#World_Health
Published 07 July 2024

▪️ နို့ထွက်ပစ္စည်းလုပ်ငန်းတွေမှာ တွင်တွင်ကျယ်ကျယ် အသုံးပြုလာကြတဲ့ အပူပေးပိုးသတ်ခြင်းနည်းလမ်းဟာ နို့ထဲမှာပါလာတဲ့ ငှက်တုပ်ကွေးဗိုင်းရပ်စ်ကို ထိထိရောက်ရောက် သတ်ပေးနိုင်တယ်လို့ တွေ့ရှိခဲ့ကြကြောင်း အစားအစာနှင့် ဆေးဝါးကွပ်ကဲရေးက သောကြာနေ့မှာ ကြေညာလိုက်ပါတယ်။

▪️ ဒါကြောင့် အနည်းဆုံး ပြည်နယ် ၈ ခုမှ နို့စားခြံတွေမှာ အလွန်ကူးစက်တတ်တဲ့ ငှက်တုပ်ကွေး၊ HPA1 H5N1 တို့ ပျံ့နှံ့နေပေမယ့် စတိုးဆိုင်တွေမှာရောင်းချတဲ့ ပိုးသတ်ပြီးနို့တွေကို သောက်သုံးခြင်းက စိတ်ချရဆဲဖြစ်တယ်လို့  FDA က ပြောပါတယ်။

▪️ အမေရိကန် စိုက်ပျိုးမွေးမြူရေးဌာက အချိန်များများပေးပြီး လေ့လာချက် ပြုလုပ်ခဲ့တာ ဖြစ်ပါတယ်။

▪️ အပူပေးပေါင်းသတ်ခြင်း နည်းလမ်းက နောက်ဆုံးအဆင့် မရောက်မီမှာပင် ဗိုင်းရပ်စ်ကို သတ်ပစ်နိုင်တယ်လို့ စမ်းသပ်ချက်များအရ သိရပါတယ်။

▪️ ထိုဗိုင်းရပ်စ်မျိုးက ရောဂါကူးစက်တဲ့ နွားတွေကနေ နို့စားခြံတွေမှာအလုပ်လုပ်နေတဲ့ သူတွေနဲ့ အခြားတိရိစ္ဆာန်တွေထံ နို့စက်များစင်ရာကနေ ကူးစက်နိုင်ပါတယ်။

▪️ ရောဂါကူးစက်ခံထားရတယ်လို့ အတည်ပြုထားတဲ့ နွားတွေထံကနေ နို့စိမ်းတွေ မထုတ်လုပ်ထားဘူးလို့ အမေရိကန် စိုက်ပျိုးမွေးမြူရေးဌာနမှ အကြီးတန်းအကြံပေး အဲရစ်ဒီဘယ်လ်က ပြောပါတယ်။

▪️ စတိုးဆိုင်တွေမှာ ရောင်းချနေပြီး FDA မှ စမ်းသပ်ထားတဲ့ ပိုးသတ်ပြီးသားနို့တွေနဲ့ အခြားနို့ထွက်ပစ္စည်းတွေမှာတော့ ယခုအချိန်အထိ ကူးစက်နိုင်တဲ့ဗိုင်းရပ်စ် မတွေ့ရှိရပေမယ့် သေပြီးသားဗိုင်းရပ်စ် အပိုင်းအစတွေတော့ မြင်တွေ့ရပါတယ်။

▪️ ဒုတိယစမ်းသပ်ချက်ကိုလည်း ပြုလုပ်နေပြီး နို့စိမ်းကနေ ပြုလုပ်တဲ့ ဒိန်ခဲတွေကိုပါ စစ်ဆေးသွားမှာ ဖြစ်ပါတယ်။

