Published 27 January 2024

အိန္ဒိယ-မြန်မာ နှစ်နိုင်ငံကုန်သွယ်မှုတွင်  Special Rupee Vostro Account (SRVA) ကို အသုံးပြုပြီး ရူပီး/ကျပ် တိုက်ရိုက်ငွေပေးချေမှုစနစ်ကို လာမယ့် ဖေဖော်ဝါရီလမှာ စတင်နိုင်မည်ဖြစ်ကြောင်း မြန်မာနိုင်ငံတော်ဗဟိုဘဏ်၊ ဥက္ကဋ္ဌ ဒေါ်သန်းသန်းဆွေက ပြောကြားသည်။

  မြန်မာနိုင်ငံတော်ဗဟိုဘဏ်၏ ဦးဆောင်မှုဖြင့် အိန္ဒိယ-မြန်မာ နှစ်နိုင်ငံကုန်သွယ်မှုတွင် Special Rupee Vostro Account (SRVA)ကို အသုံးပြု၍ ရူပီး/ကျပ်ဖြင့် တိုက်ရိုက်ငွေပေးချေမှုလုပ်ငန်း စတင်အကောင်အထည်ဖော် ဆောင်ရွက်နိုင်ရေးအတွက် Rupee/ Kyat Trade Settlement Mechanism အား ရှင်းလင်းတင်ပြခြင်းဆိုင်ရာ အစည်းအဝေးကို ဇန်နဝါရီ ၂၆ရက် ညနေ ၄ နာရီတွင် မြန်မာနိုင်ငံတော်ဗဟိုဘဏ် နေပြည်တော်၌ ကျင်းပခဲ့ရာတွင် ယခုကဲ့သို့ပြောကြားခဲ့ခြင်းဖြစ်သည်။

  ယခုကဲ့သို့ အကောင်အထည်ဖော် ဆောင်ရွက်နိုင်ခြင်းအားဖြင့် အိန္ဒိယနိုင်ငံမှ အဓိက တင်သွင်းနေသည့် ဆေးဝါးနှင့် ကုန်စည်များအတွက် ပေးချေရသည့် အမေရိကန်ဒေါ်လာလိုအပ်ချက် လျော့နည်းသွားခြင်း၊ ကုန်သွယ်မှုအတွက် ငွေပေးချေမှု ပိုမိုလွယ်ကူစေခြင်း၊ ကုန်စည်စီးဆင်းမှု ပိုမိုအားကောင်းလာပြီး ထင်သာမြင်သာ ရှိလာစေခြင်း၊ နှစ်နိုင်ငံဆက်ဆံရေး ပိုမိုကောင်းမွန်လာစေခြင်းစသည့် အကျိုးကျေးဇူးများ ရရှိစေမည်ဖြစ်ကြောင်းယင်းကဆက်လက် ပြောကြားသည်။

 ရူပီး/ကျပ် ပေးချေမှုအတွက် ဆောင်ရွက်ခွင့်ပြုထားသည့်ဘဏ် (Designated Bank) များဖြစ်သည့် ယူအေဘီဘဏ်လီမိတက်နှင့် CB Bank PCL နှင့် Punjab National Bank တို့ဖြစ်ကြောင်း သိရသည်။

  အဆိုပါ အစည်းအဝေးသို့ မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌများ၊ ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး ဗဟိုကော်မတီ တွဲဖက်အတွင်းရေးမှူး၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ပြည်တွင်းအခွန်များဦးစီးဌာန၊ အကောက်ခွန်ဦးစီးဌာနနှင့် မြန်မာ့စီးပွားရေးဘဏ်တို့မှ အဆင့်မြင့်အရာထမ်းများ၊ ရူပီး/ကျပ် ပေးချေမှုဆိုင်ရာလုပ်ငန်းကော်မတီအဖွဲ့ဝင်များ၊ ဆောင်ရွက်ခွင့်ပြုထားသည့်ဘဏ် (Designated Bank) တို့မှ တာဝန်ရှိသူများ တက်ရောက်ခဲ့ကြကြောင်း သိရသည်။
Yangon Times/LW
#Local_News
#Published_ 27 January 2024
#YMG #Yangon_Times #Yangon_Media_Group

မနက်ဖြန် ရန်ကုန်တိရစ္ဆာန်ဥယျာဉ်၏ (၁၁၈)နှစ်ပြည့်ပွဲတော်‌နောက်ဆုံးနေ့ဆက်လက်ကျင်းပမည် "မနက်ဖြန် ဇန်နဝါရီလ (၂၈)ရက်နေ့ဟာ ပွဲတော် နောက်ဆုံးနေ့ဖြစ်ပြီး ပွဲတော်ရက်အတွင်း ဖျော်ဖြေရေးအစီအစဉ်‌တွေအနေနဲ့ တိရစ္ဆာန်လိမ္မာလေးတွေနဲ့အတူ ဓာတ်ပုံရိုက်ကူးတာ၊ Magic Show နဲ့Music Band ဖျော်ဖြေတဲ့ အစီအစဉ်တွေပါဝင်ပါတယ်။" Yangon Zoo
Yangon Times/tthl
#Local_News
#Published_ 27 January 2024
#YMG #Yangon_Times #Yangon_Media_Group

' ရှမ်းပြည်နယ်၊ တောင်ပိုင်း ဆီဆိုင်မြို့နဲ့အနီးတဝိုက်က တိုက်ပွဲရှောင်တွေကြောင့် တောင်ကြီး အိမ်ခြံမြေဈေးကွက်ထဲမှာ အငှားအပြင် အဝယ်ပါလိုက်ပြီး ဆက်လက်လှုပ်ခတ်နေတယ်လို့ တောင်ကြီးအိမ်ခြံမြေ အကျိုးဆောင်တွေဆီက သိရပါတယ်။ '
Yangon Times/
#Local_News
#Published_ 27 January 2024
#YMG #Yangon_Times #Yangon_Media_Group

Published 27 January 2024

ဘီလျံနာသူဌေးကြီး ဘားနက်ဒ်အာနော့ဟာ တက်စ်လာစီအီးအို အီလွန်မက်စ်ကို ကျော်လွန်ပြီး ကမ္ဘာ့အချမ်းသာဆုံးပုဂ္ဂိုလ် ဖြစ်လာပါတယ်။

