#Local_New
Published 1 February 2024

ဧရာဝတီတိုင်းဒေကြီးမှထွက်ရှိသည့်  နေလှန်းဆားများကို ရန်ကုန်နှင့်မန္တလေးတိုင်းသို့  အဓိက တင်ပို့ရောင်းချနေကြောင်းဆားထုတ်လုပ်သူ‌များထံမှသိရသည်။

အဆိုပါဒေသ၌တစ်နှစ်လျှင် ဆားတန်ချိန် တစ်သိန်းကျော်ထွက်ရှိလေ့ရှိပြီး နှစ်နှစ်ဆက်တိုက်အထွက်နှုန်းကောင်းမွန်နေပြီးလက်ရှိတွင်လည်းဈေးကောင်းရနေကြောင်းသိရသည်။

' ဒီကထွက်တဲ့ဆားကြမ်းတွေကိုရန်ကုန်တိုင်းနဲ့မန္တလေးတိုင်းကိုအဓိကတင်ပို့နေတယ်၊ဆားအထွက်ကမနှစ်ကလည်းများတယ်၊ဒီနှစ်လည်းများဦးမယ်လို့မျှော်လင့်နေပါတယ်၊ ရာသီက ဆားထုတ်တာကြိုက်တဲ့ရာသီမလို့လေ၊‌ ဈေးလည်းကောင်းပါတယ် ' ဟု ဧရာဝတီတိုင်းမှဆားတောင်သူတစ်ဦးက ပြောသည်။

လတ်တလောတွင်  ဆားချောတစ်ပိဿာ ကျပ် ၂၈၀   အထိဈေးနှုန်းရှိပြီးတစ်ပိသာလျှင်ကျပ်၅၀အထိ မြင့်တက်လာခဲ့ပြီးဆားကြမ်းတစ်ပိသာလျှင် ၁၇၀ကျပ်အထိ‌ဈေးနှုန်းရှိနေကြောင်းသိရသည်။

ဧရာဝတီတိုင်းဒေသကြီးတွင်  ၂၀၂၁-၂၀၂၂ ဆားရာသီ၌  မိုးရွာသွန်းမှုတွေကြောင့် တန်ချိန် တစ်သိန်းခန့်သာ ထွက်ရှိခဲ့ပြီး၂၀၂၂-၂၀၂၃ ဆားရာသီမှာ ရာသီဥတုကောင်းမွန်မှုကြောင့် တန်ချိန် ၁၄၂၀၀၀ အထိ ထွက်ရှိခဲ့ကာယခုနှစ်တွင် လည်းအယ်နီညိုရာသီဥတုကြောင့်အထွက်နှုန်းဆက်လက်ကောင်းနိုင်ကြောင်းသိရသည်။
#YMG/NN #Yangon-Times

#Local_New
Published 1 February 2024
ရန်ကုန်တိုင်းဒေသကြီး သီရီမင်္ဂလာကမ္ဘာအေးစေတီတော်၏ ၇၂ နှစ်မြောက် ဗုဒ္ဓပူဇနိယ ပွဲတော်ကို ငါးရက်ကြာ စည်ကားသိုက်မြိုက်စွာကျင်းပမည် ဖြစ်ကြောင်း ဂေါပကအဖွဲ့ထံက သိရသည်။

ဖေဖေါ်ဝါရီလ ၂၁ရက် မှ ၂၅ ရက် အထိ ငါးရက်ကြာကျင်းပမည်ဖြစ်ကာ ထမနဲဆွမ်းအလှူ၊ဆွမ်းတော်ကြီးအလှူ၊ဆွမ်းဆန်စိမ်းအလှူနှင့်ဗုဒ္ဓပူဇာ၊ဓမ္မပူဇာ၊သံဃာ့ပူဇာ အလှူများ ပါဝင်မည် ဖြစ်ကြောင်း သိရသည်။

ဗုဒ္ဓပူဇနိယပွဲတော်တွင် ဖေဖေါ်ဝါရီ ၂၁ရက်မှ ၂၅ ရက်အထိ အသံမစဲမဟာပဌာန်းရွတ်ဖတ်ပူဇော်မည်ဖြစ်ကာ
ဖေဖေါ်ဝါရီ ၂၂ရက်နှင့်၂၃ရက် နံနက်ပိုင်း တို့တွင် ထမနဲ ထိုးပွဲကျင်းပမည်ဖြစ်ကြောင်း သိရသည်။

သီရီမင်္ဂလာကမ္ဘာအေးစေတီတော်၏ ဗုဒ္ဓပူဇနိယ ပွဲတော်ကို ယခင်ကိုဗစ်မတိုင်ခင်က ပျော်ပွဲရွှင်ပွဲများ ထည့်သွင်း ကျင်းပခဲ့သော်လည်း ယခုနှစ်မှာတော့အခြေနေအရ ပျော်ပွဲ ရွှင်ပွဲများ ထည့်သွင်းခြင်း မပြုလုပ်တော့ကြောင်း သိရသည်။
#YMG/LW #Yangon Time