#Source: CBS News

ဧရာဝတီမြစ်၊ ချင်းတွင်းမြစ်တို့ဟာ မြို့(၁၉) မြို့မှာ မြစ်ရေတွေဆက်တက်ဖို့ရှိနေပြီး စိုးရိမ်ရေအမှတ် အထက်ကျော်လွန်ပြီး မြစ်ရေတက်မယ့် မြို့(၃)မြို့ရှိတယ်လို့ သိရပါတယ်။
#Local_News
Published 07 July 2024
#ဧရာဝတီမြစ်နှင့်ချင်းတွင်းမြစ်ရေ #မြို့(‌၁၉)မြို့တွင်ဆက်တက်နိုင်
#tthl #Yangon_Times

#World_Health
Published 07 July 2024

▪️ ဆေးခြောက်ပင် အသုံးပြုခြင်းဟာ ကိုဗစ်-၁၉ ရောဂါကူးစက်မှု ပြင်းထန်စေနိုင်ဖွယ်ရှိတယ်လို့ လေ့လာတွေ့ရှိထားပါတယ်။

▪️ ကိုဗစ်ပြင်းထန်စွာ ဖြစ်ပွားနိုင်ခြေ များစေတဲ့အထဲမှာ ဆေးခြောက်သုံးစွဲခြင်းလည်း ပါဝင်တယ်လို့ JAMA Network ဂျာနယ်မှာ ဖော်ပြထားပါတယ်။

▪️ မစ်ဆူရီနဲ့ အီလီနွိုက်တို့ရှိ BJC HealthCare ဆေးရုံဆေးခန်းများမှ အချက်အလက်များကို ရယူခဲ့ပါတယ်။

▪️ ထိုအခါမှာ ဗိုင်းရပ်စ်မကူးစက်ခင်နှစ်တွေမှာ ဆေးခြောက်ကို တစ်နည်းနည်းသုံးစွဲထားသူတွေက ဆေးရုံတက်ရောက်ကုသမှုနှုန်း ပိုများနေခဲ့ပါတယ်။

▪️ ဆေးခြောက်ပင်ဟာ သုံးစွဲရန် ဘေးကင်းစိတ်ချရပြီး ဆေးလိပ်သောက်ခြင်း၊ အရက်သောက်ခြင်းတို့လို ကျန်းမာရေးမထိစေဘူးလို့ အများကထင်ကြကြောင်း စိတ်ကျန်းမာရေးဆရာဝန် ပရော်ဖက်ဆာ လီရွှန်ချန်းက ဆိုပါတယ်။

▪️ ကိုဗစ်မကူးစက်ခင် ဆေးခြောက်သုံးစွဲခဲ့သူတွေဟာ ဆေးရုံတက်ကုသခံယူရမှု ၈၀ ရာခိုင်နှုန်းနဲ့ အထူးကြပ်မတ် ကုသရမှု ၂၇ ရာခိုင်နှုန်း ပိုမိုလိုအပ်ခဲ့ပါတယ်။

▪️ ဆေးလိပ်သောက်ခြင်းကတော့ ကိုဗစ်ကူးစက်တဲ့အခါ ပို၍ပင် အသက်အန္တရာယ်ပိုများပါတယ်။

▪️ ဆေးရွက်ကြီးသောက်ခြင်းက ကိုဗစ်ကြောင့် ဆေးရုံတက်ကုသမှုနှုန်း ၇၂ ရာခိုင်နှုန်းနဲ့ အထူးကြပ်မတ်ကုသမှုနှုန်း ၂၂ ရာခိုင်နှုန်း ပိုမိုလိုအပ်ခဲ့ပါတယ်။

▪️ ဆေးခြောက်က ကိုဗစ်ပိုမိုဆိုးရွားစေတဲ့ အကြောင်းအရင်းကတော့ ဆေးခြောက်ရှူတဲ့အခါ အဆုတ်တစ်ရှူးကို ထိခိုက်စေတာကြောင့် ဖြစ်နိုင်ပါတယ်။

