#Local_News
Published 2 February 2024 

တရုတ်နှစ်သစ်ကူးပွဲတော်ရက်အတွင်း ရန်ကုန်ကနေကူမင်းသို့ ပုံမှန်ခရီးစဉ်များသွားရောက်နိုင်မည် ဖြစ်သော်လည်းကုန်တင်လေယာဉ်ခရီးစဉ်ယာယီရပ်ဆိုင်းထားမည်ဖြစ်ကြောင်း MNA မြန်မာအမျိုးသားလေကြောင်းလိုင်းမှ သိရသည်။

MNA မြန်မာအမျိုးသားလေကြောင်းမှ တရုတ်နှစ်သစ်ကူးပွဲတော်ရက်များဖြစ်သော ၂၀၂၄ခုနှစ်၊ ဖေဖော်ဝါရီလ (၈) မှ (၁၀)ရက်နေ့အတွင်းတွင် ရန်ကုန် - ကူမင်း - ရန်ကုန်ကုန်ပစ္စည်းသယ်ဆောင်သည့်ခရီးစဉ်များအား ရပ်ဆိုင်းထားမည်ဖြစ်သည်ဟု အသိပေးထုတ်ပြန်ထားသည်။

Cargo နှင့်သက်ဆိုင်သည့် အသေးစိတ်အချက်အလက်များကို Logi Plus သိုဆက်သွယ်မေးမြန်းနိုင်သည်ဟုလည်းဖော်ပြထားသည်။

မြန်မာအမျိုးသားလေကြောင်း၏ ရန်ကုန် - ကူမင်း - ရန်ကုန် ခရီးစဉ်ကို သောကြာနေ့ နှင့် တနင်္ဂနွေနေ့များတွင် ပျံသန်းပြေးဆွဲလျက်ရှိပြီးOne Way Ticket Starts From USD 218++၊Round Trip Ticket Starts From USD 428++ကုန်ကျမည်ဖြစ်ကြောင်း သိရသည်။

မြန်မာအမျိုးသားလေကြောင်းနှင့်အတူ ဘန်ကောက်မြို့သို့သွားရောက်မည့် ခရီးသည်များအတွက် King Power Thailand မှ ၂၀၂၄ခုနှစ်၊ ဖေဖော်ဝါရီလ (၆) ရက်နေ့မှ (၁၈)ရက်နေ့အထိ ဘန်ကောက်မြို့တွင်းရှိ King Power Rangnam တွင် ကျင်းပပြုလုပ်မည့် တရုတ်နှစ်သစ်ကူးပွဲတော်တွင် စားသောက်ဖွယ်ရာများ၊ Chinese New Year အပြင်အဆင်များနှင့် အခြားပျော်စရာ အစီအစဉ်များကို တွေ့မြင်ခံစားနိုင်ရန် လာရောက်လည်ပတ်ဖို့ဖိတ်ခေါ်ထားပြီး MNA International Boarding Pass ပြရုံဖြင့် သတ်မှတ်ထားသော ပစ္စည်းများအနက်မှ ပစ္စည်း (၁)ခုအတွက် 10% Discount ရရှိနိုင်မည့်အပြင် နောက်အကြိမ် ပစ္စည်း (၁)ခု ထပ်မံဝယ်ယူရာတွင် အသုံးပြုရန် 20% Discount Coupon ရရှိနိုင်မည်ဖြစ်ကြောင်း သိရသည်။

#Local_News #တရုတ်နှစ်သစ်ကူးပွဲတော်ရက် #ကုန်တင်လေယာဉ်ခရီးစဉ်ယာယီရပ်ဆိုင်း #tthl #Yangon_Times

၂ ဖေဖော်ဝါရီ ၂၀၂၄

ဖေဖော်ဝါရီ (၁)ရက် ကြာသပတေးနေ့က မလေးရှားရှိ လူဝင်မှုကြီးကြပ်ရေး ထိန်းသိမ်းရေးစခန်းကနေ ဘင်္ဂလီ အများစု နှင့် မြန်မာနိုင်ငံသားတွေပါဝင်တဲ့ခိုးဝင်ရောက်ရှိလာသူ (၁၀၀) ကျော်ထွက်ပြေးခဲ့ရာမှာ တစ်ဦးဟာ ယာဉ်မတော် တဆမှုနှင့် သေဆုံးခဲ့ရပါတယ်။

နှစ်ပေါင်းများစွာအတွင်း ဒီလိုဖြစ်ရပ်မျိုးဖြစ်တာ ဒါဟာ ဒုတိယအကြိမ်ပါ။ ၂၀၂၂ခုနှစ် ဧပြီလတုန်းကလည်း မလေးရှား မြောက်ပိုင်း ကာဒါးပြည်နယ် ထိန်းသိမ်းရေးစခန်းကနေ ဘင်္ဂလီ ၅၈၂ ဦးထွက်ပြေးခဲ့ဖူးတဲ့အကြောင်း ရိုက်တာသတင်းဌာနက သတင်းရေးသားပါတယ်။ အဲဒီအချိန်တုန်းက ထွက်ပြေးသူတွေအထဲမှာ ခြောက်ဦးဟာ အမြန်လမ်းမပေါ် ယာဉ်တိုက်ခံရလို့ သေဆုံးခဲ့ကြရပါတယ်။

