#Daily_News
Published_ 24 January 2024

၁။ ပုဂံတွင် အာနန္ဒာဘုရားပွဲလည်း ရှိနေပြီး တစ်ရက်ကို ခရီးသွားတစ်သောင်းခန့် ဝင်‌ရောက်နေဟုဆို

၂။ မထွန်မယက် စိုက်ပျိုးခြင်းနည်းပညာကို တောင်သူများအား သင်တန်းများပေးကာ ဖြန့်ဝေပေးသွားမည်ဟုဆို

၃။ သိုလှောင်ရုံတွင် သီးနှံကုန်အပ်ပြီး ချေးငွေယူသည့်စနစ်တွင် ပါဝင်လိုသည့် သိုလှောင်ရုံလုပ်ငန်းရှင်များကို ဖိတ်ခေါ်

၄။ ဟူသီအဖွဲ့၏ တိုက်ခိုက်မှုများကြောင့် ပင်လယ်နီတွင် ကုန်တင်သင်္ဘောများ လမ်းကြောင်းပြောင်း သွားလာနေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 24 January 2024

  မလေးရှား တွင် တရားမဝင် နိုင်ငံခြားသား အလုပ်သမားများ ကို စစ်ဆေးဖမ်းစီးရာတွင် အဖမ်းခံရမည်စိုးရိမ်သဖြင့် နှစ်ထပ် အမြင့်မှ ခုန်ချခဲ့သည့် မြန်မာအမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း မလေးရှားသတင်းဌာန များ မှ သိရသည်။

 ၂၀၂၄ခုနှစ် ဇန်နဝါရီလ ၂၃ရက် နေ့   ည ပိုင်း တွင်  စီလန်ကောပြည်နယ် ဆရင်ဘန်းမြို့ တွင်  မလေးရှား အာဏာပိုင်များက တရားမဝင် နိုင်ငံခြားသား အလုပ်သမား များကိုစစ်ဆေး ဖမ်းဆီးခဲ့ ကြောင်း သိရသည်။ 

  အဆိုပါ ဖမ်းဆီးမှုကြောင့် အထောက်အထားမပြည့်စုံသည့် နိုင်ငံခြားသား လုပ်သား ၆၂၈ဦး ဖမ်းဆီးထိန်းသိမ်းခံခဲ့ရကာ မြန်မာနိုင်ငံသား ၁၀၅ဦးနှင့် ကလေးငယ်၄ဦးအဖမ်းခံခဲ့ရ ကြောင်းသိရသည်။

     ဖမ်းဆီးခံရသူများတွင် ဘင်္ဂလားဒေ့ရှ် အမျိုးသား ( ၂၁၀ )ဦး၊မြန်မာ အမျိုးသား ( ၇၉ )ဦး နှင့် မြန်မာ အမျိုးသမီး ( ၂၆ )ဦး၊ မြန်မာ ခလေး ( ၄ )ဦး ၊နီပေါ အမျိုးသား ( ၂၀၆ )ဦး၊အင်ဒိုနီးရှား အမျိုးသား ( ၄၂ )ဦး ၊ အင်ဒိုနီးရှား အမျိုးသမီး ( ၁၃‌ )ဦး ၊ အင်ဒိုနီးရှား ခလေး ( ၁ ဦး)၊ ပါကစ္စတန် အမျိုးသား ( ၁၃ )ဦး၊ သီရိလင်္ကာ အမျိုးသား ( ၈ )ဦး၊ အိန္ဒိယ အမျိုးသား ( ၂၆ )ဦး၊ တို့ ဖြစ်ကြောင်းသိရသည်။

အဆိုပါ အဖမ်းဆီးခံရသူများကို အရေးယူမှုများပြူလုပ်ရန် အတွက် Lenggeng Immigration Depot လူဝင်မှုကြီးကြပ်ရေးဌာန တွင် ထိန်းသိမ်းထားရှိ‌‌ ကြောင်း သိရှိရသည်။
Yangon Times/LW
#Local_News
#Published_ 24 January 2024
#YMG #Yangon_Times #Yangon_Media_Group