နာမည်ကျော် ဇိမ်ခံအသုံးအဆောင်ပစ္စည်းကုမ္ပဏီ LVMH ရဲ့ စီအီးအို အာနော့နဲ့ မိသားစုဟာ သောကြာနေ့က ပိုင်ဆိုင်မှုတန်ဖိုး ဒေါ်လာ ၂၃.၆ ဘီလီယံ မြင့်တက်လာကာ စုစုပေါင်းပိုင်ဆိုင်မှုတန်ဖိုး ၂၀၇.၈ ဘီလီယံရှိလာပြီး အီလွန်မက်စ်ရဲ့ ၂၀၄.၅ ဘီလီယံကို ကျော်လွန်သွားပြီဖြစ်ကြောင်း ဖောဘိစ်ရဲ့ လက်ရှိဘီလျံနာစာရင်းအရ သိရှိရပါတယ်။

ဇန်နဝါရီ ၂၅ ရက်နေ့မှာ တက်စ်လာရဲ့ စတော့ဈေးကွက် ၁၃ ရာခိုင်နှုန်းကျဆင်းခဲ့ရာ အီလွန်မက်စ်အနေနဲ့ ပိုင်ဆိုင်မှုတန်ဖိုး ၁၈ ဘီလီယံ ဆုံးရှုံးခဲ့ရတာ ဖြစ်ပါတယ်။

LVMH ကတော့ ရောင်းအားကောင်းတဲ့ သတင်းတွေ ထွက်ပေါ်လာပြီးနောက်မှာပဲ သောကြာနေ့နံနက် ၁၁ နာရီဝန်းကျင်မှာ ရှယ်ယာ ၁၃ ရာခိုင်နှုန်း မြင့်တက်လာခဲ့ပါတယ်။

တက်စ်လာလျှပ်စစ်ကားထုတ်လုပ်ရေးမှာ တန်ဖိုးအနည်းငယ်ကျဆင်းနေတာကြောင့် ဈေးနှုန်းများ လျှော့ချခဲ့ပေမယ့် ရောင်းအားတိုးတက်မှု ကျသွားနိုင်တယ်လို့ အီလွန်မက်စ် သတိပေးပြီးနောက်မှာ တက်စ်လာရှယ်ယာတွေက ၁၂ ရာခိုင်နှန်းကျော် ကျဆင်းခဲ့ပါတယ်။

၂၀၂၅ ဒုတိယနှစ်ဝက်အတွင်း တက္ကဆပ်စက်ရုံမှာ ဈေးသက်သာတဲ့ မျိုးဆက်သစ် လျှပ်စစ်ကားများ ထုတ်လုပ်ရေးကို အရေးစိုက်လာတာကြောင့် ရောင်းအားတိုးတက်မှု သိသိသာသာ လျော့နည်းသွားမယ်လို့ မက်စ်က ဗုဒ္ဓဟူးနေ့မှာ ပြောကြားခဲ့တာ ဖြစ်ပါတယ်။

မော်ဒယ်လ်အသစ် ထုတ်လုပ်ရာမှာ နောက်ဆုံးပေါ်နည်းပညာများ ပါဝင်မှာဖြစ်တဲ့အတွက် အလျင်အမြန် ထုတ်လုပ်ဖို့ရာ အခက်အခဲတွေ ရင်ဆိုင်ရဦးမှာ ဖြစ်တယ်လို့ ဆိုပါတယ်။

တက်စ်လာရဲ့ပြဿနာက တရုတ်ပြည်မှ BYD နဲ့ ယှဥ်ပြိုင်နေရတာကြောင့် ရောင်းအားမြှင့်တင်ဖို့ ကြိုးစားမယ်ဆိုရင် လုပ်ငန်းလည်ပတ်မှုအပိုင်းမှာ ဒီထက်ကျဆင်းဖို့ ရှိလာနိုင်ပါတယ်လို့ ဈေးကွက်ဆန်းစစ်ရေးအကြီးအကဲ မိုက်ကယ်ဟျူဆန်က ပြောပြသွားပါတယ်။
Source: WION.
#World_News
#Published_ 27 January 2024
#YMG #Yangon_Times #Yangon_Media_Group

Published 27 January 2024

လာအိုနိုင်ငံသို့ မြန်မာလုပ်သားများသွားရောက်လုပ်ကိုင်သူများပြားလာပြီးစက်ရုံလုပ်ကိုင်ရန်ဟု ခေါ်ဆိုသူများလည်းရှိလာကြောင်း အလုပ်သမားအရေး ဆောင်ရွက်သူများနှင့် အလုပ်အကိုင် အခွင့်အလမ်း ရှာဖွေသူများထံမှ သိရသည်။

ပြည်တွင်း၌ အလုပ်အကိုင်ရှားပါးခြင်းကြောင့် ပွဲစားများနှင့်ချိတ်ဆက်၍ အိမ်နီးချင်းနိုင်ငံများသို့ တရားမဝင်သွားရောက်လျက်ရှိရာ လာအိုနိုင်ငံသို့လည်း ယခုနှစ်ပိုင်းအတွင်းပိုမိုသွားရောက်လုပ်ကိုင်လာကြခြင်းဖြစ်ကြောင်း
သိရသည်။

'ကျွန်မတို့ကို all supervisor ကခေါ်တာပါ၊သူကအရင်က ကျမတို့ စက်ရုံကမဟုတ်ဘူး၊သူ့သူ‌ဌေးကလာအိုမှာစက်ရုံရှိတယ်၊ ဒီမှာကုန်ကြမ်းမရတော့သူ့စက်ရုံကလိုင်းသုံးလိုင်းကျွန်မတို့ရုံကိုရောက်လာတာ၊ သူ့နဲ့အတူပါလာတဲ့စက်တန်း‌တွေကတော့မပါဘူး၊လူရွေးခေါ်တာ၊ အခုကျွန်မတို့ဆီကပဲ သူငယ်ချင်း၁၃ယောက်ကိုခေါ်တယ် ၊ အခုအမေဆီလှမ်းခွင့်တောင်းပြီးပြီဆိုတော့ နက်ဖန်လိုက်မယ်ဆိုတဲ့အကြောင်းပြောမှာပါ'ဟု ရွှေပြည်သာစက်မှုဇုန်မှ အထည်ချုပ် စက်ရုံလုပ်ကိုင်သူမဝေဝေကပြောသည်။