▪️ ဆေးခြောက်ပင်က ကျန်းမာရေးအတွက် ကောင်းတယ်လို့ အထောက်အထားတွေလည်း ရှိထားပေမယ့် ယခုလေ့လာချက်က တကယ့်လက်တွေ့ အချက်အလက်တွေကို အချိန်ကြာမြင့်စွာ လေ့လာထားတာ ဖြစ်ပြီး သေချာအတည်ပြုထားတာ ဖြစ်ပါတယ်။

▪️ ဆေးခြောက်ရွက်ကို ဝါးစားတာကလည်း ခန္ဓာကိုယ်ခုခံအားကို နိမ့်ကျစေပြီး ဗိုင်းရပ်စ်ကို မတိုက်ထုတ်နိုင်ဘူးလို့ သုတေသီများက ဆိုပါတယ်။

#Source: The Jerusalem Post

ဂျပန်ယန်းငွေတန်ဖိုး ကျဆင်းနေတာကြောင့် ဂျပန်နိုင်ငံမှာ စားသောက်ကုန် အမျိုးအစားပေါင်း ၄၀၀ ကျော် ဈေးတက်နေသလို အမျိုးမျိုးသော တင်သွင်းအသီးအနှံများလည်း စံချိန်တင်မြင့်တက်နေပါတယ်။
#World_Business
Published 06 July 2024
#ဂျပန်ယန်းငွေတန်ဖိုးကျဆင်း #အမျိုးအစားပေါင်း(၄၀၀)ကျော်
#YMG #Yangon_Times #Yangon_Media_Group

#Daily_News
Published 06 July 2024

၁။ ရန်ကုန်တွင် ဝမ်းပျက်ဝမ်းလျောလူနာထက် ကလေးဖျားနာလူနာနှင့် သွေးလွန်တုပ်ကွေးလူနာများပိုများနေ

၂။ စက်သုံးဆီ ဈေးများဆက်တက်၊ တစ်လတာအတွင်းတစ်လီတာကို ကျပ် ၁၀၀ ကျော်မှ  ၅၀၀ကျော်အထိမြင့်တက်လာ

၃။ ဘောလုံးနည်းပြဖြစ်လိုသူများ နိုင်ငံတကာအသိအမှတ်ပြုဘောလုံးနည်းပြ ဒီပလိုမာသင်တန်း တက်ရောက်နိုင်ပြီ

၄။ ဂျပန်ယန်းငွေတန်ဖိုးကျဆင်းခြင်းကြောင့် စားသောက်ကုန်အမျိုးအစားပေါင်း(၄၀၀)ကျော်ဈေးနှုန်းမြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဘောလုံးနည်းပြဖြစ်လိုသူတွေအတွက် နိုင်ငံတကာကအသိအမှတ်ပြုတဲ့ ဘောလုံးနည်းပြဒီပလိုမာသင်တန်း ရန်ကုန်မှာတက်ရောက်နိုင်တော့မှာဖြစ်တယ်လို့ ဘောလုံးအဖွဲ့ချုပ်မှ သိရပါတယ်။
#Local_News
Published 06 July 2024
#ဒီပလိုမာသင်တန်း #ဘောလုံးနည်းပြ
#tthl #Yangon_Times

#Local_News
Published 06 July 2024

▪️ ရန်ကုန်တွင် ဝမ်းပျက်ဝမ်းလျှောလူနာနှင့် ဝမ်းလျှော၍ သေဆုံးလူနာများဆေးရုံပို့ဆောင်ပေးရခြင်းရှိကြောင်း လူမှုကူညီရေးအသင်းများမှ သိရသည်။

▪️ သာကေတ၊ ဒေါပုံ၊ ဗိုလ်တထောင်စသည့်မြို့နယ်များမှ ဝမ်းလျှော၍ ဆေးရုံပို့ပေးရသူများ သေဆုံးသူများ ရှိနေသည်ဟုဆိုသည်။