#World_Technology
Published 1 Feb 2024
ဘီလျံနာအီလွန်မက်စ်ရဲ့ Neuralink ကုမ္ပဏီက လူနာတစ်ယောက်မှာ ဦးနှောက်အစားထိုးပစ္စည်းကို ပထမဆုံးအနေနဲ့ အောင်မြင်စွာ ထည့်သွင်းနိုင်ခဲ့ကာ ကနဦး စိတ်ချရတဲ့ ရလဒ်များရရှိထားကြောင်း မက်စ်က ဇန်နဝါရီ ၂၉ ရက်နေ့မှာ ကြေညာလိုက်ပါတယ်။

၂၀၁၆ ခုနှစ်မှာ မက်စ်က တွဲဖက်တည်ထောင်ထားတဲ့ အာရုံကြောနည်းပညာကုမ္ပဏီဟာ ကွန်ပျူတာတွေနဲ့ ဦးနှောက်ကြား တိုက်ရိုက်ဆက်သွယ်ရေးနည်းလမ်းတွေကို ဖန်တီးရန် ရည်ရွယ်ထားတာ ဖြစ်ပါတယ်။

သူတို့ရဲ့စီမံကိန်းက လူသားတွေရဲ့ စွမ်းရည်တွေကို အလျင်အမြန်ဖြည့်ပေးရန် အပြင် အာရုံကြောရောဂါများကို ကုသရန် ရည်ရွယ်ထားတာဖြစ်ပြီး တစ်နေ့နေ့မှာ လူလုပ်အသိဉာဏ်တုနဲ့ လူသားများကြား အပြန်အလှန် မှီခိုအကျိုးပြုနိုင်ဖို့ ရှိနေပါတယ်။

''မနေ့က Neuralink ကနေ ပထမဆုံးလူသား အစားထိုးမှုခံယူခဲ့ပြီး သက်သာလျက်ရှိကာ အာရုံကြောဆိုင်ရာ စိတ်ချရတဲ့ရလဒ်များ တွေ့ရှိထားပါတယ်'' လို့ အီလွန်မက်စ်က X ပလက်ဖောင်းမှာ ဖော်ပြခဲ့ပါတယ်။

အမေရိကန် FDA က လူသားတွေမှာ ဦးနှောက်အစားထိုးမှုများ စမ်းသပ်ရန် အသိအမှတ်ပြုပေးခဲ့ကြောင်း ယမန်နှစ်က ထုတ်ဖော်ပြောကြားခဲ့ပါတယ်။

အကြွေစေ့ငါးပြားထပ်ထားသလောက် အရွယ်အစားရှိတဲ့ အစားထိုးပစ္စည်းလေးကို Link လို့အမည်ပေးထားပြီး ဦးနှောက်ထဲသို့ ခွဲစိတ်ထည့်သွင်းရတာ ဖြစ်ပါတယ်။

ကယ်လီဖိုးနီးယားအခြေစိုက် Neuralink ကုမ္ပဏီမှာ ယမန်နှစ်က ဝန်ထမ်း ၄၀၀ ကျော်ရှိခဲ့ပြီး ဒေါ်လာ ၃၆၃ သန်းနီးပါး ရရှိခဲ့ပါတယ်။

ဒီနည်းပညာကို တိုးတက်အောင် လုပ်ဆောင်နေတဲ့အထဲမှာ ဒီကုမ္ပဏီတစ်ခုတည်းမဟုတ်ဘဲ အစားထိုးပစ္စည်းထုတ်လုပ်သူ Synchron နဲ့ပူးပေါင်းရန် ကြံစည်နေပါတယ်။

Neuralink နဲ့မတူတာက အစားထိုးပစ္စည်းတပ်ဆင်ရန် ဦးခေါင်းခွံကို ခွဲစိတ်စရာ မလိုအပ်ဘဲ ၂၀၂၂ ဇူလိုင်လက ပထမဆုံး အစားထိုးပစ္စည်းကို ထည့်သွင်းခဲ့ပါတယ်။

#World_Technology #ပထမဆုံးလူသားဦးနှောက်အစားထိုး #Neuralink #အီလွန်မက်စ်ကြေညာ #Source: WION

#LocalNew
Published 1 February 2024

ထိုင်းနိုင်ငံ အတွင်းသို့ တရားမဝင်နယ်စပ်ဖြတ်ကျော် ဝင်ရောက်လာသည့် မြန်မာအလုပ်သမားများ အဖမ်းခံရကြောင်း ထိုင်းသတင်းဌာနများ၏ ဖေါ်ပြချက်အရသိရသည်။

ရနောင်းခရိုင် စူခ်ဆမ်ရာစစ်ဆေးဂိတ်တွင် တရားမဝင်နယ်စပ်ဖြတ်ကျော်ဝင်ရောက်လာသည့် မြန်မာအလုပ်သမား ၇ ဦးကို ဇန်နဝါရီလ ၂၉ ရက်နေ့ ညနေ ၅ နာရီခန့်တွင်တာဝန်ရှိသူများက ဖမ်းဆီးရမိကြောင်းသိရှိရသည်။