ယခုတစ်ကြိမ်မှာတော့ မလေးရှားနိုင်ငံ အနောက်ပိုင်းပီရတ်ပြည်နယ်က လူဝင်မှုကြီးကြပ်ရေးဌာန ထိန်းသိမ်းရေးစခန်းမှာ ကြာသပတေးနေ ဖေဖော်ဝါရီ ၁ ရက်ညပိုင်းက ဖြစ်ပွားခဲ့တာဖြစ်ပြီး စုစုပေါင်း ၁၃၁ ဦး ထွက်ပြေးခဲ့ကြပါတယ်လို့ လူဝင်မှုကြီး ကြပ်ရေးဌာန ညွှန်ကြားရေးမှူးချုပ် ရူစလင် ဂျုဆော့တ်က သတင်းထုတ်ပြန်ပါတယ်။

ထွက်ပြေးသွားသူတွေကို လိုက်လံရှာဖွေနေတယ်လို့လည်းသူကပြောပါတယ်။

ထွက်ပြေးသူတွေအထဲမှာ ဘင်္ဂလီ ၁၁၅ ဦးနှင့် အခြားမျိုးနွယ်ဝင် မြန်မာနိုင်ငံသား ၁၆ ဦးပါဝင်ပါတယ်လို့ မလေးရှား နိုင်ငံပိုင် သတင်းဌာန ဘာနာမားက  ပီရတ်ရဲဌာနကို ကိုးကား၍ သတင်းရေးသားပါတယ်။ သေဆုံးသူဟာ အမြန်လမ်းမကြီးပေါ်မှာ ထရပ်ကားတစ်စီးတိုက်မိလို့သေဆုံးခဲ့ရတာလို့ဆိုပါတယ်။

@ymg/knl

#Local_News
Published 2 February 2024

ပြည်တွင်းမှာ  ယခုကာလအတွင်း ကိုဗစ်-၁၉ ရောဂါအပတ်စဉ်ပိုးတွေ့ရှိရမှု အနည်းငယ်မြင့်တက်နေသည့်အတွက်ကျန်းမာရေးဝန်ကြီးဌာနမှ ထုတ်ပြန်ထားသည့် တစ်ကိုယ်ရေကာကွယ်ရေး စည်းမျဉ်းစည်းကမ်းများလိုက်နာရန် ကျန်းမာရေးဝန်ကြီးဌာနက  တိုက်တွန်း နှိုးဆော်ထားသည်။

၂၀၂၃ ခုနှစ်၊ ဒီဇင်ဘာလအတွင်း ကိုဗစ်-၁၉ မျိုးရိုးဗီဇပြောင်း အိုမီခရွန်ရောဂါပိုး JN.1 ကူးစက်မှုကြောင့် ဒေသတွင်းနှင့် အိမ်နီးချင်းနိုင်ငံအချို့တွင် ကိုဗစ်-၁၉ ရောဂါ ဖြစ်ပွားမှု များပြားခဲ့ပြီး ပြည်တွင်းမှာလည်း JN.1 ကူးစက်မှုအား အတည်ပြုတွေ့ရှိထားပြီးဖြစ်ကာ လတ်တလောကာလတွင် ကိုဗစ်-၁၉ ရောဂါအပတ်စဉ်ပိုးတွေ့ရှိရမှု အနည်းငယ်မြင့်တက်နေသည်ကိုတွေ့ရသောကြောင့် ယခုကဲ့သို့ကျန်းမာရေးစည်ကမ်းချက်များလိုက်နာရန် တိုက်တွန်းနှိုးဆော်ခြင်းဖြစ်ကြောင်း သိရသည်။

ထို့ကြောင့် မိဘပြည်သူများအနေဖြင့် ကိုဗစ်-၁၉ ရောဂါအပါအဝင် အသက်ရှူလမ်းကြောင်း ဆိုင်ရာရောဂါများ ကူးစက်ခံရခြင်းမှ ကာကွယ်နိုင်ရန်အတွက် ကျန်းမာရေးဝန်ကြီးဌာနမှ ထုတ်ပြန်ထားသည့် တစ်ကိုယ်ရေကာကွယ်ရေး စည်းမျဉ်းစည်းကမ်းများ အထူးသဖြင့် အောက်ပါအခြေအနေများတွင် ပါးစပ်နှင့်နှာခေါင်းစည်း (Mask)တပ်ဆင်သင့်ပါကြောင်း အသိပေးတိုက်တွန်းထားသည်။

(က)လူထူထပ်သောနေရာ၊ အလုံပိတ်နေရာ၊ လေဝင်/လေထွက် မကောင်းသော နေရာများတွင် ရှိနေချိန် (လူတစ်ဦးနှင့်တစ်ဦး ၃ ပေခြား၍ နေထိုင်ရန် မဖြစ်နိုင်သော အခြေအနေ)၊ (ခ) အများပြည်သူအသုံးပြုသော မော်တော်ယာဉ်၊ မီးရထား၊ သင်္ဘော၊ လေယာဉ်စသည့် ယာဉ်များဖြင့် ခရီးသွားလာခြင်း၊(ဂ) ဆေးရုံ/ကျန်းမာရေးဌာနများနှင့် ဘိုးဘွားရိပ်သာများသို့ သွားရောက်ခြင်း၊

