လာမယ့်အောက်တိုဘာလအတွင်းအိန္ဒိယနိုင်ငံမှာ ပြုလုပ်မယ့် မြင်းစီးတန်းခုန်ပြိုင်ပွဲ၌  မြန်မာနိုင်ငံကိုယ်စားပြု အားကစားသမားဝင်ရောက်ယှဉ်ပြိုင်သွားမယ်လို့ မြန်မာနိုင်ငံ မြင်းစီးအားကစားအဖွဲ့ချုပ်က သိရပါတယ်။
#Local_News
Published 29 August 2024
#မြင်းစီးတန်းခုန်ပြိုင်ပွဲ #မြန်မာနိုင်ငံကိုယ်စားပြု
#YMG/NN #Yangon_Times

ပုဂံရွှေစည်းခုံစေတီရင်ပြင်မှာရှိတဲ့ အင်္ဂတေလွှာအချို့ကိုဖယ်ရှားပြီး မူလသဲကျောက်ပြားလက်ရာတွေကို ဖော်ထုတ်ထိန်းသိမ်းနေတယ်လို့ ပုဂံရှေးဟောင်းသုတေသနနှင့်အမျိုးသားပြတိုက်ဦးစီးဌာနမှ သိရပါတယ်။
#Local_News
Published 29 August 2024
#အင်္ဂတေလွှာအချို့ဖယ်ရှား #မူလသဲကျောက်ပြားလက်ရာ
#YMG/tthl #Yangon_Times

#World_Politics
Published 29 August 2024

▪️ အင်ဒိုနီးရှားနိုင်ငံမှ အဂတိလိုက်စားမှု တိုက်ဖျက်ရေးအေဂျင်စီအဖွဲ့က သမ္မတ ဂျိုကိုဂျိုကိုဝီဝီဒိုဒိုရဲ့ အငယ်ဆုံးသား မကြာသေးမီက သီးသန့်လေယာဉ်ဖြင့် နိုင်ငံခြားခရီးစဉ် သွားခဲ့ခြင်းနဲ့ ခရီးစဉ်အတွက် ကုန်ကျစရိတ်ထုတ်ပေးသူနဲ့ ပတ်သက်ပြီး ရှင်းရှင်းလင်းလင်း သိရှိရန် မေးမြန်းသွားမယ်လို့ လက်ထောက် အကြီးအကဲက ဗုဒ္ဓဟူးနေ့မှာ ပြောကြားလိုက်ပါတယ်။

▪️ နိုင်ငံအနှံ့ ဆန္ဒပြပွဲတွေကြောင့် ဂျိုကိုဝီရဲ့ နိုင်ငံရေးပြိုင်ဘက်တွေ အားနည်းသွားစေနိုင်တယ်လို့ ဝေဖန်နေကြတဲ့ ဥပဒေအစီအစဉ်တွေနဲ့ သူ့ရဲ့သား အသက် ၂၉ နှစ်အရွယ် ကယ်ဆန်ပန်ဂါရပ် ဒေသတွင်းရွေးကောက်ပွဲတွေမှာ ယှဉ်ပြိုင်ခွင့်ရစေမယ့် အစီအစဉ်တွေကို ပါလီမန်အနေနဲ့ လက်လျှော့ရဖွယ်ရှိနေပြီးနောက် ရက်ပိုင်းအတွင်းမှာပဲ အခုလို မေးမြန်းဖို့ ဖြစ်လာပါတယ်။

▪️ နိုင်ငံ့အရာရှိကြီးတစ်ဦးရဲ့သား အဆောင်ယောင်ကောင်းတွေနဲ့ သီးသန့်လေယာဉ်ဖြင့် ခရီးသွားတာဟာ သူ့မိဘတွေနဲ့ သက်ဆိုင်မှုရှိမရှိ လူတွေက သိချင်နေကြတယ်လို့ အဂတိလိုက်စားမှု ဆန့်ကျင်ရေးအေဂျင်စီမှ အရာရှိ အလက်ဇန်ဒါမာဝါထာက ရိုက်တာသတင်းဌာနကို ပြောပါတယ်။