အဆိုပါ အလုပ်သမားများသည် Border Pass ဖြင့်နယ်စပ်မှဖြတ်ကျော်ဝင်ရောက်လာကြသူများဖြစ်ပြီး  ရနောင်းခရိုင်စူခ်ဆမ်ရာမြို့ နာခါကျေးရွာ အုပ်စု ၁ လှေဆိပ်မှတဆင့်ခေါ်ဆောင်လာပြီး  ဖန်ငါခရိုင် သကွန်ပါမြို့ နှင့်  ဖူကတ်မြို့တို့ကိုသွားရောက်ပို့ဆောင်ပေးရမည်ဖြစ်ကြောင်း သိရသည်။

ယင်းအလုပ်သမားများ က မြို့အလိုက် 
ပို့ဆောင်ခ ဘတ် ၁၂၀၀၀ မှ ၃၀၀၀၀ ထိကို နေရာရောက်ပါက ပေးရမည်ဖြစ်ကြောင်းသိရသည်။
ဖမ်းဆီးရမိသူအားလုံးကို ဥပဒေအရ အရေးယူဆောင်ရွက်နိုင်ရန်စူခ်ဆမ်ရာရဲစခန်းသို့ လွှဲပြောင်းပို့ထားကြောင်းသိရှိရသည်။
#YMG/LW #Yangon_Time

#World_Health
Published 1 Feb 2024

သက်ကြီးရွယ်အိုတစ်ယောက် အရိုးကျိုးနိုင်ခြေ ရှိမရှိကို ခန့်မှန်းနိုင်မယ့် နည်းလမ်းကို ဩစတြေးလျသုတေသီများ တွေ့ရှိခဲ့ကြပါတယ်။

၁ ကီလိုမီတာ အကွာအဝေးကို အခက်အခဲမရှိ လမ်းလျှောက်နိုင်ရင် အရိုးကျန်းမာရေး အဆင်ပြေတယ်လို့ ဆိုနိုင်ပါတယ်။

လူတစ်ယောက်ရဲ့ လမ်းလျှောက်နိုင်စွမ်းကို မေးမြန်းခြင်းဖြင့် အရိုးကျန်းမာရေး လိုအပ်ချက်တွေကို ဆရာဝန်တွေ သိရှိနိုင်မှာ ဖြစ်ကြောင်း JAMA Network Open ဂျာနယ်မှာ ဖော်ပြထားပါတယ်။

အသက် ၆၀ နဲ့အထက် အမျိုးသမီးတွေမှာ အရိုးကျိုးနိုင်ခြေ ၄၀ ရာခိုင်နှုန်း၊ အမျိုးသားတွေမှာ ၂၅ ရာခိုင်နှုန်း ရှိနေပြီး နောက်ဆယ်စုနှစ်တွေမှာ ပိုမိုအဖြစ်များလာပါတယ်။

အရိုးကျိုးနာလာတဲ့အခါ မလှုပ်ရှား မသွားလာနိုင်ခြင်း၊ ကိုယ့်အားကိုယ်မကိုးနိုင်ခြင်း၊ အရိုးထပ်ကျိုးခြင်းနဲ့ သက်တမ်းမစေ့ခင် အသက်ဆုံးပါးခြင်းတို့ ဖြစ်နိုင်ခြေ များလာပါတယ်။

အရိုးကျိုးနိုင်ခြေနဲ့ ပတ်သက်ရာမှာ ကြွက်သားတွေက ခန့်မှန်းလို့အကောင်းဆုံးအရာ ဖြစ်နေပါတယ်။

အသက်ကြီးလာတာနဲ့အမျှ အရိုးဆုံးရှုံးခြင်းနဲ့ ကြွက်သားဆုံးရှုံးခြင်းတို့က တပြိုင်တည်းဖြစ်လာပြီး ရုပ်ပိုင်းဆိုင်ရာ လှုပ်ရှားခြင်းက အရိုးကျိုးနိုင်ခြေ လျော့နည်းတာနဲ့ ပတ်သက်နေတာကို မြင်တွေ့ရပါတယ်။

အကွာအဝေးနီးနီးမှာပါ လမ်းလျှောက်ရ ခက်ခဲနေပြီဆိုရင် နောက်ငါးနှစ်မှာ အရိုးကျိုးနိုင်ခြေ များနေကြောင်း ဂါဗန်လေ့လာရေးမှ ဦးဆောင်စာတမ်းပြုစုသူ ပရော်ဖက်ဆာ ဂျက်ကယ်လင်းက ပြောပြခဲ့ပါတယ်။