အဆိုပါ လာအိုနိုင်ငံ၌ အထည်ချုပ်စက်ရုံလုပ်ကိုင်ရန် လေကြောင်းလိုင်းဖြင့်တရားဝင်သွားရောက်မည်ဟုပြောဆိုထားပြီး ဆေးစစ်ခြင်း၊ ပတ်စပို့ပြုလုပ်ခြင်းများပြုလုပ်ပြီးပါက သွားရောက်နိုင်ပြီဖြစ်ကြောင်း၄ကဆက်လက်ပြောသည်။
' အားလုံးပြီးရင်တော့ မတ်လလောက်သွားရမယ်လို့ပြောတယ်၊လစာကတစ်လကိုးသိန်းရမယ်လို့ပြောပါတယ်၊ဒီမှာလည်းဒီလပိုင်း‌တွေ အချိန်ပိုဆင်းရတာတွေမရှိတော့လစာအရင်လိုမရဘူးလေ၊သွားရင် အကျီလည်းမလိုဘူးနှစ်စုံပဲပါရင်ရတယ်ပြောတယ် ၊' ဟု မဝေဝေကဆိုသည်။

အလုပ်အကိုင် ရှားပါးခြင်းကြောင့် လာအိုနိုင်ငံသို့ ပွဲစားများနှင့် ချိတ်ဆက်၍ သွားရောက်သူများတွင် အမှန်တကယ် အလုပ်အကိုင် မရရှိသူများလည်း ရှိနေကြောင်း အလုပ်သမားအရေးဆောင်ရွက် သူများကဆိုသည်။

မြန်မာနိုင်ငံသည်လာအိုနိုင်ငံနှင့် နှစ်နိုင်ငံ အလုပ်သမားစေလွှတ်ခွင့်ကို တရားဝင်ဆောင်ရွက်ထားခြင်းမရှိသော်လည်း ပြည်တွင်း၌ အလုပ်အကိုင်ရှားပါးခြင်းကြောင့် ပွဲစားများနှင့်ချိတ်ဆက်၍ တရားမဝင်သွားရောက်လျက်ရှိပြီး ကာစီနိုဝိုင်းများ၌ ဝင်ရောက်လုပ်ကိုင်‌နေသူများလည်းရှိကြောင်း သိရသည်။

မြန်မာနိုင်ငံ အစိုးရအနေဖြင့် ထိုင်း၊ ဂျပန်နှင့် တောင်ကိုရီးယား နိုင်ငံများကိုသာ တရားဝင်လုပ်သားစေလွှတ်နေပြီးလာအိုနိုင်ငံ၌ မြန်မာလုပ်သား ၃,၀၀၀ ကျော်ရောက်ရှိ အလုပ်လုပ်ကိုင်လျှက်ရှိကာ ဆောက်လုပ်ရေးလုပ်ငန်းလုပ်ကိုင်သူများလည်းရှိကြောင်း သိရသည်။
Yangon Times/NN
#Local_News
#Published_ 27 January 2024
#YMG #Yangon_Times #Yangon_Media_Group

Published 27 January 2024

ပြည်ပနိုင်ငံပေါင်း ၉၄ နိုင်ငံတွင် မြန်မာနိုင်ငံမှ လုပ်သား ၁၇ သိန်းကျော် သွားရောက်လုပ်ကိုင်နေကြာင်း အလုပ်သမားဝန်ကြီးဌာနမှ သိရသည်။

ထိုသို့ လုပ်ကိုင်ရာတွင် ၂၀၂၃ ခုနှစ် ဒီဇင်ဘာလ ၃၁ ရက်အထိ အေဂျင်စီ အစီအစဉ်ဖြင့်လည်းကောင်း ၊ မိမိအစီအစဉ်ဖြင့်လည်းကောင်း၊ ခွင့်ပြန်/PR ဖြင့် လည်းကောင်းစေလွှတ်ပေးထားကြောင်းသိရသည်။

ယင်းသို့စေလွတ်ရာတွင် ထိုင်းနိုင်ငံသို့ ၁,၁၃၂,၀၃၁ ဦး၊ စင်ကာပူနိုင်ငံသို့ ၅၅,၂၅၅ ဦး၊ မလေးရှားနိုင်ငံသို့ ၃၉၀,၇၇၇ ဦး၊ကိုရီးယားနိုင်ငံသို့ ၆၆,၃၈၇ ဦး၊ ဂျပန်နိုင်ငံသို့ ၆,၄၇၂၀ ဦး အပါအဝင် ပြည်ပနိုင်ငံ ၉၄ နိုင်ငံသို့ သွားရောက် အလုပ်လုပ်ကိုင်လျက်ရှိသည့် အလုပ်သမား ၁၇ သိန်းကျော်ကို OWIC ကတ် ပြုလုပ်ခွင့်ပြု စေလွှတ်ပေးထားခြင်းဖြစ်ကြောင်းသိရသည်။

မြန်မာနိုင်ငံမှ တဆင့်ပြည်ပနိုင်ငံများသို့ အလုပ်သမားစေလွတ်မှုတွင် ထိုင်းနိုင်ငံသို့ အများဆုံးစေလွတ်ထားပြီး မလေးရှားနိုင်ငံသို့ဒုတိယအများဆုံးစေလွတ်ထားခြင်းဖြစ်ကြောင်းသိရသည်။

အလုပ်သမားဝန်ကြီးဌာနသည် လတ်တလောတွင် ပြည်ပရောက် မြန်မာရွှေ့ပြောင်းလုပ်သားများထံမှ လစာ ဝင်ငွေအပေါ် ဝင်ငွေခွန်ကောက်ခံမှုများ ဆောင်ရွက်လျက်ရှိနေကြောင်းသိရသည်။
Yangon Times/NN
#Local_News
#Published_ 27 January 2024
#YMG #Yangon_Times #Yangon_Media_Group

Published_ 27 January 2024

ဧရာဝတီ-ကျောက်ဖရား-မဲခေါင် စီးပွားရေးပူးပေါင်းဆောင်ရွက်မှုမဟာဗျူဟာ(ACMECS)အဖွဲ့အတွက် Logo Design ပြိုင်ပွဲကို ထိုင်းနိုင်ငံခြားရေးဝန်ကြီးဌာနမှ ဦးဆောင်၍ ပြုလုပ်သွားမည်ဖြစ်ကြောင်း သိရသည်။