Published_ 24 January 2024

ကုန်းတွင်းသဘာဝဓာတ်ငွေ့ တိုးမြှင့်ထုတ်လုပ်နိုင်လာသည်နှင့်အမျှ သယ်ယူ ပို့ဆောင်ရေးကဏ္ဍတွင် CNG ကို ကျယ်ကျယ်ပြန့်ပြန့်သုံးစွဲနိုင်ရန် စီမံဆောင်ရွက်သွားမှာ ဖြစ်ကြောင်း စွမ်းအင်ဝန်ကြီးဋ္ဌာနဝန်ကြီး ဦးကိုကိုလွင်က ပြောကြားခဲ့ပါတယ်။

အများပြည်သူ သယ်ယူပို့ဆောင်ရေးကဏ္ဍ ဘေးအန္တရာယ်ကင်းရှင်းစွာ ပိုမို အဆင်ပြေ ချောမွေ့စေရေးအတွက် သဘာဝဓာတ်ငွေ့သုံး CNG မော်တော်ယာဉ်များနှင့် ပတ်သက်တဲ့ ညှိနှိုင်းအစည်းအဝေးကို ဇန်နဝါရီ ၂၃ ရက်တွင် ရန်ကုန်တိုင်း ဒေသကြီးအစိုးရအဖွဲရုံး၌ ကျင်းပခဲ့ပါတယ်။

အစည်းအဝေးတွင် ဝန်ကြီး ဦးကိုကိုလွင်က စွမ်းအင်ဝန်ကြီးဌာနအနေဖြင့် နိုင်ငံတော်၏စက်သုံးဆီ လိုအပ်ချက်ကို အတတ်နိုင်ဆုံး ဖြည့်ဆည်းပေးနိုင်ရေးအတွက် ကြိုးပမ်းဆောင်ရွက်နေသလို သဘာဝဓာတ်ငွေ့သုံး (CNG) မော်တော်ယာဉ်များအတွက် သဘာဝဓာတ်ငွေ့ပိုမို ဖြည့်ဆည်းပေးနိုင်ရန် ကုန်းတွင်း သဘာဝဓာတ်ငွေ့တိုးမြှင့် ထုတ်လုပ်နိုင်ရေး စီမံချက်များ ချမှတ်ဆောင်ရွက်လျက် ရှိတယ်လို့ ပြောပါတယ်။

ခရီးသည်များ ဘေးကင်းလုံခြုံမှုရှိစေရေး၊ CNG ကို သက်သာသော ဈေးနှုန်းဖြင့် နိုင်ငံတော်မှ စီမံဆောင်ရွက်ပေးထားမှုများအပေါ်တွင် ပြည်သူများ အကျိုးခံစားမှု ရှိစေရေး၊ CNG ဝယ်ယူရာတွင် တန်းစီစောင့်ဆိုင်းဝယ်ယူရမှု လျော့ကျသွားစေရေး၊ CNG သည် စက်သုံးဆီများနှင့် နှိင်းယှဉ်ပါက သန့်ရှင်းသော စွမ်းအင်ဖြစ်ပြီး ပတ်ဝန်းကျင်ထိခိုက် ညစ်ညမ်းမှုကို လျှော့ချနိုင်ရေးအတွက် နိုင်ငံတကာတွင် ကျယ်ပြန့်စွာ အသုံးပြုနေကြ သကဲ့သို မိမိတိုနိုင်ငံ၌လည်း တိုးမြှင့်သုံးစွဲနိုင်ရေးတို့ကို ပြောကြားခဲ့ပါတယ်။

သဘာဝဓာတ်ငွေ့သုံး CNG မော်တော်ယာဉ်များကို သယ်ယူပိုဆောင်ရေးကဏ္ဍတွင် စနစ်ကျစွာ အသုံးပြုနိုင်ရေး သက်ဆိုင်ရာ အဖွဲအစည်းအသီးသီးတိုသည် စဉ်ဆက်မပြတ် ထိတွေ့ပြီး အောင်မြင်စွာ အကောင်အထည်ဖော် ဆောင်ရွက်မည့်အစီအမံနှင့် အချိန်ဇယား ရေးဆွဲသွားမည်ဖြစ်ကြောင်း သတင်းရရှိပါတယ်။
Ymg_mnn
#Yangon_Media_Group
#Local_News
#Published_ 24 January 2024
#YMG #Yangon_Times #Yangon_Media_Group