သုတေသီတွေက အသက် ၄၅ နှစ်နဲ့အထက် လူပေါင်း ၂၆၇၀၀၀ ခန့်ကို လေ့လာခဲ့ပြီး သူတို့ရဲ့ လမ်းလျှောက်နိုင်စွမ်းနဲ့ ပတ်သက်လို့ အခက်အခဲ လုံးဝမရှိခြင်း၊ အနည်းငယ်ရှိခြင်း၊ အခက်အခဲ အများအပြားရှိခြင်း စတဲ့ရွေးချယ်စရာ ၃ မျိုးကို ရွေးချယ်ခိုင်းခဲ့ပြီး နောက်ထပ် ၅ နှစ်အထိ စောင့်ကြည့်ခဲ့ပါတယ်။

၁ ကီလိုမီတာ အကွာအဝေးကို လျှောက်ရာမှာ အခက်အခဲများစွာ ခံစားရတဲ့ အမျိုးသမီးတွေက အရိုးကျိုးနိုင်ခြေ ၆၀ ရာခိုင်နှုန်းပိုများပြီး အမျိုးသားတွေကတော့ ၁၀၀ ရာခိုင်နှုန်းကျော်နေပါတယ်။

ဒါကြောင့် လမ်းလျှောက်နိုင်စွမ်း လျော့နည်းတာနဲ့ အရိုးအားနည်းခြင်းက တိုက်ရိုက်ဆက်စပ်နေတယ်လို့ ဂါဗန်မှ အကြီးတန်းသုတေသီတစ်ဦးက ဆိုလိုက်ပါတယ်။

ယေဘုယျကျန်းမာရေး ကောင်းတဲ့လူတွေမှာတောင် ၂၀ ရာခိုင်နှုန်းလောက်က တစ်ကီလိုမီတာကို လမ်းလျှောက်ဖို့ ခက်ခဲနေကြပါသေးတယ်။

အရိုးပွခြင်းကို ကုသတဲ့နည်းလမ်းများ၊ နေထိုင်စားသောက်မှုပုံစံ ပြောင်းလဲခြင်းတို့က အရိုးသန်မာမှုကို ထောက်ပံ့ပေးပါတယ်။

လူအများအပြားက အရိုးစစ်ဆေးခြင်း ခံယူဖို့ ပျက်ကွက်နေကြပါတယ်။

အရိုးသိပ်သည်းဆကို စစ်ဆေးခြင်းက အရိုးကျိုးနိုင်ခြေကို သိရှိစေနိုင်သလို လမ်းလျှောက်နိုင်စွမ်းနဲ့ ပတ်သက်ပြီး မေးမြန်းခြင်းကလည်း စက္ကန့်ပိုင်းအတွင်း သိရှိစေမှာ ဖြစ်ပါတယ်။

လမ်းလျှောက်နိုင်စွမ်းမရှိခြင်းက အရိုးကျိုးနိုင်ခြေအပြင် နှလုံးရောဂါများ၊ အဆစ်အမြစ်ရောင်ရောဂါတို့ပါ ခံစားရနိုင်ခြေ ရှိနေပါတယ်။

#World_Health #အရိုးကျန်းမာရေးစစ်ဆေးနိုင် #တစ်ကီလိုမီတာခန့်လမ်းလျှောက် #Source: The Jerusalem Post

၃၁ ဇန်နဝါရီ ၂၀၂၄

နစက သည် အရေးပေါ်ကာလကို ခြောက်လ ထပ်မံသက်တမ်းတိုးပြီးနောက်  ရာထူးနေရာအချို့ကို စတင်အပြောင်းအလဲလုပ်ခဲ့ပါတယ်။

ပြည်ထောင်စုရွေးကောက်ပွဲကော်မရှင် ဥက္ကဋ္ဌဦးသိန်းစိုးကို ကျန်းမာရေးအရ အနားယုခွင့်ပြုခဲ့ပြီး  ရွေး/ကော် ဥက္ကဋ္ဌအသစ်အဖြစ် ဦးကိုကို ကိုခန့်အပ်လိုက်ပါတယ်။

ရှမ်းပြည်နယ်ဝန်ကြီးချုပ်ဦးအောင်ဇော်အေးနေရာတွင် ဦးအောင်အောင်ကို ဝန်ကြီးချုပ်အဖြစ် အစားထိုးခန့်အပ်လိုက်ပါတယ်။

ပြည်ထောင်စုရာထူးဝန်အဖွဲ့ဝင် ဦးသန်းဝင်းကို အနားယူခွင့်ပေးလိုက်ပြီး ဦးကျော်မျိုးထွဋ်ကို ရာထူးဝန်အဖွဲ့ အဖွဲ့ဝင်အဖြစ်ခန့်အပ်လိုက်ပါတယ်။

ပြည်ထောင်စုရွေးကောက်ပွဲကော်မရှင်အဖွဲ့ဝင်အဖြစ် ဦးမျိုးလှိုင်ကိုခန့်အပ်လိုက်ပြီး  အားကစားနှင့် လူငယ်ရေးရာဝန်ကြီးဌာန ဒုတိယဝန်ကြီးအဖြစ် ဦးထိန်လင်းကိုခန့်အပ်လိုက်ပါတယ်။

နစက ဗဟိုအကြံပေးအဖွဲ့ဝင် ဒေါက်တာကျော်ထွန်းကိုလည်း တာဝန်မှအနားယူခွင့်ပြုလိုက်ပါတယ်။