အဆိုပါပြိုင်ပွဲသို့ အသက်(၁၅) နှစ်နှင့်အထက်  မြန်မာနိုင်ငံသားများ တစ်ဦးချင်း သို့မဟုတ်အဖွဲ့လိုက် ဝင်ရောက်ယှဉ်ပြိုင်နိုင်သည်ဟုဆိုသည်။

ဆုကြေးအနေဖြင့် ပထမဆု အမေရိကန်ဒေါ်လာ ၁,၀၀၀/-၊ ဒုတိယဆု အမေရိကန်ဒေါ်လာ ၅၀၀/- နှင့် တတိယဆု အမေရိကန်ဒေါ်လာ ၅၀၀/- ချီးမြှင့်သွားမည်ဖြစ်သည်။

အဆိုပါပြိုင်ပွဲသို့   Logo Design ၏ Theme မှာ “ACMECS as an adaptive and forward -looking sub-regional cooperation framework and connector with other sub-regional and regional frameworks towards a prosperous and sustainable Mekong sub-region” ဖြစ် သည်။ ပြိုင်ပွဲလျှောက်လွှာများကို ACMECS Interim Secretariat ၏ အီးမေးလ် acmecs. sec@ gmail.com သို့ ၂၀၂၄ ခုနှစ် ဖေဖော်ဝါရီလ ၁ ရက်နေ့မှ မတ်လ ၃၁ ရက်နေ့အထိ ပေးပို့လျှောက် ထားနိုင်‌ကြောင်းသိရသည်။

အက်ခ်မက် Logo Design ပြိုင်ပွဲဝင်သူများ သိရှိလိုက်နာရန်နှင့် နည်းပညာဆိုင်ရာ အဓိကအချက်အလက်များကိုသတ်မှတ်ထားပြီး ယင်းအချက်များကိုလိုက်နာဆောင်ရွက်ရမည်ဖြစ်ကြောင်းသိရသည်။
Yangon Times/tthl
#Local_News
#Published_ 27 January 2024
#YMG #Yangon_Times #Yangon_Media_Group

Published 27 January 2024

ပိုင်ရှင်လူသားတွေနဲ့ အတူတူအိပ်၊ ပွေ့ဖက်၊ တစ်နေရာတည်းစားကြတဲ့ အိမ်မွေးတိရိစ္ဆာန်တွေဟာ လူသားတွေထံမှ ရောဂါများ ကူးနိုင်ခြေများပါတယ်။

Zoonoses မှာဖော်ပြထားတဲ့ လေ့လာချက်အရ အိမ်မွေးတိရိစ္ဆာန်တွေဟာ သူတို့ရဲ့ပိုင်ရှင်လူသားတွေထံကနေ ဝက်တုပ်ကွေး၊ လူသားနိုရိုဗိုင်းရပ်စ်၊ ကိုဗစ်၁၉၊ တီဘီ၊ သွေးလွန်တုပ်ကွေး၊ မှိုရောဂါများ၊ ကပ်ပါးကောင်များ စတဲ့ ရောဂါအများအပြား ကူးစက်နိုင်ပြီး အထူးသဖြင့် ခွေးနဲ့ကြောင်တွေက အကူးစက်ဆုံးဖြစ်ပါတယ်။

လူသားတွေနဲ့ သတ္တဝါများကြား ကူးစက်ရောဂါများ ပျံ့ပွားနိုင်သလို လူသားကနေ တိရိစ္ဆာန်များဆီသို့လည်း ရောဂါကူးစက်နိုင်ပါတယ်။

ကိုဗစ်၁၉နဲ့ တုပ်ကွေးတို့ဟာ အခြားသတ္တဝါတွေဆီကို ထိုးဖောက်ဝင်ရောက်ရန် ဆင့်ကဲပြောင်းလဲလာကြကြောင်း ဖလော်ရီဒါ ကောလိပ်တက္ကသိုလ်မှ စာတမ်းပြုစုသူ ဘင်ဂျမင်အန်ဒါဆန်က ဆိုပါတယ်။

ဒီလိုကူးစက်ရောဂါတွေက နီးစပ်တဲ့ သတ္တဝါမျိုးစိတ်များကြား ကူးစက်တတ်တာဖြစ်ပေမယ့် ရောဂါပိုးတွေက ဆင့်ကဲပြောင်းလဲကာ နို့တိုက်သတ္တဝါ၊ ငှက်၊ တွားသွားသတ္တဝါများကြားမှာပါ ကူးစက်လာပါတယ်။

ထိုကနေ လူသားတုပ်ကွေးနဲ့ ငှက်တုပ်ကွေးတို့ ရောစပ်ပြီး ဗိုင်းရပ်စ်အသစ်များ ပေါ်ပေါက်လာနိုင်ခြေလည်း ရှိနေပါတယ်။

လူသားတွေနဲ့ အိမ်မွေးတိရိစ္ဆာန်များကြား အနီးကပ်ထိတွေ့ခြင်းကနေ ရောဂါပိုးတွေ အပြန်အလှန် ဖလှယ်သလိုဖြစ်နေပြီး ဆင့်ကဲပြောင်းလဲနိုင်ခြေ များလာကြောင်း အန်ဒါဆန်က ပြောပြသွားပါတယ်။

တိရိစ္ဆာန်တွေက လူသားရောဂါများ ကူးစက်ပြီဆိုရင် ရောဂါရှာဖွေရခက်ခဲပါတယ်။

ဒါကြောင့် ပိုင်ရှင်တွေအနေနဲ့ တိရိစ္ဆာန်တွေနဲ့ အနီးကပ်နေထိုင်ခြင်းမပြုရန် သုတေသီများက တိုက်တွန်းလိုက်ပါတယ်။

အိမ်မှာမွေးထားလို့ ဝေးဝေးမနေနိုင်ဘူးဆိုရင်တော့ လူတွေရဲ့ နှာချေလိုက်တဲ့အမှုန်တွေ၊ ထွက်လာတဲ့အရည်တွေကို တိရိစ္ဆာန်တွေနဲ့ မထိတွေ့အောင် ဂရုစိုက်သင့်ပါတယ်။
Source: WION.
#World_Health
#Published_ 27 January 2024
#YMG #Yangon_Times #Yangon_Media_Group

