#World_News
Published 25 September 2025
▪️ အမေရိကန်သမ္မတ ဒေါ်နယ်ထရမ့်က ကုလသမဂ္ဂရောက်စဉ်မှာ နည်းပညာပိုင်း အခက်အခဲများစွာ ကြုံခဲ့ရပြီးနောက် သုံးခါပြန် ဖျက်လိုဖျက်ဆီးလုပ်တယ်လို့ ကုလသမဂ္ဂကို စွပ်စွဲလိုက်ကာ စုံစမ်းစစ်ဆေးမှုများ၊ ဖမ်းဆီးမှုများပြုလုပ်ရန် တောင်းဆိုလိုက်ပါတယ်။
▪️ ထရမ့်ဟာ အလုပ်မလုပ်တဲ့ စက်လှေကား၊ စာသားပြကင်မရာဘေးတွဲစက်တို့ဖြင့် ကြုံခဲ့ရကာ အထွေထွေညီလာခံသို့ မိန့်ခွန်းပြောစဉ်မှာ အသံလုံးဝပိတ်နေတယ်လို့ အသိပေးခံခဲ့ရပါတယ်။
▪️ ဒါဟာ တိုက်ဆိုင်မှု မဟုတ်ကြောင်း၊ သုံးကြိမ်တိုင် ဖျက်လိုဖျက်ဆီးလုပ်တာဖြစ်ကြောင်း၊ ကုလအနေနဲ့ အရှက်ရသင့်ကြောင်း ထရမ့်က စက်တင်ဘာ ၂၄ ရက်နေ့က ဆိုရှယ်မီဒီယာမှာ ဖော်ပြခဲ့ပါတယ်။
▪️ ဒါနဲ့ ပတ်သက်ပြီး ကုလကတုံ့ပြန်ပြောကြားခြင်း မရှိသေးပါဘူး။
▪️ ကုလပြောရေးဆိုခွင့်ရှိသူ စတက်ဖာနီဒူဂျာရစ်က ဓာတ်လှေကားဖြစ်ရပ်ကို စစ်ဆေးခဲ့ရာမှာ ထရမ့်အဖွဲ့ဝင်တစ်ဦးကြောင့်ပဲ စက်လှေကား အလုပ်မလုပ်တာ ဖြစ်နိုင်တယ်လို့ ထုတ်ပြန်ခဲ့ပါတယ်။
▪️ အမေရိကန် ကိုယ်စားလှယ်အဖွဲ့က ထရမ့်ရောက်ရှိလာတာကို ကင်မရာရိုက်နေရင်း စက်လှေကားကို နောက်ပြန်စီးလာတယ်လို့ ဒူဂျာရစ်က ပြောပါတယ်။
▪️ ထိုအခါမှာ ကင်မရာသမားက ဘေးကင်းရေးခလုတ်ကို ထိမိသွားပြီးနောက် စက်လှေကားရပ်တန့်သွားခဲ့တယ်လို့ စစ်ဆေးတွေ့ရှိကြောင်း ထုတ်ပြန်ထားပါတယ်။
▪️ အမေရိကန်က သူတို့ရဲ့ တယ်လီပရွမ်တာစက် ကိုပဲ အသုံးပြုခဲ့တယ်လို့ ကုလအရာရှိတစ်ဦးက ပြောပါတယ်။
▪️ အထွေထွေညီလာခံဥက္ကဌ အန်နာလီနာဘာဘော့ခ်က ကုလရဲ့ တယ်လီပရွမ်တာစက်တွေ ကောင်းကောင်းအလုပ်လုပ်တယ်လို့ ပြောသွားပါတယ်။
▪️ အဆိုပါ နည်းပညာချို့ယွင်းမှုများအတွက် လျှို့ဝှက်စုံစမ်းရေးအဖွဲ့က စစ်ဆေးကြည့်ရှုသွားမယ်လို့ ကုလသံအမတ် မိုက်ခ်ဝေါ့ဇ်နဲ့ ထရမ့်တို့က ပြောသွားပါတယ်။
Source: USA Today