အဆိုပါအပြောင်းအရွှေ့များကို နစက အမိန့်အမှတ် ၉/၂၀၂၄မှ ၁၆/၂၀၂၄ တို့ဖြင့် ထုတ်ပြန်ကြေညာခဲ့ ခြင်းဖြစ်ပါတယ်။

အပြောင်းအလဲကြေညာမှုတွေ ဆက်တိုက်ထုတ်ပြန်နိုင်ဖွယ်ရှိတယ်လို့လည်း သုံးသပ်မှုများရှိနေကြပါတယ်။

@ymg/knl

မက္ကဆီကိုဘက်မှအမေရိကန်သို့ တရားမဝင်နယ်စပ်ဖြတ်ကျော်လာသူများအား အမေရိကန်နယ်စပ်ကာကွယ်ရေးမှစံချိန်တင်ဖမ်းဆီးရမိခဲ့

မက္ကဆီကိုကနေ အမေရိကန်ဘက်သို့ တရားမဝင် နယ်စပ်ဖြတ်ကျော် ဝင်ရောက်လာသူများကို ဖမ်းဆီးရမိတဲ့ အရေအတွက်က ဒီဇင်ဘာလမှာ အများဆုံးဖြစ်ခဲ့ကြောင်း အမေရိကန်အကောက်ခွန်နှင့် နယ်စပ်ကာကွယ်ရေး (CBP)က သောကြာနေ့မှာ ပြောကြားလိုက်ပါတယ်။
#World_News
Published_ 31 January 2024
#အမေရိကန်နယ်စပ်ကာကွယ်ရေး #စံချိန်တင်ဖမ်းဆီးရမိခဲ့
#YMG #Yangon_Times #Yangon_Media_Group

Nay Pyi Taw, January 31, 2024

Myanmar has extended its state of emergency for an additional six months, as declared in an official statement by the State Administration Council (SAC). The decision, reached during a session of Myanmar’s National Defence and Security Council in Nay Pyi Taw today, extends the emergency rule until July 31, 2024.

During the council meeting, Senior General Min Aung Hlaing, Chairman of the SAC and Commander in Chief, emphasized the ongoing necessity for Myanmar to attain stability, peace, and return to normalcy. He underscored that the current situation is far from normal and requires a further six-month extension to address pressing needs and initiatives.

He reaffirmed the ongoing preparations for a free and fair multi-party democracy general election and a nationwide census.

Following that, NDSC members deliberated on the current situation, analyzing it thoroughly, and subsequently endorsed another six-month emergency period.

Afterward, Acting President U Myint Swe informed the council that the state of emergency would be extended for another six months based on the consensus among its members.

Acting President U Myint Swe, Vice President U Henry Van Thio, Commander-in-Chief Senior General Min Aung Hlaing, Deputy Commander-in-Chief Vice Senior General Soe Win, Union Minister for Defence Admiral Tin Aung San, Union Minister for Home Affairs Lieutenant General Yar Pyae, Union Minister for Foreign Affairs U Than Swe, and Union Minister for Border Affairs Lieutenant General Tun Tun Naung were present at the council meeting.

Additionally, SAC Secretary Lieutenant General Aung Lin Dway and Joint Secretary Lieutenant General Ye Win Oo participated in the meeting as special invitees.

@ymg/knl

#Daily_News
Published_ 31 January 2024

၁။ ကိုးကန့် ဒေသ အွန်လိုင်းလိမ်လည်မှု အဖွဲ့အဓိကခေါင်းဆောင် ၆ ဦး နှင့် သံသယရှိသူ ၄ ဦးကို မြန်မာနိုင်ငံရဲတပ်ဖွဲ့က တရုတ်နိုင်ငံသို့ ဖမ်းဆီးပို့ဆောင်ခဲ့

၂။ ပုဂံဘုရားများ မိုးကြိုးလွှဲတပ်ခြင်းကို အမွေအနှစ်မထိခိုက်အောင် Guide line ချမှတ်ဆောင်ရွက်နေ၍မစိုးရိမ်ကြရန်ပြော

၃။ ဝင်းစိန်တောရ ဆရာတော်ကြီး၏ သက်တော် (၁၀၃)နှစ်မြောက် မွေးနေ့ပူဇော်ပွဲအခမ်းအနား ကျင်းပသွားမည်

၄။ မက္ကဆီကိုဘက်မှအမေရိကန်သို့တရားမဝင်နယ်စပ်ဖြတ်ကျော်လာသူများအား အမေရိကန်နယ်စပ်ကာကွယ်ရေးမှစံချိန်တင်ဖမ်းဆီးရမိခဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၃၁ ဇန်နဝါရီ ၂၀၂၄

နိုင်ငံတစ်ဝန်းလုံး အရေးပေါ် အခြေအနေကြေညာထားသည့်ကာလကို နောက်ထပ် ၆ လ တိုးမြှင့်  သတ်မှတ်လိုက်ကြောင်းနစကရဲ့သတင်းထုတ်ပြန်ချက်အရသိရပါတယ်။

