ဒေသ(၉)ခု၌ ဆောင်းမိုးထစ်ချုန်းရွာဦးမည်။ "စစ်ကိုင်းအထက်ပိုင်း၊ အောက်ပိုင်းနှင့်တနင်္သာရီ၊ ကချင် ၊ချင်း၊ ရှမ်း(မြောက်နှင့် အရှေ့)၊ ကရင်နှင့် မွန်တို့မှာ  မိုးထစ်ချုန်းရွာနိုင်တယ်။ မိုးကြိုးပစ်ခြင်း၊ လျှပ်စီး လက်ခြင်းနှင့် မိုးသီးကြွေခြင်းဖြစ်နိုင်တယ်" မိုးလေဝသနှင့်‌ ဇလဗေဒညွှန်ကြားမှုဦးစီးဌာန ၊ညွှန်ကြားရေးမှူးဦးလှထွန်း
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group

Published_ 26 January 2024

ရွှေတိဂုံစေတီ‌တော်အနောက်ဘက်မုခ်နှင့် ပြည်သူ့ရင်ပြင် ပန်းခြံကြားမြေအောက်လမ်းကူးလူသွား ဥမင် (Underpass) အဆောက်အဦတည်ဆောက်လျက်ရှိပြီးတည်ဆောက်မှု၊ ပြီးစီးမှုရာခိုင်နှုန်း(၃၀) ရှိပြီဖြစ်ကြောင်းမြို့တော်စည်ပင်သာယာရေးကော်မတီမှသိရသည်။

အဆိုပါ စီမံကိန်း၏ ခန့်မှန်းလျာထားကာလ မှာ ၁၄ လခန့် ကြာမြင့်မည်ဖြစ်ပြီး ၂၃ ပေအကျယ်ရှိသည့် မြေအောက်လမ်းကူး လူသွား ဥမင်သီးသန့်အဖြစ် တည်ဆောက်သွားမည်ဖြစ်သည်။

ယခုတည်‌ဆောက်နေသည့် မြေအောက်လမ်းကူး လူသွား ဥမင်သည်တစ်နာရီလျှင် လူဦးရေ ၁၄,၀၀၀ ဦး ဖြတ်သန်း သွားလာနိုင်မည်ဖြစ်ကာ ရွေ့လျား စက်လှေကားလေးစင်းနှင့် မသန်စွမ်း သူများ အသုံးပြုရန် ၁၀ ယောက်စီး ဓာတ်လှေကား နှစ်စင်းပါရှိကြောင်းသိရသည်။

ရွှေတိဂုံစေတီတော်နှင့် ပြည်သူ့ရင်ပြင်သို့ ပြည်သူများ သွားလာရာတွင် ယာဉ်အန္တရာယ်၊ လမ်းအန္တရာယ် ကင်းရှင်းစေပြီး သက်သောင့်သက်သာ ဖြတ်သန်း သွားလာနိုင်ရေးနှင့် ခေတ်မီ အခြေခံအဆောက်အဦ တစ်ခု ပေါ်ပေါက်လာစေရန် ရည်ရွယ်၍ တည်ဆောက်ခြင်းဖြစ်ကြောင်း သိရသည်။

ရန်ကုန်တိုင်းဒေသကြီး ဝန်ကြီးချုပ် မြေအောက်လမ်းကူး လူသွားဥမင် (Underpass) တည်ဆောက်နေမှု ကြည့်ရှုစစ်ဆေးခဲ့ပြီး စံချိန်စံညွှန်း ကိုက်ညီစွာဖြင့် ဆောင်ရွက်ရေး၊ လုပ်ငန်းဆောင်ရွက်နေစဉ် ယာဉ် ကြော ကျပ်တည်းမှုမရှိစေရေး နှင့်    လုပ်ငန်းလိုအပ်ချက်များ မှာကြားခဲ့ကြောင်းသိရသည်။
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group

Published 26 January 2024

  ရန်ကုန်- မန္တလေးအမြန်လမ်းမကြီး၊ မိုင်တိုင်အမှတ် (၃၅/၅) နှင့် (၃၅/၆) ကြားတွင် ယာဉ်(၁)စီးတိမ်းမှောက်မှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