▪️ ခရီးစဉ်ရဲ့ အကြောင်းအရာအချို့ကို ကယ်ဆန်ရဲ့ဇနီးက ဆိုရှယ်မီဒီယာတွေမှာ တင်ခဲ့ရာမှာ အများပြည်သူ ဒေါသထွက်စရာ ဖြစ်ခဲ့ပါတယ်။

▪️ "ဒီလိုအပြင်အဆင်တွေနဲ့ ခရီးသွားတာဟာ သူ့မိဘတွေရဲ့ အလုပ်သဘောနဲ့ သက်ဆိုင်နေတယ်ဆိုရင် လက်ဆောင်များ မမှန်မကန် ရယူနေတယ်ဆိုပြီး တိုင်ကြားသင့်ပါတယ်။ မဟုတ်ဘူးဆိုရင်တော့ ကိစ္စမရှိပါဘူး" လို့ မာဝါထာက ပြောပါတယ်။

▪️ ကယ်ဆန်ကတော့ ဒါနဲ့ပတ်သက်ပြီး တစ်စုံတစ်ခု ပြောကြားခြင်း မရှိသေးသလို သမ္မတရုံးကလည်း ပြောကြားဖို့ ငြင်းဆန်ခဲ့ပါတယ်။

▪️ ဂျိုကိုဝီဟာ သူ့ရဲ့ရိုးသားမှုနဲ့ အင်ဒိုနီးရှား အထက်တန်းလွှာတွေနဲ့ ပတ်သက်မှု မရှိတာကြောင့် ၂၀၁၄ ခုနှစ်မှာ သမ္မတဖြစ်လာခဲ့ပေမယ့် မကြာသေးမီနှစ်တွေမှာတော့ ယင်းဟာ ကိုယ်ပိုင်နိုင်ငံရေးမင်းဆက်ကြီး တည်ဆောက်နေတယ်ဆိုပြီး ဝေဖန်မှုများ ထွက်ပေါ်လာတာကြောင့် ပုန်ကန်လာကြပါတယ်။

▪️ အကြီးဆုံးသားဖြစ်သူ အသက် ၃၆ နှစ်ရှိ ဂစ်ရန်ရာကာဘူမင်ရာကာက ဖေဖော်ဝါရီလမှာ လက်ထောက်သမ္မတအဖြစ် ရွေးချယ်ခံခဲ့ရပြီး အောက်တိုဘာ ၂၀ ရက်နေ့မှာ ရွေးကောက်ခံသမ္မတ ပရာဘိုဝိုဆူဘီယန်တိုနဲ့အတူ ဂုဏ်ပြုပွဲပြုလုပ်သွားမှာ ဖြစ်ပါတယ်။

#Source: Reuters

#World_Science
Published 29 August 2024

▪️ ယောက်ျားအဖြစ် သတ်မှတ်တည်ရှိတဲ့ မျိုးဗီဇ Y-ခရိုမိုဆုန်းတွေဟာ ဆုတ်ယုတ်လာနိုင်ပြီး လာမယ့်သန်းပေါင်းနှစ်များအတွင်း ပျောက်ကွယ်နိုင်ခြေရှိပါတယ်။

▪️ Y-ခရိုမိုဆုန်းတွေ ပျောက်ကွယ်သွားပါက အမျိုးသားတွေ မျိုးသုဉ်းသွားနိုင်လားဆိုတာ မေးခွန်းထုတ်စရာ ဖြစ်လာပါတယ်။

▪️ သိပ္ပံပညာရှင်တွေက ကြွက်သတ္တဝါမျိုး ၂ မျိုးကို စောင့်ကြည့်လေ့လာရာမှာ Y-ခရိုမိုဆုန်း ဆုံးရှုံးပြီးနောက် အသက်ဆက်ရှင်နေပါသေးတယ်။