(ဃ) ကိုဗစ်-၁၉ ရောဂါကူးစက်ခံရပါက ရောဂါပြင်းထန်နိုင်ခြေနှင့် သေဆုံးနိုင်ခြေ မြင့်မား သူများ (အသက်အရွယ်ကြီးသူများ၊ သွေးတိုးရောဂါ၊ နှလုံးရောဂါ၊ ဆီးချို၊ သွေးတိုးရောဂါ၊ နာတာရှည်အဆုတ်ရောဂါ၊ ကင်ဆာရောဂါ၊ ဦးနှောက်သွေးကြောဆိုင်ရာရောဂါ၊ ပန်းနာ ရင်ကျပ်ရောဂါရှိသူများ၊ ကိုယ်ခံအားနည်းသူများ၊ အဝလွန်သူများ၊ အကြောင်းအမျိုးမျိုးကြောင့် ကိုဗစ်-၁၉ ရောဂါကာကွယ်ဆေး ထိုးနှံထားခြင်းမရှိသူများ၊ အထွေထွေ ကျန်းမာရေး မကောင်းသူများ)၊(င) ကိုဗစ်-၁၉ ရောဂါနှင့် အသက်ရှူလမ်းကြောင်းဆိုင်ရာရောဂါလက္ခဏာများဖြစ်သော ဖျားခြင်း၊ နှာစေးခြင်း၊ နှာချေခြင်း၊ ချောင်းဆိုးခြင်း၊ လည်ချောင်းနာခြင်း စသည့် လက္ခဏာများရှိခြင်း တို့ တွင် နှာခေါင်းစည်း
Mask တပ်ဆင်သင့်ကြောင်း တိုက်တွန်းထားသည်။

ထို့အပြင် ကိုဗစ်-၁၉ ရောဂါ ထပ်ဆောင်းကာကွယ်ဆေး ထိုးနှံမှုခံယူခြင်းဖြင့် ကိုဗစ်-၁၉ ရောဂါ ပြင်းထန်နိုင်ခြေနှင့် သေဆုံးနိုင်ခြေအား လျှော့ချနိုင်သည်ဖြစ်၍ ရောဂါကူးစက်ခံရပါက ရောဂါပြင်းထန် နိုင်ခြေနှင့် သေဆုံးနိုင်ခြေ မြင့်မားသော အသက်အရွယ်ကြီးသူများ၊ နာတာရှည်ရောဂါ အခံရှိသူများနှင့် ကိုယ်ခံအားနည်းနေသူများအနေဖြင့် ကိုဗစ်-၁၉ ရောဂါ ထပ်ဆောင်းကာကွယ်ဆေးထိုးနှံမှု ခံယူကြရန် နှင့် ကိုဗစ်-၁၉ ရောဂါနှင့် အသက်ရှူလမ်းကြောင်းဆိုင်ရာရောဂါလက္ခဏာ တစ်ခုခု ခံစားနေရပါက အခြားသူများသို့ ကူးစက်မှုမရှိစေရေး လူထူထပ်သော နေရာများနှင့် အလုံပိတ်နေရာများသို့ သွားလာ ခြင်းမှ ရှောင်ကြဉ်ကြရန်နှင့် မသက်သာပါက နီးစပ်ရာကျန်းမာရေးဌာနများ၌ လိုအပ်သော ဆေးကုသမှု ခံယူကြရန် တိုက်တွန်းနှိုးဆော်ထားသည်။

#Local_News #တစ်ကိုယ်ရေကာကွယ်ရေး #စည်းမျဉ်းစည်းကမ်းများလိုက်နာရန်တိုက်တွန်း  #YMG/LW #Yangon_Times

#World_Military
Published 02 February 2024

ဂါဇာကမ်းမြောင်မှာ အပစ်အခတ်ရပ်စဲရေးနဲ့ ဓားစာခံလွှတ်ပေးရေးအတွက် အဆိုပြုချက်တစ်ရပ်ကို ပါလက်စ်တိုင်း စစ်သွေးကြွ ဟားမတ်စ်အဖွဲ့က ကနဦးအပြုသဘောဆောင်တဲ့ အတည်ပြုချက် ဖော်ပြလိုက်ကြောင်း ကာတာနိုင်ငံက ဖေဖော်ဝါရီ ၁ ရက်နေ့မှာ ထုတ်ဖော်ပြောကြားလိုက်ပြီး အစ္စရေးလ်နဲ့ ဟားမတ်စ်တို့ရဲ့စစ်ပွဲနဲ့ ပတ်သက်ပြီး နောက်ဆုံးတိုးတက်မှု အခြေအနေ မြင်တွေ့လာရပါတယ်။

ပဲရစ်မှာကျင်းပတဲ့ အစည်းအဝေးပွဲက ငြိမ်းချမ်းရေး အဆိုပြုချက်များကို ခိုင်မာစေဖို့ အထောက်အကူပြုတယ်လို့ တနင်္ဂနွေနေ့က ကာတာ၊ အမေရိကန်၊ အစ္စရေးလ်၊ အီဂျစ်အရာရှိများ ပါဝင်ဆွေးနွေးတဲ့ပွဲမှာ ကာတာနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ မာဂျစ်အယ်အန်ဆာရီက ပြောကြားလိုက်ပါတယ်။