Published 27 January 2024

ဒက်ဘီအက်ဒ်မိုနီလို့ခေါ်တဲ့ အမျိုးသမီးဟာ အသက် ၁၉ နှစ်အရွယ်မှာ ကျောရိုးမနဲ့ ဦးနှောက်တို့ရှိ အာရုံကြောဆဲလ်များ ဆုတ်ယုတ်ကာ ခြေတွေလက်တွေ လှုပ်ရှားလို့မရတော့တဲ့ ALS လေဖြတ်ရောဂါတစ်မျိုး ခံစားခဲ့ရပါတယ်။

ဒါပေမဲ့ သူမဟာ အိမ်ထောင်ပြုလိုက်သလို ဟင်းချက်နည်းစာအုပ်ထုတ်ခြင်း၊ ဆယ်ကျော်သက်များအတွက် ထောက်ပံ့ရေး အဖွဲ့အစည်း တည်ဆောက်ခြင်းတို့ ပြုလုပ်ခဲ့ပါတယ်။

လေဖြတ်ဝေဒနာ ပိုမိုဆိုးရွားလာတဲ့အခါမှာတော့ စကားပြောဆိုဖို့ပါ ခက်ခဲလာပါတယ်။

ကွန်ပျူတာတစ်ခုရဲ့ အကူအညီဖြင့် ဒက်ဘီက မျက်လုံးကြွက်သားလှုပ်ရှားမှုကို အသုံးပြုကာ သူမရဲ့အတွေးတွေကို ဖြည်းဖြည်းချင်း ရေးသားလာနိုင်ပါတယ်။

D-ID မှထုတ်လုပ်တဲ့ အဆင့်မြင့် AI နည်းပညာဖြင့် ဒက်ဘီရဲ့ရုပ်ပုံစကင်ကို အသုံးပြုကာ မျက်နှာ နှုတ်ခမ်းလှုပ်ရှားပုံများကို ကိုက်ညီအောင်ပြုလုပ်ပြီး စကားပြောဆိုတဲ့ ပုံရိပ်ရရှိလာပါတယ်။

ဒီနောက် ဒက်ဘီရဲ့မူလအသံနဲ့ ဆင်တူတဲ့အသံမျိုးကို ရွေးချယ်ပြီး ပုံရိပ်တုကို အသက်သွင်းခဲ့ပါတယ်။

ထိုပုံရိပ်တုဖြင့် ဒက်ဘီဟာ ALS ရောဂါကို အံတုနေထိုင်နေတဲ့သူတစ်ဦးအဖြစ် နေ့စဥ်အခက်အခဲတွေကို မျှဝေလာပါတယ်။

ဒက်ဘီဟာ စကားပြောဆိုခြင်း၊ အသက်ရှူခြင်း၊ ခြေလက်လှုပ်ရှားခြင်း၊ စားသောက်ခြင်းတို့ကို သူမဘာသာ မလုပ်နိုင်ဘဲ မျှော်လင့်ချက်ကို ဖြန့်ကျက်ခွင့်ရတဲ့အတွက် အလွန်ကျေးဇူးတင်ကြောင်း ပထမဆုံးဗီဒီယိုမှာ ပြောကြားလာပါတယ်။

ဒီဗီဒီယိုဟာ အစ္စရေးလ် ALS အဖွဲ့အစည်းအတွက်လည်း လာမယ့်ရန်ပုံငွေ ကောက်ခံမှုများအတွက် တွန်းအားဖြစ်လာနိုင်ပါတယ်။

ဒက်ဘီရဲ့ ပုံရိပ်ကို အသက်သွင်းခဲ့သူက D-ID တည်ထောင်သူ ရှီရန်အမ်လမ်ဒေါ့ဗ်စကီဆိုမက် ဖြစ်ပါတယ်။

ဒီနည်းပညာက အလွန်စိတ်လှုပ်ရှားစရာ ကောင်းရုံတင်မကဘဲ လူနာတွေနဲ့ မိသားစုဝင်တွေအတွက် ပျော်ရွှင်မှုပြန်ရစေမှာ ဖြစ်တယ်လို့ အစ္စရေးလ် ALS မှ စီအီးအို အက်ဖရက်ကာမီက ပြောပြသွားပါတယ်။
Source: The Jerusalem Post.
#World_Technology
#Published_ 27 January 2024
#YMG #Yangon_Times #Yangon_Media_Group

Published_ 27 January 2024

ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်တွင် ငွေကျပ် ၁၅ ဒသမ ၁ ဘီလီယံကျော် တန်ဖိုးရှိ ဘိန်းဖြူ ၁၇၅ ကီလို၊ အိုက်စ် ၁၅၀၂ ကီလို၊ ကက်တမင်း ၅၅ ကီလိုနှင့် လက်နက် ခဲယမ်းများ ဖမ်းဆီးရမိခဲ့ကြောင်း ep နစက သတင်းထုတ်ပြန်ရေးအဖွဲ့က သိရသည်။

ဇန်နဝါရီ ၂၂ ရက် တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်၊ ကျိုင်းတုံ-မိုင်းဆတ်သွား ကားလမ်း၊ နားကော်(၃)ရွာအနီး မူးယစ် ဆေးဝါးတားဆီး နှိမ်နင်းရေးရဲတပ်ဖွဲ့ဝင်များ ပါဝင်သော ပူးပေါင်းအဖွဲ့က အထက်ပါအတိုင်း ဖမ်းမိခဲ့ခြင်း ဖြစ်ကြောင်း သိရသည်။

TOYOTA HILUX REVO မော်တော်ယာဉ် ပေါ်မှ ဒေသကာလတန်ဖိုး ငွေကျပ် ၁၅ ဒသမ ၁ ဘီလီယံကျော် တန်ဖိုးရှိ ဘိန်းဖြူဘလောက်တုံး ၅၀၀ ၊ အလေးချိန် ၁၇၅ ကီလို၊ စိတ်ပြောင်းဆေးဝါးများ ဖြစ်သည့် အိုက်စ် (မက်သ် အဖက်တမင်း) ၁,၅၀၂ ကီလို၊ ကတ်တမင်း ၅၅ ကီလိုနှင့် M 16 သေနတ် ၁ လက်၊ ၎င်းကျည် အတောင့် ၃၀၊ M 22 သေနတ် ၁လက်၊ ၎င်းကျည် အတောင့် ၃၀ တို့ကိုသိမ်းဆည်းရမိခဲ့ခြင်း ဖြစ်ကြောင်း သိရသည်။

