Published_ 25 January 2024

အိန္ဒိယ-မြန်မာနှစ်နိုင်ငံပူးပေါင်းပြီး နှစ်နိုင်ငံနယ်စပ်ဒေသ၌မူးယစ်ဆေးဝါးထိန်းချုပ်ရန်အတွက် မူးယစ် ဆေးဝါးချက်လုပ်ရာတွင် အသုံးပြုနေသည့် ပရီကာဆာဓာတုပစ္စည်းများ တရားမဝင် ဝင်ရောက်မှုမရှိစေ ရေးကိုဆောင်ရွက်သွားမည်ဖြစ်ကြောင်း သိရသည်။

မြန်မာနိုင်ငံမှ အလှည့်ကျအိမ်ရှင်အဖြစ် ကျင်းပသည့် (၇) ကြိမ်မြောက် မြန်မာ-အိန္ဒိယနှစ်နိုင်ငံမူးယစ် ဆေးဝါးပူးပေါင်းထိန်းချုပ်ရေး ညွှန်ကြားရေးမှူးချုပ်အဆင့်အစည်းအဝေးမှသိရခြင်းဖြစ်သည်။

အစည်းအဝေးတွင် မြန်မာကိုယ်စားလှယ်အဖွဲ့ ခေါင်းဆောင် ရဲမှူးချုပ်ဝင်းနိုင်က ‘‘ မူးယစ်ဆေးဝါး ချက်လုပ်ရာတွင် အသုံးပြုနေသည့် ဓာတုပစ္စည်းများဖမ်းဆီးရမိမှုမှာ မူးယစ်ဆေးဝါး ဖမ်းဆီးရမိမှုများနှင့် နှိုင်းယှဉ်ပါက လွန်စွာနည်းပါးနေသည့်အတွက် နှစ်နိုင်ငံ နယ်နိမိတ်ထိစပ်နေသည့် နယ်စပ်ဒေသများမှ ပရီကာဆာဓာတုပစ္စည်းများ တရားမဝင် ဝင်ရောက်မှုမရှိစေရေးကို ယခုထက်ပိုမို တိုးမြှင့်ပူးပေါင်း ဆောင်ရွက်သွားရမည် ဖြစ်ပါကြောင်း၊ နှစ်နိုင်ငံအကြား မူးယစ်တရားခံပြေးများ၊ ကွင်းဆက်တရားခံများ၊ ပရီကာဆာဓာတုပစ္စည်းများ တရားမဝင် သယ်ဆောင်ရောင်းဝယ်မှုဆိုင်ရာ သတင်းအချက်အလက်များ၊ မူးယစ်ကုန်ကူးသူများ၏ လှုပ်ရှားဆောင်ရွက်မှုများနှင့်ပတ်သက်ပြီး သတင်းအချက်အလက်များရရှိပါက အချိန်နှင့်တစ်ပြေးညီ သတင်းဖလှယ်ပေးပို့စေလိုကြောင်း’’ ဆွေးနွေးပြောကြားခဲ့သည်။

အစည်းအဝေးသို့ အိန္ဒိယနိုင်ငံမူးယစ်ဆေးဝါး ထိန်းချုပ်ရေးဗျူရို (NCB) ညွှန်ကြားရေးမှူးချုပ် Mr. Satya Narayan Pradhan ဦးဆောင်သည့် ကိုယ်စားလှယ်များ တက်ရောက်ခဲ့ပြီး နှစ်နိုင်ငံကိုယ်စားလှယ်များမှ လက်ရှိမူးယစ်ဆေးဝါးအခြေအနေများ၊ မူးယစ်ဆေးဝါးထုတ်လုပ်ရာတွင် အသုံးပြုသည့်ဓာတုပစ္စည်းများ တရားမဝင် ဝင်ရောက်မှုမရှိစေရေး တားဆီးနှိမ်နင်းရေးဆောင်ရွက်မှုအခြေအနေများ၊ မူးယစ်ဆေးဝါး သုံးစွဲမှုလျှော့ချရေး အခြေအနေများ၊ နယ်စပ်ဒေသများတွင် ဘိန်းပင်တရားမဝင်စိုက်ပျိုးခြင်းဆိုင်ရာ သတင်းအချက်အလက်များ ဖလှယ်ခြင်းဆိုင်ရာကိစ္စရပ်များ၊ (၈) ကြိမ်မြောက် အစည်းအဝေးကို အိန္ဒိယနိုင်ငံမှ အိမ်ရှင်အဖြစ် ကျင်းပနိုင်ရေးဆိုင်ရာကိစ္စရပ်များကို ဆွေးနွေးခဲ့ကြကြောင်း သိရသည်။
Yangon Times/tthl
#Local_News
#Published_ 25 January 2024
#YMG #Yangon_Times #Yangon_Media_Group