ထိုအဆိုပြုချက်ကို အစ္စရေးလ်ဘက်က အသိအမှတ်ပြုထားပြီးဖြစ်ပြီး အခုဆိုရင် ဟားမတ်စ်ဘက်မှလည်း ကနဦးအပြုသဘောဆောင်တဲ့ အတည်ပြုချက်များ ရရှိထားပါပြီလို့ ဆိုပါတယ်။

လာမယ့်ရက်သတ္တပတ်များအတွင်း အတိုက်အခိုက်ရပ်စဲဖွယ်ရှိတဲ့ မျှော်လင့်ချက်တွေ ရှိလာတယ်လို့ ဆိုလိုက်ပါတယ်။

ဒါပေမဲ့ အဆိုပြုချက်အစီအစဥ်နဲ့ ပတ်သက်ပြီး ဘုံသဘောတူညီချက် မရသေးဘူးလို့ ဟားမတ်စ်အဖွဲ့က ပြောပါတယ်။

ဒီအတွက် သဘောတူညီချက် မရသေးသလို အရေးကြီးတာကို လေ့လာစောင့်ကြည့်ရဦးမှာဖြစ်ပြီး ကာတာဘက်က အလျင်စလို ထုတ်ပြန်လိုက်တာဖြစ်ကာ မှန်ကန်ခြင်းမရှိပါဘူးလို့ ဟားမတ်စ်နဲ့နီးစပ်တဲ့ သတင်းရင်းမြစ်ဖော်ပြချက်ကို AFP သတင်းဌာနက ဖော်ပြခဲ့ပါတယ်။

ရှေ့ဆက်ရမယ့် ခရီးက အလွန်ကြမ်းတမ်းနေဆဲ ဖြစ်တယ်လို့ ကာတာနိုင်ငံခြားရေး ဝန်ကြီးဌာနမှ ပြောရေးဆိုခွင့်ရှိသူက ပြောပြပါတယ်။

နှစ်ဖက်စလုံးကနေ အတိုက်အခိုက် ရပ်စဲရေးဆီ ဦးတည်နေတဲ့ အခြေအနေကို သဘောတူထားပြီလို့ အပြုသဘောဆောင် မြင်နေရပါတယ်လို့ ဆိုပါတယ်။

အမေရိကန်၊ အီဂျစ်၊ ကာတာတို့မှ ဖျန်ဖြေညှိနှိုင်းရေး ကိုယ်စားလှယ်များက ပဲရစ်မှာ အစ္စရေးလ်ထောက်လှမ်းရေး အရာရှိများနဲ့ တွေ့ဆုံကာ ဟားမတ်စ်တို့ ပြန်လည်သုံးသပ်ဖို့အတွက် ၆ ပတ်ကြာရပ်စဲရေးနဲ့ ဓားစာခံ အကျဥ်းသား လဲလှယ်ရေးတို့ကို အဆိုပြုတင်ပြခဲ့ကြပါတယ်။

ကာတာဟာ စေ့စပ်ညှိနှိုင်းရေးမှာ အဓိကကဏ္ဍမှ ပါဝင်နေပြီး နိုဝင်ဘာလက ဓားစာခံလွှတ်ပေးရေးမှာလည်း ကြားခံညှိနှိုင်းပေးခဲ့ပါတယ်။

ပဲရစ်မှာပြုလုပ်တဲ့ ညှိနှိုင်းမှုက အပစ်အခတ်ရပ်စဲရေး ဖြစ်နိုင်ခြေနဲ့ ပဋိပက္ခပြေလည်ရေးတို့အတွက် အလွန်အရေးပါတဲ့ ခြေလှမ်းအဖြစ် ရှုမြင်နိုင်ပါတယ်။

#World_Military #ငြိမ်းချမ်းရေးအစီအစဥ် #ကြားဝင်ညှိနှိုင်းသည့်ကာတာပြော #Source: WION

#World_Health
Published 02 February 2024 

အိပ်နေစဥ် အချိန်ခဏတာ အသက်ရှူရပ်ခြင်းမျိုး အကြိမ်များစွာ ခံစားရခြင်းလက္ခဏာ (OSA)ဟာ အလွန်အန္တရာယ်များပါတယ်။ 

ဒီလက္ခဏာကြောင့် နေ့ဘက်မှာ အိပ်ငိုက်ခြင်း ခံစားရတတ်တဲ့အပြင် နှလုံးသွေးကြောရောဂါ၊ နှလုံးရောဂါ၊ နှလုံးဖောက်ခြင်း၊ လေဖြတ်ခြင်းတို့ပါ ဖြစ်နိုင်ခြေ များပါတယ်။ 

အိပ်ပျော်နေစဥ် အသက်ရှူရပ်ခြင်းကြောင့် နှလုံးခုန်မမှန်ခြင်းလည်း ဖြစ်နိုင်ခြေများပါတယ်။ 

ကားမောင်းနေစဥ် အိပ်မငိုက်အောင် နည်းလမ်းတွေ အသုံးပြုတတ်ကြပြီး OSA ကြောင့် အလွန်အကျွံငိုက်မျဥ်းကြတာ ဖြစ်ပါတယ်။ 

ထိုလက္ခဏာခံစားရသူတွေဟာ ကျယ်လောင်စွာ ဟောက်တတ်သလို ကြိမ်ဖန်များစွာ နိုးလာတတ်ပါတယ်။ 

လူ ၅ ယောက်မှာ ၁ ယောက်နှုန်းက ထိုလက္ခဏာ ခံစားကြရပေမယ့် အများစုက ဖြစ်မှန်းမသိကြပါဘူး။ 