သီရိခေတ္တရာ ဆင်စခန်းမှာ ပျူမြို့ဟောင်းထဲ ဆင်စီးပြီးလည်ပတ်နိုင်သလို ပျူမြို့ဟောင်း ကို နောက်ခံထားပြီးတော့
ဆင်စီးပြီး မင်္ဂလာဆောင်ဓါတ်ပုံ အလှဓါတ်ပုံတွေ ရိုက်ကူး နိုင်ပါတယ်
Yangon Times/LW
#Local_News
#Published_ 24 January 2024
#YMG #Yangon_Times #Yangon_Media_Group

သိုလှောင်ရုံတွင် သီးနှံအပ်ပြီး ချေးငွေယူသည့်စနစ်ဖြစ်တဲ့ "သိုလှောင်ရုံကုန်အပ်လက်မှတ်ကို အခြေပြုသည့် ငွေကြေးထောက်ပံ့မှုစနစ်" အစီအစဉ်မှာ ပါဝင်ဆောင်ရွက်လိုတဲ့ သိုလှောင်ရုံလုပ်ငန်းရှင်တွေကို အဆိုပြုလွှာတွေ ဖိတ်ခေါ်ထားတယ်လို့ မြန်မာနိုင်ငံဆန်စပါးအသင်းချုပ်မှ ထုတ်ပြန်ထားပါတယ်။
Yangon Times/tthl
#Local_News
#Published_ 24 January 2024
#YMG #Yangon_Times #Yangon_Media_Group

မထွန်မယက်ခြင်း စိုက်ပျိုးခြင်းကြောင့် အချိန်ကုန်သက်သာပြီး လုပ်သားလိုအပ်ချက်နည်းတဲ့အတွက် တောင်သူတွေ အတွက် ပိုမိုအဆင်ပြေနိုင်မှာ ဖြစ်တာကြောင့် ယင်းစိုက်ပျိုး နည်းပညာတွေကို သင်ကြားပေးဖို့ လုပ်ဆောင်တာ ဖြစ်တယ်လို့ဆိုပါတယ်။
Yangon Times/LW
#Local_News
#Published_ 24 January 2024
#YMG #Yangon_Times #Yangon_Media_Group

"ပြာသိုလပြည့်နေ့နံနက်ပိုင်းမှာ သံဃာ တော်အပါး ၃၀ဝ ကျော်တို့ကို ဆွမ်း၊ ငွေသပိတ်လုံး၊ ငွေပဒေသာပင်တွေနဲ့ လှူဒါန်းပူဇော်မည်ဖြစ်ပြီး အခုနှစ်ပွဲတော်မှာ  ရိုးရာခြင်းပွဲတွေ ထည့်သွင်းကျင်းပဖို့ရှိတယ်"
ဟိုတယ်နှင့်ခရီးသွားလာရေးဝန်ကြီးဌာန(ပုဂံဌာနခွဲ)၊တာဝန်ခံ ၊ဒုတိယညွှန်ကြားရေးမှူးဦးဝင်းအောင်
Yangon Times/tthl
#Local_News
#Published_ 24 January 2024
#YMG #Yangon_Times #Yangon_Media_Group

Published_ 24 January 2024

ရန်ကုန်နှင့်မန္တလေး အမျိုးသားမျက်စိဘဏ်တို့က ၂၀၂၃ ခုနှစ်တွင် လှူဒါန်းရရှိသော မျက်ကြည်လွှာအခု ၈၁ ကို အသုံးပြု၍ လူနာပေါင်း ၁၇၆ ဦးကို မျက်ကြည်လွှာ အစားထိုးကုသမှုများ ဆောင်ရွက်ပေးနိုင်ခဲ့ကြောင်း သိရပါတယ်။