▪️ ထိုကြွက်တွေဟာ အထီးအဖြစ် သတ်မှတ်ပေးတဲ့ မျိုးဗီဇအသစ်တစ်မျိုး ဖြစ်ပေါ်လာပုံကို ၂၀၂၂ ခုနှစ်က National Academy of Science မှာ ဖော်ပြခဲ့ပါတယ်။

▪️ ဒါကြောင့် အထီးအမသတ်မှတ်ပေးတဲ့ မျိုးဗီအသစ် ဖြစ်ပေါ်လာခြင်းက ယောက်ျားသားများ မျိုးသုဉ်းခြင်း မဖြစ်စေနိုင်ဘူးလို့ သိပ္ပံပညာရှင်များ ယူဆနေကြပါတယ်။

▪️ လွန်ခဲ့တဲ့ နှစ်သန်းပေါင်း ၁၈၀ လောက်က စတင်ဖြစ်ပေါ်လာတဲ့ Y-ခရိုမိုဆုန်းဟာ တဖြည်းဖြည်းလျော့ပါးလာပါတယ်။

▪️ ဒါဟာ Y-ခရိုမိုဆုန်းအနေနဲ့ X-ခရိုမိုဆုန်းတွေနဲ့ မပေါင်းစည်းနိုင်တော့ဘူးလို့ ဆိုပါတယ်။

▪️ Y-ခရိုမိုဆုန်းတွေက အချိန်ကြာလာတာနဲ့အမျှ သေးငယ်လာပြီး ယခင်ကနဦးမျိုးဗီဇတွေရဲ့ ၉၇ ရာခိုင်နှုန်းကို ဆုံးရှုံးလာရပါတယ်။

▪️ X-ခရိုမိုဆုန်းတွေကတော့ မျိုးဗီဇတွေကို ထိန်းသိမ်းထားနိုင်ပြီး မျိုးဗီဇပေါင်း ၉၀၀ ကျော်ရှိနေကာ Y ကတော့ ၅၅ ခုခန့်သာ ရှိပါတော့တယ်။

▪️ နို့တိုက်သတ္တဝါတွေနဲ့ လူသားတွေမှာဆိုရင် အမတွေမှာ X-ခရိုမိုဆုန်း ၂ ခုပါရှိပြီး အထီးတွေမှာတော့ X တစ်ခုနဲ့ Y တစ်ခုပါဝင်ပါတယ်။

▪️ ဒါ့အပြင် Y-ခရိုမိုဆုန်းက ဝှေးစေ့ဖြစ်ပေါ်မှု စတင်စေတဲ့ အရာလည်း ဖြစ်ပါတယ်။

▪️ အထီးလား အမလားဆိုတာက X တွေ Y တွေနဲ့ အမြဲမသက်ဆိုင်ဘူးလို့ အရီဇိုးနားပြည်နယ်တက္ကသိုလ်မှ ဆင့်ကဲပြောင်းလဲခြင်းဇီဝဗေဒ ပညာရှင် မယ်လီဆာဝီလ်ဆန်က ပြောသွားပါတယ်။

#Source: WION

#World_Health
Published 29 August 2024
▪️ ကမ္ဘာ့ပထမဆုံး အဆုတ်ကင်ဆာကာကွယ်ဆေး စမ်းသပ်မှုတွေကို နိုင်ငံ ၇ နိုင်ငံမှာ စတင်လိုက်ပြီး အသက်အန္တရာယ်ပြုရောဂါကြီးကို ကုသပုံနဲ့ ပတ်သက်ပြီး ပြောင်းလဲလာနိုင်ကာ ကာကွယ်နိုင်ဖွယ်ရှိလာပါတယ်။

▪️ အသက် ၆၇ နှစ်အရွယ် ဂျန်နျူရက်ဇ်ဟာ ဗြိတိန်မှာ ကာကွယ်ဆေးပထမဆုံးထိုးတဲ့ လူနာဖြစ်လာပြီး ထိုကာကွယ်ဆေးက အဆုတ်ကင်ဆာကို ဖြတ်နိုင်ပြီး ပြန်မဖြစ်အောင် ကာကွယ်နိုင်ပါတယ်။