  ဇန်နဝါရီ ၂၆ရက် နံနက် ၇နာရီ ခန့်က ဖြစ်ပွားခဲ့ ခြင်း ဖြစ်ပြီး ယာဉ်(၁)စီးတိမ်းမှောက်မှုဖြစ်ပွား‌ကြောင်း သတင်းရရှိသဖြင့် ဘောနတ်ကြီးအမြန်လမ်းမီးသတ်စခန်းမှ မီးသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ခဲ့ကြောင်း သိရသည်။

 အဆိုပါ ယာဉ်တိမ်းမှောက်မှုကြောင့် ယာဉ်ပေါ်ပါ သံဃာ(၃)ပါး၊ အမျိုးသား (၅)ဦးနှင့် ကလေးငယ် ကျား(၁)ဦး၊ အမျိုးသမီး (၈)ဦး စုစုပေါင်း(၁၇)ဦးအနက် (၇)ဦး ထိခိုက်ဒဏ်ရာ ရရှိခဲ့ကြောင်း သိရသည်။

  ထိခိုက်ဒဏ်ရာရရှိသူ တို့အား 192 သူနာတင်ယာဉ်ဖြင့် ပဲခူးပြည်သူ့ဆေးရုံသို့ ကူညီပို့ဆောင်ပေးခဲ့ကြောင်း သိရသည်။
Yangon Times/LW
#Local_News
#Published_ 26 January 2024
#YMG #Yangon_Times #Yangon_Media_Group

Published 26 January 2024

တောင်ကိုရီးယားသမ္မတ ယွန်ဆော့ယောရဲ့ ဇနီးဖြစ်သူက သင်းအုပ်ဆရာတစ်ဦးထံကနေ တန်ဖိုးကြီးလက်ကိုင်အိတ်တစ်လုံး လက်ခံရယူပုံကို ဗီဒီယိုကင်မရာဖြင့် ဖမ်းယူရရှိပြီးနောက် လူသိရှင်ကြား တောင်းပန်ရန် သမ္မတကြီးကို ဖိအားပေးလာကြပါတယ်။

ဒီအဖြစ်အပျက်ကြောင့် လာမယ့် ပါလီမန်ရွေးကောက်ပွဲတွေမှာ အာဏာရကွန်ဆာဗေးတစ်တွေအတွက် အထိနာလိမ့်မယ်လို့ သုံးသပ်ရေးများက ဆိုလိုက်ပါတယ်။

သမ္မတကတော် ကင်မ်ကီယွန်ဟီက အမေရိကန် သင်းအုပ်ဆရာမှပေးတဲ့ ဒေါ်လာ ၂၂၀၀ တန် Dior လက်ကိုင်အိတ်ကို လက်ခံရယူနေတဲ့ ဗီဒီယိုတစ်ခုဟာ အွန်လိုင်းမှာ တက်လာခဲ့တာ ဖြစ်ပါတယ်။

သင်းအုပ်ဆရာကတော့ သမ္မတကတော် အကျင့်ပျက်ခြစားတယ်ဆိုတာကို  သက်သေဖို့အတွက် ဒီအထောက်အထားကို လျှို့ဝှက်စွာ ဗီဒီယိုရိုက်ကူးခဲ့တာဖြစ်ကြောင်း ဆိုပါတယ်။

ယွန်ဆော့ယောက ဒီပြဿနာဟာ အလိုလိုပြေပျောက်သွားမယ်လို့ မျှော်လင့်နေပေမယ့် မဲဆန္ဒရှင်တွေ ပိုမိုစိတ်ပျက်လာတဲ့ အခြေအနေတွေကြောင့် လျစ်လျူရှုထားလို့ မရတော့ပါဘူး။

သမ္မတကတော် လုပ်ရပ်မှားတွေနဲ့ ပတ်သက်ပြီး စွပ်စွဲချက်တွေ ပျံ့နှံ့နေချိန်မှာ သမ္မတကတော်တစ်ယောက်အနေနဲ့ တန်ဖိုးကြီးလက်ကိုင်အိတ်တစ်လုံး လက်ခံရယူပုံ မှတ်တမ်းတင်တွေ့ရှိတာဟာ ဒါပထမဆုံး ဖြစ်ရပ်ပါပဲလို့ ဆိုးလ်မြို့ရှိ အစိုးရသမ္မတရဲ့ အကြံပေးအဖွဲ့အစည်း အကြီးအကဲ ချွဲဂျင်က ပြောပြသွားပါတယ်။
Source: South China Morning Post
#World_News
#Published_ 26 January 2024
#YMG #Yangon_Times #Yangon_Media_Group