သင်္ကြန်ပိတ်ရက်မှာတော့ ဥရောပဘက်ကိုထွက်မယ့် ခရီးစဉ်တွေ တော်တော်များများ ရောင်းချနေတာတွေ တွေ့ရတယ်၊ တော်တော်များများလည်း စိတ်ဝင်စားကြတယ်ပေါ့နော်၊ ရက်ရှည်ခရီးစဉ်ဖြစ်တဲ့အတွက် အဲ့ဒီဟာတွေလည်းကျွန်တော်တို့ရောင်းတယ်၊ နောက်ပြည်ပထွက်တဲ့ ခရီးစဉ်တွေကလည်းပဲ အလားအလာကောင်းတယ်လို့ သိရပါတယ်။
Yangon Times/NN
#Local_News
#Published_ 25 January 2024
#YMG #Yangon_Times #Yangon_Media_Group

ယခင်လပိုင်းက လမ်းပန်းဆက်သွယ်ရေး အခက်ခဲကြောင့် ပြည်ပကိုမတင်ပို့နိုင်‌သေးတဲ့အတွက် မြေပဲပေါ်ချိန်မှာ တောင်သူတွေ အရှုံးမပေါ်စေရန် တိုင်းတောင်သူအဖွဲ့ အနေနဲ့ ပြည်ပပို့ကုန် လုပ်ငန်းရှင်များနဲ့ ပူးပေါင်းကာ မြေပဲတောင့်များကို ဒေသပေါက်ဈေးအတိုင်းပေးဝယ်ခဲ့ရာ တန်၇၀၀ ကျော် အထိ ဝယ်ယူပေးခဲ့တယ်လို့ မကွေးတိုင်းတောင်သူဖွံ့ဖြိုးရေးအဖွဲ့ထံ က သိရပါတယ်။
Yangon Times/LW
#Local_News
#Published_ 25 January 2024
#YMG #Yangon_Times #Yangon_Media_Group

ယခင်လပိုင်းက လမ်းပန်းဆက်သွယ်ရေး အခက်ခဲကြောင့် ပြည်ပကိုမတင်ပို့နိုင်‌သေးတဲ့အတွက် မြေပဲပေါ်ချိန်မှာ တောင်သူတွေ အရှုံးမပေါ်စေရန် တိုင်းတောင်သူအဖွဲ့ အနေနဲ့ ပြည်ပပို့ကုန် လုပ်ငန်းရှင်များနဲ့ ပူးပေါင်းကာ မြေပဲတောင့်များကို ဒေသပေါက်ဈေးအတိုင်းပေးဝယ်ခဲ့ရာ တန်၇၀၀ ကျော် အထိ ဝယ်ယူပေးခဲ့တယ်လို့ မကွေးတိုင်းတောင်သူဖွံ့ဖြိုးရေးအဖွဲ့ထံ က သိရပါတယ်။
Yangon Times/LW
#Local_News
#Published_ 25 January 2024
#YMG #Yangon_Times #Yangon_Media_Group

အေးလာ၍ တုပ်ကွေးနဲ့ကိုဗစ်အဖြစ်များတယ်။ ကိုဗစ်က အနံမပျောက်ဘဲ တုပ်ကွေးဆန်လာတယ်။ ‘‘ ညပိုင်းအချိန်တွေမှာ အေးလာတဲ့အတွက် ချောင်းဆိုး၊ ဖျားနာ၊ နှာစေးတာစတဲ့ ရာသီတုပ်ကွေး ရောဂါတွေဖြစ်နိုင်သလို ကိုဗစ်လည်း မပြီးဆုံးသေးတဲ့အတွက် ကိုဗစ်ကို သတိထားဖို့လိုတယ်လို့ ဆိုပါတယ်။ အရင်တုန်းက ကိုဗစ်နဲ့ရာသီတုပ်ကွေးရောဂါဖြစ်ပွားမှု ရောဂါလက္ခဏာတွေ ကွာခြားခဲ့ပေမယ့် နောက်ပိုင်းဖြစ်ပွားတဲ့ ကိုဗစ်ရောဂါတွေမှာ အနံပျောက်တာမတွေ့ရတော့ဘဲ တုပ်ကွေးဆန်လာတယ်လို့ပြောပါတယ်”
မကွေးတိုင်းဒေသကြီးပြည်သူ့ကျန်းမာရေးဦးစီးဌာနမှူး ဒေါက်တာနန္ဒဝင်း
Yangon Times/tthl
#Local_News
#Published_ 25 January 2024
#YMG #Yangon_Times #Yangon_Media_Group