ယနေ့ဇန်နဝါရီ (၃၁)ရက်နေ့တွင် နေပြည်တော် နစက ဥက္ကဋ္ဌရုံးအစည်းအဝေးခန်းမတွင်ကျင်းပတဲ့ ပြည်ထောင်စုသမ္မတမြန်မာနိုင်ငံတော် အမျိုးသားကာကွယ်ရေးနှင့်လုံခြုံရေးကောင်စီအစည်းအဝေး (၁/၂၀၂၄)တွင် သက်တမ်း(၆)လတိုးကြောင်း ဆုံးဖြတ်ခဲ့ကြတာဖြစ်ပါတယ်။

အစည်းအဝေးတွင် နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ထပ်မံသက်တမ်း တိုးထားသည့် ၆ လ တာကာလအတွင်း နိုင်ငံတော်ကာကွယ်ရေးနှင့်လုံခြုံရေး  တာဝန် များထမ်းဆောင်ခဲ့မှုအခြေအနေများ၊ အချို့တိုင်းရင်းသားလက်နက်ကိုင်  အဖွဲ့ အစည်းများရှိနယ်မြေများ၌ အကြမ်းဖက်တိုက်ခိုက်မှုဖြစ်စဉ်များဖြစ်ပွားခဲ့မှုအခြေအနေများ၊တိုင်းရင်းသားလက်နက်ကိုင်နယ်မြေများ၌ မူးယစ် ဆေးဝါးထုတ်လုပ်ရောင်းဝယ်ခြင်းနှင့် အွန်လိုင်းလိမ်လည်မှုများ ဆောင်ရွက်မှုများရှိခြင်းကြောင့်

နှိမ်နင်းဆောင်ရွက်လျက်ရှိမှုအခြေအနေများ၊နိုင်ငံတော်ဖွံ့ဖြိုးတိုးတက်ရေးနှင့်ပညာရေးကဏ္ဍမြှင့်တင်ရေးအတွက်ဆောင်ရွက်လျက်ရှိမှုအခြေအနေများ၊ လွတ်လပ်၍တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲကျင်းပနိုင်ရေးအတွက်ပြင်ဆင်ဆောင်ရွက်လျက်ရှိမှုအခြေအနေများ၊ ပြည်လုံးကျွတ်သန်းခေါင်စာရင်းကောက်ယူရန်ကြိုတင်ပြင်ဆင်ဆောင်ရွက်လျက်ရှိမှုအခြေအနေများ၊ နိုင်ငံအားတည်ငြိမ်အေးချမ်းသည့်ပုံမှန်အနေအထား၊သာမန်အနေအထားသို့ရောက်အောင် ဆက်လက်  ဆောင်ရွက်ရန်လိုအပ်သည့်အတွက် ဖွဲ့စည်းပုံအခြေခံဥပဒေပုဒ်မ ၄၂၅ အရ သာမန်အခြေအနေ  မဟုတ်ခြင်းကြောင့် လိုအပ်ချက်နှင့် လုပ်ဆောင်ရမည့်အချက်များကို အရှိန်အဟုန်မပျက် ဆက်လက် လုပ်ဆောင်နိုင်ရန်အတွက် ဖွဲ့စည်းပုံအခြေခံဥပဒေနှင့်အညီတာဝန်ထမ်းဆောင်ခွင့်ကို ထပ်မံ၍ ၆ လ သက်တမ်းတိုးမြှင့်ပေးနိုင်ရန် အခြေအနေများနှင့်ပတ်သက်၍ တင်ပြခဲ့တယ်လို့ သတင်းထုတ်ပြန်ချက် မှာဖော်ပြထားပါတယ်။

အဲဒီနောက် တပ်မတော်ကာကွယ်ရေးဦးစီးချုပ်၏ တင်ပြချက်အပေါ် အမျိုးသားကာကွယ်ရေး နှင့် လုံခြုံရေးကောင်စီအဖွဲ့ဝင်များ၊ . အထူးဖိတ်ကြားထားသူများကဝိုင်းဝန်းသုံးသပ်ဆွေးနွေးခဲ့ကြပြီး ထပ်မံ၍ ၆ လသက်တမ်းတိုးမြှင့်ရန်အတွက်ထောက်ခံ ဆွေးနွေးတင်ပြခဲ့ကြတာဖြစ်ပါတယ်။