Published_ 26 January 2024

မြန်မာနိုင်ငံသည် တရုတ်နိုင်ငံအတွက် အေးအတူ၊ ပူအမျှအသိုက်အဝန်းတည်ဆောက်ရေးအတွက် အရေးပါ‌သောအဖွဲ့ဝင်နိုင်ငံဖြစ်ကြောင်း မြန်မာနိုင်ငံဆိုင်ရာတရုတ်သံရုံးမှသိရသည်။

 တရုတ်နိုင်ငံ၏ သမ္မတကြီး ရှီကျင့်ဖျင်ကတရုတ်ကွန်မြူနစ်ပါတီ ဗဟိုကော်မတီ နိုင်ငံခြားရေးလုပ်ငန်း အစည်းအဝေး၌ အရေးပါသောအမှာစကားအဖြစ် "အေးအတူပူအမျှအသိုက်အဝန်း တည်ဆောက်ခြင်းသည် တရုတ်သံတမန်ဆက်ဆံရေး၏ မြင့်မြတ် သော ရည်မှန်းချက် ဖြစ်သည်ဟု အလေးပေးပြောကြားခဲ့ကြောင်း၊ မြန်မာနိုင်ငံသည် အေးအတူပူအမျှအသိုက်အဝန်း တည်ဆောက်ရေးအတွက် အရေးပါအဖွဲ့ဝင်ဖြစ်ကြောင်း ပြောကြားခဲ့သည်"ဟု မြန်မာနိုင်ငံဆိုင်ရာတရုတ်သံရုံးမှ သံမှူးကြီး Dr. Zheng Zhihongကတရုတ်-မြန်မာ မီဒီယာတွေ့ဆုံပွဲ၌ ထည့်သွင်းပြောကြားခဲ့သည်။

ယင်းအပြင်  တန်းတူညီမျှဖြစ်ပြီး စနစ်ကျသော ဗဟုဝင်ရိုးကမ္ဘာနှင့် ကျယ်ကျယ်ပြန့်ပြန့်အကျိုးပြု၍ အားလုံးပါဝင်သည့် စီးပွားရေးဂလိုဘယ်လိုက်ဇေးရှင်းကို အဆိုပြုတင်ပြခဲ့ကြောင်း၊

၊ တရုတ်-မြန်မာဆက်ဆံရေးသည် တရုတ်-မြန်မာ အေးအတူပူအမျှအသိုက်အဝန်း တည်ဆောက်ရေး လုပ်ငန်းစဉ်မှ တိုးတက်မှုအသစ်များရရှိခဲ့ကြောင်း၊

 “Belt and Road”  ပူးပေါင်းဆောင်ရွက်မှုဖြင့် ဆွေမျိုးပေါက်ဖော်ချစ်ကြည်ရေးအတွက် ခေတ်၏အနှစ်သာရသစ်များ တိုးများလာစေကြောင်း၊ မိမိတို့သည် ဗဟိုကော်မတီ နိုင်ငံခြားရေးလုပ်ငန်း အစည်းအဝေး၏စိတ်ဓာတ်ကို ကျင့်သုံးပြီး တရုတ်-မြန်မာချစ်ကြည်ရင်းနှီးစွာဆက်ဆံသည့် အစဉ်အလာကို ပြန့်ပွားစေမည်ဖြစ်ကြောင်း၊ ချစ်ခင်ရင်းနှီးခြင်း၊ ရိုးသားစွာဆက်ဆံခြင်း၊ အပြန်အလှန်အကျိုးဖြစ်ထွန်းခြင်း၊ အားလုံးပါဝင်ခြင်း ဟူသည့် အိမ်နီးချင်း သံတမန်ဆက်ဆံရေးမူဝါဒကို လက်တွေ့ဖော်ဆောင်ပြီး တရုတ်-မြန်မာ အေးအတူပူအမျှအသိုက်အဝန်း တည်ဆောက်မှု ခိုင်ခံ့နက်ရှိုင်းလာစေရန် တွန်းအားပေးသွားမည် ဖြစ်ကြောင်း ပြောကြားခဲ့သည်။