ယင်းကြောင့် သယ်ဆောင်လာသည့် အားစော နှင့် အားကော် ဆိုသူတို့အား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေး ဖော်ထုတ်လျက်ရှိကြောင်း မြန်မာနိုင်ငံရဲတပ်ဖွဲ့ကို ကိုးကား၍ အဆိုပါ သတင်းထုတ်ပြန်ချက်တွင် ဖော်ပြထားသည်။
Yangon_Times/PP
#Local_News
#Published_ 27 January 2024
#YMG #Yangon_Times #Yangon_Media_Group

Published_27 Jan 2024

ဒစ်ဂျစ်တယ်နည်းပညာများကို အန္တရာယ် ကင်းစွာစနစ်တကျ အသုံးပြုနိုင်ရန်အတွက် သုံးစွဲသူတစ်ဦးချင်းတွင် လုံလောက်သည့် အသိပညာဗဟုသုတရှိရန်လိုအပ်ကြောင်းယနေ့ ဇန်နဝါရီလ ၂၆ ရက်က ပြုလုပ်သည့် မြန်မာ နိုင်ငံကွန်ပျူတာအသင်းချုပ်နှင့် ကွန်ပျူတာ အသင်းများ၏ ၂၅ နှစ်ပြည့် ငွေရတုအထိမ်းအမှတ် ဖွင့်ပွဲအခမ်း အနား တွင်နိုင်ငံ တော်စီမံအုပ်ချုပ်ရေးကောင်စီ ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ကပြောသည်။

သိပ္ပံနှင့်နည်းပညာ တိုးတက်မြင့်မားလာသည်နှင့်အမျှ နယ်ပ ပယ်ကဏ္ဍ အသီးသီးတွင် ဒစ်ဂျစ်တယ်နည်း ပညာကို အသုံးချပြီး အခွင့်အလမ်းများရယူလျက်ရှိရာ နိုင်ငံရေး၊ စီးပွားရေး၊ လူမှုရေး စသည့်မျက်နှာစာ အသီးသီးတွင် ဒစ်ဂျစ်တယ်နည်းပညာကို ထိရောက်အောင် အသုံးချနိုင်သည့် နိုင်ငံများတိုးတက် အောင်မြင်နေ ကြကြောင်း၊နိုင်ငံတော်အနေဖြင့် e-Government စနစ်ကို အောင်မြင်စွာ အကောင်အထည် ဖော်ဆောင်နိုင်ရေး ရန် “e-Government ဦးဆောင်ကော်မတီ” ကို ဖွဲ့စည်းထားပြီး ဦးဆောင်ကော်မတီကချမှတ်ထားသည့် မူဝါဒ၊ လမ်းညွှန်ချက်များနှင့်အညီ ထိရောက် အောင်မြင်စွာ အကောင်အထည်ဖော်ဆောင်နိုင်ရေးအတွက် e-ID စနစ်လုပ်ငန်း ကော်မတီ” ၊ “e-Government အကောင်အထည်ဖော်ရေးလုပ်ငန်းကော်မတီ” တို့ကို ပြင်ဆင်ဖွဲ့စည်း ဆောင်ရွက်လျက်ရှိကြောင်းလည်း ယင်းကပြောသည်။

နိုင်ငံတော်အတွက် အခြေခံကျပြီး အရေးကြီးဆုံးလုပ်ငန်းစဉ် တစ်ခုဖြစ်သည့် နိုင်ငံအတွင်း နေထိုင်သူတစ်ဦး ချင်းစီကို ဒစ်ဂျစ်တယ်နည်းပညာအသုံးပြုပြီး Unique ID ( UID ) တစ်ခုစီနှင့် မှတ်ပုံတင်ထားရှိရေး e-ID စနစ်ကို ကူးပြောင်းနိုင်ရေးအတွက်National Database စနစ်တည်ဆောက်ရေး ဦးဆောင်ကော်မတီကို ဖွဲ့စည်းခဲ့ပြီး လက်တွေ့အကောင်အထည်ဖော် ဆောင်ရွက်လျက်ရှိကြောင်းလည်း သိရသည်။

၂၀၂၄ ခုနှစ်တွင် ဆောင်ရွက်မည့် သန်းခေါင်စာရင်း ကောက်ယူရေးလုပ်ငန်းများတွင်လည်း Computer- Assisted Personal Interviewing(CAPI)စနစ်ကို ကျင့်သုံးသွားမည်ဖြစ်ပါကြောင်း။ နိုင်ငံတော်အနေဖြင့်လည်း တီထွင်ဖန်တီးမှုစွမ်းရည်ကို မြှင့်တင်ပြီး စီးပွားရေးနှင့်ကူးသန်းရောင်းဝယ်ရေးကဏ္ဍနှင့် အုပ်ချုပ်ရေးကဏ္ဍများ တွင် ဒစ်ဂျစ်တယ်အသွင် ကူးပြောင်းမှုများ ဆောင်ရွက်နေပြီဖြစ်ပါကြောင်း၊ ဒစ်ဂျစ်တယ်စီးပွားရေးစနစ်ကို ဖွံ့ဖြိုး တိုးတက်စေပြီး ပြည်သူတို့၏လူမှုစီးပွားဘဝကို တိုးတက်အောင် ဆောင်ရွက်ရန် ဆိုသည့် မျှော်မှန်းချက်နှင့် ဒစ်ဂျစ်တယ်စီးပွားရေးဖွံ့ဖြိုးတိုးတက်မှုကော်မတီ (Digital Economy Development Committee DEDC)ကို ဖွဲ့စည်းဆောင်ရွက်လျက်ရှိကြောင်းလည်း နစက ဥက္ကဌက ပြောသည်။