▪️ "လူနာငါးယောက်မှာ ၃ယောက်လောက်က ဝမ်းပျက်ဝမ်းလျောဖြစ်နေသို့ သယ်ပေးနေရပါတယ်။ ဝမ်းလျောဝမ်းပျက်လူနာတွေသယ်ဆောင်ပေးနေရတွေများနေပါတယ်။ ဒေါပုံ သဲကုန်းကမ်းနားလမ်းမှာ နှစ်ယောက်လောက်သယ်ပေးရတယ်။ သုံးယောက်လောက်တော့ဆုံးသွားတယ်လို့ ပြောတယ်။ သာကေတမှာတော့ ကာလဝမ်းရောဂါ ကာကွယ်ဆေးထိုးပေးနေပြီတော့ကြားတယ်"ဟု ရန်ကုန်တိုင်း၊ ဗိုလ်တ‌ထောင်မြို့နယ်ရှိလူမှုကူညီရေးအသင်းမှ တာဝန်ရှိသူတစ်ဦးက ပြောသည်။

▪️ ဝမ်းရောဂါမဖြစ်ပွားအောင် ယင်နားစာနှင့် မသန့်ရှင်းသောအစားအသောက်များကို မစားသောက်ရန်နှင့် လက်သန့်ရှင်းရေး၊ အိမ်သာသန့်ရှင်းရေးများကို အထူးဂရုစိုက်ရန် လိုအပ်‌ကြောင်းနှင့် ဆန်ဆေးရည်ကဲ့သို့ အရည်ကျဲကျဲ ဝမ်းသွားပါက ဆေးရုံသို့ အချိန်မီသွားရောက်ကြရန်လိုအပ်‌ကြောင်း သိရသည်။

#tthl #Yangon_Times

ရန်ကုန်ဈေးကွက်ထဲမှာ ဓာတ်ဆီနဲ့ ဒီဇယ်ဖြစ်တဲ့ စက်သုံးဆီဈေး‌တွေဆက်တက်ဆက်တက်နေပြီး တစ်လတာအတွင်း တစ်လီတာကိုကျပ် ၁၀၀ ကျော်မှ  ၅၀၀ကျော်အထိမြင့်တက်လာတယ်လို့ ဈေးကွက်ထဲက သိရပါတယ်။
#Local_News
Published 06 July 2024
#စက်သုံးဆီဈေး‌ဆက်တက် #စက်သုံးဆီဈေး‌ကွက်
#NN #Yangon_Times

ရန်ကုန်မှာ  ဝမ်းလျောလူနာတွေထက် မိုးတွင်း တုပ်ကွေးဖြစ်ကာ ဖျားနာတဲ့ လူကြီး၊ ကလေးလူနာတွေနဲ့ သွေးလွန်တုပ်ကွေးဖြစ်တဲ့ ကလေးငယ်တွေကိုသာ ဆေးရုံပို့ဆောင်ပေးနေရတယ်လို့ လူမှုကူညီရေးအဖွဲ့တွေထံမှ  သိရပါတယ်။
#Local_News
Published 06 July 2024
#ကလေးဖျားနာလူနာ #သွေးလွန်တုပ်ကွေးလူနာ
#tthl #Yangon_Times

#Local_News
Published 7 July 2024

▪️ ယခုရက်သတ္တပတ်အတွင်း မိုးအလွန်အကျွံရွာသွန်းခြင်းနှင့် မြစ်ရေကြီးခြင်းများကြောင့် ငါးမွေးမြူရေးကန်များ ရေဝင်နစ်မြု-ပ်ခြင်းမှ ကြိုတင်ကာကွယ်ရန်နှင့် ဆုံးရှုံးမှုလျော့နည်းစေရေးအတွက် ငါးလုပ်ငန်းဦးစီးဌာနက သတိပေး ကြေညာထားသည်။