Published_25 Jan 2024

ဦးအောင်ဆန်းဦးနှင့်ဒေါ်အောင်ဆန်းစုကြည်တို့ အငြင်းပွားအမှု ဖြစ်နေသော တက္ကသိုလ်ရိပ်သာလမ်းနေအိမ်ကို ကျပ်ငွေ ၃၁၅ ဘီလျံ နှင့်လေလံ တင်မည်ဟု တရားရုံးနှင့် နီးစပ်သည့် အသိုင်းအဝိုင်းက YMG ကို ပြောသည်။

“အမှူကတော့ မပြီးသေးဘူး၊ဒါပေမဲ့ ဒါက တရာရုံးရဲ့ လုပ်ထုံးလုပ်နည်းဖြစ်ပါတယ်။အမှု မပြီးပြတ်သေးဘဲ လုပ်လို့ ရလားဆိုတာတော့ တရားရုံးရဲ့ လုပ်ထုံးလုပ်နည်းလို့သာ ပြောချင်ပါတယ်”ဟု တရားရုံးနှင့် နီးစပ်သော အသိုင်းအဝိုင်းမှ ပုဂ္ဂိုလ်တစ်ဦးက YMG ကို ပြောသည်။

ယနေ့ ဇန်နဝါရီလ ၂၅ ရက်တွင် အဆိုပါ တက္ကသိုလ်ရိပ်သာလမ်း နေအိမ် ခြံနံပါတ် ၅၄ ကို ကျပ်ငွေ ၃၁၅ ဘီလျံနဲ့ လေလံကြမ်း‌ခင်းဈေးသတ်မှတ်ကာ လာမည့် မတ်လ ၂၀ ရက်တွင် ယင်းနေအိမ်ရှေ့၌ လေလံတင် ရောင်းချရန် ကမာရွတ်ခရိုင်တရားရုံးက အမိန့်ချလိုက်ခြင်း ဖြစ်ကြောင်း သိရသည်။

အဆိုပါ နေအိမ်ကို ဒေါ်ခင်ကြည် အမည်ပေါက်ပိုင်ဆိုင်ခြင်းဖြစ်ပြီး ဦးအောင်ဆန်းဦးနှင့်ဒေါ်အောင်ဆန်းစုကြည် တို့ကအမွေခွဲရေးကိစ္စဖြင့် လွန်ခဲ့သောနှစ်အတော်ကြာကပင် အမှု ဖြစ်နေခဲ့ခြင်း ဖြစ်သည်။
Yangon_Times/PP
#Local_News
#Published_ 25 January 2024
#YMG #Yangon_Times #Yangon_Media_Group

Published 25 January 2024

   ပြည်တွင်း ရွှေဈေးနှုန်း တက်ရိပ်ပြလာသည့်အတွက် ဈေးနှုန်းကိုထိန်းသိမ်း ရောင်းဝယ်ကြရန် ရန်ကုန်တိုင်းရွှေလုပ်ငန်းရှင်များအသင်းက မေတ္တာရပ်ခံ အသိပေးထားသည်။

ဇန်နဝါရီလ ၂၄ရက် က ရန်ကုန်တိုင်းရွှေလုပ်ငန်းရှင်များအသင်းမှ အသင်းသူ/အသင်းသားများအနေဖြင့် ဈေးနှုန်းအား ထိန်းထိန်းသိမ်းသိမ်း ရောင်းဝယ်ပေးကြရန်နှင့် လက်ငင်းစနစ်ဖြင့်သာ အရောင်းအဝယ်ပြုလုပ်ကြရန် နှင့် ပို၍ ရောင်းဝယ်ခြင်းများကိုလုံးဝမပြုလုပ်ရန် မေတ္တာရပ်ခံ အသိပေးပန်ကြားထားသည်။