လမ်းပေါ်မှာ ယာဥ်တိုက်မှုဖြစ်စဥ် ၅ ကြိမ်ဖြစ်ရင် တစ်ကြိမ်က ငိုက်မျဥ်းနွမ်းနယ်မှုကြောင့် ဖြစ်ကြောင်း အသက်ရှူလမ်းကြောင်း အကြံပေး ဒေါက်တာအက်ရှေးဒွာရာကန်နက်က ဆိုပါတယ်။ 

OSA လက္ခဏာဖြစ်တဲ့ လူ ၁၁၉ ဦးနဲ့ လက္ခဏာမရှိတဲ့ လူ ၁၀၅ ဦးတို့ကို နှိုင်းယှဥ်လေ့လာခဲ့ပြီး အိပ်ငိုက်တတ်တဲ့ အကျင့်တွေ၊ ယာဥ်မောင်းနှင်ရာမှာ နိုးကြားနေအောင် ကျင့်ကြံပုံတွေကို မေးမြန်းခဲ့ပါတယ်။ 

OSA လက္ခဏာရှိသူတွေက အိပ်မငိုက်စေရန် နည်းလမ်းများ ပိုပြီးအသုံးပြုရတာကို တွေ့ရှိခဲ့ကြပါတယ်။ 

သူတို့တွေ အသုံးပြုတဲ့ နည်းလမ်းတွေထဲမှာ ကားပြတင်းပေါက်ဖွင့်ခြင်း၊ ကော်ဖီသောက်ခြင်း၊ ရေဒီယိုဖွင့်ခြင်း၊ သီချင်းဆိုခြင်း၊ ထိုင်ပုံပြောင်းခြင်း၊ ပီကေဝါးခြင်း၊ လမ်းဆင်းလျှောက်ခြင်း၊ လေ့ကျင့်ခန်းလုပ်ခြင်း၊ တရေးအိပ်ခြင်း၊ ရေအေးဖြင့် မျက်နှာသစ်ခြင်းတို့ ပြုလုပ်တတ်ကြပါတယ်။ 

ယာဥ်မောင်းနှင်ရန် အန္တရာယ်အလွန်များတယ်ဆိုရင်တော့ မမောင်းနှင်စေဖို့ ဆရာဝန်တွေက တိုက်တွန်းကြပါတယ်။ 

OSA လက္ခဏာက လူတွေမှာ အဖြစ်များပြီး နေထိုင်မှုဘဝကို ထိခိုက်နိုင်ကာ နှလုံးသွေးကြောရောဂါများ ဖြစ်လာနိုင်ခြေ ရှိတယ်လို့ ဇူးရစ်တက္ကသိုလ်ဆေးရုံမှ ဒေါက်တာ အက်စ်သာရှဝါ့ဇ်က ပြောပြပါတယ်။ 

ထိုလက္ခဏာကြောင့် မလန်းဆန်းခြင်း၊ အာရုံစူးစိုက်ရ ခက်ခဲခြင်း၊ ပင်ပန်းနွမ်းနယ်ခြင်းတို့လည်း ဖြစ်တတ်ပါတယ်။ 

အခုအချိန်မှာတော့ ထိုရောဂါလက္ခဏာကို သိရှိလာကြပြီဖြစ်သလို အခြေအနေအပေါ် မူတည်ပြီး ကုသနည်းအမျိုးမျိုး ရှိလာပြီဖြစ်ပါတယ်။ 

#World_Health #အိပ်ပျော်နေစဥ်အသက်ရှူရပ်ခြင်း #အသက်အန္တရာယ်ဖြစ်စေ #Source: The Jerusalem Post

#World_Health
Published 02 February 2024 

ဘိုထိုင်အိမ်သာကို အဖုံးပိတ်ပြီး ရေဆွဲချရင်လည်း ရောဂါပိုးမွှားအသေးတွေ ပျံ့နှံ့တာကို မရပ်တန့်နိုင်ဘူးလို့ Infection Control အမေရိကန်ဂျာနယ်မှာ ဖော်ပြထားပါတယ်။ 

အိမ်သာအဖုံးကို ပိတ်လျက်ဖြစ်စေ ဖွင့်လျက်ဖြစ်စေ ရေဆွဲချတဲ့အခါ အိမ်သာအနှံ့မှာ အဏုဇီဝ ဗိုင်းရပ်စ်အမှုန်တွေကို သုတေသီများ တွေ့ရှိခဲ့ကြပါတယ်။ 

လူတွေက အိမ်သာအဖုံးပိတ်ပြီး ရေဆွဲချလိုက်ရင် ပြဿနာမရှိတော့ဘူးလို့ ဆိုကြပေမယ့် ထွက်သွားတဲ့လေထဲကနေ ဗိုင်းရပ်စ်တွေ ပါလာတယ်လို့ အဏုဇီဝပညာရှင်နဲ့ ဦးဆောင်သုတေသီ ချားလ်စ်ဂါဘာက USA Today ကို ပြောကြားလိုက်ပါတယ်။ 