▪️ အဆိုပါ ထုတ်ပြန်ချက်တွင် ငါးမွေးမြူရေးကန်များ၏ ကန်ပေါင်များခိုင်ခံ့ရန်အတွက် ကန်ပေါင်ပါးသောနိမ့်သောနေရာများတွင် သဲအိတ်များဖို့၍ ကန်ပေါင်ခိုင်ခံ့ရန် ပြုလုပ်ထားခြင်း၊ ရေကြီးရေလျှံလာပါက ငါးများလွတ်ထွက်မှုမရှိစေရေးအတွက် ဇာပြာပိုက်များဖြင့် ကာရံထားခြင်း၊ ရေစီးကြောင်းနှင့်နီးသော ငါးကန်များတွင် ရေတိုက်စားမှုကာကွယ်ရန်အတွက် တုတ်ရိုက်ပြီးဝါးထရံများဖြင့် ကာရံ၍ သဲအိတ်များ ဖို့ထားခြင်း၊ လိုအပ်ပါက ငါးများရွှေ့ပြောင်းနိုင်ရန်အတွက် ငါးဖမ်းပိုက်များ၊ စက်လှေများနှင့် စက်ပစ္စည်းများအား ကြိုတင်ပြင်ဆင်ထားခြင်းများကို လုပ်ဆောင်ထားရန်လိုအပ်ကြောင်း သိရသည်။

▪️ ထို့အပြင် အဓိကအားဖြင့် မျိုးငါးကြီးများအား ဦးစားပေးရွှေ့ပြောင်းပေးခြင်း၊ သိုလှောင်ထားသော ငါးအစာနှင့်လုပ်ငန်းသုံးပစ္စည်းများအား ရေလွတ်သောနေရာသို့ ရွှေ့ပြောင်းထားခြင်း၊ပုံမှန်အစာကျွေးခြင်းဖြင့် ငါးများလွတ်ထွက်မသွားစေရေး ဆောင်ရွက်ထားခြင်းတို့ကိုလည်း ကြိုတင်ပြင်ဆင် ပြုလုပ်ရန်လိုအပ်ကြောင်း၊ မွေးမြူရေးကန်၏ ရေထွက်/ရေလျှံပေါက်များ၊ ရေကျော်မည့်နေရာများအား အစဉ်ဂရုတစိုက်စစ်ဆေးနေကာထူးခြားသည့်အခြေအနေများ အချိန်နှင်တစ်ပြေးညီသိရှိနိုင်ရန်အတွက် ဆက်သွယ်သတင်းပို့နိုင်မည့် နည်းလမ်းများကြိုတင်ပြင်ဆင်ထားရန်လိုကြောင်းလည်း ဆိုထားသည်။

▪️ ရေကြီးနစ်မြု-ပ်မှုများ အတွက်လည်း အရေးပေါ်အခြေအနေများဖြစ်ပေါ်ပါက နီးစပ်ရာငါးလုပ်ငန်းဦးစီးဌာနများနှင့် ဆက်သွယ်အကူအညီ တောင်းခံနိုင်ကြောင်းနှင့် နိုင်ငံပိုင်ရေဒီယို၊ အသံလွှင့်ဌာနများမှ ထုတ်လွှင့်လျက်ရှိသော အရေးပေါ်မိုးလေဝသသတိပေးချက်များနှင့် ပတ်သက်သည့် သတင်းများကို အမြဲဂရုတစိုက်နားထောင်ကာ ပြည်တွင်းထုတ်နေ့စဉ် သတင်းစာများတွင်ပါရှိသည့် မိုးလေဝသနှင့်ပတ်သက်သည့် သတင်း၊ ဆောင်းပါးများအား အမြဲမပြတ်ဖတ်ရှုသတိပြုပြီး ငါးမွေးမြူသူအချင်းချင်း သတင်းအချက်အလက်ဖလှယ်ကြရန်လိုကြောင်းလည်း သိရသည်။