လက်ရှိတွင် ပြည်တွင်းရွှေဈေးကွက်အတွင်း ကမ္ဘာ့ရွှေဈေးကျဆင်းနေသော်လည်း အခေါက်ရွှေ တစ်ကျပ်သားလျှင် ၃၈၅၀၀၀၀ အထိ မြင့်တက်လာကြောင်း သိရသည်။

ပြည်တွင်း‌ရွှေဈေးနှုန်း အတက်အကျသည် ကမ္ဘာ့ရွှေဈေးနှုန်း အတက်အကျပေါ်မှာသာ မူတည်သော်လည်း ကမ္ဘာ့ရွှေဈေးကျနေချိန်တွင် ပြည်တွင်းရွှေဈေးသည်ကျဆင်းမှုမရှိဘဲ မြင့်တက်လာခြင်းဖြစ်သည်။
Yangon Times/LW
#Local_News
#Published_ 25 January 2024
#YMG #Yangon_Times #Yangon_Media_Group

Published_ 25 January 2024

မြန်မာနိုင်ငံတော်ပိုင် လေကြောင်းလိုင်းဖြစ်သော မြန်မာအမျိုးသားလေကြောင်း၏ ကုန်ပစ္စည်း သယ်ယူပို့ဆောင်ရေး လေကြောင်းခရီးစဉ်များတွင် အသုံးပြု ပျံသန်းပြေးဆွဲသွားမည့် Boeing 737-800 Freighter လေယာဉ် ရန်ကုန်အပြည်ပြည်ဆိုင်ရာလေဆိပ်သို့ ယနေ့ညနေက ရောက်ရှိခဲ့ကြောင်း သိရသည်။

အဆိုပါ Boeing 737-800 Freighter လေယာဉ်အမှတ် 9M-WCA ၊ Flight No. (3G 005) Cargo လေယာဉ်သည် မလေးရှားနိုင်ငံ၊ ကွာလာလမ်ပူမြို့မှ ထွက်ခွာ၍ ရန်ကုန်အပြည်ပြည်ဆိုင်ရာလေဆိပ်သို့ ယမန်နေ့ညနေ (၁၅:၂၅) တွင် ဆိုက်ရောက် ခဲ့ခြင်းဖြစ်သည်။

တန်ချိန်အားဖြင့် (၂၂) တန်ခန့် သယ်ဆောင်နိုင်မည့်အပြင် ပုံမှန်လေကြောင်းခရီးစဉ် တွင်သယ်ဆောင်၍မရသော Dangerous Goods များလည်း ပို့ဆောင်နိုင်မည် ဖြစ်ပါသည်။

ရန်ကုန်မြို့မှ အခြေပြု၍ အရှေ့တောင်အာရှနိုင်ငံများသို့ ကုန်ပစ္စည်းသယ်ယူပို့ဆောင်သည့် ခရီးစဉ်များကို ပိုမိုချဲ့ထွင် ပျံသန်းပို့ဆောင်နိုင်ရန်လည်း စီစဉ်ထားရှိကြောင်း သိရသည်။
Yangon Times/mnn
#Local_News
#Published_ 25 January 2024
#YMG #Yangon_Times #Yangon_Media_Group

Published 25 January 2024

မြောက်ကိုရီးယားက ယင်းတို့ရဲ့ ဗျူဟာမြောက်ပဲ့ထိန်းဒုံးကျည်အသစ်ကို ဗုဒ္ဓဟူးနေ့က စမ်းသပ်ခဲ့ကြောင်း နိုင်ငံပိုင်မီဒီယာ KCNA က ကြာသပတေးနေ့မှာ ဖော်ပြလိုက်ပါတယ်။

အဆိုပါ ဒုံးကျည်စမ်းသပ်မှုကို တောင်ကိုရီးယားစစ်တပ်ဘက်က ထိုနေ့မတိုင်ခင်ကတည်းက ပြောထားတာ ဖြစ်ပါတယ်။

Pulhwasal-3-31 လို့ အမည်ပေးထားတဲ့ ဒုံးကျည်ဟာ လက်ရှိမှာ ထုတ်လုပ်နေဆဲဖြစ်ပြီး စမ်းသပ်ပစ်ခတ်မှုက အိမ်နီးချင်းနိုင်ငံတွေရဲ့ လုံခြုံရေးကို ထိခိုက်မှုမရှိခဲ့ဘဲ ဒေသတွင်းအခြေအနေတွေနဲ့ ဘာပတ်သက်မှုမှ မရှိဘူးလို့ မီဒီယာက ဖော်ပြခဲ့ပါတယ်။