အစည်းအဝေးတွင်ယာယီသမ္မတ ဦးမြင့်ဆွေက လက်ရှိ နိုင်ငံတော်တွင် ဖြစ်ပေါ်နေသည့် အခြေအနေ များအရ အကြမ်းဖက်မှုတိုက်ဖျက်ရေးလုပ်ငန်းစဉ်များ ဆက်လက်ဆောင်ရွက်ရန်နှင့် သာမန်မဟုတ်သည့် အခြေအနေဖြစ်သည့်အတွက် တာဝန်ထမ်းဆောင်မှုကို အမျိုးသားကာကွယ်ရေးနှင့် လုံခြုံရေး ကောင်စီ  အဖွဲ့ဝင်များအားလုံး၏သဘောတူဆွေးနွေးဆုံးဖြတ်ချက်များအရ “နိုင်ငံတစ်ဝန်းလုံး အရေးပေါ် အခြေ အနေကြေညာထားသည့်ကာလကို နောက်ထပ် ၆ လ တိုးမြှင့်သတ်မှတ်ကြောင်း” ကိုအမျိုးသား ကာကွယ် ရေးနှင့် လုံခြုံရေး ကောင်စီသို့ အသိပေးကြေညာအပ်ပါကြောင်းဖြင့် ပြောကြားပြီး အမျိုးသားကာကွယ် ရေးနှင့်လုံခြုံရေးကောင်စီအစည်းအဝေး (၁/၂၀၂၄) ကို ရုပ်သိမ်းလိုက်ကြောင်း သိရှိရပါတယ်။

အစည်းအဝေးသို့ ယာယီသမ္မတ ဦးမြင့်ဆွေ၊ ဒုတိယသမ္မတ ဦးဟင်နရီဗန်ထီးယူ၊ပြည်သူ့လွှတ်တော်ဥက္ကဋ္ဌ ဦးတီခွန်မြတ်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ ဒုတိယတပ်မတော်  ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း)ဒုတိယဗိုလ်ချုပ်မှူးကြီး စိုးဝင်း၊ ကာကွယ်ရေး ဝန်ကြီးဌာန ပြည်ထောင်စုဝန်ကြီးဗိုလ်ချုပ်ကြီး တင်အောင်စန်း၊ ပြည်ထဲရေးဝန်ကြီးဌာန ပြည်ထောင်စု ဝန်ကြီး ဒုတိယဗိုလ်ချုပ်ကြီး ရာပြည့်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ထွန်းထွန်းနောင်၊အထူးဖိတ်ကြား ထားသည့် နိုင်ငံတော်စီမံအုပ်ချုပ်ရေးကောင်စီ အတွင်းရေးမှူးဒုတိယဗိုလ်ချုပ်ကြီး အောင်လင်းဒွေးနှင့် တွဲဖက်အတွင်းရေးမှူး ဒုတိယဗိုလ်ချုပ်ကြီးရဲဝင်းဦး တို့ တက်ရောက်ခဲ့ကြပါတယ်။

@ymg/knl

'တိုးကောက်တာမဟုတ်ဘူး၊ QR ကုတ်သုံးဖို့ပြောတာ၊ ၄၀၀ကအရင်ထဲကပဲ၊ QR ကုတ်သုံးပါ၊ YBSကတ်သုံးပေးပါ၊ အဲ့တာဆိုရင် မသမာမှုတွေလည်းမရှိဘူး၊ အကြွေရှားတဲ့ကိစ္စတွေလည်းမရှိဘူး၊ စနစ်တကျဖြစ်အောင်လုပ်တာ၊ ကျွန်တော်တို့ယာဉ်စီးခတိုးမကောက်ဘူး 'YRTC တွဲဖက်အတွင်းရေးမှုးဦးလျန်ကျင့်မာန်
#Local_News
Published_ 31 January 2024
#YBS ယာဉ်စီးခ #ထပ်တိုးကောက်ခံခွင့်မပြု
#YMG/ NN #Yangon_Times

#Local_News
Published-31 January 2024

မြန်မာနိုင်ငံ၌ ၂၀၁၄ ခုနှစ်မှ ၂၀၂၃ ခုနှစ်အထိ ဆယ်နှစ်တာကာလအတွင်း နှစ်စဉ်ပျမ်းမျှ မီးလောင်မှုအကြိမ်ရေ ၁၈၀၀ ကျော်ခန့်ဖြစ်ပွားခဲ့ပြီး မီးလောင်ဆုံးရှုံးမှုခန့်မှန်း ကျပ်သန်းပေါင်း ၁၈၀၀၀ ကျော်ခန့်ရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

ပြည်ထဲရေးဝန်ကြီးဌာန၊ မီးသတ်ဦးစီးဌာနအနေဖြင့် နိုင်ငံတော်အတွင်း မီးလောင်/ မီးလန့်မှုများ မဖြစ်ပွား မပေါ်ပေါက်စေ‌ရေးအတွက် မီးဘေးလုံခြုံရေးဆိုင်ရာ လုပ်ငန်းများကို တစ်နိုင်ငံလုံးအတိုင်းအတာအနေဖြင့် အရှိန်အဟုန်မပျက် အကောင်အထည်ဖော်ဆောင်ရွက်လျက်ရှိရာ ယခုအခါပွင့်လင်းရာသီကာလကို ကူးပြောင်းရောက်ရှိလာပြီဖြစ်တဲ့အတွက် အများပြည်သူအနေဖြင့် မီးသတ်တပ်ဖွဲ့၏ မီးသတိမူရေးဆိုင်ရာ နိုးဆော်ခြင်းများ၊ မီးဘေးလုံခြုံရေးဆိုင်ရာ သိမှတ်ဖွယ်ရာများ တစ်အိမ်တက်ဆင်း စစ်ဆေးခြင်းများ၊ လက်ကမ်းစာစောင်ဖြန့်ဝေခြင်းများနှင့် ဇာတ်တိုက်လေ့ကျင့်ဆောင်ရွက်ခြင်းများကိုလည်း နေပြည်တော်အပါအဝင် တိုင်းဒေသကြီး ပြည်နယ်အသီးသီးတိုမှာ အရှိန်အဟုန်မြင့် ဆောင်ရွက်လျက်ရှိကြောင်း သိရသည်။