တရုတ်သံရုံး ယဉ်ကျေးမှုဌာန၊ စီးပွားရေးဌာနတို့မှ လူငယ်သံတမန်များက တရုတ်-မြန်မာ ပြည်သူအချင်းချင်း ကူးလူးဖလှယ်ရေး၊ စီးပွားရေးနှင့် ပြည်သူအကျိုးပြုပူးပေါင်းဆောင်ရွက်မှု အခြေအနေများကို မိတ်ဆက်ရှင်းလင်းပြောကြားခဲ့ရာ တရုတ်-မြန်မာ နှစ်နိုင်ငံဗုဒ္ဓဘာသာ ကူးလူးဖလှယ်မှုသည် သမိုင်းကြာရှည်ကြောင်း၊ တရုတ်နိုင်ငံမှ မြန်မာနိုင်ငံ ပြည်သူ့အကျိုးပြု လုပ်ငန်းများအတွက် ကူညီပေးမှုသည် အခြေခံအဆောက်အအုံ၊ သဘာဝဘေးအန္တရာယ် ကာကွယ်လျော့ချခြင်း၊ အများပြည်သူကျန်းမာရေး၊ ဆင်းရဲနွမ်းပါးမှုပပျောက်၍ ချမ်းသာကြွယ်ဝလာခြင်း စသည့် ကဏ္ဍများပါဝင်ကြောင်း၊ တရုတ်နိုင်ငံသည် မြန်မာနိုင်ငံနှင့်အတူ ပြည်သူအချင်းချင်း ကူးလူးဖလှယ်မှု၊ စီးပွားရေး၊ ပြည်သူ့အကျိုးပြု စသည့်ကဏ္ဍများတွင် ပိုမိုနက်ရှိုင်းစွာ ကူးလူးဖလှယ် ပူးပေါင်းဆောင်ရွက်ပြီး နှစ်နိုင်ငံပြည်သူများအတွက်  ပိုမိုများပြားသည့် လက်တွေ့ကျကျ အကျိုးကျေးဇူးများသယ်ဆောင်လာပေးကာ အတူတကွဖွံ့ဖြိုးတိုးတက်မှုနှင့် ပြည်သူများစိတ်နှလုံးချင်းဆက်နွယ်မှုကို မြှင့်တင်သွားမည်ဖြစ်ကြောင်း ပြောကြားခဲ့သည်။ 

 
မီဒီယာကိုယ်စားလှယ်များက တရုတ်-မြန်မာချစ်ကြည်ရေးနှင့် မီဒီယာပူးပေါင်းဆောင်ရွက်ရေး စသည့် အကြောင်းအရာများနှင့်စပ်လျဉ်း၍ ချစ်ကြည်ရင်းနှီးစွာ ကူးလူးဖလှယ်ခဲ့ကြပြီး တရုတ်-မြန်မာ ဆွေမျိုးပေါက်ဖော်ချစ်ကြည်ရေးသည် နှစ်ပေါင်းထောင်ချီ လက်ဆင့်ကမ်းခဲ့ကာ တရုတ်-မြန်မာ အကျိုးတူပူးပေါင်းဆောင်ရွက်မှုသည် ပြည်သူများနှလုံးသားထဲတွင် နက်ရှိုင်းစွာအမြစ်တွယ်နေကြောင်း၊   လက်ရှိတွင် ကမ္ဘာကြီးသည် ကြီးမားသော စိန်ခေါ်မှုနှင့်ရင်ဆိုင်နေရပြီး သတင်းတုသတင်းမှားများစွာ ပျံ့နှံ့နေကြောင်း၊ မီဒီယာများက တက်ကြွသည့်အခန်းကဏ္ဍမှပါဝင်ကာ တရုတ်-မြန်မာချစ်ကြည်ရေး အကြောင်းအရာများကို ပြန့်ပွားစေပြီး နှစ်နိုင်ငံချစ်ကြည်ရင်းနှီးစွာ ကူးလူးဖလှယ် ပူးပေါင်းဆောင်ရွက်မှုအတွက် အကျိုးထမ်းဆောင်ပေးလိုကြောင်း ပြောကြားခဲ့သည်။