▪️ BNT116 လို့ခေါ်တဲ့ ကာကွယ်ဆေးဟာ ကင်ဆာပုံစံအမျိုးမျိုးကို ကုသနိုင်ပါတယ်။

▪️ BioNTech မှထုတ်လုပ်တဲ့ mRNA ကင်ဆာကိုယ်ခံအားစနစ်ကုသနည်းကို ဩဂုတ် ၂၀ ရက်နေ့က ကောလိပ်လန်ဒန်ဆေးရုံတက္ကသိုလ်မှာ ဂျန်နူရက်ဇ်ကို ထိုးသွင်းခဲ့ပါတယ်။

▪️ ဗြိတိန်ပြည်ထောင်စု၊ အမေရိကန်၊ ဂျာမနီ၊ ဟန်ဂေရီ၊ ပိုလန်၊ စပိန်၊ တူရကီ ၇ နိုင်ငံရှိ သုတေသန ၃၄ နေရာမှာ စမ်းသပ်ခဲ့ကြပါတယ်။

▪️ အင်္ဂလန်နဲ့ ဝေးလ်စ်နိုင်ငံရှိ ၆ နေရာမှာ ပထမအဆင့် လက်တွေ့စမ်းသပ်မှုများ ပြုလုပ်နေပါတယ်။ လူနာပေါင်း ၁၃၀ မှာ စမ်းသပ်မှုများပြုလုပ်ခဲ့ပြီး ဗြိတိန်မှ အယောက် ၂၀ ပါဝင်ပါတယ်။

▪️ အဆုတ်ကင်ဆာကြောင့် နှစ်စဉ်လူ ၁.၈ သန်းသေဆုံးနေကြပြီး အကျိတ်ပျံ့နှံ့ပြီဆိုတာနဲ့ အသက်ရှင်နှုန်း အတော်နည်းပါးပါတယ်။

▪️ အဆုတ်ကင်ဆာ ဖြစ်ပွားသူတွေရဲ့ ၇၂ ရာခိုင်နှုန်းဟာ ဆေးလိပ်သောက်ခြင်းကြောင့် ဖြစ်ပါတယ်။ ကာကွယ်ဆေးက ခန္ဓာကိုယ်မှာ ကင်ဆာဆဲလ်တွေကို ရှာဖွေသတ်ဖြတ်နိုင်ပြီး ပြန်ဖြစ်မလာအောင်လည်း ကာကွယ်နိုင်တယ်လို့ ဖော်ပြထားပါတယ်။

▪️ ကိုဗစ်-၁၉ ကာကွယ်ဆေးလိုမျိုး mRNA အမျိုးအစားဖြစ်ပြီး အကျိတ်အမှတ်အသားတွေကို ကိုယ်ခံအားစနစ်က သိရှိအောင် ပြုလုပ်ပေးပါတယ်။

▪️ ကာကွယ်ဆေးပေးရတာ ရိုးရှင်းပြီး ကင်ဆာတွေကို ပစ်မှတ်ထားကြောင်း၊ ဒီနည်းပညာက ကင်ဆာကုသမှုရဲ့ နောက်တစ်ဆင့်ဖြစ်ကြောင်း ဆိုပါတယ်။

#Source: WION

ဥဇဘက်ကစ္စတန်နိုင်ငံရဲ့ ဝိုင်လုပ်ငန်း ပိုမိုကျော်ကြားဖို့အပြင် တင်ပို့ကုန်နဲ့ ခရီးသွားလုပ်ငန်းတို့ပါ လူသိများဖို့အတွက် တက်ရှ်ကန့်ဒေသ ပါ့ကန့်ခရိုင်မှာ နိုင်ငံတကာ စပျစ်သီးနဲ့ ဝိုင်ပြုလုပ်ရေးပွဲတော်ကို သောကြာနေ့နဲ့ စနေနေ့တို့မှာ ကျင်းပခဲ့ပါတယ်။
#World_Event
Published 28 August 2024
#စပျစ်နှင့်ဝိုင်ပွဲတော် #ဥဇဘက်ကစ္စတန်တွင်ကျင်းပ
#YMG #Yangon_Times #Yangon_Media_Group