ဒုံးကျည်ထိန်းချုပ်ကွပ်ကဲရေးရဲ့  ပြောကြားချက်အရ အဆိုပါစမ်းသပ်မှုဟာ တိုင်းပြည်ရဲ့ လက်နက်လုပ်ငန်းစဥ်များကို အဆင့်မြှင့်တင်ခြင်းရဲ့ တစ်စိတ်တစ်ပိုင်း ဖြစ်ပါတယ်။

စမ်းသပ်ချက်က လက်ရှိဒုံးကျည်စွမ်းရည်များရဲ့ အဆင့်မြှင့်တင်ချက်တွေကို စမ်းသပ်ရန် ဖြစ်တယ်လို့ တောင်ကိုရီးယား ပူးတွဲကာကွယ်ရေးစစ်ဦးစီးချုပ်က ယုံကြည်နေပါတယ်။

မြောက်ကိုရီးယားဟာ ဒေသစံတော်ချိန် နံနက် ၇ နာရီခန့်မှာ ပဲ့ထိန်းဒုံးကျည်များကို အနောက်ကမ်းရိုးတန်းဘက် ပင်လယ်သို့ ပစ်ခတ်ခဲ့တာဖြစ်ကြောင်း တောင်ကိုရီးယားစစ်တပ်က ဗုဒ္ဓဟူးနေ့မှာ ပြောကြားလိုက်ပါတယ်။

ဒုံးကျည်စမ်းသပ်မှုက အိမ်နီးချင်းနိုင်ငံကို အပြင်းအထန် ခြိမ်းခြောက်ရာကျတယ်လို့ တောင်ကိုရီးယား ကာကွယ်ရေးဝန်ကြီး ရှင်ဝမ်ရှစ်က ရှုတ်ချလိုက်ပါတယ်။

ဗျူဟာမြောက်လို့ ဆိုရာမှာ နျူကလီးယား လက်နက်တွေကို ရည်ညွှန်းပါတယ်။

မြောက်ကိုရီးယားဟာ ၂၀၂၁ စက်တင်ဘာလမှာ နျူကလီးယား စွမ်းရည်ပါတဲ့ ပဲ့ထိန်းဒုံးကျည်ကို ပထမဆုံးစမ်းသပ်ခဲ့ပါတယ်။

စောင့်ကြည့်ထောက်လှမ်းခြင်းနဲ့ ကာကွယ်ရေးတို့ မြှင့်တင်ရန်အတွက် ၂၀၂၇ ခုနှစ်မှာ ကင်းထောက်ဒရုန်း အမြောက်အများ ထုတ်လုပ်ဖို့ကိုလည်း ကြာသပတေးနေ့မှာ ပြောကြားခဲ့ပါတယ်။

ကုလသမဂ္ဂ လုံခြုံရေးကောင်စီ ပဋိဉာဥ်စည်းမျဥ်းတွေကနေ တားမြစ်ထားခြင်းမရှိတဲ့ ပဲ့ထိန်းဒုံးကျည်တွေဟာ တိုက်ချင်းပစ်ဒုံးကျည်တွေလောက် သိပ်ပြီးမစိုးရိမ်ကြပါဘူး။

ဒါပေမဲ့ အန္တရာယ်ပေးနိုင်စွမ်းကတော့ မလျော့နည်းဘဲ မြောက်ကိုရီးယားအတွက် အားကိုးရာလက်နက် ဖြစ်နေတယ်လို့ သုံးသပ်သူများက ဆိုပါတယ်။

ပဲ့ထိန်းဒုံးကျည်တွေနဲ့ တာတိုပစ် တိုက်ချင်းပစ်ဒုံးကျည်တွေကို သာမန်လက်နက် ဒါမှမဟုတ် နျူကလီးယားလက်နက် တပ်ဆင်ပါက တည်ငြိမ်အေးချမ်းရေးကို နှောင့်ယှက်စေနိုင်ပါတယ်။
Source: Reuters
#World_Military
#Published_ 25 January 2024
#YMG #Yangon_Times #Yangon_Media_Group

