်လာဂျင်ပါဝင်တဲ့ အစားအစာတွေကတော့ အမဲသားနဲ့ ဆက်စပ်ပစ္စည်းတွေ ဖြစ်ပါတယ်။
အမဲသားက လူ့ခန္ဓာကိုယ်နဲ့ အတော်လေး ကိုက်ညီပြီး အရိုးတွေ အရွတ်တွေမှ ထုတ်ယူတဲ့ကော်လာဂျင်ကို အသုံးပြုနိုင်ပါတယ်။

▪️ ဝက်သားကလည်း ကော်လာဂျင်ဓာတ် ကြွယ်ဝပြီး ခွဲစိတ်ပြုပြင်မှုတွေမှာ အသုံးပြုကြပါတယ်။
ပင်လယ်နေသတ္တဝါတွေကလည်း ကော်လာဂျင်ရနိုင်ပြီး အကျိုးအာနိသင်တွေကတော့ အမျိုးမျိုးပြောင်းလဲနိုင်ပါတယ်။

▪️ အပင်တွေကနေ ကော်လာဂျင်အစစ် မရနိုင်ပေမယ့် ပရိုလင်း၊ ဂလစ်ဆင်း၊ ဟိုက်ဒရိုဆီပရိုလင်းတို့လို ဖြည့်စွက်ပစ္စည်းများ ရနိုင်ပါတယ်။

▪️ ကော်လာဂျင်သုံးစွဲခြင်းရဲ့ အကျိုးကျေးဇူးများအနေဖြင့် အသားအရေကို တင်းရင်းစေပြီး အရိုးကျန်းမာရေး၊ ကြွက်သားထု၊ နှလုံးသွေးကြောကျန်းမာရေးတို့အတွက် အကျိုးရှိစေပါတယ်။

▪️ စမ်းသပ်ချက်အရ အရေပြားမျက်နှာပြင်မှာ ဆဲလ်များထုတ်လုပ်ပေးပြီး ဒဏ်ရာအနာတရများကို အလျင်အမြန် သက်သာစေပါတယ်။

▪️ နောက်ဆုံးတစ်ချက်ကတော့ ကော်လာဂျင်က အိုမင်းရင့်ရော်ခြင်းလက္ခဏာကို လျှော့ချပေးတာပါပဲ။

#Source: The Jerusalem Post

ဘိုးအင်းလေယာဉ်နှစ်ကြိမ်ပျက်ကျမှုနှင့် ပတ်သက်၍အမှုစစ်ဆေးခြင်း အသနားခံခွင့်အား တရားရေးဌာနရွေးချယ်ခွင့်ပေး

အမေရိကန်လေယာဉ်ထုတ်လုပ်ရေးကုမ္ပဏီကြီး ဘိုးအင်းက ယင်းတို့ရဲ့ 737 Max ခရီးသည်တင်လေယာဉ်တွေ ၂ ကြိမ်ပျက်ကျမှုနဲ့ ပတ်သက်ပြီး လိမ်လည်ခြင်းဆိုင်ရာ ပြစ်မှုမြောက်ခြင်းကို အသနားခံသွားမယ်လို့ အမေရိကန် တရားရေးဌာနက တနင်္ဂနွေနေ့မှာ ပြောကြားလိုက်ပါတယ်။
#World_News
Published 11 July 2024
#ဘိုးအင်းလေယာဉ်နှစ်ကြိမ်ပျက်ကျမှု #အသနားခံခွင့်
#YMG #Yangon_Times #Yangon_Media_Group

#Daily_News
Published 11 July 2024

၁။ ဝမ်းပျက်ဝမ်း‌လျှောလူနာတစ်ရက်ထဲတွင် (၁၁၅)ဦးအထိရှိ၊ (၅)ရက်အတွင်း(၃၄၆)ဦးအထိရှိလာ

၂။ အိန္ဒိယတွင် ကျင်းပမည့် "အာရှ U-21 တန်းခုန် မြင်းစီးအားကစားပြိုင်ပွဲ"အတွက်အရည်အချင်းစစ် မြင်းစီးပြိုင်ပွဲနေပြည်တော်၌ ပြုလုပ်မည်