ရန်ကုန်မြို့၌ ကျင်းပခဲ့သည့်တရုတ်-မြန်မာ မီဒီယာတွေ့ဆုံပွဲသို့ မြန်မာနိုင်ငံဆိုင်ရာတရုတ်သံရုံးမှ သံမှူးကြီး Dr. Zheng Zhihong တက်ရောက်အမှာစကားပြောကြားခဲ့ပြီး မြန်မာနိုင်ငံ ပြန်ကြားရေးဝန်ကြီးဌာန မီဒီယာဖွံ့ဖြိုးတိုးတက်ရေးဦးစီးဌာန ဒုတိယညွှန်ကြားရေးမှူးချုပ် ဦးဇေယျာ၊ မြန်မာနိုင်ငံ သတင်းမီဒီယာကောင်စီ ဥက္ကဋ္ဌ ဦးအုန်းမောင်၊ မြန်မာ့အလင်း၊ The Global New Light of Myanmar၊ စံတော်ချိန်၊ ဆွေမျိုးပေါက်ဖော်မဂ္ဂဇင်း၊ Myanmar Insider၊ One News စသည့် မြန်မာမီဒီယာပေါင်း ၁၀ ခုကျော် နှင့် မြန်မာနိုင်ငံအခြေစိုက် တရုတ်မီဒီယာ ကိုယ်စားလှယ်များနှင့် သံရုံးမှ လူငယ်သံတမန်များအပါအဝင် စုစုပေါင်း လူ ၃၀ ခန့် တက်ရောက်ခဲ့ကြ‌ ကြောင်းသိရသည်။  
Yangon Times/tthl
#Local_News
#Published_ 26 January 2024
#YMG #Yangon_Times #Yangon_Media_Group

Published 26 January 2024

ဆောင်းရာသီအတွင်း ချမ်းအေးတဲ့ ရာသီဥတုကြောင့် အသက်ရှူလမ်းကြောင်း ပြဿနာတွေ ပိုမိုဆိုးရွား ဖြစ်ပွားစေနိုင်ပါတယ်။

အေးမြတဲ့လေက ခြောက်သွေ့တာကြောင့် ချောင်းဆိုးနှာချေခြင်း၊ အသက်ရှူကြပ်ခြင်း၊ ရင်ဘတ်တင်းကြပ်ခြင်းတို့ ဖြစ်နိုင်ပြီး အသက်ရှူလမ်းကြောင်းရှိ သွေးကြောများ ကျုံ့စေကာ အသက်ရှူရ ခက်ခဲစေပါတယ်။

ပုံမှန်လေ့ကျင့်ခန်း ပြုလုပ်ခြင်းဖြင့် အဆုတ်လုပ်ဆောင်ချက် ကောင်းမွန်စေပြီး အသက်ရှူလမ်းကြောင်းဆိုင်ရာ ပြဿနာတွေ ဖြစ်နိုင်ခြေနည်းစေပါတယ်။

အဆုတ်ကျန်းမာရေးကို မြှင့်တင်စေနိုင်မယ့် အစားအစာတွေကတော့..

(၁) ကြက်သွန်ဖြူမှာ ရောဂါပိုးသေစေနိုင်တဲ့ အစွမ်းသတ္တိရှိပြီး အသက်ရှူလမ်းကြောင်း ကူးစက်မှုများကို ကာကွယ်ပေးပါတယ်။

(၂) ဂျင်းက ရောင်ရမ်းခြင်းကို ဆန့်ကျင်ပေးနိုင်ကာ အသက်ရှူလမ်းကြောင်းစနစ်မှာ ရောင်ရမ်းခြင်းကို လျှော့ချပေးပါတယ်။

(၃) နနွင်းမှာပါဝင်တဲ့ ကာကူမင်ဒြပ်ပေါင်းက ရောင်ရမ်းမှုကို ဆန့်ကျင်တဲ့ အစွမ်းသတ္တိနဲ့ ဓာတ်တိုးဆန့်ကျင်သတ္တိတို့ ပါဝင်ပါတယ်။

(၄) ဘယ်ရီသီးတွေမှာ ဓာတ်တိုးဆန့်ကျင်ပစ္စည်းများ ကြွယ်ဝစွာပါဝင်ပြီး အဆုတ်မှာ ဓာတ်တိုးခြင်းကို ကာကွယ်ပေးပါတယ်။