ဒစ်ဂျစ်တယ်နည်းပညာကို နိုင်ငံအတွင်း ကျေးလက်ဒေသများပါမကျန် နေရာ ဒေသမရွေး အသုံးပြုနိုင်ရန် အတွက် တစ်နိုင်ငံလုံးတွင် ဆက်သွယ်ရေးကွန်ရက်များ ဖြန့်ကျက်ထားရှိပြီးဖြစ်ရာဆက်သွယ်ရေးကွန်ရက်များ ပိုမိုဖြန့်ကျက်လာနိုင် သည်နှင့်အမျှ တိုးတက်လာသည့် သတင်းအချက်အလက်နည်းပညာများနှင့်အတူ Facebook | Youtube। Telegram စသည်တို့ များပြားလာသည်ကို တွေ့ရှိရကြောင်း၊ ထိုကဲ့သို့ ဆိုရှယ်မီ ဒီယာများကို အသုံးပြုကြသည့် နေရာတွင် စနစ်တကျအကျိုးရှိရှိ အသုံးချနိုင်ရန်အရေးကြီးပြီးမိမိအသုံးပြုမှုသည် အခြားသူကိုထိခိုက်နစ်နာမှုများမဖြစ်စေရေး၊ အထူးသဖြင့် နိုင်ငံတော်၏ အမျိုးသားစရိုက်လက္ခဏာ၊ နိုင်ငံတော် လုံခြုံရေးနှင့် နိုင်ငံတော်၏အကျိုး စီးပွားကို ထိခိုက်မှုမဖြစ်စေရေး အထူးဂရုပြုဆောင် ရွက်ကြရမည်ဖြစ် ကြောင်း နှင့် သတင်း အချက်အလက်များ သိုမှီးရာနေရာဖြစ်သကဲ့သို့ အလိမ်အညာများ၊ မသေချာမရေရာမှု များနှင့် ပြည့်နှက်နေသည့် သတင်းအချက်အလက်များ စွန့်ပစ်ရာနေရာဖြစ်နေကြောင်းလည်း ၎င်းက ထောက်ပြပြော ဆိုခဲ့သည်။

ယင်းကြောင့်မြန်မာနိုင်ငံကွန်ပျူတာ အသင်းချုပ်အနေ ဖြင့် ပြည်သူများ၏ သတင်းနည်းပညာ လုံခြုံစိတ်ချရမှုကို မျက်ခြေမပြတ် စောင့်ကြည့် ပြီး ထိန်းသိမ်းနိုင်ရန်အတွက် အဆင့်ဆင့်ဖွဲ့စည်းထားသည့် အဖွဲ့အစည်းများ မှတစ်ဆင့် အများပြည်သူကို အသိပညာများပေးခြင်းနှင့် လိုအပ်သည့်ဥပဒေများ ဖြည့်စွက်ခြင်း၊ ပြင်ဆင်ခြင်း၊ ထုတ်ပြန်ခြင်း လုပ်ငန်းစဉ်များတွင်လည်း သက်ဆိုင်ရာဌာနအဖွဲ့ အစည်း များနှင့် ဆက်လက်ပူးပေါင်း ဆောင်ရွက်ပေးသွားကြရန်လည်း နစက ဥက္ကဌက တိုက်တွန်းခဲ့သည်။

မြန်မာနိုင်ငံကွန်ပျူတာအသင်းချုပ်နှင့် ကွန်ပျူတာ အသင်းများသည် ၁၉၉၆ ခုနှစ်ကထုတ်ပြန်ခဲ့သည့် ကွန်ပျူ တာ ပညာဖွံ့ဖြိုးရေး ဥပဒေနှင့် အညီ ၁၉၉၈ ခုနှစ်တွင် စတင်ဖွဲ့စည်းခဲ့ပြီး ယခုအခါနှစ်ပေါင်း ၂၅ နှစ် တိုင်ခဲ့ပြီဖြစ် ကြောင်း သိရသည်။
Yangon_Times/PP
#Local_News
#Published_ 27 January 2024
#YMG #Yangon_Times #Yangon_Media_Group

Published_26 Jan 2024

လုံခြုံရေးနှင့်သက်ဆိုင်သည့်ကိစ္စရပ်များအားလုံးကို ပွင့်ပွင့်လင်းလင်း တင်ပြဆွေး နွေးကြရန်လိုကြောင်း ပြည်ထောင်စုသမ္မတမြန်မာနိုင်ငံတော် လုံခြုံရေး၊ တည်ငြိမ်အေးချမ်းရေးနှင့် တရား ဥပဒေစိုးမိုးရေးကော်မတီ အစည်းအဝေးတွင် လုံခြုံရေး၊ တည်ငြိမ်အေးချမ်းရေးနှင့် တရားဥပဒေစိုးမိုးရေး ကော်မတီဥက္ကဋ္ဌ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။

အဆိုပါအစည်းအဝေးကို ယနေ့ ဇန်နဝါရီလ ၂၆ ရက်က နေပြည်တော်ရှိ နိုင်ငံတော်စီမံအုပ်ချုပ်ရေးကောင် စီဥက္ကဋ္ဌ ရုံး အစည်းအဝေးခန်းမ၌ကျင်းပခဲ့ခြင်း ဖြစ်ကြောင်း သိရသည်။

လုံခြုံရေးအရ ထိခိုက်စေနိုင်မည့် ကိစ္စရပ်များကို ကြိုတင်ဆွေးနွေးကာကွယ်ခြင်းဖြင့် ဖြေရှင်းနိုင်ရမည်ဖြစ် ရာ ဥပမာ အားဖြင့် Non-CDM ဝန်ထမ်းများကို ခြိမ်းခြောက်အကြပ်ကိုင်ခြင်းများ၊ တရားမဝင်ကုန် စည်စီးဆင်းမှုများ၊ သတင်းအတု၊ သတင်းမှားများ ဖြန့်ဝေ၍ ပြည်သူလူထု ကြောက်ရွံ့ အောင်ဆောင်ရွက်ခြင်းများအပြင် အခြား သောနည်းလမ်းမျိုးစုံဖြင့် အစိုးရ၏ အုပ်ချုပ်မှု ယန္တရားပျက်ယွင်းအောင် လုပ်ဆောင်မှုများသည် လုံခြုံရေးအရ သတိပြုရမည့် ကိစ္စရပ်များဖြစ်သောကြောင့် နိုင်ငံတော်လုံခြုံရေး၊ တည်ငြိမ် အေးချမ်း ရေးနှင့် တရားဥပဒေစိုး မိုးရေး ရေး လုပ်ငန်းရပ်များကို စုပေါင်းလုပ် ဆောင်မှုများဖြင့် ဆောင် ရွက် သွားကြရမည်ဖြစ်ကြောင်း ယင်းက ဆိုသည်။