၃။ ရှမ်းအက်ဖ်စီအသင်း ဖီဖာ- MFF ယူ-၁၇ လိဂ်အမှတ်ပေးပြိုင်ပွဲတွင် ချန်ပီယံဖလားရရှိ

၄။ ဘိုးအင်းလေယာဉ်နှစ်ကြိမ်ပျက်ကျမှုနှင့် ပတ်သက်၍အမှုစစ်ဆေးခြင်း အသနားခံခွင့်အား တရားရေးဌာနရွေးချယ်ခွင့်ပေး... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဘဏ်တွေမှာငွေအပ်နှံသူတွေ  အဆင်ပြေစေဖို့ Digital နဲ့  Payment Platformတွေနဲ့ဆောင်ရွက်ပေးနေပြီး အပ်ငွေအမျိုးအစားပေါ်မူတည်ပြီး ငွေထုတ်ယူတာမှာ ကွဲပြားတာတွေရှိနိုင်တယ်လို့
မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဒေါက်တာလင်းအောင်ကပြောကြားလိုက်ပါတယ်။
#Local_News
Published 11 July 2024
#အပ်ငွေအမျိုးအစားပေါ်မူတည် #ငွေထုတ်ယူမှုကွဲပြားနိုင်
#NN #Yangon_Times

ကမ္ဘာ့ရွှေဈေးဟာ ယနေ့ဇူလိုင်(၁၁)ရက်မှာ မနေ့ကထက် (၁၆)ဒေါ်လာတက်ခဲ့ပြီး မြန်မာ့ရွှေဈေးကျပ်(၃၃၀၀၀)ကျော်တက်သွားတယ်လို့ ရန်ကုန်တိုင်းရွှေလုပ်ငန်းရှင်များအသင်းမှ သိရပါတယ်။
#Local_News
Published 11 July 2024
#ကမ္ဘာ့ရွှေဈေးအနည်းငယ်တက် #မြန်မာ့ရွှေဈေးတက် 
#tthl #Yangon_Times

ဖီဖာ MFFယူ-၁၇ အမှတ်ပေးပြိုင်ပွဲမှာ Game week 21 အထိ ရခိုင်အသင်းက ၅၄ မှတ်၊ ရှမ်းအသင်းက ၅၃ မှတ်နဲ့ အကြိတ်အနယ်ဖြစ်နေရာမှ နောက်ဆုံးပွဲစဉ်မှာ ရှမ်းအသင်းကအနိုင်ရခဲ့လို့ အမှတ်ပေးချန်ပီယံဆုဖလားကို ရယူနိုင်ခဲ့တာဖြစ်တယ်လို့ သိရပါတယ်။
#Local_News
Published 11 July 2024
#ရှမ်းအက်ဖ်စီအသင်း # ဖီဖာMFFယူ-၁၇
#tthl #Yangon_Times

#Local_News
Published 11 July 2024

စစ်ကိုင်းတိုင်းနှင့်မကွေးတိုင်းရှိမြို့နယ်အချို့၌ ဧရာဝတီမြစ်ရေမြင့်တက်၍ ကူညီကယ်ဆယ်ရေးများ လုပ်ဆောင်နေပြီး တာတမံများမကျိုးစေရေးအတွက် ရေကာတာတလျှောက်သဲအိတ်များဖြင့် ဆည်တင်ခြင်းလုပ်ငန်းများ ဆောင်ရွက်ပေးနေကြောင်း မြန်မာနိုင်ငံမီးသတ်အဖွဲ့မှ သိရသည်။

ဇူလိုင် ၁၁ ရက်နေ့၊ မနက်၁၀ နာရီ ၃၀ မိနစ် အချိန်ခန့်က စစ်ကိုင်းတိုင်းဒေသကြီး၊ စစ်ကိုင်းမြို့နယ်တွင် ဧရာဝတီမြစ်ရေမြင့်တက်မှုကြောင့် ပိုးတန်းရပ်ကွက်၊ ပိုးတန်းရေစက်အနီး ကျောက်စီရေထိန်းနံရံများ ရေတိုက်စားမှုကြောင့် ကျိုးပေါက်မှုမဖြစ်စေရေးအတွက် စစ်ကိုင်းခရိုင်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ သဲအိတ်များဖြင့် ဆည်တင်ခြင်းလုပ်ငန်းများ ဆောင်ရွက်လျက်ရှိကြောင်း သိရသည်။

ထို့အပြင် ယနေ့ မနက် ၁၁ နာရီအချိန်၊ မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့တွင် ဧရာဝတီမြစ်ရေမြင့်တက်မှုကြောင့် မြေနိမ့်ပိုင်းရှိ အမှတ်(၄) ရပ်ကွက်၊အမှတ်(၆)ရပ်
ကွက်နှင့် အမှတ်(၇)ရပ်ကွက်များရှိ အိမ်ထောင်စုများအား ရေစကြိုမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ပြောင်းရွှေ့နေရာချထားရေးလုပ်ငန်းများနှင့် တာတမံများမကျိုးစေရေးအတွက် ရေကာတာတလျှောက်သဲအိတ်များဖြင့် ဆည်တင်ခြင်းလုပ်ငန်းများ ဆောင်ရွက်လျက်ရှိကြောင်း သိရသည်။