Published 25 January 2024

လူသားတွေအနေနဲ့ လောကကြီးအကြောင်း လေ့လာသင်ယူပုံတွေ၊ အတိတ်အကြောင်းကို ပြန်ပြောင်းအမှတ်ရပုံတွေ၊ စိတ်ကူးစိတ်သန်းတွေ အစီအစဥ်တွေအတွက် အတွေ့အကြုံသစ် ဖန်တီးပုံတွေမှာ မှတ်ဉာဏ်ပိုင်းဆိုင်ရာက စွမ်းဆောင်သွားပုံနဲ့ ပတ်သက်ပြီး လူလုပ်အသိဉာဏ်တု(AI)က ဘယ်လိုရှင်းပြနိုင်သလဲဆိုတာကို လန်ဒန်တက္ကသိုလ်ကောလိပ် အာရုံကြောသိပ္ပံဌာနမှ သုတေသီများက ဖော်ပြလိုက်ပါတယ်။

လက်ရှိမှာ AI မှာအသုံးပြုနေတဲ့ ကွန်ရက်နည်းပညာတွေ အဆင့်မြင့်လာရာကနေ ဖြစ်ပျက်ခဲ့ပြီးသားမှ အချက်အလက် ဘယ်လိုပြန်ထုတ်ယူမလဲ၊ အတွေ့အကြုံအသစ်တွေကို ဘယ်လိုစိတ်ကူးပုံဖော်မလဲ ဆိုတာတွေကို သိရှိလာနိုင်တယ်လို့ ဦးဆောင်သုတေသီ အယ်လီနာစပင်းစ်က ဆိုပါတယ်။

ဦးနှောက်အစိတ်အပိုင်းတွေထဲက မှတ်ဉာဏ်၊ စိတ်ကူးပုံဖော်ခြင်း၊ စီစဥ်ခြင်းတို့နဲ့ ပတ်သက်တဲ့ အပိုင်းတွေကို လေ့လာကြတာ ဖြစ်ပါတယ်။

AI ပုံစံတစ်ခုကို ပုံရိပ်ပေါင်း ၁ သောင်းပြသကာ ဦးနှောက်အစိတ်အပိုင်းက တွေ့ကြုံဖူးတာတွေကို မှတ်သားသလိုမျိုး ဖန်တီးခဲ့ပါတယ်။

ထိုအချက်အလက်တွေက အာရုံကြောကွန်ရက်မှာ လေ့ကျင့်ဖို့ ပြန်လည်ပြသခဲ့ကာ ဒီဖြစ်စဥ်က လူသားတွေမှာ တွေ့ကြုံဖူးတာတွေကို အမှတ်ရပြီး နောက်နောင်အတွက် ခန့်မှန်းမှုတွေ ပြုလုပ်တဲ့သဘောနဲ့ ဆင်တူနေပါတယ်။

အနာဂတ်အတွက် စိတ်ကူးပုံဖော်ခြင်းနဲ့ စီမံခြင်းတို့မှာလည်း ဦးနှောက်က ဘယ်လိုထုတ်လုပ်လဲဆိုတာကို သုတေသနက ဖော်ပြသွားပါတယ်။

ဒီသုတေသနက မှတ်ဉာဏ်ပိုင်းနဲ့ စိတ်ကူးပုံဖော်မှုအပိုင်းကို နားလည်စေရုံမက လူ့ဦးနှောက်မှာ AI ရဲ့ မှတ်ဉာဏ်အလုပ်လုပ်ပုံများကို ရှင်းပြနိုင်ဖွယ် ရှိနေပါတယ်။
Source: WION.
#World_Science
#Published_ 25 January 2024
#YMG #Yangon_Times #Yangon_Media_Group

Published 25 January 2024

လက်ဖက်စိမ်းက ကျန်းမာရေးအကျိုးကျေးဇူးများ ရှိရုံမက ပျော်ရွှင်မှုကိုလည်း ပေးစွမ်းနိုင်ပါတယ်။

ယခင်လေ့လာချက်တွေမှာ လက်ဖက်စိမ်းသောက်သုံးခြင်းဖြင့် နှလုံးရောဂါ၊ လေဖြတ်ဝေဒနာတို့ ဖြစ်နိုင်ခြေ လျော့နည်းစေပြီး စိတ်ပိုင်းဆိုင်ရာကို မြှင့်တင်နိုင်တယ်လို့ တွေ့ရှိထားပါတယ်။