ရန်ကုန်အမျိုသားမျက်စိဘဏ်အနေဖြင့် ၂၀၂၃ ခုနှစ်တွင် လှူဒါန်းရရှိသော မျက်ကြည်လွှာအခု ၅၀ ကို အသုံးပြု၍ လူနာပေါင်း ၁၄၀ ကို မျက်ကြည်လွှာ အစားထိုးကုသမှုများ ဆောင်ရွက်နိုင်ခဲ့ပြီး မန္တလေးအမျိုးသားမျက်စိဘဏ်က ၂၀၂၃ ခုနှစ်တွင် မျက်ကြည်လွှာ လှူဒါန်းမှု ၃၁ ခုကို အသုံးပြုကာ လူနာပေါင်း ၃၆ ဦးကို အစားထိုးကုသမှုများ ဆောင်ရွက်ပေးနိုင်ခဲ့တာ ဖြစ်ပါတယ်။

ကျန်းမာရေးဝန်ကြီးဌာနဝန်ကြီး ပါမောက္ခ ဒေါက်တာသက်ခိုင်ဝင်းသည် ရန်ကုန်မျက်စိရောဂါအထူးကုဆေးရုံကြီးသို သွားရောက်၍ ပြင်ပလူနာဌာန၊ အတွင်းလူနာဆောင်၊ Skill Lab၊ မျက်စိစမ်းသပ်ခန်းများ၊ စာသင်ခန်းများကို လှည့်လည်ကြည့်ရှုပြီး ပြင်ပလူနာများ နေရာကျယ်ဝန်းစွာနှင့် စိတ်ချမ်းသာစွာ ကုသမှုခံယူနိုင်စေရေးအတွက် ဆေးရုံအုပ်ကြီး၊ ပါမောက္ခ/အထူးကုဆရာ ဝန်ကြီးများနှင့် တွေ့ဆုံဆွေးနွေးကာ မျက်စိခွဲစိတ်ကုသမှုများ တိုးတက်ဆောင်ရွက်နိုင်ရန် လိုအပ်သည့် စက်ပစ္စည်းများ ဖြည့်ဆည်းပေးနိုင်ရေး ညှိနှိင်း ဆောင်ရွက်ပေးခဲ့ကြောင်း သိရပါတယ်။

ဆက်လက်၍ ရန်ကုန်အမျိုးသားမျက်စိဘဏ်၌ မျက်ကြည်လွှာ လှူဒါန်းမှုများ တိုးတက်ရရှိစေရေး၊ မျက်ကြည်လွှာ အစားထိုးကုသမှုကို တိုးတက်ဆောင်ရွက်နိုင်ရန် အတွက်လိုအပ်သော အထူးကုဆရာဝန်၊ ဆေးဘက်ဆိုင်ရာ ကျွမ်းကျင်ဝန်ထမ်းများနှင့် ပိုမိုကောင်းမွန်သည့် ခွဲစိတ်ကုသမှုပစ္စည်းများ ထောက်ပံ့ပေးနိုင်ရေးတို့ကို ဝန်ကြီးနှင့် တာဝန်ရှိသူတို့က ဆွေးနွေးဖြည့်ဆည်းခဲ့တယ်လို့ သိရပါတယ်။

ရန်ကုန်အမျိုးသားမျက်စိဘဏ်ကို ၁၉၉၄ ခုနှစ်၌ စတင်တည်ထောင်ခဲ့ပြီး တာမွေ မြို့နယ်ရှိ ရန်ကုန်မျက်စိရောဂါ အထူးကုဆေးရုံကြီး၏ အပေါ်ဆုံးထပ်တွင်တည်ရှိပြီး အမျိုးသား မျက်စိဘဏ် (မန္တလေး)ကို ၁၉၉၉ ခုနှစ်တွင် စတင်ဖွင့်လှစ်ခဲ့တာ ဖြစ်ပါတယ်။

မျက်ကြည်လွှာ အစားထိုးခွဲစိတ်ကုသရာတွင် မျက်ကြည်လွှာတစ်ခုကို မျက်စိလူနာ နှစ်ဦးနှင့်အထက် အစားထိုးကုသမှုပေးနိုင်ကြောင်း သိရပါတယ်။
Ymg_mnn
#Local_News
#Published_ 24 January 2024
#YMG #Yangon_Times #Yangon_Media_Group