#Daily_News
Published 28 August 2024

၁။ EPS စနစ်ဖြင့် ပထမဆုံးမြန်မာ အမျိုးသမီးအလုပ်သမားများခေါ်ယူရန် တောင်ကိုရီးယားအလုပ်ရှင်များ စိတ်ဝင်စားမှုမြင့်တက်နေ

၂။ ရန်ကုန်တိရိစ္ဆာန်ဥယျာဉ်သို့ ပိတ်ရက်တစ်ရက်လျှင် လူဦးရေသုံးထောင်ဝန်းကျင်လာရောက်လည်ပတ်

၃။ မိုးနှောင်းကာလ စက်တင်ဘာလနှင့်အောက်တိုဘာလတွင် မြစ်ရေများစိုးရိမ်ရေအမှတ်အထက်ကျော်လွန်နိုင်

၄။ နိုင်ငံတကာ စပျစ်နှင့်ဝိုင်ပွဲတော်ကို ဥဇဘက်ကစ္စတန်တွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၈ ဩဂုတ် ၂၀၂၄

မွေးကင်းစကလေးငယ်များကို လူကုန်ကူးတဲ့ လူပေါင်း ၁၂ ဦးကျော်ပါတဲ့ ဂိုဏ်းတစ်ဂိုဏ်းကို ဗီယက်နမ်နိုင်ငံတွင် ဖမ်းဆီးမိတယ်လို့သိရပါတယ်။

သူတို့ဟာ ဗီယက်နမ်က မြို့ကြီးများနှင့် ပြည်နယ်တစ်လွှားမှာ မွေးကင်းစ ကလေးငယ် ၁၆ ဦးကို လူကုန်ကူးခဲ့ကြတာဖြစ်တယ်လို့ အေအက်ဖ်ပီသတင်းက ဗီယက်နမ်နိုင်ငံပိုင်မီဒီယာကို ကိုးကားပြီး ရေးသားပါတယ်။

အမျိုးသားနှင့် အမျိုးသမီး စုစုပေါင်း ၁၆ ဦးကို  အသက် သုံးရက်သားမှ သုံးလသားအကြား ကလေးငယ်တွေကို အရောင်းအဝယ်ပြုလုပ်မှုနှင့် ဖမ်းဆီးလိုက်တာဖြစ်ပါတယ်။  ကလေးတွေကို ဆက်ပြီးကျွေးမွေးရမှာ မတတ်နိုင်တော့တဲ့ မိခင်တွေကို အဆိုပါဂိုဏ်းက သီးသန့်အုပ်စုများမှတစ်ဆင့် ပစ်မှတ်ထား ဆက်သွယ်ကြတာဖြစ်ပါတယ်။ သူတို့ဟာ ကလေးတစ်ဦးကို ဒေါ်လာ ၄၀၀ မှ ဒေါ်လာ ၉၃၀ အကြား ပေးပြီးဝယ်ယူကြပါတယ်လို့သတင်းကရေးသားပါတယ်။ အဲဒီနောက် သူတို့ဟာ မွေးစားစာချုပ်အတုတွေပြုလုပ်ပြီး တစ်ဦးကို ဒေါ်လာ ၁၄၀၀ နှင့် ဒေါ်လာ ၃၀၀၀ အကြား ပြန်ရောင်းကြတယ်လို့သိရပါတယ်။

ယခုနှစ်စကတည်းက မြို့ကြီးများနှင့်ပြည်နယ် ၃၂ခုတို့မှာ သံသယဖြစ်စရာ မွေးကင်းစကလေးငယ် လူကုန်ကူးသံသယရှိသူ ၈၄ ဦးကို ဗီယက်နမ်ရဲတွေက စုံစမ်းစစ်ဆေးခဲ့ကြပါတယ်။