#YMG/ NN #Yangon_Times

#World_Politics
Published 06 July 2024

▪️ ဗြိတိန်ဝန်ကြီးချုပ်အသစ် ဖြစ်လာတဲ့ ကီယာစတားမားက အပြတ်အသတ် မဲအနိုင်ရရှိခဲ့တာနဲ့အတူ တိုင်းပြည်ကို ပြန်လည်တည်ဆောက်သွားမယ်လို့ သောကြာနေ့က ကတိပြုလိုက်ကာ နှစ်ပေါင်းများစွာတိုင်အောင် ဆူပူအုံကြွတာတွေ၊ ပဋိပက္ခတွေ ဖြစ်ပြီးနောက် နိုင်ငံရေးဖိအားတွေကို လျှော့သွားချင်တယ်လို့ ဆိုလိုက်ပါတယ်။

▪️ ကွန်ဆာဗေးတစ်အစိုးရ ၁၄ နှစ်အုပ်ချုပ်ခဲ့ပြီးနောက် စတားမားရဲ့ အလုပ်သမားပါတီက လွှတ်တော်ရွေးကောက်ပွဲမှာ အပြတ်အသတ် အနိုင်ရခဲ့တာဖြစ်ကာ တွေ့ကြုံလာရမယ့် အခက်အခဲ ဘယ်လောက်ကြီးမားလဲဆိုတာကို သိရှိထားတယ်လို့ စတားမားက နံပါတ်(၁၀)ဒေါင်းနင်းလမ်းရှိ ဝန်ကြီးချုပ်ရုံးနေအိမ်အပြင်ဘက်ကနေ ပြောကြားသွားပါတယ်။

▪️ တိုးတက်ရေးမှန်သမျှက အချိန်ယူရမှာဖြစ်ပြီး အရင်ဆုံး နိုင်ငံရေးမှာ ယုံကြည်မှုရအောင် ပြန်လည်တည်ဆောက်ဖို့ လိုအပ်ကြောင်း သတိပေးလိုက်ပါတယ်။

▪️ အခုလို မယုံကြည်တာတွေကို စကားလုံးတွေနဲ့တင် မဟုတ်ဘဲ လုပ်ရပ်တွေနဲ့သာ ပြန်ဖြေရှင်းရမှာဖြစ်ကြောင်း ဆိုပါတယ်။

▪️ စတားမားကို ခမ်းခမ်းနားနား ကြိုဆိုခဲ့ကြပြီး မိန့်ခွန်းမပြောခင်မှာ လုပ်ဖော်ကိုင်ဖက်တွေနဲ့ လက်ဆွဲနှုတ်ဆက်ခဲ့ပါတယ်။

▪️ ကွန်ဆာဗေးတစ်တွေ လက်ထက်မှာ အရှုပ်တော်ပုံတွေ ဖြစ်ပြီးနောက် ပြည်သူတွေက နိုင်ငံရေးကို အမြင်မှားလာကြတာ သဘောပေါက်ထားတယ်လို့လည်း ပြောပါတယ်။

▪️ ကြာသပတေးနေ့ ရွေးကောက်ပွဲမှာ ကွန်ဆာဗေးတစ်တွေ အပြတ်အသတ် ရှုံးနိမ့်ခဲ့တာဟာ ဗြိတိန်နိုင်ငံသားတွေက ပြောင်းလဲစတင်မှုကို အလိုရှိနေကြပြီဆိုတဲ့ အဓိပ္ပာယ်ဖြစ်တယ်လို့ စတားမားက ပြောပါတယ်။

▪️ ဗဟို-လက်ဝဲရောက် အလုပ်သမားပါတီက လွှတ်တော်နေရာ ၆၅၀ ဖြင့် မဲအပြတ်အသတ် အနိုင်ရခဲ့ကာ ဝန်ကြီးချုပ်ဟောင်း ရီရှီဆူနက်ခ်ကတော့ ‌သောကြာနေ့နံနက်မှာ ရာထူးမှနုတ်ထွက်ခဲ့ပါတယ်။