Published 24 January 2024

အမေရိကန် ဗဟိုထောက်လှမ်းရေးအေဂျင်စီ (CIA)က ရုရှားထောက်လှမ်းရေး အမှုထမ်းများ ဘက်ပြောင်းချင်လာပြီး အမေရိကန်အတွက် နှစ်ဖက်ချွန်သူလျှိုအဖြစ် လုပ်ကိုင်ပေးချင်လာအောင် အယုံသွင်းဖို့ကြိုးစားတဲ့အနေနဲ့ ရုရှားဘာသာစကားပါ ဗီဒီယိုတစ်ခုကို ထုတ်လွှင့်လိုက်ပါတယ်။

ယူကရိန်းစစ်ပွဲနဲ့ ပတ်သက်ပြီး ရုရှားအချို့ကြားမှာ မကျေနပ်မှုတွေ ဖြစ်နေတာဟာ သူလျှိုခေါ်ယူရန်အတွက် ရှားရှားပါးပါး အခွင့်အရေးဖြစ်ပြီး ဒါကို CIA က လက်လွတ်ခံမှာမဟုတ်ကြောင်း ညွှန်ကြားရေးမှူး ဝီလီယံဘန်းစ်က ဇူလိုင်လတုန်းက ပြောကြားခဲ့ပါတယ်။

CIA ရဲ့ ဆိုရှယ်မီဒီယာ တရားဝင်ချန်နယ်တွေမှာ ဗီဒီယိုကို ပြသခဲ့တာဖြစ်ပြီး ရုရှားအထက်တန်းစား အသိုင်းအဝိုင်းများကြား အကျင့်ပျက်ခြစားပုံတွေ၊ ရုရှားလက်နက်ကိုင်တပ်တွေ မပြည့်မစုံဖြင့် ထောက်ပံ့ထားပုံတွေကြောင့် စိတ်ပျက်နေရတဲ့ ရုရှားမျိုးချစ်ထောက်လှမ်းရေးတွေကို ရည်ရွယ်ပြသတဲ့သဘော ဖြစ်ပါတယ်။

ဗီဒီယိုထဲက အဓိကဇာတ်ကောင်က အသက် ၃၅ နှစ်အရွယ် ရုရှားစစ်တပ်ထောက်လှမ်းရေး အမှုထမ်းတစ်ဦးဖြစ်ပြီး ရုရှားမျိုးချစ်တစ်ယောက်အဖြစ် သူ့ကိုယ်သူ ခံယူထားကာ လေထီးတပ်သားအဖြစ် အမှုထမ်းခဲ့ဖူးသူလည်း ဖြစ်ပါတယ်။

ဗီဒီယိုထဲမှာ နိုင်ငံ့ထိပ်သီးခေါင်းဆောင်က နန်းတော်ကြီးတွေ ဇိမ်ခံလှေတွေရရှိဖို့ တိုင်းပြည်ကိုရောင်းစားသွားကြောင်း၊ ထိုအချိန်မှာ စစ်သားတွေက ပုပ်သိုးနေတဲ့ အာလူးတွေ စားသုံးနေရပြီး ခေတ်ဟောင်းက လက်နက်တွေ အသုံးပြုနေရကြောင်း၊ ပြည်သူတွေက အလုပ်ရဖို့ လာဘ်ထိုးနေရကြောင်း ဇာတ်ဆောင်က ပြောကြားထားပြီး ဗီဒီယိုထဲမှာ အရာရှိပိုင်းတွေက ကားအကောင်းစားများ စီးနင်းကာ ခွက်ချင်းတိုက်နေကြပုံတွေ ပြသထားပါတယ်။

သူ့ရဲ့မျိုးချစ်စိတ်ကြောင့်ပဲ CIA နဲ့ လက်တွဲလုပ်ကိုင်ဖို့ ဖြစ်လာပြီး ဗီဒီယိုအဆုံးသတ်ပိုင်းမှာ မိုဘိုင်းဖုန်းဖြင့် CIA ကို ဆက်သွယ်နေပုံကို ဖော်ပြထားပါတယ်။

ရုရှားဘက်ကတော့ ယင်းတို့တပ်မတော်ဟာ ယူကရိန်းမှာ အထူးစစ်ဆင်ရေး အောင်နိုင်ဖို့ လိုအပ်တဲ့ စစ်ရေးကိရိယာတွေ ပြည့်စုံအောင် ထားရှိကြောင်း တုန့်ပြန်လိုက်ပါတယ်။