အဖုံးပိတ်ရင် ရောဂါပိုးမွှားပျံ့နှံ့မှု လျော့ကျတယ်ဆိုတာက ဗိုင်းရပ်စ်အမှုန်အကြီးတွေကို လေ့လာထားတာ ဖြစ်ပါတယ်။ 

အဖုံးပိတ်ထားလည်း ရောဂါပိုးမွှားပျံ့နှံ့ခြင်းကို မလျှော့ချနိုင်ပေမယ့် ပိုးမွှားတွေထွက်သွားတဲ့ လမ်းကြောင်းတော့ ပြောင်းလဲသွားတယ်လို့ ဆိုကြပါတယ်။ 

အဖုံးပိတ်လိုက်တဲ့အခါ ဘိုထိုင်ရဲ့ ဘယ်ဘက်နဲ့ အရှေ့ဘက်တို့မှာ ကူးစက်မှု အနည်းငယ်များပြီး ညာဘက်မှာ အနည်းငယ်လျော့နည်းပါတယ်။ 

အိမ်သာအဖုံး ပိတ်တာဖွင့်တာကို ဂရုစိုက်နေမယ့်အစား ရောဂါပိုးမွှား လျှော့ချချင်တယ်ဆိုရင် အိမ်သာ၊ သုံးရေ၊ အနီးအနား မျက်နှာပြင်တွေကို ပိုးမွှားသန့်စင်ခြင်းက အကောင်းဆုံးနည်းလမ်း ဖြစ်တယ်လို့ တွေ့ရှိထားပါတယ်။ 

အိမ်သာအိုးကို ဘရပ်ရှ်၊ ဟိုက်ဒရိုကလိုရစ်အက်ဆစ် ပိုးမွှားသန့်စင်ဆေးတို့ဖြင့် တိုက်ချွတ်ပါက ပိုမိုသန့်ရှင်းစေပါတယ်။ 

အိမ်သာသန့်ရှင်းရေးလုပ်ပြီးပါက လက်ကို အနည်းဆုံး စက္ကန့် ၂၀ ကြာအောင် ဆေးကြောသင့်တယ်လို့လည်း ပညာရှင်များ အကြံပြုထားပါတယ်။ 

ဒါ့အပြင် သွားတိုက်တံ၊ အလှကုန်ပစ္စည်းတို့ကိုလည်း အိမ်သာမှာမထားသင့်သလို လက်ကိုင်ဖုန်း အသုံးမပြုသင့်ဘူးလို့ အကြံပြုထားပါတယ်။ 

#World_Health #ဘိုထိုင်အိမ်သာရေဆွဲချ #ကျွမ်းကျင်သူများလေ့လာရှင်းလင်း #Source: New York Post

https://www.facebook.com/theyangontimes/videos/929742865234137

#Daily_News
Published_ 1 February 2024

၁။ ချစ်သူများနေ့ Valentine Day နီးလာသော်လည်း နှင်းဆီပင်များရောင်းအားမတက်၊ ဈေးမတက်သေး

၂။ ကွမ်းအထွက်နှုန်း‌လျော့ကျပြီး ဈေးစံချိန်တင်မြင့်တက်

၃။ အခြားဒေသထွက် ကုန်စိမ်းများ ဈေးကွက်အဝင်များလာသဖြင့် ရှမ်းပြည်ထွက်ကုန်စိမ်းများ ဈေးထိုးကျ

၄။ အာဖဂန်နစ္စတန်၏နိုင်ငံခြားပိုင်ဆိုင်မှုများ ပြန်လည်ပေးအပ်ရန်နှင့်တဖက်သတ်ပိတ်ဆို့မှုများဖယ်ရှားပေးရန် အာဖဂန်ယာယီနိုင်ငံခြားရေးဝန်ကြီးမှ အမေရိကန်အားတောင်းဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

"ချစ်သူများနေ့Valentine Day နီးလာချိန်မှာ ချစ်သူ စုံတွဲတွေအ‌နေနဲ့နှင်းဆီပန်းတွေကိုသာ အဝယ်များပြီး နှင်းဆီအပင်လိုက်ကိုပေးတဲ့သူရှားသလို မိသားစုကိုသာ နှင်းဆီပင်တွေပေးတာများတဲ့အတွက် ရောင်းအား သိသိသာသာမတက်သေးဘူး" မန္တလေးအခြေစိုက် ဝင်းရတနာပျိုးဥယျာဉ်မှ တာဝန်ရှိသူတစ်ဦး
#Lcoal_News
Published_ 1 February 2024
#Valentine_Day #နှင်းဆီပင်ရောင်းအားမတက်သေး
#tthl #Yangon_Times

"သိန်း(၅၀၀၀)ကံထူးသူဟာ အခြေခံလူတန်းစားသက်ကြီးရွယ်အို အမျိုးသမီးကြီးတစ်ဦးဖြစ်ပြီး မကွေးအခြေစိုက်ဟိန်းဓနထီ‌ဆိုင်မှ ဆိုင်ခွဲ ဖွင့်လှစ်ထားတဲ့ ချောက်မြို့ရှိဟိန်းဓနထီဆိုင်မှာ ထိုးရင်း ပေါက်သွားခဲ့တာဖြစ်တယ်"
ဟိန်းဓနထီဆိုင်မှတာဝန်ရှိသူတစ်ဦး
#Lcoal_News
Published_ 1 February 2024
#သိန်း(၅၀၀၀)ဆု #အမျိုးသမီးကြီးဆွတ်ခူး
#tthl #Yangon_Times