ဂျပန်နိုင်ငံ အိုကီနာဝါမှလူတွေဟာ အခြားလူမျိုးတွေထက် ကင်ဆာ၊ နှလုံးရောဂါ၊ ဒီမန်ရှာတို့ ဖြစ်ပွားမှုနည်းပါးပြီး ကျန်တဲ့တစ်ကမ္ဘာလုံးက လူတွေထက် သက်ရှည်ကျန်းမာနေကာ ထိုဒေသခံတွေဟာ စံပယ်နံ့ပါတဲ့ လက်ဖက်စိမ်းရည်ကို နှစ်ခြိုက်စွာ သောက်သုံးကြပါတယ်။

လက်ဖက်စိမ်းမှာပါတဲ့ အဓိကပါဝင်ပစ္စည်းတွေက စိတ်ပိုင်းဆိုင်ရာ ကျန်းမာရေးနဲ့ စိတ်အခြေအနေကို ကြာရှည်မြင့်မားစေပြီး ရောင်ရမ်းဆန့်ကျင်အာနိသင်နဲ့ သက်ရှည်ကျန်းမာစေတဲ့ အာနိသင်များလည်း ရှိကြပါတယ်။

၂၀၁၈ လေ့လာချက်အရ တစ်ပတ်ကို လက်ဖက်စိမ်းရည် အနည်းဆုံး ၃ ခွက်သောက်သူတွေဟာ စိတ်ဓာတ်ကျဝေဒနာ ဖြစ်နိုင်ခြေ ၂၁ ရာခိုင်နှုန်း ပိုမိုနည်းပါးပါတယ်။

ကော်ဖီနဲ့ယှဥ်ရင် လက်ဖက်စိမ်းမှာ ကဖင်းဓာတ် နည်းပါးပြီး အယ်လ်သီယာနင်ဓာတ်ကတော့ စိတ်ဖိစီးမှုနဲ့ ပူပန်မှုတို့ကို ပြေလျော့စေပါတယ်။

ထိုအရာတွေကို အမိုင်နိုအက်ဆစ်နဲ့ တွဲလိုက်တဲ့အခါ ပူပန်မှုကိုလျှော့ချခြင်း၊ ဦးနှောက်လုပ်ဆောင်ချက် မှတ်ဉာဏ် အာရုံစူးစိုက်မှုတို့ မြှင့်တင်ခြင်းတို့ ပေးစွမ်းနိုင်ပါတယ်။

သဘာဝဒြပ်ပေါင်း ဖလေဗိုနွိုက်ဟာ ဦးနှောက်ဆဲလ်အသစ် ဖွံ့ဖြိုးမှုကို ကူညီပြီး ရှိပြီးသားဆဲလ်တွေကို ကျန်းမာစေပါတယ်။

လက်ဖက်စိမ်းရည်ကို တစ်ပတ်အတွင်း အကြိမ်ရေအနည်းငယ် သောက်သုံးခြင်းဖြင့် အကျိုးကျေးဇူးများ ရရှိနိုင်ပြီး နေ့စဥ်သောက်မယ်ဆိုရင်တော့ ကဖင်းဓာတ်ကြောင့် အိပ်စက်မှုထိခိုက်မှာကို ချင့်ချိန်ရမှာ ဖြစ်ပါတယ်။

လက်ဖက်စိမ်းက စိတ်အခြေအနေကို မြှင့်နိုင်ပေမယ့် တစ်မျိုးတည်းနဲ့တော့ မလုံလောက်ပါဘူး။
Source: New York Post
#World_Health
#Published_ 25 January 2024
#YMG #Yangon_Times #Yangon_Media_Group

ပင်လယ်နီတဝိုက်မှာ ဟူသီအဖွဲ့က သင်္ဘောများကို တိုက်ခိုက်နေတာကြောင့် ကုန်တင်ပို့ရေးကုမ္ပဏီတွေဟာ သယ်ယူပို့ဆောင်ရေးများကို ရပ်ဆိုင်းခြင်း၊ အခြားလမ်းကြောင်းများ ရှာဖွေရခြင်းတို့ ပြုလုပ်လာရသဖြင့် ပင်လယ်နီမှာ တင်းမာမှု မြင့်တက်နေပြီး ခြံထွက်ထုတ်ကုန်များ ပင်လယ်လမ်းကြောင်းကနေ ပိုဆောင်ရေးကို ခြိမ်းခြောက်နေပါတယ်။
#World_Crisis
#Published_ 24 January 2024
#YMG #Yangon_Times #Yangon_Media_Group