အကျင့်ပျက်ခြစားတယ်ဆိုတဲ့ စွပ်စွဲချက်တွေက မှားယွင်းတယ်ဆိုပြီး ငြင်းဆန်လိုက်ကာ CIA ရဲ့ဗီဒီယိုကို လျစ်လျူရှုထားပါတယ်။

ဒီလိုအယုံသွင်းတာမျိုးက ဖြစ်လေ့ဖြစ်ထရှိပြီး ကမ္ဘာတဝှမ်းက ထောက်လှမ်းရေးတွေက ဆိုရှယ်မီဒီယာတွေ အသုံးပြုကာ အမှုထမ်းတွေ ခေါ်ယူနေကြကြောင်း၊ CIA ကလည်း ဒီလိုမျိုး အမြဲပြုလုပ်လေ့ရှိကြောင်း ရုရှားအစိုးရမှ ပြောရေးဆိုခွင့်ရှိသူ ဒီမစ်ထရီပက်စ်ကော့ဗ်က အင်္ဂါနေ့မှာ ပြောကြားလိုက်ပါတယ်။

CIA က ဒီဗီဒီယိုကို ဖေ့စ်ဘွတ်ခ်၊ X နဲ့ တယ်လီဂရမ်တို့မှာ ဖြန့်ခဲ့ပါတယ်။

ဖေ့စ်ဘွတ်ခ်နဲ့ X တို့က ရုရှားမှာ ပိတ်ပင်ထားတာဖြစ်ပြီး CIA အနေနဲ့ သက်သက်မဲ့ အချိန်ကုန်နေတယ်လို့ ပက်စ်ကော့ဗ်က ဆိုလိုက်ပါတယ်။
Source: Reuters
#World_News
#Published_ 24 January 2024
#YMG #Yangon_Times #Yangon_Media_Group

Published 24 January 2024

ပဲခူးတိုင်းဒေသကြီး၊ ပဲခူးမြို့နယ်၊ မဲခုန်ကျေးရွာ၊ မဇင်းရပ်ကွက်၊ တိုးချဲ့ (၂)လမ်းရှိ ရာဘာမှိုင်းခံ စက်ရုံမီးလောင်မှုဖြစ်ပွားခဲ့ကြောင်း မြန်မာနိုင်ငံ မီးသတ်တပ်ဖွဲ့၏သတင်းထုတ်ပြန်ချက်အရသိရသည်။

ဇန်နဝါရီ (၂၄) ရက်၊ နံနက် (၁)နာရီ (၃၈) မိနစ်အချိန်ခန့်က ပဲခူးမြို့နယ်၊ မဲခုန်ကျေးရွာရှိ ရာဘာမှိုင်းခံ စက်ရုံ မီးလောင်မှုဖြစ်ပွားကြောင်း သတင်းအရ ပဲခူးတိုင်း/ခရိုင်/မြို့နယ်မီးသတ်စခန်းတို့မှ မီးသတ်ယာဉ် (၆)စီးတို့ဖြင့် ထွက်ခွာငြှိမ်းသတ်ခဲ့ကြောင်း သိရသည်။

 အဆိုပါ မီးလောင်ကျွမ်းမှုကို (၁)နာရီနီးပါးခန့် ငြှိမ်းသတ်ခဲ့ရပြီး နံနက် (၂)နာရီခွဲအချိန်တွင် မီးငြိမ်းခဲ့ကြောင်းသိရသည်။

မီးလောင်သည့် ဖြစ်စဉ်နှင့် ဆုံးရှုံးမှုတန်ဖိုးများကို  သက်ဆိုင်ရာက စစ်ဆေးလျက်ရှိကြောင်းသိရသည်။
Yangon Times/LW
#Local_News
#Published_ 24 January 2024
#YMG #Yangon_Times #Yangon_Media_Group