▪️ ဗြိတိန်မှာ မူဝါဒလမ်းစဉ်တွေကြောင့် ဝန်ပိနေတာမျိုးမရှိတဲ့ အစိုးရမျိုး ဖြစ်စေရမယ်လို့ ဆိုပါတယ်။

▪️ ရီရှီဆူနက်ခ်ရဲ့ ကွန်ဆာဗေးတစ်တွေက သမိုင်းတလျှောက် အဆိုးရွားဆုံး မဲပေးမှုရရှိခဲ့ပြီး ယင်းတို့လက်ထက် နေထိုင်စရိတ် မြင့်မားလာခြင်း၊ အများပြည်သူ ဝန်ဆောင်မှုစနစ်များ ကျဆင်းလာခြင်း၊ အရှုပ်တော်ပုံများ ကြုံတွေ့လာရခြင်းတို့ကြောင့် မဲပေးသူတွေက မဲမပေးကြတော့တာ ဖြစ်ပါတယ်။

▪️ စတားမားအစိုးရအဖွဲ့ထဲမှာ ရေချယ်ရိဗ်စ်က ဗြိတိန်ရဲ့ ပထမဆုံး အမျိုးသမီးဘဏ္ဍာရေးဝန်ကြီး ဖြစ်လာကာ အိန်ဂျလာရေနာက လက်ထောက်ဝန်ကြီးချုပ်၊ ဒေးဗစ်လမ်မီက နိုင်ငံခြားရေးဝန်ကြီး ဖြစ်လာပါတယ်။

▪️ အလုပ်သမားပါတီက လွန်ခဲ့တဲ့ ၃ နှစ်လောက်က ပျောက်ကွယ်လုနီးပါး ဖြစ်ခဲ့ရာကနေ အံ့အားသင့်ဖွယ် ပြန်လာနိုင်ခဲ့တာ ဖြစ်တယ်လို့ ထောက်ခံသူများနဲ့ ဝေဖန်ရေးများက ဆိုခဲ့ကြပါတယ်။

#Source: Reuters

#Local_News
Published 6 July 2024

▪️ ချင်းတွင်းမြစ်နှင့် နန့်ရင်းချောင်းရေဝင်ရောက်မှုများကြောင့်  ဟုမ္မလင်းနှင့် မိုးကောင်းမြို့နယ်ရှိကျေးရွာများအား ကူညီကယ်ဆယ်‌ရေးပြုလုပ်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင် ၅ရက်နေ့၊ မနက်၇နာရီ  အချိန်က  ကချင်ပြည်နယ်၊ မိုးကောင်းမြို့၊ မြေနိမ့်ပိုင်းရပ်ကွက်များသို့ နန့်ရင်းချောင်းရေဝင်ရောက်မှုကြောင့် မိုးကောင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရှာဖွေကယ်ဆယ်ရေးလှေ (၃)စီး၊ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ကူညီကယ်ဆယ်ရွှေ့ပြောင်းပေးခြင်းလုပ်ငန်းများ ဆောင်ရွက်ပေးခဲ့ကြောင်း သိရသည်။

▪️ အလားတူ ဇူလိုင်၅ရက်နေ့၊ မနက်၉ နာရီ၅ မိနစ်  အချိန်က စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ ဂွေးတောက်ကုန်းကျေးရွာအုပ်စု၊ မင်းသာယာကျေးရွာတွင် ချင်းတွင်းမြစ်ရေမြင့်တက်မှုကြောင့် ဟုမ္မလင်းမြို့နယ် မီးသတ်စခန်းမှ အမြန်ရေယာဉ်(၂) စီး ၊ ဇက်ရေယာဉ်(၁)စီး၊ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့်ပူးပေါင်း၍ ကူညီကယ်ဆယ်ရွှေ့ပြောင်းပေးခြင်းလုပ်ငန်းများ ဆောင်ရွက်ပေးခဲ့ကြောင်း သိရသည်။

#YMG/NN #Yangon_Times