#Source- AFP

မွန်နဲ့ကရင်ပြည်နယ်အစပ်မှာရှိတဲ့ ဂျိုင်းဇာသပြင်တံတားကို ဂျပန်နိုင်ငံက ပညာရှင်တွေနဲ့ အသစ်တည်ဆောက်နေတယ်လို့ ပရဟိတအသင်းတွေနဲ့  ဒေသခံတွေဆီက သိရပါတယ်။
#Local_News
Published 28 August 2024
#ဂျိုင်းဇာသပြင်တံတား #ဂျပန်နိုင်ငံမှပညာရှင်တည်ဆောက်
#YMG/NN #Yangon_Times

တောင်ငူမြို့မှာ မိုးသည်းထန်ပြီး စစ်တောင်းမြစ်ရေဟာ စိုးရိမ်ရေအမှတ်အထက်ကျော်လွန်နေတဲ့အတွက် ရေဘေးသင့်ပြည်သူတွေကို ရေဘေးကယ်ဆယ်ပေးနေရတယ်လို့ တောင်ငူအခြေစိုက်ပရဟိတအသင်းတွေထံမှ သိရပါတယ်။
#Local_News
Published 28 August 2024
#စစ်တောင်းမြစ်ရေကြီးနေ #ရေဘေးသင့်သူများကိုကယ်ဆယ်
#YMG/tthl #Yangon_Times

#Local_News
Published 28 August 2024

▪️ ရန်ကုန်-မန္တလေးအမြန်လမ်း၌ ခြောက်ဘီးကုန်တင်ယာဉ်နှစ်စီးတိုက်မိ၍ တစ်ဦးသေဆုံး၍ တစ်ဦးဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ် ၂၈ရက်နေ့၊ မနက်၅နာရီ  ၅၀ မိနစ်အချိန်ခန့်က  ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၉၂/၀)နှင့် (၉၂/၁)ကြားတွင် နေပြည်တော်ဘက်မှ ရန်ကုန်ဘက်သို့ မောင်းနှင်လာသော Hino Ranger အမျိုးအစား(၆)ဘီး ကုန်တင်ယာဉ်အား လားရာတူနောက်မှ မောင်းနှင်လာသော Nissan Condor အမျိုးအစား(၆)ဘီး ကုန်တင်ယာဉ်မှ ဝင်ရောက်တိုက်မိမှုဖြစ်ပွားခဲ့ခြင်းဖြစ်ကြောင်း သိရသည်။

▪️ အဆိုပါ သတင်းရရှိသဖြင့် မြိုချောင်းအမြန်လမ်းမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း၊ ယင်းယာဉ်တိုက်မှုကြောင့် Nissan Condor ယာဉ်ပေါ်ပါ ယာဉ်မောင်းကျား(၁)ဦး (သေဆုံး)နှင့် ယာဉ်နောက်လိုက်ကျား(၁)ဦး ထိခိုက်ဒဏ်ရာရ(မစိုးရိမ်ရ)တို့အား ရဲတပ်ဖွဲ့ပိုင် သူနာတင်ယာဉ်ဖြင့် မြိုချောင်းတိုက်နယ်ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

မိုးနှောင်းကာလ စက်တင်ဘာလနဲ့အောက်တိုဘာလမှာ ဧရာဝတီမြစ်၊ ချင်းတွင်းမြစ်နဲ့မြစ်အချို့ရဲ့ မြစ်ရေတွေစိုးရိမ်ရေအမှတ်အထက်ကျော်လွန်နိုင်တယ်လို့ သိရပါတယ်။
#Local_News
Published 28 August 2024
#မိုးနှောင်းကာလ #စိုးရိမ်ရေအမှတ်အထက်ကျော်လွန်
#YMG/tthl #Yangon_Times