Published 24 January 2024

အဆိပ်ပြင်းပင့်ကူထံမှ အဆိပ်က အသက်သေစေနိုင်သလို အသက်တွေကိုလည်း ကယ်တင်နိုင်ပါတယ်။

ဩစတြေးလျ ကွင်းစ်လန်းတက္ကသိုလ်အဖွဲ့မှ စူးစမ်းလေ့လာနေတဲ့ ပင့်ကူအဆိပ်မော်လီကျူးဟာ နှလုံးဖောက်ခြင်းနဲ့ လေဖြတ်ခြင်းတို့ကို ကုသဖို့အတွက် အရည်အသွေးတွေနဲ့ ကိုက်ညီနေပါတယ်။

Hi1aဆေးက နှလုံးဖောက်ခြင်းနဲ့ လေဖြတ်ခြင်းတို့ကြောင့်ဖြစ်တဲ့ ထိခိုက်မှုမှ ဆဲလ်များကို ကာကွယ်ပေးကြောင်း ပရော်ဖက်ဆာ နေသန်ပဲလ်ပန့်နဲ့ ဂလင်းကင်းတို့က ပြသထားပါတယ်။

တကယ့်လက်တွေ့ ကုသမှုပုံစံလိုမျိုး စမ်းသပ်ချက်များဖြင့် ဆေးကိုနောက်ထပ်လေ့လာခဲ့ကြပါတယ်။

Hi1a အလုပ်လုပ်ပုံ၊ ဘယ်လို နှလုံးဖောက်ခြင်းအဆင့်နဲ့ ပမာဏဘယ်လောက် အသုံးပြုသင့်လဲဆိုတာတွေကို နားလည်စေမှာ ဖြစ်တယ်လို့ ဆိုပါတယ်။

Hi1a က စမ်းသပ်မှုအဆင့် ၃ အထိရောက်တဲ့ တစ်ခုတည်းသော နှလုံးကာကွယ်ရေးဆေးဖြစ်ပြီး ထိခိုက်သွားတဲ့ဆဲလ်တွေကို ကုသပေးပြီး ကျန်တဲ့နေရာတွေကို မထိတာကြောင့် ဘေးထွက်ဆိုးကျိုး နည်းစေတယ်လို့ ရှင်းပြပါတယ်။

ဒါ့အပြင် နှလုံးဖောက်ခြင်းနဲ့ လေဖြတ်ခြင်းတို့ဖြစ်စဥ်မှာ ဆဲလ်သေဆုံးခြင်းမှ ကာကွယ်ပေးပြီး နှလုံးနဲ့ဦးနှောက်တို့ ထိခိုက်ခြင်းကို လျှော့ချပေးပါတယ်။

စမ်းသပ်ချက်နဲ့ ဘေးကင်းစိတ်ချရေး လေ့လာချက်များအရ Hi1a ဟာ ထိရောက်ဘေးကင်းတဲ့ ကုသနည်းဖြစ်တယ်လို့ အထောက်အထား တွေ့ရှိထားပါတယ်။

ကမ္ဘာတဝှမ်းမှာ နှလုံးဖောက်ခြင်းနဲ့ လေဖြတ်ခြင်းတို့ကြောင့် အသက်ဆုံးရှုံးမှုများနေပြီး ထိခိုက်မှုကို ကာကွယ်ပေးနိုင်တဲ့ဆေး မရှိသေးဘဲ အခုလိုထိရောက်မှုရှိတဲ့ဆေးက နှလုံးရောဂါရှိသူတွေရဲ့ အသက်ပေါင်းများစွာကို ကယ်တင်နိုင်ဖွယ်ရှိနေတယ်လို့ Infensa Bioscience မှ စီအီးအိုပရော်ဖက်ဆာ မာ့ခ်စမစ်က ပြောကြားသွားပါတယ်။
Source: The Jerusalem Post.
#World_Health
#Published_ 24 January 2024
#YMG #Yangon_Times #Yangon_Media_Group

Published 24 January 2024

အချို့သော အစားအစာတွေဟာ ဟော်မုန်းမညီမျှခြင်း၊ အာဟာရချို့တဲ့ခြင်း၊ ရောင်ရမ်းခြင်းတို့ကို ထိခိုက်စေတာကြောင့် ဆံပင်ကျွတ်ခြင်းကို မြင့်မားစေနိုင်ပါတယ်။