(၅) ဟင်းနုနွယ်နဲ့ ကိုက်လံတို့လို ဟင်းရွက်စိမ်းတွေမှာ ဗိုက်တာမင်ဓာတ်များ၊ ဓာတ်တိုးဆန့်ကျင်ပစ္စည်းများ ကြွယ်ဝပြီး အသက်ရှူလမ်းကြောင်း ပြဿနာများကို လျှော့ချပေးပါတယ်။

(၆) ဗာဒံသီးနဲ့ လျှော်စေ့တို့လို အခွံမာသီးတွေနဲ့ အစေ့အဆန်တွေမှာ မရှိမဖြစ်လိုအပ်တဲ့ ဖက်တီးအက်ဆစ်များ ပါဝင်ပြီး အဆုတ်အတွင်း ရောင်ရမ်းမှုကို လျှော့ချနိုင်ပါတယ်။

(၇) လိမ္မော်သီး၊ ကျွဲကောသီးတို့လို အချဥ်ဓာတ်ပါတဲ့ အသီးတွေဟာ ဗိုက်တာမင်စီကြွယ်ဝတာကြောင့် အသက်ရှူလမ်းကြောင်းဆိုင်ရာ ကူးစက်မှုများကို လျှော့ချပေးပါတယ်။

(၈) လက်ဖက်စိမ်း
လက်ဖက်စိမ်းဟာ ဓာတ်တိုးဆန့်ကျင်ပစ္စည်းများ ကြွယ်ဝပြီး အဆုတ်တစ်ရှူးများကို ကာကွယ်ပေးပါတယ်။

(၉) သလဲသီးဖျော်ရည် သောက်သုံးခြင်းဖြင့် ရောင်ရမ်းခြင်းများကို လျှော့ချပေးပြီး အသက်ရှူလုပ်ဆောင်ချက်ကို တိုးတက်စေပါတယ်။

(၁၀) ဆယ်လ်မွန်ငါးမှာ အိုမီဂါ၃ ဖက်တီးအက်ဆစ် ပါဝင်တာကြောင့် အဆုတ်ကျန်းမာရေးကို အကျိုးပြုပါတယ်။
 
ထိုအစားအစာတွေကို မျှတအောင် စားသုံးပါက အသက်ရှူလမ်းကြောင်း ပြဿနာတွေကို လျှော့ချနိုင်ပေမယ့် မူလကတည်းက ကျန်းမာရေးပြဿနာများ ရှိတယ်ဆိုရင်တော့ ဆရာဝန်နဲ့ တိုင်ပင်သင့်ပါတယ်။
Source: DoctorNDTV
#World_Health
#Published_ 26 January 2024
#YMG #Yangon_Times #Yangon_Media_Group

Published 26 January 2024

ခွေးလေးတွေက ခွေးကြီးတွေထက် ဘာလို့အသက်ပိုရှည်ရသလဲဆိုတဲ့ အကြောင်းအရင်းကို နှစ်ပေါင်းများစွာ ဆွေးနွေးလေ့လာပြီးနောက် သိပ္ပံပညာရှင်များ ဖော်ထုတ်ခဲ့ကြပါတယ်။

ခွေးအကြီးတွေရော ခွေးလေးတွေရောက ရောဂါဖြစ်ပွားမှု အကြိမ်ရေ တူတူနီးပါး ဖြစ်လေ့ရှိပေမယ့် ခွေးကြီးတွေက အခြေအနေ ပိုပြင်းထန်လေ့ရှိတယ်လို့ ဝါရှင်တန်တက္ကသိုလ်က လေ့လာဖော်ပြခဲ့ပါတယ်။

အမေရိကန်တဝှမ်းရှိ ခွေးမျိုးစိတ် ၂၃၈ မျိုးပါဝင်တဲ့ အကောင်ပေါင်း ၂၇၅၀၀ ခန့်ကို စစ်တမ်းကောက်ယူ လေ့လာခဲ့ပါတယ်။

ခွေးတွေမှာ ကျန်းမာရေးပြဿနာများ ခံစားရဖူးလားဆိုတာတွေကို ခွေးပိုင်ရှင်တွေကို မေးမြန်းခဲ့ပါတယ်။