#Local_New
Published 1 February 2024

ရန်ကုန်တိုင်းဒေသကြီး ဒဂုံမြို့နယ်၊ ပြည်သူ့ရင်ပြင်နှင့် ပြည်သူ့ဥယျာဉ်အတွင်း  အင်ဂျင်နီယာဌာန (ရေနှင့်သန့်ရှင်းမှု) မှ တည်ဆောက်လျက်ရှိသည့် ရေဂါလန် (၂) သိန်းဆံ့ မြေအောက်ရေလှောင်ကန်နှင့် ရေတွန်းစက်ရုံကိုလာမည့်သင်္ကြန်ပွဲတော် တွင် အသုံးပြုနိုင်ရန်အတွက် အချိန်မီတည်ဆောက်နေကြောင်း ရန်ကုန်မြို့တော်စည်ပင်သာယာရေးကော်မတီထံက သိရသည်။

အဆိုပါ ရေဂါလံ (၂) သိန်းဆံ့ မြေအောက်ရေလှောင်ကန်သည် အလျား ၈၀ပေ၊ အနံ ၄၀ပေ၊ အနက် ၁၁ပေရှိ၍ ရေတွန်းစက်ရုံသည် အလျား ၄၀ပေ၊ အနံ ၁၈ပေရှိပြီး 30 HP (22kW) စက် (၄) လုံးဖြင့် ဆောင်ရွက်သွားမည်ဖြစ်ကြောင်းသိရသည်။

ရေလှောင်ကန်အတွင်းသို့ မြေအောက်ရေရယူ၍ ဖြည့်သွင်းသိုလှောင်မည် ဖြစ်ပြီး အများပြည်သူ ပွဲလမ်းသဘင်အခမ်းအနားများတွင် အသုံးပြုခြင်းအပြင် အရန်ရေအတွက်ပါ စုဆောင်းထားနိုင်မည်ဖြစ်ရာ မကြာမီကျ‌ရောက်မည့် မြန်မာ့ရိုးရာမဟာသင်္ကြန်‌ ရေသဘင်ပွဲတော်အတွက်ပါ အသုံးပြုနိုင်ရေး အချိန်မီတည်ဆောက်ခြင်းဖြစ်ကြောင်း သိရသည်။

#YMG/LW #Yangon Time

#Local_New
Published 1 February2024

ပြီးခဲ့သည့် ဇန်နဝါရီလအတွင်းကထိုင်းနိုင်ငံသို့ MoU စနစ်ဖြင့်အလုပ်သမား ၃၆,၀၀၀ ကျော်စေလွှတ်ထားကြောင်းအလုပ်သမားဝန်ကြီးဌာနမှသိရသည်။

ဇန်နဝါရီ ၃၁ ရက်နေ့က မြန်မာပြည်ပအလုပ်အကိုင်လုပ်ငန်းရှင်များအသင်း(MOEAA)မှအမှုဆောင်အဖွဲ့ဝင်များနှင့် တွေ့ဆုံစဉ် ၂၀၂၄ ခုနှစ် ဇန်နဝါရီလအတွင်း၌ ထိုင်းနိုင်ငံသို့MOUစနစ်ဖြင့် အလုပ်သမား ၃၆၄၂၂ယောက်စေလွှတ်ခဲ့ပြီး ပြည်ပအလုပ်အကိုင်ရရှိအောင် ဆောင်ရွက်ပေးနိုင်ခဲ့ကြောင်း အလုပ်သမားဝန်ကြီးဌာန ပြည်ထောင်စုဝန်ကြီး ဦးမြင့်နောင်‌မှပြောကြားခဲ့ခြင်းဖြစ်သည်။

အဆိုပါကဲ့သို့စေလွတ်ရန်အလုပ်ခေါ်စာများကို အွန်လိုင်းစနစ်ဖြင့်လက်ခံဆောင်ရွက်ပေးနေခြင်းဖြစ်ကာ ဇန်နဝါရီလအတွင်းက အလုပ်ခေါ်စာ အစောင်ရေ ၁၁၂၆ စောင်ရှိခဲ့ရာတွင်အလုပ်သမား ၃၆၄၂၂ယောက်ကိုပြည်ပအလုပ်အကိုင် ရရှိရန်ဆောင်ရွက်ပေးခဲ့ပြီးဖြစ်‌ကြောင်းသိရသည်။

ထို့အပြင် ထိုင်းနိုင်ငံကိုသွားရောက်မည့် MoU အလုပ်သမားများအဆင်ပြေစေရန် ရန်ကုန်-ဒွန်မောင်း လေကြောင်း ခရီးဖြင့်စေလွှတ်ခွင့်ပြုရန် ဆောင်ရွက်ပေးသွားမည်ဖြစ်ကြောင်းပြောကြားခဲ့သည်ဟုသိရသည်။

ပြည်ပနိုင်ငံပေါင်း ၉၄ နိုင်ငံတွင် မြန်မာနိုင်ငံမှ လုပ်သား ၁၇ သိန်းကျော် သွားရောက်လုပ်ကိုင်‌နေကြကြောင်း အလုပ်သမားဝန်ကြီးဌာနမှသိရသည်။