မြန်မာနိုင်ငံတွင်၂၀၂၁ ခုနှစ်က ဖြစ်ပေါ်ခဲ့သည် နိုင်ငံရေးအပြောင်းအလဲများမှတစ် ဆင့် ပဋိပက္ခ များ ဖြစ်ပေါ် ခဲ့ပြီး ပဋိပက္ခများ၏ အခြေခံဖြစ်သည့် ဆူပူ ဆန္ဒပြမှု အဆင့်မှ အကြမ်းဖက်မှုအ ာ်မှုအဆင့်အထိဖြစ် ပေါ်ခဲ့ကာ တိုင်းပြည်တည်ငြိမ် အေးချမ်း မှုကို ပြိုကွဲစေလိုသည့်၊ နိုင်ငံရေးအမြတ်ထုတ်လိုသည့် တိုင်းရင်းသား လက်နက် ကိုင်အဖွဲ့ အချို့က ဆူပူအကြမ်းဖက်သည့် လူငယ်၊ လူရွယ်များအား အကြမ်းဖက်သင်တန်းများ ဖွင့်လှစ်သင် ကြား ပေးခြင်း၊ လက်နက်၊ ခဲယမ်းများ ထောက်ပံ့ပေးအပ်ခြင်းတို့ကို လုပ် ဆောင်ခဲ့ပြီး ၂၀၂၃ ခုနှစ်တွင် နိုင်ငံ တွင်းရှိ အချို့မြို့နယ်များ၌ လက်နက်ကိုင် အကြမ်း ဖက် တိုက်ခိုက်မှုဖြစ်စဉ်များ ပေါ်ပေါက်လာခဲ့ကြောင်းလည်း ယင်းကပြောသည်။

ထို့ကြောင့် တပ်မတော်အနေဖြင့် မြန်မာနိုင်ငံရဲတပ်ဖွဲ့ဝင်များ၊ ပြည်သူများနှင့် အတူ တကွ ပူးပေါင်း၍ လက်နက် ကိုင်အကြမ်းဖက်မှုများပပျောက်စေရေးနှင့် တည်ငြိမ်အေးချမ်း ရေးတို့အတွက် ကြိုးပမ်းဆောင်ရွက်လျက်ရှိ ကြောင်း၊ တပ်မတော်အနေဖြင့် ပြည်ပရန်ကို ကာကွယ်ရန်အဓိက တာဝန်ရှိသည်ဖြစ်သော်လည်း နိုင်ငံတော်၏ သမိုင်း ကြောင်းနောက်ခံအခြေအနေများအရ မြန်မာနိုင်ငံရဲတပ်ဖွဲ့ဝင်များနှင့်အတူ ပြည်တွင်း လုံ ခြုံရေးနှင့် တရားဥပဒေစိုးမိုးရေး လုပ်ငန်းရပ်များတွင် ပါဝင်ဆောင်ရွက်နေရကြောင်းလည်း နစက ဥက္ကဌ က ပြောသည်။

မြန်မာနိုင်ငံရဲတပ်ဖွဲ့ဝင်များအနေဖြင့် ပြည်သူလူထုနှင့် ထိတွေ့မှုအများဆုံးဖြစ် ပြီး သက်ဆိုင်ရာဒေသအလိုက် အထွေထွေအုပ်ချုပ်ရေးမှ အဓိကတာဝန်ရှိသည့် အုပ်ချုပ် ရေးမှူးများ၊ တာဝန်ရှိသူများနှင့် အတူတကွပူးပေါင်း၍ ပြည်သူလူထု၏ လုံခြုံရေး၊ တရား ဥပဒေစိုးမိုးရေး တာဝန်များကို ထမ်းဆောင်ရမည်ဖြစ်ကြောင်းလည်း ယင်းက ပြောသည်။

ပြည်သူ့လုံခြုံရေးစနစ်နှင့် ပတ်သက်၍ မှတ်ပုံ တင်ခွင့်ပြုပြီးဖြစ်သည့် နိုင်ငံရေးပါတီများမှ ဥက္ကဋ္ဌများ၊ ဒုတိယ ဥက္ကဋ္ဌ များ၊ တာဝန်ရှိသူ များ နှင့် တွေ့ဆုံကာပြည်သူလုံခြုံရေးစနစ်ကို ဖော်ဆောင်ရန် ဆွေးနွေး ခဲ့ကြောင်း လည်း ၎င်းကပြောသည်။

ပြည်သူ့လုံခြုံရေးစနစ်သည် အရေးကြီးပြီး ပြည်သူလူထု၊ အုပ်ချုပ်ရေး အဖွဲ့အစည်းများနှင့် လုံခြုံရေးတာဝန်ရှိသူ များအားလုံး ညီညီညွတ်ညွတ် ဖြင့် စည်းလုံးမှုရှိပါက လုံခြုံရေး၊ တည်ငြိမ်အေးချမ်းရေးနှင့် တရားဥပဒေစိုးမိုးရေး လုပ်ငန်းရပ် များ အောင်မြင်နိုင်မည်ဖြစ်ကြောင်း၊ အဓိကမှာ အကြမ်းဖက်သူများ၏ သတင်းပေးပို့ရန် ဖြစ် ပြီး သတင်းပေး ပို့သူကိုလည်း လျှို့ဝှက်ပေးရမည်ဖြစ်သောကြောင့် ပြည်သူ့လုံခြုံရေး စနစ်ကို စနစ် တကျ ဖြင့် အကောင်အ ထည်ဖော်ဆောင်ရွက်ရန်နှင့် ပြည်သူ့ ကာကွယ်ရေးစနစ်သို့ ဖော်ဆောင်သွား ရန်နှင့် နိုင်ငံ့ဝန်ထမ်း များအနေဖြင့် အစိုးရအတွက်မဟုတ်ဘဲ နိုင်ငံ့အရေးကိုသာကြည့်၍ တာဝန် ထမ်းဆောင်ကြရန်လို ကြောင်း နစက ဥက္ကဌက ပြောကြားခဲ့သည်။
Yangon Times/PP
#Local_News
#Published_ 27 January 2024
#YMG #Yangon_Times #Yangon_Media_Group