ခွေးတွေရဲ့ ပျမ်းမျှအလယ်အလတ် သက်တမ်းက အမျိုးအစားအားလုံးမှာ ၇ နှစ်ဖြစ်ခဲ့ပါတယ်။

အချက်အလက်များ ဆန်းစစ်ပြီးနောက် အရွယ်အစားကြီးတဲ့ ခွေးတွေဟာ ကင်ဆာ၊ အရိုးရောဂါများ၊ အစာအိမ်အူလမ်းကြောင်း ပြဿနာ၊ အာရုံကြော၊ ဟော်မုန်းရောဂါများ၊ နား နှာခေါင်း လည်ချောင်းပြဿနာများ၊ ကူးစက်ရောဂါများ ပိုပြီးအဖြစ်များကြောင်း တွေ့ရှိခဲ့ပါတယ်။

ခွေးကြီးတွေရဲ့ ဖွံ့ဖြိုးမှုပုံစံက အရိုးငြမ်းဖွံ့ဖြိုးစဥ် အလျင်အမြန် ကိုယ်အလေးချိန် တက်လာပြီး အရိုးနဲ့ ကြွက်သားဆက်စပ်ရောဂါများ ဖြစ်နိုင်ခြေများတာနဲ့ ပတ်သက်နေတယ်လို့ လေ့လာချက်မှာ ဖော်ပြထားပါတယ်။

ခွေးလေးတွေကတော့ နှလုံး၊ အသက်ရှူလမ်းကြောင်း၊ မျက်စိပိုင်းဆိုင်ရာ ပြဿနာများ ပိုအဖြစ်များပြီး အသည်းနဲ့ ပန်ကရိယရောဂါများလည်း ဖြစ်တတ်ပါတယ်။

ဒါပေမဲ့လည်း ခွေးတွေရဲ့ အသက်၊ အရွယ်အစား၊ ရောဂါဖြစ်နိုင်ခြေတို့နဲ့ ပတ်သက်တဲ့ ဆက်စပ်မှုများကို ရှင်းလင်းအောင်ပြုလုပ်ဖို့ နောက်ထပ်သုတေသနတွေ လိုအပ်ကြောင်း သိပ္ပံပညာရှင်တွေက ဆိုပါတယ်။

ပျမ်းမျှနေထိုင်သက်တမ်း နည်းပါးတဲ့ ခွေးကြီးမျိုးစိတ်တွေမှာ ဖြစ်တတ်တဲ့ ရောဂါတွေနဲ့ ပတ်သက်ပြီး ပိုမိုသိရှိဖို့အတွက် ထိုတွေ့ရှိချက်တွေက အထောက်အကူဖြစ်လာနိုင်ပါတယ်။

တိရိစ္ဆာန်ဆရာဝန်တွေလည်း ခွေးကြီးတွေဖြစ်တတ်တဲ့ အခြေအနေတွေကို ပိုမိုသိရှိပြီး ကုသစေနိုင်မှာ ဖြစ်ပါတယ်။
Source: WION.
#World_Research
#Published_ 26 January 2024
#YMG #Yangon_Times #Yangon_Media_Group

တရုတ်နိုင်ငံထုတ် လျှပ်စစ်သုံးဘီးစက်ဘီးတွေရဲ့ ကုန်ကျစရိတ် သက်သာမှုနဲ့ အဆင်ပြေချောမွေ့မှုတို့ကြောင့် ဒီဂျစ်တယ်စီးပွားရေး ပလက်ဖောင်းတွေကနေ အမေရိကန်သုံးစွဲသူ အများအပြား မှာယူမှုမြင့်တက်လာပါတယ်။
#World_Industry
#Published_ 25 January 2024
#YMG #Yangon_Times #Yangon_Media_Group

#Daily_News
Published_ 25 January 2024

၁။ ညပိုင်းအေး၍ ရာသီတုပ်ကွေးနှင့် ကိုဗစ်အဖြစ်များနေ၊ ကိုဗစ်က ရာသီတုပ်ကွေးဆန်လာဟုဆို