မြန်မာနိုင်ငံမှ တဆင့်ပြည်ပနိုင်ငံများသို့ အလုပ်သမားစေလွတ်မှုတွင် ထိုင်းနိုင်ငံသို့ အများဆုံးစေလွတ်ထားပြီး
မလေးရှားနိုင်ငံသို့ဒုတိယအများဆုံးစေလွတ်ထားခြင်းဖြစ်ကြောင်းသိရသည်။
#YMG/NN #Yangon-Times

#World_Military
Published 01 February 2024 
အီရန်ဟာ အမေရိကန်နဲ့ ထိပ်တိုက်စစ်ရေးရင်ဆိုင်ဖို့ကို ကြောက်ရွံ့နေမှာ မဟုတ်ဘူးလို့ အစ္စလာမ်တော်လှန်ရေး အစောင့်အကြပ်တပ်ဖွဲ့မှ တပ်မှူးချုပ် ဟိုစိန်ဆယ်လာမီက ဇန်နဝါရီ ၃၁ ရက်နေ့မှာ ပြောကြားလိုက်ပါတယ်။ 
အမေရိကန်ရဲ့ ခြိမ်းခြောက်မှုတွေကို မတုန့်ပြန်ဘဲနေမှာ မဟုတ်သလို အီရန်က အမေရိကန်နဲ့ စစ်ဖြစ်ဖို့ မရည်ရွယ်ဘူးလို့လည်း ပြောကြားလိုက်ပါတယ်။ 

‘’အမေရိကန် အရာရှိတွေ အီရန်ကို ပစ်မှတ်ထားတာနဲ့ ပတ်သက်ပြီး ကြားထားပါတယ်။ တစ်ယောက်နဲ့ တစ်ယောက် အကဲစမ်းနေကြတာ သိပါတယ်။ ခြိမ်းခြောက်မှုတွေကို ငြိမ်ခံနေမှာ မဟုတ်သလို စစ်ပွဲဖြစ်ချင်နေတာလည်း မဟုတ်ပါဘူး။ စစ်ဖြစ်မှာကို ကြောက်ရွံ့နေမှာ မဟုတ်ပါဘူး။ ဒါအမှန်တရားပါပဲ’’ လို့ ပြောသွားပါတယ်။ 

ဂျော်ဒန်နိုင်ငံမှာ ဒရုန်းတိုက်ခိုက်မှုကြောင့် အမေရိကန်တပ်သား ၃ ဦးသေဆုံးခဲ့တာကို သမ္မတ ဂျိုးဘိုင်ဒင်က တုန့်ပြန်ဖို့ဆုံးဖြတ်လိုက်ကြောင်း ကြေညာခဲ့ပြီး နောက်တစ်နေ့မှာပဲ ဟိုစိန်ဆယ်လာမီက အခုလို ပြောကြားလာတာ ဖြစ်ပါတယ်။
 
ဒါပေမဲ့ ဘိုင်ဒင်အစိုးရအဖွဲ့ကပင် အီရန်နဲ့ စစ်ပွဲမဖြစ်ပွားလိုဘူးလို့ အထူးတလည် ပြောကြားထားပါတယ်။ 

အမေရိကအနေဖြင့် ခြိမ်းခြောက်တဲ့ အသုံးအနှုန်းတွေ ရပ်တန့်ရမှာဖြစ်ပြီး နိုင်ငံရေးအရ ဖြေရှင်းချက်ရရှိဖို့ ကြိုးပမ်းသင့်ပြီး အီရန်ကတော့ ခြိမ်းခြောက်မှုကို ပြတ်ပြတ်သားသား အလျင်အမြန် တုန့်ပြန်မှာဖြစ်တယ်လို့ အီရန်နိုင်ငံခြားရေးဝန်ကြီး ဟိုစိန်အေမီယာအက်ဒိုလာဟန်က ပြောကြားခဲ့ကြောင်း IRNA တရားဝင်သတင်းဌာနက ဖော်ပြခဲ့ပါတယ်။ 

အမေရိကန် ကာကွယ်ရေးဝန်ကြီး လွိုက်အော်စတင်က အမေရိကန်တပ်သားတွေကို ကာကွယ်ဖို့အတွက် လိုအပ်တဲ့ အတိုင်းအတာအားလုံး ဆောင်ရွက်သွားမယ်လို့ တနင်္လာနေ့က ဆိုလိုက်ပါတယ်။ 

ဂျော်ဒန်နိုင်ငံမှာ အီရန်နောက်ခံပြု စစ်သွေးကြွများမှ ဒရုန်းဖြင့်တိုက်ခိုက်တာကြောင့် အမေရိကန် တပ်သားများ သေဆုံးတာနဲ့ ပတ်သက်ပြီး အီရန်ဘက်က ဆက်စပ်မှုမရှိဘူးလို့ ငြင်းဆိုထားပါတယ်။ 

အစ္စရေးလ်-ဟားမတ်စ် ပဋိပက္ခနောက်ပိုင်း အနောက်အာရှမှာ တင်းမာမှုမြင့်တက်နေပြီး ဆီးရီးယား၊ အီရတ်၊ လက်ဘနွန်၊ ယီမင်တို့မှ အီရန်နောက်ခံပြုတပ်ဖွဲ့များလည်း ပါဝင်လာပါတယ်။ 

#Source: WION