#YMG/ NN #Yangon_Times

#Local_News
Published 11 July 2024

▪️ ရန်ကုန်တိုင်းရှိ တာမွေနှင့်ရွှေပြည်သာမြို့နယ်များမှ အခြေခံပညာကျောင်းများနှင့်ဘုန်းကြီးကျောင်းများ၌ ပြင်းထန်ဝမ်းပျက်ဝမ်းလျှောရောဂါကြိုတင်ကာကွယ်မှုများ‌ ဆောင်ရွက်
ပေးနေကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။

▪️ ရန်ကုန်မြို့တော်စည်ပင်သာယာရေးကော်မတီ၊ ပြည်သူ့ကျန်းမာရေးဌာနသည် ရန်ကုန်မြို့တွင် ယခုမိုးရာသီ၌ ပြင်းထန်ဝမ်းပျက်ဝမ်းလျှောရောဂါဖြစ်ပွားမှုများပြားလာခြင်းကြောင့် တာမွေမြို့နယ်အတွင်း ပြင်းထန်ဝမ်းပျက်ဝမ်းလျှောရောဂါကြိုတင်ကာကွယ်ရေးအတွက် ယမန်နေ့ နံနက်ပိုင်းကမြို့နယ်စည်ပင်သာယာအုပ်ချုပ်ရေးမှူးမှကြီးကြပ်၍ မြို့နယ်စည်ပင်သာယာအုပ်ချုပ်ရေးမှူးရုံး၊ပြည်သူ့ကျန်းမာရေးဌာန၊ မြို့နယ်ကျန်းမာရေးဦးစီးဌာနတို့မှဝန်ထမ်းများ၊ ကြက်ခြေနီတပ်ဖွဲ့ဝင်များနှင့်အတူ မြို့နယ်အတွင်းရှိ မေတ္တာညွန့်ရပ်ကွက်၊ မစိုးရိမ်ကျောင်းတိုက်၊ မြို့သစ်ကျောင်းတိုက်၊ဘိုးလိန်းအောင်မင်္ဂလာရပ်ကွက်၊ မင်္ဂလာသုခပါဠိကျောင်းတိုက်ဝင်းပတ်ဝန်းကျင်အား ကလိုရင်းဆေးခတ်ခြင်း၊ ဆေးဖျန်းခြင်း၊ ပြင်းထန်ဝမ်ပျက်ဝမ်းလျောရောဂါကာကွယ်ရေးအကြောင်းကျန်းမာရေးပညာပေး ပိုစတာများကပ်ခြင်း၊ ပညာပေး လက်ကမ်းစာစောင်များပေးဝေခြင်းတို့အားဆောင်ရွက်ခဲ့ကြောင်း သိရသည်။

▪️ ထို့အပြင် ရွှေပြည်သာမြို့နယ်၊ ‌အမှတ် (၆)ရပ်ကွက်အတွင်းရှိဘုန်းတော်ကြီးကျောင်း(၇၄) ကျောင်း၊ မယ်သီလရှင် ကျောင်း(၁၆)ကျောင်းတို့တွင် မြို့နယ်စည်ပင်သာယာအုပ်ချုပ်ရေးမှူးရုံးဝန်ထမ်းများနှင့် ပူးပေါင်း၍ ကျန်းမာရေးအသိပညာပေးခြင်း၊ သွေးလွန်တုပ်ကွေးရောဂါ၊ဝမ်း ပျက်ဝမ်းလျှောရောဂါကြိုတင်ကာကွယ်နိုင်ရန်အတွက်ရေသုံးစွဲသောနေရာများရေတုံကင်များတွင် ကလိုရင်းဆေးခတ်ခြင်း၊ ပညာပေးလက်ကမ်းစာစောင်များ၊ နံရံကပ်စာ‌စောင်များပေးဝေခြင်းများဆောင်ရွက်ခဲ့ကြောင်း သိရသည်။

▪️ ထို့အပြင် မင်္ဂလာဒုံ၊ ဗိုလ်တစ်ထောင်နှင့်ဒေါပုံမြို့နယ်၌လည်း ပြင်းထန်ဝမ်းပျက်ဝမ်းလျှောရောဂါကြိုတင်ကာကွယ်မှုများ‌ ဆောင်ရွက်ပေးခဲ့ကြောင်းသိရသည်။

#YMG/NN #Yangon_Times