အဆိုပါ မီးဘေးလုံခြုံရေးဆိုင်ရာလုပ်ငန်းများကို ဇန်နဝါရီ ၂၂ရက်မှ ၂၉ ရက်နေ့အထိ နေပြည်တော်အပါအဝင် ကချင်ပြည်နယ်၊ တနင်္သာရီတိုင်းဒေသကြီး၊ ပဲခူး တိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ မွန်ပြည်နယ်၊ ရန်ကုန်တိုင်းဒေသကြီး၊ ရှမ်းပြည်နယ်နှင့် ဧရာဝတီတိုင်းဒေသကြီးတိုရှိ ခရိုင် (၃၅)ခုမှ မြို့နယ်ပေါင်း (၁၂၅)မြိုနယ်အတွင်း ရပ်ကွက်/ကျေးရွာအုပ်စုပေါင်း (၁၈၅)တို့တွင် အိမ်ခြေပေါင်း ၃၃၆၉၅ လုံး (၃၄၀၀၀ ကျော်)၊ အိမ်ထောင်စု ၄၃၆၉၁ စု(၄၃၀၀၀ ကျော်) လူဦးရေ ၁၂၂၁၇၂ ဦး(၁၂၀၀၀၀ ကျော်တို့အတွက် တစ်အိမ်တက်ဆင်း လိုက်လံ စစ်ဆေး/ သတိပေးခြင်းများနှင့် အသိပညာပေး ခြင်းများကို သန္ဓမေီးသတ်တပ်ဖွဲ့ဝင် (၉၆၂)ဦး၊ ဒေသအရန်မီးသတ်တပ်ဖွဲ့ဝင် (၆၆၇)ဦးတို့သည် ရပ်ကွက်/ ကျေးရွာအုပ်စု အုပ်ချုပ်ရေးအဖွဲများ၊ ရပ်မိရပ်ဖများနှင့်အတူ ပူးပေါင်း ဆောင်ရွက်နိုင်ခဲ့ကြောင်း သိရသည်။

အလားတူ မြန်မာနိုင်ငံမီးသတ်တပ်ဖွဲ့အနေဖြင့် ယခုနှစ် ဇန်နဝါရီရက်နေ့တွင်လည်း တစ်နိုင်ငံလုံးအတိုင်းအတာဖြင့် မီးဘေးလုံခြုံရေးဆိုင်ရာလုပ်ငန်းများကို ကျယ်ကျယ်ပြန့်ပြန့် လုပ်ဆောင်နိုင်ခဲ့ပြီး မြန်မာနိုင်ငံမီးသတ်တပ်ဖွဲ့ဌာနချုပ်နှင့် ရန်ကုန်တိုင်းဒေသကြီး မီးသတ်ဦးစီးမှူးရုံးတို၏ ဦးဆောင်မှုဖြင့် ဒဂုံမြိုသစ်(တောင်ပိုင်း)မြို့နယ်၊ အမှတ်(၁၈) (၂၁) (၂၃) (၂၄) (၅၄)ရပ်ကွက်များအတွင်းရှိ အဆင့်မြင့်လူနေအိမ်များ၊ အထပ်မြင့်အိမ်ရာများ၊ လူအများအပြား စုဝေးအပမ်းဖြေရာနေရာများ၊ စီးပွားရေးလုပ်ငန်းများနှင့် ၄မြိုနယ်အတွင်းရှိ စက်မှုဇုန် (၄)ခုရှိ စက်ရုံ/အလုပ်ရုံများကိုလည်း စစ်ဆေးအကြံပြုခြင်းများဆောင်ရွက်ခဲ့ကြောင်း သိရသည်။

ထို့အပြင် ယနေ့တွင်လည်း နိုင်ငံတော်၏ ကုန်ထုတ်အရင်းအနှီးများစီးဆင်း စုဝေးတည်ရှိရာရန်ကုန်တိုင်းဒေသကြီးအတွင်းရှိ ဈေးကြီးများကို ကွင်းဆင်းစစ်ဆေးဆောင်ရွက်သွားမည်ဖြစ်ကြောင်း သိရသည်။

#Local_News #မီးလောင်မှုအကြိမ်ရေ၁၈၀၀ကျော်ခန့် #ကျပ်သန်းပေါင်း၁၈၀၀၀ကျော်ခန့်ရှိခဲ့ #YMG/ NN #Yangon_Times