ဒါတွေက အင်ဆူလင်ပမာဏကို မြင့်တက်စေကာ ရောင်ရမ်းခြင်းဖြစ်လာပြီး ဆံပင်ကျွတ်စေတာ ဖြစ်ပါတယ်။
 
(၁) သကြား
သကြားအများအပြား စားသုံးပါက ခန္ဓာကိုယ်ထဲမှာ ရောင်ရမ်းခြင်းဖြစ်စေပြီး ဆံပင်ဖွံ့ဖြိုးမှုစက်ဝန်းကို နှောင့်ယှက်စေပါတယ်။
 
(၂) ဆီကြော်မုန့်များ
ဆီနဲ့ကြော်တဲ့ အစားအစာတွေမှာ ကျန်းမာရေးနဲ့မညီတဲ့ အဆီများ မြင့်မားစွာပါဝင်တာကြောင့် ရောင်ရမ်းခြင်းကို ဖြစ်စေကာ ဆံပင်ကျွတ်စေပါတယ်။
 
(၃) အသင့်စားမုန့်များ
ကျန်းမာရေးနဲ့မညီတဲ့ အဆီများ၊ သကြားများ၊ အာဟာရဓာတ် နည်းပါးခြင်းတို့ကြောင့် ဆံပင်ကျွတ်ခြင်းကို ဖြစ်စေပါတယ်။
 
(၄) ဆိုဒါနှင့်အချိုရည်များ
ထိုကဲ့သို့သောက်စရာတွေမှာ ပါဝင်တဲ့ သကြားနဲ့ စွဲလမ်းစေတဲ့အရာများက ရောင်ရမ်းစေပြီး ဆံပင်မွေးညင်းပေါက်တွေကို ထိခိုက်စေပါတယ်။
 
(၅) သကြားအစားထိုး အချိုဓာတ်ပါသောအမှုန့်များ
ဒီလိုအမှုန့်တွေက ခန္ဓာကိုယ်ရဲ့ ဇီဝကမ္မဖြစ်စဥ်ကို နှောင့်ယှက်ပြီး ဆံပင်ကျွတ်ခြင်း ဖြစ်စေပါတယ်။
 
(၆) အဆင့်ဆင့်ထုတ်လုပ်ထားသော အသားများ
ဟော့ဒေါ့၊ ဝက်အူချောင်း၊ ဝက်ပေါင်ခြောက်တို့မှာ ကျန်းမာရေးနဲ့ မညီညွတ်တဲ့ အဆီများနဲ့ ဆံပင်ကျန်းမာရေးကို ထိခိုက်စေတဲ့ စွဲလမ်းစေတဲ့အရာများ ပါဝင်ပါတယ်။
 
(၇) မာကျူရီမြင့်မားသောငါး
မာကျူရီမြင့်မားစွာပါဝင်တဲ့ ငါးတွေက ဆံပင်မွေးညင်းပေါက်များကို ထိခိုက်စေပြီး ဆံပင်ကျွတ်စေပါတယ်။
 
(၈) သန့်စင်ထားသောကောက်ပဲများ
ပေါင်မုန့်ဖြူ၊ ပါစတာတို့ဟာ သွေးတွင်းသကြားဓာတ် များစေပြီး ရောင်ရမ်းခြင်းဖြစ်စေပါတယ်။
 
(၉) အယ်လ်ကိုဟော
အရက်အလွန်အကျွံ သောက်သုံးပါက ဟော်မုန်းမညီမျှခြင်း၊ အာဟာရချို့တဲ့ခြင်းတို့ဖြစ်စေကာ ဆံပင်ကျန်းမာရေးအတွက် မရှိမဖြစ်လိုအပ်တဲ့ ဗိုက်တာမင်နဲ့ သတ္တုဓာတ်တွေ စုပ်ယူမှုကို ထိခိုက်စေပါတယ်။
 
(၁၀) ကဖင်းဓာတ်များလွန်းခြင်း
ကော်ဖီအလွန်အကြူးသောက်ခြင်းဖြင့် ရေဓာတ်ခန်းခြောက်စေကာ ဆံကေသာကျန်းမာရေးကို ထိခိုက်စေပါတယ်။
Source: DoctorNDTV.
#World_Health
#Published_ 24 January 2024
#YMG #Yangon_Times #Yangon_Media_Group