၂။ သင်္ကြန်ကာလအတွက် ဥရောပနှင့် ဒေသတွင်း ပြည်ပခရီးစဉ်များ ရောင်းချရမှု များပြားနေသော်လည်း ကိုဗစ်မတိုင်မီကာလကို မမှီသေးဟုဆို

၃။ တောင်သူများ အရှုံးသက်သာဈေးစေရန် အတွက် ဒေသပေါက်ဈေးအတိုင်းပေးပြီး မြေပဲတောင့် တန်၇၀၀ကျော် ၀ယ်ယူနိုင်ခဲ့ဟုဆို

၄။ တရုတ်နိုင်ငံထုတ် လျှပ်စစ်သုံးဘီးစက်ဘီးများ အမေရိကန်မှ မှာယူသူအလွန်များပြားလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

ငွေကြေးနဲ့ ရွှေဈေးကွက်ထဲမှာ ဒေါ်လာနဲ့ ရွှေဈေးကစားသူအချို့ကြောင့် ရွှေဈေးစံချိန်တင်မြင့်တက်လာတဲ့ အတွက် ထိန်းသိမ်း‌ ရောင်းဝယ်ကြဖို့ ရွှေအသင်းက သတိပေးလာတယ်လို့ မြန်မာနိုင်ငံ ရွှေလုပ်ငန်းရှင်များအသင်းချုပ်က
သိရပါတယ်။
Yangon Times/NN
#Local_News
#Published_ 25 January 2024
#YMG #Yangon_Times #Yangon_Media_Group

Published_ 25 January 2024

လေပွေလှိုင်းများ၏အရှိန်၊လေနွေးများနှင့် လေအေးများတွေ့ဆုံမှုကြောင့်  ဒေသတော်တော် များများ၌အချိန်အခါမဟုတ် မိုးရွာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။

နောက် (၄၈)နာရီအတွင်း အနောက်ဘက်မှ ရွေ့လျားလာသော လေပွေလှိုင်းများ၏အရှိန်ကြောင့် လည်းကောင်း၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့မှ လေနွေးများနှင့် တရုတ် ပြည်မကြီးပေါ်ရှိ လေဖိအားကြီးရပ်ဝန်းဒေသမှ ရွေ့လျားလာသော လေအေးများတွေ့ဆုံမှု ကြောင့် စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်နှင့် ချင်းပြည်နယ်တို့တွင် နေရာစိပ်စိပ်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ တနင်္သာရီတိုင်း ဒေသကြီးနှင့် ရှမ်းပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့ တွင် နေရာကွက်ကျား မိုးထစ်ချုန်းရွာနိုင်သည်ဟုဆိုသည်။

အချိန်အခါမဟုတ်မိုးရွာခြင်းနှင့်အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင် သတိပြုနိုင်နေထိုင်ကြရန် သတိပေးချက်ထုတ်ပြန်ထားကြောင်း သိရသည်။
Yangon Times/tthl
#Local_News
#Published_ 25 January 2024
#YMG #Yangon_Times #Yangon_Media_Group

တရုတ်နှစ်သစ်ကူးပွဲတော်နှင့် နှစ်သစ်ကူးယဉ်ကျေးမှုပြပွဲ သံရုံးမှ ကျင်းပမည် ‘‘မြန်မာနိုင်ငံဆိုင်ရာ တရုတ်သံရုံးနဲ့ ရန်ကုန်တရုတ်ယဉ်ကျေးမှု စင်တာတို့ပူးပေါင်းပြီး တရုတ်နှစ်သစ်ကူး ယဉ်ကျေးမှုပြပွဲ ၊တရုတ်ရိုးရာအကစတဲ့ အခမဲ့သင်တန်း၊ တရုတ်ပညာတော်သင် မြန်မာကျောင်းသားတွေရဲ့စကားဝိုင်းစတဲ့ လှုပ်ရှားမှုပွဲတွေကို ကျင်းပဖို့ စီစဉ်ဆောင်ရွက်နေတယ်’’ တရုတ်နိုင်ငံမှ ယဉ်ကျေးမှုနှင့်ခရီးသွားလာရေးဝန်ကြီးဌာန၏ သံတမန် မနှင်းပုလဲ(ခေါ်) Zhang Rui
Yangon Times/tthl
#Local_News
#Published_ 25 January 2024
#YMG #Yangon_Times #Yangon_Media_Group