#World_News
Published 20 September 2025
▪️ ဒေါ်နယ်ထရမ့်အစိုးရအဖွဲ့က H-1B အလုပ်သမားဗီဇာအတွက် ကုမ္ပဏီများကို တစ်နှစ်လျှင် ဒေါ်လာတစ်သိန်းပေးရန် တောင်းဆိုသွားမယ်လို့ သောကြာနေ့က ပြောကြားလိုက်ရာ အိန္ဒိယနဲ့ တရုတ်မှ ကျွမ်းကျင်လုပ်သားများအပေါ် မှီခိုနေရတဲ့ နည်းပညာကဏ္ဍ အကြီးအကျယ် အခက်ကြုံရနိုင်ဖွယ် ရှိနေပါတယ်။
▪️ H-1B ဗီဇာအစီအစဉ် ပြန်လည်ပုံသွင်းမယ့် ခြေလှမ်းဟာ ယာယီအလုပ်သမားဗီဇာတွေကို ပြန်လည်ပြုပြင်သွားဖို့ အစိုးရအားထုတ်မှုသဘော ဖြစ်ပါတယ်။
▪️ လူတွေကို လေ့ကျင့်သင်ကြားပေးချင်တယ်ဆိုရင် တိုင်းပြည်အနှံ့ တက္ကသိုလ်ကြီးတွေမှ အမေရိကန်ဘွဲ့ရတွေကို လေ့ကျင့်ရမှာဖြစ်ကြောင်း၊ တိုင်းတစ်ပါးကလူတွေကို အလုပ်နေရာပေးတာတွေ ရပ်တန့်သင့်ကြောင်း အမေရိကန် စီးပွားကူးသန်းဝန်ကြီး ဟောင်းဝပ်လုနစ်က ပြောပါတယ်။
▪️ ယခု ထရမ့်အားထုတ်နေတဲ့ နည်းပညာကဏ္ဍဟာ သမ္မတရွေးကောက်ပွဲစည်းရုံးရေးတွေမှာ ဒေါ်လာသန်းနဲ့ချီ ပါဝင်ထောက်ပံ့ထားတာ ဖြစ်ပါတယ်။
ဒီအစီအစဉ်က အမေရိကန်လုပ်သားတွေရဲ့ လုပ်အားလစာတွေ နည်းစေပြီး ထိခိုက်စေမယ်လို့ ဆိုနေကြပါတယ်။
▪️ အိန္ဒိယက H-1B ဗီဇာအကျိုးခံစားခွင့်တွေရဲ့ ၇၁ ရာခိုင်နှုန်းရထားကာ Amazon နဲ့ Microsoft တို့လို ကုမ္ပဏီကြီးတွေက ဒီပေါ်မှာ များစွာမှီထိုနေရပါတယ်။
▪️ တောင်းဆိုမှုနှုန်းထားကြောင့် ကုမ္ပဏီတွေအနေနဲ့ နိုင်ငံရပ်ခြားသို့ လုပ်ငန်းပြောင်းရွှေ့ရဖွယ်ရှိလာပြီး AI နဲ့ ဆန်းသစ်တီထွင်မှုကဏ္ဍတွေမှာ အမေရိကန်ရဲ့ ရပ်တည်မှုကို သက်ရောက်လာနိုင်ပါတယ်။
▪️ ဒေါ်လာတစ်သန်းတန်ဖိုးရှိတဲ့ Gold Card နေထိုင်ရေးအစီအစဉ်အတွက်လည်း သမ္မတအမိန့်လက်မှတ်ရေးထိုးခဲ့ပါတယ်။
Source: Reuters
